Ashtavakra Gita Dashamo'dhyayah

ॐ

அஷ்டாவக்ர கீதா தஶமோऽத்யாயஃ

Gita Tamil

அஷ்டாவக்ர உவாச ॥

விஹாய வைரிணம் காமமர்தம் சாநர்தஸங்குலம் ।

தர்மமப்யேதயோர்ஹேதும் ஸர்வத்ராநாதரம் குரு ॥ 10-1॥

ஸ்வப்நேந்த்ரஜாலவத் பஶ்ய திநாநி த்ரீணி பஞ்ச வா ।

மித்ரக்ஷேத்ரதநாகாரதாரதாயாதிஸம்பதஃ ॥ 10-2॥

யத்ர யத்ர பவேத்த்ரு'ஷ்ணா ஸம்ஸாரம் வித்தி தத்ர வை ।

ப்ரௌடவைராக்யமாஶ்ரித்ய வீதத்ரு'ஷ்ணஃ ஸுகீ பவ ॥ 10-3॥

த்ரு'ஷ்ணாமாத்ராத்மகோ பந்தஸ்தந்நாஶோ மோக்ஷ உச்யதே ।

பவாஸம்ஸக்திமாத்ரேண ப்ராப்திதுஷ்டிர்முஹுர்முஹுஃ ॥ 10-4॥

த்வமேகஶ்சேதநஃ ஶுத்தோ ஜடம் விஶ்வமஸத்ததா ।

அவித்யாபி ந கிஞ்சித்ஸா கா புபுத்ஸா ததாபி தே ॥ 10-5॥

ராஜ்யம் ஸுதாஃ கலத்ராணி ஶரீராணி ஸுகாநி ச ।

ஸம்ஸக்தஸ்யாபி நஷ்டாநி தவ ஜந்மநி ஜந்மநி ॥ 10-6॥

அலமர்தேந காமேந ஸுக்ரு'தேநாபி கர்மணா ।

ஏப்யஃ ஸம்ஸாரகாந்தாரே ந விஶ்ராந்தமபூந் மநஃ ॥ 10-7॥

க்ரு'தம் ந கதி ஜந்மாநி காயேந மநஸா கிரா ।

துஃகமாயாஸதம் கர்ம ததத்யாப்யுபரம்யதாம் ॥ 10-8॥

Roman (IAST) Transliteration

aṣṭāvakra uvāca ||

vihāya vairiṇaṃ kāmamarthaṃ cānarthasaṅkulam |

dharmamapyetayorhetuṃ sarvatrānādaraṃ kuru || 10-1||

svapnendrajālavat paśya dināni trīṇi pañca vā |

mitrakṣetradhanāgāradāradāyādisampadaḥ || 10-2||

yatra yatra bhavettṛṣṇā saṃsāraṃ viddhi tatra vai |

prauḍhavairāgyamāśritya vītatṛṣṇaḥ sukhī bhava || 10-3||

tṛṣṇāmātrātmako bandhastannāśo mokṣa ucyate |

bhavāsaṃsaktimātreṇa prāptituṣṭirmuhurmuhuḥ || 10-4||

tvamekaścetanaḥ śuddho jaḍaṃ viśvamasattathā |

avidyāpi na kiñcitsā kā bubhutsā tathāpi te || 10-5||

rājyaṃ sutāḥ kalatrāṇi śarīrāṇi sukhāni ca |

saṃsaktasyāpi naṣṭāni tava janmani janmani || 10-6||

alamarthena kāmena sukṛtenāpi karmaṇā |

ebhyaḥ saṃsārakāntāre na viśrāntamabhūn manaḥ || 10-7||

kṛtaṃ na kati janmāni kāyena manasā girā |

duḥkhamāyāsadaṃ karma tadadyāpyuparamyatām || 10-8||