6.57 Yuddhakanda - Saptapanchasha Sargah

ॐ

6.57 යුද්ධකාණ්ඩ - සප්තපඤ්චාශ සර්ගඃ

Valmiki Sinhala

ශ්රීමද්වාල්මීකීය රාමායණේ යුද්ධකාණ්ඩම් .

අථ සප්තපඤ්චාශස්සර්ගඃ .

අකම්පනවධංශ්රුත්වාක්රුද්ධෝවෛරාක්ෂසේශ්වරඃ .

කිඤ්චිදදීනමුඛශ්චාපිසචිවාංස්තානුදෛක්ෂත .. 1 ..

සතුධ්යාත්වාමුහූර්තන්තුමන්ත්රිභිස්සංවිචාර්යච .

තතස්තුරාවණඃපූර්වදිවසේරාක්ෂසාධිපඃ .. 2 ..

පුරීම්පරියයෞලඞ්කාංසර්වගුල්මානවේක්ෂිතුම් .

තාංරාක්ෂසගණෛර්ගුප්තාඞ්ගුල්මෛර්බහුභිරාවෘතාම් .. 3 ..

දදර්ශනගරීංලඞ්කාම්පතාකාධ්වජමාලිනීම් .

රුද්ධාන්තුනගරීන්දෘෂ්ටවාරාවණෝරාක්ෂසේශ්වරඃ .. 4 ..

උවාචාත්මහිතඞ්කාලේප්රහස්තංයුද්ධකෝවිදම් .

පුරස්යෝපනිවිෂ්ටස්යසහසාපීඩිතස්යවා .. 5 ..

නාන්යංයුද්ධාත්ප්රපශ්යාමිමෝක්ෂංයුද්ධවිශාරද .

අහංවාකුම්භකර්ණෝවාත්වංවාසේනාපතිර්මම .. 6 ..

ඉන්ද්රජිද්වානිකුම්භෝවාවහේයුර්භාරමීදෘශම් .

සත්වම්බලමතශ්ශීඝ්රමාදායපරිගෘහ්යච .. 7 ..

විජයායාභිනිර්යාහියත්රසර්වේවනෞකසඃ .

නිර්යාණායාදේවතේනූනඤ්චපලාහරිවාහිනී .. 8 ..

නර්දතාංරාක්ෂසේන්ද්රාණාංශ්රුත්වානාදන්ද්රවිෂ්යති .

චපලාහ්යවිනීතාශ්චචලචිත්තාශ්චවානරාඃ .. 9 ..

නසහිෂ්යන්තිතේනාදංසිංහනාදමිවද්විපාඃ .

විද්රුතේචබලේතස්මින් රාමඃසෞමිත්රිණාසහ .. 10 ..

අවශස්තේනිරාලම්බඃප්රහස්තවශමේෂ්යති .

ආපත්සංශයිතාශ්රේයෝනාත්රනිස්සංශයීකෘතා .. 11 ..

ප්රතිලෝමානුලෝමංවායද්වානෝමන්යසේහිතම් .

රාවණේනෛවමුක්තස්තුප්රහස්තෝවාහිනීපතිඃ .. 12 ..

රාක්ෂසේන්ද්රමුවාචේදමසුරේන්ද්රමිවෝශනා .

රාජන්මන්ත්රිතපූර්වන්නඃකුශලෛස්සහමන්ත්රිභිඃ .. 13 ..

විවාදශ්චාපිනෝවෘත්තස්සමවේක්ෂ්යපරස්පරම් .

ප්රදානේනතුසීතායාඃශ්රේයෝව්යවසිතම්මයා .. 14 ..

අප්රදානේපුනර්යුද්ධන්දෘෂ්ටමේත්තථෛවනඃ .

සෝ(අ)හන්දානෛශ්චමානෛශ්චසතතම්පූජිතස්ත්වයා .. 15 ..

සාන්ත්වෛශ්චවිවිධෛඃකාලේකින්නකුර්යාංහිතන්තව .

නහිමේජීවිතංරක්ෂ්යම්පුත්රදාරධනානිච .. 16 ..

ත්වම්පශ්යමාඤ්ජුහූෂන්තන්ත්වදර්ථේජීවිතංයුධි .

ඒවමුක්ත්වාතුභර්තාරංරාවණංවාහිනීපතිඃ .. 17 ..

උවාචේදම්බලාධ්යක්ෂාන්ප්රහස්තඃපුරතඃස්ථිතාන් .

මේශීඝ්රංරාක්ෂසානාම්මහාද්බලම් .. 18 ..

මද්භාණාබ්දාවේගේනහතානාංශනිචරණාජිරේ .

අද්යහෘෂ්යන්තුමාංසාදාඃපක්ෂිණඃකානනෞකසාම් .. 19 ..

ඉත්යුක්තාස්තේප්රහස්තේනබලාධ්යක්ෂාඃ කෘතත්වරාඃ .

බලමුද්යෝජයාමාසුස්තස්මින්රාක්ෂසමන්දිරේ .. 20 ..

සාබභූවමුහූර්තේනනිග්මර්නානාවිධායුධෛඃ .

ලඞ්කාරාක්ෂසවීරෛස්තෛර්ගජෛරිවසමාකුලා .. 21 ..

හුතාශනන්තර්පයතාම්බ්රාහ්මණාංශ්චනමස්යතාම් .

ආජ්යගන්ධප්රතිවහඃසුරභිර්මාරුතෝවවෞ .. 22 ..

ස්රජශ්චවිවිධාකාරාජගෘහුස්ත්වභිමන්ත්රිතාඃ .

සඞ්ග්රාමසජ්ජාඃසම්හෘෂ්ටාධරායන්රාක්ෂසාස්තදා .. 23 ..

සධනුෂ්කාඃකවචිනෝවේගාදාප්ලුත්යරාක්ෂසාඃ .

රාවණම්ප්රේක්ෂ්යරාජානම්ප්රහස්තම්පර්යවාරයන් .. 24 ..

අථාමන්ත්ऱ්යතුරාජානම්භේරීමාහත්යභෛරවාම් .

ආරුරෝහරථංයුක්තඃප්රහස්තස්සජ්ජකල්පිතම් .. 25 ..

හයෛර්මහාජවෛර්යුක්තංසම්යක්සූතසුසංයතම් .

මහාජලදනිර්ඝෝෂංසාක්ෂාච්චන්ද්රාර්කභාස්වරම් .. 26 ..

උරගධ්වජදුර්ධර්ෂංසුවරූථංස්වවස්කරම් .

සුවර්ණජාලසංයුක්තම්ප්රහසන්තමිවශ්රියා .. 27 ..

තතස්තංරථමාස්ථායරාවණාර්පිතශාසනඃ .

ලඞ්කායානිර්යයෞතූර්ණම්බලේනමහතාවෘතඃ .. 28 ..

තතෝදුන්ධුභිනිර්ඝෝෂඃපර්ජන්යනිනදෝපමඃ .

වාදිත්රාණාඤ්චනිනදඃපූරයන්නිවමේදිනීම් .. 29 ..

ශුශ්රුවේශඞ්ඛශබ්දශ්චප්රයාතේවාහිනීපතෞ .

නිනදන්තස්ස්වරාන්ඝෝරාන්රාක්ෂසාජග්මුරග්රතඃ .. 30 ..

භීමරූපාමහාකායාඃප්රහස්තස්යපුරස්සරාඃ .

නරාන්තකඃකුම්භහනුර්මහානාදස්සමුන්නතඃ .. 31 ..

ප්රහස්තසචිවාහ්යේතේනිර්යයුඃපරිවාර්යතම් .

ව්යූඪේනේවසුඝෝරේණපූර්වද්වාරාත්සනිර්යයෞ .. 32 ..

ගජයූථනිකාශේනබලේනමහතාවෘතඃ .

සාගරප්රතිමෞඝේනවෘතස්තේනබලේනසඃ .. 33 ..

ප්රහස්තෝනිර්යයෞක්රුද්ධඃකාලාන්තකයමෝපමඃ .

තස්යනිර්යාණඝෝෂේණරාක්ෂසානාඤ්චනර්දතාම් .. 34 ..

ලඞ්කායාංසර්වභූතානිවිනේදුර්විකෘතෛස්ස්වරෛඃ .

ව්යභ්රමාකාශමාවිශ්යමාංසශෝණිතභෝජනාඃ .. 35 ..

මණ්ඩලාන්යපසව්යානිඛගාශ්චක්රූරථම්ප්රති .

සම්නත්යඃපාවකජ්වාලාඃශිවාඝෝරාවවාශිරේ .. 36 ..

අන්තරික්ෂාත්පපාතෝල්කාවායුශ්චපරුෂංවනෞ .

අන්යෝන්යමභිසංරබ්ධාග්රහාශ්චනචකාශිරේ .. 37 ..

මේඝාශ්චඛරනිර්ඝෝෂාරථස්යෝපරිරක්ෂසඃ .

වවෘෂංරුධිරඤ්චාස්යසිෂිචුශ්චපුරස්සරාන් .. 38 ..

කේතුර්මූර්ධනිගෘධ්රෝ(අ)ස්යනිලීනෝදක්ෂිණාමුඛඃ .

තුදන්නුභයතඃපාර්ශ්වංසමග්රාමහරත්ප්රභාම් .. 39 ..

සාරථේර්භහුශශ්චාස්යසඞ්ග්රාමමවගාහතඃ .

ප්රතෝදෝන්යපතද්ධස්තාත්සූතස්යහයසාදිනඃ .. 40 ..

නිර්යාණශ්රීශ්චයා(අ)ස්යාසීද්භාස්වරාවසුදුර්ලභාඃ .

සානනාශමුහූර්තේනසමේචස්ඛලිතාහයාඃ .. 41 ..

ප්රහස්තන්ත්වභිනිර්යාන්තම්ප්රඛ්යාතබලපෞරුෂම් .

යුධිනානාප්රහරණාකපිසේනා(අ)භ්යවර්තත .. 42 ..

අථඝෝෂස්සුතුමුලෝහරීණාංසමජායත .

වෘක්ෂානාරුජතාඤ්චෛවගුර්වීරාගෘහ්ණතාංශිලාඃ .. 43 ..

නදතාංරාක්ෂසානාඤ්චවානරාණාඤ්චගර්ජතාම් .

උභේප්රමුදිතේසෛන්යේරක්ෂෝගණවනෞකසාම් .. 44 ..

වේගිතානාංසමර්ථානාමන්යෝන්යවධකාඞ් ක්ෂිණාම් .

පරස්පරඤ්චාහ්වයතාන්නිනාද්ශූයතේමහාන් .. 45 ..

තතඃප්රහස්තඃකපිරාජවාහිනීමභිප්රතස්ථේවිජයායදුර්මතිඃ .

විවෘද්ධවේගංශ්චවිවේශතාඤ්චමූංයථාමුමූර්ෂුශ්ශලභෝවිභාවසුම් .. 46 ..

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ සප්තපඤ්චාශස්සර්ගඃ ..

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha saptapañcāśassargaḥ |

akampanavadhaṃśrutvākruddhovairākṣaseśvaraḥ |

kiñcidadīnamukhaścāpisacivāṃstānudaikṣata || 1 ||

satudhyātvāmuhūrtantumantribhissaṃvicāryaca |

tatasturāvaṇaḥpūrvadivaserākṣasādhipaḥ || 2 ||

purīmpariyayaulaṅkāṃsarvagulmānavekṣitum |

tāṃrākṣasagaṇairguptāṅgulmairbahubhirāvṛtām || 3 ||

dadarśanagarīṃlaṅkāmpatākādhvajamālinīm |

ruddhāntunagarīndṛṣṭavārāvaṇorākṣaseśvaraḥ || 4 ||

uvācātmahitaṅkāleprahastaṃyuddhakovidam |

purasyopaniviṣṭasyasahasāpīḍitasyavā || 5 ||

nānyaṃyuddhātprapaśyāmimokṣaṃyuddhaviśārada |

ahaṃvākumbhakarṇovātvaṃvāsenāpatirmama || 6 ||

indrajidvānikumbhovāvaheyurbhāramīdṛśam |

satvambalamataśśīghramādāyaparigṛhyaca || 7 ||

vijayāyābhiniryāhiyatrasarvevanaukasaḥ |

niryāṇāyādevatenūnañcapalāharivāhinī || 8 ||

nardatāṃrākṣasendrāṇāṃśrutvānādandraviṣyati |

capalāhyavinītāścacalacittāścavānarāḥ || 9 ||

nasahiṣyantitenādaṃsiṃhanādamivadvipāḥ |

vidrutecabaletasmin rāmaḥsaumitriṇāsaha || 10 ||

avaśastenirālambaḥprahastavaśameṣyati |

āpatsaṃśayitāśreyonātranissaṃśayīkṛtā || 11 ||

pratilomānulomaṃvāyadvānomanyasehitam |

rāvaṇenaivamuktastuprahastovāhinīpatiḥ || 12 ||

rākṣasendramuvācedamasurendramivośanā |

rājanmantritapūrvannaḥkuśalaissahamantribhiḥ || 13 ||

vivādaścāpinovṛttassamavekṣyaparasparam |

pradānenatusītāyāḥśreyovyavasitammayā || 14 ||

apradānepunaryuddhandṛṣṭamettathaivanaḥ |

so'handānaiścamānaiścasatatampūjitastvayā || 15 ||

sāntvaiścavividhaiḥkālekinnakuryāṃhitantava |

nahimejīvitaṃrakṣyamputradāradhanānica || 16 ||

tvampaśyamāñjuhūṣantantvadarthejīvitaṃyudhi |

evamuktvātubhartāraṃrāvaṇaṃvāhinīpatiḥ || 17 ||

uvācedambalādhyakṣānprahastaḥpurataḥsthitān |

meśīghraṃrākṣasānāmmahādbalam || 18 ||

madbhāṇābdāvegenahatānāṃśanicaraṇājire |

adyahṛṣyantumāṃsādāḥpakṣiṇaḥkānanaukasām || 19 ||

ityuktāsteprahastenabalādhyakṣāḥ kṛtatvarāḥ |

balamudyojayāmāsustasminrākṣasamandire || 20 ||

sābabhūvamuhūrtenanigmarnānāvidhāyudhaiḥ |

laṅkārākṣasavīraistairgajairivasamākulā || 21 ||

hutāśanantarpayatāmbrāhmaṇāṃścanamasyatām |

ājyagandhaprativahaḥsurabhirmārutovavau || 22 ||

srajaścavividhākārājagṛhustvabhimantritāḥ |

saṅgrāmasajjāḥsamhṛṣṭādharāyanrākṣasāstadā || 23 ||

sadhanuṣkāḥkavacinovegādāplutyarākṣasāḥ |

rāvaṇamprekṣyarājānamprahastamparyavārayan || 24 ||

athāmantṟyaturājānambherīmāhatyabhairavām |

āruroharathaṃyuktaḥprahastassajjakalpitam || 25 ||

hayairmahājavairyuktaṃsamyaksūtasusaṃyatam |

mahājaladanirghoṣaṃsākṣāccandrārkabhāsvaram || 26 ||

uragadhvajadurdharṣaṃsuvarūthaṃsvavaskaram |

suvarṇajālasaṃyuktamprahasantamivaśriyā || 27 ||

tatastaṃrathamāsthāyarāvaṇārpitaśāsanaḥ |

laṅkāyāniryayautūrṇambalenamahatāvṛtaḥ || 28 ||

tatodundhubhinirghoṣaḥparjanyaninadopamaḥ |

vāditrāṇāñcaninadaḥpūrayannivamedinīm || 29 ||

śuśruveśaṅkhaśabdaścaprayātevāhinīpatau |

ninadantassvarānghorānrākṣasājagmuragrataḥ || 30 ||

bhīmarūpāmahākāyāḥprahastasyapurassarāḥ |

narāntakaḥkumbhahanurmahānādassamunnataḥ || 31 ||

prahastasacivāhyeteniryayuḥparivāryatam |

vyūḍhenevasughoreṇapūrvadvārātsaniryayau || 32 ||

gajayūthanikāśenabalenamahatāvṛtaḥ |

sāgarapratimaughenavṛtastenabalenasaḥ || 33 ||

prahastoniryayaukruddhaḥkālāntakayamopamaḥ |

tasyaniryāṇaghoṣeṇarākṣasānāñcanardatām || 34 ||

laṅkāyāṃsarvabhūtānivinedurvikṛtaissvaraiḥ |

vyabhramākāśamāviśyamāṃsaśoṇitabhojanāḥ || 35 ||

maṇḍalānyapasavyānikhagāścakrūrathamprati |

samnatyaḥpāvakajvālāḥśivāghorāvavāśire || 36 ||

antarikṣātpapātolkāvāyuścaparuṣaṃvanau |

anyonyamabhisaṃrabdhāgrahāścanacakāśire || 37 ||

meghāścakharanirghoṣārathasyoparirakṣasaḥ |

vavṛṣaṃrudhirañcāsyasiṣicuścapurassarān || 38 ||

keturmūrdhanigṛdhro'syanilīnodakṣiṇāmukhaḥ |

tudannubhayataḥpārśvaṃsamagrāmaharatprabhām || 39 ||

sāratherbhahuśaścāsyasaṅgrāmamavagāhataḥ |

pratodonyapataddhastātsūtasyahayasādinaḥ || 40 ||

niryāṇaśrīścayā'syāsīdbhāsvarāvasudurlabhāḥ |

sānanāśamuhūrtenasamecaskhalitāhayāḥ || 41 ||

prahastantvabhiniryāntamprakhyātabalapauruṣam |

yudhinānāpraharaṇākapisenā'bhyavartata || 42 ||

athaghoṣassutumuloharīṇāṃsamajāyata |

vṛkṣānārujatāñcaivagurvīrāgṛhṇatāṃśilāḥ || 43 ||

nadatāṃrākṣasānāñcavānarāṇāñcagarjatām |

ubhepramuditesainyerakṣogaṇavanaukasām || 44 ||

vegitānāṃsamarthānāmanyonyavadhakāṅ kṣiṇām |

parasparañcāhvayatānninādśūyatemahān || 45 ||

tataḥprahastaḥkapirājavāhinīmabhipratasthevijayāyadurmatiḥ |

vivṛddhavegaṃścaviveśatāñcamūṃyathāmumūrṣuśśalabhovibhāvasum || 46 ||

ityārṣe śrīmadrāmāyaṇe vālmīkīya ādikāvye yuddhakāṇḍe saptapañcāśassargaḥ ||