6.47 Yuddhakanda - Saptachatvarimsha Sargah

ॐ

6.47 යුද්ධකාණ්ඩ - සප්තචත්වාරිංශ සර්ගඃ

Valmiki Sinhala

ශ්රීමද්වාල්මීකීය රාමායණේ යුද්ධකාණ්ඩම් .

අථ සප්තචත්වාරිංශස්සර්ගඃ .

ප්රතිප්රවිෂ්ටේලඞ්කායාඞ්කෘතාර්ථේරාවණාත්මජේ .

රාඝවම්පරිවාර්යාර්තුරක්ෂුර්වානරර්ෂභාඃ .. 1 ..

හනුමානඞ්ගදෝනීලඃසුෂේණඃකුමුදෝනලඃ .

ගජෝගවාක්ෂෝගවයශ්ශරභෝගන්ධමාදනඃ .. 2 ..

ජාම්බවානෘෂභඃසුන්දෝරම්භඃශතවලිඃපෘථුඃ .

ව්යූඪානීකාශ්චයත්තාශ්චද්රුමානාදායසර්වතඃ .. 3 ..

වීක්ෂමාණාදිශස්සර්වාස්තිර්යගූර්ධ්වඤ්චවානරාඃ .

තෘණේෂ්වපිචචේෂ්ටත්සුරාක්ෂසාඉතිමේනිරේ .. 4 ..

රාවණශ්චාපිසම්හෘෂ්ටෝවිසෘජ්යේන්ද්රජිතංසුතම් .

අජුහාවතතස්සීතාක්ෂිණීරාක්ෂසීස්තදා .. 5 ..

රාක්ෂස්යස්ත්රිජටාචෛවශාසනාත්සමුපස්ථිතාඃ .

තාඋවාචතතෝහෘෂ්ටෝරාක්ෂසීරාක්ෂසාධමඃ .. 6 ..

හතාවින්ද්රජිතාඛ්යාතවෛදේහ්යාරාමලක්ෂ්මණෞ .

පුෂ්පකන්තත්සමාරෝප්යදර්ශයධ්වංහතෞරණේ .. 7 ..

යදාශ්රයාදවෂ්ටබ්ධාමාමුපතිෂ්ඨති .

සෝ(අ)ස්යාභර්තාසහභ්රාත්රානිහතෝරණමූර්ධනි .. 8 ..

නිර්විශඞ්කානිරුද්විග්නානිරපේක්ෂාචමෛථිලී .

මාමුපස්ථාස්යතේසීතාසර්වාභරණභූෂිතා .. 9 ..

අද්යකාලවශම්ප්රාප්තංරණේරාමංසලක්ෂ්මණම් .

අවේක්ෂ්යවිනිවෘත්තාසාචාන්යාඞ්ගතිමපශ්යතී .. 10 ..

නිරපේක්ෂාවිශාලාක්ෂීමාමුපස්ථාස්යතේස්වයම් .

තස්යතද්වචනංශ්රුත්වාරාවණස්යදුරාත්මනඃ .. 11 ..

රාක්ෂස්යස්තාස්තථේත්යුක්ත්වාජග්මුර්වෛයත්රපුෂ්පකම් .

තතඃපුෂ්පකමාදායරාක්ෂස්යෝරාවණාජ්ඤයා .. 12 ..

අශෝකවනිකාස්ථාන්තාම්මෛථිලීංසමුපානයන් .

තාමාදායතුරාක්ෂස්යෝභර්තෘශෝකපරාජිතාම් .. 13 ..

සීතාමාරෝපයාමාසුර්විමානම්පුෂ්පකන්තදා .

තතඃපුෂ්පකමාරෝප්යසීතාන්ත්රිජටයාසහ .. 14 ..

ජග්මුර්දර්ශයිතුන්තස්යෛරාක්ෂස්යෝරාමලක්ෂ්මණෞ .

රාවණෝ(අ)කාරයල්ලඞ්කාම්පතාකාධ්වජමාලිනීම් .. 15 ..

ප්රාඝෝෂයතහෘෂ්ටශ්චලඞ්කායාංරාක්ෂසේශ්වරඃ .

රාඝවෝලක්ෂ්මණශ්චෛවහතාවින්ද්රජිතාරණේ .. 16 ..

විමානේනාපිගත්වාතුසීතාත්රිජටයාසහ .

දදර්ශවානරාණාන්තුසර්වංසෛන්යන්නිපාතිතම් .. 17 ..

ප්රහෘෂ්ටමනසශ්චාපිදදර්ශපිශිතාශනාන් .

වානරාංශ්චාතිදුඃඛාර්තාන්රාමලක්ෂ්මණපාර්ශ්වතඃ .. 18 ..

තතස්සීතාදදර්ශෝභෞශයානෞශරතල්පගෞ .

ලක්ෂ්මණඤ්චාපිරාමඤ්චවිසඤ්ජ්ඤෞශරපීඩිතෞ .. 19 ..

විධ්වස්තකවචෞවීරෞවිප්රවිද්ධශරාසනෞ .

සායකෛචශින්නසර්වාඞ්ගෞශරස්තම්බමයෞක්ෂිතෞ .. 20 ..

තෞදෘෂ්ටවාභ්රාතරෞතත්රප්රවීරෞපුරුෂර්ෂභෞ .

ශයානෞපුණ්ඩරීකාක්ෂෞකුමාරාවිවපාවකී .. 21 ..

ශරතල්පගතෞවීරෞතථාභූතානරර්ෂභෞ .

දුඃඛාර්තාකරුණංසීතාසුභෘශංවිලලාපහ .. 22 ..

භර්තාරමනවද්යාඞ්ගීලක්ෂ්මණඤ්චාසිතේක්ෂණා .

ප්රේක්ෂ්යපාංසුෂුචේෂ්ටන්තෞරුරෝදජනකාත්මජා .. 23 ..

සබාෂ්පශෝකාභිහතාසමීක්ෂ්යතෞභ්රාතරෞදේවසමප්රභාවෞ .

විතර්කයන්තීනිධනන්තයෝස්සාදුඃඛාන්විතාවාක්යමිදඤ්ජගාද .. 24 ..

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ සප්තචත්වාරිංශස්සර්ගඃ ..

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha saptacatvāriṃśassargaḥ |

pratipraviṣṭelaṅkāyāṅkṛtārtherāvaṇātmaje |

rāghavamparivāryārturakṣurvānararṣabhāḥ || 1 ||

hanumānaṅgadonīlaḥsuṣeṇaḥkumudonalaḥ |

gajogavākṣogavayaśśarabhogandhamādanaḥ || 2 ||

jāmbavānṛṣabhaḥsundorambhaḥśatavaliḥpṛthuḥ |

vyūḍhānīkāścayattāścadrumānādāyasarvataḥ || 3 ||

vīkṣamāṇādiśassarvāstiryagūrdhvañcavānarāḥ |

tṛṇeṣvapicaceṣṭatsurākṣasāitimenire || 4 ||

rāvaṇaścāpisamhṛṣṭovisṛjyendrajitaṃsutam |

ajuhāvatatassītākṣiṇīrākṣasīstadā || 5 ||

rākṣasyastrijaṭācaivaśāsanātsamupasthitāḥ |

tāuvācatatohṛṣṭorākṣasīrākṣasādhamaḥ || 6 ||

hatāvindrajitākhyātavaidehyārāmalakṣmaṇau |

puṣpakantatsamāropyadarśayadhvaṃhatauraṇe || 7 ||

yadāśrayādavaṣṭabdhāmāmupatiṣṭhati |

so'syābhartāsahabhrātrānihatoraṇamūrdhani || 8 ||

nirviśaṅkānirudvignānirapekṣācamaithilī |

māmupasthāsyatesītāsarvābharaṇabhūṣitā || 9 ||

adyakālavaśamprāptaṃraṇerāmaṃsalakṣmaṇam |

avekṣyavinivṛttāsācānyāṅgatimapaśyatī || 10 ||

nirapekṣāviśālākṣīmāmupasthāsyatesvayam |

tasyatadvacanaṃśrutvārāvaṇasyadurātmanaḥ || 11 ||

rākṣasyastāstathetyuktvājagmurvaiyatrapuṣpakam |

tataḥpuṣpakamādāyarākṣasyorāvaṇājñayā || 12 ||

aśokavanikāsthāntāmmaithilīṃsamupānayan |

tāmādāyaturākṣasyobhartṛśokaparājitām || 13 ||

sītāmāropayāmāsurvimānampuṣpakantadā |

tataḥpuṣpakamāropyasītāntrijaṭayāsaha || 14 ||

jagmurdarśayituntasyairākṣasyorāmalakṣmaṇau |

rāvaṇo'kārayallaṅkāmpatākādhvajamālinīm || 15 ||

prāghoṣayatahṛṣṭaścalaṅkāyāṃrākṣaseśvaraḥ |

rāghavolakṣmaṇaścaivahatāvindrajitāraṇe || 16 ||

vimānenāpigatvātusītātrijaṭayāsaha |

dadarśavānarāṇāntusarvaṃsainyannipātitam || 17 ||

prahṛṣṭamanasaścāpidadarśapiśitāśanān |

vānarāṃścātiduḥkhārtānrāmalakṣmaṇapārśvataḥ || 18 ||

tatassītādadarśobhauśayānauśaratalpagau |

lakṣmaṇañcāpirāmañcavisañjñauśarapīḍitau || 19 ||

vidhvastakavacauvīrauvipraviddhaśarāsanau |

sāyakaicaśinnasarvāṅgauśarastambamayaukṣitau || 20 ||

taudṛṣṭavābhrātarautatrapravīraupuruṣarṣabhau |

śayānaupuṇḍarīkākṣaukumārāvivapāvakī || 21 ||

śaratalpagatauvīrautathābhūtānararṣabhau |

duḥkhārtākaruṇaṃsītāsubhṛśaṃvilalāpaha || 22 ||

bhartāramanavadyāṅgīlakṣmaṇañcāsitekṣaṇā |

prekṣyapāṃsuṣuceṣṭantaururodajanakātmajā || 23 ||

sabāṣpaśokābhihatāsamīkṣyataubhrātaraudevasamaprabhāvau |

vitarkayantīnidhanantayossāduḥkhānvitāvākyamidañjagāda || 24 ||

ityārṣe śrīmadrāmāyaṇe vālmīkīya ādikāvye yuddhakāṇḍe saptacatvāriṃśassargaḥ ||