6.24 Yuddhakanda - Chaturvimsha Sargah

ॐ

6.24 යුද්ධකාණ්ඩ - චතුර්විංශ සර්ගඃ

Valmiki Sinhala

ශ්රීමද්වාල්මීකීය රාමායණේ යුද්ධකාණ්ඩම් .

අථ චතුර්විංශස්සර්ගඃ .

සාවීරසමිතීරාජ්ඤාවිරරාජව්යවස්ථිතා .

ශශිනාශුභනක්ෂත්රාපෞර්ණමාසීවශාරදී .. 1 ..

ප්රචචාලචවේගේනත්රස්තාචෛවවසුන්ධරා .

පීඩ්යමානාබලෞඝේනතේනසාගරවර්චසා .. 2 ..

තතශ්ශුශ්රුවුරාක්රුෂ්ටංලඞ්කායාඞ්කානනෞකසඃ .

භේරීමෘදඞ්ගසඞ්ඝුෂ්ටන්තුමුලංරෝමහර්ෂණම් .. 3 ..

බභූවුස්තේනඝෝෂේණසංහෘෂ්ටාහරියූථපාඃ .

අමෘෂ්යමාණාස්තඞ්ඝෝෂංවිනේදුර්ඝෝෂවත්තරම් .. 4 ..

රාක්ෂසාස්තුප්ලවඞ්ගානාංශුශ්රුවුශ්චා(අ)පිගර්ජිතම් .

නර්දතාමිවදෘප්තානාම්මේඝානාමම්බරේස්වනම් .. 5 ..

දෘෂ්ටවාදාශරථිර්ලඞ්කාඤ්චිත්රධ්වජපතාකිනීම් .

ජගාමමනසාසීතන්දූයමානේනචේතසා .. 6 ..

අත්රසාමෘගශාබාක්ෂීරාවණේනෝපරුධ්යතේ .

අභිභූතාග්රහේණේවලෝහිතාඞ්ගේනරෝහිණී .. 7 ..

දීර්ඝමුෂ්ණඤ්චනිශ්වස්යසමුද්වීක්ෂ්යචලක්ෂ්මණම් .

උවාචවචනංවීරස්තත්කාලහිතමාත්මනඃ .. 8 ..

ආලිඛන්තීමිවාකාශමුත්ථිතාම්පශ්යලක්ෂ්මණ .

මනසේවකෘතාංලඞ්කාන්නගාග්රේවිශ්වකර්මණා .. 9 ..

විමානෛර්බහුභිර්ලඞ්කාසඞ්කීර්ණාභුවිරාජතේ .

විෂ්ණෝඃපදමිවාකාශඤ්ඡාදිතම්පාණ්ඩුභිර්ඝනෛඃ .. 10 ..

පුෂ්පිතෛශ්ශෝභිතාලඞ්කාවනෛශ්චත්රරථෝපමෛඃ .

නානාපතගසඞ්ඝුෂ්ටෛඃ ඵලපුෂ්පෝපගෛශ්ශුභෛඃ .. 11 ..

පශ්යමත්තවිහාඞ්ගානිප්රලීනභ්රමරාණිච .

කෝකිලාකුලෂණ්ඩානිදෝධවීතිශිවෝ(අ)නිලඃ .. 12 ..

ඉතිදාශරථීරාමෝලක්ෂ්මණංසමභාෂත .

බලඤ්චතද්වෛවිභජන් ශාස්ත්රදෘෂ්ටේනකර්මණා .. 13 ..

ශශාසකපිසේනායාම්බලමාදායවීර්යවාන් .

අඞ්ගදස්සහනීලේනතිෂ්ඨේදුරසිදුර්ජයඃ .. 14 ..

තිෂ්ඨේද්වානරවාහින්යාවානරෞඝසමාවෘතඃ .

ආශ්රිත්යදක්ෂිණම්පාර්ශ්වමෘෂභෝවානරර්ෂභඃ .. 15 ..

ගන්ධහස්තීවදුර්ධර්ෂස්තරස්වීගන්ධමාදනඃ .

තිෂ්ඨේද්වානරවාහින්යාස්සව්යම්පාර්ශ්වංසමාශ්රිතඃ .. 16 ..

මූර්ධ්නිස්ථාස්යාම්යහංයුක්තෝලක්ෂ්මණේනසමන්විතඃ .

ජාම්බවාංශ්චසුෂේණශ්චවේගදර්ශීචවානරඃ .. 17 ..

ඍක්ෂමුඛ්යාමහාත්මානඃකුක්ෂිංරක්ෂන්තුතේත්රයඃ .

ජඝනඞ්කපිසේනායාඃකපිරාජෝ(අ)භිරක්ෂතු .

පශ්චාර්ධමිවලෝකස්යප්රචේතාස්තේජසාවෘතඃ .. 18 ..

සුවිභක්තමහාව්යූහාමහාවානරරක්ෂිතා .

අනීකිනීසාවිබභෞයථාද්යෞස්සාභ්රසම්ප්ලවා .. 19 ..

ප්රගෘහ්යගිරිශෘඞ්ගාණිමහාතශ්චමහීරුහන් .

ලඞ්කාංවිමර්දයිෂවෝරණේ .. 20 ..

ශිඛරෛර්විකිරාමෛනාංලඞ්කාම්මුෂ්ටභිරේවවා .

ඉතිස්මදධිරේසර්වේමනාංසිහරිපුඞ්ගවාඃ .. 21 ..

තතෝරාමෝමහාතේජාස්සුග්රීවමිදමබ්රවීත් .

සුවිභක්තානිසෛන්යානිශුකඒෂවිමුච්යතාම් .. 22 ..

රාමස්යතුවචශ්ශ්රුත්වාවානරේන්ද්රෝමහාබලඃ .

මෝචයාමාසතන්දූතංශුකංරාමස්යශාසනාත් .. 23 ..

මෝචිතෝරාමවාක්යේනවානරෛශ්චනිපීඩිතඃ .

ශුකඃපරමසන්ත්රස්තෝරක්ෂෝධිපමුපාගමත් .. 24 ..

රාවණඃප්රහසන්නේවශුකංවාක්යමුවාචහ .. 25 ..

කිමිමෞතේසිතෞපක්ෂෞලූනපක්ෂශ්චදෘශ්යසේ .

කච්චින්නානේකචිත්තානාන්තේෂාන්ත්වංවශමාගතඃ .. 26 ..

තතස්සභයසංවිග්නස්තදාරාජ්ඤාභිචෝදිතඃ .

වචනම්ප්රත්යුවාචේදංරාක්ෂසාධිපමුත්තමම් .. 27 ..

සාගරස්යෝත්තරේතීරේ(අ)බ්රවන්තේවචනන්තථා .

යථාසන්ධේශමක්ලිෂ්ටංසාන්ත්වයන් ශ්ලක්ෂ්ණයාගිරා .. 28 ..

ක්රුද්ධෛස්සෛරහමුත්ප්ලුතදෘෂ්ටමාත්රඃප්ලවඞ්ගමෛඃ .

ගෘහීතෝ(අ)ස්ම්යපිචාරබ්දෝහන්තුංලෝප්තුඤ්චමුෂ්ටිභි .. 29 ..

නෛවසම්භාෂිතුංශක්යාස්සම්ප්රශ්නෝ(අ)ත්රනලභ්යතේ .

ප්රකෘත්යාකෝපනාස්තීක්ෂ්ණානානරාරාක්ෂසාධිප .. 30 ..

සචහන්තාවිරාධස්යකබන්ධස්යඛරස්යච .

සුග්රීවසහිතෝරාමස්සීතායාඃ පදමාගතඃ .. 31 ..

සකෘත්වාසාගරේසේතුන්තීර්ත්වාචලවණෝදධිම් .

ඒෂරක්ෂාංසිනිර්දූයධන්වීතිෂ්ඨතිරාඝවඃ .. 32 ..

ඍක්ෂවානරසඞ්ඝානාමනීකානිසහස්රශඃ .

ගිරිමේඝනිකාශානාඤ්ඡාදයන්තිවසුන්ධරාම් .. 33 ..

රාක්ෂසානාම්බලෞඝස්යවානරේන්ද්රබලස්යච .

නෛතයෝර්විද්යතේසන්ධිර්දේවදානවයෝරිව .. 34 ..

පුරාප්රාකාරමායාන්තික්ෂිප්රමේකතරඞ්කුරු .

සීතාංවාස්මෛප්රයච්ඡාශුසුයුද්ධංවාපිප්රදීයතාම් .. 35 ..

ශුකස්යවචනංශ්රුත්වාරාවණෝවාක්යමබ්රවීත් .

රෝෂසංරක්තනයනෝනිර්දහන්නිනචක්ෂුෂා .. 36 ..

යදිමාම්ප්රතියුධ්යේරන් දේවගන්ධර්වදානවාඃ .

නෛවසීතාම්ප්රදාස්යාමිසර්වලෝකභයාදපි .. 37 ..

කදාසමභිධාවන්තිරාඝවම්මාමකාශ්ශරාඃ .

වසන්තේපුෂ්පිතම්මත්තාභ්රමරාඉවපාදපම් .. 38 ..

කදාතූණීයශෛර්දීප්තෛර්ගණශඃ කාර්මුකච්යුතෛඃ .

ශරෛරාදීපයාම්යේනමුල්කාභිරිවකුඤ්ජරම් .. 39 ..

තච්චාස්යබලමාදාස්යේබලේනමහතාවෘතඃ .

ජ්යෝතිෂාමිවසර්වේෂාම්ප්රභාමුද්යන්දිවාකරඃ .. 40 ..

සාගරස්යේවමේවේගෝමාරුතස්යේවමේගතිඃ .

නහිදාශරථිර්වේදතේනමාංයෝද්ධුමිච්ඡති .. 41 ..

නමේතූණීශයාන්බාණාන් සවිෂානිවපන්නගාන් .

රාමඃපශ්යතිසඞ්ග්රාමේතේනමාංයෝධ්දුමිච්ඡති .. 42 ..

නජානාතිපුරාවීර්යමමයුද්ධේසරාඝවඃ .

මමචාපමයීංවීණාංශරකෝණෛඃප්රවාදිතාම් .. 43 ..

ජ්යාශබ්දතුමුලාඞ්ඝෝරාමාර්තභීතමහාස්වනාම් .

නාරාචතලසන්නාදාන්තාම්මමාහිතවාහිනීම් .. 44 ..

අවගාහ්යමහාරඞ්ගංවාදයිෂ්යාම්යහංරණේ .

නවාසවේනාපිසහස්රචක්ෂුෂායථාස්මිශක්යෝවරුණේනවාස්වයම් .

යමේනවාධර්ෂයිතුංශරාග්නිනාමහාහවේවෛශ්රවණේනවාපුනඃ .. 45 ..

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ චතුර්විංශස්සර්ගඃ ..

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha caturviṃśassargaḥ |

sāvīrasamitīrājñāvirarājavyavasthitā |

śaśināśubhanakṣatrāpaurṇamāsīvaśāradī || 1 ||

pracacālacavegenatrastācaivavasundharā |

pīḍyamānābalaughenatenasāgaravarcasā || 2 ||

tataśśuśruvurākruṣṭaṃlaṅkāyāṅkānanaukasaḥ |

bherīmṛdaṅgasaṅghuṣṭantumulaṃromaharṣaṇam || 3 ||

babhūvustenaghoṣeṇasaṃhṛṣṭāhariyūthapāḥ |

amṛṣyamāṇāstaṅghoṣaṃvinedurghoṣavattaram || 4 ||

rākṣasāstuplavaṅgānāṃśuśruvuścā'pigarjitam |

nardatāmivadṛptānāmmeghānāmambaresvanam || 5 ||

dṛṣṭavādāśarathirlaṅkāñcitradhvajapatākinīm |

jagāmamanasāsītandūyamānenacetasā || 6 ||

atrasāmṛgaśābākṣīrāvaṇenoparudhyate |

abhibhūtāgraheṇevalohitāṅgenarohiṇī || 7 ||

dīrghamuṣṇañcaniśvasyasamudvīkṣyacalakṣmaṇam |

uvācavacanaṃvīrastatkālahitamātmanaḥ || 8 ||

ālikhantīmivākāśamutthitāmpaśyalakṣmaṇa |

manasevakṛtāṃlaṅkānnagāgreviśvakarmaṇā || 9 ||

vimānairbahubhirlaṅkāsaṅkīrṇābhuvirājate |

viṣṇoḥpadamivākāśañchāditampāṇḍubhirghanaiḥ || 10 ||

puṣpitaiśśobhitālaṅkāvanaiścatrarathopamaiḥ |

nānāpatagasaṅghuṣṭaiḥ phalapuṣpopagaiśśubhaiḥ || 11 ||

paśyamattavihāṅgānipralīnabhramarāṇica |

kokilākulaṣaṇḍānidodhavītiśivo'nilaḥ || 12 ||

itidāśarathīrāmolakṣmaṇaṃsamabhāṣata |

balañcatadvaivibhajan śāstradṛṣṭenakarmaṇā || 13 ||

śaśāsakapisenāyāmbalamādāyavīryavān |

aṅgadassahanīlenatiṣṭhedurasidurjayaḥ || 14 ||

tiṣṭhedvānaravāhinyāvānaraughasamāvṛtaḥ |

āśrityadakṣiṇampārśvamṛṣabhovānararṣabhaḥ || 15 ||

gandhahastīvadurdharṣastarasvīgandhamādanaḥ |

tiṣṭhedvānaravāhinyāssavyampārśvaṃsamāśritaḥ || 16 ||

mūrdhnisthāsyāmyahaṃyuktolakṣmaṇenasamanvitaḥ |

jāmbavāṃścasuṣeṇaścavegadarśīcavānaraḥ || 17 ||

ṛkṣamukhyāmahātmānaḥkukṣiṃrakṣantutetrayaḥ |

jaghanaṅkapisenāyāḥkapirājo'bhirakṣatu |

paścārdhamivalokasyapracetāstejasāvṛtaḥ || 18 ||

suvibhaktamahāvyūhāmahāvānararakṣitā |

anīkinīsāvibabhauyathādyaussābhrasamplavā || 19 ||

pragṛhyagiriśṛṅgāṇimahātaścamahīruhan |

laṅkāṃvimardayiṣavoraṇe || 20 ||

śikharairvikirāmaināṃlaṅkāmmuṣṭabhirevavā |

itismadadhiresarvemanāṃsiharipuṅgavāḥ || 21 ||

tatorāmomahātejāssugrīvamidamabravīt |

suvibhaktānisainyāniśukaeṣavimucyatām || 22 ||

rāmasyatuvacaśśrutvāvānarendromahābalaḥ |

mocayāmāsatandūtaṃśukaṃrāmasyaśāsanāt || 23 ||

mocitorāmavākyenavānaraiścanipīḍitaḥ |

śukaḥparamasantrastorakṣodhipamupāgamat || 24 ||

rāvaṇaḥprahasannevaśukaṃvākyamuvācaha || 25 ||

kimimautesitaupakṣaulūnapakṣaścadṛśyase |

kaccinnānekacittānānteṣāntvaṃvaśamāgataḥ || 26 ||

tatassabhayasaṃvignastadārājñābhicoditaḥ |

vacanampratyuvācedaṃrākṣasādhipamuttamam || 27 ||

sāgarasyottaretīre'bravantevacanantathā |

yathāsandheśamakliṣṭaṃsāntvayan ślakṣṇayāgirā || 28 ||

kruddhaissairahamutplutadṛṣṭamātraḥplavaṅgamaiḥ |

gṛhīto'smyapicārabdohantuṃloptuñcamuṣṭibhi || 29 ||

naivasambhāṣituṃśakyāssampraśno'tranalabhyate |

prakṛtyākopanāstīkṣṇānānarārākṣasādhipa || 30 ||

sacahantāvirādhasyakabandhasyakharasyaca |

sugrīvasahitorāmassītāyāḥ padamāgataḥ || 31 ||

sakṛtvāsāgaresetuntīrtvācalavaṇodadhim |

eṣarakṣāṃsinirdūyadhanvītiṣṭhatirāghavaḥ || 32 ||

ṛkṣavānarasaṅghānāmanīkānisahasraśaḥ |

girimeghanikāśānāñchādayantivasundharām || 33 ||

rākṣasānāmbalaughasyavānarendrabalasyaca |

naitayorvidyatesandhirdevadānavayoriva || 34 ||

purāprākāramāyāntikṣipramekataraṅkuru |

sītāṃvāsmaiprayacchāśusuyuddhaṃvāpipradīyatām || 35 ||

śukasyavacanaṃśrutvārāvaṇovākyamabravīt |

roṣasaṃraktanayanonirdahanninacakṣuṣā || 36 ||

yadimāmpratiyudhyeran devagandharvadānavāḥ |

naivasītāmpradāsyāmisarvalokabhayādapi || 37 ||

kadāsamabhidhāvantirāghavammāmakāśśarāḥ |

vasantepuṣpitammattābhramarāivapādapam || 38 ||

kadātūṇīyaśairdīptairgaṇaśaḥ kārmukacyutaiḥ |

śarairādīpayāmyenamulkābhirivakuñjaram || 39 ||

taccāsyabalamādāsyebalenamahatāvṛtaḥ |

jyotiṣāmivasarveṣāmprabhāmudyandivākaraḥ || 40 ||

sāgarasyevamevegomārutasyevamegatiḥ |

nahidāśarathirvedatenamāṃyoddhumicchati || 41 ||

nametūṇīśayānbāṇān saviṣānivapannagān |

rāmaḥpaśyatisaṅgrāmetenamāṃyodhdumicchati || 42 ||

najānātipurāvīryamamayuddhesarāghavaḥ |

mamacāpamayīṃvīṇāṃśarakoṇaiḥpravāditām || 43 ||

jyāśabdatumulāṅghorāmārtabhītamahāsvanām |

nārācatalasannādāntāmmamāhitavāhinīm || 44 ||

avagāhyamahāraṅgaṃvādayiṣyāmyahaṃraṇe |

navāsavenāpisahasracakṣuṣāyathāsmiśakyovaruṇenavāsvayam |

yamenavādharṣayituṃśarāgnināmahāhavevaiśravaṇenavāpunaḥ || 45 ||

ityārṣe śrīmadrāmāyaṇe vālmīkīya ādikāvye yuddhakāṇḍe caturviṃśassargaḥ ||