6.13 Yuddhakanda - Trayodasha Sargah

ॐ

6.13 යුද්ධකාණ්ඩ - ත්රයෝදශ සර්ගඃ

Valmiki Sinhala

ශ්රීමද්වාල්මීකීය රාමායණේ යුද්ධකාණ්ඩම් .

අථ ත්රයෝදශස්සර්ගඃ .

රාවණඞ්ක්රුද්ධමාජ්ඤායමහාපාර්ශ්වෝමහාබලඃ .

මුහූර්තමනුසඤ්චින්ත්යප්රාඤ්ජලිර්වාක්යමබ්රවීත් .. 1 ..

යඃඛල්වපිවනම්ප්රාප්යමෘගව්යාලනිෂේවිතම් .

නපිබේන්මධුසම්ප්රාප්යසනරෝබාලිශෝභවේත් .. 2 ..

ඊශ්වරස්යේශ්වරඃකෝ(අ)ස්තිතවශත්රුනිබර්හණඃ .

රමස්වසහවෛදේහ්යාශත්රූනාක්රම්යමූර්ධසු .. 3 ..

බලාත්කුක්කුටවෘත්තේනප්රවර්තස්වමහාබලඃ .

ආක්රම්යාක්රම්යසීතාංවෛතාම්භුඞ් ක්ෂ්වචරමස්වච .. 4 ..

ලබ්ධකාමස්යතේපශ්චාදාගමිෂ්යතියද්භයම් .

ප්රාප්තමප්රාප්තකාලංවාසර්වම්ප්රතිසහිෂ්යති .. 5 ..

කුම්භකර්ණස්සහාස්මාභිරින්ද්රජිච්චමහාබලඃ .

ප්රතිෂේධයිතුංශක්තෞසවජ්රමපිවජ්රිණම් .. 6 ..

උපප්රදානංසාන්ත්වංවාභේදංවාකුශලෛඃකෘතම් .

සමතික්රම්යදණ්ඩේනසිද්ධිමර්ථේෂුරෝචයේ .. 7 ..

ඉහප්රාප්තාන්වයංසර්වාන් ශත්රූංස්තවමහාබලඃ .

වශේශස්ත්රප්රතාපේනකරිෂ්යාමෝනසංශයඃ .. 8 ..

ඒවමුක්තස්තදාරාජාමහාපාර්ශ්වේනරාවණඃ .

තස්යසම්පූජයන්වාක්යමිදංවචනමබ්රවීත් .. 9 ..

මහාපාර්ශ්වනිබෝධත්වංරහස්යඞ්කිඤ්චිදාත්මනඃ .

චිරවෘත්තන්තදාඛ්යාස්යේයදවාප්තම්පුරාමයා .. 10 ..

පිතාමහස්යභවනඞ්ගච්ඡන්තීම්පුඤ්ජිකස්ථලාම් .

චඤ්චූර්යමාණාමද්රාක්ෂමාකාශේ(අ)ග්නිශිඛාමිව .. 11 ..

සාප්රසහ්යමයාභුක්තාකෘතාවිවසනාතතඃ .

ස්වයම්භූභවනම්ප්රාප්තාලෝලිතානලිනීයථා .. 12 ..

තච්චතස්යතදාමන්යේජ්ඤාතමාසීන්මහාත්මනඃ .

අථසඞ්කුපිතෝදේවෝමාමිදංවාක්යමබ්රවීත් .. 13 ..

අද්යප්රභෘතියාමන්යාබලාන්නාරීඞ්ගමිෂ්යසි .

තදාතේශතධාමූර්ධාඵලිෂ්යතිනසංශයඃ .. 14 ..

ඉත්යහන්තස්යශාපස්යභීතඃප්රසභමේවතාම් .

නාරෝහයේබලාත්සීතාංවෛදේහීංශයනේශුභේ .. 15 ..

සාගරස්යේනමේවේගෝමාරුතස්යේවමේගතිඃ .

නෛතද්දාශරථිර්වේදහ්යාසාදයතිතේනමාම් .. 16 ..

කෝහිසිංහමිවාසීනංසුප්තඞ්ගිරිගුහාශයේ .

ක්රුද්ධම්මෘත්යුමිවා(අ)සීනංසම්භෝධයිතුමිච්ඡති .. 17 ..

නමත්තෝනිශිතාන්බාණාන්ද්විජිහ්වාන්පන්නගානිව .

රාමඃපශ්යතිසඞ්ග්රාමේතේනමාමභිගච්ඡති .. 18 ..

ක්ෂිප්රංවජ්රසමෛර්බාණෛශ්ශතථාකාර්මුකච්යුතෛඃ .

රාමමාදීපයිෂ්යාමිඋල්කාභිරිවකුඤ්ජරම් .. 19 ..

තච්චාස්යබලමාදාස්යේබලේනමහතාවෘතඃ .

උදිතස්සවිතාකාලේනක්ෂත්රාණාමිවප්රභාම් .. 20 ..

නවාසනේනාපිසහස්රචක්ෂුෂායුධා(අ)ස්මිශක්යෝවරුණේනවාපුනඃ .

මයාත්වියම්බාහුබලේනනිර්ජිතාපුරාපුරීවෛශ්රවණේනපාලිතා .. 21 ..

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාණ්ඩේ ත්රයෝදශස්සර්ගඃ ..

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha trayodaśassargaḥ |

rāvaṇaṅkruddhamājñāyamahāpārśvomahābalaḥ |

muhūrtamanusañcintyaprāñjalirvākyamabravīt || 1 ||

yaḥkhalvapivanamprāpyamṛgavyālaniṣevitam |

napibenmadhusamprāpyasanarobāliśobhavet || 2 ||

īśvarasyeśvaraḥko'stitavaśatrunibarhaṇaḥ |

ramasvasahavaidehyāśatrūnākramyamūrdhasu || 3 ||

balātkukkuṭavṛttenapravartasvamahābalaḥ |

ākramyākramyasītāṃvaitāmbhuṅ kṣvacaramasvaca || 4 ||

labdhakāmasyatepaścādāgamiṣyatiyadbhayam |

prāptamaprāptakālaṃvāsarvampratisahiṣyati || 5 ||

kumbhakarṇassahāsmābhirindrajiccamahābalaḥ |

pratiṣedhayituṃśaktausavajramapivajriṇam || 6 ||

upapradānaṃsāntvaṃvābhedaṃvākuśalaiḥkṛtam |

samatikramyadaṇḍenasiddhimartheṣurocaye || 7 ||

ihaprāptānvayaṃsarvān śatrūṃstavamahābalaḥ |

vaśeśastrapratāpenakariṣyāmonasaṃśayaḥ || 8 ||

evamuktastadārājāmahāpārśvenarāvaṇaḥ |

tasyasampūjayanvākyamidaṃvacanamabravīt || 9 ||

mahāpārśvanibodhatvaṃrahasyaṅkiñcidātmanaḥ |

ciravṛttantadākhyāsyeyadavāptampurāmayā || 10 ||

pitāmahasyabhavanaṅgacchantīmpuñjikasthalām |

cañcūryamāṇāmadrākṣamākāśe'gniśikhāmiva || 11 ||

sāprasahyamayābhuktākṛtāvivasanātataḥ |

svayambhūbhavanamprāptālolitānalinīyathā || 12 ||

taccatasyatadāmanyejñātamāsīnmahātmanaḥ |

athasaṅkupitodevomāmidaṃvākyamabravīt || 13 ||

adyaprabhṛtiyāmanyābalānnārīṅgamiṣyasi |

tadāteśatadhāmūrdhāphaliṣyatinasaṃśayaḥ || 14 ||

ityahantasyaśāpasyabhītaḥprasabhamevatām |

nārohayebalātsītāṃvaidehīṃśayaneśubhe || 15 ||

sāgarasyenamevegomārutasyevamegatiḥ |

naitaddāśarathirvedahyāsādayatitenamām || 16 ||

kohisiṃhamivāsīnaṃsuptaṅgiriguhāśaye |

kruddhammṛtyumivā'sīnaṃsambhodhayitumicchati || 17 ||

namattoniśitānbāṇāndvijihvānpannagāniva |

rāmaḥpaśyatisaṅgrāmetenamāmabhigacchati || 18 ||

kṣipraṃvajrasamairbāṇaiśśatathākārmukacyutaiḥ |

rāmamādīpayiṣyāmiulkābhirivakuñjaram || 19 ||

taccāsyabalamādāsyebalenamahatāvṛtaḥ |

uditassavitākālenakṣatrāṇāmivaprabhām || 20 ||

navāsanenāpisahasracakṣuṣāyudhā'smiśakyovaruṇenavāpunaḥ |

mayātviyambāhubalenanirjitāpurāpurīvaiśravaṇenapālitā || 21 ||

ityārṣe śrīmadrāmāyaṇe vālmīkīya ādikāvye yuddhakāṇḍe trayodaśassargaḥ ||