śrīmadvālmīkīya rāmāyaṇe yuddhakāṇḍam |
atha viṃśatyadhikaśatatamassargaḥ |
tatohidurmanārāmśrutvaivaṃvadatāṅgiraḥ |
dadhyaumuhūrtandharmātmābāṣpavyākulalocanaḥ || 1 ||
tatovaiśravaṇorājāyamaścapitṛbhiḥsaha |
sahasrākṣaścadeveśovaruṇaścajaleśvaraḥ || 2 ||
ṣaḍardhanayanśrīmānmahādevovṛṣadhvajaḥ |
kartāsarvasyalokasyabrahmābrahmavidāṃvaraḥ || 3 ||
etesarvesamāgamyavimānaissūryasannibhaiḥ |
āgamyanagarīṃlaṅkāmabhijagmuścarāghavam || 4 ||
tataḥsahastābharaṇānpragṛhyavipulānbhujān |
abruvaṃstridaśaśreṣṭhārāghavamprāñjaliṃsthitam || 5 ||
kartāsarvasyalokasyaśreṣṭhojñānavatāmprabhuḥ |
upekṣasekathaṃsītāmpatantīṃhavyavāhane || 6 ||
kathandevagaṇaśreṣṭhamātmānannāvabuddhyase |
ṛtadhāmāvasuḥpūrvaṃvasūnāṃ ca prajāpatiḥ || 7 ||
trayāṇāmapilokānāmādikartāsvayamprabhuḥ |
rudrāṇāmaṣṭamorudrassādhyānāmapipañcamaḥ || 8 ||
aśvinaucāpikarṇautesūryacandrāmasaudṛśau |
antecādau ca lokānāndṛśyase ca parantapa || 9 ||
upekṣase ca vaidehīmmānuṣaḥprākṛtoyathā |
ityuktolokapālaistaissvāmīlokasyarāghavaḥ || 10 ||
abravīttridaśaśreṣṭhānrāmadharmabhṛtāṃvaraḥ |
ātmānammānuṣammanyerāmandaśarathātmajam || 11 ||
so'haṃyasyayataścāhambhagavavaṃstadbhravītume |
itibruvāṇaṅkākutsthambrahmābrahmavidāṃvaraḥ || 12 ||
abravīcchruṇumevākyaṃsatyaṃsatyaparākrama |
bhavānnārāyaṇodevaḥśrīmāṃścakrāyudhaḥprabhuḥ || 13 ||
ekaśṛṅgovarāhastvambhūtabhavyasapatnajit |
akṣarambrahmasatyaṃ ca madhyecānte ca rāghava || 14 ||
lokānāntvamparodharmoviṣvaksenaścaturbhujaḥ |
śārṅgadhanvāhṛṣīkeśaḥpuruṣaḥpuruṣottamaḥ || 15 ||
ajitaḥkhaṅgadṛgviṣṇuḥkṛṣṇaścaivamahābalaḥ |
senānīrgrāmaṇīścatvantvambuddhistvaṅkṣamādamaḥ || 16 ||
prabhavaścāpyayaścatvamupendromadhusūdanaḥ |
indrakarmāmahendrastvampadmanābhoraṇāntakṛt || 17 ||
śaraṇyaṃśaraṇaṃ ca tvāmāhurdivyāmaharṣayaḥ |
sahasraśṛṅgovedātmāśaraśīrṣomaharṣabhaḥ || 18 ||
tvantrayāṇāṃhilokānāmādikartāsvayamprabhuḥ |
siddhānāmapisādhyānāmāśrayaścāsipūrvajaḥ || 19 ||
tvamyajñastvaṃvaṣaṭakārastvamoṅkāraḥparātparaḥ || 20 ||
prabhavannidhanaṃvātenoviduḥkobhavāniti |
dṛśyasesarvabhūteṣugoṣu ca brāhmaṇeṣu ca || 21 ||
dikṣusarvāsugaganeparvateṣunadīṣu ca |
sahasracaraṇśrīmān śataśīrṣassahasradṛk || 22 ||
tvandhārayasibhūtānipṛthivīṃ ca saparvatām |
antepṛthivyāḥsaliledṛśyasetvammahoragaḥ || 23 ||
trīnlokāndhārayan rāma devagandharvadānavān |
ahantehṛdayaṃrāmajihvādevīsarasvatī || 24 ||
devāromāṇigātreṣubrahmaṇānirmitāḥprabho |
nimeṣastesmṛtārātrirunmeṣodivasastathā || 25 ||
saṃskārāstvabhavanvedānaitadastitvayāvinā |
jagatsarvaṃśarīrantesthairyantevasuthātalam || 26 ||
agniḥkopaḥprasādastesomśrīvatsalakṣaṇaḥ |
tvayālokāstrayaḥkrāntāḥpurāsvairvikramaistribhiḥ || 27 ||
mahendhraścakṛtorājābalimbaddhvāsudāruṇam |
sītālakṣmīrbhavān viṣṇurdevaḥkṛṣṇaḥprajāpatiḥ || 28 ||
vadhārthaṃrāvaṇasyehapraviṣṭomānuṣīntanum |
tadidannastvayākāryaṅkṛtandharmabhṛtāṃvara || 29 ||
nihatorāvaṇorāmaprahṛṣṭodivamākrama |
amoghandevavīryante na temoghāḥparākramāḥ || 30 ||
amoghandarśanaṃrāmāmoghastavasaṃstavaḥ |
amoghāstebhaviṣyantibhaktimantonarābhuvi || 31 ||
yetvāndevandhruvambhaktāḥpurāṇampuruṣottamam |
prāpnuvantisadākāmanihalokeparatra ca || 32 ||
imamārṣaṃstavandivyamitihāsampurātanam || 33 ||
ityārṣe śrīmadrāmāyaṇe vālmīkīya ādikāvye yuddhakāṇḍe viṃśatyadhikaśatatamassargaḥ ||