śrīmadvālmīkīya rāmāyaṇe yuddhakāṇḍam |
atha trayodaśādhikaśatatamassargaḥ |
rāvaṇannihatandṛṣṭavārāghaveṇamahātmanā |
antaḥpurādviniṣpetūrākṣasyaśśokakarśitāḥ || 1 ||
vāryamāṇāssubahuśoveṣṭantyaḥkṣitipāṃsuṣu |
vimuktakeśyaśśokārtāgāvovatsahatāyathā || 2 ||
uttareṇaviniṣkramyadvāreṇasaharākṣasaiḥ |
praviśyāyodhanaṅghoraṃvicinvantvohatampatim || 3 ||
āryaputretivādinyohānātheti ca sarvaśaḥ |
paripetuḥkabandhāṅkāmmahīṃśoṇitakardamām || 4 ||
dṛṣṭvā samāgataṃ devī hanūmantaṃ mahābalam |
tūṣṇīmāsta tadā dṛṣṭvā smṛtvā hṛṣṭābhavattadā || 5 ||
dadṛśustāmahākāyammahāvīryammahādyutim |
rāvaṇannihatambhūmaunīlāñjanacayopamam || 6 ||
tāḥpatiṃsahasādṛṣṭavāśayānaṃraṇapāṃsuṣu |
nipetustasyagātreṣuchinnāvanalatāiva || 7 ||
bahumānātpariṣvajyakācidevaṃruroda ha |
caraṇaukācidālambyakācitkaṇṭhe'valambya ca || 8 ||
utkṣipya ca bhujaukācidbhūmausuparivartate |
hatasyavadanandṛṣṭavākācinmohamupāgamat || 9 ||
kācidaṅkeśiraḥkṛtvārurodamukhamīkṣatī |
snāpayantīmukhambāṣpaistuṣārairivapaṅkajam || 10 ||
evamārtāḥpatindṛṣṭavārāvaṇannihatambhuvi |
cukruśurbhahudhāśokādbhūyastāḥparyadevayan || 11 ||
yenamitrāsitaḥśakroyenavitrāsitoyamaḥ |
yenavaiśravaṇorājāpuṣpakeṇaviyojitaḥ || 12 ||
gandharvāṇāmṛṣīṇāṃ ca surāṇāṃ ca mahātmanām |
bhayaṃyenaraṇedattaṃso'yaṃśeteraṇehataḥ || 13 ||
asurebhyaḥsurebhyovāpannagebhyo'pivātathā |
bhayaṃyo na vijānātitasyedammānuṣād bhayam || 14 ||
avadhyodevatānāṃyastathādānavarākṣasām |
hataḥso'yaṃraṇeśetemānuṣeṇapadātinā || 15 ||
yo na śakyassurairhantuṃ na yakṣairnāsuraistathā |
so'yaṅkaścidivāsattvomṛtyummartyenalambhitaḥ || 16 ||
evaṃvadantyorurudustasyatāduḥkhitāḥstriyaḥ |
bhūyaeva ca duḥkhārtāvilepuścapunaḥpunaḥ || 17 ||
aśṛṇvatātusuhṛdāṃsatataṃhitavādinām |
maraṇāyahṛtāsītārākṣasāścanipātitāḥ || 18 ||
etāssamamidānīntevayamātmā ca pātitaḥ |
bruvāṇo'pihitaṃvākyamiṣṭobhrātāvibhīṣaṇaḥ || 19 ||
dhṛṣṭamparuṣitomohattvayātmavathakāṅkṣiṇā |
diniryātitātesvāsatītārāmāyamaithilī || 20 ||
nanassyādvyasanaṅghoramidammūlaharammahat |
vṛttakāmobhavedbhrātārāmomitrakulambhavet || 21 ||
vayañcādhvivāḥsarvāḥsakamā na ca śatravaḥ |
tvayāpunarnṛśaṃśaṃsenasītāṃsaṃrundhatābalāt || 22 ||
rākṣasāvayamātmā ca trayantulyannipātitam |
na kāmakāraḥkāmaṃvātavarākṣasapuṅgava |
daivañceṣṭayatesarvaṃhatandaivenahanyate || 23 ||
vānarāṇāṃvināśo'yaṃrākṣasānāṃ ca teraṇe |
tavacaivamahābāho daivayogādupāgataḥ || 24 ||
naivārthena na kāmenavikrameṇa na cājñayā |
śakyādaivagatirlokenivartayitumudyatā || 25 ||
tataḥ śubhataraṃ vākyamuvāca pavanātmajam |
atilakṣaṇasampannaṃ mādhuryaguṇabhūṣitam || 26 ||
ityārṣe śrīmadrāmāyaṇe vālmīkīya ādikāvye yuddhakāṇḍe trayodaśādhikaśatatamassargaḥ ||