Uddhavagita - Tritiyo'dhyayah

ॐ

උද්ධවගීතා - තෘතීයෝ(අ)ධ්යායඃ

Gita Sinhala

අථ තෘතීයෝ(අ)ධ්යායඃ .

පරස්ය විෂ්ණෝඃ ඊශස්ය මායිනාම අපි මෝහිනීම් .

මායාං වේදිතුං ඉච්ඡාමඃ භගවන්තඃ බ්රුවන්තු නඃ .. 1..

න අනුතෘප්යේ ජුෂන් යුෂ්මත් වචඃ හරිකථා අමෘතම් .

සංසාරතාපනිඃතප්තඃ මර්ත්යඃ තත් තාප භේෂජම් .. 2..

අන්තරික්ෂඃ උවාච .

ඒභිඃ භූතානි භූතාත්මා මහාභූතෛඃ මහාභුජ .

සසර්ජෝත් ච අවචානි ආද්යඃ ස්වමාත්රප්රසිද්ධයේ .. 3..

ඒවං සෘෂ්ටානි භූතානි ප්රවිෂ්ටඃ පඤ්චධාතුභිඃ .

ඒකධා දශධා ආත්මානං විභජන් ජුෂතේ ගුණාන් .. 4..

ගුණෛඃ ගුණාන් සඃ භුඤ්ජානඃ ආත්මප්රද්යෝදිතෛඃ ප්රභුඃ .

මන්යමානඃ ඉදං සෘෂ්ටං ආත්මානං ඉහ සජ්ජතේ .. 5..

කර්මාණි කර්මභිඃ කුර්වන් සනිමිත්තානි දේහභෘත් .

තත් තත් කර්මඵලං ගෘහ්ණන් භ්රමති ඉහ සුඛෛතරම් .. 6..

ඉත්ථං කර්මගතීඃ ගච්ඡන් බහ්වභද්රවහාඃ පුමාන් .

ආභූතසම්ප්ලවාත් සර්ගප්රලයෞ අශ්නුතේ අවශඃ .. 7..

ධාතු උපප්ලවඃ ආසන්නේ ව්යක්තං ද්රව්යගුණාත්මකම් .

අනාදිනිධනඃ කාලඃ හි අව්යක්තාය අපකර්ෂති .. 8..

ශතවර්ෂාඃ හි අනාවෘෂ්ටිඃ භවිෂ්යති උල්බණා භුවි .

තත් කාල උපචිත උෂ්ණ අර්කඃ ලෝකාන් ත්රීන් ප්රතපිෂ්යති ..9..

පාතාලතලං ආරභ්ය සඞ්කර්ෂණමුඛ අනලඃ .

දහන් ඌර්ධ්වශිඛඃ විෂ්වක් වර්ධතේ වායුනා ඊරිතඃ .. 10..

සාංවර්තකඃ මේඝගණඃ වර්ෂති ස්ම ශතං සමාඃ .

ධාරාභිඃ හස්තිහස්තාභිඃ ලීයතේ සලිලේ විරාට් .. 11..

තතඃ විරාජං උත්සෘජ්ය වෛරාජඃ පුරුෂඃ නෘප .

අව්යක්තං විශතේ සූක්ෂ්මං නිරින්ධනඃ ඉව අනලඃ .. 12..

වායුනා හෘතගන්ධා භූඃ සලිලත්වාය කල්පතේ .

සලිලං තත් ධෘතරසං ජ්යෝතිෂ්ට්වාය උපකල්පතේ .. 13..

හෘතරූපං තු තමසා වායෞ ජ්යෝතිඃ ප්රලීයතේ .

හෘතස්පර්ශඃ අවකාශේන වායුඃ නභසි ලීයතේ .

කාලාත්මනා හෘතගුණං නවඃ ආත්මනි ලීයතේ .. 14..

ඉන්ද්රියාණි මනඃ බුද්ධිඃ සහ වෛකාරිකෛඃ නෘප .

ප්රවිශන්ති හි අහඞ්කාරං ස්වගුණෛඃ අහං ආත්මනි .. 15..

ඒෂා මායා භගවතඃ සර්ගස්ථිති අන්තකාරිණී .

ත්රිවර්ණා වර්ණිතා අස්මාභිඃ කිං භූයඃ ශ්රෝතුං ඉච්ඡසි .. 16..

රාජා උවාච .

යථා ඒතාං ඓශ්වරීං මායාං දුස්තරාං අකෘතාත්මභිඃ .

තරන්ති අඤ්ජඃ ස්ථූලධියඃ මහර්ෂඃ ඉදං උච්යතාම් .. 17..

ප්රබුද්ධඃ උවාච .

කර්මාණි ආරභමාණානාං දුඃඛහත්යෛ සුඛාය ච .

පශ්යේත් පාකවිපර්යාසං මිථුනීචාරිණාං නෘණාම් .. 18..

නිත්යාර්තිදේන විත්තේන දුර්ලභේන ආත්මමෘත්යුනා .

ගෘහ අපත්යාප්තපශුභිඃ කා ප්රීතිඃ සාධිතෛඃ චලෛඃ ..

19..

ඒවං ලෝකං පරං විද්යාත් නශ්වරං කර්මනිර්මිතම් .

සතුල්ය අතිශය ධ්වංසං යථා මණ්ඩලවර්තිනාම් .. 20..

තස්මාත් ගුරුං ප්රපද්යේත ජිජ්ඤාසුඃ ශ්රේයඃ උත්තමම් .

ශාබ්දේ පරේ ච නිෂ්ණාතං බ්රහ්මණි උපශමාශ්රයම් .. 21..

තත්ර භාගවතාන් ධර්මාන් ශික්ෂේත් ගුරුආත්මදෛවතඃ .

අමායයා අනුවෘත්යා යෛඃ තුෂ්යේත් ආත්මා ආත්මදඃ හරිඃ .. 22..

සර්වතඃ මනසඃ අසඞ්ගං ආදෞ සඞ්ගං ච සාධුෂු .

දයාං මෛත්රීං ප්රශ්රයං ච භූතේෂු අද්ධා යථා උචිතම් .. 23..

ශෞචං තපඃ තිතික්ෂාං ච මෞනං ස්වාධ්යායං ආර්ජවම් .

බ්රහ්මචර්යං අහිංසාං ච සමත්වං ද්වන්ද්වසඤ්ජ්ඤයෝඃ .. 24..

සර්වත්ර ආත්මේශ්වර අන්වීක්ෂාං කෛවල්යං අනිකේතතාම් .

විවික්තචීරවසනං සන්තෝෂං යේන කේනචිත් .. 25..

ශ්රද්ධාං භාගවතේ ශාස්ත්රේ අනින්දාං අන්යත්ර ච අපි හි .

මනෝවාක් කර්මදණ්ඩං ච සත්යං ශමදමෞ අපි .. 26..

ශ්රවණං කීර්තනං ධ්යානං හරේඃ අද්භුතකර්මණඃ .

ජන්මකර්මගුණානාං ච තදර්ථේ අඛිලචේෂ්ටිතම් .. 27..

ඉෂ්ටං දත්තං තපඃ ජප්තං වෘත්තං යත් ච ආත්මනඃ ප්රියම් .

දාරාන් සුතාන් ගෘහාන් ප්රාණාන් යත් පරස්මෛ නිවේදනම් .. 28..

ඒවං කෘෂ්ණාත්මනාථේෂු මනුෂ්යේෂු ච සෞහෘදම් .

පරිචර්යාං ච උභයත්ර මහත්සු නෘෂු සාධුෂු .. 29..

පරස්පර අනුකථනං පාවනං භගවත් යශඃ .

මිථඃ රතිඃ මිථඃ තුෂ්ටිඃ නිවෘත්තිඃ මිථඃ ආත්මනඃ .. 30..

ස්මරන්තඃ ස්මාරයන්තඃ ච මිථඃ අඝෞඝහරං හරිම් .

භක්ත්යා සඤ්ජාතයා භක්ත්යා බිභ්රති උත්පුලකාං තනුම් .. 31..

ක්වචිත් රුදන්ති අච්යුතචින්තයා ක්වචිත්

හසන්ති නන්දන්ති වදන්ති අලෞකිකාඃ .

නෘත්යන්ති ගායන්ති අනුශීලයන්ති

අජං භවන්ති තූෂ්ණීං පරං ඒත්ය නිර්වෘතාඃ .. 32..

ඉති භාගවතාන් ධර්මාන් ශික්ෂන් භක්ත්යා තදුත්ථයා .

නාරායණපරඃ මායං අඤ්ජඃ තරති දුස්තරාම් .. 33..

රාජා උවාච .

නාරායණ අභිධානස්ය බ්රහ්මණඃ පරමාත්මනඃ .

නිෂ්ඨාං අර්හථ නඃ වක්තුං යූයං හි බ්රහ්මවිත්තමාඃ .. 34..

පිප්පලායනඃ උවාච .

ස්ථිති උද්භවප්රලයහේතුඃ අහේතුඃ අස්ය

යත් ස්වප්නජාගරසුෂුප්තිෂු සත් බහිඃ ච .

දේහ ඉන්ද්රියාසුහෘදයානි චරන්ති යේන

සඤ්ජීවිතානි තත් අවේහි පරං නරේන්ද්ර .. 35..

න ඒතත් මනඃ විශති වාගුත චක්ෂුඃ ආත්මා

ප්රාණේන්ද්රියාණි ච යථා අනලං අර්චිෂඃ ස්වාඃ .

ශබ්දඃ අපි බෝධකනිෂේධතයා ආත්මමූලම්

අර්ථ උක්තං ආහ යදෘතේ න නිෂේධසිද්ධිඃ .. 36..

සත්වං රජඃ තමඃ ඉති ත්රිවෘදේකං ආදෞ

සූත්රං මහාන් අහං ඉති ප්රවදන්ති ජීවම් .

ජ්ඤානක්රියා අර්ථඵලරූපතයෝඃ උශක්ති

බ්රහ්ම ඒව භාති සත් අසත් ච තයෝඃ පරං යත් .. 37..

න ආත්මා ජජාන න මරිෂ්යති න ඒධතේ අසෞ

න ක්ෂීයතේ සවනවිත් ව්යභිචාරිණාං හි .

සර්වත්ර ශස්වදනපායි උපලබ්ධිමාත්රං

ප්රාණඃ යථා ඉන්ද්රියවලේන විකල්පිතං සත් .. 38..

අණ්ඩේෂු පේශිෂු තරුෂු අවිනිශ්චිතේෂු

ප්රාණඃ හි ජීවං උපධාවති තත්ර තත්ර .

සන්නේ යත් ඉන්ද්රියගණේ අහමි ච ප්රසුප්තේ

කූටස්ථඃ ආශයමෘතේ තත් අනුස්මෘතිඃ නඃ .. 39..

යඃ හි අබ්ජ නාභ චරණ ඒෂණයෝඃ උභක්ත්යා

චේතෝමලානි විධමේත් ගුණකර්මජානි .

තස්මින් විශුද්ධඃ උපලභ්යතඃ ආත්මතත්ත්වම්

සාක්ෂාත් යථා අමලදෘශඃ සවිතෘප්රකාශඃ .. 40..

කර්මයෝගං වදත නඃ පුරුෂඃ යේන සංස්කෘතඃ .

විධූය ඉහ ආශු කර්මාණි නෛෂ්කර්ම්යං වින්දතේ පරම් .. 41..

ඒවං ප්රශ්නං ඍෂින් පූර්වං අපෘච්ඡං පිතුඃ අන්තිකේ .

න අබ්රුවන් බ්රහ්මණඃ පුත්රාඃ තත්ර කාරණං උච්යතාම් .. 42..

ආවිර්හෝත්රඃ උවාච .

කර්ම අකර්මවිකර්ම ඉති වේදවාදඃ න ලෞකිකඃ .

වේදස්ය ච ඊශ්වරාත්මත්වාත් තත්ර මුහ්යන්ති සූරයඃ .. 43..

පරෝක්ෂවාදඃ වේදඃ අයං බාලානාං අනුශාසනම් .

කර්මමෝක්ෂාය කර්මාණි විධත්තේ හි අගදං යථා .. 44..

න ආචරේත් යඃ තු වේද උක්තං ස්වයං අජ්ඤඃ අජිතේන්ද්රියඃ .

විකර්මණා හි අධර්මේණ මෘත්යෝඃ මෘත්යුං උපෛති සඃ .. 45..

වේද උක්තං ඒව කුර්වාණඃ නිඃසඞ්ගඃ අර්පිතං ඊශ්වරේ .

නෛෂ්කර්ම්යාං ලභතේ සිද්ධිං රෝචනාර්ථා ඵලශ්රුතිඃ .. 46..

යඃ ආශු හෘදයග්රන්ථිං නිර්ජිහීෂුඃ පරාත්මනඃ .

විධිනා උපචරේත් දේවං තන්ත්ර උක්තේන ච කේශවම් .. 47..

ලබ්ධ අනුග්රහඃ ආචාර්යාත් තේන සන්දර්ශිතාගමඃ .

මහාපුරුෂං අභ්යර්චේත් මූර්ත්යා අභිමතයා ආත්මනඃ .. 48..

ශුචිඃ සම්මුඛං ආසීනඃ ප්රාණසංයමනාදිභිඃ .

පිණ්ඩං විශෝධ්ය සන්න්යාසකෘතරක්ෂඃ අර්චයේත් හරිම් .. 49..

අර්චාදෞ හෘදයේ ච අපි යථාලබ්ධ උපචාරකෛඃ .

ද්රව්යක්ෂිතිආත්මලිඞ්ගානි නිෂ්පාද්ය ප්රෝක්ෂ්ය ච ආසනම් .. 50..

පාද්යාදීන් උපකල්ප්යා අථ සන්නිධාප්ය සමාහිතඃ .

හෘත් ආදිභිඃ කෘතන්යාසඃ මූලමන්ත්රේණ ච අර්චයේත් .. 51..

සාඞ්ගෝපාඞ්ගාං සපාර්ෂදාං තාං තාං මූර්තිං ස්වමන්ත්රතඃ .

පාද්ය අර්ඝ්යාචමනීයාද්යෛඃ ස්නානවාසඃවිභූෂණෛඃ .. 52..

ගන්ධමාල්යාක්ෂතස්රග්භිඃ ධූපදීපහාරකෛඃ .

සාඞ්ගං සම්පූජ්ය විධිවත් ස්තවෛඃ ස්තුත්වා නමේත් හරිම් .. 53..

ආත්මාං තන්මයං ධ්යායන් මූර්තිං සම්පූජයේත් හරේඃ .

ශේෂාං ආධාය ශිරසි ස්වධාම්නි උද්වාස්ය සත්කෘතම් .. 54..

ඒවං අග්නි අර්කතෝයාදෞ අතිථෞ හෘදයේ ච යඃ .

යජති ඊශ්වරං ආත්මානං අචිරාත් මුච්යතේ හි සඃ .. 55..

ඉති ශ්රීමද්භාගවතේ මහාපුරාණේ පාරමහංස්යාං

සංහිතායාමේකාදශස්කන්ධේ නිමිජායන්තසංවාදේ

මායාකර්මබ්රහ්මනිරූපණං තෘතීයෝ(අ)ධ්යායඃ ..

Roman (IAST) Transliteration

atha tṛtīyo'dhyāyaḥ |

parasya viṣṇoḥ īśasya māyināma api mohinīm |

māyāṃ vedituṃ icchāmaḥ bhagavantaḥ bruvantu naḥ || 1||

na anutṛpye juṣan yuṣmat vacaḥ harikathā amṛtam |

saṃsāratāpaniḥtaptaḥ martyaḥ tat tāpa bheṣajam || 2||

antarikṣaḥ uvāca |

ebhiḥ bhūtāni bhūtātmā mahābhūtaiḥ mahābhuja |

sasarjot ca avacāni ādyaḥ svamātraprasiddhaye || 3||

evaṃ sṛṣṭāni bhūtāni praviṣṭaḥ pañcadhātubhiḥ |

ekadhā daśadhā ātmānaṃ vibhajan juṣate guṇān || 4||

guṇaiḥ guṇān saḥ bhuñjānaḥ ātmapradyoditaiḥ prabhuḥ |

manyamānaḥ idaṃ sṛṣṭaṃ ātmānaṃ iha sajjate || 5||

karmāṇi karmabhiḥ kurvan sanimittāni dehabhṛt |

tat tat karmaphalaṃ gṛhṇan bhramati iha sukhaitaram || 6||

itthaṃ karmagatīḥ gacchan bahvabhadravahāḥ pumān |

ābhūtasamplavāt sargapralayau aśnute avaśaḥ || 7||

dhātu upaplavaḥ āsanne vyaktaṃ dravyaguṇātmakam |

anādinidhanaḥ kālaḥ hi avyaktāya apakarṣati || 8||

śatavarṣāḥ hi anāvṛṣṭiḥ bhaviṣyati ulbaṇā bhuvi |

tat kāla upacita uṣṇa arkaḥ lokān trīn pratapiṣyati ||9||

pātālatalaṃ ārabhya saṅkarṣaṇamukha analaḥ |

dahan ūrdhvaśikhaḥ viṣvak vardhate vāyunā īritaḥ || 10||

sāṃvartakaḥ meghagaṇaḥ varṣati sma śataṃ samāḥ |

dhārābhiḥ hastihastābhiḥ līyate salile virāṭ || 11||

tataḥ virājaṃ utsṛjya vairājaḥ puruṣaḥ nṛpa |

avyaktaṃ viśate sūkṣmaṃ nirindhanaḥ iva analaḥ || 12||

vāyunā hṛtagandhā bhūḥ salilatvāya kalpate |

salilaṃ tat dhṛtarasaṃ jyotiṣṭvāya upakalpate || 13||

hṛtarūpaṃ tu tamasā vāyau jyotiḥ pralīyate |

hṛtasparśaḥ avakāśena vāyuḥ nabhasi līyate |

kālātmanā hṛtaguṇaṃ navaḥ ātmani līyate || 14||

indriyāṇi manaḥ buddhiḥ saha vaikārikaiḥ nṛpa |

praviśanti hi ahaṅkāraṃ svaguṇaiḥ ahaṃ ātmani || 15||

eṣā māyā bhagavataḥ sargasthiti antakāriṇī |

trivarṇā varṇitā asmābhiḥ kiṃ bhūyaḥ śrotuṃ icchasi || 16||

rājā uvāca |

yathā etāṃ aiśvarīṃ māyāṃ dustarāṃ akṛtātmabhiḥ |

taranti añjaḥ sthūladhiyaḥ maharṣaḥ idaṃ ucyatām || 17||

prabuddhaḥ uvāca |

karmāṇi ārabhamāṇānāṃ duḥkhahatyai sukhāya ca |

paśyet pākaviparyāsaṃ mithunīcāriṇāṃ nṛṇām || 18||

nityārtidena vittena durlabhena ātmamṛtyunā |

gṛha apatyāptapaśubhiḥ kā prītiḥ sādhitaiḥ calaiḥ ||

19||

evaṃ lokaṃ paraṃ vidyāt naśvaraṃ karmanirmitam |

satulya atiśaya dhvaṃsaṃ yathā maṇḍalavartinām || 20||

tasmāt guruṃ prapadyeta jijñāsuḥ śreyaḥ uttamam |

śābde pare ca niṣṇātaṃ brahmaṇi upaśamāśrayam || 21||

tatra bhāgavatān dharmān śikṣet guruātmadaivataḥ |

amāyayā anuvṛtyā yaiḥ tuṣyet ātmā ātmadaḥ hariḥ || 22||

sarvataḥ manasaḥ asaṅgaṃ ādau saṅgaṃ ca sādhuṣu |

dayāṃ maitrīṃ praśrayaṃ ca bhūteṣu addhā yathā ucitam || 23||

śaucaṃ tapaḥ titikṣāṃ ca maunaṃ svādhyāyaṃ ārjavam |

brahmacaryaṃ ahiṃsāṃ ca samatvaṃ dvandvasañjñayoḥ || 24||

sarvatra ātmeśvara anvīkṣāṃ kaivalyaṃ aniketatām |

viviktacīravasanaṃ santoṣaṃ yena kenacit || 25||

śraddhāṃ bhāgavate śāstre anindāṃ anyatra ca api hi |

manovāk karmadaṇḍaṃ ca satyaṃ śamadamau api || 26||

śravaṇaṃ kīrtanaṃ dhyānaṃ hareḥ adbhutakarmaṇaḥ |

janmakarmaguṇānāṃ ca tadarthe akhilaceṣṭitam || 27||

iṣṭaṃ dattaṃ tapaḥ japtaṃ vṛttaṃ yat ca ātmanaḥ priyam |

dārān sutān gṛhān prāṇān yat parasmai nivedanam || 28||

evaṃ kṛṣṇātmanātheṣu manuṣyeṣu ca sauhṛdam |

paricaryāṃ ca ubhayatra mahatsu nṛṣu sādhuṣu || 29||

paraspara anukathanaṃ pāvanaṃ bhagavat yaśaḥ |

mithaḥ ratiḥ mithaḥ tuṣṭiḥ nivṛttiḥ mithaḥ ātmanaḥ || 30||

smarantaḥ smārayantaḥ ca mithaḥ aghaughaharaṃ harim |

bhaktyā sañjātayā bhaktyā bibhrati utpulakāṃ tanum || 31||

kvacit rudanti acyutacintayā kvacit

hasanti nandanti vadanti alaukikāḥ |

nṛtyanti gāyanti anuśīlayanti

ajaṃ bhavanti tūṣṇīṃ paraṃ etya nirvṛtāḥ || 32||

iti bhāgavatān dharmān śikṣan bhaktyā tadutthayā |

nārāyaṇaparaḥ māyaṃ añjaḥ tarati dustarām || 33||

rājā uvāca |

nārāyaṇa abhidhānasya brahmaṇaḥ paramātmanaḥ |

niṣṭhāṃ arhatha naḥ vaktuṃ yūyaṃ hi brahmavittamāḥ || 34||

pippalāyanaḥ uvāca |

sthiti udbhavapralayahetuḥ ahetuḥ asya

yat svapnajāgarasuṣuptiṣu sat bahiḥ ca |

deha indriyāsuhṛdayāni caranti yena

sañjīvitāni tat avehi paraṃ narendra || 35||

na etat manaḥ viśati vāguta cakṣuḥ ātmā

prāṇendriyāṇi ca yathā analaṃ arciṣaḥ svāḥ |

śabdaḥ api bodhakaniṣedhatayā ātmamūlam

artha uktaṃ āha yadṛte na niṣedhasiddhiḥ || 36||

satvaṃ rajaḥ tamaḥ iti trivṛdekaṃ ādau

sūtraṃ mahān ahaṃ iti pravadanti jīvam |

jñānakriyā arthaphalarūpatayoḥ uśakti

brahma eva bhāti sat asat ca tayoḥ paraṃ yat || 37||

na ātmā jajāna na mariṣyati na edhate asau

na kṣīyate savanavit vyabhicāriṇāṃ hi |

sarvatra śasvadanapāyi upalabdhimātraṃ

prāṇaḥ yathā indriyavalena vikalpitaṃ sat || 38||

aṇḍeṣu peśiṣu taruṣu aviniściteṣu

prāṇaḥ hi jīvaṃ upadhāvati tatra tatra |

sanne yat indriyagaṇe ahami ca prasupte

kūṭasthaḥ āśayamṛte tat anusmṛtiḥ naḥ || 39||

yaḥ hi abja nābha caraṇa eṣaṇayoḥ ubhaktyā

cetomalāni vidhamet guṇakarmajāni |

tasmin viśuddhaḥ upalabhyataḥ ātmatattvam

sākṣāt yathā amaladṛśaḥ savitṛprakāśaḥ || 40||

karmayogaṃ vadata naḥ puruṣaḥ yena saṃskṛtaḥ |

vidhūya iha āśu karmāṇi naiṣkarmyaṃ vindate param || 41||

evaṃ praśnaṃ ṛṣin pūrvaṃ apṛcchaṃ pituḥ antike |

na abruvan brahmaṇaḥ putrāḥ tatra kāraṇaṃ ucyatām || 42||

āvirhotraḥ uvāca |

karma akarmavikarma iti vedavādaḥ na laukikaḥ |

vedasya ca īśvarātmatvāt tatra muhyanti sūrayaḥ || 43||

parokṣavādaḥ vedaḥ ayaṃ bālānāṃ anuśāsanam |

karmamokṣāya karmāṇi vidhatte hi agadaṃ yathā || 44||

na ācaret yaḥ tu veda uktaṃ svayaṃ ajñaḥ ajitendriyaḥ |

vikarmaṇā hi adharmeṇa mṛtyoḥ mṛtyuṃ upaiti saḥ || 45||

veda uktaṃ eva kurvāṇaḥ niḥsaṅgaḥ arpitaṃ īśvare |

naiṣkarmyāṃ labhate siddhiṃ rocanārthā phalaśrutiḥ || 46||

yaḥ āśu hṛdayagranthiṃ nirjihīṣuḥ parātmanaḥ |

vidhinā upacaret devaṃ tantra uktena ca keśavam || 47||

labdha anugrahaḥ ācāryāt tena sandarśitāgamaḥ |

mahāpuruṣaṃ abhyarcet mūrtyā abhimatayā ātmanaḥ || 48||

śuciḥ sammukhaṃ āsīnaḥ prāṇasaṃyamanādibhiḥ |

piṇḍaṃ viśodhya sannyāsakṛtarakṣaḥ arcayet harim || 49||

arcādau hṛdaye ca api yathālabdha upacārakaiḥ |

dravyakṣitiātmaliṅgāni niṣpādya prokṣya ca āsanam || 50||

pādyādīn upakalpyā atha sannidhāpya samāhitaḥ |

hṛt ādibhiḥ kṛtanyāsaḥ mūlamantreṇa ca arcayet || 51||

sāṅgopāṅgāṃ sapārṣadāṃ tāṃ tāṃ mūrtiṃ svamantrataḥ |

pādya arghyācamanīyādyaiḥ snānavāsaḥvibhūṣaṇaiḥ || 52||

gandhamālyākṣatasragbhiḥ dhūpadīpahārakaiḥ |

sāṅgaṃ sampūjya vidhivat stavaiḥ stutvā namet harim || 53||

ātmāṃ tanmayaṃ dhyāyan mūrtiṃ sampūjayet hareḥ |

śeṣāṃ ādhāya śirasi svadhāmni udvāsya satkṛtam || 54||

evaṃ agni arkatoyādau atithau hṛdaye ca yaḥ |

yajati īśvaraṃ ātmānaṃ acirāt mucyate hi saḥ || 55||

iti śrīmadbhāgavate mahāpurāṇe pāramahaṃsyāṃ

saṃhitāyāmekādaśaskandhe nimijāyantasaṃvāde

māyākarmabrahmanirūpaṇaṃ tṛtīyo'dhyāyaḥ ||