Shri Shitala Devi Ashtakam (shitalashtakam)

ॐ

ශ්රී ශීතලා දේවී අෂ්ටකම් (ශීතලාෂ්ටකම්)

Devi Ashtakam Sinhala

අස්ය ශ්රීශීතලාස්තෝත්රස්ය මහාදේව ඍෂිඃ අනුෂ්ටුප් ඡන්දඃ ශීතලා දේවතා ලක්ෂ්මීර්බීජං භවානී ශක්තිඃ සර්වවිස්ඵෝටකනිවෘත්යර්ථේ ජපේ විනියෝගඃ ..

ඊශ්වර උවාච .

වන්දේ(අ)හං ශීතලාං දේවීං රාසභස්ථාං දිගම්බරාම් .

මාර්ජනීකලශෝපේතාං ශූර්පාලඞ්කෘතමස්තකාම් .. 1 ..

වන්දේ(අ)හං ශීතලාං දේවීං සර්වරෝගභයාපහාම් .

යාමාසාද්ය නිවර්තේත විස්ඵෝටකභයං මහත් .. 2 ..

ශීතලේ ශීතලේ චේති යෝ බ්රූයාද්දාහපීඩිතඃ .

විස්ඵෝටකභයං ඝෝරං ක්ෂිප්රං තස්ය ප්රණශ්යති .. 3 ..

යස්ත්වාමුදකමධ්යේ තු ධ්යාත්වා සම්පූජයේන්නරඃ .

විස්ඵෝටකභයං ඝෝරං ගෘහේ තස්ය න ජායතේ .. 4 ..

ශීතලේ ජ්වරදග්ධස්ය පූතිගන්ධයුතස්ය ච .

ප්රණෂ්ටචක්ෂුෂඃ පුංසස්ත්වාමාහුර්ජීවනෞෂධම් .. 5 ..

ශීතලේ තනුජාන් රෝගාන් නෘණාං හරසි දුස්ත්යජාන් .

විස්ඵෝටකවිදීර්ණානාං ත්වමේකා(අ)මෘතවර්ෂිණී .. 6 ..

ගලගණ්ඩග්රහා රෝගා යේ චාන්යේ දාරුණා නෘණාම් .

ත්වදනුධ්යානමාත්රේණ ශීතලේ යාන්ති සඞ්ක්ෂයම් .. 7 ..

න මන්ත්රෝ නෞෂධං තස්ය පාපරෝගස්ය විද්යතේ .

ත්වාමේකාං ශීතලේ ධාත්රීං නාන්යාං පශ්යාමි දේවතාම් .. 8 ..

මෘණාලතන්තුසදෘශීං නාභිහෘන්මධ්යසංස්ථිතාම් .

යස්ත්වාං සඤ්චින්තයේද්දේවි තස්ය මෘත්යුර්න ජායතේ .. 9 ..

අෂ්ටකං ශීතලාදේව්යා යෝ නරඃ ප්රපඨේත්සදා .

විස්ඵෝටකභයං ඝෝරං ගෘහේ තස්ය න ජායතේ .. 10 ..

ශ්රෝතව්යං පඨිතව්යං ච ශ්රද්ධාභක්තිසමන්විතෛඃ .

උපසර්ගවිනාශාය පරං ස්වස්ත්යයනං මහත් .. 11 ..

ශීතලේ ත්වං ජගන්මාතා ශීතලේ ත්වං ජගත්පිතා .

ශීතලේ ත්වං ජගද්ධාත්රී ශීතලායෛ නමෝ නමඃ .. 12 ..

රාසභෝ ගර්දභශ්චෛව ඛරෝ වෛශාඛනන්දනඃ .

ශීතලාවාහනශ්චෛව දූර්වාකන්දනිකෘන්තනඃ .. 13 ..

ඒතානි ඛරනාමානි ශීතලාග්රේ තු යඃ පඨේත් .

තස්ය ගේහේ ශිශූනාං ච ශීතලාරුඞ් න ජායතේ .. 14 ..

ශීතලාෂ්ටකමේවේදං න දේයං යස්යකස්යචිත් .

දාතව්යං ච සදා තස්මෛ ශ්රද්ධාභක්තියුතාය වෛ .. 15 ..

ඉති ශ්රීස්කාන්දපුරාණේ ශීතලාෂ්ටකම් ..

Roman (IAST) Transliteration

asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||

īśvara uvāca |

vande'haṃ śītalāṃ devīṃ rāsabhasthāṃ digambarām |

mārjanīkalaśopetāṃ śūrpālaṅkṛtamastakām || 1 ||

vande'haṃ śītalāṃ devīṃ sarvarogabhayāpahām |

yāmāsādya nivarteta visphoṭakabhayaṃ mahat || 2 ||

śītale śītale ceti yo brūyāddāhapīḍitaḥ |

visphoṭakabhayaṃ ghoraṃ kṣipraṃ tasya praṇaśyati || 3 ||

yastvāmudakamadhye tu dhyātvā sampūjayennaraḥ |

visphoṭakabhayaṃ ghoraṃ gṛhe tasya na jāyate || 4 ||

śītale jvaradagdhasya pūtigandhayutasya ca |

praṇaṣṭacakṣuṣaḥ puṃsastvāmāhurjīvanauṣadham || 5 ||

śītale tanujān rogān nṛṇāṃ harasi dustyajān |

visphoṭakavidīrṇānāṃ tvamekā'mṛtavarṣiṇī || 6 ||

galagaṇḍagrahā rogā ye cānye dāruṇā nṛṇām |

tvadanudhyānamātreṇa śītale yānti saṅkṣayam || 7 ||

na mantro nauṣadhaṃ tasya pāparogasya vidyate |

tvāmekāṃ śītale dhātrīṃ nānyāṃ paśyāmi devatām || 8 ||

mṛṇālatantusadṛśīṃ nābhihṛnmadhyasaṃsthitām |

yastvāṃ sañcintayeddevi tasya mṛtyurna jāyate || 9 ||

aṣṭakaṃ śītalādevyā yo naraḥ prapaṭhetsadā |

visphoṭakabhayaṃ ghoraṃ gṛhe tasya na jāyate || 10 ||

śrotavyaṃ paṭhitavyaṃ ca śraddhābhaktisamanvitaiḥ |

upasargavināśāya paraṃ svastyayanaṃ mahat || 11 ||

śītale tvaṃ jaganmātā śītale tvaṃ jagatpitā |

śītale tvaṃ jagaddhātrī śītalāyai namo namaḥ || 12 ||

rāsabho gardabhaścaiva kharo vaiśākhanandanaḥ |

śītalāvāhanaścaiva dūrvākandanikṛntanaḥ || 13 ||

etāni kharanāmāni śītalāgre tu yaḥ paṭhet |

tasya gehe śiśūnāṃ ca śītalāruṅ na jāyate || 14 ||

śītalāṣṭakamevedaṃ na deyaṃ yasyakasyacit |

dātavyaṃ ca sadā tasmai śraddhābhaktiyutāya vai || 15 ||

iti śrīskāndapurāṇe śītalāṣṭakam ||