Shri Rama Karnamritam — InfoLyter.in

ॐ

ශ්රී රාම කර්ණාමෘතම්

Shri Rama Karnamritam

Rama Sinhala

මඞ්ගලශ්ලෝකාඃ

මඞ්ගලං භගවාන්විෂ්ණුර්මඞ්ගලං මධුසූදනඃ .

මඞ්ගලං පුණ්ඩරීකාක්ෂෝ මඞ්ගලං ගරුඩධ්වජඃ .. 1

මඞ්ගලං කෝසලේන්ද්රාය මහනීයගුණාබ්ධයේ .

චක්රවර්තිතනූජාය සාර්වභෞමාය මඞ්ගලම් .. 2

වේදවේදාන්තවේද්යාය මේඝශ්යාමලමූර්තයේ .

පුංසාං මෝහනරූපාය පුණ්යශ්ලෝකාය මඞ්ගලම් .. 3

විශ්වාමිත්රාන්තරඞ්ගාය මිථිලානගරීපතේඃ .

භාග්යානාං පරිපාකාය භව්යරූපාය මඞ්ගලම් .. 4

පිතෘභක්තාය සතතං භ්රාතෘභිඃ සහ සීතයා .

නන්දිතාඛිලලෝකාය රාමචන්ද්රාය මඞ්ගලම් .. 5

ත්යක්තසාකේතවාසාය චිත්රකූටවිහාරිණේ .

සේව්යාය සර්වයමිනාං ධීරෝදාත්තාය මඞ්ගලම් .. 6

සෞමිත්රිණා ච ජානක්යා චාපබාණාසිධාරිණා .

සංසේව්යාය සදා භක්ත්යා සානුජායාස්තු මඞ්ගලම් .. 7

දණ්ඩකාරණ්යවාසාය ඛණ්ඩිතාමරශත්රවේ .

ගෘධ්රරාජාය භක්තාය මුක්තිදායාස්තු මඞ්ගලම් .. 8

සාදරං ශබරීදත්තඵලමූලාභිලාෂිණේ .

සෞලභ්යපරිපූර්ණාය සත්ත්වෝද්යුක්තාය මඞ්ගලම් .. 9

හනූමත්සමවේතාය හරීශාභීෂ්ටදායිනේ .

වාලිප්රමථනායාස්තු මහාධීරාය මඞ්ගලම් .. 10

ශ්රීමතේ රඝුවීරාය සේතුලඞ්ඝිතසින්ධවේ .

ජිතරාක්ෂසරාජාය රණධීරාය මඞ්ගලම් .. 11

ආසාද්ය නගරීං දිව්යාමභිෂික්තාය සීතයා .

රාජාධිරාජරාජාය රාමභද්රාය මඞ්ගලම් .. 12

විභීෂණකෘතේ ප්රීත්යා විශ්වාභීෂ්ටප්රදායිනේ .

ජානකීප්රාණනාථාය සදා රාමාය මඞ්ගලම් .. 13

—-

ශ්රීරාමං ත්රිජගද්ගුරුං සුරවරං සීතාමනෝනායකං

ශ්යාමාඞ්ගං ශශිකෝටිපූර්ණවදනං චඤ්චත්කලාකෞස්තුභම් .

සෞම්යං සත්යගුණෝත්තමං සුසරයූතීරේ වසන්තං ප්රභුං

ත්රාතාරං සකලාර්ථසිද්ධිසහිතං වන්දේ රඝූණාං පතිම් .. 14

ශ්රීරාඝවං දශරථාත්මජමප්රමේයං

සීතාපතිං රඝුවරාන්වයරත්නදීපම් .

ආජානුබාහුමරවින්දදලායතාක්ෂං

රාමං නිශාචරවිනාශකරං නමාමි .. 15

ශ්රීරාමචන්ද්ර කරුණාකර රාඝවේන්ද්ර

රාජේන්ද්රචන්ද්ර රඝුවංශසමුද්රචන්ද්ර .

සුග්රීවනේත්රයුගලෝත්පල-පූර්ණචන්ද්ර

සීතාමනඃකුමුදචන්ද්ර නමෝ නමස්තේ .. 16

සීතාමනෝමානසරාජහංස

සංසාරසන්තාපහර ක්ෂමාවන් .

ශ්රීරාම දෛත්යාන්තක ශාන්තරූප

ශ්රීතාරකබ්රහ්ම නමෝ නමස්තේ .. 17

විෂ්ණෝ රාඝව වාසුදේව නෘහරේ දේවෞඝචූඩාමණේ .

සංසාරාර්ණවකර්ණධාරක හරේ කෘෂ්ණාය තුභ්යං නමඃ .. 18

සුග්රීවාදිසමස්තවානරවරෛස්සංසේව්යමානං සදා .

විශ්වාමිත්රපරාශරාදිමුනිභිස්සංස්තූයමානං භජේ .. 19

රාමං චන්දනශීතලං ක්ෂිතිසුතාමෝහාකරං ශ්රීකරං

වෛදේහීනයනාරවින්දමිහිරං සම්පූර්ණචන්ද්රානනම් .

රාජානං කරුණාසමේතනයනං සීතාමනෝනන්දනං

සීතාදර්පණචාරුගණ්ඩලලිතං වන්දේ සදා රාඝවම් .. 20

ජානාති රාම තව නාමරුචිං මහේශෝ

ජානාති ගෞතමසතී චරණප්රභාවම් .

ජානාති දෝර්බලපරාක්රමමීශචාපෝ

ජානාත්යමෝඝපටුබාණගතිං පයෝධිඃ .. 21

මාතා රාමෝ මත්පිතා රාමචන්ද්රෝ

භ්රාතා රාමෝ මත්සඛා රාඝවේශඃ .

සර්වස්වං මේ රාමචන්ද්රෝ දායාලු-

ර්නාන්යං දෛවං නෛව ජානේ න ජානේ .. 22

විමලකමලනේත්රං විස්ඵුරන්නීලගාත්රං

තපනකුලපවිත්රං දානවධ්වන්තමිත්රම් .

භුවනශුභචරිත්රං භූමිපුත්රීකලත්රං

දශරථවරපුත්රං නෞමි රාමාඛ්යමිත්රම් .. 23

මාර්ගේ මාර්ගේ ශාඛිනාං රත්නවේදී

වේද්යාං වේද්යාං කින්නරීබෘන්දගීතම් .

ගීතේ ගීතේ මඤ්ජුලාලාපගෝෂ්ඨී

ගෝෂ්ඨ්යාං ගෝෂ්ඨ්යාං ත්වත්කථා රාමචන්ද්ර .. 24

වෘක්ෂේ වෘක්ෂේ වීක්ෂිතාඃ පක්ෂිසඞ්ඝාඃ

සඞ්ඝේ සඞ්ඝේ මඤ්ජුලාමෝදවාක්යම් .

වාක්යේ වාක්යේ මඤ්ජුලාලාපගෝෂ්ඨී

ගෝෂ්ඨ්යාං ගෝෂ්ඨ්යාං ත්වත්කථා රාමචන්ද්ර .. 25

දුරිතතිමිරචන්ද්රෝ දුෂ්ටකඤ්ජාතචන්ද්රඃ

සුරකුවලයචන්ද්රස්සූර්යවංශාබ්ධිචන්ද්රඃ .

ස්වජනනිවහචන්ද්රශ්ශත්රුරාජීවචන්ද්රඃ

ප්රණතකුමුදචන්ද්රඃ පාතු මාං රාමචන්ද්රඃ .. 26

කල්යාණදං කෞශිකයජ්ඤපාලං

කලානිධිං කාඤ්චනශෛලධීරම් .

කඤ්ජාතනේත්රං කරුණාසමුද්රං

කාකුත්ස්ථරාමං කලයාමි චිත්තේ .. 27

රාජීවායතලෝචනං රඝුවරං නීලෝත්පලශ්යාමලං

මන්දාරාඤ්චිතමණ්ඩපේ සුලලිතේ සෞවර්ණකේ පුෂ්පකේ .

ආස්ථානේ නවරත්නරාජිඛචිතේ සිංහාසනේ සංස්ථිතං

සීතාලක්ෂ්මණලෝකපාලසහිතං වන්දේ මුනීන්ද්රාස්පදම් .. 28

ධ්යායේ රාමං සුධාංශුං නතසකලභවාරණ්යතාපප්රහාරම් .

ශ්යාමං ශාන්තං සුරේන්ද්රං සුරමුනිවිනුතං කෝටිසූර්යප්රකාශම් .

සීතාසෞමිත්රිසේව්යං සුරනරසුගමං දිව්යසිංහාසනස්ථම් .

සායාහ්නේ රාමචන්ද්රං ස්මිතරුචිරමුඛං සර්වදා මේ ප්රසන්නම් .. 29

ඉන්ද්රනීලමණිසන්නිභදේහං

වන්දනීයමසකෘන්මුනිබෘන්දෛඃ .

ලම්බමානතුලසීවනමාලං

චින්තයාමි සතතං රඝුවීරම් .. 30

සම්පූර්ණචන්ද්රවදනං සරසීරුහාක්ෂං

මාණික්යකුණ්ඩලධරං මුකුටාභිරාමම් .

චාම්පේයගෞරවසනං ශරචාපහස්තං

ශ්රීරාමචන්ද්රමනිශං මනසා ස්මරාමි .. 31

මාතුඃ පාර්ශ්වේ චරන්තං මණිමයශයනේ මඤ්ජුභූෂාඤ්චිතාඞ්ගම් .

මන්දං මන්දං පිබන්තං මුකුලිතනයනං ස්තන්යමන්යස්තනාග්රම් .

අඞ්ගුල්යාග්රෛඃ ස්පෘශන්තං සුඛපරවශයා සස්මිතාලිඞ්ගිතාඞ්ගම් .

ගාඪං ගාඪං ජනන්යා කලයතු හෘදයං මාමකං රාමබාලම් .. 32

රාමාභිරාමං නයනාභිරාමං

වාචාභිරාමං වදනාභිරාමම් .

සර්වාභිරාමං ච සදාභිරාමං

වන්දේ සදා දාශරථිං ච රාමම් .. 33

රාශබ්දෝච්චාරමාත්රේණ මුඛාන්නිර්යාති පාතකාඃ .

පුනඃ ප්රවේශභීත්යා ච මකාරස්තු කවාටවත් .. 34

අනර්ඝමාණික්යවිරාජමාන-

ශ්රීපාදුකාලඞ්කෘතශෝභනාභ්යාම් .

අශේෂබෘන්දාරකවන්දිතාභ්යාං

නමෝ නමෝ රාමපදාම්බුජාභ්යාම් .. 35

චලත්කනකකුණ්ඩලෝල්ලසිතදිව්යගණ්ඩස්ථලං

චරාචරජගන්මයං චරණපද්මගඞ්ගාශ්රයම් .

චතුර්විධඵලප්රදං චරමපීඨමධ්යස්ථිතං

චිදංශමඛිලාස්පදං දශරථාත්මජං චින්තයේ .. 36

සනන්දනමුනිප්රියං සකලවර්ණවේදාත්මකං

සමස්තනිගමාගමස්ඵුරිතතත්ත්වසිංහාසනම් .

සහස්රනයනාබ්ජජාද්යමරබෘන්දසංසේවිතං

සමෂ්ටිපුරවල්ලභං දශරථාත්මජං චින්තයේ .. 37

ජාග්රත්ස්වප්නසුෂුප්ති-කාලවිලසත්තත්ත්වාත්මචින්මාත්රකං

චෛතන්යාත්මකමාධිපාපරහිතං භූම්යාදිතන්මාත්රකම් .

ශාම්භව්යාදිසමස්තයෝගකුලකං සාඞ්ඛ්යාදිතත්ත්වාත්පරං

ශබ්දාවාච්යමහං නමාමි සතතං ව්යුත්පත්තිනාශාත්පරම් .. 38

ඉක්ෂ්වාකුවංශාර්ණවජාතරත්නං

සීතාඞ්ගනායෞවනභාග්යරත්නම් .

වෛකුණ්ඨරත්නං මම භාග්යරත්නං

ශ්රීරාමරත්නං ශිරසා නමාමි .. 39

ඉක්ෂ්වාකුනන්දනං සුග්රීවපූජිතං

ත්රෛලෝක්යරක්ෂකං සත්යසන්ධං සදා .

රාඝවං රඝුපතිං රාජීවලෝචනං

රාමචන්ද්රං භජේ රාඝවේශං භජේ .. 40

භක්තප්රියං භක්තසමාධිගම්යං

චින්තාහරං චින්තිතකාමධේනුම් .

සූර්යේන්දුකෝටිද්යුතිභාස්වරං තං

රාමං භජේ රාඝවරාමචන්ද්රම් .. 41

ශ්රීරාමං ජනකක්ෂිතීශ්වරසුතාවක්ත්රාම්බුජාහාරිණං

ශ්රීමද්භානුකුලාබ්ධිකෞස්තුභමණිං ශ්රීරත්නවක්ෂස්ස්ථලම් .

ශ්රීකණ්ඨාද්යමරෞඝරත්නමකුටාලඞ්කාරපාදාම්බුජං

ශ්රීවත්සෝජ්ජ්වලමින්ද්රනීලසදෘශං ශ්රීරාමචන්ද්රං භජේ .. 42

රාමචන්ද්ර චරිතාකථාමෘතං

ලක්ෂ්මණාග්රජගුණානුකීර්තනම් .

රාඝවේශ තව පාදසේවනං

සම්භවන්තු මම ජන්මජන්මනි .. 43

අජ්ඤානසම්භව-භවාම්බුධිබාඩබාග්නි-

රව්යක්තතත්ත්වනිකරප්රණවාධිරූඪඃ .

සීතාසමේතමනුජේන හෘදන්තරාලේ

ප්රාණප්රයාණසමයේ මම සන්නිධත්තේ .. 44

රාමෝ මත්කුලදෛවතං සකරුණං රාමං භජේ සාදරං

රාමේණාඛිලඝෝරපාපනිහතී රාමාය තස්මෛ නමඃ .

රාමාන්නාස්ති ජගත්රයෛකසුලභෝ රාමස්ය දාසෝ(අ)ස්ම්යහං

රාමේ ප්රීතිරතීව මේ කුලගුරෝ ශ්රීරාම රක්ෂස්ව මාම් .. 45

වෛදේහීසහිතං සුරද්රුමතලේ හෛමේ මහාමණ්ටපේ .

මධ්යේපුෂ්පකමාසනේ මණිමයේ වීරාසනේ සංස්ථිතම් .

අග්රේ වාචයති ප්රභඤ්ජනසුතේ තත්ත්වං මුනිභ්යඃ පරම් .

ව්යාඛ්යාන්තං භරතාදිභිඃ පරිවෘතං රාමං භජේ ශ්යාමලම් .. 46

වාමේ භූමිසුතා පුරස්තු හනුමාන්පශ්චාත්සුමිත්රාසුත-

ශ්ශත්රුඝ්නෝ භරතශ්ච පාර්ශ්වදලයෝර්වාය්වාදිකෝණේෂ්වපි .

සුග්රීවශ්ච විභීෂණශ්ච යුවරාට් තාරාසුතෝ ජාම්බවාන්

මධ්යේ නීලසරෝජකෝමලරුචිං රාමං භජේ ශ්යාමලම් .. 47

කේයූරාඞ්ගදකඞ්කණෛර්මණිගණෛර්වෛරෝචමානං සදා

රාකාපර්වණිචන්ද්රකෝටිසදෘශං ඡත්රේණ වෛරාජිතම් .

හේමස්තම්භසහස්රෂෝඩශයුතේ මධ්යේ මහාමණ්ඩපේ

දේවේශං භරතාදිභිඃ පරිවෘතං රාමං භජේ ශ්යාමලම් .. 48

සාකේතේ ශරදින්දුකුන්දධවලේ සෞඝේ මහාමණ්ටපේ .

පර්යස්තාගරුධූපධූමපටලේ කර්පූරදීපෝජ්ජ්වලේ .

සුග්රීවාඞ්ගදවායුපුත්රසහිතං සෞමිත්රිණා සේවිතං

ලීලාමානුෂවිග්රහං රඝුපතිං රාමං භජේ ශ්යාමලම් .. 49

ශාන්තං ශාරදචන්ද්රකෝටිසදෘශං චන්ද්රාභිරාමානනං

චන්ද්රාර්කාග්නිවිකාසිකුණ්ඩලධරං චන්ද්රාවතංසස්තුතම් .

වීණාපුස්තකසාක්ෂසූත්රවිලසද්ව්යාඛ්යානමුද්රාකරං

දේවේශං භරතාදිභිඃ පරිවෘතං රාමං භජේ ශ්යාමලම් .. 50

රාමං රාක්ෂසමර්දනං රඝුපතිං ශක්රාරිවිධ්වංසිනං

සුග්රීවේප්සිතරාජ්යදං සුරපතේඃ පුත්රාන්තකං ශාර්‍ඞ්ගිණම් .

භක්තානාමභයප්රදං භයහරං පාපෞඝවිධ්වංසිනං

සීතාසේවිතපාදපද්මයුගලං රාමං භජේ ශ්යාමලම් .. 51

කන්දර්පායුතකෝටිකෝටිතුලිතං කාලාම්බුදශ්යාමලං

කම්බුග්රීවමුදාරකෞස්තුභධරං කර්ණාවතංසෝත්පලම් .

කස්තූරීතිලකෝජ්ජ්වලං ස්මිතමුඛං චින්මුද්රයාලඞ්කෘතං

සීතාලක්ෂ්මණවායුපුත්රසහිතං සිංහාසනස්ථං භජේ .. 52

සාකේතේ නවරත්නපඞ්ක්තිඛචිතේ චිත්රධ්වජාලඞ්කෘතේ

වාසේ ස්වර්ණමයේ දලාෂ්ටලලිතේ පද්මේ විමානෝත්තමේ .

ආසීනං භරතාදිසෝදරජනෛඃ ශාඛාමෘගෛඃ කින්නරෛඃ

දික්පාලෛර්මුනිපුඞ්ගවෛර්නෘපගණෛස්සංසේව්යමානං භජේ .. 53

කස්තූරීඝනසාරකුඞ්කුමලසච්ඡ්රීචන්දනාලඞ්කෘතං

කන්දර්පාධිකසුන්දරං ඝනනිභං කාකුත්ස්ථවංශධ්වජම් .

කල්යාණාම්භරවේෂ්ටිතං කමලයා යුක්තං කලාවල්ලභං

කල්යාණාචලකාර්මුකප්රියසඛං කල්යාණරාමං භජේ .. 54

මුක්තේර්මූලං මුනිවරහෘදානන්දකන්දං මුකුන්දං

කූටස්ථාඛ්යං සකලවරදං සර්වචෛතන්යරූපම් .

නාදාතීතං කමලනිලයං නාදනාදාන්තතත්ත්වං

නාදාතීතං ප්රකෘතිරහිතං රාමචන්ද්රං භජේ(අ)හම් .. 55

තාරාකාරං නිඛිලනිලයං තත්ත්වමස්යාදිලක්ෂ්යං

ශබ්දාවාච්යං ත්රිගුණරහිතං ව්යෝමමඞ්ගුෂ්ඨමාත්රම් .

නිර්වාණාඛ්යං සගුණමගුණව්යෝමරන්ධ්රාන්තරස්ථං

සෞෂුම්නාන්තඃ ප්රණවසහිතං රාමචන්ද්රං භජේ(අ)හම් .. 56

නිජානන්දාකාරං නිගමතුරගාරාධිතපදං

පරබ්රහ්මානන්දං පරමපදගං පාපහරණම් .

කෘපාපාරාවාරං පරමපුරුෂං පද්මනිලයං

භජේ රාමං ශ්යාමං ප්රකෘතිරහිතං නිර්ගුණමහම් .. 57

සාකේතේ නගරේ සමස්තමහිමාධාරේ ජගන්මෝහනේ

රත්නස්තම්භසහස්රමණ්ටපමහාසිංහාසනේ සාම්බුජේ .

විශ්වාමිත්රවසිෂ්ඨගෞතමශුකව්යාසාදිභිර්මෞනිභිඃ

ධ්යේයං ලක්ෂ්මණලෝකපාලසහිතං සීතාසමේතං භජේ .. 58

රාමං ශ්යාමාභිරාමං රවිශශිනයනං කෝටිසූර්යප්රකාශං

දිව්යං දිව්යාස්ත්රපාණිං ශරමුඛශරධිං චාරුකෝඩණ්ඩහස්තම් .

කාලං කාලාග්නිරුද්රං රිපුකුලදහනං විඝ්නවිච්ඡේදදක්ෂං

භීමං භීමාට්ටහාසං සකලභයහරං රාමචන්ද්රං භජේ(අ)හම් .. 59

ශ්රීරාමං භුවනෛකසුන්දරතනුං ධාරාධරශ්යාමලං

රාජීවායතලෝචනං රඝුවරං රාකේන්දුබිම්බානනම් .

කෝදණ්ඩාදිනිජායුධාශ්රිතභුජෛර්භ්රාන්තං විදේහාත්මජා-

ධීශං භක්තජනාවනං රඝුවරං ශ්රීරාමචන්ද්රං භජේ .. 60

ශ්රීවත්සාඞ්කමුදාරකෞස්තුභලසත්පීතාම්බරාලඞ්කෘතං

නානාරත්නවිරාජමානමකුටං නීලාම්බුදශ්යාමලම් .

කස්තූරීඝනසාරචර්චිතතනුං මන්දාරමාලාධරං

කන්දර්පායුතසුන්දරං රඝුපතිං සීතාසමේතං භජේ .. 61

සදානන්දදේවේ සහස්රාරපද්මේ

ගලච්චන්ද්රපීයූෂධාරාමෘතාන්තේ .

ස්ථිතං රාමමූර්තිං නිෂේවේ නිෂේවේ-

(අ)න්යදෛවං න සේවේ න සේවේ න සේවේ .. 62

සුධාභාසිතද්වීපමධ්යේ විමානේ

සුපර්වාලිවෘක්ෂෝජ්ජ්වලේ ශේෂතල්පේ .

නිෂණ්ණං රමාඞ්කං නිෂේවේ නිෂේවේ-

(අ)න්යදෛවං න සේවේ න සේවේ න සේවේ .. 63

චිදංශං සමානන්දමානන්දකන්දං

සුෂුම්නාඛ්යරන්ධ්රාන්තරාලේ ච හංසම් .

සචක්රං සශඞ්ඛං සපීතාම්බරාඞ්කං

පරඤ්චාන්යදෛවං න ජානේ න ජානේ .. 64

චතුර්වේදකූටෝල්ලසත්කාරණාඛ්යං

ස්ඵුරද්දිව්යවෛමානිකේ භෝගිතල්පේ .

පරන්ධාමමූර්තිං නිෂණ්ණං නිෂේවේ

නිෂේවේ(අ)න්යදෛවං න සේවේ න සේවේ .. 65

සිංහාසනස්ථං සුරසේවිතව්යං

රත්නාඞ්කිතාලඞ්කෘතපාදපද්මම් .

සීතාසමේතං ශශිසූර්යනේත්රං

රාමං භජේ රාඝව රාමචන්ද්රම් .. 66

රාමං පුරාණපුරුෂං රමණීයවේෂං

රාජාධිරාජමකුටාර්චිතපාදපීඨම් .

සීතාපතිං සුනයනං ජගදේකවීරං

ශ්රීරාමචන්ද්රමනිශං කලයාමි චිත්තේ .. 67

පරානන්දවස්තුස්වරූපාදිසාක්ෂිං

පරබ්රහ්මගම්යං පරඤ්ජ්යෝතිමූර්තිම් .

පරාශක්තිමිත්රා(අ)ප්රියාරාධිතාඞ්ඝ්රිං

පරන්ධාමරූපං භජේ රාමචන්ද්රම් .. 68

මන්දස්මිතං කුණ්ඩලගණ්ඩභාගං

පීතාම්බරං භූෂණභූෂිතාඞ්ගම් .

නීලෝත්පලාඞ්ගං භුවනෛකමිත්රං

රාමං භජේ රාඝව රාමචන්ද්රම් .. 69

අචින්ත්යමව්යක්තමනන්තරූප-

මද්වෛතමානන්දමනාදිගම්යම් .

පුණ්යස්වරූපං පුරුෂෝත්තමාඛ්යං

රාමං භජේ රාඝව රාමචන්ද්රම් .. 70

පද්මාසනස්ථං සුරසේවිතව්යං

පද්මාලයානන්දකටාක්ෂවීක්ෂ්යම් .

ගන්ධර්වවිද්යාධරගීයමානං

රාමං භජේ රාඝව රාමචන්ද්රම් .. 71

අනන්තකීර්තිං වරදං ප්රසන්නං

පද්මාසනං සේවකපාරිජාතම් .

රාජාධිරාජං රඝුවීරකේතුං

රාමං භජේ රාඝව රාමචන්ද්රම් .. 72

සුග්රීවමිත්රං සුජනානුරූපං

ලඞ්කාහරං රාක්ෂසවංශනාශම් .

වේදාශ්රයාඞ්ගං විපුලායතාක්ෂං

රාමං භජේ රාඝව රාමචන්ද්රම් .. 73

සකෘත්ප්රණතරක්ෂායාං සාක්ෂී යස්ය විභීෂණඃ .

සාපරාධප්රතීකාරඃ ස ශ්රීරාමෝ ගතිර්මම .. 74

ඵලමූලාශිනෞ දාන්තෞ තාපසෞ ධර්මචාරිණෞ .

රක්ෂඃකුලවිහන්තාරෞ භ්රාතරෞ රාමලක්ෂ්මණෞ .. 75

තරුණෞ රූපසම්පන්නෞ සුකුමාරෞ මහාබලෞ .

පුණ්ඩරීක විශාලාක්ෂෞ චීරකෘෂ්ණාජිනාම්බරෞ .. 76

කෞසල්යානයනේන්දුං දශරථමුඛාරවින්දමාර්තාණ්ඩම් .

සීතාමානසහංසං රාමං රාජීවලෝචනං වන්දේ .. 77

භර්ජනං භවබීජානාං මාර්ජනං සුඛසම්පදාම් .

තර්ජනං යමදූතානාං රාමරාමේති කීර්තනම් .. 78

න ජානේ ජානකී ජානේ රාම ත්වන්නාමවෛභවම් .

සර්වේශෝ භගවාන් ශම්භුර්වාල්මීකිර්වේත්ති වා නවා .. 79

කරතලධෘතචාපං කාලමේඝස්වරූපං

සරසිජදලනේත්රං චාරුහාසං සුගාත්රම් .

විචිනුතවනවාසං වික්රමෝදග්රවේෂං

ප්රණමත රඝුනාථං ජානකීප්රාණනාථම් .. 80

විද්යුත්ස්ඵුරන්මකරකුණ්ඩලදීප්තචාරු-

ගණ්ඩස්ථලං මණිකිරීටවිරාජමානම් .

පීතාම්බරං ජලදනීලමුදාරකාන්තිං

ශ්රීරාමචන්ද්රමනිශං කලයාමි චිත්තේ .. 81

රත්නෝල්ලසජ්ජ්වලිතකුණ්ඩලගණ්ඩභාගං

කස්තූරිකාතිලකශෝභිතඵාලභාගම් .

කර්ණාන්තදීර්ඝනයනං කරුණාකටාක්ෂං

ශ්රීරාමචන්ද්ර මුඛමාත්මනි සන්නිධත්තම් .. 82

වෛදේහීසහිතං ච ලක්ෂ්මණයුතං කෛකේයිපුත්රාන්විතං

සුග්රීවං ච විභීෂණානිලසුතෞ නීලං නලං සාඞ්ගදම් .

විශ්වාමිත්රවසිෂ්ඨගෞතමභරද්වාජාදිකාන් මානයන්

රාමෝ මාරුතිසේවිතඃ ස්මරතු මාං සාම්රාජ්යසිංහාසනේ .. 83

සකලගුණනිධානං යෝගිභිස්ස්තූයමානං

භජිතසුරවිමානං රක්ෂිතේන්ද්රාදිමානම් .

මහිතවෘෂභයානං සීතයා ශෝභමානං

ස්මරතු හෘදයභානුං බ්රහ්මරාමාභිරාමම් .. 84

ත්රිදශකුමුදචන්ද්රෝ දානවාම්භෝජචන්ද්රෝ

දුරිතතිමිරචන්ද්රෝ යෝගිනාං ජ්ඤානචන්ද්රඃ .

ප්රණතනයනචන්ද්රෝ මෛථිලීනේත්රචන්ද්රෝ

දශමුඛරිපුචන්ද්රඃ පාතු මාං රාමචන්ද්රඃ .. 85

යන්නාමෛව සහස්රනාමසදෘශං යන්නාම වේදෛස්සමං

යන්නාමාඞ්කිතවාක්ය-මාසුරබලස්ත්රීගර්භවිච්ඡේදනම් .

යන්නාම ශ්වපචාර්යභේදරහිතං මුක්තිප්රදානෝජ්ජ්වලං

තන්නාමා(අ)ලඝුරාමරාමරමණං ශ්රීරාමනාමාමෘතම් .. 86

රාජීවනේත්ර රඝුපුඞ්ගව රාමභද්ර

රාකේන්දුබිම්බසදෘශානන නීලගාත්ර .

රාමා(අ)භිරාම රඝුවංශසමුද්භව ත්වං

ශ්රීරාමචන්ද්ර මම දේහි කරාවලම්බම් .. 87

මාණික්යමඤ්ජීරපදාරවින්දං

රාමාර්කසම්ඵුල්ලමුඛාරවින්දම් .

භක්තාභයප්රාපිකරාරවින්දාං

දේවීං භජේ රාඝවවල්ලභාං තාම් .. 88

ජයතු විජයකාරී ජානකීමෝදකාරී

තපනකුලවිහාරී දණ්ඩකාරණ්යචාරී .

දශවදනකුඨාරී දෛත්යවිච්ඡේදකාරී

මණිමකුටකධාරී චණ්ඩකෝදණ්ඩධාරී .. 89

රාමඃ පිතා රඝව ඒව මාතා

රාමස්සුබන්ධුශ්ච සඛා හිතශ්ච .

රාමෝ ගුරුර්මේ පරමං ච දෛවං

රාමං විනා නා(අ)න්යමහං ස්මරාමි .. 90

ශ්රීරාම මේ ත්වං හි පිතා ච මාතා

ශ්රීරාම මේ ත්වං හි සුහෘච්ච බන්ධුඃ .

ශ්රීරාම මේ ත්වං හි ගුරුශ්ච ගෝෂ්ඨී

ශ්රීරාම මේ ත්වං හි සමස්තමේව .. 91

රාමචන්ද්රචරිතාමෘතපානං

සෝමපානශතකෝටිසමානම් .

සෝමපානශතකෝටිභිරීයා-

ජ්ජන්ම නෛති රඝුනායකනාම්නා .. 92

රාම රාම දයාසින්ධෝ රාවණාරේ ජගත්පතේ .

ත්වත්පාදකමලාසක්ති-ර්භවේජ්ජන්මනි ජන්මනි .. 93

ශ්රීරාමචන්ද්රේති දයාපරේති

භක්තප්රියේති භවබන්ධනමෝචනේති .

නාථේති නාගශයනේති සදා ස්තුවන්තං

මාං පාහි භීතමනිශං කෘපණං කෘපාලෝ .. 94

අයෝධ්යානාථ රාජේන්ද්ර සීතාකාන්ත ජගත්පතේ .

ශ්රීරාම පුණ්ඩරීකාක්ෂ රාමචන්ද්ර නමෝ(අ)ස්තු තේ .. 95

හේ රාම හේ රමණ හේ ජගදේකවීර

හේ නාථ හේ රඝුපතේ කරුණාලවාල .

හේ ජානකීරමණ හේ ජගදේකබන්ධෝ

මාං පාහි දීනමනිශං කෘපණං කෘතඝ්නම් .. 96

ජානාති රාම තව තත්ත්වගතිං හනූමාන් .

ජානාති රාම තව සඛ්යගතිං කපීශඃ .

ජානාති රාම තව යුද්ධගතිං දශාස්යෝ .

ජානාති රාම ධනදානුජ ඒව සත්යම් .. 97

සේව්යං ශ්රීරාමමන්ත්රං ශ්රවණශුභකරං ශ්රේෂ්ඨසුජ්ඤානිමන්ත්රං

ස්තව්යං ශ්රීරාමමන්ත්රං නරකදුරිතදුර්වාරනිර්ඝාතමන්ත්රම් .

භව්යං ශ්රීරාමමන්ත්රං භජතු භජතු සංසාරනිස්තාරමන්ත්රං

දිව්යං ශ්රීරාමමන්ත්රං දිවි භුවි විලසන්මෝක්ෂරක්ෂෛකමන්ත්රම් .. 98

නිඛිලනිලයමන්ත්රං නිත්යතත්ත්වාඛ්යමන්ත්රං

භවකුලහරමන්ත්රං භූමිජාප්රාණමන්ත්රම් .

පවනජනුතමන්ත්රං පාර්වතීමෝක්ෂමන්ත්රං

පශුපතිනිජමන්ත්රං පාතු මාං රාමමන්ත්රම් .. 99

ප්රණවනිලයමන්ත්රං ප්රාණනිර්වාණමන්ත්රං

ප්රකෘතිපුරුෂමන්ත්රං බ්රහ්මරුද්රේන්ද්රමන්ත්රම් .

ප්රකටදුරිතරාගද්වේෂනිර්ණාශමන්ත්රං

රඝුපතිනිජමන්ත්රං රාමරාමේතිමන්ත්රම් .. 100

දශරථසුතමන්ත්රං දෛත්යසංහාරමන්ත්රං

විබුධවිනුතමන්ත්රං විශ්වවිඛ්යාතමන්ත්රම් .

මුනිගණනුතමන්ත්රං මුක්තිමාර්ගෛකමන්ත්රං

රඝුපතිනිජමන්ත්රං රාමරාමේතිමන්ත්රම් .. 101

සංසාරසාගරභයාපහවිශ්වමන්ත්රං

සාක්ෂාන්මුමුක්ෂුජනසේවිතසිද්ධමන්ත්රම් .

සාරඞ්ගහස්තමුඛහස්තනිවාසමන්ත්රං

කෛවල්යමන්ත්රමනිශං භජ රාමමන්ත්රම් .. 102

ජයතු ජයතු මන්ත්රං ජන්මසාඵල්යමන්ත්රං

ජනනමරණභේදක්ලේශවිච්ඡේදමන්ත්රම් .

සකලනිගමමන්ත්රං සර්වශාස්ත්රෛකමන්ත්රං

රඝුපතිනිජමන්ත්රං රාමරාමේතිමන්ත්රම් .. 103

ජගති විශදමන්ත්රං ජානකීප්රාණමන්ත්රං

විබුධවිනුතමන්ත්රං විශ්වවිඛ්යාතමන්ත්රම් .

දශරථසුතමන්ත්රං දෛත්යසංහාරමන්ත්රං

රඝුපතිනිජමන්ත්රං රාමරාමේතිමන්ත්රම් .. 104

බ්රහ්මාදියෝගිමුනිපූජිතසිද්ධමන්ත්රං

දාරිද්ර්යදුඃඛභවරෝගවිනාශමන්ත්රම් .

සංසාරසාගරසමුත්තරණෛකමන්ත්රං

වන්දේ මහාභයහරං රඝුරාමමන්ත්රම් .. 105

ශත්රුච්ඡේදෛකමන්ත්රං සරසමුපනිෂද්වාක්යසම්පූජ්යමන්ත්රං

සංසාරෝත්තාරමන්ත්රං සමුචිතසමයේ සඞ්ගනිර්යාණමන්ත්රම් .

සර්වෛශ්වර්යෛකමන්ත්රං ව්යසනභුජගසන්දෂ්ටසන්ත්රාණමන්ත්රං

ජිහ්වේ ශ්රීරාමමන්ත්රං ජප ජප සඵලං ජන්මසාඵල්යමන්ත්රම් .. 106

නිත්යං ශ්රීරාමමන්ත්රං නිරුපමමධිකං නීතිසුජ්ඤානමන්ත්රං

සත්යං ශ්රීරාමමන්ත්රං සදමලහෘදයේ සර්වදාරෝග්යමන්ත්රම් .

ස්තුත්යං ශ්රීරාමමන්ත්රං සුලලිතසුමනස්සෞඛ්යසෞභාග්යමන්ත්රං

පඨ්යං ශ්රීරාමමන්ත්රං පවනජවරදං පාතු මාං රාමමන්ත්රම් .. 107

ව්යාමෝහප්රශමෞෂධං මුනිමනෝවෘත්තිප්රවෘත්ත්යෞෂධං

දෛත්යෝන්මූලකරෞෂධං භවභයප්රධ්වංසනෛකෞෂධම් .

භක්තානන්දකරෞෂධං ත්රිභුවනේ සඤ්ජීවනෛකෞෂධං

ශ්රේයඃ ප්රාප්තිකරෞෂධං පිබ මනඃ ශ්රීරාමනාමෞෂධම් .. 108

සකලභුවනරත්නං සර්වශාස්ත්රාර්ථරත්නං

සමරවිජයරත්නං සච්චිදානන්දරත්නම් .

දශමුඛහරරත්නං දානවාරාතිරත්නං

රඝුකුලනෘපරත්නං පාතු මාං රාමරත්නම් .. 109

සකලභුවනරත්නං සච්චිදානන්දරත්නං

සකලහෘදයරත්නං සූර්යබිම්බාන්තරත්නම් .

විමලසුකෘතරත්නං වේදවේදාන්තරත්නං

පුරහරජපරත්නං පාතු මාං රාමරත්නම් .. 110

නිගමශිඛරරත්නං නිර්මලානන්දරත්නං

නිරුපමගුණරත්නං නාදනාදාන්තරත්නම් .

දශරථකුලරත්නං ද්වාදශාන්තස්ස්ථරත්නං

පශුපතිජපරත්නං පාතු මාං රාමරත්නම් .. 111

ශතමඛසුතරත්නං ෂෝඩශාන්තස්ස්ථරත්නං

මුනිජනජපරත්නං මුඛ්යවෛකුණ්ඨරත්නම් .

නිරුපමගුණරත්නං නීරජාන්තස්ස්ථරත්නං

පරමපදවිරත්නං පාතු මාං රාමරත්නම් .. 112

සකලසුකෘතරත්නං සත්යවාක්යාර්ථරත්නං

ශමදමගුණරත්නං ශාශ්වතානන්දරත්නම් .

ප්රණයනිලයරත්නං ප්රස්ඵුටද්යෝතිරත්නං

පරමපදවිරත්නං පාතු මාං රාමරත්නම් .. 113

නිගමශිඛරරත්නං නිත්යමාශාස්යරත්නං

ජනනුතනෘපරත්නං ජානකීරූපරත්නම් .

භුවනවලයරත්නං භූභුජාමේකරත්නං

රඝුකුලවරරත්නං පාතු මාං රාමරත්නම් .. 114

විශාලනේත්රං පරිපූර්ණගාත්රං

සීතාකලත්රං සුරවෛරිජෛත්රම් .

කාරුණ්යපාත්රං ජගතඃ පවිත්රං

ශ්රීරාමරත්නං ප්රණතෝ(අ)ස්මි නිත්යම් .. 115

හේ ගෝපාලක හේ දයාජලනිධේ හේ සද්ගුණාම්භෝනිධේ

හේ දෛත්යාන්තක හේ විභීෂණදයාපරීණ හේ භූපතේ .

හේ වෛදේහසුතාමනෝජවිහෘතේ හේ කෝටිමාරාකෘතේ

හේ නව්යාම්බුජනේත්ර පාලය පරං ජානාමි න ත්වාං විනා .. 116

යස්ය කිඤ්චිදපි නෝ හරණීයං

කර්ම කිඤ්චිදපි නෝ චරණීයම් .

රාමනාම ච සදා ස්මරණීයං

ලීලයා භවජලං තරණීයම් .. 117

දශරථසුතමීශං දණ්ඩකාරණ්යවාසං

ශතමඛමණිනීලං ජානකීප්රාණලෝලම් .

සකලභුවනමෝහං සන්නුතාම්භෝදදේහං

බහුලනුතසමුද්රං භාවයේ රාමභද්රම් .. 118

විශාලනේත්රං පරිපූර්ණගාත්රං

සීතාකලත්රං සුරවෛරිජෛත්රම් .

ජගත්පවිත්රං පරමාත්මතන්ත්රං

ශ්රීරාමචන්ද්රං ප්රණමාමි චිත්තේ .. 119

ජය ජය රඝුරාම ශ්රීමුඛාම්භෝජභානෝ

ජය ජය රඝුවීර ශ්රීමදම්භෝජනේත්ර .

ජය ජය රඝුනාථ ශ්රීකරාභ්යර්චිතාඞ්ඝ්රි

ජය ජය රඝුවර්ය ශ්රීශ කාරුණ්යසින්ධෝ .. 120

මන්දාරමූලේ මණිපීඨසංස්ථං

සුධාප්ලුතං දිව්යවිරාට්ස්වරූපම් .

සබින්දුනාදාන්තකලාන්තතුර්ය-

මූර්තිං භජේ(අ)හං රඝුවංශරත්නම් .. 121

නාදං නාදවිනීලචිත්තපවනං නාදාන්තත්ත්වප්රියං

නාමාකාරවිවර්ජිතං නවඝනශ්යාමාඞ්ගනාදප්රියම් .

නාදාම්භෝජමරන්දමත්තවිලසද්භෘඞ්ගං මදාන්තස්ස්ථිතං

නාදාන්තධෘවමණ්ඩලාබ්ජරුචිරං රාමං භජේ තාරකම් .. 122

නානාභූතහෘදබ්ජපද්මනිලයං නාමෝජ්ජ්වලාභූෂණම් .

නාමස්තෝත්රපවිත්රිතත්රිභුවනං නාරායණාෂ්ටාක්ෂරම් .

නාදාන්තේන්දුගලත්සුධාප්ලුතතනුං නානාත්මචින්මාත්රකම් .

නානාකෝටියුගාන්තභානුසදෘශං රාමං භජේ තාරකම් .. 123

වේද්යං වේදගුරුං විරිඤ්චිජනකං වේදාන්තමූර්තිං ස්ඵුර-

ද්වේදං වේදකලාපමූලමහිමාධාරාන්තකන්දාඞ්කුරම් .

වේදශෘඞ්ගසමානශේෂශයනං වේදාන්තවේද්යාත්මකං

වේදාරාධිතපාදපඞ්කජමහං රාමං භජේ තාරකම් .. 124

මජ්ජීවං මදනුග්රහං මදධිපං මද්භාවනං මත්සුඛං

මත්තාතං මම සද්ගුරුං මම වරං මෝහාන්ධවිච්ඡේදනම් .

මත්පුණ්යං මදනේකබාන්ධවජනං මජ්ජීවනං මන්නිධිං

මත්සිද්ධිං මම සර්වකර්මසුකෘතං රාමං භජේ තාරකම් .. 125

නිත්යං නීරජලෝචනං නිරුපමං නීවාරශූකෝපමං

නිර්භේදානුභවං නිරන්තරගුණං නීලාඞ්ගරාගෝජ්ජ්වලම් .

නිෂ්පාපං නිගමාගමාර්චිතපදං නිත්යාත්මකං නිර්මලං

නිෂ්පුණ්යං නිඛිලං නිරඤ්ජනපදං රාමං භජේ තාරකම් .. 126

ධ්යායේ ත්වාං හෘදයාම්බුජේ රඝුපතිං විජ්ඤානදීපාඞ්කුරං

හංසෝහංසපරම්පරාදිමහිමාධාරං ජගන්මෝහනම් .

හස්තාම්භෝජගදාබ්ජචක්රමතුලං පීතාම්බරං කෞස්තුභං

ශ්රීවත්සං පුරුෂෝත්තමං මණිනිභං රාමං භජේ තාරකම් .. 127

සත්යජ්ඤානමනන්තමච්යුතමජං චාව්යාකෘතං තත්පරං

කූටස්ථාදිසමස්තසාක්ෂිමනඝං සාක්ෂාද්විරාට්තත්ත්වදම් .

වේද්යං විශ්වමයං ස්වලීනභුවනස්වාරාජ්යසෞඛ්යප්රදං

පූර්ණං පූර්ණතරං පුරාණපුරුෂං රාමං භජේ තාරකම් .. 128

රාමං රාක්ෂසවංශනාශනකරං රාකේන්දුබිම්බානනං

රක්ෂෝරිං රඝුවංශවර්ධනකරං රක්තාධරං රාඝවම් .

රාධායාත්මනිවාසිනං රවිනිභං රම්යං රමානායකං

රන්ධ්රාන්තර්ගතශේෂශායිනමහං රාමං භජේ තාරකම් .. 129

ඕතප්රෝතසමස්තවස්තුනිචයං ඕඞ්කාරබීජාක්ෂරං

ඕඞ්කාරප්රකෘතිං ෂඩක්ෂරහිතං ඕඞ්කාරකන්දාඞ්කුරම් .

ඕඞ්කාරස්ඵුටභූර්භුවස්සුපරිතං ඕඝත්රයාරාධිතම්

ඕඞ්කාරෝජ්ජ්වලසිංහපීඨනිලයං රාමං භජේ තාරකම් .. 130

සාකේතේ නගරේ සමස්තසුඛදේ හර්ම්යේ(අ)බ්ජකෝටිද්යුතේ

නක්ෂත්රග්රහපඞ්ක්තිලග්නශිඛරේ චාන්තර්යපඞ්කේරුහේ .

වාල්මීකාත්රිපරාශරාදිමුනිභිස්සංසේව්යමානං ස්ථිතං

සීතාලඞ්කෘතවාමභාගමනිශං රාමං භජේ තාරකම් .. 131

වෛකුණ්ඨේ නගරේ සුරද්රුමතලේ චානන්දවප්රාන්තරේ

නානාරත්නවිනිර්මිතස්ඵුටපටුප්රාකාරසංවේෂ්ටිතේ .

සෞධේන්දූපලශේෂතල්පලලිතේ නීලෝත්පලච්ඡාදිතේ

පර්යඞ්කේ ශයනං රමාදිසහිතං රාමං භජේ තාරකම් .. 132

වන්දේ රාමමනාදිපූරුෂමජං වන්දේ රමානායකං

වන්දේ හාරිකිරීටකුණ්ඩලධරං වන්දේ සුනීලද්යුතිම් .

වන්දේ චාපකලම්බකෝජ්ජ්වලකරං වන්දේ ජගන්මඞ්ගලං

වන්දේ පඞ්ක්තිරථාත්මජං මම ගුරුං වන්දේ සදා රාඝවම් .. 133

වන්දේ ශෞනකගෞතමාද්යභිනුතං වන්දේ ඝනශ්යාමලං

වන්දේ තාරකපීඨමධ්යනිලයං වන්දේ ජගන්නායකම් .

වන්දේ භක්තජනෞඝදේවිවටපං වන්දේ ධනුර්වල්ලභං

වන්දේ තත්ත්වමසීතිවාක්යජනකං වන්දේ සදා රාඝවම් .. 134

වන්දේ සූර්යශශාඞ්කලෝචනයුගං වන්දේ ජගත්පාවනං

වන්දේ පත්රසහස්රපද්මනිලයං වන්දේ පුරාරිප්රියම් .

වන්දේ රාක්ෂසවංශනාශනකරං වන්දේ සුධාශීතලං

වන්දේ දේවකපීන්ද්රකෝටිවිනුතං වන්දේ සදා රාඝවම් .. 135

වන්දේ සාගරගර්වභඞ්ගවිශිඛං වන්දේ ජගජ්ජීවනං

වන්දේ කෞශිකයාගරක්ෂණකරං වන්දේ ගුරුණාං ගුරුම් .

වන්දේ බාණශරාසනෝජ්ජ්වලකරං වන්දේ ජටාවල්කලං

වන්දේ ලක්ෂ්මණභූමිජාන්විතමහං වන්දේ සදා රාඝවම් .. 136

වන්දේ පාණ්ඩරපුණ්ඩරීකනයනං වන්දේ(අ)බ්ජබිම්බානනං

වන්දේ කම්බුගලං කරාබ්ජයුගලං වන්දේ ලලාටෝජ්ජ්වලම් .

වන්දේ පීතදුකූලමම්බුදනිභං වන්දේ ජගන්මෝහනං

වන්දේ කාරණමානුෂෝජ්ජ්වලතනුං වන්දේ සදා රාඝවම් .. 137

වන්දේ නීලසරෝජකෝමලරුචිං වන්දේ ජගද්වන්දිතං

වන්දේ සූර්යකුලාබ්ධිකෞස්තුභමණිං වන්දේ සුරාරාධිතම් .

වන්දේ පාතකපඤ්චකප්රහරණං වන්දේ ජගත්කාරණං

වන්දේ විංශතිපඤ්චතත්ත්වරහිතං වන්දේ සදා රාඝවම් .. 138

වන්දේ සාධකවර්ගකල්පකතරුං වන්දේ ත්රිමූර්ත්යාත්මකං

වන්දේ නාදලයාන්තරස්ථලගතං වන්දේ ත්රිවර්ගාත්මකම් .

වන්දේ රාගවිහීනචිත්තසුලභං වන්දේ සභානායකං

වන්දේ පූර්ණදයාමෘතාර්ණවමහං වන්දේ සදා රාඝවම් .. 139

වන්දේ සාත්ත්විකතත්ත්වමුද්රිතතනුං වන්දේ සුධාදායකං

වන්දේ චාරුචතුර්භුජං මණිනිභං වන්දේ ෂඩබ්ජස්ථිතම් .

වන්දේ බ්රහ්මපිපීලිකාදිනිලයං වන්දේ විරාට්විග්රහං

වන්දේ පන්නගතල්පශායිනමහං වන්දේ සදා රාඝවම් .. 140

සිංහාසනස්ථං මුනිසිද්ධසේව්යං

රක්තෝත්පලාලඞ්කෘතපාදපද්මම් .

සීතාසමේතං ශශිසූර්යනේත්රං

රාමං භජේ රාඝවරාමචන්ද්රම් .. 141

ශ්රීරාමභද්රාශ්රිතසද්ගුරූණාං

පාදාරවින්දං භජතාං නරාණාම් .

ආරෝග්යමෛශ්වර්යමනන්තකීර්ති-

රන්තේ ච විෂ්ණෝඃ පදමස්ති සත්යම් .. 142

දශරථවරපුත්රං ජානකීසත්කලත්රං

දශමුඛහරදක්ෂං පද්මපත්රායතාක්ෂම් .

කරධෘතශරචාපං චාරුමුක්තාකලාපං

රඝුකුලනෘවරේණ්යං රාමමීඩේ ශරණ්යම් .. 143

දශමුඛගජසිංහං දෛත්යගර්වාතිරංහං

කදනභයදහස්තං තාරකබ්රහ්ම ශස්තම් .

මණිඛචිතකිරීටං මඤ්ජුලාලාපවාටං

දශරථකුලචන්ද්රං රාමචන්ද්රං භජේ(අ)හම් .. 144

රාමං රක්තසරෝරුහාක්ෂමමලං ලඞ්කාධිනාථාන්තකං

කෞසල්යානයනෝත්සුකං රඝුවරං නාගේන්ද්රතල්පස්ථිතම් .

වෛදේහීකුචකුම්භකුඞ්කුමරජෝලඞ්කාරහාරං හරිං

මායාමානුෂවිග්රහං රඝුපතිං සීතාසමේතං භජේ .. 145

රාමං රාක්ෂසමර්දනං රඝුවරං දෛතේයභිධ්වංසිනං

සුග්රීවේප්සිතරාජ්යදං සුරපතේර්භීත්යන්තකං ශාර්‍ඞ්ගිණම් .

භක්තානාමභයප්රදං භයහරං පාපෞඝවිධ්වංසිනං

සාමීරිස්තුතපාදපද්මයුගලං සීතාසමේතං භජේ .. 146

යත්පාදාම්බුජරේණුනා මුනිසතී මුක්තිඞ්ගතා යන්මහඃ

පුණ්යං පාතකනාශනං ත්රිජගතාං භාති ස්මෘතං පාවනම් .

ස්මෘත්වා රාඝවමප්රමේයමමලං පූර්ණේන්දුමන්දස්මිතං

තං රාමං සරසීරුහාක්ෂමමලං සීතාසමේතං භජේ .. 147

වෛදේහීකුචමණ්ඩලාග්ර-විලසන්මාණික්යහස්තාම්බුජං

චඤ්චත්කඞ්කණහාරනූපුර-ලසත්කේයූරහාරාන්විතම් .

දිව්යශ්රීමණිකුණ්ඩලෝජ්ජ්වල-මහාභූෂාසහස්රාන්විතං

වීරශ්රීරඝුපුඞ්ගවං ගුණනිධිං සීතාසමේතං භජේ .. 148

වෛදේහීකුචමණ්ඩලෝපරි-ලසන්මාණික්යහාරාවලී-

මධ්යස්ථං නවනීතකෝමලරුචිං නීලෝත්පලශ්යාමලම් .

කන්දර්පායුතකෝටිසුන්දරතනුං පූර්ණේන්දුබිම්බානනං

කෞසල්යාකුලභූෂණං රඝුපතිං සීතාසමේතං භජේ .. 149

දිව්යාරණ්යයතීන්ද්රනාමනගරේ මධ්යේ මහාමණ්ටපේ

ස්වර්ණස්තම්භසහස්රෂෝඩශයුතේ මන්දාරමූලාශ්රිතේ .

නානාරත්නවිචිත්රනිර්මලමහාසිංහාසනේ සංස්ථිතං

සීතාලක්ෂ්මණසේවිතං රඝුපතිං සීතාසමේතං භජේ .. 150

කස්තූරීතිලකං කපීන්ද්රහරණං කාරුණ්යවාරාන්නිධිං

ක්ෂීරාම්භෝධිසුතාමුඛාබ්ජමධුපං කල්යාණසම්පන්නිධිම් .

කෞසල්යානයනෝත්සුකං කපිවරත්රාණං මහාපෞරුෂං

කෞමාරප්රියමර්කකෝටිසදෘශං සීතාසමේතං භජේ .. 151

විද්යුත්කෝටිදිවාකරද්යුතිනිභං ශ්රීකෞස්තුභාලඞ්කෘතං

යෝගීන්ද්රෛස්සනකාදිභිඃ පරිවෘතං කෛලාසනාථප්රියම් .

මුක්තාරත්නකිරීටකුණ්ඩලධරං ග්රෛවේයහාරාන්විතං

වෛදේහීකුචසන්නිවාසමනිශං සීතාසමේතං භජේ .. 152

මේඝශ්යාමලමම්බුජාතනයනං විස්තීර්ණවක්ෂස්ස්ථලං

බාහුද්වන්ද්වවිරාජිතං සුවදනං ශෝණාඞ්ඝ්රිපඞ්කේරුහම් .

නානාරත්නවිචිත්රභූෂණයුතං කෝදණ්ඩබාණාඞ්කිතං

ත්රෛලෝක්යා(අ)ප්රතිමානසුන්දරතනුං සීතාසමේතං භජේ .. 153

වෛදේහීයුතවාමභාගමතුලං වන්දාරුමන්දාරකං

වන්දේ ප්රස්තුතකීර්තිවාසිතතරුච්ඡායානුකාරිප්රභම් .

වෛදේහීකුචකුඞ්කුමාඞ්කිතමහෝරස්කං මහාභූෂණං

වේදාන්තෛරුපගීයමානමසකෘත්සීතාසමේතං භජේ .. 154

දේවානාං හිතකාරණේන භුවනේ ධෘත්වා(අ)වතාරං ධ්රුවං

රාමං කෞශිකයජ්ඤවිඝ්නදලනං තත්තාටකාසංහරම් .

නිත්යං ගෞතමපත්නිශාපදලනශ්රීපාදරේණුං ශුභං

ශම්භෝරුත්කටචාපඛණ්ඩනමහාසත්වං භජේ රාඝවම් .. 155

ශ්රීරාමං නවරත්නකුණ්ඩලධරං ශ්රීරාමරක්ෂාමණිං

ශ්රීරාමං ච සහස්රභානුසදෘශං ශ්රීරාමචන්ද්රෝදයම් .

ශ්රීරාමං ශ්රුතකීර්තිමාකරමහං ශ්රීරාමමුක්තිප්රදං

ශ්රීරාමං රඝුනන්දනං භයහරං ශ්රීරාමචන්ද්රං භජේ .. 156

රාමමින්දීවරශ්යාමං රාජීවායතලෝචනම් .

ජ්යාඝෝෂනිර්ජිතාරාතිං ජානකීරමණං භජේ .. 157

දීර්ඝබාහුමරවින්දලෝචනං

දීනවත්සලමනාථරක්ෂකම් .

දීක්ෂිතං සකලලෝකරක්ෂණේ

දෛවතං දශරථාත්මජං භජේ .. 158

ප්රාතස්ස්මරාමි රඝුනාථමුඛාරවින්දං

මන්දස්මිතං මධුරභාෂි විශාලඵාලම් .

කර්ණාවලම්බිචලකුණ්ඩලගණ්ඩභාගං

කර්ණාන්තදීර්ඝනයනං නයනාභිරාමම් .. 159

ප්රාතර්භජාමි රඝුනාථකරාරවින්දං

රක්ෂෝගණාය භයදං වරදං නිජේභ්යඃ .

යද්රාජසංසදි විභිද්ය මහේශචාපං

සීතාකරග්රහණමඞ්ගලමාප සද්යඃ .. 160

ප්රාතර්නමාමි රඝුනාථපදාරවින්දං

පද්මාඞ්කුශාදිශුභරේඛශුභාවහං ච .

යෝගීන්ද්රමානසමධුව්රතසේව්යමානං

ශාපාපහං සපදි ගෞතමධර්මපත්න්යාඃ .. 161

ප්රාතර්වදාමි වචසා රඝුනාථනාම

වාග්දෝෂහාරි සකලං කලුෂං නිහන්තෘ .

යත්පාර්වතී ස්වපතිනා සහ භෝක්තුකාමා

ප්රීත්යා සහස්රහරිනාමසමං ජජාප .. 162

ප්රාතඃ ශ්රයේ ශ්රුතිනුතං රඝුනාථමූර්තිං

නීලාම්බුදෝත්පලසිතේතරරත්නනීලාම් .

ආමුක්තමෞක්තිකවිශේෂවිභූෂණාඪ්යාං

ධ්යේයාං සමස්තමුනිභිර්නිජභෘත්යමුඛ්යෛඃ .. 163

රඝුකුලවරනාථෝ ජානකීප්රාණනාථඃ

පිතෘවචනවිධාතා කීශරාජ්යප්රදාතා .

ප්රතිනිශිචරනාශඃ ප්රාප්තරාජ්යප්රවේශෝ

විහිතභුවනරක්ෂඃ පාතු පද්මායතාක්ෂඃ .. 164

කුවලයදලනීලඃ පීතවාසාඃ ස්මිතාස්යෝ

විවිධරුචිරභූෂාභූෂිතෝ දිව්යමූර්තිඃ .

දශරථකුලනාථෝ ජානකීප්රාණනාථෝ

නිවසතු මම චිත්තේ සර්වදා රාමචන්ද්රඃ .. 165

ජයතු ජයතු රාමෝ ජානකීවල්ලභෝ(අ)යං

ජයතු ජයතු රාමශ්චන්ද්රචූඩාර්චිතාඞ්ඝ්රිඃ .

ජයතු ජයතු වාණීනාථනාථඃ පරාත්මා

ජයතු ජයතු රාමෝ(අ)නාථනාථඃ කෘපාලුඃ .. 166

වදතු වදතු වාණී රාමරාමේති නිත්යං

ජයතු ජයතු චිත්තං රාමපාදාරවින්දම් .

නමතු නමතු දේහං සන්තතං රාමචන්ද්රං

න භවතු මම පාපං ජන්මජන්මාන්තරේෂු .. 167

ආනන්දරූපං වරදං ප්රසන්නං

සිංහේක්ෂණං සේවකපාරිජාතම් .

නීලෝත්පලාඞ්ගං භුවනෛකමිත්රං

රාමං භජේ රාඝවරාමචන්ද්රම් .. 168

ලඞ්කාවිරාමං රණරඞ්ගභීමං

රාජීවනේත්රං රඝුවංශමිත්රම් .

කාරුණ්යමූර්තිං කරුණාප්රපූර්තිං

ශ්රීරාමචන්ද්රං ශරණං ප්රපද්යේ .. 169

සුග්රීවමිත්රං පරමං පවිත්රං

සීතාකලත්රං නවහේමසූත්රම් .

කාරුණ්යපාත්රං ශතපත්රනේත්රං

ශ්රීරාමචන්ද්රං ශිරසා නමාමි .. 170

ශ්රීරාඝවේති රමණේති රඝූද්වහේති

රාමේති රාවණහරේති රමාධවේති .

සාකේතනාථසුමුඛේති ච සුව්රතේති

වාණී සදා වදතු රාම හරේ හරේති .. 171

ශ්රීරාමනාමාමෘතමන්ත්රබීජං

සඤ්ජීවනං චේන්මනසි ප්රතිෂ්ඨම් .

හාලාහලං වා ප්රලයානලං වා

මෘත්යෝර්මුඛං වා විතථීකරෝති .. 172

කිං යෝගශාස්ත්රෛඃ කිමශේෂවිද්යා

කිං යාගගඞ්ගාදිවිශේෂතීර්ථෛඃ .

කිං බ්රහ්මචර්යාශ්රමසඤ්චරේණ

භක්තිර්නචේත්තේ රඝුවංශකීර්ත්යාම් .. 173

ඉදං ශරීරං ශ්ලථසන්ධිජර්ඣරං

පතත්යවශ්යං පරිණාමපේශලම් .

කිමෞෂථං පෘච්ඡසි මූඪ දුර්මතේ

නිරාමයං රාමකථාමෘතං පිබ .. 174

හේ රාමභද්රාශ්රය හේ කෘපාලෝ

හේ භක්තලෝකෛකශරණ්යමූර්තේ .

පුනීහි මාං ත්වච්චරණාරවින්දං

ජගත්පවිත්රං ශරණං මමා(අ)ස්තු .. 175

නීලාභ්රදේහ නිඛිලේශ ජගන්නිවාස

රාජීවනේත්ර රමණීයගුණාභිරාම .

ශ්රීදාම දෛත්යකුලමර්දන රාමචන්ද්ර

ත්වත්පාදපද්මමනිශං කලයාමි චිත්තේ .. 176

ශ්රීරාමචන්ද්ර කරුණාකර දීනබන්ධෝ

සීතාසමේත භරතාග්රජ රාඝවේශ .

පාපාර්තිභඤ්ජන භයාතුරදීනබන්ධෝ

පාපාම්බුධෞ පතිතමුද්ධර මාමනාථම් .. 177

ඉන්දීවරදලශ්යාම-මින්දුකෝටිනිභානනම් .

කන්දර්පකෝටිලාවණ්යං වන්දේ(අ)හං රඝුනන්දනම් .. 175

ඉති ශ්රීබෝධේන්ද්රසරස්වතී කෘත ශ්රීරාමකර්ණාමෘතම් ..

Roman (IAST) Transliteration

maṅgalaślokāḥ

maṅgalaṃ bhagavānviṣṇurmaṅgalaṃ madhusūdanaḥ |

maṅgalaṃ puṇḍarīkākṣo maṅgalaṃ garuḍadhvajaḥ || 1

maṅgalaṃ kosalendrāya mahanīyaguṇābdhaye |

cakravartitanūjāya sārvabhaumāya maṅgalam || 2

vedavedāntavedyāya meghaśyāmalamūrtaye |

puṃsāṃ mohanarūpāya puṇyaślokāya maṅgalam || 3

viśvāmitrāntaraṅgāya mithilānagarīpateḥ |

bhāgyānāṃ paripākāya bhavyarūpāya maṅgalam || 4

pitṛbhaktāya satataṃ bhrātṛbhiḥ saha sītayā |

nanditākhilalokāya rāmacandrāya maṅgalam || 5

tyaktasāketavāsāya citrakūṭavihāriṇe |

sevyāya sarvayamināṃ dhīrodāttāya maṅgalam || 6

saumitriṇā ca jānakyā cāpabāṇāsidhāriṇā |

saṃsevyāya sadā bhaktyā sānujāyāstu maṅgalam || 7

daṇḍakāraṇyavāsāya khaṇḍitāmaraśatrave |

gṛdhrarājāya bhaktāya muktidāyāstu maṅgalam || 8

sādaraṃ śabarīdattaphalamūlābhilāṣiṇe |

saulabhyaparipūrṇāya sattvodyuktāya maṅgalam || 9

hanūmatsamavetāya harīśābhīṣṭadāyine |

vālipramathanāyāstu mahādhīrāya maṅgalam || 10

śrīmate raghuvīrāya setulaṅghitasindhave |

jitarākṣasarājāya raṇadhīrāya maṅgalam || 11

āsādya nagarīṃ divyāmabhiṣiktāya sītayā |

rājādhirājarājāya rāmabhadrāya maṅgalam || 12

vibhīṣaṇakṛte prītyā viśvābhīṣṭapradāyine |

jānakīprāṇanāthāya sadā rāmāya maṅgalam || 13

—-

śrīrāmaṃ trijagadguruṃ suravaraṃ sītāmanonāyakaṃ

śyāmāṅgaṃ śaśikoṭipūrṇavadanaṃ cañcatkalākaustubham |

saumyaṃ satyaguṇottamaṃ susarayūtīre vasantaṃ prabhuṃ

trātāraṃ sakalārthasiddhisahitaṃ vande raghūṇāṃ patim || 14

śrīrāghavaṃ daśarathātmajamaprameyaṃ

sītāpatiṃ raghuvarānvayaratnadīpam |

ājānubāhumaravindadalāyatākṣaṃ

rāmaṃ niśācaravināśakaraṃ namāmi || 15

śrīrāmacandra karuṇākara rāghavendra

rājendracandra raghuvaṃśasamudracandra |

sugrīvanetrayugalotpala-pūrṇacandra

sītāmanaḥkumudacandra namo namaste || 16

sītāmanomānasarājahaṃsa

saṃsārasantāpahara kṣamāvan |

śrīrāma daityāntaka śāntarūpa

śrītārakabrahma namo namaste || 17

viṣṇo rāghava vāsudeva nṛhare devaughacūḍāmaṇe |

saṃsārārṇavakarṇadhāraka hare kṛṣṇāya tubhyaṃ namaḥ || 18

sugrīvādisamastavānaravaraissaṃsevyamānaṃ sadā |

viśvāmitraparāśarādimunibhissaṃstūyamānaṃ bhaje || 19

rāmaṃ candanaśītalaṃ kṣitisutāmohākaraṃ śrīkaraṃ

vaidehīnayanāravindamihiraṃ sampūrṇacandrānanam |

rājānaṃ karuṇāsametanayanaṃ sītāmanonandanaṃ

sītādarpaṇacārugaṇḍalalitaṃ vande sadā rāghavam || 20

jānāti rāma tava nāmaruciṃ maheśo

jānāti gautamasatī caraṇaprabhāvam |

jānāti dorbalaparākramamīśacāpo

jānātyamoghapaṭubāṇagatiṃ payodhiḥ || 21

mātā rāmo matpitā rāmacandro

bhrātā rāmo matsakhā rāghaveśaḥ |

sarvasvaṃ me rāmacandro dāyālu-

rnānyaṃ daivaṃ naiva jāne na jāne || 22

vimalakamalanetraṃ visphurannīlagātraṃ

tapanakulapavitraṃ dānavadhvantamitram |

bhuvanaśubhacaritraṃ bhūmiputrīkalatraṃ

daśarathavaraputraṃ naumi rāmākhyamitram || 23

mārge mārge śākhināṃ ratnavedī

vedyāṃ vedyāṃ kinnarībṛndagītam |

gīte gīte mañjulālāpagoṣṭhī

goṣṭhyāṃ goṣṭhyāṃ tvatkathā rāmacandra || 24

vṛkṣe vṛkṣe vīkṣitāḥ pakṣisaṅghāḥ

saṅghe saṅghe mañjulāmodavākyam |

vākye vākye mañjulālāpagoṣṭhī

goṣṭhyāṃ goṣṭhyāṃ tvatkathā rāmacandra || 25

duritatimiracandro duṣṭakañjātacandraḥ

surakuvalayacandrassūryavaṃśābdhicandraḥ |

svajananivahacandraśśatrurājīvacandraḥ

praṇatakumudacandraḥ pātu māṃ rāmacandraḥ || 26

kalyāṇadaṃ kauśikayajñapālaṃ

kalānidhiṃ kāñcanaśailadhīram |

kañjātanetraṃ karuṇāsamudraṃ

kākutstharāmaṃ kalayāmi citte || 27

rājīvāyatalocanaṃ raghuvaraṃ nīlotpalaśyāmalaṃ

mandārāñcitamaṇḍape sulalite sauvarṇake puṣpake |

āsthāne navaratnarājikhacite siṃhāsane saṃsthitaṃ

sītālakṣmaṇalokapālasahitaṃ vande munīndrāspadam || 28

dhyāye rāmaṃ sudhāṃśuṃ natasakalabhavāraṇyatāpaprahāram |

śyāmaṃ śāntaṃ surendraṃ suramunivinutaṃ koṭisūryaprakāśam |

sītāsaumitrisevyaṃ suranarasugamaṃ divyasiṃhāsanastham |

sāyāhne rāmacandraṃ smitaruciramukhaṃ sarvadā me prasannam || 29

indranīlamaṇisannibhadehaṃ

vandanīyamasakṛnmunibṛndaiḥ |

lambamānatulasīvanamālaṃ

cintayāmi satataṃ raghuvīram || 30

sampūrṇacandravadanaṃ sarasīruhākṣaṃ

māṇikyakuṇḍaladharaṃ mukuṭābhirāmam |

cāmpeyagauravasanaṃ śaracāpahastaṃ

śrīrāmacandramaniśaṃ manasā smarāmi || 31

mātuḥ pārśve carantaṃ maṇimayaśayane mañjubhūṣāñcitāṅgam |

mandaṃ mandaṃ pibantaṃ mukulitanayanaṃ stanyamanyastanāgram |

aṅgulyāgraiḥ spṛśantaṃ sukhaparavaśayā sasmitāliṅgitāṅgam |

gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32

rāmābhirāmaṃ nayanābhirāmaṃ

vācābhirāmaṃ vadanābhirāmam |

sarvābhirāmaṃ ca sadābhirāmaṃ

vande sadā dāśarathiṃ ca rāmam || 33

rāśabdoccāramātreṇa mukhānniryāti pātakāḥ |

punaḥ praveśabhītyā ca makārastu kavāṭavat || 34

anarghamāṇikyavirājamāna-

śrīpādukālaṅkṛtaśobhanābhyām |

aśeṣabṛndārakavanditābhyāṃ

namo namo rāmapadāmbujābhyām || 35

calatkanakakuṇḍalollasitadivyagaṇḍasthalaṃ

carācarajaganmayaṃ caraṇapadmagaṅgāśrayam |

caturvidhaphalapradaṃ caramapīṭhamadhyasthitaṃ

cidaṃśamakhilāspadaṃ daśarathātmajaṃ cintaye || 36

sanandanamunipriyaṃ sakalavarṇavedātmakaṃ

samastanigamāgamasphuritatattvasiṃhāsanam |

sahasranayanābjajādyamarabṛndasaṃsevitaṃ

samaṣṭipuravallabhaṃ daśarathātmajaṃ cintaye || 37

jāgratsvapnasuṣupti-kālavilasattattvātmacinmātrakaṃ

caitanyātmakamādhipāparahitaṃ bhūmyāditanmātrakam |

śāmbhavyādisamastayogakulakaṃ sāṅkhyāditattvātparaṃ

śabdāvācyamahaṃ namāmi satataṃ vyutpattināśātparam || 38

ikṣvākuvaṃśārṇavajātaratnaṃ

sītāṅganāyauvanabhāgyaratnam |

vaikuṇṭharatnaṃ mama bhāgyaratnaṃ

śrīrāmaratnaṃ śirasā namāmi || 39

ikṣvākunandanaṃ sugrīvapūjitaṃ

trailokyarakṣakaṃ satyasandhaṃ sadā |

rāghavaṃ raghupatiṃ rājīvalocanaṃ

rāmacandraṃ bhaje rāghaveśaṃ bhaje || 40

bhaktapriyaṃ bhaktasamādhigamyaṃ

cintāharaṃ cintitakāmadhenum |

sūryendukoṭidyutibhāsvaraṃ taṃ

rāmaṃ bhaje rāghavarāmacandram || 41

śrīrāmaṃ janakakṣitīśvarasutāvaktrāmbujāhāriṇaṃ

śrīmadbhānukulābdhikaustubhamaṇiṃ śrīratnavakṣassthalam |

śrīkaṇṭhādyamaraugharatnamakuṭālaṅkārapādāmbujaṃ

śrīvatsojjvalamindranīlasadṛśaṃ śrīrāmacandraṃ bhaje || 42

rāmacandra caritākathāmṛtaṃ

lakṣmaṇāgrajaguṇānukīrtanam |

rāghaveśa tava pādasevanaṃ

sambhavantu mama janmajanmani || 43

ajñānasambhava-bhavāmbudhibāḍabāgni-

ravyaktatattvanikarapraṇavādhirūḍhaḥ |

sītāsametamanujena hṛdantarāle

prāṇaprayāṇasamaye mama sannidhatte || 44

rāmo matkuladaivataṃ sakaruṇaṃ rāmaṃ bhaje sādaraṃ

rāmeṇākhilaghorapāpanihatī rāmāya tasmai namaḥ |

rāmānnāsti jagatrayaikasulabho rāmasya dāso'smyahaṃ

rāme prītiratīva me kulaguro śrīrāma rakṣasva mām || 45

vaidehīsahitaṃ suradrumatale haime mahāmaṇṭape |

madhyepuṣpakamāsane maṇimaye vīrāsane saṃsthitam |

agre vācayati prabhañjanasute tattvaṃ munibhyaḥ param |

vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46

vāme bhūmisutā purastu hanumānpaścātsumitrāsuta-

śśatrughno bharataśca pārśvadalayorvāyvādikoṇeṣvapi |

sugrīvaśca vibhīṣaṇaśca yuvarāṭ tārāsuto jāmbavān

madhye nīlasarojakomalaruciṃ rāmaṃ bhaje śyāmalam || 47

keyūrāṅgadakaṅkaṇairmaṇigaṇairvairocamānaṃ sadā

rākāparvaṇicandrakoṭisadṛśaṃ chatreṇa vairājitam |

hemastambhasahasraṣoḍaśayute madhye mahāmaṇḍape

deveśaṃ bharatādibhiḥ parivṛtaṃ rāmaṃ bhaje śyāmalam || 48

sākete śaradindukundadhavale saughe mahāmaṇṭape |

paryastāgarudhūpadhūmapaṭale karpūradīpojjvale |

sugrīvāṅgadavāyuputrasahitaṃ saumitriṇā sevitaṃ

līlāmānuṣavigrahaṃ raghupatiṃ rāmaṃ bhaje śyāmalam || 49

śāntaṃ śāradacandrakoṭisadṛśaṃ candrābhirāmānanaṃ

candrārkāgnivikāsikuṇḍaladharaṃ candrāvataṃsastutam |

vīṇāpustakasākṣasūtravilasadvyākhyānamudrākaraṃ

deveśaṃ bharatādibhiḥ parivṛtaṃ rāmaṃ bhaje śyāmalam || 50

rāmaṃ rākṣasamardanaṃ raghupatiṃ śakrārividhvaṃsinaṃ

sugrīvepsitarājyadaṃ surapateḥ putrāntakaṃ śār‍ṅgiṇam |

bhaktānāmabhayapradaṃ bhayaharaṃ pāpaughavidhvaṃsinaṃ

sītāsevitapādapadmayugalaṃ rāmaṃ bhaje śyāmalam || 51

kandarpāyutakoṭikoṭitulitaṃ kālāmbudaśyāmalaṃ

kambugrīvamudārakaustubhadharaṃ karṇāvataṃsotpalam |

kastūrītilakojjvalaṃ smitamukhaṃ cinmudrayālaṅkṛtaṃ

sītālakṣmaṇavāyuputrasahitaṃ siṃhāsanasthaṃ bhaje || 52

sākete navaratnapaṅktikhacite citradhvajālaṅkṛte

vāse svarṇamaye dalāṣṭalalite padme vimānottame |

āsīnaṃ bharatādisodarajanaiḥ śākhāmṛgaiḥ kinnaraiḥ

dikpālairmunipuṅgavairnṛpagaṇaissaṃsevyamānaṃ bhaje || 53

kastūrīghanasārakuṅkumalasacchrīcandanālaṅkṛtaṃ

kandarpādhikasundaraṃ ghananibhaṃ kākutsthavaṃśadhvajam |

kalyāṇāmbharaveṣṭitaṃ kamalayā yuktaṃ kalāvallabhaṃ

kalyāṇācalakārmukapriyasakhaṃ kalyāṇarāmaṃ bhaje || 54

muktermūlaṃ munivarahṛdānandakandaṃ mukundaṃ

kūṭasthākhyaṃ sakalavaradaṃ sarvacaitanyarūpam |

nādātītaṃ kamalanilayaṃ nādanādāntatattvaṃ

nādātītaṃ prakṛtirahitaṃ rāmacandraṃ bhaje'ham || 55

tārākāraṃ nikhilanilayaṃ tattvamasyādilakṣyaṃ

śabdāvācyaṃ triguṇarahitaṃ vyomamaṅguṣṭhamātram |

nirvāṇākhyaṃ saguṇamaguṇavyomarandhrāntarasthaṃ

sauṣumnāntaḥ praṇavasahitaṃ rāmacandraṃ bhaje'ham || 56

nijānandākāraṃ nigamaturagārādhitapadaṃ

parabrahmānandaṃ paramapadagaṃ pāpaharaṇam |

kṛpāpārāvāraṃ paramapuruṣaṃ padmanilayaṃ

bhaje rāmaṃ śyāmaṃ prakṛtirahitaṃ nirguṇamaham || 57

sākete nagare samastamahimādhāre jaganmohane

ratnastambhasahasramaṇṭapamahāsiṃhāsane sāmbuje |

viśvāmitravasiṣṭhagautamaśukavyāsādibhirmaunibhiḥ

dhyeyaṃ lakṣmaṇalokapālasahitaṃ sītāsametaṃ bhaje || 58

rāmaṃ śyāmābhirāmaṃ raviśaśinayanaṃ koṭisūryaprakāśaṃ

divyaṃ divyāstrapāṇiṃ śaramukhaśaradhiṃ cārukoḍaṇḍahastam |

kālaṃ kālāgnirudraṃ ripukuladahanaṃ vighnavicchedadakṣaṃ

bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59

śrīrāmaṃ bhuvanaikasundaratanuṃ dhārādharaśyāmalaṃ

rājīvāyatalocanaṃ raghuvaraṃ rākendubimbānanam |

kodaṇḍādinijāyudhāśritabhujairbhrāntaṃ videhātmajā-

dhīśaṃ bhaktajanāvanaṃ raghuvaraṃ śrīrāmacandraṃ bhaje || 60

śrīvatsāṅkamudārakaustubhalasatpītāmbarālaṅkṛtaṃ

nānāratnavirājamānamakuṭaṃ nīlāmbudaśyāmalam |

kastūrīghanasāracarcitatanuṃ mandāramālādharaṃ

kandarpāyutasundaraṃ raghupatiṃ sītāsametaṃ bhaje || 61

sadānandadeve sahasrārapadme

galaccandrapīyūṣadhārāmṛtānte |

sthitaṃ rāmamūrtiṃ niṣeve niṣeve-

'nyadaivaṃ na seve na seve na seve || 62

sudhābhāsitadvīpamadhye vimāne

suparvālivṛkṣojjvale śeṣatalpe |

niṣaṇṇaṃ ramāṅkaṃ niṣeve niṣeve-

'nyadaivaṃ na seve na seve na seve || 63

cidaṃśaṃ samānandamānandakandaṃ

suṣumnākhyarandhrāntarāle ca haṃsam |

sacakraṃ saśaṅkhaṃ sapītāmbarāṅkaṃ

parañcānyadaivaṃ na jāne na jāne || 64

caturvedakūṭollasatkāraṇākhyaṃ

sphuraddivyavaimānike bhogitalpe |

parandhāmamūrtiṃ niṣaṇṇaṃ niṣeve

niṣeve'nyadaivaṃ na seve na seve || 65

siṃhāsanasthaṃ surasevitavyaṃ

ratnāṅkitālaṅkṛtapādapadmam |

sītāsametaṃ śaśisūryanetraṃ

rāmaṃ bhaje rāghava rāmacandram || 66

rāmaṃ purāṇapuruṣaṃ ramaṇīyaveṣaṃ

rājādhirājamakuṭārcitapādapīṭham |

sītāpatiṃ sunayanaṃ jagadekavīraṃ

śrīrāmacandramaniśaṃ kalayāmi citte || 67

parānandavastusvarūpādisākṣiṃ

parabrahmagamyaṃ parañjyotimūrtim |

parāśaktimitrā'priyārādhitāṅghriṃ

parandhāmarūpaṃ bhaje rāmacandram || 68

mandasmitaṃ kuṇḍalagaṇḍabhāgaṃ

pītāmbaraṃ bhūṣaṇabhūṣitāṅgam |

nīlotpalāṅgaṃ bhuvanaikamitraṃ

rāmaṃ bhaje rāghava rāmacandram || 69

acintyamavyaktamanantarūpa-

madvaitamānandamanādigamyam |

puṇyasvarūpaṃ puruṣottamākhyaṃ

rāmaṃ bhaje rāghava rāmacandram || 70

padmāsanasthaṃ surasevitavyaṃ

padmālayānandakaṭākṣavīkṣyam |

gandharvavidyādharagīyamānaṃ

rāmaṃ bhaje rāghava rāmacandram || 71

anantakīrtiṃ varadaṃ prasannaṃ

padmāsanaṃ sevakapārijātam |

rājādhirājaṃ raghuvīraketuṃ

rāmaṃ bhaje rāghava rāmacandram || 72

sugrīvamitraṃ sujanānurūpaṃ

laṅkāharaṃ rākṣasavaṃśanāśam |

vedāśrayāṅgaṃ vipulāyatākṣaṃ

rāmaṃ bhaje rāghava rāmacandram || 73

sakṛtpraṇatarakṣāyāṃ sākṣī yasya vibhīṣaṇaḥ |

sāparādhapratīkāraḥ sa śrīrāmo gatirmama || 74

phalamūlāśinau dāntau tāpasau dharmacāriṇau |

rakṣaḥkulavihantārau bhrātarau rāmalakṣmaṇau || 75

taruṇau rūpasampannau sukumārau mahābalau |

puṇḍarīka viśālākṣau cīrakṛṣṇājināmbarau || 76

kausalyānayanenduṃ daśarathamukhāravindamārtāṇḍam |

sītāmānasahaṃsaṃ rāmaṃ rājīvalocanaṃ vande || 77

bharjanaṃ bhavabījānāṃ mārjanaṃ sukhasampadām |

tarjanaṃ yamadūtānāṃ rāmarāmeti kīrtanam || 78

na jāne jānakī jāne rāma tvannāmavaibhavam |

sarveśo bhagavān śambhurvālmīkirvetti vā navā || 79

karataladhṛtacāpaṃ kālameghasvarūpaṃ

sarasijadalanetraṃ cāruhāsaṃ sugātram |

vicinutavanavāsaṃ vikramodagraveṣaṃ

praṇamata raghunāthaṃ jānakīprāṇanātham || 80

vidyutsphuranmakarakuṇḍaladīptacāru-

gaṇḍasthalaṃ maṇikirīṭavirājamānam |

pītāmbaraṃ jaladanīlamudārakāntiṃ

śrīrāmacandramaniśaṃ kalayāmi citte || 81

ratnollasajjvalitakuṇḍalagaṇḍabhāgaṃ

kastūrikātilakaśobhitaphālabhāgam |

karṇāntadīrghanayanaṃ karuṇākaṭākṣaṃ

śrīrāmacandra mukhamātmani sannidhattam || 82

vaidehīsahitaṃ ca lakṣmaṇayutaṃ kaikeyiputrānvitaṃ

sugrīvaṃ ca vibhīṣaṇānilasutau nīlaṃ nalaṃ sāṅgadam |

viśvāmitravasiṣṭhagautamabharadvājādikān mānayan

rāmo mārutisevitaḥ smaratu māṃ sāmrājyasiṃhāsane || 83

sakalaguṇanidhānaṃ yogibhisstūyamānaṃ

bhajitasuravimānaṃ rakṣitendrādimānam |

mahitavṛṣabhayānaṃ sītayā śobhamānaṃ

smaratu hṛdayabhānuṃ brahmarāmābhirāmam || 84

tridaśakumudacandro dānavāmbhojacandro

duritatimiracandro yogināṃ jñānacandraḥ |

praṇatanayanacandro maithilīnetracandro

daśamukharipucandraḥ pātu māṃ rāmacandraḥ || 85

yannāmaiva sahasranāmasadṛśaṃ yannāma vedaissamaṃ

yannāmāṅkitavākya-māsurabalastrīgarbhavicchedanam |

yannāma śvapacāryabhedarahitaṃ muktipradānojjvalaṃ

tannāmā'laghurāmarāmaramaṇaṃ śrīrāmanāmāmṛtam || 86

rājīvanetra raghupuṅgava rāmabhadra

rākendubimbasadṛśānana nīlagātra |

rāmā'bhirāma raghuvaṃśasamudbhava tvaṃ

śrīrāmacandra mama dehi karāvalambam || 87

māṇikyamañjīrapadāravindaṃ

rāmārkasamphullamukhāravindam |

bhaktābhayaprāpikarāravindāṃ

devīṃ bhaje rāghavavallabhāṃ tām || 88

jayatu vijayakārī jānakīmodakārī

tapanakulavihārī daṇḍakāraṇyacārī |

daśavadanakuṭhārī daityavicchedakārī

maṇimakuṭakadhārī caṇḍakodaṇḍadhārī || 89

rāmaḥ pitā raghava eva mātā

rāmassubandhuśca sakhā hitaśca |

rāmo gururme paramaṃ ca daivaṃ

rāmaṃ vinā nā'nyamahaṃ smarāmi || 90

śrīrāma me tvaṃ hi pitā ca mātā

śrīrāma me tvaṃ hi suhṛcca bandhuḥ |

śrīrāma me tvaṃ hi guruśca goṣṭhī

śrīrāma me tvaṃ hi samastameva || 91

rāmacandracaritāmṛtapānaṃ

somapānaśatakoṭisamānam |

somapānaśatakoṭibhirīyā-

jjanma naiti raghunāyakanāmnā || 92

rāma rāma dayāsindho rāvaṇāre jagatpate |

tvatpādakamalāsakti-rbhavejjanmani janmani || 93

śrīrāmacandreti dayāpareti

bhaktapriyeti bhavabandhanamocaneti |

nātheti nāgaśayaneti sadā stuvantaṃ

māṃ pāhi bhītamaniśaṃ kṛpaṇaṃ kṛpālo || 94

ayodhyānātha rājendra sītākānta jagatpate |

śrīrāma puṇḍarīkākṣa rāmacandra namo'stu te || 95

he rāma he ramaṇa he jagadekavīra

he nātha he raghupate karuṇālavāla |

he jānakīramaṇa he jagadekabandho

māṃ pāhi dīnamaniśaṃ kṛpaṇaṃ kṛtaghnam || 96

jānāti rāma tava tattvagatiṃ hanūmān |

jānāti rāma tava sakhyagatiṃ kapīśaḥ |

jānāti rāma tava yuddhagatiṃ daśāsyo |

jānāti rāma dhanadānuja eva satyam || 97

sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ

stavyaṃ śrīrāmamantraṃ narakaduritadurvāranirghātamantram |

bhavyaṃ śrīrāmamantraṃ bhajatu bhajatu saṃsāranistāramantraṃ

divyaṃ śrīrāmamantraṃ divi bhuvi vilasanmokṣarakṣaikamantram || 98

nikhilanilayamantraṃ nityatattvākhyamantraṃ

bhavakulaharamantraṃ bhūmijāprāṇamantram |

pavanajanutamantraṃ pārvatīmokṣamantraṃ

paśupatinijamantraṃ pātu māṃ rāmamantram || 99

praṇavanilayamantraṃ prāṇanirvāṇamantraṃ

prakṛtipuruṣamantraṃ brahmarudrendramantram |

prakaṭaduritarāgadveṣanirṇāśamantraṃ

raghupatinijamantraṃ rāmarāmetimantram || 100

daśarathasutamantraṃ daityasaṃhāramantraṃ

vibudhavinutamantraṃ viśvavikhyātamantram |

munigaṇanutamantraṃ muktimārgaikamantraṃ

raghupatinijamantraṃ rāmarāmetimantram || 101

saṃsārasāgarabhayāpahaviśvamantraṃ

sākṣānmumukṣujanasevitasiddhamantram |

sāraṅgahastamukhahastanivāsamantraṃ

kaivalyamantramaniśaṃ bhaja rāmamantram || 102

jayatu jayatu mantraṃ janmasāphalyamantraṃ

jananamaraṇabhedakleśavicchedamantram |

sakalanigamamantraṃ sarvaśāstraikamantraṃ

raghupatinijamantraṃ rāmarāmetimantram || 103

jagati viśadamantraṃ jānakīprāṇamantraṃ

vibudhavinutamantraṃ viśvavikhyātamantram |

daśarathasutamantraṃ daityasaṃhāramantraṃ

raghupatinijamantraṃ rāmarāmetimantram || 104

brahmādiyogimunipūjitasiddhamantraṃ

dāridryaduḥkhabhavarogavināśamantram |

saṃsārasāgarasamuttaraṇaikamantraṃ

vande mahābhayaharaṃ raghurāmamantram || 105

śatrucchedaikamantraṃ sarasamupaniṣadvākyasampūjyamantraṃ

saṃsārottāramantraṃ samucitasamaye saṅganiryāṇamantram |

sarvaiśvaryaikamantraṃ vyasanabhujagasandaṣṭasantrāṇamantraṃ

jihve śrīrāmamantraṃ japa japa saphalaṃ janmasāphalyamantram || 106

nityaṃ śrīrāmamantraṃ nirupamamadhikaṃ nītisujñānamantraṃ

satyaṃ śrīrāmamantraṃ sadamalahṛdaye sarvadārogyamantram |

stutyaṃ śrīrāmamantraṃ sulalitasumanassaukhyasaubhāgyamantraṃ

paṭhyaṃ śrīrāmamantraṃ pavanajavaradaṃ pātu māṃ rāmamantram || 107

vyāmohapraśamauṣadhaṃ munimanovṛttipravṛttyauṣadhaṃ

daityonmūlakarauṣadhaṃ bhavabhayapradhvaṃsanaikauṣadham |

bhaktānandakarauṣadhaṃ tribhuvane sañjīvanaikauṣadhaṃ

śreyaḥ prāptikarauṣadhaṃ piba manaḥ śrīrāmanāmauṣadham || 108

sakalabhuvanaratnaṃ sarvaśāstrārtharatnaṃ

samaravijayaratnaṃ saccidānandaratnam |

daśamukhahararatnaṃ dānavārātiratnaṃ

raghukulanṛparatnaṃ pātu māṃ rāmaratnam || 109

sakalabhuvanaratnaṃ saccidānandaratnaṃ

sakalahṛdayaratnaṃ sūryabimbāntaratnam |

vimalasukṛtaratnaṃ vedavedāntaratnaṃ

puraharajaparatnaṃ pātu māṃ rāmaratnam || 110

nigamaśikhararatnaṃ nirmalānandaratnaṃ

nirupamaguṇaratnaṃ nādanādāntaratnam |

daśarathakularatnaṃ dvādaśāntasstharatnaṃ

paśupatijaparatnaṃ pātu māṃ rāmaratnam || 111

śatamakhasutaratnaṃ ṣoḍaśāntasstharatnaṃ

munijanajaparatnaṃ mukhyavaikuṇṭharatnam |

nirupamaguṇaratnaṃ nīrajāntasstharatnaṃ

paramapadaviratnaṃ pātu māṃ rāmaratnam || 112

sakalasukṛtaratnaṃ satyavākyārtharatnaṃ

śamadamaguṇaratnaṃ śāśvatānandaratnam |

praṇayanilayaratnaṃ prasphuṭadyotiratnaṃ

paramapadaviratnaṃ pātu māṃ rāmaratnam || 113

nigamaśikhararatnaṃ nityamāśāsyaratnaṃ

jananutanṛparatnaṃ jānakīrūparatnam |

bhuvanavalayaratnaṃ bhūbhujāmekaratnaṃ

raghukulavararatnaṃ pātu māṃ rāmaratnam || 114

viśālanetraṃ paripūrṇagātraṃ

sītākalatraṃ suravairijaitram |

kāruṇyapātraṃ jagataḥ pavitraṃ

śrīrāmaratnaṃ praṇato'smi nityam || 115

he gopālaka he dayājalanidhe he sadguṇāmbhonidhe

he daityāntaka he vibhīṣaṇadayāparīṇa he bhūpate |

he vaidehasutāmanojavihṛte he koṭimārākṛte

he navyāmbujanetra pālaya paraṃ jānāmi na tvāṃ vinā || 116

yasya kiñcidapi no haraṇīyaṃ

karma kiñcidapi no caraṇīyam |

rāmanāma ca sadā smaraṇīyaṃ

līlayā bhavajalaṃ taraṇīyam || 117

daśarathasutamīśaṃ daṇḍakāraṇyavāsaṃ

śatamakhamaṇinīlaṃ jānakīprāṇalolam |

sakalabhuvanamohaṃ sannutāmbhodadehaṃ

bahulanutasamudraṃ bhāvaye rāmabhadram || 118

viśālanetraṃ paripūrṇagātraṃ

sītākalatraṃ suravairijaitram |

jagatpavitraṃ paramātmatantraṃ

śrīrāmacandraṃ praṇamāmi citte || 119

jaya jaya raghurāma śrīmukhāmbhojabhāno

jaya jaya raghuvīra śrīmadambhojanetra |

jaya jaya raghunātha śrīkarābhyarcitāṅghri

jaya jaya raghuvarya śrīśa kāruṇyasindho || 120

mandāramūle maṇipīṭhasaṃsthaṃ

sudhāplutaṃ divyavirāṭsvarūpam |

sabindunādāntakalāntaturya-

mūrtiṃ bhaje'haṃ raghuvaṃśaratnam || 121

nādaṃ nādavinīlacittapavanaṃ nādāntattvapriyaṃ

nāmākāravivarjitaṃ navaghanaśyāmāṅganādapriyam |

nādāmbhojamarandamattavilasadbhṛṅgaṃ madāntassthitaṃ

nādāntadhṛvamaṇḍalābjaruciraṃ rāmaṃ bhaje tārakam || 122

nānābhūtahṛdabjapadmanilayaṃ nāmojjvalābhūṣaṇam |

nāmastotrapavitritatribhuvanaṃ nārāyaṇāṣṭākṣaram |

nādāntendugalatsudhāplutatanuṃ nānātmacinmātrakam |

nānākoṭiyugāntabhānusadṛśaṃ rāmaṃ bhaje tārakam || 123

vedyaṃ vedaguruṃ viriñcijanakaṃ vedāntamūrtiṃ sphura-

dvedaṃ vedakalāpamūlamahimādhārāntakandāṅkuram |

vedaśṛṅgasamānaśeṣaśayanaṃ vedāntavedyātmakaṃ

vedārādhitapādapaṅkajamahaṃ rāmaṃ bhaje tārakam || 124

majjīvaṃ madanugrahaṃ madadhipaṃ madbhāvanaṃ matsukhaṃ

mattātaṃ mama sadguruṃ mama varaṃ mohāndhavicchedanam |

matpuṇyaṃ madanekabāndhavajanaṃ majjīvanaṃ mannidhiṃ

matsiddhiṃ mama sarvakarmasukṛtaṃ rāmaṃ bhaje tārakam || 125

nityaṃ nīrajalocanaṃ nirupamaṃ nīvāraśūkopamaṃ

nirbhedānubhavaṃ nirantaraguṇaṃ nīlāṅgarāgojjvalam |

niṣpāpaṃ nigamāgamārcitapadaṃ nityātmakaṃ nirmalaṃ

niṣpuṇyaṃ nikhilaṃ nirañjanapadaṃ rāmaṃ bhaje tārakam || 126

dhyāye tvāṃ hṛdayāmbuje raghupatiṃ vijñānadīpāṅkuraṃ

haṃsohaṃsaparamparādimahimādhāraṃ jaganmohanam |

hastāmbhojagadābjacakramatulaṃ pītāmbaraṃ kaustubhaṃ

śrīvatsaṃ puruṣottamaṃ maṇinibhaṃ rāmaṃ bhaje tārakam || 127

satyajñānamanantamacyutamajaṃ cāvyākṛtaṃ tatparaṃ

kūṭasthādisamastasākṣimanaghaṃ sākṣādvirāṭtattvadam |

vedyaṃ viśvamayaṃ svalīnabhuvanasvārājyasaukhyapradaṃ

pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128

rāmaṃ rākṣasavaṃśanāśanakaraṃ rākendubimbānanaṃ

rakṣoriṃ raghuvaṃśavardhanakaraṃ raktādharaṃ rāghavam |

rādhāyātmanivāsinaṃ ravinibhaṃ ramyaṃ ramānāyakaṃ

randhrāntargataśeṣaśāyinamahaṃ rāmaṃ bhaje tārakam || 129

otaprotasamastavastunicayaṃ oṅkārabījākṣaraṃ

oṅkāraprakṛtiṃ ṣaḍakṣarahitaṃ oṅkārakandāṅkuram |

oṅkārasphuṭabhūrbhuvassuparitaṃ oghatrayārādhitam

oṅkārojjvalasiṃhapīṭhanilayaṃ rāmaṃ bhaje tārakam || 130

sākete nagare samastasukhade harmye'bjakoṭidyute

nakṣatragrahapaṅktilagnaśikhare cāntaryapaṅkeruhe |

vālmīkātriparāśarādimunibhissaṃsevyamānaṃ sthitaṃ

sītālaṅkṛtavāmabhāgamaniśaṃ rāmaṃ bhaje tārakam || 131

vaikuṇṭhe nagare suradrumatale cānandavaprāntare

nānāratnavinirmitasphuṭapaṭuprākārasaṃveṣṭite |

saudhendūpalaśeṣatalpalalite nīlotpalacchādite

paryaṅke śayanaṃ ramādisahitaṃ rāmaṃ bhaje tārakam || 132

vande rāmamanādipūruṣamajaṃ vande ramānāyakaṃ

vande hārikirīṭakuṇḍaladharaṃ vande sunīladyutim |

vande cāpakalambakojjvalakaraṃ vande jaganmaṅgalaṃ

vande paṅktirathātmajaṃ mama guruṃ vande sadā rāghavam || 133

vande śaunakagautamādyabhinutaṃ vande ghanaśyāmalaṃ

vande tārakapīṭhamadhyanilayaṃ vande jagannāyakam |

vande bhaktajanaughadevivaṭapaṃ vande dhanurvallabhaṃ

vande tattvamasītivākyajanakaṃ vande sadā rāghavam || 134

vande sūryaśaśāṅkalocanayugaṃ vande jagatpāvanaṃ

vande patrasahasrapadmanilayaṃ vande purāripriyam |

vande rākṣasavaṃśanāśanakaraṃ vande sudhāśītalaṃ

vande devakapīndrakoṭivinutaṃ vande sadā rāghavam || 135

vande sāgaragarvabhaṅgaviśikhaṃ vande jagajjīvanaṃ

vande kauśikayāgarakṣaṇakaraṃ vande guruṇāṃ gurum |

vande bāṇaśarāsanojjvalakaraṃ vande jaṭāvalkalaṃ

vande lakṣmaṇabhūmijānvitamahaṃ vande sadā rāghavam || 136

vande pāṇḍarapuṇḍarīkanayanaṃ vande'bjabimbānanaṃ

vande kambugalaṃ karābjayugalaṃ vande lalāṭojjvalam |

vande pītadukūlamambudanibhaṃ vande jaganmohanaṃ

vande kāraṇamānuṣojjvalatanuṃ vande sadā rāghavam || 137

vande nīlasarojakomalaruciṃ vande jagadvanditaṃ

vande sūryakulābdhikaustubhamaṇiṃ vande surārādhitam |

vande pātakapañcakapraharaṇaṃ vande jagatkāraṇaṃ

vande viṃśatipañcatattvarahitaṃ vande sadā rāghavam || 138

vande sādhakavargakalpakataruṃ vande trimūrtyātmakaṃ

vande nādalayāntarasthalagataṃ vande trivargātmakam |

vande rāgavihīnacittasulabhaṃ vande sabhānāyakaṃ

vande pūrṇadayāmṛtārṇavamahaṃ vande sadā rāghavam || 139

vande sāttvikatattvamudritatanuṃ vande sudhādāyakaṃ

vande cārucaturbhujaṃ maṇinibhaṃ vande ṣaḍabjasthitam |

vande brahmapipīlikādinilayaṃ vande virāṭvigrahaṃ

vande pannagatalpaśāyinamahaṃ vande sadā rāghavam || 140

siṃhāsanasthaṃ munisiddhasevyaṃ

raktotpalālaṅkṛtapādapadmam |

sītāsametaṃ śaśisūryanetraṃ

rāmaṃ bhaje rāghavarāmacandram || 141

śrīrāmabhadrāśritasadgurūṇāṃ

pādāravindaṃ bhajatāṃ narāṇām |

ārogyamaiśvaryamanantakīrti-

rante ca viṣṇoḥ padamasti satyam || 142

daśarathavaraputraṃ jānakīsatkalatraṃ

daśamukhaharadakṣaṃ padmapatrāyatākṣam |

karadhṛtaśaracāpaṃ cārumuktākalāpaṃ

raghukulanṛvareṇyaṃ rāmamīḍe śaraṇyam || 143

daśamukhagajasiṃhaṃ daityagarvātiraṃhaṃ

kadanabhayadahastaṃ tārakabrahma śastam |

maṇikhacitakirīṭaṃ mañjulālāpavāṭaṃ

daśarathakulacandraṃ rāmacandraṃ bhaje'ham || 144

rāmaṃ raktasaroruhākṣamamalaṃ laṅkādhināthāntakaṃ

kausalyānayanotsukaṃ raghuvaraṃ nāgendratalpasthitam |

vaidehīkucakumbhakuṅkumarajolaṅkārahāraṃ hariṃ

māyāmānuṣavigrahaṃ raghupatiṃ sītāsametaṃ bhaje || 145

rāmaṃ rākṣasamardanaṃ raghuvaraṃ daiteyabhidhvaṃsinaṃ

sugrīvepsitarājyadaṃ surapaterbhītyantakaṃ śār‍ṅgiṇam |

bhaktānāmabhayapradaṃ bhayaharaṃ pāpaughavidhvaṃsinaṃ

sāmīristutapādapadmayugalaṃ sītāsametaṃ bhaje || 146

yatpādāmbujareṇunā munisatī muktiṅgatā yanmahaḥ

puṇyaṃ pātakanāśanaṃ trijagatāṃ bhāti smṛtaṃ pāvanam |

smṛtvā rāghavamaprameyamamalaṃ pūrṇendumandasmitaṃ

taṃ rāmaṃ sarasīruhākṣamamalaṃ sītāsametaṃ bhaje || 147

vaidehīkucamaṇḍalāgra-vilasanmāṇikyahastāmbujaṃ

cañcatkaṅkaṇahāranūpura-lasatkeyūrahārānvitam |

divyaśrīmaṇikuṇḍalojjvala-mahābhūṣāsahasrānvitaṃ

vīraśrīraghupuṅgavaṃ guṇanidhiṃ sītāsametaṃ bhaje || 148

vaidehīkucamaṇḍalopari-lasanmāṇikyahārāvalī-

madhyasthaṃ navanītakomalaruciṃ nīlotpalaśyāmalam |

kandarpāyutakoṭisundaratanuṃ pūrṇendubimbānanaṃ

kausalyākulabhūṣaṇaṃ raghupatiṃ sītāsametaṃ bhaje || 149

divyāraṇyayatīndranāmanagare madhye mahāmaṇṭape

svarṇastambhasahasraṣoḍaśayute mandāramūlāśrite |

nānāratnavicitranirmalamahāsiṃhāsane saṃsthitaṃ

sītālakṣmaṇasevitaṃ raghupatiṃ sītāsametaṃ bhaje || 150

kastūrītilakaṃ kapīndraharaṇaṃ kāruṇyavārānnidhiṃ

kṣīrāmbhodhisutāmukhābjamadhupaṃ kalyāṇasampannidhim |

kausalyānayanotsukaṃ kapivaratrāṇaṃ mahāpauruṣaṃ

kaumārapriyamarkakoṭisadṛśaṃ sītāsametaṃ bhaje || 151

vidyutkoṭidivākaradyutinibhaṃ śrīkaustubhālaṅkṛtaṃ

yogīndraissanakādibhiḥ parivṛtaṃ kailāsanāthapriyam |

muktāratnakirīṭakuṇḍaladharaṃ graiveyahārānvitaṃ

vaidehīkucasannivāsamaniśaṃ sītāsametaṃ bhaje || 152

meghaśyāmalamambujātanayanaṃ vistīrṇavakṣassthalaṃ

bāhudvandvavirājitaṃ suvadanaṃ śoṇāṅghripaṅkeruham |

nānāratnavicitrabhūṣaṇayutaṃ kodaṇḍabāṇāṅkitaṃ

trailokyā'pratimānasundaratanuṃ sītāsametaṃ bhaje || 153

vaidehīyutavāmabhāgamatulaṃ vandārumandārakaṃ

vande prastutakīrtivāsitatarucchāyānukāriprabham |

vaidehīkucakuṅkumāṅkitamahoraskaṃ mahābhūṣaṇaṃ

vedāntairupagīyamānamasakṛtsītāsametaṃ bhaje || 154

devānāṃ hitakāraṇena bhuvane dhṛtvā'vatāraṃ dhruvaṃ

rāmaṃ kauśikayajñavighnadalanaṃ tattāṭakāsaṃharam |

nityaṃ gautamapatniśāpadalanaśrīpādareṇuṃ śubhaṃ

śambhorutkaṭacāpakhaṇḍanamahāsatvaṃ bhaje rāghavam || 155

śrīrāmaṃ navaratnakuṇḍaladharaṃ śrīrāmarakṣāmaṇiṃ

śrīrāmaṃ ca sahasrabhānusadṛśaṃ śrīrāmacandrodayam |

śrīrāmaṃ śrutakīrtimākaramahaṃ śrīrāmamuktipradaṃ

śrīrāmaṃ raghunandanaṃ bhayaharaṃ śrīrāmacandraṃ bhaje || 156

rāmamindīvaraśyāmaṃ rājīvāyatalocanam |

jyāghoṣanirjitārātiṃ jānakīramaṇaṃ bhaje || 157

dīrghabāhumaravindalocanaṃ

dīnavatsalamanātharakṣakam |

dīkṣitaṃ sakalalokarakṣaṇe

daivataṃ daśarathātmajaṃ bhaje || 158

prātassmarāmi raghunāthamukhāravindaṃ

mandasmitaṃ madhurabhāṣi viśālaphālam |

karṇāvalambicalakuṇḍalagaṇḍabhāgaṃ

karṇāntadīrghanayanaṃ nayanābhirāmam || 159

prātarbhajāmi raghunāthakarāravindaṃ

rakṣogaṇāya bhayadaṃ varadaṃ nijebhyaḥ |

yadrājasaṃsadi vibhidya maheśacāpaṃ

sītākaragrahaṇamaṅgalamāpa sadyaḥ || 160

prātarnamāmi raghunāthapadāravindaṃ

padmāṅkuśādiśubharekhaśubhāvahaṃ ca |

yogīndramānasamadhuvratasevyamānaṃ

śāpāpahaṃ sapadi gautamadharmapatnyāḥ || 161

prātarvadāmi vacasā raghunāthanāma

vāgdoṣahāri sakalaṃ kaluṣaṃ nihantṛ |

yatpārvatī svapatinā saha bhoktukāmā

prītyā sahasraharināmasamaṃ jajāpa || 162

prātaḥ śraye śrutinutaṃ raghunāthamūrtiṃ

nīlāmbudotpalasitetararatnanīlām |

āmuktamauktikaviśeṣavibhūṣaṇāḍhyāṃ

dhyeyāṃ samastamunibhirnijabhṛtyamukhyaiḥ || 163

raghukulavaranātho jānakīprāṇanāthaḥ

pitṛvacanavidhātā kīśarājyapradātā |

pratiniśicaranāśaḥ prāptarājyapraveśo

vihitabhuvanarakṣaḥ pātu padmāyatākṣaḥ || 164

kuvalayadalanīlaḥ pītavāsāḥ smitāsyo

vividharucirabhūṣābhūṣito divyamūrtiḥ |

daśarathakulanātho jānakīprāṇanātho

nivasatu mama citte sarvadā rāmacandraḥ || 165

jayatu jayatu rāmo jānakīvallabho'yaṃ

jayatu jayatu rāmaścandracūḍārcitāṅghriḥ |

jayatu jayatu vāṇīnāthanāthaḥ parātmā

jayatu jayatu rāmo'nāthanāthaḥ kṛpāluḥ || 166

vadatu vadatu vāṇī rāmarāmeti nityaṃ

jayatu jayatu cittaṃ rāmapādāravindam |

namatu namatu dehaṃ santataṃ rāmacandraṃ

na bhavatu mama pāpaṃ janmajanmāntareṣu || 167

ānandarūpaṃ varadaṃ prasannaṃ

siṃhekṣaṇaṃ sevakapārijātam |

nīlotpalāṅgaṃ bhuvanaikamitraṃ

rāmaṃ bhaje rāghavarāmacandram || 168

laṅkāvirāmaṃ raṇaraṅgabhīmaṃ

rājīvanetraṃ raghuvaṃśamitram |

kāruṇyamūrtiṃ karuṇāprapūrtiṃ

śrīrāmacandraṃ śaraṇaṃ prapadye || 169

sugrīvamitraṃ paramaṃ pavitraṃ

sītākalatraṃ navahemasūtram |

kāruṇyapātraṃ śatapatranetraṃ

śrīrāmacandraṃ śirasā namāmi || 170

śrīrāghaveti ramaṇeti raghūdvaheti

rāmeti rāvaṇahareti ramādhaveti |

sāketanāthasumukheti ca suvrateti

vāṇī sadā vadatu rāma hare hareti || 171

śrīrāmanāmāmṛtamantrabījaṃ

sañjīvanaṃ cenmanasi pratiṣṭham |

hālāhalaṃ vā pralayānalaṃ vā

mṛtyormukhaṃ vā vitathīkaroti || 172

kiṃ yogaśāstraiḥ kimaśeṣavidyā

kiṃ yāgagaṅgādiviśeṣatīrthaiḥ |

kiṃ brahmacaryāśramasañcareṇa

bhaktirnacette raghuvaṃśakīrtyām || 173

idaṃ śarīraṃ ślathasandhijarjharaṃ

patatyavaśyaṃ pariṇāmapeśalam |

kimauṣathaṃ pṛcchasi mūḍha durmate

nirāmayaṃ rāmakathāmṛtaṃ piba || 174

he rāmabhadrāśraya he kṛpālo

he bhaktalokaikaśaraṇyamūrte |

punīhi māṃ tvaccaraṇāravindaṃ

jagatpavitraṃ śaraṇaṃ mamā'stu || 175

nīlābhradeha nikhileśa jagannivāsa

rājīvanetra ramaṇīyaguṇābhirāma |

śrīdāma daityakulamardana rāmacandra

tvatpādapadmamaniśaṃ kalayāmi citte || 176

śrīrāmacandra karuṇākara dīnabandho

sītāsameta bharatāgraja rāghaveśa |

pāpārtibhañjana bhayāturadīnabandho

pāpāmbudhau patitamuddhara māmanātham || 177

indīvaradalaśyāma-mindukoṭinibhānanam |

kandarpakoṭilāvaṇyaṃ vande'haṃ raghunandanam || 175

iti śrībodhendrasarasvatī kṛta śrīrāmakarṇāmṛtam ||