Shri Raghavendra Mangalashtakam

ॐ

ශ්රී රාඝවේන්ද්ර මඞ්ගලාෂ්ටකම්

Angaraka Ashtakam Sinhala

ශ්රීමද්රාමපාදාරවින්දමධුපඃ ශ්රීමධ්වවංශාධිපඃ

සච්චිෂ්යෝඩුගණෝඩුපඃ ශ්රිතජගද්ගීර්වාණසත්පාදපඃ .

අත්යර්ථං මනසා කෘතාච්යුතජපඃ පාපාන්ධකාරාතපඃ

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 1 ..

කර්මන්දීන්ද්රසුධීන්ද්රසද්ගුරුකරාම්භෝජෝද්භවඃ සන්තතං

ප්රාජ්යධ්යානවශීකෘතාඛිලජගද්වාස්තව්යලක්ෂ්මීධවඃ .

සච්ඡාස්ත්රාදි විදූෂකාඛිලමෘෂාවාදීභකණ්ඨීරවඃ

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 2 ..

සාලඞ්කාරකකාව්යනාටකකලාකාණාදපාතඤ්ජල-

ත්රය්යර්ථස්මෘතිජෛමිනීයකවිතාසඞ්කීතපාරඞ්ගතඃ .

විප්රක්ෂත්රවිඩඞ්ඝ්රිජාතමුඛරානේකප්රජාසේවිතඃ

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 3 ..

රඞ්ගෝත්තුඞ්ගතරඞ්ගමඞ්ගලකර ශ්රීතුඞ්ගභද්රාතට-

ප්රත්යක්ස්ථද්විජපුඞ්ගවාලය ලසන්මන්ත්රාලයාඛ්යේ පුරේ .

නව්යේන්ද්රෝපලනීලභව්යකරසද්වෘන්දාවනාන්තර්ගතඃ

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 4 ..

විද්වද්රාජශිරඃකිරීටඛචිතානර්ඝ්යෝරුරත්නප්රභා

රාගාඝෞඝහපාදුකාද්වයචරඃ පද්මාක්ෂමාලාධරඃ .

භාස්වද්දණ්ටකමණ්ඩලූජ්ජ්වලකරෝ රක්තාම්බරාඩම්බරඃ

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 5 ..

යද්වෘන්දාවනසත්ප්රදක්ෂිණනමස්කාරාභිෂේකස්තුති-

ධ්යානාරාධනමෘද්විලේපනමුඛානේකෝපචාරාන් සදා .

කාරං කාරමභිප්රයාන්ති චතුරෝ ලෝකාඃ පුමර්ථාන් සදා

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 6 ..

වේදව්යාසමුනීශමධ්වයතිරාට් ටීකාර්යවාක්යාමෘතං

ජ්ඤාත්වා(අ)ද්වෛතමතං හලාහලසමං ත්යක්ත්වා සමාඛ්යාප්තයේ .

සඞ්ඛ්යාවත්සුඛදාං දශෝපනිෂදාං ව්යාඛ්යාං සමාඛ්යන්මුදා

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 7 ..

ශ්රීමද්වෛෂ්ණවලෝකජාලකගුරුඃ ශ්රීමත්පරිව්රාඩ්ගුරුඃ

ශාස්ත්රේ දේවගුරුඃ ශ්රිතාමරතරුඃ ප්රත්යූහගෝත්රස්වරුඃ .

චේතෝ(අ)තීතශිරුස්තථා ජිතවරුස්සත්සෞඛ්යසම්පත්කරුඃ

ශ්රීමත්සද්ගුරුරාඝවේන්ද්රයතිරාට් කුර්යාද්ධ්රුවං මඞ්ගලම් .. 8 ..

යස්සන්ධ්යාස්වනිශං ගුරෝර්යතිපතේඃ සන්මඞ්ගලස්යාෂ්ටකං

සද්යඃ පාපහරං ස්වසේවි විදුෂාං භක්ත්යෛතදාභාෂිතම් .

භක්ත්යා වක්ති සුසම්පදං ශුභපදං දීර්ඝායුරාරෝග්යකං

කීර්තිං පුත්රකලත්රබාන්ධවසුහෘන්මූර්තිඃ ප්රයාති ධ්රුවම් ..

ඉති ශ්රීමදප්පණාචාර්යකෘතං රාඝවේන්ද්රමඞ්ගලාෂ්ටකං සම්පූර්ණම් .

Roman (IAST) Transliteration

śrīmadrāmapādāravindamadhupaḥ śrīmadhvavaṃśādhipaḥ

sacciṣyoḍugaṇoḍupaḥ śritajagadgīrvāṇasatpādapaḥ |

atyarthaṃ manasā kṛtācyutajapaḥ pāpāndhakārātapaḥ

śrīmatsadgururāghavendrayatirāṭ kuryāddhruvaṃ maṅgalam || 1 ||

karmandīndrasudhīndrasadgurukarāmbhojodbhavaḥ santataṃ

prājyadhyānavaśīkṛtākhilajagadvāstavyalakṣmīdhavaḥ |

sacchāstrādi vidūṣakākhilamṛṣāvādībhakaṇṭhīravaḥ

śrīmatsadgururāghavendrayatirāṭ kuryāddhruvaṃ maṅgalam || 2 ||

sālaṅkārakakāvyanāṭakakalākāṇādapātañjala-

trayyarthasmṛtijaiminīyakavitāsaṅkītapāraṅgataḥ |

viprakṣatraviḍaṅghrijātamukharānekaprajāsevitaḥ

śrīmatsadgururāghavendrayatirāṭ kuryāddhruvaṃ maṅgalam || 3 ||

raṅgottuṅgataraṅgamaṅgalakara śrītuṅgabhadrātaṭa-

pratyaksthadvijapuṅgavālaya lasanmantrālayākhye pure |

navyendropalanīlabhavyakarasadvṛndāvanāntargataḥ

śrīmatsadgururāghavendrayatirāṭ kuryāddhruvaṃ maṅgalam || 4 ||

vidvadrājaśiraḥkirīṭakhacitānarghyoruratnaprabhā

rāgāghaughahapādukādvayacaraḥ padmākṣamālādharaḥ |

bhāsvaddaṇṭakamaṇḍalūjjvalakaro raktāmbarāḍambaraḥ

śrīmatsadgururāghavendrayatirāṭ kuryāddhruvaṃ maṅgalam || 5 ||

yadvṛndāvanasatpradakṣiṇanamaskārābhiṣekastuti-

dhyānārādhanamṛdvilepanamukhānekopacārān sadā |

kāraṃ kāramabhiprayānti caturo lokāḥ pumarthān sadā

śrīmatsadgururāghavendrayatirāṭ kuryāddhruvaṃ maṅgalam || 6 ||

vedavyāsamunīśamadhvayatirāṭ ṭīkāryavākyāmṛtaṃ

jñātvā'dvaitamataṃ halāhalasamaṃ tyaktvā samākhyāptaye |

saṅkhyāvatsukhadāṃ daśopaniṣadāṃ vyākhyāṃ samākhyanmudā

śrīmatsadgururāghavendrayatirāṭ kuryāddhruvaṃ maṅgalam || 7 ||

śrīmadvaiṣṇavalokajālakaguruḥ śrīmatparivrāḍguruḥ

śāstre devaguruḥ śritāmarataruḥ pratyūhagotrasvaruḥ |

ceto'tītaśirustathā jitavarussatsaukhyasampatkaruḥ

śrīmatsadgururāghavendrayatirāṭ kuryāddhruvaṃ maṅgalam || 8 ||

yassandhyāsvaniśaṃ guroryatipateḥ sanmaṅgalasyāṣṭakaṃ

sadyaḥ pāpaharaṃ svasevi viduṣāṃ bhaktyaitadābhāṣitam |

bhaktyā vakti susampadaṃ śubhapadaṃ dīrghāyurārogyakaṃ

kīrtiṃ putrakalatrabāndhavasuhṛnmūrtiḥ prayāti dhruvam ||

iti śrīmadappaṇācāryakṛtaṃ rāghavendramaṅgalāṣṭakaṃ sampūrṇam |