Shri Pratyangira Sahasranama Stotram

ॐ

ශ්රී ප්රත්යඞ්ගිරා සහස්රනාම ස්තෝත්රම්

Sahasranamam Sinhala

ඊශ්වර උවාච

ශෘණු දේවි ප්රවක්ෂ්යාමි සාම්ප්රතං තත්පුරාතනම් .

සහස්රනාම පරමං ප්රත්යඞ්ගිරාර්ථ සිද්ධයේ .. 1 ..

සහස්රනාමපාඨේන සර්වත්ර විජයී භවේත් .

පරාභවෝ න චාස්යාස්ති සභායාං වා වනේ රණේ .. 2 ..

තථා තුෂ්ටා භවේද්දේවී ප්රත්යඞ්ගිරා(අ)ස්ය පාඨතඃ .

යථා භවති දේවේශි සාධකඃ ශිව ඒව හි .. 3 ..

අශ්වමේධසහස්රාණි වාජපේයස්ය කෝටයඃ .

සකෘත්පාඨේන ජායන්තේ ප්රසන්නා ප්රත්යඞ්ගිරා භවේත් .. 4 ..

භෛරවෝ(අ)ස්ය ඍෂිශ්ඡන්දෝ(අ)නුෂ්ටුප් දේවී සමීරිතා .

ප්රත්යඞ්ගිරා විනියෝගඃ සර්වසම්පත්ති හේතවේ .. 5 ..

සර්වකාර්යේෂු සංසිද්ධිඃ සර්වසම්පත්තිදා භවේත් .

ඒවං ධ්යාත්වා පඨේදේතද්යදීච්ඡේදාත්මනෝ හිතම් .. 6 ..

අස්ය ශ්රීප්රත්යඞ්ගිරා සහස්රනාමමහාමන්ත්රස්ය භෛරව ඍෂිඃ අනුෂ්ටුප් ඡන්දඃ ශ්රීමහාප්රත්යඞ්ගිරා දේවතා හ්රීං බීජං ශ්රීං ශක්තිඃ ස්වාහා කීලකං පරකෘත්යාවිනාශාර්ථේ ජපේ පාඨේ විනියෝගඃ ..

කරන්යාසඃ

ඕං හ්රාං අඞ්ගුෂ්ඨාභ්යාං නමඃ .

ඕං හ්රීං තර්ජනීභ්යාං නමඃ .

ඕං හ්රූං මධ්යමාභ්යාං නමඃ .

ඕං හ්රෛං අනාමිකාභ්යාං නමඃ .

ඕං හ්රෞං කනිෂ්ඨිකාභ්යාං නමඃ .

ඕං හ්රඃ කරතල කරපෘෂ්ඨාභ්යාං නමඃ .

හෘදයාදි න්යාසඃ

ඕං හ්රාං හෘදයාය නමඃ .

ඕං හ්රීං ශිරසේ ස්වාහා .

ඕං හ්රූං ශිඛායෛ වෂට් .

ඕං හ්රෛං කවචාය හුම් .

ඕං හ්රෞං නේත්රත්රයාය වෞෂට් .

ඕං හ්රඃ අස්ත්රාය ඵට් .

ධ්යානම්

ආශාම්බරා මුක්තකචා ඝනච්ඡවි-

-ර්ධ්යේයා සචර්මාසිකරා හි භූෂණා .

දංෂ්ට්රෝග්රවක්ත්රා ග්රසිතා හිතා ත්වයා

ප්රත්යඞ්ගිරා ශඞ්කරතේජසේරිතා ..

ස්තෝත්රම්

දේවී ප්රත්යඞ්ගිරා දිව්යා සරසා ශශිශේඛරා .

සුමනා සාමිධේතී ච සමස්තසුරශේමුෂී .. 1 ..

සර්වසම්පත්තිජනනී සර්වදා සින්ධුසේවිනී .

ශම්භුසීමන්තිනී සීමා සුරාරාධ්යා සුධාරසා .. 2 ..

රසා රසවතී වේලා වන්යා ච වනමාලිනී .

වනජාක්ෂී වනචරී වනී වනවිනෝදිනී .. 3 ..

වේගිනී වේගදා වේගබලාස්යා ච බලාධිකා .

කලා කලප්රියා කෝලී කෝමලා කාලකාමිනී .. 4 ..

කමලා කමලාස්යා ච කමලස්ථා කලාවතී .

කුලීනා කුටිලා කාන්තා කෝකිලා කලභාෂිණී .. 5 ..

කීරකීලී කලා කාලී කපාලින්යපි කාලිකා .

කේශිනී ච කුශාවර්තා කෞශාම්බී කේශවප්රියා .. 6 ..

කාශී කලා මහාකාශී සඞ්කාශා කේශදායිනී .

කුණ්ඩලී කුණ්ඩලාස්යා ච කුණ්ඩලාඞ්ගදමණ්ඩිතා .. 7 ..

කුණපාලී කුමුදිනී කුමුදා ප්රීතිවර්ධිනී .

කුන්දප්රියා කුන්දරුචිඃ කුරඞ්ගමදනෝදිනී .. 8 ..

කුරඞ්ගනයනා කුන්දා කුරුවෘන්දා(අ)භිනන්දිනී .

කුසුම්භකුසුමා කාඤ්චී ක්වණත්කිඞ්කිණිකා කටා .. 9 ..

කඨෝරා කරුණා කාෂ්ඨා කෞමුදී කම්බුකණ්ඨිනී .

කපර්දිනී කපටිනී කණ්ඨිනී කාලකණ්ඨිකා .. 10 ..

කීරහස්තා කුමාරී ච කුරුදා කුසුමප්රියා .

කුඤ්ජරස්ථා කුඤ්ජරතා කුම්භි කුම්භස්තනද්වයා .. 11 ..

කුම්භිගා කරිභෝගා ච කදලී දලශාලිනී .

කුපිතා කෝටරස්ථා ච කඞ්කාලී කන්දරෝදරා .. 12 ..

ඒකාන්තවාසිනී කාඤ්චී කම්පමානශිරෝරුහා .

කාදම්බරී කදම්බස්ථා කුඞ්කුමප්රේමධාරිණී .. 13 ..

කුටුම්බිනීප්රියා(අ)(අ)කූතී ක්රතුඃ ක්රතුකරී ප්රියා .

කාත්යායනී කෘත්තිකා ච කාර්තිකේයප්රවර්තිනී .. 14 ..

කාමපත්නී කාමදාත්රී කාමේශී කාමවන්දිතා .

කාමරූපා ක්රමාවර්තී කාමාක්ෂී කාමමෝහිතා .. 15 ..

ඛඩ්ගිනී ඛේචරී ඛඩ්ගා ඛඤ්ජරීටේක්ෂණා ඛලා .

ඛරගා ඛරනාථා ච ඛරාස්යා ඛේලනප්රියා .. 16 ..

ඛරාංශුඃ ඛේටිනී ඛට්වා ඛගා ඛට්වාඞ්ගධාරිණී .

ඛරඛණ්ඩිනී ඛ්යාතා ඛණ්ඩිතා ඛණ්ඩනීස්ථිතා .. 17 ..

ඛණ්ඩප්රියා ඛණ්ඩඛාද්යා සේන්දුඛණ්ඩා ච ඛණ්ඩිනී .

ගඞ්ගා ගෝදාවරී ගෞරී ගෝමත්යපි ච ගෞතමී .. 18 ..

ගයා ගේයා ගගනගා ගාරුඩී ගරුඩධ්වජා .

ගීතා ගීතප්රියා ගෝපා ගණ්ඩප්රීතා ගුණී ගිරා .. 19 ..

ගුං ගෞරී මන්දමදනා ගෝකුලා ගෝප්රතාරිණී .

ගෝදා ගෝවින්දිනී ගූඪා නිර්ගූඪා ගූඪවිග්රහා .. 20 ..

ගුඤ්ජිනී ගජගා ගෝපී ගෝත්රක්ෂයකරී ගදා .

ගිරිභූපාලදුහිතා ගෝගා ගෝච්ඡලවර්ධිනී .. 21 ..

ඝනස්තනී ඝනරුචිර්ඝනේහා ඝනනිඃස්වනා .

ඝූත්කාරිණී ඝූඝකරී ඝුඝූකපරිවාරිතා .. 22 ..

ඝණ්ටානාදප්රියා ඝණ්ටා ඝනාඝෝටකවාහිනී .

ඝෝරරූපා ච ඝෝරා ච ඝූතී ප්රතිඝනා ඝනී .. 23 ..

ඝෘතාචී ඝනපුෂ්ටිශ්ච ඝටා ඝනඝටා(අ)මෘතා .

ඝටස්යා ඝටනා ඝෝඝඝාතපාතනිවාරිණී .. 24 ..

චඤ්චරීකා චකෝරී ච චාමුණ්ඩා චීරධාරිණී .

චාතුරී චපලා චක්රචලා චේලා චලා(අ)චලා .. 25 ..

චතුශ්චිරන්තනා චාකා චික්යා චාමීකරච්ඡවිඃ .

චාපිනී චපලා චම්පූ චින්තා චින්තාමණිශ්චිතා .. 26 ..

චාතුර්වර්ණ්යමයී චඤ්චච්චෞරාචාර්යා චමත්කෘතිඃ .

චක්රවර්තිවධූශ්චක්රා චක්රාඞ්ගා චක්රමෝදිනී .. 27 ..

චේතශ්චරී චිත්තවෘත්තිරචේතා චේතනප්රදා .

චාම්පේයී චම්පකප්රීතිශ්චණ්ඩී චණ්ඩාලවාසිනී .. 28 ..

චිරඤ්ජීවිතටා චිඤ්චා තරුමූලනිවාසිනී .

ඡුරිකා ඡත්රමධ්යස්ථා ඡිද්රා ඡේදකරී ඡිදා .. 29 ..

ඡුඡුන්දරීපලප්රීතී ඡුඡුන්දරීනිභස්වනා .

ඡලිනී ඡලදා ඡත්රා ඡිටිකා ඡේකකෘත්තථා .. 30 ..

ඡගිනී ඡාන්දසී ඡායා ඡායාකෘච්ඡාදිරිත්යපි .

ජයා ච ජයදා ජාතී ජයස්ථා ජයවර්ධිනී .. 31 ..

ජපාපුෂ්පප්රියා ජප්යා ජෘම්භිණී යාමලා යුතා .

ජම්බූප්රියා ජයස්ථා ච ජඞ්ගමා ජඞ්ගමප්රියා .. 32 ..

ජන්තුර්ජන්තුප්රධානා ච ජරත්කර්ණා ජරද්භවා .

ජාතිප්රියා ජීවනස්ථා ජීමූතසදෘශච්ඡවිඃ .. 33 ..

ජන්යා ජනහිතා ජායා ජම්භභිජ්ජම්භමාලිනී .

ජවදා ජවවද්වාහා ජවානී ජ්වරහා ජ්වරා .. 34 ..

ඣඤ්ඣානිලමයී ඣඤ්ඣා ඣණත්කාරකරා තථා .

ඣිණ්ටීශා ඣම්පකෘත් ඣම්පා ඣම්පත්රාසනිවාරිණී .. 35 ..

ටකාරස්ථා ටඞ්කධරා ටඞ්කාරා කරශාටිනී .

ඨක්කුරා ඨීත්කෘතී ඨිණ්ඨී ඨිණ්ඨීරවසමාවෘතා .. 36 ..

ඨණ්ඨානිලමයී ඨණ්ඨා ඨණත්කාරකරා ඨසා .

ඩාකිනී ඩාමරී චෛව ඩිණ්ඩිමධ්වනිනන්දිනී .. 37 ..

ඪක්කාස්වනප්රියා ඪක්කා තපිනී තාපිනී තථා .

තරුණී තුන්දිලා තුන්දා තාමසී ච තපඃප්රියා .. 38 ..

තාම්රා තාම්රාම්බරා තාලී තාලීදලවිභූෂණා .

තුරඞ්ගා ත්වරිතා ත්රේතා තෝතුලා තෝදිනී තුලා .. 39 ..

තාපත්රයහරා තප්තා තාලකේශී තමාලිනී .

තමාලදලවච්ඡාමා තාලම්ලානවතී තමී .. 40 ..

තාමසී ච තමිස්රා ච තීව්රා තීව්රපරාක්රමා .

තටස්ථා තිලතෛලාක්තා තරණී තපනද්යුතිඃ .. 41 ..

තිලෝත්තමා තිලකකෘත්තාරකාධීශශේඛරා .

තිලපුෂ්පප්රියා තාරා තාරකේශී කුටුම්බිනී .. 42 ..

ස්ථාණුපත්නී ස්ථිතිකරී ස්ථලස්ථා ස්ථලවර්ධිනී .

ස්ථිතිඃ ස්ථෛර්යා ස්ථවිෂ්ඨා ච ස්ථාපතිඃ ස්ථලවිග්රහා .. 43 ..

දන්තිනී දණ්ඩිනී දීනා දරිද්රා දීනවත්සලා .

දේවී දේවවධූර්දෛත්යදමනී දන්තභූෂණා .. 44 ..

දයාවතී දමවතී දමදා දාඩිමස්තනී .

දන්දශූකනිභා දෛත්යදාරිණී දේවතානනා .. 45 ..

දෝලාක්රීඩා දලායුශ්ච දම්පතී දේවතාමයී .

දශා දීපස්ථිතා දෝෂා දෝෂහා දෝෂකාරිණී .. 46 ..

දුර්ගා දුර්ගාර්තිශමනී දුර්ගමා දුර්ගවාසිනී .

දුර්ගන්ධනාශිනී දුඃස්ථා දුඃස්වප්නශමකාරිණී .. 47 ..

දුර්වාරා දුන්දුභී භ්රාන්තා දූරස්ථා දූරවාසිනී .

දරහා දරදා දාත්රී දායාදා දුහිතා දයා .. 48 ..

ධුරන්ධරා ධුරීණා ච ධෞරී ධී ධනදායිනී .

ධීරා(අ)ධීරා ධරිත්රී ච ධර්මදා ධීරමානසා .. 49 ..

ධනුර්ධරා ච දමනී ධූර්තා ධූර්තපරිග්රහා .

ධූමවර්ණා ධූමපානා ධූමලා ධූමමෝහිනී .. 50 ..

නලිනී නන්දිනී නන්දා නාදිනී නන්දබාලිකා .

නවීනා නර්මදා නර්මිනේමිර්නියමනිශ්චයා .. 51 ..

නිර්මලා නිගමාචාරා නිම්නගා නග්නකාමිනී .

නීතිර්නිරන්තරා නග්නී නිර්ලේපා නිර්ගුණා නතිඃ .. 52 ..

නීලග්රීවා නිරීහා ච නිරඤ්ජනජනී නවී .

නවනීතප්රියා නාරී නරකාර්ණවතාරිණී .. 53 ..

නාරායණී නිරාකාරා නිපුණා නිපුණප්රියා .

නිශා නිද්රා නරේන්ද්රස්ථා නමිතා(අ)නමිතාපි ච .. 54 ..

නිර්ගුණ්ඩිකා ච නිර්ගුණ්ඩා නිර්මාංසා(අ)නාමිකා නිභා .

පතාකිනී පතාකා ච පලප්රීතිර්යශස්විනී .. 55 ..

පීනා පීනස්තනා පත්නී පවනාශනශායිනී .

පරා(අ)පරා කලාපා(අ)(අ)ප්පා පාකකෘත්යරති ප්රියා .. 56 ..

පවනස්ථා සුපවනා තාපසීප්රීතිවර්ධිනී .

පශුවෘද්ධිකරී පුෂ්ටිඃ පෝෂණී පුෂ්පවර්ධිනී .. 57 ..

පුෂ්පිණී පුස්තකකරා පුන්නාගතලවාසිනී .

පුරන්දරප්රියා ප්රීතිඃ පුරමාර්ගනිවාසිනී .. 58 ..

පාශී පාශකරා පාශා බන්ධුහා පාංසුලා පශුඃ .

පටුඃ පටාසා පරශුධාරිණී පාශිනී තථා .. 59 ..

පාපඝ්නී පතිපත්නී ච පතිතා(අ)පතිතාපි ච .

පිශාචී ච පිශාචඝ්නී පිශිතාශනතෝෂිතා .. 60 ..

පානදා පානපාත්රා ච පානදානකරෝද්යතා .

පේයා ප්රසිද්ධා පීයූෂා පූර්ණා පූර්ණමනෝරථා .. 61 ..

පතද්ගර්භා පතද්ගාත්රා පාතපුණ්යප්රියා පුරී .

පඞ්කිලා පඞ්කමග්නා ච පානීයා පඤ්ජරස්ථිතා .. 62 ..

පඤ්චමී පඤ්චයජ්ඤා ච පඤ්චතා පඤ්චමප්රියා .

පඤ්චමුද්රා පුණ්ඩරීකා පිකී පිඞ්ගලලෝචනා .. 63 ..

ප්රියඞ්ගුමඤ්ජරී පිණ්ඩී පිණ්ඩිතා පාණ්ඩුරප්රභා .

ප්රේතාසනා ප්රියාලුස්ථා පාණ්ඩුඝ්නී පීතසාපහා .. 64 ..

ඵලිනී ඵලධාත්රී ච ඵලශ්රීඃ ඵණිභූෂණා .

ඵූත්කාරකාරිණී ස්ඵාරා ඵුල්ලා ඵුල්ලාම්බුජාසනා .. 65 ..

ඵිරඞ්ගහා ස්ඵීතමතිඃ ස්ඵීතිඃ ස්ඵීතකරී තථා .

බලමායා බලාරාතිර්බලිනී බලවර්ධිනී .. 66 ..

වේණුවාද්යා වනචරී විරාවජනයිත්රී ච .

විද්යා විද්යාප්රදා විද්යාබෝධිනී බෝධදායිනී .. 67 ..

බුද්ධමාතා ච බුද්ධා ච වනමාලාවතී වරා .

වරදා වාරුණී වීණා වීණාවාදනතත්පරා .. 68 ..

විනෝදිනී විනෝදස්ථා වෛෂ්ණවී විෂ්ණුවල්ලභා .

වෛද්යා වෛද්යචිකිත්සා ච විවශා විශ්වවිශ්රුතා .. 69 ..

විද්වත්කවිකලා වේත්තා විතන්ද්රා විගතජ්වරා .

විරාවා විවිධාරාවා බිම්බෝෂ්ඨී බිම්බවත්සලා .. 70 ..

වින්ධ්යස්ථා වීරවන්ද්යා ච වරීයසාපරාධවිත් .

වේදාන්තවේද්යා වේද්යා ච වෛද්යා ච විජයප්රදා .. 71 ..

විරෝධවර්ධිනී වන්ධ්යා වන්ධ්යාබන්ධනිවාරිණී .

භගිනී භගමාලා ච භවානී භවභාවිනී .. 72 ..

භීමා භීමානනා භෛමී භඞ්ගුරා භීමදර්ශනා .

භිල්ලී භල්ලධරා භීරුර්භේරුණ්ඩා චෛභභයාපහා .. 73 ..

භගසර්පිණ්යපි භගා භගරූපා භගාලයා .

භගාසනා භගාමෝදා භේරී භාඞ්කාරරඤ්ජිනී .. 74 ..

භීෂණා(අ)භීෂණා සර්වා භගවත්යපි භූෂණා .

භාරද්වාජී භෝගදාත්රී භවඝ්නී භූතිභූෂණා .. 75 ..

භූතිදා භූමිදාත්රී ච භූපතිත්වප්රදායිනී .

භ්රමරී භ්රාමරී නීලා භූපාලමුකුටස්ථිතා .. 76 ..

මත්තා මනෝහරා මනා මානිනී මෝහනී මහා .

මහාලක්ෂ්මීර්මදාක්ෂීබා මදිරා මදිරාලයා .. 77 ..

මදෝද්ධතා මතඞ්ගස්ථා මාධවී මධුමන්ථිනී .

මේධා මේධාකරී මේධ්යා මධ්යා මධ්යවයස්ථිතා .. 78 ..

මද්යපා මාංසලා මත්ස්යා මෝදිනී මෛථුනෝද්ධතා .

මුද්රා මුද්රාවතී මාතා මායා මහිමමන්දිරා .. 79 ..

මහාමායා මහාවිද්යා මහාමාරී මහේශ්වරී .

මහාදේවවධූර්මාන්යා මථුරා මේරුමණ්ඩලා .. 80 ..

මේදස්වනී මේදසුශ්රීර්මහිෂාසුරමර්දිනී .

මණ්ඩපස්ථා මඨස්ථා(අ)මා මාලා මාලාවිලාසිනී .. 81 ..

මෝක්ෂදා මුණ්ඩමාලා ච මන්දිරාගර්භගර්භිතා .

මාතඞ්ගිනී ච මාතඞ්ගී මතඞ්ගතනයා මධුඃ .. 82 ..

මධුස්රවා මධුරසා මධූකකුසුමප්රියා .

යාමිනී යාමිනීනාථභූෂා යාවකරඤ්ජිතා .. 83 ..

යවාඞ්කුරප්රියා යාමා යවනී යවනාධිපා .

යමඝ්නී යමවාණී ච යජමානස්වරූපිණී .. 84 ..

යජ්ඤා යජ්යා යජුර්යජ්වා යශෝනිකරකාරිණී .

යජ්ඤසූත්රප්රදා ජ්යේෂ්ඨා යජ්ඤකර්මකරී යශා .. 85 ..

යශස්විනී යජ්ඤසංස්ථා යූපස්තම්භනිවාසිනී .

රඤ්ජිතා රාජපත්නී ච රමා රේඛා රවී රණී .. 86 ..

රජෝවතී රජශ්චිත්රා රජනී රජනීපතිඃ .

රාගිණී රාජිනී රාජ්යා රාජ්යදා රාජ්යවර්ධිනී .. 87 ..

රාජන්වතී රාජනීතිස්තුර්යා රාජනිවාසිනී .

රමණී රමණීයා ච රාමා රාමවතී රතිඃ .. 88 ..

රේතෝවතී රතෝත්සාහා රෝගහා රෝගකාරිණී .

රඞ්ගා රඞ්ගවතී රාගා රාගජ්ඤා රාගිනී රණා .. 89 ..

රඤ්ජිකා රඤ්ජකී රඤ්ජා රඤ්ජිනී රක්තලෝචනා .

රක්තචර්මධරා රන්ත්රී රක්තස්ථා රක්තවාහිනී .. 90 ..

රම්භා රම්භාඵලප්රීතී රම්භෝරූ රාඝවප්රියා .

රඞ්ගභෘද්රඞ්ගමධුරා රෝදසී රෝදසීගෘහා .. 91 ..

රෝගකර්ත්රී රෝගහර්ත්රී ච රෝගභෘද්රෝගශායිනී .

වන්දී වන්දිස්තුතා බන්ධුර්බන්ධූකකුසුමාධරා .. 92 ..

වන්දිතා වන්දිමාතා බන්ධුරා බෛන්දවී විභා .

විඞ්කී විඞ්කපලා විඞ්කා විඞ්කස්ථා විඞ්කවත්සලා .. 93 ..

වේදෛර්විලග්නා විග්නා ච විධිර්විධිකරී විධා .

ශඞ්ඛිනී ශඞ්ඛනිලයා ශඞ්ඛමාලාවතී ශමී .. 94 ..

ශඞ්ඛපාත්රාශිනී ශඞ්ඛා(අ)ශඞ්ඛා ශඞ්ඛගලා ශශී .

ශිම්බී ශරාවතී ශ්යාමා ශ්යාමාඞ්ගී ශ්යාමලෝචනා .. 95 ..

ශ්මශානස්ථා ශ්මශානා ච ශ්මශානස්ථලභූෂණා .

ශර්මදා ශමහර්ත්රී ච ශාකිනී ශඞ්කුශේඛරා .. 96 ..

ශාන්තිඃ ශාන්තිප්රදා ශේෂා ශේෂස්ථා ශේෂශායිනී .

ශේමුෂී ශෝෂිණී ශෞරී ශාරිඃ ශෞර්යා ශරා ශරී .. 97 ..

ශාපදා ශාපහාරී ශ්රීඃ ශම්පා ශපථචාපිනී .

ශෘඞ්ගිණී ශෘඞ්ගිපලභුක් ශඞ්කරී ශාඞ්කරී තථා .. 98 ..

ශඞ්කා ශඞ්කාපහා ශංස්ථා ශාශ්වතී ශීතලා ශිවා .

ශවස්ථා ශවභුක් ශෛවී ශාවවර්ණා ශවෝදරී .. 99 ..

ශායිනී ශාවශයනා ශිංශිපා ශිංශිපායතා .

ශවාකුණ්ඩලිනී ශෛවා ශඞ්කරා ශිශිරා ශිරා .. 100 ..

ශවකාඤ්චී ශවශ්රීකා ශවමාලා ශවාකෘතිඃ .

ශම්පිනී ශඞ්කුශක්තිඃ ශං ශන්තනුඃ ශීලදායිනී .. 101 ..

සින්ධුඃ සරස්වතී සින්ධුසුන්දරී සුන්දරානනා .

සාධුසිද්ධිඃ සිද්ධිදාත්රී සිද්ධා සිද්ධසරස්වතී .. 102 ..

සන්තතිඃ සම්පදා සම්පත්සංවිත්සම්පත්තිදායිනී .

සපත්නී සරසා සාරා සරස්වතිකරී සුධා .. 103 ..

සරඃ සමා සමානා ච සමාරාධ්යා සමස්තදා .

සමිද්ධා සමදා සම්මා සම්මෝහා සමදර්ශනා .. 104 ..

සමිතිඃ සමිධා සීමා සාවිත්රී සංවිදා සතී .

සවනා සවනාධාරා සාවනා සමරා සමී .. 105 ..

සමීරා සුමනා සාධ්වී සධ්රීචීන්යසහායිනී .

හංසී හංසගතිර්හංසා හංසෝජ්ජ්වලනිචෝලයුක් .. 106 ..

හලිනී හලදා හාලා හරශ්රීර්හරවල්ලභා .

හේලා හේලාවතී හ්රේෂා හ්රේෂස්ථා හ්රේෂවර්ධිනී .. 107 ..

හන්තා හානිර්හයාහ්වා හෘද්ධන්තහා හන්තහාරිණී .

හුඞ්කාරී හන්තකෘද්ධඞ්කා හීහා හාහා හතාහිතා .. 108 ..

හේමා ප්රභා හරවතී හාරීතා හරිසම්මතා .

හෝරී හෝත්රී හෝලිකා ච හෝම්යා හෝමා හවිර්හරිඃ .. 109 ..

හාරිණී හරිණීනේත්රා හිමාචලනිවාසිනී .

ලම්බෝදරී ලම්බකර්ණා ලම්බිකා ලම්බවිග්රහා .. 110 ..

ලීලා ලීලාවතී ලෝලා ලලනා ලාලිතාලතා .

ලලාමලෝචනා ලෝච්යා ලෝලාක්ෂී ලක්ෂණා ලටා .. 111 ..

ලම්පතී ලුම්පතී ලම්පා ලෝපාමුද්රා ලලන්ති ච .

ලතිකා ලඞ්ඝිකා ලඞ්ඝා ලඝිමා ලඝුමධ්යමා .. 112 ..

ලඝ්වීයසී ලඝූදර්කා ලූතා ලූතනිවාරිණී .

ලෝමභෘල්ලෝමලෝම්නී ච ලුලුතී ලුලුලුම්පිනී .. 113 ..

ලුලායස්ථා ච ලහරී ලඞ්කාපුරපුරන්දරී .

ලක්ෂ්මීර්ලක්ෂ්මීප්රදා ලක්ෂ්යා ලක්ෂ්යබලගතිප්රදා .. 114 ..

ක්ෂණක්ෂපා ක්ෂණක්ෂීණා ක්ෂමා ක්ෂාන්තිඃ ක්ෂමාවතී .

ක්ෂාමා ක්ෂාමෝදරී ක්ෂෝණී ක්ෂෝණිභෘත් ක්ෂත්රියාඞ්ගනා .. 115 ..

ක්ෂපා ක්ෂපාකරී ක්ෂීරා ක්ෂීරදා ක්ෂීරසාගරා .

ක්ෂීණඞ්කරී ක්ෂයකරී ක්ෂයභෘත් ක්ෂයදා ක්ෂතිඃ .

ක්ෂරන්තී ක්ෂුද්රිකා ක්ෂුද්රා ක්ෂුත්ක්ෂාමා ක්ෂරපාතකා .. 116 ..

ඵලශ්රුතිඃ –

මාතුඃ සහස්රනාමේදං ප්රත්යඞ්ගිරාසිද්ධිදායකම් .. 1 ..

යඃ පඨේත්ප්රයතෝ නිත්යං දරිද්රෝ ධනදෝ භවේත් .

අනාචාන්තඃ පඨේන්නිත්යං ස චාපි ස්යාන්මහේශ්වරඃ .

මූකඃ ස්යාද්වාක්පතිර්දේවී රෝගී නීරෝගතාං භවේත් .. 2 ..

අපුත්රඃ පුත්රමාප්නෝති ත්රිෂුලෝකේෂු විශ්රුතම් .

වන්ධ්යාපි සූතේ තනයාන් ගාවශ්ච බහුදුග්ධදාඃ .. 3 ..

රාජානඃ පාදනම්රාඃ ස්යුස්තස්ය දාසා ඉව ස්ඵුටාඃ .

අරයඃ සඞ්ක්ෂයං යාන්ති මනසා සංස්මෘතා අපි .. 4 ..

දර්ශනාදේව ජායන්තේ නරා නාර්යෝ(අ)පි තද්වශාඃ .

කර්තා හර්තා ස්වයංවීරෝ ජායතේ නාත්රසංශයඃ .. 5 ..

යං යං කාමයතේ කාමං තං තං ප්රාප්නෝති නිශ්චිතම් .

දුරිතං න ච තස්යාස්ති නාස්ති ශෝකඃ කදාචන .. 6 ..

චතුෂ්පථේ(අ)ර්ධරාත්රේ ච යඃ පඨේත්සාධකෝත්තමඃ .

ඒකාකී නිර්භයෝ ධීරෝ දශාවර්තං නරෝත්තමඃ .. 7 ..

මනසා චින්තිතං කාර්යං තස්ය සිද්ධිර්න සංශයම් .

විනා සහස්රනාම්නාං යෝ ජපේන්මන්ත්රං කදාචන .. 8 ..

න සිද්ධෝ ජායතේ තස්ය මන්ත්රඃ කල්පශතෛරපි .

කුජවාරේ ශ්මශානේ ච මධ්යාහ්නේ යෝ ජපේත්තථා .. 9 ..

ශතාවර්ත්යා ස ජයේත කර්තා හර්තා නෘණාමිහ .

රෝගාර්තෝ යෝ නිශීථාන්තේ පඨේදම්භසි සංස්ථිතඃ .. 10 ..

සද්යෝ නීරෝගතාමේති යදි ස්යාන්නිර්භයස්තදා .

අර්ධරාත්රේ ශ්මශානේ වා ශනිවාරේ ජපේන්මනුම් .. 11 ..

අෂ්ටෝත්තරසහස්රං තු දශවාරං ජපේත්තතඃ .

සහස්රනාමමේත්තද්ධි තදා යාති ස්වයං ශිවා .. 12 ..

මහාපවනරූපේණ ඝෝරගෝමායුනාදිනී .

තදා යදි න භීතිඃ ස්යාත්තතෝ දේහීති වාග්භවේත් .. 13 ..

තදා පශුබලිං දද්යාත් ස්වයං ගෘහ්ණාති චණ්ඩිකා .

යථේෂ්ටං ච වරං දත්ත්වා යාති ප්රත්යඞ්ගිරා ශිවා .. 14 ..

රෝචනාගුරුකස්තූරී කර්පූරමදචන්දනෛඃ .

කුඞ්කුමප්රථමාභ්යාං තු ලිඛිතං භූර්ජපත්රකේ .. 15 ..

ශුභනක්ෂත්රයෝගේ තු සමභ්යර්ච්ය ඝටාන්තරේ .

කෘතසම්පාතනාත්සිද්ධං ධාර්යන්තද්දක්ෂිණේකරේ .. 16 ..

සහස්රනාමස්වර්ණස්ථං කණ්ඨේ වාපි ජිතේන්ද්රියඃ .

තදායං ප්රණමේන්මන්ත්රී ක්රුද්ධඃ සම්රියතේ නරඃ .. 17 ..

යස්මෛ දදාති ච ස්වස්ති ස භවේද්ධනදෝපමඃ .

දුෂ්ටශ්වාපදජන්තූනාං න භීඃ කුත්රාපි ජායතේ .. 18 ..

බාලකානාමියං රක්ෂා ගර්භිණීනාමපි ධ්රුවම් .

මෝහන ස්තම්භනාකර්ෂමාරණෝච්චාටනානි ච .. 19 ..

යන්ත්රධාරණතෝ නූනං සිධ්යන්තේ සාධකස්ය ච .

නීලවස්ත්රේ විලිඛිතං ධ්වජායාං යදි තිෂ්ඨති .. 20 ..

තදා නෂ්ටා භවත්යේව ප්රචණ්ඩා පරවාහිනී .

ඒතජ්ජප්තං මහාභස්ම ලලාටේ යදි ධාරයේත් .. 21 ..

තද්දර්ශනත ඒව ස්යුඃ ප්රාණිනස්තස්ය කිඞ්කරාඃ .

රාජපත්න්යෝ(අ)පි වශ්යාඃ ස්යුඃ කිමන්යාඃ පරයෝෂිතඃ .. 22 ..

ඒතජ්ජපන්නිශිතෝයේ මාසෛකේන මහාකවිඃ .

පණ්ඩිතශ්ච මහාවාදී ජායතේ නාත්රසංශයඃ .. 23 ..

ශක්තිං සම්පූජ්ය දේවේශි පඨේත් ස්තෝත්රං වරං ශුභම් .

ඉහලෝකේ සුඛං භුක්ත්වා පරත්ර ත්රිදිවං ව්රජේත් .. 24 ..

ඉති නාමසහස්රං තු ප්රත්යඞ්ගිර මනෝහරම් .

ගෝප්යං ගුහ්යතමං ලෝකේ ගෝපනීයං ස්වයෝනිවත් .. 25 ..

ඉති ශ්රීරුද්රයාමලේ තන්ත්රේ දශවිද්යාරහස්යේ ශ්රී ප්රත්යඞ්ගිරා සහස්රනාම ස්තෝත්රම් .

Roman (IAST) Transliteration

īśvara uvāca

śṛṇu devi pravakṣyāmi sāmprataṃ tatpurātanam |

sahasranāma paramaṃ pratyaṅgirārtha siddhaye || 1 ||

sahasranāmapāṭhena sarvatra vijayī bhavet |

parābhavo na cāsyāsti sabhāyāṃ vā vane raṇe || 2 ||

tathā tuṣṭā bhaveddevī pratyaṅgirā'sya pāṭhataḥ |

yathā bhavati deveśi sādhakaḥ śiva eva hi || 3 ||

aśvamedhasahasrāṇi vājapeyasya koṭayaḥ |

sakṛtpāṭhena jāyante prasannā pratyaṅgirā bhavet || 4 ||

bhairavo'sya ṛṣiśchando'nuṣṭup devī samīritā |

pratyaṅgirā viniyogaḥ sarvasampatti hetave || 5 ||

sarvakāryeṣu saṃsiddhiḥ sarvasampattidā bhavet |

evaṃ dhyātvā paṭhedetadyadīcchedātmano hitam || 6 ||

asya śrīpratyaṅgirā sahasranāmamahāmantrasya bhairava ṛṣiḥ anuṣṭup chandaḥ śrīmahāpratyaṅgirā devatā hrīṃ bījaṃ śrīṃ śaktiḥ svāhā kīlakaṃ parakṛtyāvināśārthe jape pāṭhe viniyogaḥ ||

karanyāsaḥ

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatala karapṛṣṭhābhyāṃ namaḥ |

hṛdayādi nyāsaḥ

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

dhyānam

āśāmbarā muktakacā ghanacchavi-

-rdhyeyā sacarmāsikarā hi bhūṣaṇā |

daṃṣṭrogravaktrā grasitā hitā tvayā

pratyaṅgirā śaṅkaratejaseritā ||

stotram

devī pratyaṅgirā divyā sarasā śaśiśekharā |

sumanā sāmidhetī ca samastasuraśemuṣī || 1 ||

sarvasampattijananī sarvadā sindhusevinī |

śambhusīmantinī sīmā surārādhyā sudhārasā || 2 ||

rasā rasavatī velā vanyā ca vanamālinī |

vanajākṣī vanacarī vanī vanavinodinī || 3 ||

veginī vegadā vegabalāsyā ca balādhikā |

kalā kalapriyā kolī komalā kālakāminī || 4 ||

kamalā kamalāsyā ca kamalasthā kalāvatī |

kulīnā kuṭilā kāntā kokilā kalabhāṣiṇī || 5 ||

kīrakīlī kalā kālī kapālinyapi kālikā |

keśinī ca kuśāvartā kauśāmbī keśavapriyā || 6 ||

kāśī kalā mahākāśī saṅkāśā keśadāyinī |

kuṇḍalī kuṇḍalāsyā ca kuṇḍalāṅgadamaṇḍitā || 7 ||

kuṇapālī kumudinī kumudā prītivardhinī |

kundapriyā kundaruciḥ kuraṅgamadanodinī || 8 ||

kuraṅganayanā kundā kuruvṛndā'bhinandinī |

kusumbhakusumā kāñcī kvaṇatkiṅkiṇikā kaṭā || 9 ||

kaṭhorā karuṇā kāṣṭhā kaumudī kambukaṇṭhinī |

kapardinī kapaṭinī kaṇṭhinī kālakaṇṭhikā || 10 ||

kīrahastā kumārī ca kurudā kusumapriyā |

kuñjarasthā kuñjaratā kumbhi kumbhastanadvayā || 11 ||

kumbhigā karibhogā ca kadalī dalaśālinī |

kupitā koṭarasthā ca kaṅkālī kandarodarā || 12 ||

ekāntavāsinī kāñcī kampamānaśiroruhā |

kādambarī kadambasthā kuṅkumapremadhāriṇī || 13 ||

kuṭumbinīpriyā''kūtī kratuḥ kratukarī priyā |

kātyāyanī kṛttikā ca kārtikeyapravartinī || 14 ||

kāmapatnī kāmadātrī kāmeśī kāmavanditā |

kāmarūpā kramāvartī kāmākṣī kāmamohitā || 15 ||

khaḍginī khecarī khaḍgā khañjarīṭekṣaṇā khalā |

kharagā kharanāthā ca kharāsyā khelanapriyā || 16 ||

kharāṃśuḥ kheṭinī khaṭvā khagā khaṭvāṅgadhāriṇī |

kharakhaṇḍinī khyātā khaṇḍitā khaṇḍanīsthitā || 17 ||

khaṇḍapriyā khaṇḍakhādyā sendukhaṇḍā ca khaṇḍinī |

gaṅgā godāvarī gaurī gomatyapi ca gautamī || 18 ||

gayā geyā gaganagā gāruḍī garuḍadhvajā |

gītā gītapriyā gopā gaṇḍaprītā guṇī girā || 19 ||

guṃ gaurī mandamadanā gokulā gopratāriṇī |

godā govindinī gūḍhā nirgūḍhā gūḍhavigrahā || 20 ||

guñjinī gajagā gopī gotrakṣayakarī gadā |

giribhūpāladuhitā gogā gocchalavardhinī || 21 ||

ghanastanī ghanarucirghanehā ghananiḥsvanā |

ghūtkāriṇī ghūghakarī ghughūkaparivāritā || 22 ||

ghaṇṭānādapriyā ghaṇṭā ghanāghoṭakavāhinī |

ghorarūpā ca ghorā ca ghūtī pratighanā ghanī || 23 ||

ghṛtācī ghanapuṣṭiśca ghaṭā ghanaghaṭā'mṛtā |

ghaṭasyā ghaṭanā ghoghaghātapātanivāriṇī || 24 ||

cañcarīkā cakorī ca cāmuṇḍā cīradhāriṇī |

cāturī capalā cakracalā celā calā'calā || 25 ||

catuścirantanā cākā cikyā cāmīkaracchaviḥ |

cāpinī capalā campū cintā cintāmaṇiścitā || 26 ||

cāturvarṇyamayī cañcaccaurācāryā camatkṛtiḥ |

cakravartivadhūścakrā cakrāṅgā cakramodinī || 27 ||

cetaścarī cittavṛttiracetā cetanapradā |

cāmpeyī campakaprītiścaṇḍī caṇḍālavāsinī || 28 ||

cirañjīvitaṭā ciñcā tarumūlanivāsinī |

churikā chatramadhyasthā chidrā chedakarī chidā || 29 ||

chuchundarīpalaprītī chuchundarīnibhasvanā |

chalinī chaladā chatrā chiṭikā chekakṛttathā || 30 ||

chaginī chāndasī chāyā chāyākṛcchādirityapi |

jayā ca jayadā jātī jayasthā jayavardhinī || 31 ||

japāpuṣpapriyā japyā jṛmbhiṇī yāmalā yutā |

jambūpriyā jayasthā ca jaṅgamā jaṅgamapriyā || 32 ||

janturjantupradhānā ca jaratkarṇā jaradbhavā |

jātipriyā jīvanasthā jīmūtasadṛśacchaviḥ || 33 ||

janyā janahitā jāyā jambhabhijjambhamālinī |

javadā javavadvāhā javānī jvarahā jvarā || 34 ||

jhañjhānilamayī jhañjhā jhaṇatkārakarā tathā |

jhiṇṭīśā jhampakṛt jhampā jhampatrāsanivāriṇī || 35 ||

ṭakārasthā ṭaṅkadharā ṭaṅkārā karaśāṭinī |

ṭhakkurā ṭhītkṛtī ṭhiṇṭhī ṭhiṇṭhīravasamāvṛtā || 36 ||

ṭhaṇṭhānilamayī ṭhaṇṭhā ṭhaṇatkārakarā ṭhasā |

ḍākinī ḍāmarī caiva ḍiṇḍimadhvaninandinī || 37 ||

ḍhakkāsvanapriyā ḍhakkā tapinī tāpinī tathā |

taruṇī tundilā tundā tāmasī ca tapaḥpriyā || 38 ||

tāmrā tāmrāmbarā tālī tālīdalavibhūṣaṇā |

turaṅgā tvaritā tretā totulā todinī tulā || 39 ||

tāpatrayaharā taptā tālakeśī tamālinī |

tamāladalavacchāmā tālamlānavatī tamī || 40 ||

tāmasī ca tamisrā ca tīvrā tīvraparākramā |

taṭasthā tilatailāktā taraṇī tapanadyutiḥ || 41 ||

tilottamā tilakakṛttārakādhīśaśekharā |

tilapuṣpapriyā tārā tārakeśī kuṭumbinī || 42 ||

sthāṇupatnī sthitikarī sthalasthā sthalavardhinī |

sthitiḥ sthairyā sthaviṣṭhā ca sthāpatiḥ sthalavigrahā || 43 ||

dantinī daṇḍinī dīnā daridrā dīnavatsalā |

devī devavadhūrdaityadamanī dantabhūṣaṇā || 44 ||

dayāvatī damavatī damadā dāḍimastanī |

dandaśūkanibhā daityadāriṇī devatānanā || 45 ||

dolākrīḍā dalāyuśca dampatī devatāmayī |

daśā dīpasthitā doṣā doṣahā doṣakāriṇī || 46 ||

durgā durgārtiśamanī durgamā durgavāsinī |

durgandhanāśinī duḥsthā duḥsvapnaśamakāriṇī || 47 ||

durvārā dundubhī bhrāntā dūrasthā dūravāsinī |

darahā daradā dātrī dāyādā duhitā dayā || 48 ||

dhurandharā dhurīṇā ca dhaurī dhī dhanadāyinī |

dhīrā'dhīrā dharitrī ca dharmadā dhīramānasā || 49 ||

dhanurdharā ca damanī dhūrtā dhūrtaparigrahā |

dhūmavarṇā dhūmapānā dhūmalā dhūmamohinī || 50 ||

nalinī nandinī nandā nādinī nandabālikā |

navīnā narmadā narminemirniyamaniścayā || 51 ||

nirmalā nigamācārā nimnagā nagnakāminī |

nītirnirantarā nagnī nirlepā nirguṇā natiḥ || 52 ||

nīlagrīvā nirīhā ca nirañjanajanī navī |

navanītapriyā nārī narakārṇavatāriṇī || 53 ||

nārāyaṇī nirākārā nipuṇā nipuṇapriyā |

niśā nidrā narendrasthā namitā'namitāpi ca || 54 ||

nirguṇḍikā ca nirguṇḍā nirmāṃsā'nāmikā nibhā |

patākinī patākā ca palaprītiryaśasvinī || 55 ||

pīnā pīnastanā patnī pavanāśanaśāyinī |

parā'parā kalāpā''ppā pākakṛtyarati priyā || 56 ||

pavanasthā supavanā tāpasīprītivardhinī |

paśuvṛddhikarī puṣṭiḥ poṣaṇī puṣpavardhinī || 57 ||

puṣpiṇī pustakakarā punnāgatalavāsinī |

purandarapriyā prītiḥ puramārganivāsinī || 58 ||

pāśī pāśakarā pāśā bandhuhā pāṃsulā paśuḥ |

paṭuḥ paṭāsā paraśudhāriṇī pāśinī tathā || 59 ||

pāpaghnī patipatnī ca patitā'patitāpi ca |

piśācī ca piśācaghnī piśitāśanatoṣitā || 60 ||

pānadā pānapātrā ca pānadānakarodyatā |

peyā prasiddhā pīyūṣā pūrṇā pūrṇamanorathā || 61 ||

patadgarbhā patadgātrā pātapuṇyapriyā purī |

paṅkilā paṅkamagnā ca pānīyā pañjarasthitā || 62 ||

pañcamī pañcayajñā ca pañcatā pañcamapriyā |

pañcamudrā puṇḍarīkā pikī piṅgalalocanā || 63 ||

priyaṅgumañjarī piṇḍī piṇḍitā pāṇḍuraprabhā |

pretāsanā priyālusthā pāṇḍughnī pītasāpahā || 64 ||

phalinī phaladhātrī ca phalaśrīḥ phaṇibhūṣaṇā |

phūtkārakāriṇī sphārā phullā phullāmbujāsanā || 65 ||

phiraṅgahā sphītamatiḥ sphītiḥ sphītakarī tathā |

balamāyā balārātirbalinī balavardhinī || 66 ||

veṇuvādyā vanacarī virāvajanayitrī ca |

vidyā vidyāpradā vidyābodhinī bodhadāyinī || 67 ||

buddhamātā ca buddhā ca vanamālāvatī varā |

varadā vāruṇī vīṇā vīṇāvādanatatparā || 68 ||

vinodinī vinodasthā vaiṣṇavī viṣṇuvallabhā |

vaidyā vaidyacikitsā ca vivaśā viśvaviśrutā || 69 ||

vidvatkavikalā vettā vitandrā vigatajvarā |

virāvā vividhārāvā bimboṣṭhī bimbavatsalā || 70 ||

vindhyasthā vīravandyā ca varīyasāparādhavit |

vedāntavedyā vedyā ca vaidyā ca vijayapradā || 71 ||

virodhavardhinī vandhyā vandhyābandhanivāriṇī |

bhaginī bhagamālā ca bhavānī bhavabhāvinī || 72 ||

bhīmā bhīmānanā bhaimī bhaṅgurā bhīmadarśanā |

bhillī bhalladharā bhīrurbheruṇḍā caibhabhayāpahā || 73 ||

bhagasarpiṇyapi bhagā bhagarūpā bhagālayā |

bhagāsanā bhagāmodā bherī bhāṅkārarañjinī || 74 ||

bhīṣaṇā'bhīṣaṇā sarvā bhagavatyapi bhūṣaṇā |

bhāradvājī bhogadātrī bhavaghnī bhūtibhūṣaṇā || 75 ||

bhūtidā bhūmidātrī ca bhūpatitvapradāyinī |

bhramarī bhrāmarī nīlā bhūpālamukuṭasthitā || 76 ||

mattā manoharā manā māninī mohanī mahā |

mahālakṣmīrmadākṣībā madirā madirālayā || 77 ||

madoddhatā mataṅgasthā mādhavī madhumanthinī |

medhā medhākarī medhyā madhyā madhyavayasthitā || 78 ||

madyapā māṃsalā matsyā modinī maithunoddhatā |

mudrā mudrāvatī mātā māyā mahimamandirā || 79 ||

mahāmāyā mahāvidyā mahāmārī maheśvarī |

mahādevavadhūrmānyā mathurā merumaṇḍalā || 80 ||

medasvanī medasuśrīrmahiṣāsuramardinī |

maṇḍapasthā maṭhasthā'mā mālā mālāvilāsinī || 81 ||

mokṣadā muṇḍamālā ca mandirāgarbhagarbhitā |

mātaṅginī ca mātaṅgī mataṅgatanayā madhuḥ || 82 ||

madhusravā madhurasā madhūkakusumapriyā |

yāminī yāminīnāthabhūṣā yāvakarañjitā || 83 ||

yavāṅkurapriyā yāmā yavanī yavanādhipā |

yamaghnī yamavāṇī ca yajamānasvarūpiṇī || 84 ||

yajñā yajyā yajuryajvā yaśonikarakāriṇī |

yajñasūtrapradā jyeṣṭhā yajñakarmakarī yaśā || 85 ||

yaśasvinī yajñasaṃsthā yūpastambhanivāsinī |

rañjitā rājapatnī ca ramā rekhā ravī raṇī || 86 ||

rajovatī rajaścitrā rajanī rajanīpatiḥ |

rāgiṇī rājinī rājyā rājyadā rājyavardhinī || 87 ||

rājanvatī rājanītisturyā rājanivāsinī |

ramaṇī ramaṇīyā ca rāmā rāmavatī ratiḥ || 88 ||

retovatī ratotsāhā rogahā rogakāriṇī |

raṅgā raṅgavatī rāgā rāgajñā rāginī raṇā || 89 ||

rañjikā rañjakī rañjā rañjinī raktalocanā |

raktacarmadharā rantrī raktasthā raktavāhinī || 90 ||

rambhā rambhāphalaprītī rambhorū rāghavapriyā |

raṅgabhṛdraṅgamadhurā rodasī rodasīgṛhā || 91 ||

rogakartrī rogahartrī ca rogabhṛdrogaśāyinī |

vandī vandistutā bandhurbandhūkakusumādharā || 92 ||

vanditā vandimātā bandhurā baindavī vibhā |

viṅkī viṅkapalā viṅkā viṅkasthā viṅkavatsalā || 93 ||

vedairvilagnā vignā ca vidhirvidhikarī vidhā |

śaṅkhinī śaṅkhanilayā śaṅkhamālāvatī śamī || 94 ||

śaṅkhapātrāśinī śaṅkhā'śaṅkhā śaṅkhagalā śaśī |

śimbī śarāvatī śyāmā śyāmāṅgī śyāmalocanā || 95 ||

śmaśānasthā śmaśānā ca śmaśānasthalabhūṣaṇā |

śarmadā śamahartrī ca śākinī śaṅkuśekharā || 96 ||

śāntiḥ śāntipradā śeṣā śeṣasthā śeṣaśāyinī |

śemuṣī śoṣiṇī śaurī śāriḥ śauryā śarā śarī || 97 ||

śāpadā śāpahārī śrīḥ śampā śapathacāpinī |

śṛṅgiṇī śṛṅgipalabhuk śaṅkarī śāṅkarī tathā || 98 ||

śaṅkā śaṅkāpahā śaṃsthā śāśvatī śītalā śivā |

śavasthā śavabhuk śaivī śāvavarṇā śavodarī || 99 ||

śāyinī śāvaśayanā śiṃśipā śiṃśipāyatā |

śavākuṇḍalinī śaivā śaṅkarā śiśirā śirā || 100 ||

śavakāñcī śavaśrīkā śavamālā śavākṛtiḥ |

śampinī śaṅkuśaktiḥ śaṃ śantanuḥ śīladāyinī || 101 ||

sindhuḥ sarasvatī sindhusundarī sundarānanā |

sādhusiddhiḥ siddhidātrī siddhā siddhasarasvatī || 102 ||

santatiḥ sampadā sampatsaṃvitsampattidāyinī |

sapatnī sarasā sārā sarasvatikarī sudhā || 103 ||

saraḥ samā samānā ca samārādhyā samastadā |

samiddhā samadā sammā sammohā samadarśanā || 104 ||

samitiḥ samidhā sīmā sāvitrī saṃvidā satī |

savanā savanādhārā sāvanā samarā samī || 105 ||

samīrā sumanā sādhvī sadhrīcīnyasahāyinī |

haṃsī haṃsagatirhaṃsā haṃsojjvalanicolayuk || 106 ||

halinī haladā hālā haraśrīrharavallabhā |

helā helāvatī hreṣā hreṣasthā hreṣavardhinī || 107 ||

hantā hānirhayāhvā hṛddhantahā hantahāriṇī |

huṅkārī hantakṛddhaṅkā hīhā hāhā hatāhitā || 108 ||

hemā prabhā haravatī hārītā harisammatā |

horī hotrī holikā ca homyā homā havirhariḥ || 109 ||

hāriṇī hariṇīnetrā himācalanivāsinī |

lambodarī lambakarṇā lambikā lambavigrahā || 110 ||

līlā līlāvatī lolā lalanā lālitālatā |

lalāmalocanā locyā lolākṣī lakṣaṇā laṭā || 111 ||

lampatī lumpatī lampā lopāmudrā lalanti ca |

latikā laṅghikā laṅghā laghimā laghumadhyamā || 112 ||

laghvīyasī laghūdarkā lūtā lūtanivāriṇī |

lomabhṛllomalomnī ca lulutī lululumpinī || 113 ||

lulāyasthā ca laharī laṅkāpurapurandarī |

lakṣmīrlakṣmīpradā lakṣyā lakṣyabalagatipradā || 114 ||

kṣaṇakṣapā kṣaṇakṣīṇā kṣamā kṣāntiḥ kṣamāvatī |

kṣāmā kṣāmodarī kṣoṇī kṣoṇibhṛt kṣatriyāṅganā || 115 ||

kṣapā kṣapākarī kṣīrā kṣīradā kṣīrasāgarā |

kṣīṇaṅkarī kṣayakarī kṣayabhṛt kṣayadā kṣatiḥ |

kṣarantī kṣudrikā kṣudrā kṣutkṣāmā kṣarapātakā || 116 ||

phalaśrutiḥ –

mātuḥ sahasranāmedaṃ pratyaṅgirāsiddhidāyakam || 1 ||

yaḥ paṭhetprayato nityaṃ daridro dhanado bhavet |

anācāntaḥ paṭhennityaṃ sa cāpi syānmaheśvaraḥ |

mūkaḥ syādvākpatirdevī rogī nīrogatāṃ bhavet || 2 ||

aputraḥ putramāpnoti triṣulokeṣu viśrutam |

vandhyāpi sūte tanayān gāvaśca bahudugdhadāḥ || 3 ||

rājānaḥ pādanamrāḥ syustasya dāsā iva sphuṭāḥ |

arayaḥ saṅkṣayaṃ yānti manasā saṃsmṛtā api || 4 ||

darśanādeva jāyante narā nāryo'pi tadvaśāḥ |

kartā hartā svayaṃvīro jāyate nātrasaṃśayaḥ || 5 ||

yaṃ yaṃ kāmayate kāmaṃ taṃ taṃ prāpnoti niścitam |

duritaṃ na ca tasyāsti nāsti śokaḥ kadācana || 6 ||

catuṣpathe'rdharātre ca yaḥ paṭhetsādhakottamaḥ |

ekākī nirbhayo dhīro daśāvartaṃ narottamaḥ || 7 ||

manasā cintitaṃ kāryaṃ tasya siddhirna saṃśayam |

vinā sahasranāmnāṃ yo japenmantraṃ kadācana || 8 ||

na siddho jāyate tasya mantraḥ kalpaśatairapi |

kujavāre śmaśāne ca madhyāhne yo japettathā || 9 ||

śatāvartyā sa jayeta kartā hartā nṛṇāmiha |

rogārto yo niśīthānte paṭhedambhasi saṃsthitaḥ || 10 ||

sadyo nīrogatāmeti yadi syānnirbhayastadā |

ardharātre śmaśāne vā śanivāre japenmanum || 11 ||

aṣṭottarasahasraṃ tu daśavāraṃ japettataḥ |

sahasranāmamettaddhi tadā yāti svayaṃ śivā || 12 ||

mahāpavanarūpeṇa ghoragomāyunādinī |

tadā yadi na bhītiḥ syāttato dehīti vāgbhavet || 13 ||

tadā paśubaliṃ dadyāt svayaṃ gṛhṇāti caṇḍikā |

yatheṣṭaṃ ca varaṃ dattvā yāti pratyaṅgirā śivā || 14 ||

rocanāgurukastūrī karpūramadacandanaiḥ |

kuṅkumaprathamābhyāṃ tu likhitaṃ bhūrjapatrake || 15 ||

śubhanakṣatrayoge tu samabhyarcya ghaṭāntare |

kṛtasampātanātsiddhaṃ dhāryantaddakṣiṇekare || 16 ||

sahasranāmasvarṇasthaṃ kaṇṭhe vāpi jitendriyaḥ |

tadāyaṃ praṇamenmantrī kruddhaḥ samriyate naraḥ || 17 ||

yasmai dadāti ca svasti sa bhaveddhanadopamaḥ |

duṣṭaśvāpadajantūnāṃ na bhīḥ kutrāpi jāyate || 18 ||

bālakānāmiyaṃ rakṣā garbhiṇīnāmapi dhruvam |

mohana stambhanākarṣamāraṇoccāṭanāni ca || 19 ||

yantradhāraṇato nūnaṃ sidhyante sādhakasya ca |

nīlavastre vilikhitaṃ dhvajāyāṃ yadi tiṣṭhati || 20 ||

tadā naṣṭā bhavatyeva pracaṇḍā paravāhinī |

etajjaptaṃ mahābhasma lalāṭe yadi dhārayet || 21 ||

taddarśanata eva syuḥ prāṇinastasya kiṅkarāḥ |

rājapatnyo'pi vaśyāḥ syuḥ kimanyāḥ parayoṣitaḥ || 22 ||

etajjapanniśitoye māsaikena mahākaviḥ |

paṇḍitaśca mahāvādī jāyate nātrasaṃśayaḥ || 23 ||

śaktiṃ sampūjya deveśi paṭhet stotraṃ varaṃ śubham |

ihaloke sukhaṃ bhuktvā paratra tridivaṃ vrajet || 24 ||

iti nāmasahasraṃ tu pratyaṅgira manoharam |

gopyaṃ guhyatamaṃ loke gopanīyaṃ svayonivat || 25 ||

iti śrīrudrayāmale tantre daśavidyārahasye śrī pratyaṅgirā sahasranāma stotram |