indukoṭiteja karuṇasindhu bhaktavatsalaṃ
nandanātrisūnu dattamindirākṣa śrīgurum |
gandhamālya akṣatādi bṛndadevavanditaṃ
vandayāmi nārasiṃha sarasvatīśa pāhi mām || 1 ||
mohapāśa andhakāra chāya dūra bhāskaraṃ
āyatākṣa pāhi śriyāvallabheśa nāyakam |
sevyabhaktabṛndavarada bhūyo bhūyo namāmyahaṃ
vandayāmi nārasiṃha sarasvatīśa pāhi mām || 2 ||
cittajādivargaṣaṭkamattavāraṇāṅkuśaṃ
tattvasāraśobhitātma datta śriyāvallabham |
uttamāvatāra bhūtakartṛ bhaktavatsalaṃ
vandayāmi nārasiṃha sarasvatīśa pāhi mām || 3 ||
vyoma vāyu teja āpa bhūmi kartṛmīśvaraṃ
kāmakrodhamoharahita somasūryalocanam |
kāmitārthadātṛ bhaktakāmadhenu śrīguruṃ
vandayāmi nārasiṃha sarasvatīśa pāhi mām || 4 ||
puṇḍarīka āyatākṣa kuṇḍalendutejasaṃ
caṇḍaduritakhaṇḍanārtha daṇḍadhāri śrīgurum |
maṇḍalīkamauli mārtāṇḍa bhāsitānanaṃ
vandayāmi nārasiṃha sarasvatīśa pāhi mām || 5 ||
vedaśāstrastutyapāda ādimūrti śrīguruṃ
nādabindukalātīta kalpapādasevyayam |
sevyabhaktabṛndavarada bhūyo bhūyo namāmyahaṃ
vandayāmi nārasiṃha sarasvatīśa pāhi mām || 6 ||
aṣṭayogatattvaniṣṭha tuṣṭajñānavāridhiṃ
kṛṣṇaveṇitīravāsa pañcanadīsaṅgamam |
kaṣṭadainyadūri bhaktatuṣṭakāmyadāyakaṃ
vandayāmi nārasiṃha sarasvatīśa pāhi mām || 7 ||
nārasiṃhasarasvatī nāma aṣṭamauktikaṃ
hāra kṛtya śāradena gaṅgādhara ātmajam |
dhāraṇīka devadīkṣa gurumūrti toṣitaṃ
paramātmānanda śriyā putrapautradāyakam || 8 ||
[pāṭhabhedaḥ – prārthayāmi dattadeva sadguruṃ sadāvibhum]
nārasiṃhasarasvatīya aṣṭakaṃ ca yaḥ paṭhet
ghora saṃsāra sindhu tāraṇākhya sādhanam |
sārajñāna dīrgha āyurārogyādi sampadāṃ
cāruvargakāmyalābha nityameva yaḥ paṭhet || 9 || [vāraṃ vāraṃ yajjapet]
iti śrīgurucaritāmṛte śrīnṛsiṃhasarasvatyupākhyāne siddhanāmadhāraka saṃvāde śrīnṛsiṃhasarasvatī aṣṭakam ||