om || hira̭ṇyavarṇā॒-śśuca̭yaḥ pāva॒kā
yāsṷ jā॒taḥ ka॒śyapo॒ yāsvindraḥ̭ |
a॒gniṃ-yā~ garbha̭-ndadhi॒re virṷ̄pā॒stā
na॒ āpa॒śśagg syo॒nā bha̭vantu ||
yāsā॒gṃ॒ rājā॒ varṷṇo॒ yāti॒ madhyḙ
satyānṛ॒te a̭va॒paśya॒-ñjanā̭nām |
ma॒dhu॒ścuta॒śśuca̭yo॒ yāḥ pā̭va॒kāstā
na॒ āpa॒śśagg syo॒nā bha̭vantu ||
yāsā᳚-nde॒vā di॒vi kṛ॒ṇvanti̭ bha॒kṣaṃ
yā a॒ntari̭kṣe bahu॒dhā bhava̭nti |
yāḥ pṛ̭thi॒vī-mpaya̭so॒ndanti śu॒krāstā
na॒ āpa॒śśagg syo॒nā bha̭vantu ||
śi॒vena̭ mā॒ cakṣṷṣā paśyatāpaśśi॒vayā̭
ta॒nuvopa̭ spṛśata॒ tvaca̭o me |
sarvāg̭o a॒gnīgṃ ra̭psu॒ṣado̭ huve vo॒ mayi॒
varco॒ bala॒mojo॒ nidha̭tta ||
pava̭māna॒ssuva॒rjanaḥ̭ | pa॒vitrḙṇa॒ vica̭rṣaṇiḥ |
yaḥ potā॒ sa pṷnātu mā | pu॒nantṷ mā devaja॒nāḥ |
pu॒nantu॒ mana̭vo dhi॒yā | pu॒nantu॒ viśva̭ ā॒yavaḥ̭ |
jāta̭vedaḥ pa॒vitra̭vat | pa॒vitrḙṇa punāhi mā |
śu॒kreṇa̭ deva॒dīdya̭t | agne॒ kratvā॒ kratū॒gṃ॒ ranṷ |
yattḙ pa॒vitra̭ma॒rciṣi̭ | agne॒ vita̭tamanta॒rā |
brahma॒ tena̭ punīmahe | u॒bhābhyā᳚-ndevasavitaḥ |
pa॒vitrḙṇa sa॒vena̭ ca | i॒da-mbrahma̭ punīmahe |
vai॒śva॒de॒vī pṷna॒tī de॒vyāgā᳚t |
yasyai̭ ba॒hvīsta॒nuvo̭ vī॒tapṛ̭ṣṭhāḥ |
tayā॒ mada̭nta-ssadha॒mādyḙṣu |
va॒yagg syā̭ma॒ pata̭yo rayī॒ṇām |
vai॒śvā॒na॒ro ra॒śmibhi̭rmā punātu |
vātaḥ̭ prā॒ṇenḙṣi॒ro ma̭yo॒ bhūḥ |
dyāvā̭pṛthi॒vī paya̭sā॒ payo̭bhiḥ |
ṛ॒tāva̭rī ya॒jñiyḙ mā punītām ||
bṛ॒hadbhiḥ̭ savita॒stṛbhiḥ̭ | varṣi̭ṣṭhairdeva॒manma̭bhiḥ | agne॒ dakṣaiḥ᳚ punāhi mā | yena̭ de॒vā apṷnata | yenāpo̭ di॒vyaṅkaśaḥ̭ | tena̭ di॒vyena॒ brahma̭ṇā | i॒da-mbrahma̭ punīmahe | yaḥ pā̭vamā॒nīra॒ddhyeti̭ | ṛṣi̭bhi॒ssambhṛ̭ta॒gṃ॒ rasam᳚ | sarva॒gṃ॒ sa pū॒tama̭śnāti | sva॒di॒ta-mmā̭ta॒riśva̭nā | pā॒va॒mā॒nīryo a॒dhyeti̭ | ṛṣi̭bhi॒ssambhṛ̭ta॒gṃ॒ rasam᳚ | tasmai॒ sara̭svatī duhe | kṣī॒ragṃ sa॒rpirmadhṷ̄da॒kam ||
pā॒va॒mā॒nīssva॒styaya̭nīḥ | su॒dughā॒hi paya̭svatīḥ | ṛṣi̭bhi॒ssambhṛ̭to॒ rasaḥ̭ | brā॒hma॒ṇeṣva॒mṛtag̭o hi॒tam | pā॒va॒mā॒nīrdi̭śantu naḥ | i॒maṃ-lo~॒kamatho̭ a॒mum | kāmā॒nthsama̭rdhayantu naḥ | de॒vīrde॒vai-ssa॒mābhṛ̭tāḥ | pā॒va॒mā॒nīssva॒styaya̭nīḥ | su॒dughā॒hi ghṛ̭ta॒ścutaḥ̭ | ṛṣi̭bhi॒-ssambhṛ̭to॒ rasaḥ̭ | brā॒hma॒ṇeṣva॒mṛtag̭o hi॒tam | yena̭ de॒vāḥ pa॒vitrḙṇa | ā॒tmāna̭-mpu॒nate॒ sadā᳚ | tena̭ sa॒hasra̭dhāreṇa | pā॒va॒mā॒nyaḥ pṷnantu mā | prā॒jā॒pa॒tya-mpa॒vitram᳚ | śa॒todyā̭magṃ hira॒ṇmayam᳚ | tena̭ brahma॒ vido̭ va॒yam | pū॒ta-mbrahma̭ punīmahe | indra̭ssunī॒tī sa॒hamā̭ punātu | soma̭ssva॒styā va̭ruṇassa॒mīcyā᳚ | ya॒mo rājā᳚ pramṛ॒ṇābhiḥ̭ punātu mā | jā॒tavḙdā mo॒rjaya̭ntyā punātu | bhūrbhuva॒ssuvaḥ̭ ||
o-ntacchaṃ॒-yo~rāvṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye |
daivī᳚ssva॒stira̭stu naḥ | sva॒stirmānṷṣebhyaḥ | ū॒rdhva-ñji̭gātu bheṣa॒jam | śanno̭ astu dvi॒pade᳚ | śa-ñcatṷṣpade ||
oṃ śānti॒-śśānti॒-śśāntiḥ̭ ||