2.8 - Kamyapashuyajyanuvakya Brahmanam - Krishna Yajurveda Taittiriya Brahmana Pathah - Pivonnam Rayivridhah

ॐ

2.8 - කාම්යපශුයාජ්යානුවාක්යා බ්රාහ්මණම් - කෘෂ්ණ යජුර්වේද තෛත්තිරීය බ්රාහ්මණ පාඨඃ - පීවෝන්නාං රයිවෘධඃ

Krishna Vedic Sinhala

කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ අෂ්ටමඃ ප්රපාඨකඃ - කාම්යපශුයාජ්යානුවාක්යා බ්රාහ්මණම්

ඕ-න්නමඃ පරමාත්මනේ, ශ්රී මහාගණපතයේ නමඃ,

ශ්රී ගුරුභ්යෝ නමඃ . හ॒රිඃ॒ ඕම් ..

අනුවාකං 1 - වායව්යාදිපශූනාං සූක්තානි

පීවෝ᳚න්නාග්ං රයි॒වෘධඃ॑ සුමේ॒ධාඃ . ශ්වේ॒ත-ස්සි॑ෂක්ති නි॒යුතා॑මභි॒ශ්රීඃ . තේ වා॒යවේ॒ සම॑නසෝ॒ විත॑ස්ථුඃ . විශ්වේන්නරඃ॑ ස්වප॒ත්යානි॑ චක්රුඃ .. රා॒යේ-(අ)නු ය-ඤ්ජ॒ජ්ඤතූ॒ රෝද॑සී උ॒භේ . රා॒යේ දේ॒වී ධි॒ෂණා॑ ධාති දේ॒වම් . අධා॑ වා॒යු-න්නි॒යුතඃ॑ සශ්චත॒ ස්වාඃ . උ॒ත ශ්වේ॒තං-වँසු॑ධිති-න්නිරේ॒කේ .. ආ වා॑යෝ භූෂ ශුචිපා॒ උප॑ න-ස්ස॒හස්ර॑-න්තේ නි॒යුතෝ॑ විශ්වවාර . උපෝ॑ තේ॒ අන්ධෝ॒ මද්ය॑මයාමි॒ යස්ය॑ දේව දධි॒ෂේ පූ᳚ර්ව॒පේය᳚ම් .. ප්ර යාභි॒ර්යාසි॑ දා॒ශ්වාග්ං සමච්ඡා॑ නි॒යුද්භි॑-ර්වායවි॒ෂ්ටයේ॑ දුරෝ॒ණේ . නි නෝ॑ ර॒යිග්ං සු॒භෝජ॑සං-යුँවේ॒හ නි වී॒රව॒-ද්ගව්ය॒මශ්වි॑ය-ඤ්ච॒ රාධඃ॑ .... ප්ර වා॒යුමච්ඡා॑ බෘහ॒තී ම॑නී॒ෂා .. 1 ..

බෘ॒හද්ර॑යිං-විँ॒ශ්වවා॑රාග්ං රථ॒ප්රාම් . ද්යු॒තද්යා॑මා නි॒යුතඃ॒ පත්ය॑මානඃ . ක॒විඃ ක॒විමි॑යක්ෂසි ප්රයජ්යෝ .. ආ නෝ॑ නි॒යුද්භිඃ॑ ශ॒තිනී॑භි-රද්ධ්ව॒රම් . ස॒හ॒ස්රිණී॑භි॒රුප॑ යාහි ය॒ජ්ඤම් . වායෝ॑ අ॒ස්මින්. හ॒විෂි॑ මාදයස්ව . යූ॒ය-ම්පා॑ත ස්ව॒ස්තිභි॒-ස්සදා॑ නඃ .. ප්රජා॑පතේ॒ න ත්වදේ॒තාන්ය॒න්යඃ . විශ්වා॑ ජා॒තානි॒ පරි॒ තා බ॑භූව . ය-ත්කා॑මාස්තේ ජුහු॒මස්තන්නෝ॑ අස්තු .. 2 ..

ව॒යග්ග් ස්යා॑ම॒ පත॑යෝ රයී॒ණාම් .. ර॒යී॒ණා-ම්පතිං॑-යँජ॒ත-ම්බෘ॒හන්ත᳚ම් . අ॒ස්මින්භරේ॒ නෘත॑මං॒-වාँජ॑සාතෞ . ප්ර॒ජාප॑ති-ම්ප්රථම॒ජාමෘ॒තස්ය॑ . යජා॑ම දේ॒වමධි॑ නෝ බ්රවීතු .. ප්රජා॑පතේ॒ ත්ව-න්නි॑ධි॒පාඃ පු॑රා॒ණඃ . දේ॒වානා᳚-ම්පි॒තා ජ॑නි॒තා ප්ර॒ජානා᳚ම් . පති॒-ර්විශ්ව॑ස්ය॒ ජග॑තඃ පර॒ස්පාඃ . හ॒විර්නෝ॑ දේව විහ॒වේ ජු॑ෂස්ව .. තවේ॒මේ ලෝ॒කාඃ ප්ර॒දිශෝ॒ දිශ॑ශ්ච .. 3 ..

ප॒රා॒වතෝ॑ නි॒වත॑ උ॒ද්වත॑ශ්ච . ප්රජා॑පතේ විශ්ව॒සෘජ්ජී॒වධ॑න්ය ඉ॒ද-න්නෝ॑ දේව . ප්රති॑හර්ය හ॒ව්යම් .. ප්ර॒ජාප॑ති-ම්ප්රථ॒මං-යँ॒ජ්ඤියා॑නාම් . දේ॒වානා॒මග්රේ॑ යජ॒තං-යँ॑ජද්ධ්වම් . ස නෝ॑ දදාතු॒ ද්රවි॑ණග්ං සු॒වීර්ය᳚ම් . රා॒යස්පෝෂං॒-විँෂ්ය॑තු॒ නාභි॑ම॒ස්මේ .. යෝ රා॒ය ඊශේ॑ ශතදා॒ය උ॒ක්ථ්යඃ॑ . යඃ ප॑ශූ॒නාග්ං ර॑ක්ෂි॒තා විෂ්ඨි॑තානාම් . ප්ර॒ජාප॑තිඃ ප්රථම॒ජා ඍ॒තස්ය॑ .. 4 ..

ස॒හස්ර॑ධාමා ජුෂතාග්ං හ॒විර්නඃ॑ .. සෝමා॑පූෂණා॒ ජන॑නා රයී॒ණා-ඤ්ජන॑නා දි॒වෝ ජන॑නා පෘථි॒ව්යාඃ . ජා॒තෞ විශ්ව॑ස්ය॒ භුව॑නස්ය ගෝ॒පෞ දේ॒වා අ॑කෘණ්වන්න॒මෘත॑ස්ය॒ නාභි᳚ම් .. ඉ॒මෞ දේ॒වෞ ජාය॑මානෞ ජුෂන්තේ॒මෞ තමාග්ං॑සි ගූහතා॒මජු॑ෂ්ටා . ආ॒භ්යාමින්ද්රඃ॑ ප॒ක්වමා॒මාස්ව॒න්ත-ස්සෝ॑මාපූ॒ෂභ්යා᳚-ඤ්ජනදු॒ස්රියා॑සු .. .. සෝමා॑පූෂණා॒ රජ॑සෝ වි॒මාන᳚ම් . ස॒ප්තච॑ක්ර॒ග්ං॒ රථ॒මවි॑ශ්වමින්වම් . වි॒ෂූ॒වෘත॒-ම්මන॑සා යු॒ජ්යමා॑නම් . ත-ඤ්ජි॑න්වථෝ වෘෂණා॒ පඤ්ච॑රශ්මිම් .. දි॒ව්ය॑න්ය-ස්සද॑න-ඤ්ච॒ක්ර උ॒ච්චා . පෘ॒ථි॒ව්යාම॒න්යෝ අද්ධ්ය॒න්තරි॑ක්ෂේ . තාව॒ස්මභ්ය॑-ම්පුරු॒වාර॑-ම්පුරු॒ක්ෂුම් . රා॒යස්පෝෂං॒-විँෂ්ය॑තා॒-න්නාභි॑ම॒ස්මේ .. 5 ..

ධිය॑-ම්පූ॒ෂා ජි॑න්වතු විශ්වමි॒න්වඃ . ර॒යිග්ං සෝමෝ॑ රයි॒පති॑-ර්දධාතු . අව॑තු දේ॒ව්යදි॑තිර-න॒ර්වා . බෘ॒හ-ද්ව॑දේම වි॒දථේ॑ සු॒වීරාඃ᳚ .. විශ්වා᳚න්ය॒න්යෝ භුව॑නා ජ॒ජාන॑ . විශ්ව॑ම॒න්යෝ අ॑භි॒චක්ෂා॑ණ ඒති . සෝමා॑පූෂණා॒-වව॑ත॒-න්ධිය॑-ම්මේ . යු॒වභ්යාං॒-විँශ්වාඃ॒ පෘත॑නා ජයේම .. උදු॑ත්ත॒මං-වँ॑රුණ॒ පාශ॑ම॒ස්මදවා॑-(අ)ධ॒මං-විँම॑ධ්ය॒මග්ග් ශ්ර॑ථාය . අථා॑ ව॒යමා॑දිත්ය ව්ර॒තේ තවා-(අ)නා॑ගසෝ॒ අදි॑තයේ ස්යාම අස්ත॑භ්නා॒ද්යාමෘ॑ෂ॒භෝ අ॒න්තරි॑ක්ෂ॒මමි॑මීත වරි॒මාණ॑-ම්පෘථි॒ව්යා ආ-(අ)සී॑ද॒-ද්විශ්වා॒ භුව॑නානි ස॒ම්රා-ඩ්විශ්වේත්තානි॒ වරු॑ණස්ය ව්ර॒තානි॑ .. . ය-ත්කිඤ්චේ॒දං-වँ॑රුණ॒ දෛව්යේ॒ ජනේ॑-(අ)භිද්රෝ॒හ-ම්ම॑නු॒ෂ්යා᳚ශ්චරා॑මසි . අචි॑ත්තී॒ය-ත්තව॒ ධර්මා॑ යුයෝපි॒ම මා න॒ස්තස්මා॒ දේන॑සෝ දේව රීරිෂඃ .. කි॒ත॒වාසෝ॒ යද්රි॑ රි॒පුර්න දී॒වි යද්වා॑ ඝා ස॒ත්ය මු॒තයන්න වි॒ද්ම . සර්වා॒ තා විෂ්ය॑ ශිථි॒රේව॑ දේ॒වාථා॑ තේ ස්යාම වරුණ ප්රි॒යාසඃ॑ ..( ) . අව॑ තේ॒ හේඩෝ॑ වරුණ॒ නමෝ॑භි॒රව॑ ය॒ජ්ඤේභි॑රීමහේ හ॒විර්භිඃ॑ . ක්ෂය॑න්න॒ස්මභ්ය॑මසුර ප්රචේතෝ॒ රාජ॒න්නේනාග්ං॑සි ශිශ්රථඃ කෘ॒තානි॑ .., තත්ත්වා॑ යාමි॒ බ්රහ්ම॑ණා॒ වන්ද॑මාන॒ස්තදා ශා᳚ස්තේ॒ යජ॑මානෝ හ॒විර්භිඃ॑ . අහේ॑ඩමානෝ වරුණේ॒හ බෝ॒ධ්යුරු॑ශග්ංස॒ මා න॒ ආයුඃ॒ ප්රමෝ॑ෂීඃ .. .. ආ॒දි॒ත්යානා॒මව॑සා॒ නූත॑නේන සක්ෂී॒මහි॒ ශර්ම॑ණා॒ ශන්ත॑මේන . අ॒නා॒ගා॒ස්ත්වේ අ॑දිති॒ත්වේ තු॒රාස॑ ඉ॒මං-යँ॒ජ්ඤ-න්ද॑ධතු॒ ශ්රෝෂ॑මාණාඃ .., න ද॑ක්ෂි॒ණා විචි॑කිතේ॒ න ස॒ව්යා න ප්රා॒චීන॑මාදිත්යා॒ නෝත ප॒ශ්චා . පා॒ක්යා॑ චිද්වසවෝ ධී॒ර්යා॑ චි--ද්යු॒ෂ්මානී॑තෝ॒ අභ॑ය॒-ඤ්ජ්යෝති॑රශ්යාම් .. . ධා॒රය॑න්ත ආදි॒ත්යාසෝ॒ ජග॒ථ්ස්ථා දේ॒වා විශ්ව॑ස්ය॒ භුව॑නස්ය ගෝ॒පාඃ . දී॒ර්ඝාධි॑යෝ॒ රක්ෂ॑මාණා අසු॒ර්ය॑මෘ॒තාවා॑න॒-ශ්චය॑මානා ඍ॒ණානි॑ .., ති॒ස්රෝ භූමී᳚ර්ධාරය॒-න්ත්රීග්ං රු॒ත ද්යූ-න්ත්රීණි॑ ව්ර॒තා වි॒දථේ॑ අ॒න්තරේ॑ෂාම් . ඍ॒තේනා॑-(අ)(අ)දිත්යා॒ මහි॑ වෝ මහි॒ත්ව-න්තද॑ර්යමන් වරුණ මිත්ර॒ චාරු॑ .. . ය॒ජ්ඤෝ දේ॒වානා॒-ම්ප්රත්යේ॑ති සු॒ම්නමාදි॑ත්යාසෝ॒ භව॑තා මෘඩ॒යන්තඃ॑ . ආ වෝ॒-(අ)ර්වාචී॑ සුම॒ති ර්ව॑වෘත්යාද॒ග්ං॒ හෝශ්චි॒ද්යා ව॑රිවෝ॒විත්ත॒රා-(අ)ස॑ත් .. ශුචි॑ර॒ප-ස්සූ॒යව॑සා॒ අද॑බ්ධ॒ උප॑ ක්ෂේති වෘ॒ද්ධව॑යා-ස්සු॒වීරඃ॑ . නකි॒ෂ්ට-ඞ්ඝ්න॒න්ත්යන්ති॑තෝ॒ න දූ॒රාද්ය ආ॑දි॒ත්යානා॒-ම්භව॑ති॒ ප්රණී॑තෞ .. .. 6 ..

(ම॒නී॒ෂා-(අ)ස්තු॑-ච॒-ර්ත-ස්යා॒ස්මේ-කි॑ත॒වාස॑ ශ්ච॒ත්වාරි॑ ච ) (අ. 1)

අනුවාකං 2 - වශාදීනාං සූක්තානි

තේ ශු॒ක්රාස॒-ශ්ශුච॑යෝ රශ්මි॒වන්තඃ॑ . සීද॑න්නාදි॒ත්යා අධි॑ බ॒ර॒ඃඉෂි॑ ප්රි॒යේ . කාමේ॑න දේ॒වා-ස්ස॒රථ॑-න්දි॒වෝ නඃ॑ . ආයා᳚න්තු ය॒ජ්ඤමුප॑ නෝ ජුෂා॒ණාඃ .. තේ සූ॒නවෝ॒ අදි॑තේඃ පීව॒සාමිෂ᳚ම් . ඝෘ॒ත-ම්පින්ව॒ත්-ප්රති॑හර්යන්නෘතේ॒ජාඃ . ප්ර ය॒ජ්ඤියා॒ යජ॑මානාය යේමුරේ . ආ॒දි॒ත්යාඃ කාම॑-ම්පිතු॒මන්ත॑ම॒ස්මේ .. ආ නඃ॑ පු॒ත්රා අදි॑තේර්යාන්තු ය॒ජ්ඤම් . ආ॒දි॒ත්යාසඃ॑ ප॒ථිභි॑-ර්දේව॒යානෛඃ᳚ .. 7 ..

අ॒ස්මේ කාම॑-න්දා॒ශුෂේ॑ ස॒න්නම॑න්තඃ . පු॒රෝ॒ඩාශ॑-ඞ්ඝෘ॒තව॑න්ත-ඤ්ජුෂන්තාම් .. ස්ක॒භා॒යත॒ නිර්-ඍ॑ති॒ග්ං॒ සේධ॒තාම॑තිම් . ප්ර ර॒ශ්මිභි॒-ර්යත॑මානා අමෘද්ධ්රාඃ . ආදි॑ත්යාඃ॒ කාම॒ ප්රය॑තාං॒-වँෂ॑ට්කෘතිම් . ජු॒ෂද්ධ්ව॑-න්නෝ හ॒ව්යදා॑තිං-යँජත්රාඃ .. ආ॒දි॒ත්යාන්-කාම॒මව॑සේ හුවේම . යේ භූ॒තානි॑ ජ॒නය॑න්තෝ විචි॒ඛ්යුඃ . සීද॑න්තු පු॒ත්රා අදි॑තේරු॒පස්ථ᳚ම් . ස්තී॒ර්ණ-ම්බ॒ර॒ඃඉර්හ॑වි॒රද්යා॑ය දේ॒වාඃ .. 8 ..

ස්තී॒ර්ණ-ම්බ॒ර॒ඃඉ-ස්සී॑දතා ය॒ජ්ඤේ අ॒ස්මින්න් . ධ්රා॒ජා-ස්සේධ॑න්තෝ॒ අම॑ති-න්දු॒රේවා᳚ම් . අ॒ස්මභ්ය॑-ම්පුත්රා අදිතේඃ॒ ප්රයග්ං॑සත . ආදි॑ත්යාඃ॒ කාම॑ හ॒විෂෝ॑ ජුෂා॒ණාඃ .. අග්නේ॒ නය॑ සු॒පථා॑ රා॒යේ අ॒ස්මාන් . විශ්වා॑නි දේව ව॒යුනා॑නි වි॒ද්වාන් . යු॒යෝ॒ද්ධ්ය॑ස්ම-ජ්ජු॑හුරා॒ණමේනඃ॑ . භූයි॑ෂ්ඨා-න්තේ॒ නම॑ උක්තිං-විँධේම .. ප්රවඃ॑ ශු॒ක්රාය॑ භා॒නවේ॑ භරද්ධ්වම් . හ॒ව්ය-ම්ම॒ති-ඤ්චා॒ග්නයේ॒ සුපූ॑තම් .. 9 ..

යෝ දෛව්යා॑නි॒ මානු॑ෂා ජ॒නූග්ංෂි॑ . අ॒න්ත-ර්විශ්වා॑නි වි॒ද්මනා॒ ජිගා॑ති .. අච්ඡා॒ ගිරෝ॑ ම॒තයෝ॑ දේව॒යන්තීඃ᳚ . අ॒ග්නිං-යँ॑න්ති॒ ද්රවි॑ණ॒-ම්භික්ෂ॑මාණාඃ . සු॒ස॒දෘංශග්ං॑ සු॒ප්රතී॑ක॒ග්ග්॒ ස්වඤ්ච᳚ම් . හ॒ව්ය॒වාහ॑මර॒ති-ම්මානු॑ෂාණාම් .. අග්නේ॒ ත්වම॒ස්ම-ද්යු॑යෝ॒ද්ධ්යමී॑වාඃ . අන॑ග්නිත්රා අ॒භ්ය॑මන්ත කෘ॒ෂ්ටීඃ . පුන॑ර॒ස්මභ්යග්ං॑ සුවි॒තාය॑ දේව . ක්ෂාං-විँශ්වේ॑භිර॒ජරේ॑භි-ර්යජත්ර .. 10 ..

අග්නේ॒ ත්ව-ම්පා॑රයා॒ නව්යෝ॑ අ॒ස්මාන් . ස්ව॒ස්තිභි॒රති॑ දු॒ර්ගාණි॒ විශ්වා᳚ . පූශ්ච॑ පෘ॒ථ්වී බ॑හු॒ලා න॑ උ॒ර්වී . භවා॑ තෝ॒කාය॒ තන॑යාය॒ ශං-යෝඃ ँ.. ප්ර කා॑රවෝ මන॒නා ව॒ච්යමා॑නාඃ . දේ॒ව॒ද්රීචී᳚-න්නයථ දේව॒යන්තඃ॑ . ද॒ක්ෂි॒ණා॒වාඩ්-වා॒ජිනී॒ ප්රාච්යේ॑ති . හ॒විර්භර॑න්ත්ය॒ග්නයේ॑ ඝෘ॒තාචී᳚ .. ඉන්ද්ර॒-න්නරෝ॑ නේ॒මධි॑තා හවන්තේ॒ යත්පාර්යා॑ යු॒නජ॑තේ॒ ධිය॒ස්තාඃ . ශූරෝ॒ නෘෂා॑තා॒ ශව॑සශ්චකා॒න ආ ගෝම॑ති ව්ර॒ජේ භ॑ජා॒ ත්වන්නඃ॑ .. යු॒ජේ රථ॑-ඞ්ග॒වේෂ॑ණ॒ග්ං॒ හරි॑භ්යාම් . උප॒ බ්රහ්මා॑ණි ජුජුෂා॒ණ-ම॑ස්ථුඃ . විබා॑ධිෂ්ටා॒ස්ය රෝද॑සී මහි॒ත්වා . ඉන්ද්රෝ॑ වෘ॒ත්රාණ්ය॑ප්ර॒තී ජ॑ඝ॒න්වාන් .. .. ජ॒ගෘ॒භ්ණා තේ॒ දක්ෂි॑ණාමින්ද්ර॒ හස්ත᳚ම් .. 11 ..

ව॒සූ॒යවෝ॑ වසුපතේ॒ වසූ॑නාම් . වි॒ද්මා හි ත්වා॒ ගෝප॑තිග්ං ශූර॒ ගෝනා᳚ම් . අ॒ස්මභ්ය॑-ඤ්චි॒ත්රං-වෘँෂ॑ණග්ං ර॒යි-න්දාඃ᳚ .. තවේ॒දං-විँශ්ව॑ම॒භිතඃ॑ පශ॒ව්ය᳚ම් . ය-ත්පශ්ය॑සි॒ චක්ෂ॑සා॒ සූර්ය॑ස්ය . ගවා॑මසි॒ ගෝප॑ති॒රේක॑ ඉන්ද්ර . භ॒ක්ෂී॒මහි॑ තේ॒ ප්රය॑තස්ය॒ වස්වඃ॑ .. සමි॑න්ද්ර ණෝ॒ මන॑සා නේෂි॒ ගෝභිඃ॑ . සග්ං සූ॒රිභි॑-ර්මඝව॒න්-ථ්සග්ග් ස්ව॒ස්ත්යා . ස-ම්බ්රහ්ම॑ණා දේ॒වකෘ॑තං॒-යँදස්ති॑ .. 12 ..

ස-න්දේ॒වානාග්ං॑ සුම॒ත්යා ය॒ජ්ඤියා॑නාම් .. ආ॒රාච්ඡත්රු॒-මප॑බාධස්ව දූ॒රම් . උ॒ග්රෝ ය-ශ්ශම්බඃ॑ පුරුහූත॒ තේන॑ . අ॒ස්මේ ධේ॑හි॒ යව॑ම॒ද්ගෝම॑දින්ද්ර . කෘ॒ධී ධිය॑-ඤ්ජරි॒ත්රේ වාජ॑රත්නාම් .. ආවේ॒ධස॒-න්නීල॑පෘෂ්ඨ-ම්බෘ॒හන්ත᳚ම් . බෘහ॒ස්පති॒ග්ං॒ සද॑නේ සාදයධ්වම් . සා॒දද්යෝ॑නි॒-න්දම॒ ආදී॑දි॒වාග්ංස᳚ම් . හිර॑ණ්යවර්ණමරු॒ෂග්ං ස॑පේම .. ස හි ශුචිඃ॑ .. බෘහ॒ස්පතිඃ॑ ප්රථ॒ම-ඤ්ජාය॑මානඃ . ම॒හෝ ජ්යෝති॑ෂඃ පර॒මේ ව්යෝ॑මන්න් . ස॒ප්තාස්ය॑ස්තුවිජා॒තෝ රවේ॑ණ . වි ස॒ප්තර॑ශ්මිරධම॒ත්තමාග්ං॑සි .. 13 ..

බෘහ॒ස්පති॒-ස්සම॑ජය॒-ද්වසූ॑නි . ම॒හෝ ව්ර॒ජා-න්ගෝම॑තෝ දේ॒ව ඒ॒ෂඃ . අ॒ප-ස්සිෂා॑ස॒න්-ථ්සුව॒ර ප්ර॑තීත්තඃ . බෘහ॒ස්පති॒ර॒ඃඅන්ත්ය॒මිත්ර॑-ම॒ර්කෛඃ .. බෘහ॑ස්පතේ॒ පරි॑ දීයා॒ රථේ॑න රක්ෂෝ॒හා (අ)මිත්රාග්ං॑ අප॒ බාධ॑මානඃ . ප්ර॒භ॒ඤ්ජන්-ථ්සේනාඃ᳚ ප්රමෘ॒ණෝ යු॒ධා ජය॑න්න॒ස්මාක॑-මේධ්යවි॒තා රථා॑නාම් .. ඒ॒වා පි॒ත්රේ වි॒ශ්වදේ॑වාය॒ වෘෂ්ණේ॑ ය॒ජ්ඤෛර්වි॑ධේම॒ නම॑සා හ॒විර්භිඃ॑ . බෘහ॑ස්පතේ සුප්ර॒ජා වී॒රව॑න්තෝ ව॒යග්ග් ස්යා॑ම॒ පත॑යෝ රයී॒ණාම් .. .. ආ නෝ॑ දි॒වෝ බෘ॑හ॒තඃ පර්ව॑තා॒දා සර॑ස්වතී යජ॒තා ග॑න්තු ය॒ජ්ඤම් . හව॑-න්දේ॒වී ජු॑ජුෂා॒ණා ඝෘ॒තාචී॑ ශ॒ග්මා-න්නෝ॒ වාච॑මුශ॒තී ශෘ॑ණෝතු ..පාවී॑රවී ක॒න්යා॑ චි॒ත්රායු॒-ස්සර॑ස්වතී වී॒රප॑ත්නී॒ ධිය॑-න්ධාත් . ග්නාභි॒රච්ඡි॑ද්රග්ං ශර॒ණග්ං ස॒ජෝෂා॑ දුරා॒ධර්ෂ॑-ඞ්ගෘණ॒තේ ශර්ම॑ යග්ංසත් .. . ඉ॒මා ජුහ්වා॑නා යු॒ෂ්මදා නමෝ॑භිඃ . ප්රති॒ ස්තෝමග්ං॑ සරස්වති ජුෂස්ව . තව॒ ශර්ම॑-න්ප්රි॒යත॑මේ॒ දධා॑නාඃ . උප॑ස්ථේයාම ශර॒ණ-න්න වෘ॒ක්ෂම් .. යස්තේ॒ ස්තන॑ශ්ශශ॒ය ඉත්යා॑හ . ස්තෞත්යේ॒වෛනා᳚ම් . උස්ර॑ ඝ॒ර්මග්ං ශි॒ග්ං॒ෂෝස්ර॑ ඝ॒ර්ම-ම්පා॑හි ඝ॒ර්මාය॑ ශි॒ග්ං॒ෂේත්යා॑හ . යථා᳚ බ්රූ॒යාද॒මුෂ්මෛ॑ දේ॒හීති॑ . තා॒දෘගේ॒ව තත් . බෘහ॒ස්පති॒ස්ත්වෝප॑ සීද॒ත්විත්යා॑හ . . සර॑ස්වත්ය॒භි නෝ॑ නේෂි॒ වස්යඃ॑ . මා ප॑ස්ඵරීඃ॒ පය॑සා॒ මා න॒ ආ ධ॑ක් . ජු॒ෂස්ව॑ න-ස්ස॒ඛ්යා॑ වේ॒ශ්යා॑ ච . මා ත්වත්ක්ෂේත්රා॒-ණ්යර॑ණානි ගන්ම .. .. ඉ॒යග්ං ශුෂ්මේ॑භිර්බිස॒ඛා ඉ॑වාරුජත් . සානු॑ ගිරී॒ණා-න්ත॑වි॒ෂේභි॑රූ॒ර්මිභිඃ॑ . පා॒රා॒ව॒ද॒ඝ්නීමව॑සේ සුවෘ॒ක්තිභිඃ॑ . සර॑ස්වතී॒-මාවි॑වාසේම ධී॒තිභිඃ॑ .. 14 ..

(දේ॒ව॒යානෛ᳚--ර් දේ॒වාඃ - සුපූ॑තංයँජත්ර॒-හස්ත॒-මස්ති॒-තමාග්॑-ස්යූ॒ර්මිභි॒-ර්ද්වේ ච॑) (අ. 2)

අනුවාකං 3 - සෞම්යාදීනාං සූක්තානි

සෝමෝ॑ ධේ॒නුග්ං සෝමෝ॒ අර්ව॑න්තමා॒ශුම් . සෝමෝ॑ වී॒ර-ඞ්ක॑ර්ම॒ණ්ය॑-න්දදාතු . සා॒ද॒න්යං॑-විँද॒ථ්යග්ං॑ ස॒භේය᳚ම් . පි॒තු॒-ශ්ශ්රව॑ණං॒-යෝँ දදා॑ශදස්මෛ .. අෂා॑ඪං-යුँ॒ථ්සු පෘත॑නාසු॒ පප්රි᳚ම් . සු॒ව॒ර්॒ෂාම॒ඵ්ස්වාං-වෘँ॒ජන॑ස්ය ගෝ॒පාම් . භ॒රේ॒ෂු॒ජාග්ං සු॑ක්ෂි॒තිග්ං සු॒ශ්රව॑සම් . ජය॑න්ත॒-න්ත්වාමනු॑ මදේම සෝම .. ත්වග්ං සෝ॑ම॒ ක්රතු॑භිඃ .. යා තේ॒ ධාමා॑නි හ॒විෂා॒ යජ॑න්ති॒ තා තේ॒ විශ්වා॑ පරි॒භූර॑ස්තු ය॒ජ්ඤ-ඞ්ග॑ය॒ස්ඵානඃ॑ ප්ර॒තර॑ණ-ස්සු॒වීරෝ-(අ)වී॑රහා॒ ප්රච॑රා සෝම॒ දුර්යා॒න.. ත්වමි॒මා ඕෂ॑ධී-ස්සෝම॒ විශ්වාඃ᳚ . ත්වම॒පෝ අ॑ජනය॒ස්ත්ව-ඞ්ගාඃ . ත්වමාත॑තන්ථෝ॒ර්ව॑න්තරි॑ක්ෂම් . ත්ව-ඤ්ජ්යෝති॑ෂා॒ විතමෝ॑ වවර්ථ .. 15 ..

යා තේ॒ ධාමා॑නි දි॒වි යා පෘ॑ථි॒ව්යාම් . යා පර්ව॑තේ॒ෂ්වෝෂ॑ධීෂ්ව॒ඵ්සු . තේභි॑ර්නෝ॒ විශ්වෛ᳚-ස්සු॒මනා॒ අහේ॑ඩන්න් . රාජන්᳚-ථ්සෝම॒ ප්රති॑ හ॒ව්යා ගෘ॑භාය .. විෂ්ණෝ॒ර්නුකං॑-වීँ॒ර්යා॑ණි॒ ප්ර වෝ॑චං॒-යඃ ँපාර්ථි॑වානි විම॒මේ රජාග්ං॑සි॒ යෝ අස්ක॑භාය॒දුත්ත॑රග්ං ස॒ධස්ථං॑-විँචක්රමා॒ණ ස්ත්රේ॒ධෝරු॑ගා॒යෝ විෂ්ණෝ॑ ර॒රාට॑මසි॒ විෂ්ණෝඃ᳚ පෘ॒ෂ්ඨම॑සි॒ විෂ්ණෝ॒-ශ්ශ්න්යප්ත්රේ᳚ ස්ථෝ॒ විෂ්ණෝ॒-ස්ස්යූර॑සි॒ විෂ්ණෝ᳚-ර්ධ්රු॒වම॑සි වෛෂ්ණ॒වම॑සි॒ විෂ්ණ॑වේ ත්වා .. තද॑ස්ය ප්රි॒යම॒භි පාථෝ॑ අශ්යාම් . නරෝ॒ යත්ර॑ දේව॒යවෝ॒ මද॑න්ති . උ॒රු॒ක්ර॒මස්ය॒ ස හි බන්ධු॑රි॒ත්ථා . විෂ්ණෝඃ᳚ ප॒දේ ප॑ර॒මේ මධ්ව॒ උථ්සඃ॑ .. . ප්රත-ද්විෂ්ණුඃ॑ ස්තවතේ වී॒ර්යා॑ය . මෘ॒ගෝ න භී॒මඃ කු॑ච॒රෝ ගි॑රි॒ෂ්ඨාඃ . යස්යෝ॒රුෂු॑ ත්රි॒ෂු වි॒ක්රම॑ණේෂු . අධි॑ක්ෂි॒යන්ති॒ භුව॑නානි॒ විශ්වා᳚ .. .. ප॒රෝ මාත්ර॑යා ත॒නුවා॑ වෘධාන . න තේ॑ මහි॒ත්ව-මන්ව॑ශ්නුවන්ති . උ॒භේ තේ॑ විද්ම॒ රජ॑සී පෘථි॒ව්යා විෂ්ණෝ॑ දේව॒ ත්වම් . ප॒ර॒මස්ය॑ විථ්සේ .. 16 ..

විච॑ක්රමේ පෘථි॒වීමේ॒ෂ ඒ॒තාම් . ක්ෂේත්රා॑ය॒ විෂ්ණු॒-ර්මනු॑ෂේ දශ॒ස්යන්න් . ධ්රු॒වාසෝ॑ අස්ය කී॒රයෝ॒ ජනා॑සඃ . උ॒රු॒ක්ෂි॒තිග්ං සු॒ජනි॑මා චකාර .. ත්රිර්දේ॒වඃ පෘ॑ථි॒වීමේ॒ෂ ඒ॒තාම් . විච॑ක්රමේ ශ॒තර්ච॑ස-ම්මහි॒ත්වා . ප්ර විෂ්ණු॑-රස්තු ත॒වස॒ස්ත වී॑යාන් . ත්වේ॒ෂග්ග් හ්ය॑ස්ය॒ ස්ථවි॑රස්ය॒ නාම॑ .. .. ආ තේ॑ ම॒හ ඉ॑න්ද්රෝ॒ත්යු॑ග්ර॒ සම॑න්යවෝ॒ ය-ථ්ස॒මර॑න්ත॒ සේනාඃ᳚ . පතා॑ති දි॒ද්යුන්නර්ය॑ස්ය බාහු॒වෝර්මා තේ॒ මනෝ॑ විෂ්ව॒ද්රිය॒ග්වි චා॑රීත් .. යෝ ජා॒ත ඒ॒ව ප්ර॑ථ॒මෝ මන॑ස්වා-න්දේ॒වෝ දේ॒වාන් ක්රතු॑නා ප॒ර්යභූ॑ෂත් . යස්ය॒ ශුෂ්මා॒ද්රෝද॑සී॒ අභ්ය॑සේතා-න්නෘ॒ම්ණස්ය॑ ම॒හ්නා ස ජ॑නාස॒ ඉන්ද්රඃ॑ .. . අ॒භි ගෝ॒ත්රාණි॒ සහ॑සා॒ ගාහ॑මානෝ-(අ)දා॒යෝ වී॒ර-ශ්ශ॒තම॑න්යු॒රින්ද්රඃ॑ . දු॒ශ්ච්ය॒ව॒නඃ පෘ॑තනා॒ෂාඩ॑ යු॒ධ්යෝ᳚-ස්මාක॒ග්ං॒ සේනා॑ අවතු॒ ප්ර යු॒ථ්සු .. .. ආභි॒-ස්ස්පෘධෝ॑ මිථ॒තී- රරි॑ෂණ්යන්න් . අ॒මිත්ර॑ස්ය ව්යථයා ම॒න්යුමි॑න්ද්ර . ආභි॒ර්විශ්වා॑ අභි॒යුජෝ॒ විෂූ॑චීඃ . ආර්යා॑ය॒ විශෝ-(අ)ව॑තාරී॒ර්දාසීඃ᳚ .. අ॒යග්ං ශෘ॑ණ්වේ॒ අධ॒ ජය॑න්නු॒ත ඝ්නන්න් . අ॒යමු॒ත ප්රකෘ॑ණුතේ යු॒ධා ගාඃ . ය॒දා ස॒ත්ය-ඞ්කෘ॑ණු॒තේ ම॒න්යුමින්ද්රඃ॑ .. 17 ..

විශ්ව॑-න්දෘ॒ඪ-ම්භ॑යත॒ ඒජ॑දස්මාත් .. අනු॑ ස්ව॒ධා-ම॑ක්ෂර॒න්නාපෝ॑ අස්ය . අව॑ර්ධත॒ මද්ධ්ය॒ ආ නා॒ව්යා॑නාම් . ස॒ද්ධ්රී॒චීනේ॑න॒ මන॑සා॒ තමි॑න්ද්ර॒ ඕජි॑ෂ්ඨේන . හන්ම॑නා-(අ)හන්න॒භිද්යූන් .. ම॒රුත්ව॑න්තං-වෘँෂ॒භං-වාँ॑වෘධා॒නම් . අක॑වාරි-න්දි॒ව්යග්ං ශා॒සමින්ද්ර᳚ම් . වි॒ශ්වා॒සාහ॒මව॑සේ॒ නූත॑නාය . උ॒ග්රග්ං ස॑හෝ॒දාමි॒හ තග්ං හු॑වේම .. ජනි॑ෂ්ඨා උ॒ග්ර-ස්සහ॑සේ තු॒රාය॑ .. 18 ..

ම॒න්ද්ර ඕජි॑ෂ්ඨෝ බහු॒ලාභි॑මානඃ . අව॑ර්ධ॒න්නින්ද්ර॑-ම්ම॒රුත॑ශ්චි॒දත්ර॑ . මා॒තා ය-ද්වී॒ර-න්ද॒ධන॒ද්ධනි॑ෂ්ඨා .. ක්ව॑ ස්යා වෝ॑ මරුත-ස්ස්ව॒ධා-(අ)(අ)සී᳚ත් . ය-න්මාමේකග්ං॑ ස॒මධ॑ත්තාහි॒හත්යේ᳚ . අ॒හග්ග් හ්යු॑ග්රස්ත॑වි॒ෂ-ස්තුවි॑ෂ්මාන් . විශ්ව॑ස්ය॒ ශත්රෝ॒රන॑මං-වँධ॒ස්නෛඃ .. වෘ॒ත්රස්ය॑ ත්වා ශ්ව॒සථා॒දීෂ॑මාණාඃ . විශ්වේ॑ දේ॒වා අ॑ජහු॒ර්යේ සඛා॑යඃ . ම॒රුද්භි॑රින්ද්ර ස॒ඛ්ය-න්තේ॑ අස්තු .. 19 ..

අථේ॒මා විශ්වාඃ॒ පෘත॑නා ජයාසි .. වධීං᳚-වෘँ॒ත්ර-ම්ම॑රුත ඉන්ද්රි॒යේණ॑ . ස්වේන॒ භාමේ॑න තවි॒ෂෝ බ॑භූ॒වාන් . අ॒හමේ॒තා මන॑වේ වි॒ශ්වශ්ච॑න්ද්රාඃ . සු॒ගා අ॒පශ්ච॑කර॒ වජ්ර॑බාහුඃ .. ස යෝ වෘෂා॒ වෘෂ්ණි॑යේභි॒-ස්සමෝ॑කාඃ . ම॒හෝ දි॒වඃ පෘ॑ථි॒ව්යාශ්ච॑ ස॒ම්රාට් . ස॒තී॒නස॑ත්ත්වා॒ හව්යෝ॒ භරේ॑ෂු . ම॒රුත්වා᳚න්නෝ භව॒ත්වින්ද්ර॑ ඌ॒තී .. ඉන්ද්රෝ॑ වෘ॒ත්රම॑තර-ද්වෘත්ර॒තූර්යේ᳚ .. 20 ..

අ॒නා॒ධෘ॒ෂ්යෝ ම॒ඝවා॒ ශූර॒ ඉන්ද්රඃ॑ . අන්වේ॑නං॒-විँශෝ॑ අමදන්ත පූ॒ර්වීඃ . අ॒යග්ං රාජා॒ ජග॑තශ්චර්ෂණී॒නාම් .. ස ඒ॒ව වී॒ර-ස්ස උ॑ වී॒ර්යා॑වාන් . ස ඒ॑කරා॒ජෝ ජග॑තඃ පර॒ස්පාඃ . ය॒දා වෘ॒ත්රමත॑ර॒ච්ඡූර॒ ඉන්ද්රඃ॑ . අථා॑ භවද්දමි॒තා-(අ)භික්ර॑තූනාම් .. ඉන්ද්රෝ॑ ය॒ජ්ඤං-වँ॒ර්ධය॑න් වි॒ශ්වවේ॑දාඃ . පු॒රෝ॒ඩාශ॑ස්ය ජුෂතාග්ං හ॒විර්නඃ॑ . වෘ॒ත්ර-න්තී॒ර්ත්වා දා॑න॒වං-වँජ්ර॑බාහුඃ .. 21 ..

දිශෝ॑-(අ)දෘග්ං හද්දෘග්ංහි॒තා දෘග්ංහ॑ණේන .. ඉ॒මං-යँ॒ජ්ඤං-වँ॒ර්ධය॑න් වි॒ශ්වවේ॑දාඃ . පු॒රෝ॒ඩාශ॒-ම්ප්රති॑ගෘභ්ණා॒ත්වින්ද්රඃ॑ . ය॒දා වෘ॒ත්රමත॑ර॒ච්ඡූර॒ ඉන්ද්රඃ॑ . අථෛ॑කරා॒ජෝ අ॑භව॒ජ්ජනා॑නාම් .. ඉන්ද්රෝ॑ දේ॒වාඤ්ඡ॑ම්බර॒හත්ය॑ ආවත් . ඉන්ද්රෝ॑ දේ॒වානා॑- මභව-ත්පුරෝ॒ගාඃ . ඉන්ද්රෝ॑ ය॒ජ්ඤේ හ॒විෂා॑ වාවෘධා॒නඃ . වෘ॒ත්ර॒තූර්ණෝ॒ අභ॑ය॒ග්ං॒ ශර්ම॑ යග්ංසත් .. ය-ස්ස॒ප්ත සින්ධූ॒ග්ං॒ රද॑ධාත්-පෘථි॒ව්යාම් . ය-ස්ස॒ප්ත ලෝ॒කානකෘ॑ණෝ॒-ද්දිශ॑ශ්ච . ඉන්ද්රෝ॑ හ॒විෂ්මා॒න්-ථ්සග॑ණෝ ම॒රුද්භිඃ॑ . වෘ॒ත්ර॒තූර්ණෝ॑ ය॒ජ්ඤමි॒හෝප॑යාසත් .. 22 ..

(ව॒ව॒ර්ථ॒ - වි॒ථ්ස॒ - ඉන්ද්ර॑ - ස්තු॒රා - යා᳚ස්තු॒ - වෘත්ර॒තූර්යේ॒ - වජ්ර॑බාහුඃ - පෘථි॒ව්යා-න්ත්රීණි॑ ච) (අ. 3)

අනුවාකං 4 - අභිමාතිහෛන්ද්රාදිපශූනාං සූක්තානි

ඉන්ද්ර॒-ස්තර॑ස්වා-නභිමාති॒හෝග්රඃ . හිර॑ණ්යවාශී-රිෂි॒ර-ස්සු॑ව॒ර॒.ෂාඃ . තස්ය॑ ව॒යග්ං සු॑ම॒තෞ ය॒ජ්ඤිය॑ස්ය . අපි॑ භ॒ද්රේ සෞ॑මන॒සේ ස්යා॑ම .. හිර॑ණ්යවර්ණෝ॒ අභ॑ය-ඞ්කෘණෝතු . අ॒භි॒මා॒ති॒හේන්ද්රඃ॒ පෘත॑නාසු ජි॒ෂ්ණුඃ . ස න॒-ශ්ශර්ම॑ ත්රි॒වරූ॑ථං॒-විँයග්ං॑සත් . යූ॒ය-ම්පා॑ත ස්ව॒ස්තිභි॒-ස්සදා॑ නඃ .. ඉන්ද්රග්ග්॑ ස්තුහි ව॒ජ්රිණ॒ග්ග්॒ ස්තෝම॑පෘෂ්ඨම් . පු॒රෝ॒ඩාශ॑ස්ය ජුෂතාග්ං හ॒විර්නඃ॑ .. 23 ..

හ॒ත්වා-(අ)භිමා॑තීඃ॒ පෘත॑නා॒-ස්සහ॑ස්වාන් . අථාභය॑-ඞ්කෘණුහි වි॒ශ්වතෝ॑ නඃ .. ස්තු॒හි ශූරං॑-වँ॒ජ්රිණ॒-මප්ර॑තීතම් (මප්ර॑තීත්තම්) . අ॒භි॒මා॒ති॒හන॑-ම්පුරුහූ॒තමින්ද්ර᳚ම් . ය ඒක॒ ඉච්ඡ॒තප॑ති॒ර්ජනේ॑ෂු . තස්මා॒ ඉන්ද්රා॑ය හ॒විරාජු॑හෝත .. ඉන්ද්රෝ॑ දේ॒වානා॑මධි॒පාඃ පු॒රෝහි॑තඃ . දි॒ශා-ම්පති॑රභව-ද්වා॒ජිනී॑වාන් . අ॒භි॒මා॒ති॒හා ත॑වි॒ෂස්තුවි॑ෂ්මාන් . අ॒ස්මභ්ය॑-ඤ්චි॒ත්රං-වෘँෂ॑ණග්ං ර॒යි-න්දා᳚ත් .. 24 ..

ය ඉ॒මේ ද්යාවා॑පෘථි॒වී ම॑හි॒ත්වා . බලේ॒නාදෘග්ං॑හදභිමාති॒හේන්ද්රඃ॑ . ස නෝ॑ හ॒විඃ ප්රති॑ගෘභ්ණාතු රා॒තයේ᳚ . දේ॒වානා᳚-න්දේ॒වෝ නි॑ධි॒පා නෝ॑ අව්යාත් .. අන॑වස්තේ॒ රථ॒මශ්වා॑ය තක්ෂ॒න්-ත්වෂ්ටා॒ වජ්ර॑-ම්පුරුහූත ද්යු॒මන්ත᳚ම් . බ්ර॒හ්මාණ॒ ඉන්ද්ර॑-ම්ම॒හය॑න්තෝ අ॒ර්කෛරව॑ර්ධය॒න්නහ॑යේ॒ හන්ත॒ වා උ॑ .. වෘෂ්ණේ॒ ය-ත්තේ॒ වෘෂ॑ණෝ අ॒ර්කමර්චා॒නින්ද්ර॒ ග්රාවා॑ණෝ॒ අදි॑ති-ස්ස॒ජෝෂාඃ᳚ . අ॒න॒ශ්වාසෝ॒ යේ ප॒වයෝ॑-(අ)ර॒ථා ඉන්ද්රේ॑ෂිතා අ॒භ්යව॑ර්තන්ත॒ දස්යූන්॑ .. . ඉන්ද්ර॑ස්ය॒ නු වී॒ර්යා॑ණි॒ ප්රවෝ॑චම් . යානි॑ ච॒කාර॑ ප්රථ॒මානි॑ ව॒ජ්රී .. අහ॒-න්නහි॒මන්ව॒පස්ත॑තර්ද . ප්ර ව॒ක්ෂණා॑ අභින॒-ත්පර්ව॑තානාම් .. .. ඉන්ද්රෝ॑ යා॒තෝ-(අ)ව॑සිතස්ය॒ රාජා᳚ . ශම॑ස්ය ච ශෘ॒ඞ්ගිණෝ॒ වජ්ර॑බාහුඃ . සේදු॒ රාජා᳚ ක්ෂේති චර්ෂණී॒නාම් . අ॒රාන්න නේ॒මිඃ පරි॒තා බ॑භූව .. 25 ..

අ॒භි සි॒ද්ධ්මෝ අ॑ජිගාදස්ය॒ ශත්රූන්॑ . වි ති॒ග්මේන॑ වෘෂ॒භේණා॒ පුරෝ॑-(අ)භේත් . සං-වँජ්රේ॑ණාසෘජ-ද්වෘ॒ත්රමින්ද්රඃ॑ . ප්ර ස්වා-ම්ම॒තිම॑තිර॒ච්ඡාශ॑දානඃ .. විෂ්ණු॑-න්දේ॒වං-වँරු॑ණමූ॒තයේ॒ භග᳚ම් . මේද॑සා දේ॒වා ව॒පයා॑ යජද්ධ්වම් . තා නෝ॑ ය॒ජ්ඤමාග॑තං-විँ॒ශ්වධේ॑නා . ප්ර॒ජාව॑ද॒ස්මේ ද්රවි॑ණේ॒හ ධ॑ත්තම් .. මේද॑සා දේ॒වා ව॒පයා॑ යජද්ධ්වම් . විෂ්ණු॑-ඤ්ච දේ॒වං-වँරු॑ණ-ඤ්ච රා॒තිම් .. 26 ..

තා නෝ॒ අමී॑වා අප॒බාධ॑මානෞ . ඉ॒මං-යँ॒ජ්ඤ-ඤ්ජු॒ෂමා॑ණා॒වුපේත᳚ම් .. විෂ්ණූ॑වරුණා යු॒වම॑ද්ධ්ව॒රාය॑ නඃ . වි॒ශේ ජනා॑ය॒ මහි॒ ශර්ම॑ යච්ඡතම් . දී॒ර්ඝප්ර॑යජ්යූ හ॒විෂා॑ වෘධා॒නා . ජ්යෝති॒ෂා-(අ)රා॑තීර්දහත॒-න්තමාග්ං॑සි .. යයෝ॒රෝජ॑සා ස්කභි॒තා රජාග්ං॑සි . වී॒ර්යේ॑භි-ර්වී॒රත॑මා॒ ශවි॑ෂ්ඨා . යා පත්යේ॑තේ॒ අප්ර॑තීත්තා॒ සහෝ॑භිඃ . විෂ්ණූ॑ අග॒න්වරු॑ණා පූ॒ර්වහූ॑තෞ .. 27 ..

විෂ්ණූ॑වරුණා වභිශස්ති॒පා වා᳚ම් . දේ॒වා ය॑ජන්ත හ॒විෂා॑ ඝෘ॒තේන॑ . අපාමී॑වාග්ං සේධතග්ං ර॒ක්ෂස॑ශ්ච . අථා॑ ධත්තං॒-යँජ॑මානාය॒ ශං-යෝඃ ँ.. අ॒ග්ං॒හෝ॒මුචා॑ වෘෂ॒භා සු॒ප්රතූ᳚ර්තී . දේ॒වානා᳚-න්දේ॒වත॑මා॒ ශචි॑ෂ්ඨා . විෂ්ණූ॑වරුණා॒ ප්රති॑හර්යත-න්නඃ . ඉ॒ද-න්නරා॒ ප්රය॑තමූ॒තයේ॑ හ॒විඃ .. ම॒හී නු ද්යාවා॑පෘථි॒වී ඉ॒හ ජ්යේෂ්ඨේ᳚ . රු॒චා භ॑වතාග්ං ශු॒චය॑ද්භි-ර॒ර්කෛඃ .. 28 ..

යථ්සීං॒-වँරි॑ෂ්ඨේ බෘහ॒තී වි॑මි॒න්වන්න් . නෘ॒වද්භ්යෝ॒-(අ)ක්ෂා ප॑ප්රථා॒නේභි॒රේවෛඃ᳚ .. ප්ර පූ᳚ර්ව॒ජේ පි॒තරා॒ නව්ය॑සීභිඃ . ගී॒ර්භිඃ කෘ॑ණුද්ධ්ව॒ග්ං॒ සද॑නේ ඍ॒තස්ය॑ . ආ නෝ᳚ ද්යාවාපෘථිවී॒ දෛව්යේ॑න . ජනේ॑න යාත॒-ම්මහි॑ වාං॒-වँරූ॑ථම් .. ස ඉථ්ස්වපා॒ භුව॑නේෂ්වාස . ය ඉ॒මේ ද්යාවා॑පෘථි॒වී ජ॒ජාන॑ . උ॒ර්වී ග॑භී॒රේ රජ॑සී සු॒මේකේ᳚ . අ॒ව॒ග්ං॒ශේ ධීර॒-ශ්ශච්යා॒ සමෛ॑රත් .. 29 ..

භූරි॒-න්ද්වේ අච॑රන්තී॒ චර॑න්තම් . ප॒ද්වන්ත॒-ඞ්ගර්භ॑ම॒පදී॑ දධාතේ . නිත්ය॒-න්න සූ॒නු-ම්පි॒ත්රෝරු॒පස්ථේ᳚ . ත-ම්පි॑පෘතග්ං රෝදසී සත්ය॒වාච᳚ම් .. ඉ॒ද-න්ද්යා॑වාපෘථිවී ස॒ත්යම॑ස්තු . පිත॒-ර්මාත॒-ර්යදි॒හෝප॑බ්රු॒වේ වා᳚ම් . භූ॒ත-න්දේ॒වානා॑මව॒මේ අවෝ॑භිඃ . විද්යාමේ॒ෂං-වෘँ॒ජන॑-ඤ්ජී॒රදා॑නුම් .. උ॒ර්වී පෘ॒ථ්වී බ॑හු॒ලේ දූ॒රේ අ॑න්තේ . උප॑බ්රුවේ॒ නම॑සා ය॒ජ්ඤේ අ॒ස්මින්න් . දධා॑තේ॒ යේ සු॒භගේ॑ සු॒ප්රතූ᳚ර්තී . ද්යාවා॒ රක්ෂ॑ත-ම්පෘථි॒වී නෝ॒ අභ්වා᳚ත් .. යා ජා॒තා ඕෂ॑ධයෝ දේ॒වේභ්ය॑ස්ත්රියු॒ග-ම්පු॒රා . මන්දා॑මි බ॒භ්රූණා॑ම॒හග්ං ශ॒ත-න්ධාමා॑නි ස॒ප්ත ච॑ .., අති॒ විශ්වාඃ᳚ පරි॒ෂ්ඨා-ස්ස්තේ॒න ඉ॑ව ව්ර॒ජම॑ක්රමුඃ . ඕෂ॑ධයඃ॒ ප්රාචු॑ච්යවු॒ ර්ය-ත්කි-ඤ්ච॑ ත॒නුවා॒ග්ං॒ රපඃ॑ .. . යා ඕෂ॑ධය॒-ස්සෝම॑රාජ්ඤීඃ॒ ප්රවි॑ෂ්ටාඃ පෘථි॒වීමනු॑ . තාසා॒-න්ත්වම॑ස්යුත්ත॒මා ප්රණෝ॑ ජී॒වාත॑-වේසුව .. අ॒ශ්වා॒ව॒තීග්ං සෝ॑මව॒තී මූ॒ර්ජය॑න්තී॒ මුදෝ॑ජසම් . ආ වි॑ථ්සි॒ සර්වා॒ ඕෂ॑ධීර॒ස්මා අ॑රි॒ෂ්ටතා॑තයේ .. . ඕෂ॑ධී॒රිති॑ මාතර॒-ස්තද්වෝ॑ දේවී॒-රුප॑ බ්රුවේ . රපාග්ං॑සි විඝ්න॒තීරි॑ත॒ රප॑ශ්චා॒තය॑මානාඃ .. අ॒න්යා වෝ॑ අ॒න්යාම॑ව-ත්ව॒න්යා-(අ)න්යස්යා॒ උපා॑වත . තා-ස්සර්වා॒ ඕෂ॑ධය-ස්සංවිँදා॒නා ඉ॒ද-ම්මේ॒ ප්රාව॑තා॒ වචඃ॑ .. .. 30 ..

(හ॒විර්නෝ॑ - දා-ද්- බභූව - රා॒තිං - පූ॒ර්වහූ॑තා - ව॒ර්කෛ - රෛ॑ර - ද॒ස්මි-න්පඤ්ච ච) (අ. 4)

අනුවාකං 5 - ඓන්ද්රාග්නපශ්වාදීනාං සූක්තානි

ශුචි॒-න්නු ස්තෝම॒-න්නව॑ජාත-ම॒ද්යේන්ද්රා᳚ග්නී වෘත්රහණා ජු॒ෂේථා᳚ම් . උ॒භා හි වාග්ං॑ සු॒හවා॒ ජෝහ॑වීමි॒ තා වාජග්ං॑ ස॒ද්ය උ॑ශ॒තේ ධේෂ්ඨා᳚ .., ශ්නථ॑-ද්වෘ॒ත්රමු॒ත ස॑නෝති॒ වාජ॒මින්ද්රා॒ යෝ අ॒ග්නී සහු॑රී සප॒ර්යාත් . ඉ॒ර॒ජ්යන්තා॑ වස॒ව්ය॑ස්ය॒ භූරේ॒-ස්සහ॑ස්තමා॒ සහ॑සා වාජ॒යන්තා᳚ .. . උ॒භා වා॑මින්ද්රාග්නී ආහු॒වධ්යා॑ උ॒භා රාධ॑ස-ස්ස॒හ මා॑ද॒යධ්යෛ᳚ . උ॒භා දා॒තාරා॑වි॒ෂාග්ං ර॑යී॒ණාමු॒භා වාජ॑ස්ය සා॒තයේ॑ හුවේ වාම් ..,ප්ර ච॑ර්ෂ॒ණිභ්යඃ॑ පෘතනා॒ හවේ॑ෂු॒ ප්ර පෘ॑ථි॒ව්යා රි॑රිචාථේ දි॒වශ්ච॑ . ප්ර සින්ධු॑භ්යඃ॒ ප්රගි॒රිභ්යෝ॑ මහි॒ත්වා ප්රේන්ද්රා᳚ග්නී॒ විශ්වා॒ භුව॒නා-(අ)ත්ය॒න්යා .. . ආ වෘ॑ත්රහණා වෘත්ර॒හභි॒-ශ්ශුෂ්මෛඃ᳚ . ඉන්ද්ර॑ යා॒ත-න්නමෝ॑භිරග්නේ අ॒ර්වාක් . යු॒වග්ං රාධෝ॑භි॒රක॑වේභිරින්ද්ර . අග්නේ॑ අ॒ස්මේ භ॑වතමුත්ත॒මේභිඃ॑ .. ගී॒ර්භි-ර්විප්රඃ॒ ප්රම॑තිමි॒ච්ඡමා॑නඃ . ඊ॒॑ ර॒යිං-යँ॒ශස॑-ම්පූර්ව॒භාජ᳚ම් . ඉන්ද්රා᳚ග්නී වෘත්රහණා සුවජ්රා . ප්රණෝ॒ නව්යේ॑භිස්තිරත-න්දේ॒ෂ්ණෛඃ .. .. බ්රහ්ම॑ණස්පතේ॒ ත්වම॒ස්ය ය॒න්තා . සූ॒ක්තස්ය॑ බෝධි॒ තන॑ය-ඤ්ච ජින්ව . විශ්ව॒-න්ත-ද්භ॒ද්රං-යँද॒වන්ති॑ දේ॒වාඃ . බෘ॒හද්ව॑දේම වි॒දථේ॑ සු॒වීරාඃ᳚ .. ස ඊග්ං॑ ස॒ත්යේභි॒-ස්සඛි॑භි-ශ්ශු॒චද්භිඃ॑ . ගෝධා॑යසං॒විँ ධ॑න॒සෛර॑තර්දත් . බ්රහ්ම॑ණ॒ස්පති॒-ර්වෘෂ॑භිර්ව॒රාහෛඃ᳚ .. 31 ..

ඝ॒ර්මස්වේ॑දේභි॒-ර්ද්රවි॑ණං॒-ව්යාँ॑නට් .. බ්රහ්ම॑ණ॒ස්පතේ॑-රභවද්යථා ව॒ශම් . ස॒ත්යෝ ම॒න්යුර්මහි॒ කර්මා॑ කරිෂ්ය॒තඃ . යෝ ගා උ॒දාජ॒ථ්ස දි॒වේ වි චා॑භජත් . ම॒හීව॑ රී॒ති-ශ්ශව॑සා සර॒-ත්පෘථ॑ක් .. ඉන්ධා॑නෝ අ॒ග්නිං-වँ॑නවද්වනුෂ්ය॒තඃ . කෘ॒තබ්ර॑හ්මා ශූශුව-ද්රා॒තහ॑ව්ය॒ ඉත් . ජා॒තේන॑ ජා॒තමති॒ සෘ-ත්ප්රසෘග්ං॑සතේ . යං-යँං॒-යුँජ॑-ඞ්කෘණු॒තේ බ්රහ්ම॑ණ॒ස්පතිඃ॑ .. බ්රහ්ම॑ණස්පතේ සු॒යම॑ස්ය වි॒ශ්වහා᳚ .. 32 ..

රා॒ය-ස්ස්යා॑ම ර॒ථ්යෝ॑ විව॑ස්වතඃ . වී॒රේෂු॑ වී॒රාග්ං උප॑පෘඞ්ග්ධි න॒ස්ත්වම් . යදීශා॑නෝ॒ බ්රහ්ම॑ණා॒ වේෂි॑ මේ॒ හව᳚ම් .. ස ඉජ්ජනේ॑න॒ ස වි॒ශා ස ජන්ම॑නා . ස පු॒ත්රෛර්වාජ॑-ම්භරතේ॒ ධනා॒ නෘභිඃ॑ . දේ॒වානාං॒-යඃ ँපි॒තර॑මා॒විවා॑සති . ශ්ර॒ද්ධාම॑නා හ॒විෂා॒ බ්රහ්ම॑ණ॒ස්පති᳚ම් .. යාස්තේ॑ පූෂ॒න්නාවෝ॑ අ॒න්ත-ස්ස॑මු॒ද්රේ . හි॒ර॒ණ්යයී॑ර॒න්තරි॑ක්ෂේ॒ චර॑න්ති . යාභි॑ර්යාසි දූ॒ත්යාග්ං සූර්ය॑ස්ය . කාමේ॑න කෘ॒ත-ශ්ශ්රව॑ ඉ॒ච්ඡමා॑නඃ .. . ශු॒ක්ර-න්තේ॑ අ॒න්යද්ය॑ජ॒ත-න්තේ॑ අ॒න්යද්විෂු॑රූපේ॒ අහ॑නී॒ ද්යෞරි॑වාසි . විශ්වා॒ හි මා॒යා අව॑සි ස්වධාවෝ භ॒ද්රා තේ॑ පූෂන්නි॒හ රා॒තිර॑ස්තු .., පූ॒ෂේමා ආශා॒ අනු॑වේද॒ සර්වා᳚-ස්සෝ අ॒ස්මාග්ං අභ॑යතමේන නේෂත් . ස්ව॒ස්ති॒දා අඝෘ॑ණි॒-ස්සර්ව॑වීරඃ . අප්ර॑යුච්ඡ-න්පු॒ර ඒ॑තු॒ ප්රජා॒නන්න් .. .. ප්රප॑ථේ ප॒ථාම॑ජනිෂ්ට පූ॒ෂා .. 33 ..

ප්රප॑ථේ දි॒වඃ ප්රප॑ථේ පෘථි॒ව්යාඃ . උ॒භේ අ॒භි ප්රි॒යත॑මේ ස॒ධස්ථේ᳚ . ආ ච॒ පරා॑ ච චරති ප්රජා॒නන්න් .. පූ॒ෂා සු॒බන්ධු॑ර්දි॒ව ආ පෘ॑ථි॒ව්යාඃ . ඉ॒ඩස්පති॑-ර්ම॒ඝවා॑ ද॒ස්මව॑ර්චාඃ . ත-න්දේ॒වාසෝ॒ අද॑දු-ස්සූ॒ර්යායෛ᳚ . කාමේ॑න කෘ॒ත-න්ත॒වස॒ග්ග්॒ ස්වඤ්ච᳚ම් .. අ॒ජාශ්වඃ॑ පශු॒පා වාජ॑වස්ත්යඃ . ධි॒ය॒ජි॒න්න්වෝ විශ්වේ॒ භුව॑නේ॒ අර්පි॑තඃ . අෂ්ට්රා᳚-ම්පූ॒ෂා ශි॑ථි॒රාමු॒ද්වරී॑වෘජත් .. 34 ..

ස॒චඞ්ක්ෂා॑ණෝ॒ භුව॑නා දේ॒ව ඊ॑යතේ .. ශුචී॑ වෝ හ॒ව්යා ම॑රුත॒-ශ්ශුචී॑නාම් . ශුචිග්ං॑ හිනෝම්යද්ධ්ව॒රග්ං ශුචි॑භ්යඃ . ඍ॒තේන॑ ස॒ත්යමෘත॒සාප॑ ආයන්න් . ශුචි॑ජන්මාන॒-ශ්ශුච॑යඃ පාව॒කාඃ .. ප්ර චි॒ත්රම॒ර්ක-ඞ්ගෘ॑ණ॒තේ තු॒රාය॑ . මාරු॑තාය॒ ස්වත॑වසේ භරද්ධ්වම් . යේ සහාග්ං॑සි॒ සහ॑සා॒ සහ॑න්තේ . රේජ॑තේ අග්නේ පෘථි॒වී ම॒ඛේභ්යඃ॑ .. අග්ංසේ॒ෂ්වා ම॑රුතඃ ඛා॒දයෝ॑ වඃ .. 35 ..

වක්ෂඃ॑සු රු॒ක්මා උප॑ශිශ්රියා॒ණාඃ . වි වි॒ද්යුතෝ॒ න වෘ॒ෂ්ටිභී॑ රුචා॒නාඃ . අනු॑ ස්ව॒ධාමායු॑ධෛ॒-ර්යච්ඡ॑මානාඃ .. යා ව॒-ශ්ශර්ම॑ ශශමා॒නාය॒ සන්ති॑ . ත්රි॒ධාතූ॑නි දා॒ශුෂේ॑ යච්ඡ॒තාධි॑ . අ॒ස්මභ්ය॒-න්තානි॑ මරුතෝ॒ විය॑න්ත . ර॒යි-න්නෝ॑ ධත්ත වෘෂණ-ස්සු॒වීර᳚ම් .. ඉ॒මේ තු॒ර-ම්ම॒රුතෝ॑ රාමයන්ති . ඉ॒මේ ස॒හ-ස්සහ॑ස॒ ආන॑මන්ති . ඉ॒මේ ශග්ංසං॑-වँනුෂ්ය॒තෝ නිපා᳚න්ති .. 36 ..

ගු॒රුද්වේෂෝ॒ අර॑රුෂේ දධන්ති .. අ॒රා ඉ॒වේදච॑රමා॒ අහේ॑ව . ප්ර ප්ර॑ජායන්තේ॒ අක॑වා॒ මහෝ॑භිඃ . පෘශ්නේඃ᳚ පු॒ත්රා උ॑ප॒මාසෝ॒ රභි॑ෂ්ඨාඃ . ස්වයා॑ ම॒ත්යා ම॒රුත॒-ස්සම්මි॑මික්ෂුඃ .. අනු॑ තේ දායි ම॒හ ඉ॑න්ද්රි॒යාය॑ . ස॒ත්රා තේ॒ විශ්ව॒මනු॑ වෘත්ර॒හත්යේ᳚ . අනු॑ ක්ෂ॒ත්රමනු॒ සහෝ॑ යජත්ර . ඉන්ද්ර॑ දේ॒වේභි॒රනු॑ තේ නෘ॒ෂහ්යේ᳚ .. ය ඉන්ද්ර॒ ශුෂ්මෝ॑ මඝවන්තේ॒ අස්ති॑ .. 37 ..

ශික්ෂා॒ සඛි॑භ්යඃ පුරුහූත॒ නෘභ්යඃ॑ . ත්වග්ං හි දෘ॒ඪා ම॑ඝව॒න් විචේ॑තාඃ . අපා॑වෘධි॒ පරි॑වෘති॒-න්න රාධඃ॑ .. ඉන්ද්රෝ॒ රාජා॒ ජග॑තශ්චර්ෂණී॒නාම් . අධි॒ක්ෂමි॒ විෂු॑රූපං॒-යँදස්ති॑ . තතෝ॑ දදාතු දා॒ශුෂේ॒ වසූ॑නි . චෝද॒ද්රාධ॒ උප॑ස්තුතශ්චිද॒ර්වාක් .. තමු॑ ෂ්ටුහි॒ යෝ අ॒භිභූ᳚ත්යෝජාඃ . ව॒න්වන්නවා॑තඃ පුරුහූ॒ත ඉන්ද්රඃ॑ . අෂා॑ඪමු॒ග්රග්ං සහ॑මානමා॒භිඃ .. 38 ..

ගී॒ර්භිර්ව॑ර්ධ වෘෂ॒භ-ඤ්ච॑ර්ෂණී॒නාම් .. ස්ථූ॒රස්ය॑ රා॒යෝ බෘ॑හ॒තෝ ය ඊශේ᳚ . තමු॑ ෂ්ටවාම වි॒දථේ॒ෂ්වින්ද්ර᳚ම් . යෝ වා॒යුනා॒ ජය॑ති॒ ගෝම॑තීෂු . ප්ර ධෘ॑ෂ්ණු॒යා න॑යති॒ වස්යෝ॒ අච්ඡ॑ .. ආ තේ॒ ශුෂ්මෝ॑ වෘෂ॒භ ඒතු॑ ප॒ශ්චාත් . ඕත්ත॒රාද॑ධ॒රාගා පු॒රස්තා᳚ත් . ආ වි॒ශ්වතෝ॑ අ॒භි සමේ᳚ත්ව॒ර්වාම් . ඉන්ද්ර॑ ද්යු॒ම්නග්ං සුව॑ර්වද්ධේහ්ය॒ස්මේ .. 39 ..

(ව॒රාහෛ᳚--ර් වි॒ශ්වහා॑ - (අ)ජනිෂ්ට පූ॒ෂෝ - ද්වරී॑වෘජත් - ඛා॒දයෝ॑ වඃ - පා॒න් - ත්යස්ත - යා॒භි--ර් + නව॑ ච) (අ. 5)

අනුවාකං 6 - සාවිත්රාදිපශූනාං සූක්තානි

ආ දේ॒වෝ යා॑තු සවි॒තා සු॒රත්නඃ॑ . අ॒න්ත॒රි॒ක්ෂ॒ප්රා වහ॑මානෝ॒ අශ්වෛඃ᳚ . හස්තේ॒ දධා॑නෝ॒ නර්යා॑ පු॒රූණි॑ . නි॒වේ॒ශය॑න් ච ප්රසු॒වන් ච॒ භූම॑ .. අ॒භීවෘ॑ත॒-ඞ්කෘශ॑නෛ-ර්වි॒ශ්වරූ॑පම් .

හිර॑ණ්යශම්යං-යँජ॒තෝ බෘ॒හන්ත᳚ම් . ආස්ථා॒-ද්රථග්ං॑ සවි॒තා චි॒ත්රභා॑නුඃ . කෘ॒ෂ්ණා රජාග්ං॑සි॒ තවි॑ෂී॒-න්දධා॑නඃ .. සඝා॑ නෝ දේ॒ව-ස්ස॑වි॒තා ස॒වාය॑ . ආසා॑විෂ॒-ද්වසු॑පති॒-ර්වසූ॑නි .. 40 ..

වි॒ශ්රය॑මාණෝ॒ අම॑තිමුරූ॒චීම් . ම॒ර්ත॒භෝජ॑න॒මධ॑ රාසතේ න .. වි ජනා᳚ඤ්ඡ්යා॒වා-ශ්ශි॑ති॒පාදෝ॑ අඛ්යන්න් . රථ॒ග්ං॒ හිර॑ණ්ය ප්ර උගං॒-වँහ॑න්තඃ . ශශ්ව॒-ද්දිශඃ॑ සවි॒තු-ර්දෛව්ය॑ස්ය . උ॒පස්ථේ॒ විශ්වා॒ භුව॑නානි තස්ථුඃ .. වි සු॑ප॒ර්ණෝ අ॒න්තරි॑ක්ෂාණ්යඛ්යත් . ග॒භී॒රවේ॑පා॒ අසු॑ර-ස්සුනී॒ථඃ . ක්වේ॑දානී॒ග්ං॒ සූර්යඃ॒ කශ්චි॑කේත . ක॒ත॒මා-න්ද්යාග්ං ර॒ශ්මිර॒ස්යාත॑තාන .. 41 ..

භග॒-න්ධියං॑-වාँ॒ජය॑න්තඃ॒ පුර॑න්ධිම් . නරා॒ශග්ංසෝ॒ ග්නාස්පති॑ර්නෝ අව්යාත් . ආ-(අ)යේ වා॒මස්ය॑ සඞ්ග॒ථේ ර॑යී॒ණාම් . ප්රි॒යා දේ॒වස්ය॑ සවි॒තු-ස්ස්යා॑ම .. ආ නෝ॒ විශ්වේ॒ අස්ක්රා॑ ගමන්තු දේ॒වාඃ . මි॒ත්රෝ අ॑ර්ය॒මා වරු॑ණ-ස්ස॒ජෝෂාඃ᳚ . භුව॒න්॒. යථා॑ නෝ॒ විශ්වේ॑ වෘ॒ධාසඃ॑ . කර᳚න්-ථ්සු॒ෂහා॑ විථු॒ර-න්න ශවඃ॑ .. ශ-න්නෝ॑ දේ॒වා වි॒ශ්වදේ॑වා භවන්තු . ශග්ං සර॑ස්වතී ස॒හ ධී॒භිර॑ස්තු .. 42 ..

ශම॑භි॒ෂාච॒-ශ්ශමු॑ රාති॒ෂාචඃ॑ . ශ-න්නෝ॑ දි॒ව්යාඃ පාර්ථි॑වා॒-ශ්ශ-න්නෝ॒ අප්යාඃ᳚ .. යේ ස॑වි॒තු-ස්ස॒ත්යස॑වස්ය॒ විශ්වේ᳚ . මි॒ත්රස්ය॑ ව්ර॒තේ වරු॑ණස්ය දේ॒වාඃ . තේ සෞභ॑ගං-වීँ॒රව॒ද්ගෝම॒දප්නඃ॑ . දධා॑තන॒ ද්රවි॑ණ-ඤ්චි॒ත්රම॒ස්මේ .. අග්නේ॑ යා॒හි දූ॒ත්යං॑-වාँරි॑ෂේණ්යඃ . දේ॒වාං අච්ඡා᳚ බ්රහ්ම॒කෘතා॑ ග॒ණේන॑ . සර॑ස්වතී-ම්ම॒රුතෝ॑ අ॒ශ්විනා-(අ)॒පඃ . ය॒ක්ෂි॒ දේ॒වා-න්ර॑ත්න॒ධේයා॑ය॒ විශ්වාන්॑ .. 43 ..

ද්යෞඃ පි॑තඃ॒ පෘථි॑වි॒ මාත॒රද්ධ්රු॑ක් . අග්නේ᳚ භ්රාතර්වසවෝ මෘ॒ඩතා॑ නඃ . විශ්ව॑ ආදිත්යා ආදිතේ ස॒ජෝෂාඃ᳚ . අ॒ස්මභ්ය॒ග්ං॒ ශර්ම॑ බහු॒ලං-විँය॑න්ත .. විශ්වේ॑ දේවා-ශ්ශෘණු॒තේමග්ං හව॑-ම්මේ . යේ අ॒න්තරි॑ක්ෂේ॒ ය උප॒ ද්යවි॒ ෂ්ඨ . යේ අ॑ග්නිජි॒හ්වා උ॒ත වා॒ යජ॑ත්රාඃ . ආ॒ස-ද්යා॒ස්මි-න්බ॒ර්॒හිෂි॑ මාදයද්ධ්වම් .. ආ වා᳚-ම්මිත්රාවරුණා හ॒ව්යජු॑ෂ්ටිම් . නම॑සා දේවා॒ වව॑සා-(අ)(අ)වවෘත්යාම් .. 44 ..

අ॒ස්මාක॒-ම්බ්රහ්ම॒ පෘත॑නාසු සහ්යා අ॒ස්මාක᳚ම් . වෘ॒ෂ්ටි-ර්දි॒ව්යා සු॑පා॒රා .. යු॒වං-වँස්ත්රා॑ණි පීව॒සා ව॑සාථේ . යු॒වෝරච්ඡි॑ද්රා॒ මන්ත॑වෝ හ॒ සර්ගාඃ᳚ . අවා॑තිරත॒මනෘ॑තානි॒ විශ්වා᳚ . ඍ॒තේන॑ මිත්රාවරුණා සචේථේ .. තථ්සු වා᳚-ම්මිත්රාවරුණා මහි॒ත්වම් . ඊ॒ර්මා ත॒ස්ථුෂී॒රහ॑භි-ර්දුදුහ්රේ . විශ්වාඃ᳚ පින්වථ॒ ස්වස॑රස්ය॒ ධේනාඃ᳚ . අනු॑ වා॒මේකඃ॑ ප॒විරාව॑වර්ති .. 45 ..

යද්බග්ංහි॑ෂ්ඨ॒-න්නාති॒විදේ॑ සුදානූ . අච්ඡි॑ද්ර॒ග්ං॒ ශර්ම॒ භුව॑නස්ය ගෝපා . තතෝ॑ නෝ මිත්රාවරුණා-වවීෂ්ටම් . සිෂා॑සන්තෝ ජීගි॒වාග්ංසඃ॑ ස්යාම .. ආ නෝ॑ මිත්රාවරුණා හ॒ව්යදා॑තිම් . ඝෘ॒තෛ-ර්ගව්යූ॑තිමුක්ෂත॒මිඩා॑භිඃ . ප්රති॑ වා॒මත්ර॒ වර॒මා ජනා॑ය . පෘ॒ණී॒තමු॒ද්ගෝ දි॒ව්යස්ය॒ චාරෝඃ᳚ .. ප්ර බා॒හවා॑ සිසෘත-ඤ්ජී॒වසේ॑ නඃ . ආ නෝ॒ ගව්යූ॑තිමුක්ෂත-ඞ්ඝෘ॒තේන॑ .. 46 ..

ආ නෝ॒ ජනේ᳚ ශ්රවයතං-යුँවානා . ශ්රු॒ත-ම්මේ॑ මිත්රාවරුණා॒ හවේ॒මා .. ඉ॒මා රු॒ද්රාය॑ ස්ථි॒රධ॑න්වනේ॒ ගිරඃ॑ . ක්ෂි॒ප්රේෂ॑වේ දේ॒වාය॑ ස්ව॒ධාම්නේ᳚ . අෂා॑ඪාය॒ සහ॑මානාය මී॒ඪුෂේ᳚ . ති॒ග්මායු॑ධාය භරතා ශෘ॒ණෝත॑න .. ත්වා ද॑ත්තේභී රුද්ර॒ ශන්ත॑මේභිඃ . ශ॒තග්ං හිමා॑ අශීය භේෂ॒ජේභිඃ॑ . ව්ය॑ස්මද්ද්වේෂෝ॑ විත॒රං-ව්යँග්ංහඃ॑ . ව්යමී॑වාග් ශ්චාතයස්වා॒ විෂූ॑චීඃ .. 47 ..

අර්හ॑න්බිභර්ෂි॒ සාය॑කානි॒ ධන්ව॑ . අර්හ॑න්නි॒ෂ්කං-යँ॑ජ॒තං-විँ॒ශ්වරූ॑පම් . අර්හ॑න්නි॒දන්ද॑යසේ॒ විශ්ව॒මබ්භු॑වම් . න වා ඕජී॑යෝ රුද්ර॒ ත්වද॑ස්ති .., මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ . වී॒රා-න්මානෝ॑ රුද්ර භාමි॒තෝ ව॑ධීර්හ॒විෂ්ම॑න්තෝ॒ නම॑සා විධේම තේ .... ආ තේ॑ පිතර්මරුතාග්ං සු॒ම්නමේ॑තු . මා න॒-ස්සූර්ය॑ස්ය ස॒දෘංශෝ॑ යුයෝථාඃ . අ॒භි නෝ॑ වී॒රෝ අර්ව॑ති ක්ෂමේත . ප්රජා॑යේමහි රුද්ර ප්ර॒ජාභිඃ॑ .. ඒ॒වා බ॑භ්රෝ වෘෂභ චේකිතාන . යථා॑ දේව॒ න හෘ॑ණී॒ෂේ න හග්ංසි॑ . හා॒ව॒න॒ශ්රූර්නෝ॑ රුද්රේ॒හ බෝ॑ධි . බෘ॒හද්ව॑දේම වි॒දථේ॑ සු॒වීරාඃ᳚ .. පරි॑ණෝ රු॒ද්රස්ය॑ හේ॒ති ර්වෘ॑ණක්තු॒ පරි॑ත්වේ॒ෂස්ය॑ දුර්ම॒තිර॑ඝා॒යෝඃ . අව॑ ස්ථි॒රා ම॒ඝව॑ද්භ්ය-ස්තනුෂ්ව॒ මීඪ්ව॑ස්තෝ॒කාය॒ තන॑යාය මෘඩය .., ස්තු॒හි ශ්රු॒ත-ඞ්ග॑ර්ත॒සදං॒-යුँවා॑න-ම්මෘ॒ග-න්න භී॒ම-මු॑පහ॒ත්නු-මු॒ග්රම් . මෘ॒ඩා ජ॑රි॒ත්රේ රු॑ද්ර॒ ස්තවා॑නෝ අ॒න්යන්තේ॑ අ॒ස්මන්නිව॑පන්තු॒ සේනාඃ᳚ .. . මීඪු॑ෂ්ටම॒ ශිව॑තම ශි॒වෝ නඃ॑ සු॒මනා॑ භව .ප॒ර॒මේ වෘ॒ක්ෂ ආයු॑ධ-න්නි॒ධාය॒ කෘත්තිං॒-වँසා॑න॒ ආච॑ර॒ පිනා॑ක॒ම්බිභ්ර॒දාග॑හි .. අර්හ॑න්බිභර්ෂි॒ සාය॑කානි॒ ධන්ව॑ . අර්හ॑න්නි॒ෂ්කං-යँ॑ජ॒තං-විँ॒ශ්වරූ॑පම් . අර්හ॑න්නි॒දන්ද॑යසේ॒ විශ්ව॒මබ්භු॑වම් . න වා ඕජී॑යෝ රුද්ර॒ ත්වද॑ස්ති ... ත්වම॑ග්නේ රු॒ද්රෝ අසු॑රෝ ම॒හෝ දි॒වස්ත්වග්ං ශර්ධෝ॒ මාරු॑ත-ම්පෘ॒ක්ෂ ඊ॑ශිෂේ . ත්වං-වාँතෛ॑රරු॒ණෛර්යා॑සි ශඞ්ග॒යස්ත්ව-ම්පූ॒ෂා වි॑ධ॒තඃ පා॑සි॒ නුත්මනා᳚ .., ආ වෝ॒ රාජා॑නමධ්ව॒රස්ය॑ රු॒ද්රග්ං හෝතා॑රග්ං සත්ය॒යජ॒ග්ං॒ රෝද॑ස්යෝඃ . අ॒ග්නි-ම්පු॒රා ත॑නයි॒ත්නෝ ර॒චිත්තා॒-ද්ධිර॑ණ්යරූප॒මව॑සේ කෘණුධ්වම් .. .. 48 ..

(වසූ॑නි - තතා - නාස්තු॒ - විශ්වාන්॑.-වවෘත්යාංවँවර්ති-ඝෘ॒තේන॒-විෂූ॑චීඃ-ශ්රු॒ත-න්ද්වේ ච॑) (අ. 6)

අනුවාකං 7 - සෞර්යාදිපශූනාං සූක්තානි

සූර්යෝ॑ දේ॒වීමු॒ෂස॒ග්ං රෝච॑මානා॒ මර්යඃ॑ . න යෝෂා॑ම॒භ්යේ॑ති ප॒ශ්චාත් . යත්රා॒ නරෝ॑ දේව॒යන්තෝ॑ යු॒ගානි॑ . වි॒ත॒න්වතේ॒ ප්රති॑ භ॒ද්රාය॑ භ॒ද්රම් .. භ॒ද්රා අශ්වා॑ හ॒රිත॒-ස්සූර්ය॑ස්ය . චි॒ත්රා ඒද॑ග්වා අනු॒මාද්යා॑සඃ . න॒ම॒ස්යන්තෝ॑ දි॒ව ආ පෘ॒ෂ්ඨම॑ස්ථුඃ .

පරි॒ ද්යාවා॑පෘථි॒වී ය॑න්ති ස॒ද්යඃ .. ත-ථ්සූර්ය॑ස්ය දේව॒ත්ව-න්ත-න්ම॑හි॒ත්වම් . ම॒ද්ධ්යා කර්තෝ॒-ර්විත॑ත॒ග්ං॒ සඤ්ජ॑භාර .. 49 ..

ය॒දේදයු॑ක්ත හ॒රිතඃ॑ ස॒ධස්ථා᳚ත් . ආද්රාත්රී॒ වාස॑ස්තනුතේ සි॒මස්මෛ᳚ .. ත-න්මි॒ත්රස්ය॒ වරු॑ණස්යාභි॒චක්ෂේ᳚ . සූර්යෝ॑ රූ॒ප-ඞ්කෘ॑ණුතේ॒ ද්යෝරු॒පස්ථේ᳚ . අ॒න॒න්තම॒න්ය-ද්රුශ॑දස්ය॒ පාජඃ॑ . කෘ॒ෂ්ණම॒න්යද්ධ॒රිත॒-ස්සම්භ॑රන්ති .. අ॒ද්යා දේ॑වා॒ උදි॑තා॒ සූර්ය॑ස්ය . නිරග්ංහ॑සඃ පිපෘ॒තාන්නිර॑ව॒ද්යාත් . තන්නෝ॑ මි॒ත්රෝ වරු॑ණෝ මාමහන්තාම් . අදි॑ති॒-ස්සින්ධුඃ॑ පෘථි॒වී උ॒ත ද්යෞඃ .. 50 ..

දි॒වෝ රු॒ක්ම උ॑රු॒චක්ෂා॒ උදේ॑ති . දූ॒රේ අ॑ර්ථස්ත॒රණි॒-ර්භ්රාජ॑මානඃ . නූ॒න-ඤ්ජනා॒-ස්සූර්යේ॑ණ॒ ප්රසූ॑තාඃ . ආයන්නර්ථා॑නි කෘ॒ණව॒න්නපාග්ං॑සි .. ශ-න්නෝ॑ භව॒ චක්ෂ॑සා॒ ශ-න්නෝ॒ අහ්නා᳚ . ශ-ම්භා॒නුනා॒ ශග්ං හි॒මා ශ-ඞ්ඝෘ॒ණේන॑ . යථා॒ ශම॒ස්මෛ ශමස॑-ද්දුරෝ॒ණේ . ත-ථ්සූ᳚ර්ය॒ ද්රවි॑ණ-න්ධේ॒හි චි॒ත්රම් .. චි॒ත්ර-න්දේ॒වානා॒-මුද॑ගා॒දනී॑කම් . චක්ෂු॑ර්මි॒ත්රස්ය॒ වරු॑ණස්යා॒ග්නේඃ .. 51 ..

ආ-(අ)ප්රා॒ ද්යාවා॑පෘථි॒වී අ॒න්තරි॑ක්ෂම් . සූර්ය॑ ආ॒ත්මා ජග॑තස්ත॒ස්ථුෂ॑ශ්ච .. ත්වෂ්ටා॒ දධ॒දින්ද්රා॑ය॒ ශුෂ්ම᳚ම් . අපා॒කෝ-(අ)චි॑ෂ්ටුර්ය॒ශසේ॑ පු॒රූණි॑ . වෘෂා॒ යජ॒න් වෘෂ॑ණ॒-ම්භූරි॑රේතාඃ . මූ॒ර්ධන්. ය॒ජ්ඤස්ය॒ සම॑නක්තු දේ॒වාන් .., තන්න॑ස්තු॒රීප॒මධ॑ පෝෂයි॒ත්නු දේව॑ ත්වෂ්ට॒ර්වි ර॑රා॒ණ-ස්ස්ය॑ස්ව . යතෝ॑ වී॒රඃ ක॑ර්ම॒ණ්යඃ॑ සු॒දක්ෂෝ॑ යු॒ක්තග්රා॑වා॒ ජාය॑තේ දේ॒වකා॑මඃ .. . ත්වෂ්ටා॑ වී॒ර-න්දේ॒වකා॑ම-ඤ්ජජාන॒ ත්වෂ්ටු॒රර්වා॑ ජායත ආ॒ශුරශ්වඃ॑ . ත්වෂ්ටේ॒දං-විँශ්ව॒-ම්භුව॑න-ඤ්ජජාන බ॒හෝඃ ක॒ර්තාර॑මි॒හ ය॑ක්ෂි හෝතඃ .. පි॒ශඞ්ග॑රූප-ස්සු॒භරෝ॑ වයෝ॒ධා-ශ්ශ්රු॒ෂ්ටී වී॒රෝ ජා॑යතේ දේ॒වකා॑මඃ . ප්ර॒ජා-න්ත්වෂ්ටා॒ විෂ්ය॑තු॒ නාභි॑ම॒ස්මේ අථා॑ දේ॒වානා॒මප්යේ॑තු॒ පාථඃ॑ .. .. දශේ॒ම-න්ත්වෂ්ටු॑ර්ජනයන්ත॒ ගර්භ᳚ම් . අත॑න්ද්රාසෝ යුව॒තයෝ॒ බිභ॑ර්ත්රම් . ති॒ග්මානී॑ක॒ග්ග්॒ ස්වය॑ශස॒-ඤ්ජනේ॑ෂු . වි॒රෝච॑මාන॒-ම්පරි॑ෂී-න්නයන්ති .. ආවිෂ්ට්යෝ॑ වර්ධතේ॒ චාරු॑රාසු . ජි॒හ්මානා॑මූ॒ර්ධ්ව-ස්ස්වය॑ශා උ॒පස්ථේ᳚ .. 52 ..

උ॒භේ ත්වෂ්ටු॑ර්බිභ්යතු॒-ර්ජාය॑මානාත් . ප්ර॒තීචී॑ සි॒ග්ං॒හ-ම්ප්රති॑ජෝෂයේතේ .. මි॒ත්රෝ ජනාන්॑ යාතයති ප්රජා॒න-න්මි॒ත්රෝ දා॑ධාර පෘථි॒වීමු॒ත ද්යාම් . මි॒ත්රඃ කෘ॒ෂ්ටීරනි॑මිෂා॒-(අ)භි ච॑ෂ්ටේ ස॒ත්යාය॑ හ॒ව්ය-ඞ්ඝෘ॒තව॑-ද්විධේම .., ප්ර ස මි॑ත්ර॒ මර්තෝ॑ අස්තු॒ ප්රය॑ස්වා॒න් යස්ත॑ ආදිත්ය॒ ශික්ෂ॑ති ව්ර॒තේන॑ . න හ॑න්යතේ॒ න ජී॑යතේ॒ ත්වෝතෝ॒ නෛන॒මග්ංහෝ॑ අශ්නෝ॒ත්යන්ති॑තෝ॒ න දූ॒රාත් .. .. අ॒ය-ම්මි॒ත්රෝ න॑ම॒ස්යඃ॑ සු॒ශේවඃ॑ . රාජා॑ සුක්ෂ॒ත්රෝ අ॑ජනිෂ්ට වේ॒ධාඃ . තස්ය॑ ව॒යග්ං සු॑ම॒තෞ ය॒ජ්ඤිය॑ස්ය . අපි॑ භ॒ද්රේ සෞ॑මන॒සේ ස්යා॑ම .. අ॒න॒මී॒වාස॒ ඉඩ॑යා॒ මද॑න්තඃ . මි॒තජ්ම॑වෝ॒ වරි॑ම॒න්නා පෘ॑ථි॒ව්යාඃ . ආ॒දි॒ත්යස්ය॑ ව්ර॒තමු॑ප॒ක්ෂ්යන්තඃ॑ .. 53 ..

ව॒ය-ම්මි॒ත්රස්ය॑ සුම॒තෞ ස්යා॑ම .. මි॒ත්ර-න්න ඊග්ං ශිම්යා॒ ගෝෂු॑ ග॒ව්යව॑ත් . ස්වා॒ධියෝ॑ වි॒දථේ॑ අ॒ඵ්ස්වජී॑ජනන්න් . අරේ॑ජයතා॒ග්ං॒ රෝද॑සී॒ පාජ॑සා ගි॒රා . ප්රති॑ ප්රි॒යං-යँ॑ජ॒ත-ඤ්ජ॒නුෂා॒මවඃ॑ .. ම॒හාග්ං ආ॑දි॒ත්යෝ නම॑සෝප॒සද්යඃ॑ . යා॒ත॒යජ්ජ॑නෝ ගෘණ॒තේ සු॒ශේවඃ॑ . තස්මා॑ ඒ॒ත-ත්පන්ය॑තමාය॒ ජුෂ්ට᳚ම් . අ॒ග්නෞ මි॒ත්රාය॑ හ॒විරාජු॑හෝත .. ආවා॒ග්ං॒ රථෝ॒ රෝද॑සී බද්බධා॒නඃ .. 54 ..

හි॒ර॒ණ්යයෝ॒ වෘෂ॑භිර්යා॒ත්වශ්වෛඃ᳚ . ඝෘ॒තව॑ර්තනිඃ ප॒විභී॑ රුචා॒නඃ . ඉ॒ෂාං-වෝँ॒ඪා නෘ॒පති॑ර්වා॒ජිනී॑වාන් .. ස ප॑ප්රථා॒නෝ අ॒භි පඤ්ච॒ භූම॑ . ත්රි॒ව॒න්ධු॒රෝ මන॒සා-(අ)(අ)යා॑තු යු॒ක්තඃ . විශෝ॒ යේන॒ ගච්ඡ॑ථෝ දේව॒යන්තීඃ᳚ . කුත්රා॑ චි॒ද්යාම॑මශ්විනා॒ දධා॑නා .. ස්වශ්වා॑ ය॒ශසා-(අ)(අ)යා॑තම॒ර්වාක් . දස්රා॑ නි॒ධි-ම්මධු॑මන්ත-ම්පිබාථඃ . වි වා॒ග්ං॒ රථෝ॑ ව॒ද්ධ්වා॑ යාද॑මානඃ .. 55 ..

අන්තා᳚-න්දි॒වෝ බා॑ධතේ වර්ත॒නිභ්යා᳚ම් .. යු॒වෝ-ශ්ශ්රිය॒-ම්පරි॒ යෝෂා॑ වෘණීත . සූරෝ॑ දුහි॒තා පරි॑තක්මියායාම් . ය-ද්දේ॑ව॒යන්ත॒මව॑ථ॒-ශ්ශචී॑භිඃ . පරි॑ඝ්ර॒ග්ං॒ස වා॒-ම්මනා॑ වාං॒-වँයෝ॑ ගාම් .. යෝ හ॒ ස්ය වාග්ං॑ රථිරා॒ වස්ත॑ උ॒ස්රාඃ . රථෝ॑ යුජා॒නඃ ප॑රි॒යාති॑ ව॒ර්තිඃ . තේන॑ න॒-ශ්ශං-යෝँරු॒ෂසෝ॒ ව්යු॑ෂ්ටෞ . න්ය॑ශ්විනා වහතං-යँ॒ජ්ඤේ අ॒ස්මින්න් .. යු॒ව-ම්භු॒ජ්යුමව॑විද්ධග්ං සමු॒ද්රේ .. 56 ..

උදූ॑හථු॒රර්ණ॑සෝ॒ අස්රි॑ධානෛඃ . ප॒ත॒ත්රිභි॑-රශ්ර॒මෛ-ර॑ව්ය॒ථිභිඃ॑ . ද॒ග්ං॒සනා॑භිරශ්විනා පා॒රය॑න්තා .. අග්නී॑ෂෝමා॒ යෝ අ॒ද්ය වා᳚ම් . ඉ॒දං-වँචඃ॑ සප॒ර්යති॑ . තස්මෛ॑ ධත්තග්ං සු॒වීර්ය᳚ම් . ගවා॒-ම්පෝෂ॒ග්ග්॒ ස්වශ්වි॑යම් .. යෝ අ॒ග්නීෂෝමා॑ හ॒විෂා॑ සප॒ර්යාත් . දේ॒ව॒ද්රීචා॒ මන॑සා॒ යෝ ඝෘ॒තේන॑ . තස්ය॑ ව්ර॒තග්ං ර॑ක්ෂත-ම්පා॒තමග්ංහ॑සඃ .. 57 ..

වි॒ශේ ජනා॑ය॒ මහි॒ ශර්ම॑ යච්ඡතම් .. අග්නී॑ෂෝමා॒ ය ආහු॑තිම් . යෝ වා॒-න්දාශා᳚ද්ධ॒විෂ්කෘ॑තිම් . ස ප්ර॒ජයා॑ සු॒වීර්ය᳚ම් . විශ්ව॒මායු॒-ර්ව්ය॑ශ්නවත් .. අග්නී॑ෂෝමා॒ චේති॒ ත-ද්වී॒ර්යං॑-වාँම් . යදමු॑ෂ්ණීතමව॒ස-ම්ප॒ණි-ඞ්ගෝඃ . අවා॑තිරත॒-ම්ප්රථ॑යස්ය॒ ශේෂඃ॑ . අවි॑න්දත॒-ඤ්ජ්යෝති॒රේක॑-ම්බ॒හුභ්යඃ॑ .. අග්නී॑ෂෝමා වි॒මග්ං සු මේ॑ ශෘණු॒තං-වෘँ॑ෂණා॒ හව᳚ම් . ප්රති॑ සූ॒ක්තානි॑ හර්යත॒-ම්භව॑ත-න්දා॒ශුෂේ॒ මයඃ॑ .. අග්නී॑ෂෝමා හ॒විෂඃ॒ ප්රස්ථි॑තස්ය වී॒තග්ංහර්ය॑තං-වෘँෂණා ජු॒ෂේථා᳚ම් . සු॒ශර්මා॑ණා॒ ස්වව॑සා॒ හි භූ॒තමථා॑ ධත්තං॒-යँජ॑මානාය॒ ශං-යෝඃ ँ.. .. 58 ..

(ජ॒භා॒ර॒ - ද්යෞ - ර॒ග්නේ - රු॒පස්ථ॑ - උප॒ක්ෂ්යන්තෝ॑ - බද්බධා॒නෝ-යාද॑මානඃ - සමු॒ද්රේ - (අ)ග්ංහ॑සඃ॒ - ප්රස්ථි॑තස්ය) (අ. 7)

අනුවාකං 8 - වේහදාදිපශූනාං සූක්තානි

අ॒හම॑ස්මි ප්රථම॒ජා ඍ॒තස්ය॑ . පූර්ව॑-න්දේ॒වේභ්යෝ॑ අ॒මෘත॑ස්ය॒ නාභිඃ॑ . යෝ මා॒ දදා॑ති॒ ස ඉදේ॒ව මා වාඃ᳚ . අ॒හ-මන්න॒-මන්න॑-ම॒දන්ත॑මද්මි .. පූර්ව॑-ම॒ග්නේරපි॑ දහ॒ත්යන්න᳚ම් . ය॒ත්තෞ හා॑-(අ)(අ)සාතේ අහමුත්ත॒රේෂු॑ . ව්යාත්ත॑මස්ය ප॒ශවඃ॑ සු॒ජම්භ᳚ම් . පශ්ය॑න්ති॒ ධීරාඃ॒ ප්රච॑රන්ති॒ පාකාඃ᳚ .. ජහා᳚ම්ය॒න්ය-න්න ජ॑හාම්ය॒න්යම් . අ॒හමන්නං॒-වँශ॒මිච්ච॑රාමි .. 59 ..

ස॒මා॒නමර්ථ॒-ම්පර්යේ॑මි භු॒ඤ්ජත් . කෝ මාමන්න॑-ම්මනු॒ෂ්යෝ॑ දයේත .. පරා॑කේ॒ අන්න॒-න්නිහි॑තං-ලෝँ॒ක ඒ॒තත් . විශ්වෛ᳚-ර්දේ॒වෛඃ පි॒තෘභි॑-ර්ගු॒ප්තමන්න᳚ම් . යද॒ද්යතේ॑ ලු॒ප්යතේ॒ ය-ත්ප॑රෝ॒ප්යතේ᳚ . ශ॒ත॒ත॒මී සා ත॒නූර්මේ॑ බභූව .. ම॒හාන්තෞ॑ ච॒රූ ස॑කෘ-ද්දු॒ග්ධේන॑ පප්රෞ . දිව॑ඤ්ච॒ පෘශ්ඤි॑ පෘථි॒වී-ඤ්ච॑ සා॒කම් . ත-ථ්ස॒ම්පිබ॑න්තෝ॒ න මි॑නන්ති වේ॒ධසඃ॑ . නෛත-ද්භූයෝ॒ භව॑ති॒ නෝ කනී॑යඃ .. 60 ..

අන්න॑-ම්ප්රා॒ණ-මන්න॑-මපා॒න-මා॑හුඃ . අන්න॑-ම්මෘ॒ත්යු-න්තමු॑ ජී॒වාතු॑මාහුඃ . අන්න॑-ම්බ්ර॒හ්මාණෝ॑ ජ॒රසං॑-වँදන්ති . අන්න॑මාහුඃ ප්ර॒ජන॑න-ම්ප්ර॒ජානා᳚ම් .. මෝඝ॒මන්නං॑-විँන්දතේ॒ අප්ර॑චේතාඃ . ස॒ත්ය-ම්බ්ර॑වීමි ව॒ධ ඉථ්ස තස්ය॑ . නාර්ය॒මණ॒-ම්පුෂ්ය॑ති॒ නෝ සඛා॑යම් . කේව॑ලාඝෝ භවති කේවලා॒දී .. අ॒හ-ම්මේ॒ඝ-ස්ස්ත॒නය॒න්. වර්ෂ॑න්නස්මි . මාම॑දන්ත්ය॒හම॑ද්ම්ය॒න්යාන් .. 61 ..

අ॒හග්ං සද॒මෘතෝ॑ භවාමි . මදා॑දි॒ත්යා අධි॒ සර්වේ॑ තපන්ති .. සා නෝ॑ ම॒න්ද්රේෂ॒මූර්ජ॒-න්දුහා॑නා . ධේ॒නුර්වාග॒ස්මානුප॒ සුෂ්ටු॒තෛතු॑ .., ය-ද්වාග්වද॑න්ත්ය-විචේත॒නානි॑ . රාෂ්ට්රී॑ දේ॒වානා᳚-න්නිෂ॒සාද॑ ම॒න්ද්රා . චත॑ස්ර॒ ඌර්ජ॑-න්දුදුහේ॒ පයාග්ං॑සි . ක්ව॑ ස්වි දස්යාඃ පර॒ම-ඤ්ජ॑ගාම .. .. අ॒න॒න්තා-මන්තා॒දධි॒ නිර්මි॑තා-ම්ම॒හීම් . යස්යා᳚-න්දේ॒වා අ॑දධු॒-ර්භෝජ॑නානි . ඒකා᳚ක්ෂරා-න්ද්වි॒පදා॒ග්ං॒ ෂට්ප॑දාඤ්ච . වාච॑-න්දේ॒වා උප॑ජීවන්ති॒ විශ්වේ᳚ .. වාච॑-න්දේ॒වා උප॑ජීවන්ති॒ විශ්වේ᳚ . වාච॑-ඞ්ගන්ධ॒ර්වාඃ ප॒ශවෝ॑ මනු॒ෂ්යාඃ᳚ . වා॒චීමා විශ්වා॒ භුව॑නා॒න්යර්පි॑තා .. 62 ..

සා නෝ॒ හව॑-ඤ්ජුෂතා॒-මින්ද්ර॑පත්නී .. වාග॒ක්ෂර॑-ම්ප්රථම॒ජා ඍ॒තස්ය॑ . වේදා॑නා-ම්මා॒තා-(අ)මෘත॑ස්ය॒ නාභිඃ॑ . සා නෝ॑ ජුෂා॒ණෝප॑ ය॒ජ්ඤමාගා᳚ත් . අව॑න්තී දේ॒වී සු॒හවා॑ මේ අස්තු .. යා මෘෂ॑යෝ මන්ත්ර॒කෘතෝ॑ මනී॒ෂිණඃ॑ . අ॒න්වෛච්ඡ॑-න්දේ॒වා-ස්තප॑සා॒ ශ්රමේ॑ණ . තා-න්දේ॒වීං-වාँචග්ං॑ හ॒විෂා॑ යජාමහේ . සා නෝ॑ දධාතු සුකෘ॒තස්ය॑ ලෝ॒කේ .. ච॒ත්වාරි॒ වා-ක්පරි॑මිතා ප॒දානි॑ .. 63 ..

තානි॑ විදු-ර්බ්රාහ්ම॒ණා යේ ම॑නී॒ෂිණඃ॑ . ගුහා॒ ත්රීණි॒ නිහි॑තා॒ නේඞ්ග॑යන්ති . තු॒රීයං॑-වාँ॒චෝ ම॑නු॒ෂ්යා॑ වදන්ති .. ශ්ර॒ද්ධයා॒-(අ)ග්නි-ස්සමි॑ද්ධ්යතේ . ශ්ර॒ද්ධයා॑ වින්දතේ හ॒විඃ . ශ්ර॒ද්ධා-ම්භග॑ස්ය මූ॒ර්ධනි॑ . වච॒සා (අ)(අ)වේ॑දයාමසි .. ප්රි॒යග්ග් ශ්ර॑ද්ධේ॒ දද॑තඃ . ප්රි॒යග්ග් ශ්ර॑ද්ධේ॒ දිදා॑සතඃ . ප්රි॒ය-ම්භෝ॒ජේෂු॒ යජ්ව॑සු .. 64 ..

ඉ॒ද-ම්ම॑ උදි॒ත-ඞ්කෘ॑ධි .. යථා॑ දේ॒වා අසු॑රේෂු . ශ්ර॒ද්ධා-මු॒ග්රේෂු॑ චක්රි॒රේ . ඒ॒ව-ම්භෝ॒ජේෂු॒ යජ්ව॑සු . අ॒ස්මාක॑-මුදි॒ත-ඞ්කෘ॑ධි .. ශ්ර॒ද්ධා-න්දේ॑වා॒ යජ॑මානාඃ . වා॒යුගෝ॑පා॒ උපා॑සතේ . ශ්ර॒ද්ධාග්ං හෘ॑ද॒ය්ය॑යා-(අ)(අ)කූ᳚ත්යා . ශ්ර॒ද්ධයා॑ හූයතේ හ॒විඃ .. ශ්ර॒ද්ධා-ම්ප්රා॒තර්-හ॑වාමහේ .. 65 ..

ශ්ර॒ද්ධා-ම්ම॒ද්ධ්යන්දි॑න॒-ම්පරි॑ . ශ්ර॒ද්ධාග්ං සූර්ය॑ස්ය නි॒ම්රුචි॑ . ශ්රද්ධේ॒ ශ්රද්ධා॑පයේ॒හ මා᳚ .. ශ්ර॒ද්ධා දේ॒වා-නධි॑වස්තේ . ශ්ර॒ද්ධා විශ්ව॑මි॒ද-ඤ්ජග॑ත් . ශ්ර॒ද්ධා-ඞ්කාම॑ස්ය මා॒තර᳚ම් . හ॒විෂා॑ වර්ධයාමසි .. බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා᳚ත් . වි සී॑ම॒ත-ස්සු॒රුචෝ॑ වේ॒න ආ॑වඃ . ස බු॒ද්ධ්නියා॑ උප॒මා අ॑ස්ය වි॒ෂ්ඨාඃ .. 66 ..

ස॒තශ්ච॒ යෝනි॒-මස॑තශ්ච॒ විවඃ॑ .. පි॒තා වි॒රාජා॑මෘෂ॒භෝ ර॑යී॒ණාම් . අ॒න්තරි॑ක්ෂං-විँ॒ශ්වරූ॑ප॒ ආවි॑වේශ . තම॒ර්කෛ-ර॒භ්ය॑ර්චන්ති ව॒ථ්සම් . බ්රහ්ම॒ සන්ත॒-ම්බ්රහ්ම॑ණා ව॒ර්ධය॑න්තඃ .. බ්රහ්ම॑ දේ॒වාන॑ජනයත් . බ්රහ්ම॒ විශ්ව॑මි॒ද-ඤ්ජග॑ත් . බ්රහ්ම॑ණඃ, ක්ෂ॒ත්ර-න්නිර්මි॑තම් . බ්රහ්ම॑ බ්රාහ්ම॒ණ ආ॒ත්මනා᳚ .. අ॒න්තර॑ස්මි-න්නි॒මේ ලෝ॒කාඃ .. 67 ..

අ॒න්ත-ර්විශ්ව॑මි॒ද-ඤ්ජග॑ත් . බ්රහ්මෛ॒ව භූ॒තානා॒-ඤ්ජ්යේෂ්ඨ᳚ම් . තේන॒ කෝ॑-(අ)ර්හති॒ ස්පර්ධි॑තුම් .. බ්රහ්ම॑-න්දේ॒වා-ස්ත්රය॑ස්ත්රිග්ංශත් . බ්රහ්ම॑න්නින්ද්ර ප්රජාප॒තී . බ්රහ්ම॑න්. හ॒ විශ්වා॑ භූ॒තානි॑ . නා॒වී වා॒න්ත-ස්ස॒මාහි॑තා .. චත॑ස්ර॒ ආශාඃ॒ ප්රච॑රන්ත්ව॒-ග්නයඃ॑ . ඉ॒මන්නෝ॑ ය॒ජ්ඤ-න්න॑යතු ප්රජා॒නන්න් . ඝෘ॒ත-ම්පින්ව॑න්න॒ජරග්ං॑ සු॒වීර᳚ම් .. 68 ..

බ්රහ්ම॑ ස॒මි-ද්භ॑ව॒ත්යාහු॑තීනාම් .. ආ ගාවෝ॑ අග්මන්නු॒ත භ॒ද්රම॑ක්රන්න් . සීද॑න්තු ගෝ॒ෂ්ඨේ ර॒ණය॑න්ත්ව॒ස්මේ . ප්ර॒ජාව॑තීඃ පුරු॒රූපා॑ ඉ॒හ ස්යුඃ . ඉන්ද්රා॑ය පූ॒ර්වී රු॒ෂසෝ॒ දුහා॑නාඃ .. ඉන්ද්රෝ॒ යජ්ව॑නේ පෘණ॒තේ ච॑ ශික්ෂති . උපේද්ද॑දාති॒ න ස්ව-ම්මු॑ෂායති . භූයෝ॑ භූයෝ ර॒යිමිද॑ස්ය ව॒ර්ධයන්න්॑ . අභි॑න්නේ ඛි॒ල්ලේ නිද॑ධාති දේව॒යුම් .. න තා න॑ශන්ති॒ න ද॑භාති॒ තස්ක॑රඃ . නෛනා॑ අමි॒ත්රෝ ව්යථි॒රාද॑ධර්ෂති . දේ॒වාග්ශ්ච॒ යාභි॒-ර්යජ॑තේ॒ දදා॑ති ච . ජ්යෝගිත්තාභිඃ॑ සචතේ॒ ගෝප॑ති-ස්ස॒හ .., න තා අර්වා॑ රේ॒ණුක॑කාටෝ අශ්නුතේ . න සග්ග්॑ ස්කෘත॒ත්ර-මුප॑යන්ති॒ තා අ॒භි . උ॒රු॒ගා॒යමභ॑ය॒-න්තස්ය॒ තා අනු॑ . ගාවෝ॒ මර්ත්ය॑ස්ය॒ විච॑රන්ති॒ යජ්ව॑නඃ .. .. 69 ..

ගාවෝ॒ භගෝ॒ ගාව॒ ඉන්ද්රෝ॑ මේ අච්ඡාත් . ගාව॒-ස්සෝම॑ස්ය ප්රථ॒මස්ය॑ භ॒ක්ෂඃ . ඉ॒මා යා ගාව॒-ස්සජ॑නාස॒ ඉන්ද්රඃ॑ . ඉ॒ච්ඡාමීද්ධෘ॒දා මන॑සා චි॒දින්ද්ර᳚ම් .. යූ॒ය-ඞ්ගා॑වෝ මේදයථා කෘ॒ශ-ඤ්චි॑ත් . අ॒ශ්ලී॒ල-ඤ්චි॑-ත්කෘණුථා සු॒ප්රතී॑කම් . භ॒ද්ර-ඞ්ගෘ॒හ-ඞ්කෘ॑ණුථ භද්රවාචඃ . බෘ॒හද්වෝ॒ වය॑ උච්යතේ ස॒භාසු॑ .. ප්ර॒ජාව॑තී-ස්සූ॒යව॑සග්ං රි॒ශන්තීඃ᳚ (රු॒ශන්තීඃ᳚) . ශු॒ද්ධා අ॒ප-ස්සු॑ප්රපා॒ණේ පිබ॑න්තීඃ . මා වඃ॑ ස්තේ॒න ඊ॑ශත॒ මා-(අ)ඝශග්ං॑සඃ . පරි॑වෝ හේ॒තී රු॒ද්රස්ය॑ වෘඤ්ජ්යාත් .. උපේ॒ද-මු॑ප॒පර්ච॑නම් . ආ॒සු ගෝෂූප॑පෘච්යතාම් . උප॑ර්ෂ॒භස්ය॒ රේත॑සි . උපේ᳚න්ද්ර॒ තව॑ වී॒ර්යේ᳚ .. 70 ..

(ච॒රා॒මි॒ - කනී॑යෝ॒ - (අ)න්යා - නර්පි॑තා - ප॒දානි॒ - යජ්ව॑සු - හවාමහේ - වි॒ෂ්ඨා - ලෝ॒කාඃ - සු॒වීර॒ - මර්වා॒ - පිබ॑න්තී॒-ෂ්ෂට්ච॑) (අ. 8)

අනුවාකං 9 - ශුක්ලකෘෂ්ණපශ්වාදීනාං සූක්තානි

තා සූ᳚ර්යා චන්ද්ර॒මසා॑ විශ්ව॒භෘත්ත॑මා ම॒හත් . තේජෝ॒ වසු॑ම-ද්රාජතෝ දි॒වි . සාමා᳚ත්මානා චරත-ස්සාමචා॒රිණා᳚ . යයෝ᳚ර්ව්ර॒ත-න්න ම॒මේ ජාතු॑ දේ॒වයෝඃ᳚ .. උ॒භාවන්තෞ॒ පරි॑යාත॒ අර්ම්යා᳚ . දි॒වෝ න ර॒ශ්මීග් ස්ත॑නු॒තෝ-ව්ය॑ර්ණ॒වේ . උ॒භා භු॑ව॒න්තී භුව॑නා ක॒වික්ර॑තූ . සූර්යා॒ න ච॒න්ද්රා ච॑රතෝ හ॒තාම॑තී .. පතී᳚ ද්යු॒ම-ද්වි॑ශ්ව॒විදා॑ උ॒භා දි॒වඃ . සූර්යා॑ උ॒භා ච॒න්ද්රම॑සා විචක්ෂ॒ණා .. 71 ..

වි॒ශ්වවා॑රා වරිවෝ॒භා වරේ᳚ණ්යා . තා නෝ॑-(අ)වත-ම්මති॒මන්තා॒ මහි॑ව්රතා .. වි॒ශ්ව॒වප॑රී ප්ර॒තර॑ණා තර॒න්තා . සු॒ව॒ර්විදා॑ දෘ॒ශයේ॒ භූරි॑රශ්මී . සූර්යා॒ හි ච॒න්ද්රා වසු॑ත්වේ॒ෂ-ද॑ර්ශතා . ම॒න॒ස්විනෝ॒භා-(අ)නු॑ චර॒තෝ නු॒ ස-න්දිව᳚ම් .. අ॒ස්ය ශ්රවෝ॑ න॒ද්යඃ॑ ස॒ප්ත බි॑භ්රති . ද්යාවා॒ ක්ෂාමා॑ පෘථි॒වී ද॑ර්ශ॒තං-වँපුඃ॑ . අ॒ස්මේ සූ᳚ර්යා චන්ද්ර॒මසා॑-(අ)භි॒චක්ෂේ᳚ . ශ්ර॒ද්ධේ කමි॑න්ද්ර චරතෝ විචර්තු॒රම් .. 72 ..

පූ॒ර්වා॒ප॒ර-ඤ්ච॑රතෝ මා॒ය යෛ॒තෞ . ශිශූ॒ ක්රීඩ॑න්තෞ॒ පරි॑යාතෝ අද්ධ්ව॒රම් . විශ්වා᳚න්ය॒න්යෝ භුව॑නා (අ)භි॒චෂ්ටේ᳚ . ඍ॒තූන॒න්යෝ වි॒දධ॑ජ්ජායතේ॒ පුනඃ॑ .. හිර॑ණ්යවර්ණා॒-ශ්ශුච॑යඃ පාව॒කා යාසු॑ ජා॒තඃ ක॒ශ්යපෝ॒ යාස්වින්ද්රඃ॑ . අ॒ග්නිං-යාँ ගර්භ॑-න්දධි॒රේ විරූ॑පා॒ස්තා න॒ ආප॒-ශ්ශග්ග් ස්යෝ॒නා භ॑වන්තු ..,

යාසා॒ග්ං॒ රාජා॒ වරු॑ණෝ॒ යාති॒ මධ්යේ॑ සත්යානෘ॒තේ අ॑ව॒පශ්ය॒න් ජනා॑නාම් . ම॒ධු॒ශ්චුත॒-ශ්ශුච॑යෝ॒ යාඃ පා॑ව॒කාස්තා න॒ ආප॒-ශ්ශග්ග් ස්යෝ॒නා භ॑වන්තු .. . යාසා᳚-න්දේ॒වා දි॒වි කෘ॒ණ්වන්ති॑ භ॒ක්ෂං-යාँ අ॒න්තරි॑ක්ෂේ බහු॒ධා භව॑න්ති . යාඃ පෘ॑ථි॒වී-ම්පය॑සෝ॒න්දන්ති॑ශු॒ක්රාස්තා න॒ ආප॒-ශ්ශග්ග් ස්යෝ॒නා භ॑වන්තු .., ශි॒වේන॑ මා॒ චක්ෂු॑ෂා පශ්යතා-(අ)(අ)ප-ශ්ශි॒වයා॑ ත॒නුවෝප॑ ස්පෘශත॒ ත්වච॑-ම්මේ . සර්වාග්ං॑ අ॒ග්නීග්ං ර॑ඵ්සු॒ෂදෝ॑ හුවේ වෝ॒ මයි॒ වර්චෝ॒ බල॒මෝජෝ॒ නි ධ॑ත්ත .. . ආපෝ॑ භ॒ද්රා ඝෘ॒තමිදාප॑ ආසුර॒ග්නී-ෂෝමෞ॑ බිභ්ර॒ත්යාප॒ ඉ-ත්තාඃ . තී॒ව්රෝ රසෝ॑ මධු॒පෘචා॑ -මරඞ්ග॒ම ආ මා᳚ ප්රා॒ණේන॑ ස॒හ වර්ච॑සා ගන්න් .., ආදි-ත්ප॑ශ්යාම්යු॒ත වා॑ ශෘණෝ॒ම්යා මා॒ ඝෝෂෝ॑ ගච්ඡති॒ වාන්න॑ ආසාම් . මන්යේ॑ භේජා॒නෝ අ॒මෘත॑ස්ය॒ තර්හි॒ හිර॑ණ්යවර්ණා॒ අතෘ॑පං-යँ॒දා වඃ॑ .. .. නාස॑දාසී॒න්නෝ සදා॑සී-ත්ත॒දානී᳚ම් . නාසී॒-ද්රජෝ॒ නෝ ව්යෝ॑මාප॒රෝ යත් . කිමාව॑රීවඃ॒ කුහ॒ කස්ය॒ ශර්මන්න්॑ .. 73 ..

අම්භඃ॒ කිමා॑සී॒-ද්ගහ॑න-ඞ්ගභී॒රම් .. න මෘ॒ත්යුර॒මෘත॒-න්තර්හි॒ න . රාත්රි॑යා॒ අහ්න॑ ආසී-ත්ප්රකේ॒තඃ . ආනී॑දවා॒තග්ග් ස්ව॒ධයා॒ තදේක᳚ම් . තස්මා᳚-ද්ධා॒න්ය-න්න ප॒රඃ (ප॒රං) කිඤ්ච॒ නාස॑ .. තම॑ ආසී॒-ත්තම॑සා ගූ॒ඪමග්රේ᳚ ප්රකේ॒තම් . ස॒ලි॒ලග්ං සර්ව॑මා ඉ॒දම් . තු॒ච්ඡේ නා॒භ්වපි॑හිතQං-යँදාසී᳚ත් . තම॑ස॒ ස්තන්ම॑හි॒නා ජා॑ය॒තෛක᳚ම් .. කාම॒ස්තදග්රේ॒ සම॑වර්ත॒තාධි॑ .. 74 ..

මන॑සෝ॒ රේතඃ॑ ප්රථ॒මං-යँදාසී᳚ත් . ස॒ තෝ බන්ධු॒මස॑ති॒ නිර॑වින්දන්න් (නිර॑විදන්න්) . හෘ॒දි ප්ර॒තීෂ්යා॑ ක॒වයෝ॑ මනී॒ෂා .. ති॒ර॒ශ්චීනෝ॒ විත॑තෝ ර॒ශ්මිරේ॑ෂාම් . අ॒ධ-ස්ස්වි॑දා॒සී(3) දු॒පරි॑ ස්විදාසී(3)ත් . රේ॒තෝ॒ධා ආ॑ස-න්මහි॒මාන॑ ආසන්න් . ස්ව॒ධා අ॒වස්තා॒-ත්ප්රය॑තිඃ ප॒රස්තා᳚ත් .. කෝ අ॒ද්ධා වේ॑ද॒ ක ඉ॒හ ප්රවෝ॑චත් . කුත॒ ආජා॑තා॒ කුත॑ ඉ॒යං-විँසෘ॑ෂ්ටිඃ . අ॒ර්වාග්දේ॒වා අ॒ස්ය වි॒සර්ජ॑නාය .. 75 ..

අථා॒ කෝ වේ॑ද॒ යත॑ ආබ॒භූව॑ .. ඉ॒යං-විँසෘ॑ෂ්ටි॒-ර්යත॑ ආබ॒භූව॑ . යදි॑ වා ද॒ධේ යදි॑ වා॒ න . යෝ අ॒ස්යාද්ධ්ය॑ක්ෂඃ පර॒මේ ව්යෝ॑මන්න් . සෝ අ॒ඞ්ග වේ॑ද॒ යදි॑ වා॒ න වේද॑ .. කිග්ග්ස්වි॒ද්වන॒-ඞ්ක උ॒ ස වෘ॒ක්ෂ ආ॑සීත් . යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ . මනී॑ෂිණෝ॒ මන॑සා පෘ॒ච්ඡතේදු॒ තත් . යද॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ .. බ්රහ්ම॒ වන॒-ම්බ්රහ්ම॒ ස වෘ॒ක්ෂ ආ॑සීත් .. 76 ..

යතෝ॒ ද්යාවා॑පෘථි॒වී නි॑ෂ්ටත॒ක්ෂුඃ . මනී॑ෂිණෝ॒ මන॑සා॒ විබ්ර॑වීමි වඃ . බ්රහ්මා॒ද්ධ්යති॑ෂ්ඨ॒-ද්භුව॑නානි ධා॒රයන්න්॑ .. ප්රා॒තර॒ග්නි-ම්ප්රා॒තරින්ද්රග්ං॑ හවාමහේ . ප්රා॒ත ර්මි॒ත්රාවරු॑ණා ප්රා॒තර॒ශ්විනා᳚ . ප්රා॒ත ර්භග॑-ම්පූ॒ෂණ॒-ම්බ්රහ්ම॑ණ॒ස්පති᳚ම් . ප්රා॒තස්සෝම॑මු॒ත රු॒ද්රග්ං හු॑වේම .. ප්රා॒ත॒ර්ජිත॒-ම්භග॑මු॒ග්රග්ං හු॑වේම . ව॒ය-ම්පු॒ත්රමදි॑තේ॒ර්යෝ වි॑ධ॒ර්තා . ආ॒ද්ධ්රශ්චි॒ද්ය-ම්මන්ය॑මාන-ස්තු॒රශ්චි॑ත් .. 77 ..

රාජා॑ චි॒ද්ය-ම්භග॑-ම්භ॒ක්ෂීත්යාහ॑ .. භග॒ ප්රණේ॑ත॒ර්භග॒ සත්ය॑රාධඃ . භගේ॒මා-න්ධිය॒මුද॑ව॒ දද॑න්නඃ . භග॒ ප්රණෝ॑ ජනය॒ ගෝභි॒රශ්වෛඃ᳚ . භග॒ ප්රනෘභි॑-ර්නෘ॒වන්තඃ॑ ස්යාම . උ॒තේදානී॒-ම්භග॑වන්ත-ස්ස්යාම .. උ॒ත ප්රපි॒ත්ව උ॒ත මද්ධ්යේ॒ අහ්නා᳚ම් . උ॒තෝදි॑තා මඝව॒න්-ථ්සූර්ය॑ස්ය . ව॒ය-න්දේ॒වානාග්ං॑ සුම॒තෞ ස්යා॑ම .. භග॑ ඒ॒ව භග॑වාග්ං අස්තු දේවාඃ .. 78 ..

තේන॑ ව॒ය-ම්භග॑වන්ත-ස්ස්යාම . ත-න්ත්වා॑ භග॒ සර්ව॒ ඉජ්ජෝ॑හවීමි . ස නෝ॑ භග පුර ඒ॒තා භ॑වේ॒හ .. සම॑ද්ධ්ව॒රායෝ॒ෂසෝ॑ නමන්ත . ද॒ධි॒ක්රාවේ॑ව॒ ශුච॑යේ ප॒දාය॑ . අ॒ර්වා॒චී॒නං-වँ॑සු॒විද॒-ම්භග॑න්නඃ . රථ॑මි॒වාශ්වා॑ වා॒ජින॒ ආව॑හන්තු .. අශ්වා॑වතී॒-ර්ගෝම॑තී-ර්න උ॒ෂාසඃ॑ . වී॒රව॑තී॒-ස්සද॑මුච්ඡන්තු භ॒ද්රාඃ . ඝෘ॒ත-න්දුහා॑නා වි॒ශ්වතඃ॒ ප්රපී॑නාඃ . යූ॒ය-ම්පා॑ත ස්ව॒ස්තිභි॒-ස්සදා॑ නඃ .. 79 ..

(වි॒ච॒ක්ෂ॒ණා - වි॑චර්තු॒රග්ං - ශර්ම॒ - න්නධි॑ - වි॒සර්ජ॑නාය॒ - බ්රහ්ම॒ වන॒-ම්බ්රහ්ම॒ ස වෘ॒ක්ෂ ආ॑සීත්- තු॒රශ්චි॑-ද්- දේවාඃ॒ - ප්රපී॑නා॒ ඒක॑-ඤ්ච) (අ. 9)

(පීවෝ᳚-(අ)න්නා॒ - මග්නේ॒ ත්ව-ම්පා॑ර - යානාඝෘ॒ෂ්යඃ - ශුචි॒-න්නු ස්තෝමං॑ - ँවි॒ශ්රය॑මාණෝ - දි॒වෝ රු॒ක්මෝ - (අ)න්න॑-ම්ප්රා॒ණං - තා සූ᳚ර්යාචන්ද්ර॒මසා॒ නව॑සප්තතිඃ)

(පීවෝ᳚න්නා - ँයූ॒ය-ම්පා॑ත ස්ව॒ස්තිභි॒-ස්සදා॑නඃ)

.. හරිඃ॑ ඕම් ..

.. කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ අෂ්ටමඃ ප්රපාඨක-ස්සමාප්තඃ ..

.. කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකං සමාප්තම් ..

Roman (IAST) Transliteration

kṛṣṇa yajurvedīya taittirīya brāhmaṇe dvitīyāṣṭake aṣṭamaḥ prapāṭhakaḥ - kāmyapaśuyājyānuvākyā brāhmaṇam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - vāyavyādipaśūnāṃ sūktāni

pīvo᳚nnāgṃ rayi॒vṛdhaḥ̭ sume॒dhāḥ | śve॒ta-ssi̭ṣakti ni॒yutā̭mabhi॒śrīḥ | te vā॒yave॒ sama̭naso॒ vita̭sthuḥ | viśvennaraḥ̭ svapa॒tyāni̭ cakruḥ || rā॒ye-'nu ya-ñja॒jñatū॒ roda̭sī u॒bhe | rā॒ye de॒vī dhi॒ṣaṇā̭ dhāti de॒vam | adhā̭ vā॒yu-nni॒yutaḥ̭ saścata॒ svāḥ | u॒ta śve॒taṃ-va~sṷdhiti-nnire॒ke || ā vā̭yo bhūṣa śucipā॒ upa̭ na-ssa॒hasra̭-nte ni॒yuto̭ viśvavāra | upo̭ te॒ andho॒ madya̭mayāmi॒ yasya̭ deva dadhi॒ṣe pū᳚rva॒peya᳚m || pra yābhi॒ryāsi̭ dā॒śvāgṃ samacchā̭ ni॒yudbhi̭-rvāyavi॒ṣṭayḙ duro॒ṇe | ni no̭ ra॒yigṃ su॒bhoja̭saṃ-yu~ve॒ha ni vī॒rava॒-dgavya॒maśvi̭ya-ñca॒ rādhaḥ̭ |||| pra vā॒yumacchā̭ bṛha॒tī ma̭nī॒ṣā || 1 ||

bṛ॒hadra̭yiṃ-vi~॒śvavā̭rāgṃ ratha॒prām | dyu॒tadyā̭mā ni॒yutaḥ॒ patya̭mānaḥ | ka॒viḥ ka॒vimi̭yakṣasi prayajyo || ā no̭ ni॒yudbhiḥ̭ śa॒tinī̭bhi-raddhva॒ram | sa॒ha॒sriṇī̭bhi॒rupa̭ yāhi ya॒jñam | vāyo̭ a॒smin. ha॒viṣi̭ mādayasva | yū॒ya-mpā̭ta sva॒stibhi॒-ssadā̭ naḥ || prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva | ya-tkā̭māste juhu॒mastanno̭ astu || 2 ||

va॒yagg syā̭ma॒ pata̭yo rayī॒ṇām || ra॒yī॒ṇā-mpatiṃ̭-ya~ja॒ta-mbṛ॒hanta᳚m | a॒sminbhare॒ nṛta̭maṃ॒-vā~ja̭sātau | pra॒jāpa̭ti-mprathama॒jāmṛ॒tasya̭ | yajā̭ma de॒vamadhi̭ no bravītu || prajā̭pate॒ tva-nni̭dhi॒pāḥ pṷrā॒ṇaḥ | de॒vānā᳚-mpi॒tā ja̭ni॒tā pra॒jānā᳚m | pati॒-rviśva̭sya॒ jaga̭taḥ para॒spāḥ | ha॒virno̭ deva viha॒ve jṷṣasva || tave॒me lo॒kāḥ pra॒diśo॒ diśa̭śca || 3 ||

pa॒rā॒vato̭ ni॒vata̭ u॒dvata̭śca | prajā̭pate viśva॒sṛjjī॒vadha̭nya i॒da-nno̭ deva | prati̭harya ha॒vyam || pra॒jāpa̭ti-mpratha॒maṃ-ya~॒jñiyā̭nām | de॒vānā॒magrḙ yaja॒taṃ-ya~̭jaddhvam | sa no̭ dadātu॒ dravi̭ṇagṃ su॒vīrya᳚m | rā॒yaspoṣaṃ॒-vi~ṣya̭tu॒ nābhi̭ma॒sme || yo rā॒ya īśḙ śatadā॒ya u॒kthyaḥ̭ | yaḥ pa̭śū॒nāgṃ ra̭kṣi॒tā viṣṭhi̭tānām | pra॒jāpa̭tiḥ prathama॒jā ṛ॒tasya̭ || 4 ||

sa॒hasra̭dhāmā juṣatāgṃ ha॒virnaḥ̭ || somā̭pūṣaṇā॒ jana̭nā rayī॒ṇā-ñjana̭nā di॒vo jana̭nā pṛthi॒vyāḥ | jā॒tau viśva̭sya॒ bhuva̭nasya go॒pau de॒vā a̭kṛṇvanna॒mṛta̭sya॒ nābhi᳚m || i॒mau de॒vau jāya̭mānau juṣante॒mau tamāgṃ̭si gūhatā॒majṷṣṭā | ā॒bhyāmindraḥ̭ pa॒kvamā॒māsva॒nta-sso̭māpū॒ṣabhyā᳚-ñjanadu॒sriyā̭su || || somā̭pūṣaṇā॒ raja̭so vi॒māna᳚m | sa॒ptaca̭kra॒gṃ॒ ratha॒mavi̭śvaminvam | vi॒ṣū॒vṛta॒-mmana̭sā yu॒jyamā̭nam | ta-ñji̭nvatho vṛṣaṇā॒ pañca̭raśmim || di॒vya̭nya-ssada̭na-ñca॒kra u॒ccā | pṛ॒thi॒vyāma॒nyo addhya॒ntari̭kṣe | tāva॒smabhya̭-mpuru॒vāra̭-mpuru॒kṣum | rā॒yaspoṣaṃ॒-vi~ṣya̭tā॒-nnābhi̭ma॒sme || 5 ||

dhiya̭-mpū॒ṣā ji̭nvatu viśvami॒nvaḥ | ra॒yigṃ somo̭ rayi॒pati̭-rdadhātu | ava̭tu de॒vyadi̭tira-na॒rvā | bṛ॒ha-dva̭dema vi॒dathḙ su॒vīrāḥ᳚ || viśvā᳚nya॒nyo bhuva̭nā ja॒jāna̭ | viśva̭ma॒nyo a̭bhi॒cakṣā̭ṇa eti | somā̭pūṣaṇā॒-vava̭ta॒-ndhiya̭-mme | yu॒vabhyāṃ॒-vi~śvāḥ॒ pṛta̭nā jayema || udṷtta॒maṃ-va~̭ruṇa॒ pāśa̭ma॒smadavā̭-'dha॒maṃ-vi~ma̭dhya॒magg śra̭thāya | athā̭ va॒yamā̭ditya vra॒te tavā-'nā̭gaso॒ adi̭taye syāma asta̭bhnā॒dyāmṛ̭ṣa॒bho a॒ntari̭kṣa॒mami̭mīta vari॒māṇa̭-mpṛthi॒vyā ā-'sī̭da॒-dviśvā॒ bhuva̭nāni sa॒mrā-ḍviśvettāni॒ varṷṇasya vra॒tāni̭ || | ya-tkiñce॒daṃ-va~̭ruṇa॒ daivye॒ janḙ-'bhidro॒ha-mma̭nu॒ṣyā᳚ścarā̭masi | aci̭ttī॒ya-ttava॒ dharmā̭ yuyopi॒ma mā na॒stasmā॒ dena̭so deva rīriṣaḥ || ki॒ta॒vāso॒ yadri̭ ri॒purna dī॒vi yadvā̭ ghā sa॒tya mu॒tayanna vi॒dma | sarvā॒ tā viṣya̭ śithi॒reva̭ de॒vāthā̭ te syāma varuṇa pri॒yāsaḥ̭ ||( ) | ava̭ te॒ heḍo̭ varuṇa॒ namo̭bhi॒rava̭ ya॒jñebhi̭rīmahe ha॒virbhiḥ̭ | kṣaya̭nna॒smabhya̭masura praceto॒ rāja॒nnenāgṃ̭si śiśrathaḥ kṛ॒tāni̭ ||, tattvā̭ yāmi॒ brahma̭ṇā॒ vanda̭māna॒stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || || ā॒di॒tyānā॒mava̭sā॒ nūta̭nena sakṣī॒mahi॒ śarma̭ṇā॒ śanta̭mena | a॒nā॒gā॒stve a̭diti॒tve tu॒rāsa̭ i॒maṃ-ya~॒jña-nda̭dhatu॒ śroṣa̭māṇāḥ ||, na da̭kṣi॒ṇā vici̭kite॒ na sa॒vyā na prā॒cīna̭mādityā॒ nota pa॒ścā | pā॒kyā̭ cidvasavo dhī॒ryā̭ ci--dyu॒ṣmānī̭to॒ abha̭ya॒-ñjyoti̭raśyām || | dhā॒raya̭nta ādi॒tyāso॒ jaga॒thsthā de॒vā viśva̭sya॒ bhuva̭nasya go॒pāḥ | dī॒rghādhi̭yo॒ rakṣa̭māṇā asu॒rya̭mṛ॒tāvā̭na॒-ścaya̭mānā ṛ॒ṇāni̭ ||, ti॒sro bhūmī᳚rdhāraya॒-ntrīgṃ ru॒ta dyū-ntrīṇi̭ vra॒tā vi॒dathḙ a॒ntarḙṣām | ṛ॒tenā̭-''dityā॒ mahi̭ vo mahi॒tva-ntada̭ryaman varuṇa mitra॒ cārṷ || | ya॒jño de॒vānā॒-mpratyḙti su॒mnamādi̭tyāso॒ bhava̭tā mṛḍa॒yantaḥ̭ | ā vo॒-'rvācī̭ suma॒ti rva̭vṛtyāda॒gṃ॒ hości॒dyā va̭rivo॒vitta॒rā-'sa̭t || śuci̭ra॒pa-ssū॒yava̭sā॒ ada̭bdha॒ upa̭ kṣeti vṛ॒ddhava̭yā-ssu॒vīraḥ̭ | naki॒ṣṭa-ṅghna॒ntyanti̭to॒ na dū॒rādya ā̭di॒tyānā॒-mbhava̭ti॒ praṇī̭tau || || 6 ||

(ma॒nī॒ṣā-'stṷ-ca॒-rta-syā॒sme-ki̭ta॒vāsa̭ śca॒tvāri̭ ca ) (a. 1)

anuvākaṃ 2 - vaśādīnāṃ sūktāni

te śu॒krāsa॒-śśuca̭yo raśmi॒vantaḥ̭ | sīda̭nnādi॒tyā adhi̭ ba॒ra॒ḥiṣi̭ pri॒ye | kāmḙna de॒vā-ssa॒ratha̭-ndi॒vo naḥ̭ | āyā᳚ntu ya॒jñamupa̭ no juṣā॒ṇāḥ || te sū॒navo॒ adi̭teḥ pīva॒sāmiṣa᳚m | ghṛ॒ta-mpinva॒t-prati̭haryannṛte॒jāḥ | pra ya॒jñiyā॒ yaja̭mānāya yemure | ā॒di॒tyāḥ kāma̭-mpitu॒manta̭ma॒sme || ā naḥ̭ pu॒trā adi̭teryāntu ya॒jñam | ā॒di॒tyāsaḥ̭ pa॒thibhi̭-rdeva॒yānaiḥ᳚ || 7 ||

a॒sme kāma̭-ndā॒śuṣḙ sa॒nnama̭ntaḥ | pu॒ro॒ḍāśa̭-ṅghṛ॒tava̭nta-ñjuṣantām || ska॒bhā॒yata॒ nir-ṛ̭ti॒gṃ॒ sedha॒tāma̭tim | pra ra॒śmibhi॒-ryata̭mānā amṛddhrāḥ | ādi̭tyāḥ॒ kāma॒ praya̭tāṃ॒-va~ṣa̭ṭkṛtim | ju॒ṣaddhva̭-nno ha॒vyadā̭tiṃ-ya~jatrāḥ || ā॒di॒tyān-kāma॒mava̭se huvema | ye bhū॒tāni̭ ja॒naya̭nto vici॒khyuḥ | sīda̭ntu pu॒trā adi̭teru॒pastha᳚m | stī॒rṇa-mba॒ra॒ḥirha̭vi॒radyā̭ya de॒vāḥ || 8 ||

stī॒rṇa-mba॒ra॒ḥi-ssī̭datā ya॒jñe a॒sminn | dhrā॒jā-ssedha̭nto॒ ama̭ti-ndu॒revā᳚m | a॒smabhya̭-mputrā aditeḥ॒ prayagṃ̭sata | ādi̭tyāḥ॒ kāma̭ ha॒viṣo̭ juṣā॒ṇāḥ || agne॒ naya̭ su॒pathā̭ rā॒ye a॒smān | viśvā̭ni deva va॒yunā̭ni vi॒dvān | yu॒yo॒ddhya̭sma-jjṷhurā॒ṇamenaḥ̭ | bhūyi̭ṣṭhā-nte॒ nama̭ uktiṃ-vi~dhema || pravaḥ̭ śu॒krāya̭ bhā॒navḙ bharaddhvam | ha॒vya-mma॒ti-ñcā॒gnaye॒ supṷ̄tam || 9 ||

yo daivyā̭ni॒ mānṷṣā ja॒nūgṃṣi̭ | a॒nta-rviśvā̭ni vi॒dmanā॒ jigā̭ti || acchā॒ giro̭ ma॒tayo̭ deva॒yantīḥ᳚ | a॒gniṃ-ya~̭nti॒ dravi̭ṇa॒-mbhikṣa̭māṇāḥ | su॒sa॒dṛṃśagṃ̭ su॒pratī̭ka॒gg॒ svañca᳚m | ha॒vya॒vāha̭mara॒ti-mmānṷṣāṇām || agne॒ tvama॒sma-dyṷyo॒ddhyamī̭vāḥ | ana̭gnitrā a॒bhya̭manta kṛ॒ṣṭīḥ | puna̭ra॒smabhyagṃ̭ suvi॒tāya̭ deva | kṣāṃ-vi~śvḙbhira॒jarḙbhi-ryajatra || 10 ||

agne॒ tva-mpā̭rayā॒ navyo̭ a॒smān | sva॒stibhi॒rati̭ du॒rgāṇi॒ viśvā᳚ | pūśca̭ pṛ॒thvī ba̭hu॒lā na̭ u॒rvī | bhavā̭ to॒kāya॒ tana̭yāya॒ śaṃ-yoḥ ~|| pra kā̭ravo mana॒nā va॒cyamā̭nāḥ | de॒va॒drīcī᳚-nnayatha deva॒yantaḥ̭ | da॒kṣi॒ṇā॒vāḍ-vā॒jinī॒ prācyḙti | ha॒virbhara̭ntya॒gnayḙ ghṛ॒tācī᳚ || indra॒-nnaro̭ ne॒madhi̭tā havante॒ yatpāryā̭ yu॒naja̭te॒ dhiya॒stāḥ | śūro॒ nṛṣā̭tā॒ śava̭saścakā॒na ā goma̭ti vra॒je bha̭jā॒ tvannaḥ̭ || yu॒je ratha̭-ṅga॒veṣa̭ṇa॒gṃ॒ hari̭bhyām | upa॒ brahmā̭ṇi jujuṣā॒ṇa-ma̭sthuḥ | vibā̭dhiṣṭā॒sya roda̭sī mahi॒tvā | indro̭ vṛ॒trāṇya̭pra॒tī ja̭gha॒nvān || || ja॒gṛ॒bhṇā te॒ dakṣi̭ṇāmindra॒ hasta᳚m || 11 ||

va॒sū॒yavo̭ vasupate॒ vasṷ̄nām | vi॒dmā hi tvā॒ gopa̭tigṃ śūra॒ gonā᳚m | a॒smabhya̭-ñci॒traṃ-vṛ~ṣa̭ṇagṃ ra॒yi-ndāḥ᳚ || tave॒daṃ-vi~śva̭ma॒bhitaḥ̭ paśa॒vya᳚m | ya-tpaśya̭si॒ cakṣa̭sā॒ sūrya̭sya | gavā̭masi॒ gopa̭ti॒reka̭ indra | bha॒kṣī॒mahi̭ te॒ praya̭tasya॒ vasvaḥ̭ || sami̭ndra ṇo॒ mana̭sā neṣi॒ gobhiḥ̭ | sagṃ sū॒ribhi̭-rmaghava॒n-thsagg sva॒styā | sa-mbrahma̭ṇā de॒vakṛ̭taṃ॒-ya~dasti̭ || 12 ||

sa-nde॒vānāgṃ̭ suma॒tyā ya॒jñiyā̭nām || ā॒rācchatru॒-mapa̭bādhasva dū॒ram | u॒gro ya-śśambaḥ̭ puruhūta॒ tena̭ | a॒sme dhḙhi॒ yava̭ma॒dgoma̭dindra | kṛ॒dhī dhiya̭-ñjari॒tre vāja̭ratnām || āve॒dhasa॒-nnīla̭pṛṣṭha-mbṛ॒hanta᳚m | bṛha॒spati॒gṃ॒ sada̭ne sādayadhvam | sā॒dadyo̭ni॒-ndama॒ ādī̭di॒vāgṃsa᳚m | hira̭ṇyavarṇamaru॒ṣagṃ sa̭pema || sa hi śuciḥ̭ || bṛha॒spatiḥ̭ pratha॒ma-ñjāya̭mānaḥ | ma॒ho jyoti̭ṣaḥ para॒me vyo̭mann | sa॒ptāsya̭stuvijā॒to ravḙṇa | vi sa॒ptara̭śmiradhama॒ttamāgṃ̭si || 13 ||

bṛha॒spati॒-ssama̭jaya॒-dvasṷ̄ni | ma॒ho vra॒jā-ngoma̭to de॒va e॒ṣaḥ | a॒pa-ssiṣā̭sa॒n-thsuva॒ra pra̭tīttaḥ | bṛha॒spati॒ra॒ḥantya॒mitra̭-ma॒rkaiḥ || bṛha̭spate॒ pari̭ dīyā॒ rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-medhyavi॒tā rathā̭nām || e॒vā pi॒tre vi॒śvadḙvāya॒ vṛṣṇḙ ya॒jñairvi̭dhema॒ nama̭sā ha॒virbhiḥ̭ | bṛha̭spate supra॒jā vī॒rava̭nto va॒yagg syā̭ma॒ pata̭yo rayī॒ṇām || || ā no̭ di॒vo bṛ̭ha॒taḥ parva̭tā॒dā sara̭svatī yaja॒tā ga̭ntu ya॒jñam | hava̭-nde॒vī jṷjuṣā॒ṇā ghṛ॒tācī̭ śa॒gmā-nno॒ vāca̭muśa॒tī śṛ̭ṇotu ||pāvī̭ravī ka॒nyā̭ ci॒trāyu॒-ssara̭svatī vī॒rapa̭tnī॒ dhiya̭-ndhāt | gnābhi॒racchi̭dragṃ śara॒ṇagṃ sa॒joṣā̭ durā॒dharṣa̭-ṅgṛṇa॒te śarma̭ yagṃsat || | i॒mā juhvā̭nā yu॒ṣmadā namo̭bhiḥ | prati॒ stomagṃ̭ sarasvati juṣasva | tava॒ śarma̭-npri॒yata̭me॒ dadhā̭nāḥ | upa̭stheyāma śara॒ṇa-nna vṛ॒kṣam || yaste॒ stana̭śśaśa॒ya ityā̭ha | stautye॒vainā᳚m | usra̭ gha॒rmagṃ śi॒gṃ॒ṣosra̭ gha॒rma-mpā̭hi gha॒rmāya̭ śi॒gṃ॒ṣetyā̭ha | yathā᳚ brū॒yāda॒muṣmai̭ de॒hīti̭ | tā॒dṛge॒va tat | bṛha॒spati॒stvopa̭ sīda॒tvityā̭ha | | sara̭svatya॒bhi no̭ neṣi॒ vasyaḥ̭ | mā pa̭spharīḥ॒ paya̭sā॒ mā na॒ ā dha̭k | ju॒ṣasva̭ na-ssa॒khyā̭ ve॒śyā̭ ca | mā tvatkṣetrā॒-ṇyara̭ṇāni ganma || || i॒yagṃ śuṣmḙbhirbisa॒khā i̭vārujat | sānṷ girī॒ṇā-nta̭vi॒ṣebhi̭rū॒rmibhiḥ̭ | pā॒rā॒va॒da॒ghnīmava̭se suvṛ॒ktibhiḥ̭ | sara̭svatī॒-māvi̭vāsema dhī॒tibhiḥ̭ || 14 ||

(de॒va॒yānai᳚--r de॒vāḥ - supṷ̄taṃya~jatra॒-hasta॒-masti॒-tamāg̭-syū॒rmibhi॒-rdve ca̭) (a. 2)

anuvākaṃ 3 - saumyādīnāṃ sūktāni

somo̭ dhe॒nugṃ somo॒ arva̭ntamā॒śum | somo̭ vī॒ra-ṅka̭rma॒ṇya̭-ndadātu | sā॒da॒nyaṃ̭-vi~da॒thyagṃ̭ sa॒bheya᳚m | pi॒tu॒-śśrava̭ṇaṃ॒-yo~ dadā̭śadasmai || aṣā̭ḍhaṃ-yu~॒thsu pṛta̭nāsu॒ papri᳚m | su॒va॒r॒ṣāma॒phsvāṃ-vṛ~॒jana̭sya go॒pām | bha॒re॒ṣu॒jāgṃ sṷkṣi॒tigṃ su॒śrava̭sam | jaya̭nta॒-ntvāmanṷ madema soma || tvagṃ so̭ma॒ kratṷbhiḥ || yā te॒ dhāmā̭ni ha॒viṣā॒ yaja̭nti॒ tā te॒ viśvā̭ pari॒bhūra̭stu ya॒jña-ṅga̭ya॒sphānaḥ̭ pra॒tara̭ṇa-ssu॒vīro-'vī̭rahā॒ praca̭rā soma॒ duryā॒na|| tvami॒mā oṣa̭dhī-ssoma॒ viśvāḥ᳚ | tvama॒po a̭janaya॒stva-ṅgāḥ | tvamāta̭tantho॒rva̭ntari̭kṣam | tva-ñjyoti̭ṣā॒ vitamo̭ vavartha || 15 ||

yā te॒ dhāmā̭ni di॒vi yā pṛ̭thi॒vyām | yā parva̭te॒ṣvoṣa̭dhīṣva॒phsu | tebhi̭rno॒ viśvai᳚-ssu॒manā॒ ahḙḍann | rājan᳚-thsoma॒ prati̭ ha॒vyā gṛ̭bhāya || viṣṇo॒rnukaṃ̭-vī~॒ryā̭ṇi॒ pra vo̭caṃ॒-yaḥ ~pārthi̭vāni vima॒me rajāgṃ̭si॒ yo aska̭bhāya॒dutta̭ragṃ sa॒dhasthaṃ̭-vi~cakramā॒ṇa stre॒dhorṷgā॒yo viṣṇo̭ ra॒rāṭa̭masi॒ viṣṇoḥ᳚ pṛ॒ṣṭhama̭si॒ viṣṇo॒-śśnyaptre᳚ stho॒ viṣṇo॒-ssyūra̭si॒ viṣṇo᳚-rdhru॒vama̭si vaiṣṇa॒vama̭si॒ viṣṇa̭ve tvā || tada̭sya pri॒yama॒bhi pātho̭ aśyām | naro॒ yatra̭ deva॒yavo॒ mada̭nti | u॒ru॒kra॒masya॒ sa hi bandhṷri॒tthā | viṣṇoḥ᳚ pa॒de pa̭ra॒me madhva॒ uthsaḥ̭ || | prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || || pa॒ro mātra̭yā ta॒nuvā̭ vṛdhāna | na tḙ mahi॒tva-manva̭śnuvanti | u॒bhe tḙ vidma॒ raja̭sī pṛthi॒vyā viṣṇo̭ deva॒ tvam | pa॒ra॒masya̭ vithse || 16 ||

vica̭krame pṛthi॒vīme॒ṣa e॒tām | kṣetrā̭ya॒ viṣṇu॒-rmanṷṣe daśa॒syann | dhru॒vāso̭ asya kī॒rayo॒ janā̭saḥ | u॒ru॒kṣi॒tigṃ su॒jani̭mā cakāra || trirde॒vaḥ pṛ̭thi॒vīme॒ṣa e॒tām | vica̭krame śa॒tarca̭sa-mmahi॒tvā | pra viṣṇṷ-rastu ta॒vasa॒sta vī̭yān | tve॒ṣagg hya̭sya॒ sthavi̭rasya॒ nāma̭ || || ā tḙ ma॒ha i̭ndro॒tyṷgra॒ sama̭nyavo॒ ya-thsa॒mara̭nta॒ senāḥ᳚ | patā̭ti di॒dyunnarya̭sya bāhu॒vormā te॒ mano̭ viṣva॒driya॒gvi cā̭rīt || yo jā॒ta e॒va pra̭tha॒mo mana̭svā-nde॒vo de॒vān kratṷnā pa॒ryabhṷ̄ṣat | yasya॒ śuṣmā॒droda̭sī॒ abhya̭setā-nnṛ॒mṇasya̭ ma॒hnā sa ja̭nāsa॒ indraḥ̭ || | a॒bhi go॒trāṇi॒ saha̭sā॒ gāha̭māno-'dā॒yo vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒dhyo᳚-smāka॒gṃ॒ senā̭ avatu॒ pra yu॒thsu || || ābhi॒-sspṛdho̭ mitha॒tī- rari̭ṣaṇyann | a॒mitra̭sya vyathayā ma॒nyumi̭ndra | ābhi॒rviśvā̭ abhi॒yujo॒ viṣṷ̄cīḥ | āryā̭ya॒ viśo-'va̭tārī॒rdāsīḥ᳚ || a॒yagṃ śṛ̭ṇve॒ adha॒ jaya̭nnu॒ta ghnann | a॒yamu॒ta prakṛ̭ṇute yu॒dhā gāḥ | ya॒dā sa॒tya-ṅkṛ̭ṇu॒te ma॒nyumindraḥ̭ || 17 ||

viśva̭-ndṛ॒ḍha-mbha̭yata॒ eja̭dasmāt || anṷ sva॒dhā-ma̭kṣara॒nnāpo̭ asya | ava̭rdhata॒ maddhya॒ ā nā॒vyā̭nām | sa॒ddhrī॒cīnḙna॒ mana̭sā॒ tami̭ndra॒ oji̭ṣṭhena | hanma̭nā-'hanna॒bhidyūn || ma॒rutva̭ntaṃ-vṛ~ṣa॒bhaṃ-vā~̭vṛdhā॒nam | aka̭vāri-ndi॒vyagṃ śā॒samindra᳚m | vi॒śvā॒sāha॒mava̭se॒ nūta̭nāya | u॒gragṃ sa̭ho॒dāmi॒ha tagṃ hṷvema || jani̭ṣṭhā u॒gra-ssaha̭se tu॒rāya̭ || 18 ||

ma॒ndra oji̭ṣṭho bahu॒lābhi̭mānaḥ | ava̭rdha॒nnindra̭-mma॒ruta̭ści॒datra̭ | mā॒tā ya-dvī॒ra-nda॒dhana॒ddhani̭ṣṭhā || kva̭ syā vo̭ maruta-ssva॒dhā-''sī᳚t | ya-nmāmekagṃ̭ sa॒madha̭ttāhi॒hatye᳚ | a॒hagg hyṷgrasta̭vi॒ṣa-stuvi̭ṣmān | viśva̭sya॒ śatro॒rana̭maṃ-va~dha॒snaiḥ || vṛ॒trasya̭ tvā śva॒sathā॒dīṣa̭māṇāḥ | viśvḙ de॒vā a̭jahu॒rye sakhā̭yaḥ | ma॒rudbhi̭rindra sa॒khya-ntḙ astu || 19 ||

athe॒mā viśvāḥ॒ pṛta̭nā jayāsi || vadhīṃ᳚-vṛ~॒tra-mma̭ruta indri॒yeṇa̭ | svena॒ bhāmḙna tavi॒ṣo ba̭bhū॒vān | a॒hame॒tā mana̭ve vi॒śvaśca̭ndrāḥ | su॒gā a॒paśca̭kara॒ vajra̭bāhuḥ || sa yo vṛṣā॒ vṛṣṇi̭yebhi॒-ssamo̭kāḥ | ma॒ho di॒vaḥ pṛ̭thi॒vyāśca̭ sa॒mrāṭ | sa॒tī॒nasa̭ttvā॒ havyo॒ bharḙṣu | ma॒rutvā᳚nno bhava॒tvindra̭ ū॒tī || indro̭ vṛ॒trama̭tara-dvṛtra॒tūrye᳚ || 20 ||

a॒nā॒dhṛ॒ṣyo ma॒ghavā॒ śūra॒ indraḥ̭ | anvḙnaṃ॒-vi~śo̭ amadanta pū॒rvīḥ | a॒yagṃ rājā॒ jaga̭taścarṣaṇī॒nām || sa e॒va vī॒ra-ssa ṷ vī॒ryā̭vān | sa ḙkarā॒jo jaga̭taḥ para॒spāḥ | ya॒dā vṛ॒tramata̭ra॒cchūra॒ indraḥ̭ | athā̭ bhavaddami॒tā-'bhikra̭tūnām || indro̭ ya॒jñaṃ-va~॒rdhaya̭n vi॒śvavḙdāḥ | pu॒ro॒ḍāśa̭sya juṣatāgṃ ha॒virnaḥ̭ | vṛ॒tra-ntī॒rtvā dā̭na॒vaṃ-va~jra̭bāhuḥ || 21 ||

diśo̭-'dṛgṃ haddṛgṃhi॒tā dṛgṃha̭ṇena || i॒maṃ-ya~॒jñaṃ-va~॒rdhaya̭n vi॒śvavḙdāḥ | pu॒ro॒ḍāśa॒-mprati̭gṛbhṇā॒tvindraḥ̭ | ya॒dā vṛ॒tramata̭ra॒cchūra॒ indraḥ̭ | athai̭karā॒jo a̭bhava॒jjanā̭nām || indro̭ de॒vāñcha̭mbara॒hatya̭ āvat | indro̭ de॒vānā̭- mabhava-tpuro॒gāḥ | indro̭ ya॒jñe ha॒viṣā̭ vāvṛdhā॒naḥ | vṛ॒tra॒tūrṇo॒ abha̭ya॒gṃ॒ śarma̭ yagṃsat || ya-ssa॒pta sindhū॒gṃ॒ rada̭dhāt-pṛthi॒vyām | ya-ssa॒pta lo॒kānakṛ̭ṇo॒-ddiśa̭śca | indro̭ ha॒viṣmā॒n-thsaga̭ṇo ma॒rudbhiḥ̭ | vṛ॒tra॒tūrṇo̭ ya॒jñami॒hopa̭yāsat || 22 ||

(va॒va॒rtha॒ - vi॒thsa॒ - indra̭ - stu॒rā - yā᳚stu॒ - vṛtra॒tūrye॒ - vajra̭bāhuḥ - pṛthi॒vyā-ntrīṇi̭ ca) (a. 3)

anuvākaṃ 4 - abhimātihaindrādipaśūnāṃ sūktāni

indra॒-stara̭svā-nabhimāti॒hograḥ | hira̭ṇyavāśī-riṣi॒ra-ssṷva॒ra॒.ṣāḥ | tasya̭ va॒yagṃ sṷma॒tau ya॒jñiya̭sya | api̭ bha॒dre saṷmana॒se syā̭ma || hira̭ṇyavarṇo॒ abha̭ya-ṅkṛṇotu | a॒bhi॒mā॒ti॒hendraḥ॒ pṛta̭nāsu ji॒ṣṇuḥ | sa na॒-śśarma̭ tri॒varṷ̄thaṃ॒-vi~yagṃ̭sat | yū॒ya-mpā̭ta sva॒stibhi॒-ssadā̭ naḥ || indragg̭ stuhi va॒jriṇa॒gg॒ stoma̭pṛṣṭham | pu॒ro॒ḍāśa̭sya juṣatāgṃ ha॒virnaḥ̭ || 23 ||

ha॒tvā-'bhimā̭tīḥ॒ pṛta̭nā॒-ssaha̭svān | athābhaya̭-ṅkṛṇuhi vi॒śvato̭ naḥ || stu॒hi śūraṃ̭-va~॒jriṇa॒-mapra̭tītam (mapra̭tīttam) | a॒bhi॒mā॒ti॒hana̭-mpuruhū॒tamindra᳚m | ya eka॒ iccha॒tapa̭ti॒rjanḙṣu | tasmā॒ indrā̭ya ha॒virājṷhota || indro̭ de॒vānā̭madhi॒pāḥ pu॒rohi̭taḥ | di॒śā-mpati̭rabhava-dvā॒jinī̭vān | a॒bhi॒mā॒ti॒hā ta̭vi॒ṣastuvi̭ṣmān | a॒smabhya̭-ñci॒traṃ-vṛ~ṣa̭ṇagṃ ra॒yi-ndā᳚t || 24 ||

ya i॒me dyāvā̭pṛthi॒vī ma̭hi॒tvā | bale॒nādṛgṃ̭hadabhimāti॒hendraḥ̭ | sa no̭ ha॒viḥ prati̭gṛbhṇātu rā॒taye᳚ | de॒vānā᳚-nde॒vo ni̭dhi॒pā no̭ avyāt || ana̭vaste॒ ratha॒maśvā̭ya takṣa॒n-tvaṣṭā॒ vajra̭-mpuruhūta dyu॒manta᳚m | bra॒hmāṇa॒ indra̭-mma॒haya̭nto a॒rkairava̭rdhaya॒nnaha̭ye॒ hanta॒ vā ṷ || vṛṣṇe॒ ya-tte॒ vṛṣa̭ṇo a॒rkamarcā॒nindra॒ grāvā̭ṇo॒ adi̭ti-ssa॒joṣāḥ᳚ | a॒na॒śvāso॒ ye pa॒vayo̭-'ra॒thā indrḙṣitā a॒bhyava̭rtanta॒ dasyūṋ || | indra̭sya॒ nu vī॒ryā̭ṇi॒ pravo̭cam | yāni̭ ca॒kāra̭ pratha॒māni̭ va॒jrī || aha॒-nnahi॒manva॒pasta̭tarda | pra va॒kṣaṇā̭ abhina॒-tparva̭tānām || || indro̭ yā॒to-'va̭sitasya॒ rājā᳚ | śama̭sya ca śṛ॒ṅgiṇo॒ vajra̭bāhuḥ | sedu॒ rājā᳚ kṣeti carṣaṇī॒nām | a॒rānna ne॒miḥ pari॒tā ba̭bhūva || 25 ||

a॒bhi si॒ddhmo a̭jigādasya॒ śatrūṋ | vi ti॒gmena̭ vṛṣa॒bheṇā॒ puro̭-'bhet | saṃ-va~jrḙṇāsṛja-dvṛ॒tramindraḥ̭ | pra svā-mma॒tima̭tira॒cchāśa̭dānaḥ || viṣṇṷ-nde॒vaṃ-va~rṷṇamū॒taye॒ bhaga᳚m | meda̭sā de॒vā va॒payā̭ yajaddhvam | tā no̭ ya॒jñamāga̭taṃ-vi~॒śvadhḙnā | pra॒jāva̭da॒sme dravi̭ṇe॒ha dha̭ttam || meda̭sā de॒vā va॒payā̭ yajaddhvam | viṣṇṷ-ñca de॒vaṃ-va~rṷṇa-ñca rā॒tim || 26 ||

tā no॒ amī̭vā apa॒bādha̭mānau | i॒maṃ-ya~॒jña-ñju॒ṣamā̭ṇā॒vupeta᳚m || viṣṇṷ̄varuṇā yu॒vama̭ddhva॒rāya̭ naḥ | vi॒śe janā̭ya॒ mahi॒ śarma̭ yacchatam | dī॒rghapra̭yajyū ha॒viṣā̭ vṛdhā॒nā | jyoti॒ṣā-'rā̭tīrdahata॒-ntamāgṃ̭si || yayo॒roja̭sā skabhi॒tā rajāgṃ̭si | vī॒ryḙbhi-rvī॒rata̭mā॒ śavi̭ṣṭhā | yā patyḙte॒ apra̭tīttā॒ saho̭bhiḥ | viṣṇṷ̄ aga॒nvarṷṇā pū॒rvahṷ̄tau || 27 ||

viṣṇṷ̄varuṇā vabhiśasti॒pā vā᳚m | de॒vā ya̭janta ha॒viṣā̭ ghṛ॒tena̭ | apāmī̭vāgṃ sedhatagṃ ra॒kṣasa̭śca | athā̭ dhattaṃ॒-ya~ja̭mānāya॒ śaṃ-yoḥ ~|| a॒gṃ॒ho॒mucā̭ vṛṣa॒bhā su॒pratū᳚rtī | de॒vānā᳚-nde॒vata̭mā॒ śaci̭ṣṭhā | viṣṇṷ̄varuṇā॒ prati̭haryata-nnaḥ | i॒da-nnarā॒ praya̭tamū॒tayḙ ha॒viḥ || ma॒hī nu dyāvā̭pṛthi॒vī i॒ha jyeṣṭhe᳚ | ru॒cā bha̭vatāgṃ śu॒caya̭dbhi-ra॒rkaiḥ || 28 ||

yathsīṃ॒-va~ri̭ṣṭhe bṛha॒tī vi̭mi॒nvann | nṛ॒vadbhyo॒-'kṣā pa̭prathā॒nebhi॒revaiḥ᳚ || pra pū᳚rva॒je pi॒tarā॒ navya̭sībhiḥ | gī॒rbhiḥ kṛ̭ṇuddhva॒gṃ॒ sada̭ne ṛ॒tasya̭ | ā no᳚ dyāvāpṛthivī॒ daivyḙna | janḙna yāta॒-mmahi̭ vāṃ॒-va~rṷ̄tham || sa ithsvapā॒ bhuva̭neṣvāsa | ya i॒me dyāvā̭pṛthi॒vī ja॒jāna̭ | u॒rvī ga̭bhī॒re raja̭sī su॒meke᳚ | a॒va॒gṃ॒śe dhīra॒-śśacyā॒ samai̭rat || 29 ||

bhūri॒-ndve aca̭rantī॒ cara̭ntam | pa॒dvanta॒-ṅgarbha̭ma॒padī̭ dadhāte | nitya॒-nna sū॒nu-mpi॒troru॒pasthe᳚ | ta-mpi̭pṛtagṃ rodasī satya॒vāca᳚m || i॒da-ndyā̭vāpṛthivī sa॒tyama̭stu | pita॒-rmāta॒-ryadi॒hopa̭bru॒ve vā᳚m | bhū॒ta-nde॒vānā̭mava॒me avo̭bhiḥ | vidyāme॒ṣaṃ-vṛ~॒jana̭-ñjī॒radā̭num || u॒rvī pṛ॒thvī ba̭hu॒le dū॒re a̭nte | upa̭bruve॒ nama̭sā ya॒jñe a॒sminn | dadhā̭te॒ ye su॒bhagḙ su॒pratū᳚rtī | dyāvā॒ rakṣa̭ta-mpṛthi॒vī no॒ abhvā᳚t || yā jā॒tā oṣa̭dhayo de॒vebhya̭striyu॒ga-mpu॒rā | mandā̭mi ba॒bhrūṇā̭ma॒hagṃ śa॒ta-ndhāmā̭ni sa॒pta ca̭ ||, ati॒ viśvāḥ᳚ pari॒ṣṭhā-sste॒na i̭va vra॒jama̭kramuḥ | oṣa̭dhayaḥ॒ prācṷcyavu॒ rya-tki-ñca̭ ta॒nuvā॒gṃ॒ rapaḥ̭ || | yā oṣa̭dhaya॒-ssoma̭rājñīḥ॒ pravi̭ṣṭāḥ pṛthi॒vīmanṷ | tāsā॒-ntvama̭syutta॒mā praṇo̭ jī॒vāta̭-vesuva || a॒śvā॒va॒tīgṃ so̭mava॒tī mū॒rjaya̭ntī॒ mudo̭jasam | ā vi̭thsi॒ sarvā॒ oṣa̭dhīra॒smā a̭ri॒ṣṭatā̭taye || | oṣa̭dhī॒riti̭ mātara॒-stadvo̭ devī॒-rupa̭ bruve | rapāgṃ̭si vighna॒tīri̭ta॒ rapa̭ścā॒taya̭mānāḥ || a॒nyā vo̭ a॒nyāma̭va-tva॒nyā-'nyasyā॒ upā̭vata | tā-ssarvā॒ oṣa̭dhaya-ssaṃvi~dā॒nā i॒da-mme॒ prāva̭tā॒ vacaḥ̭ || || 30 ||

(ha॒virno̭ - dā-d- babhūva - rā॒tiṃ - pū॒rvahṷ̄tā - va॒rkai - rai̭ra - da॒smi-npañca ca) (a. 4)

anuvākaṃ 5 - aindrāgnapaśvādīnāṃ sūktāni

śuci॒-nnu stoma॒-nnava̭jāta-ma॒dyendrā᳚gnī vṛtrahaṇā ju॒ṣethā᳚m | u॒bhā hi vāgṃ̭ su॒havā॒ joha̭vīmi॒ tā vājagṃ̭ sa॒dya ṷśa॒te dheṣṭhā᳚ ||, śnatha̭-dvṛ॒tramu॒ta sa̭noti॒ vāja॒mindrā॒ yo a॒gnī sahṷrī sapa॒ryāt | i॒ra॒jyantā̭ vasa॒vya̭sya॒ bhūre॒-ssaha̭stamā॒ saha̭sā vāja॒yantā᳚ || | u॒bhā vā̭mindrāgnī āhu॒vadhyā̭ u॒bhā rādha̭sa-ssa॒ha mā̭da॒yadhyai᳚ | u॒bhā dā॒tārā̭vi॒ṣāgṃ ra̭yī॒ṇāmu॒bhā vāja̭sya sā॒tayḙ huve vām ||,pra ca̭rṣa॒ṇibhyaḥ̭ pṛtanā॒ havḙṣu॒ pra pṛ̭thi॒vyā ri̭ricāthe di॒vaśca̭ | pra sindhṷbhyaḥ॒ pragi॒ribhyo̭ mahi॒tvā prendrā᳚gnī॒ viśvā॒ bhuva॒nā-'tya॒nyā || | ā vṛ̭trahaṇā vṛtra॒habhi॒-śśuṣmaiḥ᳚ | indra̭ yā॒ta-nnamo̭bhiragne a॒rvāk | yu॒vagṃ rādho̭bhi॒raka̭vebhirindra | agnḙ a॒sme bha̭vatamutta॒mebhiḥ̭ || gī॒rbhi-rvipraḥ॒ prama̭timi॒cchamā̭naḥ | ī॒̭ ra॒yiṃ-ya~॒śasa̭-mpūrva॒bhāja᳚m | indrā᳚gnī vṛtrahaṇā suvajrā | praṇo॒ navyḙbhistirata-nde॒ṣṇaiḥ || || brahma̭ṇaspate॒ tvama॒sya ya॒ntā | sū॒ktasya̭ bodhi॒ tana̭ya-ñca jinva | viśva॒-nta-dbha॒draṃ-ya~da॒vanti̭ de॒vāḥ | bṛ॒hadva̭dema vi॒dathḙ su॒vīrāḥ᳚ || sa īgṃ̭ sa॒tyebhi॒-ssakhi̭bhi-śśu॒cadbhiḥ̭ | godhā̭yasaṃ॒vi~ dha̭na॒saira̭tardat | brahma̭ṇa॒spati॒-rvṛṣa̭bhirva॒rāhaiḥ᳚ || 31 ||

gha॒rmasvḙdebhi॒-rdravi̭ṇaṃ॒-vyā~̭naṭ || brahma̭ṇa॒spatḙ-rabhavadyathā va॒śam | sa॒tyo ma॒nyurmahi॒ karmā̭ kariṣya॒taḥ | yo gā u॒dāja॒thsa di॒ve vi cā̭bhajat | ma॒hīva̭ rī॒ti-śśava̭sā sara॒-tpṛtha̭k || indhā̭no a॒gniṃ-va~̭navadvanuṣya॒taḥ | kṛ॒tabra̭hmā śūśuva-drā॒taha̭vya॒ it | jā॒tena̭ jā॒tamati॒ sṛ-tprasṛgṃ̭sate | yaṃ-ya~ṃ॒-yu~ja̭-ṅkṛṇu॒te brahma̭ṇa॒spatiḥ̭ || brahma̭ṇaspate su॒yama̭sya vi॒śvahā᳚ || 32 ||

rā॒ya-ssyā̭ma ra॒thyo̭ viva̭svataḥ | vī॒reṣṷ vī॒rāgṃ upa̭pṛṅgdhi na॒stvam | yadīśā̭no॒ brahma̭ṇā॒ veṣi̭ me॒ hava᳚m || sa ijjanḙna॒ sa vi॒śā sa janma̭nā | sa pu॒trairvāja̭-mbharate॒ dhanā॒ nṛbhiḥ̭ | de॒vānāṃ॒-yaḥ ~pi॒tara̭mā॒vivā̭sati | śra॒ddhāma̭nā ha॒viṣā॒ brahma̭ṇa॒spati᳚m || yāstḙ pūṣa॒nnāvo̭ a॒nta-ssa̭mu॒dre | hi॒ra॒ṇyayī̭ra॒ntari̭kṣe॒ cara̭nti | yābhi̭ryāsi dū॒tyāgṃ sūrya̭sya | kāmḙna kṛ॒ta-śśrava̭ i॒cchamā̭naḥ || | śu॒kra-ntḙ a॒nyadya̭ja॒ta-ntḙ a॒nyadviṣṷrūpe॒ aha̭nī॒ dyauri̭vāsi | viśvā॒ hi mā॒yā ava̭si svadhāvo bha॒drā tḙ pūṣanni॒ha rā॒tira̭stu ||, pū॒ṣemā āśā॒ anṷveda॒ sarvā᳚-sso a॒smāgṃ abha̭yatamena neṣat | sva॒sti॒dā aghṛ̭ṇi॒-ssarva̭vīraḥ | apra̭yuccha-npu॒ra ḙtu॒ prajā॒nann || || prapa̭the pa॒thāma̭janiṣṭa pū॒ṣā || 33 ||

prapa̭the di॒vaḥ prapa̭the pṛthi॒vyāḥ | u॒bhe a॒bhi pri॒yata̭me sa॒dhasthe᳚ | ā ca॒ parā̭ ca carati prajā॒nann || pū॒ṣā su॒bandhṷrdi॒va ā pṛ̭thi॒vyāḥ | i॒ḍaspati̭-rma॒ghavā̭ da॒smava̭rcāḥ | ta-nde॒vāso॒ ada̭du-ssū॒ryāyai᳚ | kāmḙna kṛ॒ta-nta॒vasa॒gg॒ svañca᳚m || a॒jāśvaḥ̭ paśu॒pā vāja̭vastyaḥ | dhi॒ya॒ji॒nnvo viśve॒ bhuva̭ne॒ arpi̭taḥ | aṣṭrā᳚-mpū॒ṣā śi̭thi॒rāmu॒dvarī̭vṛjat || 34 ||

sa॒caṅkṣā̭ṇo॒ bhuva̭nā de॒va ī̭yate || śucī̭ vo ha॒vyā ma̭ruta॒-śśucī̭nām | śucigṃ̭ hinomyaddhva॒ragṃ śuci̭bhyaḥ | ṛ॒tena̭ sa॒tyamṛta॒sāpa̭ āyann | śuci̭janmāna॒-śśuca̭yaḥ pāva॒kāḥ || pra ci॒trama॒rka-ṅgṛ̭ṇa॒te tu॒rāya̭ | mārṷtāya॒ svata̭vase bharaddhvam | ye sahāgṃ̭si॒ saha̭sā॒ saha̭nte | reja̭te agne pṛthi॒vī ma॒khebhyaḥ̭ || agṃse॒ṣvā ma̭rutaḥ khā॒dayo̭ vaḥ || 35 ||

vakṣaḥ̭su ru॒kmā upa̭śiśriyā॒ṇāḥ | vi vi॒dyuto॒ na vṛ॒ṣṭibhī̭ rucā॒nāḥ | anṷ sva॒dhāmāyṷdhai॒-ryaccha̭mānāḥ || yā va॒-śśarma̭ śaśamā॒nāya॒ santi̭ | tri॒dhātṷ̄ni dā॒śuṣḙ yaccha॒tādhi̭ | a॒smabhya॒-ntāni̭ maruto॒ viya̭nta | ra॒yi-nno̭ dhatta vṛṣaṇa-ssu॒vīra᳚m || i॒me tu॒ra-mma॒ruto̭ rāmayanti | i॒me sa॒ha-ssaha̭sa॒ āna̭manti | i॒me śagṃsaṃ̭-va~nuṣya॒to nipā᳚nti || 36 ||

gu॒rudveṣo॒ ara̭ruṣe dadhanti || a॒rā i॒vedaca̭ramā॒ ahḙva | pra pra̭jāyante॒ aka̭vā॒ maho̭bhiḥ | pṛśneḥ᳚ pu॒trā ṷpa॒māso॒ rabhi̭ṣṭhāḥ | svayā̭ ma॒tyā ma॒ruta॒-ssammi̭mikṣuḥ || anṷ te dāyi ma॒ha i̭ndri॒yāya̭ | sa॒trā te॒ viśva॒manṷ vṛtra॒hatye᳚ | anṷ kṣa॒tramanu॒ saho̭ yajatra | indra̭ de॒vebhi॒ranṷ te nṛ॒ṣahye᳚ || ya indra॒ śuṣmo̭ maghavante॒ asti̭ || 37 ||

śikṣā॒ sakhi̭bhyaḥ puruhūta॒ nṛbhyaḥ̭ | tvagṃ hi dṛ॒ḍhā ma̭ghava॒n vicḙtāḥ | apā̭vṛdhi॒ pari̭vṛti॒-nna rādhaḥ̭ || indro॒ rājā॒ jaga̭taścarṣaṇī॒nām | adhi॒kṣami॒ viṣṷrūpaṃ॒-ya~dasti̭ | tato̭ dadātu dā॒śuṣe॒ vasṷ̄ni | coda॒drādha॒ upa̭stutaścida॒rvāk || tamṷ ṣṭuhi॒ yo a॒bhibhū᳚tyojāḥ | va॒nvannavā̭taḥ puruhū॒ta indraḥ̭ | aṣā̭ḍhamu॒gragṃ saha̭mānamā॒bhiḥ || 38 ||

gī॒rbhirva̭rdha vṛṣa॒bha-ñca̭rṣaṇī॒nām || sthū॒rasya̭ rā॒yo bṛ̭ha॒to ya īśe᳚ | tamṷ ṣṭavāma vi॒dathe॒ṣvindra᳚m | yo vā॒yunā॒ jaya̭ti॒ goma̭tīṣu | pra dhṛ̭ṣṇu॒yā na̭yati॒ vasyo॒ accha̭ || ā te॒ śuṣmo̭ vṛṣa॒bha etṷ pa॒ścāt | otta॒rāda̭dha॒rāgā pu॒rastā᳚t | ā vi॒śvato̭ a॒bhi same᳚tva॒rvām | indra̭ dyu॒mnagṃ suva̭rvaddhehya॒sme || 39 ||

(va॒rāhai᳚--r vi॒śvahā̭ - 'janiṣṭa pū॒ṣo - dvarī̭vṛjat - khā॒dayo̭ vaḥ - pā॒n - tyasta - yā॒bhi--r + nava̭ ca) (a. 5)

anuvākaṃ 6 - sāvitrādipaśūnāṃ sūktāni

ā de॒vo yā̭tu savi॒tā su॒ratnaḥ̭ | a॒nta॒ri॒kṣa॒prā vaha̭māno॒ aśvaiḥ᳚ | haste॒ dadhā̭no॒ naryā̭ pu॒rūṇi̭ | ni॒ve॒śaya̭n ca prasu॒van ca॒ bhūma̭ || a॒bhīvṛ̭ta॒-ṅkṛśa̭nai-rvi॒śvarṷ̄pam |

hira̭ṇyaśamyaṃ-ya~ja॒to bṛ॒hanta᳚m | āsthā॒-drathagṃ̭ savi॒tā ci॒trabhā̭nuḥ | kṛ॒ṣṇā rajāgṃ̭si॒ tavi̭ṣī॒-ndadhā̭naḥ || saghā̭ no de॒va-ssa̭vi॒tā sa॒vāya̭ | āsā̭viṣa॒-dvasṷpati॒-rvasṷ̄ni || 40 ||

vi॒śraya̭māṇo॒ ama̭timurū॒cīm | ma॒rta॒bhoja̭na॒madha̭ rāsate na || vi janā᳚ñchyā॒vā-śśi̭ti॒pādo̭ akhyann | ratha॒gṃ॒ hira̭ṇya pra ugaṃ॒-va~ha̭ntaḥ | śaśva॒-ddiśaḥ̭ savi॒tu-rdaivya̭sya | u॒pasthe॒ viśvā॒ bhuva̭nāni tasthuḥ || vi sṷpa॒rṇo a॒ntari̭kṣāṇyakhyat | ga॒bhī॒ravḙpā॒ asṷra-ssunī॒thaḥ | kvḙdānī॒gṃ॒ sūryaḥ॒ kaści̭keta | ka॒ta॒mā-ndyāgṃ ra॒śmira॒syāta̭tāna || 41 ||

bhaga॒-ndhiyaṃ̭-vā~॒jaya̭ntaḥ॒ pura̭ndhim | narā॒śagṃso॒ gnāspati̭rno avyāt | ā-'ye vā॒masya̭ saṅga॒the ra̭yī॒ṇām | pri॒yā de॒vasya̭ savi॒tu-ssyā̭ma || ā no॒ viśve॒ askrā̭ gamantu de॒vāḥ | mi॒tro a̭rya॒mā varṷṇa-ssa॒joṣāḥ᳚ | bhuva॒n॒. yathā̭ no॒ viśvḙ vṛ॒dhāsaḥ̭ | kara᳚n-thsu॒ṣahā̭ vithu॒ra-nna śavaḥ̭ || śa-nno̭ de॒vā vi॒śvadḙvā bhavantu | śagṃ sara̭svatī sa॒ha dhī॒bhira̭stu || 42 ||

śama̭bhi॒ṣāca॒-śśamṷ rāti॒ṣācaḥ̭ | śa-nno̭ di॒vyāḥ pārthi̭vā॒-śśa-nno॒ apyāḥ᳚ || ye sa̭vi॒tu-ssa॒tyasa̭vasya॒ viśve᳚ | mi॒trasya̭ vra॒te varṷṇasya de॒vāḥ | te saubha̭gaṃ-vī~॒rava॒dgoma॒dapnaḥ̭ | dadhā̭tana॒ dravi̭ṇa-ñci॒trama॒sme || agnḙ yā॒hi dū॒tyaṃ̭-vā~ri̭ṣeṇyaḥ | de॒vāṃ acchā᳚ brahma॒kṛtā̭ ga॒ṇena̭ | sara̭svatī-mma॒ruto̭ a॒śvinā-'॒paḥ | ya॒kṣi॒ de॒vā-nra̭tna॒dheyā̭ya॒ viśvāṋ || 43 ||

dyauḥ pi̭taḥ॒ pṛthi̭vi॒ māta॒raddhrṷk | agne᳚ bhrātarvasavo mṛ॒ḍatā̭ naḥ | viśva̭ ādityā ādite sa॒joṣāḥ᳚ | a॒smabhya॒gṃ॒ śarma̭ bahu॒laṃ-vi~ya̭nta || viśvḙ devā-śśṛṇu॒temagṃ hava̭-mme | ye a॒ntari̭kṣe॒ ya upa॒ dyavi॒ ṣṭha | ye a̭gniji॒hvā u॒ta vā॒ yaja̭trāḥ | ā॒sa-dyā॒smi-nba॒r॒hiṣi̭ mādayaddhvam || ā vā᳚-mmitrāvaruṇā ha॒vyajṷṣṭim | nama̭sā devā॒ vava̭sā-''vavṛtyām || 44 ||

a॒smāka॒-mbrahma॒ pṛta̭nāsu sahyā a॒smāka᳚m | vṛ॒ṣṭi-rdi॒vyā sṷpā॒rā || yu॒vaṃ-va~strā̭ṇi pīva॒sā va̭sāthe | yu॒voracchi̭drā॒ manta̭vo ha॒ sargāḥ᳚ | avā̭tirata॒manṛ̭tāni॒ viśvā᳚ | ṛ॒tena̭ mitrāvaruṇā sacethe || tathsu vā᳚-mmitrāvaruṇā mahi॒tvam | ī॒rmā ta॒sthuṣī॒raha̭bhi-rduduhre | viśvāḥ᳚ pinvatha॒ svasa̭rasya॒ dhenāḥ᳚ | anṷ vā॒mekaḥ̭ pa॒virāva̭varti || 45 ||

yadbagṃhi̭ṣṭha॒-nnāti॒vidḙ sudānū | acchi̭dra॒gṃ॒ śarma॒ bhuva̭nasya gopā | tato̭ no mitrāvaruṇā-vavīṣṭam | siṣā̭santo jīgi॒vāgṃsaḥ̭ syāma || ā no̭ mitrāvaruṇā ha॒vyadā̭tim | ghṛ॒tai-rgavyṷ̄timukṣata॒miḍā̭bhiḥ | prati̭ vā॒matra॒ vara॒mā janā̭ya | pṛ॒ṇī॒tamu॒dgo di॒vyasya॒ cāroḥ᳚ || pra bā॒havā̭ sisṛta-ñjī॒vasḙ naḥ | ā no॒ gavyṷ̄timukṣata-ṅghṛ॒tena̭ || 46 ||

ā no॒ jane᳚ śravayataṃ-yu~vānā | śru॒ta-mmḙ mitrāvaruṇā॒ have॒mā || i॒mā ru॒drāya̭ sthi॒radha̭nvane॒ giraḥ̭ | kṣi॒preṣa̭ve de॒vāya̭ sva॒dhāmne᳚ | aṣā̭ḍhāya॒ saha̭mānāya mī॒ḍhuṣe᳚ | ti॒gmāyṷdhāya bharatā śṛ॒ṇota̭na || tvā da̭ttebhī rudra॒ śanta̭mebhiḥ | śa॒tagṃ himā̭ aśīya bheṣa॒jebhiḥ̭ | vya̭smaddveṣo̭ vita॒raṃ-vya~gṃhaḥ̭ | vyamī̭vāg ścātayasvā॒ viṣṷ̄cīḥ || 47 ||

arha̭nbibharṣi॒ sāya̭kāni॒ dhanva̭ | arha̭nni॒ṣkaṃ-ya~̭ja॒taṃ-vi~॒śvarṷ̄pam | arha̭nni॒danda̭yase॒ viśva॒mabbhṷvam | na vā ojī̭yo rudra॒ tvada̭sti ||, mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā no॒ aśvḙṣu rīriṣaḥ | vī॒rā-nmāno̭ rudra bhāmi॒to va̭dhīrha॒viṣma̭nto॒ nama̭sā vidhema te |||| ā tḙ pitarmarutāgṃ su॒mnamḙtu | mā na॒-ssūrya̭sya sa॒dṛṃśo̭ yuyothāḥ | a॒bhi no̭ vī॒ro arva̭ti kṣameta | prajā̭yemahi rudra pra॒jābhiḥ̭ || e॒vā ba̭bhro vṛṣabha cekitāna | yathā̭ deva॒ na hṛ̭ṇī॒ṣe na hagṃsi̭ | hā॒va॒na॒śrūrno̭ rudre॒ha bo̭dhi | bṛ॒hadva̭dema vi॒dathḙ su॒vīrāḥ᳚ || pari̭ṇo ru॒drasya̭ he॒ti rvṛ̭ṇaktu॒ pari̭tve॒ṣasya̭ durma॒tira̭ghā॒yoḥ | ava̭ sthi॒rā ma॒ghava̭dbhya-stanuṣva॒ mīḍhva̭sto॒kāya॒ tana̭yāya mṛḍaya ||, stu॒hi śru॒ta-ṅga̭rta॒sadaṃ॒-yu~vā̭na-mmṛ॒ga-nna bhī॒ma-mṷpaha॒tnu-mu॒gram | mṛ॒ḍā ja̭ri॒tre rṷdra॒ stavā̭no a॒nyantḙ a॒smanniva̭pantu॒ senāḥ᳚ || | mīḍhṷṣṭama॒ śiva̭tama śi॒vo naḥ̭ su॒manā̭ bhava |pa॒ra॒me vṛ॒kṣa āyṷdha-nni॒dhāya॒ kṛttiṃ॒-va~sā̭na॒ āca̭ra॒ pinā̭ka॒mbibhra॒dāga̭hi || arha̭nbibharṣi॒ sāya̭kāni॒ dhanva̭ | arha̭nni॒ṣkaṃ-ya~̭ja॒taṃ-vi~॒śvarṷ̄pam | arha̭nni॒danda̭yase॒ viśva॒mabbhṷvam | na vā ojī̭yo rudra॒ tvada̭sti ||| tvama̭gne ru॒dro asṷro ma॒ho di॒vastvagṃ śardho॒ mārṷta-mpṛ॒kṣa ī̭śiṣe | tvaṃ-vā~tai̭raru॒ṇairyā̭si śaṅga॒yastva-mpū॒ṣā vi̭dha॒taḥ pā̭si॒ nutmanā᳚ ||, ā vo॒ rājā̭namadhva॒rasya̭ ru॒dragṃ hotā̭ragṃ satya॒yaja॒gṃ॒ roda̭syoḥ | a॒gni-mpu॒rā ta̭nayi॒tno ra॒cittā॒-ddhira̭ṇyarūpa॒mava̭se kṛṇudhvam || || 48 ||

(vasṷ̄ni - tatā - nāstu॒ - viśvāṋ.-vavṛtyāṃva~varti-ghṛ॒tena॒-viṣṷ̄cīḥ-śru॒ta-ndve ca̭) (a. 6)

anuvākaṃ 7 - sauryādipaśūnāṃ sūktāni

sūryo̭ de॒vīmu॒ṣasa॒gṃ roca̭mānā॒ maryaḥ̭ | na yoṣā̭ma॒bhyḙti pa॒ścāt | yatrā॒ naro̭ deva॒yanto̭ yu॒gāni̭ | vi॒ta॒nvate॒ prati̭ bha॒drāya̭ bha॒dram || bha॒drā aśvā̭ ha॒rita॒-ssūrya̭sya | ci॒trā eda̭gvā anu॒mādyā̭saḥ | na॒ma॒syanto̭ di॒va ā pṛ॒ṣṭhama̭sthuḥ |

pari॒ dyāvā̭pṛthi॒vī ya̭nti sa॒dyaḥ || ta-thsūrya̭sya deva॒tva-nta-nma̭hi॒tvam | ma॒ddhyā karto॒-rvita̭ta॒gṃ॒ sañja̭bhāra || 49 ||

ya॒dedayṷkta ha॒ritaḥ̭ sa॒dhasthā᳚t | ādrātrī॒ vāsa̭stanute si॒masmai᳚ || ta-nmi॒trasya॒ varṷṇasyābhi॒cakṣe᳚ | sūryo̭ rū॒pa-ṅkṛ̭ṇute॒ dyoru॒pasthe᳚ | a॒na॒ntama॒nya-druśa̭dasya॒ pājaḥ̭ | kṛ॒ṣṇama॒nyaddha॒rita॒-ssambha̭ranti || a॒dyā dḙvā॒ udi̭tā॒ sūrya̭sya | niragṃha̭saḥ pipṛ॒tānnira̭va॒dyāt | tanno̭ mi॒tro varṷṇo māmahantām | adi̭ti॒-ssindhuḥ̭ pṛthi॒vī u॒ta dyauḥ || 50 ||

di॒vo ru॒kma ṷru॒cakṣā॒ udḙti | dū॒re a̭rthasta॒raṇi॒-rbhrāja̭mānaḥ | nū॒na-ñjanā॒-ssūryḙṇa॒ prasṷ̄tāḥ | āyannarthā̭ni kṛ॒ṇava॒nnapāgṃ̭si || śa-nno̭ bhava॒ cakṣa̭sā॒ śa-nno॒ ahnā᳚ | śa-mbhā॒nunā॒ śagṃ hi॒mā śa-ṅghṛ॒ṇena̭ | yathā॒ śama॒smai śamasa̭-dduro॒ṇe | ta-thsū᳚rya॒ dravi̭ṇa-ndhe॒hi ci॒tram || ci॒tra-nde॒vānā॒-muda̭gā॒danī̭kam | cakṣṷrmi॒trasya॒ varṷṇasyā॒gneḥ || 51 ||

ā-'prā॒ dyāvā̭pṛthi॒vī a॒ntari̭kṣam | sūrya̭ ā॒tmā jaga̭tasta॒sthuṣa̭śca || tvaṣṭā॒ dadha॒dindrā̭ya॒ śuṣma᳚m | apā॒ko-'ci̭ṣṭurya॒śasḙ pu॒rūṇi̭ | vṛṣā॒ yaja॒n vṛṣa̭ṇa॒-mbhūri̭retāḥ | mū॒rdhan. ya॒jñasya॒ sama̭naktu de॒vān ||, tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || | tvaṣṭā̭ vī॒ra-nde॒vakā̭ma-ñjajāna॒ tvaṣṭu॒rarvā̭ jāyata ā॒śuraśvaḥ̭ | tvaṣṭe॒daṃ-vi~śva॒-mbhuva̭na-ñjajāna ba॒hoḥ ka॒rtāra̭mi॒ha ya̭kṣi hotaḥ || pi॒śaṅga̭rūpa-ssu॒bharo̭ vayo॒dhā-śśru॒ṣṭī vī॒ro jā̭yate de॒vakā̭maḥ | pra॒jā-ntvaṣṭā॒ viṣya̭tu॒ nābhi̭ma॒sme athā̭ de॒vānā॒mapyḙtu॒ pāthaḥ̭ || || daśe॒ma-ntvaṣṭṷrjanayanta॒ garbha᳚m | ata̭ndrāso yuva॒tayo॒ bibha̭rtram | ti॒gmānī̭ka॒gg॒ svaya̭śasa॒-ñjanḙṣu | vi॒roca̭māna॒-mpari̭ṣī-nnayanti || āviṣṭyo̭ vardhate॒ cārṷrāsu | ji॒hmānā̭mū॒rdhva-ssvaya̭śā u॒pasthe᳚ || 52 ||

u॒bhe tvaṣṭṷrbibhyatu॒-rjāya̭mānāt | pra॒tīcī̭ si॒gṃ॒ha-mprati̭joṣayete || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema ||, pra sa mi̭tra॒ marto̭ astu॒ praya̭svā॒n yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśno॒tyanti̭to॒ na dū॒rāt || || a॒ya-mmi॒tro na̭ma॒syaḥ̭ su॒śevaḥ̭ | rājā̭ sukṣa॒tro a̭janiṣṭa ve॒dhāḥ | tasya̭ va॒yagṃ sṷma॒tau ya॒jñiya̭sya | api̭ bha॒dre saṷmana॒se syā̭ma || a॒na॒mī॒vāsa॒ iḍa̭yā॒ mada̭ntaḥ | mi॒tajma̭vo॒ vari̭ma॒nnā pṛ̭thi॒vyāḥ | ā॒di॒tyasya̭ vra॒tamṷpa॒kṣyantaḥ̭ || 53 ||

va॒ya-mmi॒trasya̭ suma॒tau syā̭ma || mi॒tra-nna īgṃ śimyā॒ goṣṷ ga॒vyava̭t | svā॒dhiyo̭ vi॒dathḙ a॒phsvajī̭janann | arḙjayatā॒gṃ॒ roda̭sī॒ pāja̭sā gi॒rā | prati̭ pri॒yaṃ-ya~̭ja॒ta-ñja॒nuṣā॒mavaḥ̭ || ma॒hāgṃ ā̭di॒tyo nama̭sopa॒sadyaḥ̭ | yā॒ta॒yajja̭no gṛṇa॒te su॒śevaḥ̭ | tasmā̭ e॒ta-tpanya̭tamāya॒ juṣṭa᳚m | a॒gnau mi॒trāya̭ ha॒virājṷhota || āvā॒gṃ॒ ratho॒ roda̭sī badbadhā॒naḥ || 54 ||

hi॒ra॒ṇyayo॒ vṛṣa̭bhiryā॒tvaśvaiḥ᳚ | ghṛ॒tava̭rtaniḥ pa॒vibhī̭ rucā॒naḥ | i॒ṣāṃ-vo~॒ḍhā nṛ॒pati̭rvā॒jinī̭vān || sa pa̭prathā॒no a॒bhi pañca॒ bhūma̭ | tri॒va॒ndhu॒ro mana॒sā-''yā̭tu yu॒ktaḥ | viśo॒ yena॒ gaccha̭tho deva॒yantīḥ᳚ | kutrā̭ ci॒dyāma̭maśvinā॒ dadhā̭nā || svaśvā̭ ya॒śasā-''yā̭tama॒rvāk | dasrā̭ ni॒dhi-mmadhṷmanta-mpibāthaḥ | vi vā॒gṃ॒ ratho̭ va॒ddhvā̭ yāda̭mānaḥ || 55 ||

antā᳚-ndi॒vo bā̭dhate varta॒nibhyā᳚m || yu॒vo-śśriya॒-mpari॒ yoṣā̭ vṛṇīta | sūro̭ duhi॒tā pari̭takmiyāyām | ya-ddḙva॒yanta॒mava̭tha॒-śśacī̭bhiḥ | pari̭ghra॒gṃ॒sa vā॒-mmanā̭ vāṃ॒-va~yo̭ gām || yo ha॒ sya vāgṃ̭ rathirā॒ vasta̭ u॒srāḥ | ratho̭ yujā॒naḥ pa̭ri॒yāti̭ va॒rtiḥ | tena̭ na॒-śśaṃ-yo~ru॒ṣaso॒ vyṷṣṭau | nya̭śvinā vahataṃ-ya~॒jñe a॒sminn || yu॒va-mbhu॒jyumava̭viddhagṃ samu॒dre || 56 ||

udṷ̄hathu॒rarṇa̭so॒ asri̭dhānaiḥ | pa॒ta॒tribhi̭-raśra॒mai-ra̭vya॒thibhiḥ̭ | da॒gṃ॒sanā̭bhiraśvinā pā॒raya̭ntā || agnī̭ṣomā॒ yo a॒dya vā᳚m | i॒daṃ-va~caḥ̭ sapa॒ryati̭ | tasmai̭ dhattagṃ su॒vīrya᳚m | gavā॒-mpoṣa॒gg॒ svaśvi̭yam || yo a॒gnīṣomā̭ ha॒viṣā̭ sapa॒ryāt | de॒va॒drīcā॒ mana̭sā॒ yo ghṛ॒tena̭ | tasya̭ vra॒tagṃ ra̭kṣata-mpā॒tamagṃha̭saḥ || 57 ||

vi॒śe janā̭ya॒ mahi॒ śarma̭ yacchatam || agnī̭ṣomā॒ ya āhṷtim | yo vā॒-ndāśā᳚ddha॒viṣkṛ̭tim | sa pra॒jayā̭ su॒vīrya᳚m | viśva॒māyu॒-rvya̭śnavat || agnī̭ṣomā॒ ceti॒ ta-dvī॒ryaṃ̭-vā~m | yadamṷṣṇītamava॒sa-mpa॒ṇi-ṅgoḥ | avā̭tirata॒-mpratha̭yasya॒ śeṣaḥ̭ | avi̭ndata॒-ñjyoti॒reka̭-mba॒hubhyaḥ̭ || agnī̭ṣomā vi॒magṃ su mḙ śṛṇu॒taṃ-vṛ~̭ṣaṇā॒ hava᳚m | prati̭ sū॒ktāni̭ haryata॒-mbhava̭ta-ndā॒śuṣe॒ mayaḥ̭ || agnī̭ṣomā ha॒viṣaḥ॒ prasthi̭tasya vī॒tagṃharya̭taṃ-vṛ~ṣaṇā ju॒ṣethā᳚m | su॒śarmā̭ṇā॒ svava̭sā॒ hi bhū॒tamathā̭ dhattaṃ॒-ya~ja̭mānāya॒ śaṃ-yoḥ ~|| || 58 ||

(ja॒bhā॒ra॒ - dyau - ra॒gne - ru॒pastha̭ - upa॒kṣyanto̭ - badbadhā॒no-yāda̭mānaḥ - samu॒dre - 'gṃha̭saḥ॒ - prasthi̭tasya) (a. 7)

anuvākaṃ 8 - vehadādipaśūnāṃ sūktāni

a॒hama̭smi prathama॒jā ṛ॒tasya̭ | pūrva̭-nde॒vebhyo̭ a॒mṛta̭sya॒ nābhiḥ̭ | yo mā॒ dadā̭ti॒ sa ide॒va mā vāḥ᳚ | a॒ha-manna॒-manna̭-ma॒danta̭madmi || pūrva̭-ma॒gnerapi̭ daha॒tyanna᳚m | ya॒ttau hā̭-''sāte ahamutta॒reṣṷ | vyātta̭masya pa॒śavaḥ̭ su॒jambha᳚m | paśya̭nti॒ dhīrāḥ॒ praca̭ranti॒ pākāḥ᳚ || jahā᳚mya॒nya-nna ja̭hāmya॒nyam | a॒hamannaṃ॒-va~śa॒micca̭rāmi || 59 ||

sa॒mā॒namartha॒-mparyḙmi bhu॒ñjat | ko māmanna̭-mmanu॒ṣyo̭ dayeta || parā̭ke॒ anna॒-nnihi̭taṃ-lo~॒ka e॒tat | viśvai᳚-rde॒vaiḥ pi॒tṛbhi̭-rgu॒ptamanna᳚m | yada॒dyatḙ lu॒pyate॒ ya-tpa̭ro॒pyate᳚ | śa॒ta॒ta॒mī sā ta॒nūrmḙ babhūva || ma॒hāntaṷ ca॒rū sa̭kṛ-ddu॒gdhena̭ paprau | diva̭ñca॒ pṛśñi̭ pṛthi॒vī-ñca̭ sā॒kam | ta-thsa॒mpiba̭nto॒ na mi̭nanti ve॒dhasaḥ̭ | naita-dbhūyo॒ bhava̭ti॒ no kanī̭yaḥ || 60 ||

anna̭-mprā॒ṇa-manna̭-mapā॒na-mā̭huḥ | anna̭-mmṛ॒tyu-ntamṷ jī॒vātṷmāhuḥ | anna̭-mbra॒hmāṇo̭ ja॒rasaṃ̭-va~danti | anna̭māhuḥ pra॒jana̭na-mpra॒jānā᳚m || mogha॒mannaṃ̭-vi~ndate॒ apra̭cetāḥ | sa॒tya-mbra̭vīmi va॒dha ithsa tasya̭ | nārya॒maṇa॒-mpuṣya̭ti॒ no sakhā̭yam | keva̭lāgho bhavati kevalā॒dī || a॒ha-mme॒gha-ssta॒naya॒n. varṣa̭nnasmi | māma̭dantya॒hama̭dmya॒nyān || 61 ||

a॒hagṃ sada॒mṛto̭ bhavāmi | madā̭di॒tyā adhi॒ sarvḙ tapanti || sā no̭ ma॒ndreṣa॒mūrja॒-nduhā̭nā | dhe॒nurvāga॒smānupa॒ suṣṭu॒taitṷ ||, ya-dvāgvada̭ntya-viceta॒nāni̭ | rāṣṭrī̭ de॒vānā᳚-nniṣa॒sāda̭ ma॒ndrā | cata̭sra॒ ūrja̭-nduduhe॒ payāgṃ̭si | kva̭ svi dasyāḥ para॒ma-ñja̭gāma || || a॒na॒ntā-mantā॒dadhi॒ nirmi̭tā-mma॒hīm | yasyā᳚-nde॒vā a̭dadhu॒-rbhoja̭nāni | ekā᳚kṣarā-ndvi॒padā॒gṃ॒ ṣaṭpa̭dāñca | vāca̭-nde॒vā upa̭jīvanti॒ viśve᳚ || vāca̭-nde॒vā upa̭jīvanti॒ viśve᳚ | vāca̭-ṅgandha॒rvāḥ pa॒śavo̭ manu॒ṣyāḥ᳚ | vā॒cīmā viśvā॒ bhuva̭nā॒nyarpi̭tā || 62 ||

sā no॒ hava̭-ñjuṣatā॒-mindra̭patnī || vāga॒kṣara̭-mprathama॒jā ṛ॒tasya̭ | vedā̭nā-mmā॒tā-'mṛta̭sya॒ nābhiḥ̭ | sā no̭ juṣā॒ṇopa̭ ya॒jñamāgā᳚t | ava̭ntī de॒vī su॒havā̭ me astu || yā mṛṣa̭yo mantra॒kṛto̭ manī॒ṣiṇaḥ̭ | a॒nvaiccha̭-nde॒vā-stapa̭sā॒ śramḙṇa | tā-nde॒vīṃ-vā~cagṃ̭ ha॒viṣā̭ yajāmahe | sā no̭ dadhātu sukṛ॒tasya̭ lo॒ke || ca॒tvāri॒ vā-kpari̭mitā pa॒dāni̭ || 63 ||

tāni̭ vidu-rbrāhma॒ṇā ye ma̭nī॒ṣiṇaḥ̭ | guhā॒ trīṇi॒ nihi̭tā॒ neṅga̭yanti | tu॒rīyaṃ̭-vā~॒co ma̭nu॒ṣyā̭ vadanti || śra॒ddhayā॒-'gni-ssami̭ddhyate | śra॒ddhayā̭ vindate ha॒viḥ | śra॒ddhā-mbhaga̭sya mū॒rdhani̭ | vaca॒sā ''vḙdayāmasi || pri॒yagg śra̭ddhe॒ dada̭taḥ | pri॒yagg śra̭ddhe॒ didā̭sataḥ | pri॒ya-mbho॒jeṣu॒ yajva̭su || 64 ||

i॒da-mma̭ udi॒ta-ṅkṛ̭dhi || yathā̭ de॒vā asṷreṣu | śra॒ddhā-mu॒greṣṷ cakri॒re | e॒va-mbho॒jeṣu॒ yajva̭su | a॒smāka̭-mudi॒ta-ṅkṛ̭dhi || śra॒ddhā-ndḙvā॒ yaja̭mānāḥ | vā॒yugo̭pā॒ upā̭sate | śra॒ddhāgṃ hṛ̭da॒yya̭yā-''kū᳚tyā | śra॒ddhayā̭ hūyate ha॒viḥ || śra॒ddhā-mprā॒tar-ha̭vāmahe || 65 ||

śra॒ddhā-mma॒ddhyandi̭na॒-mpari̭ | śra॒ddhāgṃ sūrya̭sya ni॒mruci̭ | śraddhe॒ śraddhā̭paye॒ha mā᳚ || śra॒ddhā de॒vā-nadhi̭vaste | śra॒ddhā viśva̭mi॒da-ñjaga̭t | śra॒ddhā-ṅkāma̭sya mā॒tara᳚m | ha॒viṣā̭ vardhayāmasi || brahma̭jajñā॒na-mpra̭tha॒ma-mpu॒rastā᳚t | vi sī̭ma॒ta-ssu॒ruco̭ ve॒na ā̭vaḥ | sa bu॒ddhniyā̭ upa॒mā a̭sya vi॒ṣṭhāḥ || 66 ||

sa॒taśca॒ yoni॒-masa̭taśca॒ vivaḥ̭ || pi॒tā vi॒rājā̭mṛṣa॒bho ra̭yī॒ṇām | a॒ntari̭kṣaṃ-vi~॒śvarṷ̄pa॒ āvi̭veśa | tama॒rkai-ra॒bhya̭rcanti va॒thsam | brahma॒ santa॒-mbrahma̭ṇā va॒rdhaya̭ntaḥ || brahma̭ de॒vāna̭janayat | brahma॒ viśva̭mi॒da-ñjaga̭t | brahma̭ṇaḥ, kṣa॒tra-nnirmi̭tam | brahma̭ brāhma॒ṇa ā॒tmanā᳚ || a॒ntara̭smi-nni॒me lo॒kāḥ || 67 ||

a॒nta-rviśva̭mi॒da-ñjaga̭t | brahmai॒va bhū॒tānā॒-ñjyeṣṭha᳚m | tena॒ ko̭-'rhati॒ spardhi̭tum || brahma̭-nde॒vā-straya̭strigṃśat | brahma̭nnindra prajāpa॒tī | brahma̭n. ha॒ viśvā̭ bhū॒tāni̭ | nā॒vī vā॒nta-ssa॒māhi̭tā || cata̭sra॒ āśāḥ॒ praca̭rantva॒-gnayaḥ̭ | i॒manno̭ ya॒jña-nna̭yatu prajā॒nann | ghṛ॒ta-mpinva̭nna॒jaragṃ̭ su॒vīra᳚m || 68 ||

brahma̭ sa॒mi-dbha̭va॒tyāhṷtīnām || ā gāvo̭ agmannu॒ta bha॒drama̭krann | sīda̭ntu go॒ṣṭhe ra॒ṇaya̭ntva॒sme | pra॒jāva̭tīḥ puru॒rūpā̭ i॒ha syuḥ | indrā̭ya pū॒rvī ru॒ṣaso॒ duhā̭nāḥ || indro॒ yajva̭ne pṛṇa॒te ca̭ śikṣati | upedda̭dāti॒ na sva-mmṷṣāyati | bhūyo̭ bhūyo ra॒yimida̭sya va॒rdhayanṋ | abhi̭nne khi॒lle nida̭dhāti deva॒yum || na tā na̭śanti॒ na da̭bhāti॒ taska̭raḥ | nainā̭ ami॒tro vyathi॒rāda̭dharṣati | de॒vāgśca॒ yābhi॒-ryaja̭te॒ dadā̭ti ca | jyogittābhiḥ̭ sacate॒ gopa̭ti-ssa॒ha ||, na tā arvā̭ re॒ṇuka̭kāṭo aśnute | na sagg̭ skṛta॒tra-mupa̭yanti॒ tā a॒bhi | u॒ru॒gā॒yamabha̭ya॒-ntasya॒ tā anṷ | gāvo॒ martya̭sya॒ vica̭ranti॒ yajva̭naḥ || || 69 ||

gāvo॒ bhago॒ gāva॒ indro̭ me acchāt | gāva॒-ssoma̭sya pratha॒masya̭ bha॒kṣaḥ | i॒mā yā gāva॒-ssaja̭nāsa॒ indraḥ̭ | i॒cchāmīddhṛ॒dā mana̭sā ci॒dindra᳚m || yū॒ya-ṅgā̭vo medayathā kṛ॒śa-ñci̭t | a॒ślī॒la-ñci̭-tkṛṇuthā su॒pratī̭kam | bha॒dra-ṅgṛ॒ha-ṅkṛ̭ṇutha bhadravācaḥ | bṛ॒hadvo॒ vaya̭ ucyate sa॒bhāsṷ || pra॒jāva̭tī-ssū॒yava̭sagṃ ri॒śantīḥ᳚ (ru॒śantīḥ᳚) | śu॒ddhā a॒pa-ssṷprapā॒ṇe piba̭ntīḥ | mā vaḥ̭ ste॒na ī̭śata॒ mā-'ghaśagṃ̭saḥ | pari̭vo he॒tī ru॒drasya̭ vṛñjyāt || upe॒da-mṷpa॒parca̭nam | ā॒su goṣūpa̭pṛcyatām | upa̭rṣa॒bhasya॒ reta̭si | upe᳚ndra॒ tava̭ vī॒rye᳚ || 70 ||

(ca॒rā॒mi॒ - kanī̭yo॒ - 'nyā - narpi̭tā - pa॒dāni॒ - yajva̭su - havāmahe - vi॒ṣṭhā - lo॒kāḥ - su॒vīra॒ - marvā॒ - piba̭ntī॒-ṣṣaṭca̭) (a. 8)

anuvākaṃ 9 - śuklakṛṣṇapaśvādīnāṃ sūktāni

tā sū᳚ryā candra॒masā̭ viśva॒bhṛtta̭mā ma॒hat | tejo॒ vasṷma-drājato di॒vi | sāmā᳚tmānā carata-ssāmacā॒riṇā᳚ | yayo᳚rvra॒ta-nna ma॒me jātṷ de॒vayoḥ᳚ || u॒bhāvantau॒ pari̭yāta॒ armyā᳚ | di॒vo na ra॒śmīg sta̭nu॒to-vya̭rṇa॒ve | u॒bhā bhṷva॒ntī bhuva̭nā ka॒vikra̭tū | sūryā॒ na ca॒ndrā ca̭rato ha॒tāma̭tī || patī᳚ dyu॒ma-dvi̭śva॒vidā̭ u॒bhā di॒vaḥ | sūryā̭ u॒bhā ca॒ndrama̭sā vicakṣa॒ṇā || 71 ||

vi॒śvavā̭rā varivo॒bhā vare᳚ṇyā | tā no̭-'vata-mmati॒mantā॒ mahi̭vratā || vi॒śva॒vapa̭rī pra॒tara̭ṇā tara॒ntā | su॒va॒rvidā̭ dṛ॒śaye॒ bhūri̭raśmī | sūryā॒ hi ca॒ndrā vasṷtve॒ṣa-da̭rśatā | ma॒na॒svino॒bhā-'nṷ cara॒to nu॒ sa-ndiva᳚m || a॒sya śravo̭ na॒dyaḥ̭ sa॒pta bi̭bhrati | dyāvā॒ kṣāmā̭ pṛthi॒vī da̭rśa॒taṃ-va~puḥ̭ | a॒sme sū᳚ryā candra॒masā̭-'bhi॒cakṣe᳚ | śra॒ddhe kami̭ndra carato vicartu॒ram || 72 ||

pū॒rvā॒pa॒ra-ñca̭rato mā॒ya yai॒tau | śiśū॒ krīḍa̭ntau॒ pari̭yāto addhva॒ram | viśvā᳚nya॒nyo bhuva̭nā 'bhi॒caṣṭe᳚ | ṛ॒tūna॒nyo vi॒dadha̭jjāyate॒ punaḥ̭ || hira̭ṇyavarṇā॒-śśuca̭yaḥ pāva॒kā yāsṷ jā॒taḥ ka॒śyapo॒ yāsvindraḥ̭ | a॒gniṃ-yā~ garbha̭-ndadhi॒re virṷ̄pā॒stā na॒ āpa॒-śśagg syo॒nā bha̭vantu ||,

yāsā॒gṃ॒ rājā॒ varṷṇo॒ yāti॒ madhyḙ satyānṛ॒te a̭va॒paśya॒n janā̭nām | ma॒dhu॒ścuta॒-śśuca̭yo॒ yāḥ pā̭va॒kāstā na॒ āpa॒-śśagg syo॒nā bha̭vantu || | yāsā᳚-nde॒vā di॒vi kṛ॒ṇvanti̭ bha॒kṣaṃ-yā~ a॒ntari̭kṣe bahu॒dhā bhava̭nti | yāḥ pṛ̭thi॒vī-mpaya̭so॒ndanti̭śu॒krāstā na॒ āpa॒-śśagg syo॒nā bha̭vantu ||, śi॒vena̭ mā॒ cakṣṷṣā paśyatā-''pa-śśi॒vayā̭ ta॒nuvopa̭ spṛśata॒ tvaca̭-mme | sarvāgṃ̭ a॒gnīgṃ ra̭phsu॒ṣado̭ huve vo॒ mayi॒ varco॒ bala॒mojo॒ ni dha̭tta || | āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭ -maraṅga॒ma ā mā᳚ prā॒ṇena̭ sa॒ha varca̭sā gann ||, ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || || nāsa̭dāsī॒nno sadā̭sī-tta॒dānī᳚m | nāsī॒-drajo॒ no vyo̭māpa॒ro yat | kimāva̭rīvaḥ॒ kuha॒ kasya॒ śarmanṋ || 73 ||

ambhaḥ॒ kimā̭sī॒-dgaha̭na-ṅgabhī॒ram || na mṛ॒tyura॒mṛta॒-ntarhi॒ na | rātri̭yā॒ ahna̭ āsī-tprake॒taḥ | ānī̭davā॒tagg sva॒dhayā॒ tadeka᳚m | tasmā᳚-ddhā॒nya-nna pa॒raḥ (pa॒raṃ) kiñca॒ nāsa̭ || tama̭ āsī॒-ttama̭sā gū॒ḍhamagre᳚ prake॒tam | sa॒li॒lagṃ sarva̭mā i॒dam | tu॒cche nā॒bhvapi̭hitaQṃ-ya~dāsī᳚t | tama̭sa॒ stanma̭hi॒nā jā̭ya॒taika᳚m || kāma॒stadagre॒ sama̭varta॒tādhi̭ || 74 ||

mana̭so॒ retaḥ̭ pratha॒maṃ-ya~dāsī᳚t | sa॒ to bandhu॒masa̭ti॒ nira̭vindann (nira̭vidann) | hṛ॒di pra॒tīṣyā̭ ka॒vayo̭ manī॒ṣā || ti॒ra॒ścīno॒ vita̭to ra॒śmirḙṣām | a॒dha-ssvi̭dā॒sī(3) du॒pari̭ svidāsī(3)t | re॒to॒dhā ā̭sa-nmahi॒māna̭ āsann | sva॒dhā a॒vastā॒-tpraya̭tiḥ pa॒rastā᳚t || ko a॒ddhā vḙda॒ ka i॒ha pravo̭cat | kuta॒ ājā̭tā॒ kuta̭ i॒yaṃ-vi~sṛ̭ṣṭiḥ | a॒rvāgde॒vā a॒sya vi॒sarja̭nāya || 75 ||

athā॒ ko vḙda॒ yata̭ āba॒bhūva̭ || i॒yaṃ-vi~sṛ̭ṣṭi॒-ryata̭ āba॒bhūva̭ | yadi̭ vā da॒dhe yadi̭ vā॒ na | yo a॒syāddhya̭kṣaḥ para॒me vyo̭mann | so a॒ṅga vḙda॒ yadi̭ vā॒ na veda̭ || kiggsvi॒dvana॒-ṅka u॒ sa vṛ॒kṣa ā̭sīt | yato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā pṛ॒cchatedu॒ tat | yada॒ddhyati̭ṣṭha॒-dbhuva̭nāni dhā॒rayanṋ || brahma॒ vana॒-mbrahma॒ sa vṛ॒kṣa ā̭sīt || 76 ||

yato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā॒ vibra̭vīmi vaḥ | brahmā॒ddhyati̭ṣṭha॒-dbhuva̭nāni dhā॒rayanṋ || prā॒tara॒gni-mprā॒tarindragṃ̭ havāmahe | prā॒ta rmi॒trāvarṷṇā prā॒tara॒śvinā᳚ | prā॒ta rbhaga̭-mpū॒ṣaṇa॒-mbrahma̭ṇa॒spati᳚m | prā॒tassoma̭mu॒ta ru॒dragṃ hṷvema || prā॒ta॒rjita॒-mbhaga̭mu॒gragṃ hṷvema | va॒ya-mpu॒tramadi̭te॒ryo vi̭dha॒rtā | ā॒ddhraści॒dya-mmanya̭māna-stu॒raści̭t || 77 ||

rājā̭ ci॒dya-mbhaga̭-mbha॒kṣītyāha̭ || bhaga॒ praṇḙta॒rbhaga॒ satya̭rādhaḥ | bhage॒mā-ndhiya॒muda̭va॒ dada̭nnaḥ | bhaga॒ praṇo̭ janaya॒ gobhi॒raśvaiḥ᳚ | bhaga॒ pranṛbhi̭-rnṛ॒vantaḥ̭ syāma | u॒tedānī॒-mbhaga̭vanta-ssyāma || u॒ta prapi॒tva u॒ta maddhye॒ ahnā᳚m | u॒todi̭tā maghava॒n-thsūrya̭sya | va॒ya-nde॒vānāgṃ̭ suma॒tau syā̭ma || bhaga̭ e॒va bhaga̭vāgṃ astu devāḥ || 78 ||

tena̭ va॒ya-mbhaga̭vanta-ssyāma | ta-ntvā̭ bhaga॒ sarva॒ ijjo̭havīmi | sa no̭ bhaga pura e॒tā bha̭ve॒ha || sama̭ddhva॒rāyo॒ṣaso̭ namanta | da॒dhi॒krāvḙva॒ śuca̭ye pa॒dāya̭ | a॒rvā॒cī॒naṃ-va~̭su॒vida॒-mbhaga̭nnaḥ | ratha̭mi॒vāśvā̭ vā॒jina॒ āva̭hantu || aśvā̭vatī॒-rgoma̭tī-rna u॒ṣāsaḥ̭ | vī॒rava̭tī॒-ssada̭mucchantu bha॒drāḥ | ghṛ॒ta-nduhā̭nā vi॒śvataḥ॒ prapī̭nāḥ | yū॒ya-mpā̭ta sva॒stibhi॒-ssadā̭ naḥ || 79 ||

(vi॒ca॒kṣa॒ṇā - vi̭cartu॒ragṃ - śarma॒ - nnadhi̭ - vi॒sarja̭nāya॒ - brahma॒ vana॒-mbrahma॒ sa vṛ॒kṣa ā̭sīt- tu॒raści̭-d- devāḥ॒ - prapī̭nā॒ eka̭-ñca) (a. 9)

(pīvo᳚-'nnā॒ - magne॒ tva-mpā̭ra - yānāghṛ॒ṣyaḥ - śuci॒-nnu stomaṃ̭ - ~vi॒śraya̭māṇo - di॒vo ru॒kmo - 'nna̭-mprā॒ṇaṃ - tā sū᳚ryācandra॒masā॒ nava̭saptatiḥ)

(pīvo᳚nnā - ~yū॒ya-mpā̭ta sva॒stibhi॒-ssadā̭naḥ)

|| hariḥ̭ om ||

|| kṛṣṇa yajurvedīya taittirīya brāhmaṇe dvitīyāṣṭake aṣṭamaḥ prapāṭhaka-ssamāptaḥ ||

|| kṛṣṇa yajurvedīya taittirīya brāhmaṇe dvitīyāṣṭakaṃ samāptam ||