Kena Upanishad - Chaturthah Khandah

ॐ

කේන උපනිෂද් - චතුර්ථඃ ඛණ්ඩඃ

Upanishad Sinhala

සා බ්රහ්මේති හෝවාච බ්රහ්මණෝ වා ඒතද්විජයේ මහීයධ්වමිති තතෝ හෛව විදාඤ්චකාර බ්රහ්මේති .. 1..

තස්මාද්වා ඒතේ දේවා අතිතරාමිවාන්යාන්දේවාන්යදග්නිර්වායුරින්ද්රස්තේ හ්යේනන්නේදිෂ්ඨ-ම්පස්පර්ශුස්තේ හ්යේනත්ප්රථමෝ විදාඤ්චකාර බ්රහ්මේති .. 2..

තස්මාද්වා ඉන්ද්රෝ-(අ)තිතරාමිවාන්යාන්දේවාන්ස හ්යේනන්නේදිෂ්ඨ-ම්පස්පර්ශ ස හ්යේනත්ප්රථමෝ විදාඤ්චකාර බ්රහ්මේති .. 3..

තස්යෛෂ ආදේශෝ යදේතද්විද්යුතෝ ව්යද්යුතදා(3) ඉතී-න්න්යමීමිෂදා(3) ඉත්යධිදෛවතම් .. 4..

අථාධ්යාත්මං-යँද්දේතද්ගච්ඡතීව ච මනෝ-(අ)නේන චෛතදුපස්මරත්යභීක්ෂ්ණං සඞ්කල්පඃ .. 5..

තද්ධ තද්වන-න්නාම තද්වනමිත්යුපාසිතව්යං ස ය ඒතදේවං-වේँදාභි හෛනග්ං සර්වාණි භූතානි සංවාँඤ්ඡන්ති .. 6..

උපනිෂද-ම්භෝ බ්රූහීත්යුක්තා ත උපනිෂද්බ්රාහ්මීං-වාँව ත උපනිෂදමබ්රූමේති .. 7..

තසෛ තපෝ දමඃ කර්මේති ප්රතිෂ්ඨා වේදා-ස්සර්වාඞ්ගානි සත්යමායතනම් .. 8..

යෝ වා ඒතාමේවං-වේँදාපහත්ය පාප්මානමනන්තේ ස්වර්ගේ ලෝකේ ජ්යේයේ ප්රතිතිෂ්ඨති ප්රතිතිෂ්ඨති .. 9..

.. ඉති කේනෝපනිෂදි චතුර්ථඃ ඛණ්ඩඃ ..

ඕං ආප්යායන්තු මමාඞ්ගානි වාක්ප්රාණශ්චක්ෂු-ශ්ශ්රෝත්රමථෝ බලමින්ද්රියාණි ච සර්වාණි . සර්ව-ම්බ්රහ්මෞපනිෂද-ම්මා-(අ)හ-ම්බ්රහ්ම නිරාකුර්යා-ම්මා මා බ්රහ්ම නිරාකරෝදනිරාකරණමස්ත්වනිරාකරණ-ම්මේ-(අ)ස්තු . තදාත්මනි නිරතේ ය උපනිෂත්සු ධර්මාස්තේ මයි සන්තු තේ මයි සන්තු .

ඕං ශාන්ති॒-ශ්ශාන්ති॒-ශ්ශාන්තිඃ॑ ..

.. ඉති කේනෝපනිෂත් ..

Roman (IAST) Transliteration

sā brahmeti hovāca brahmaṇo vā etadvijaye mahīyadhvamiti tato haiva vidāñcakāra brahmeti || 1||

tasmādvā ete devā atitarāmivānyāndevānyadagnirvāyurindraste hyenannediṣṭha-mpasparśuste hyenatprathamo vidāñcakāra brahmeti || 2||

tasmādvā indro-'titarāmivānyāndevānsa hyenannediṣṭha-mpasparśa sa hyenatprathamo vidāñcakāra brahmeti || 3||

tasyaiṣa ādeśo yadetadvidyuto vyadyutadā(3) itī-nnyamīmiṣadā(3) ityadhidaivatam || 4||

athādhyātmaṃ-ya~ddetadgacchatīva ca mano-'nena caitadupasmaratyabhīkṣṇaṃ saṅkalpaḥ || 5||

taddha tadvana-nnāma tadvanamityupāsitavyaṃ sa ya etadevaṃ-ve~dābhi hainagṃ sarvāṇi bhūtāni saṃvā~ñchanti || 6||

upaniṣada-mbho brūhītyuktā ta upaniṣadbrāhmīṃ-vā~va ta upaniṣadamabrūmeti || 7||

tasai tapo damaḥ karmeti pratiṣṭhā vedā-ssarvāṅgāni satyamāyatanam || 8||

yo vā etāmevaṃ-ve~dāpahatya pāpmānamanante svarge loke jyeye pratitiṣṭhati pratitiṣṭhati || 9||

|| iti kenopaniṣadi caturthaḥ khaṇḍaḥ ||

oṃ āpyāyantu mamāṅgāni vākprāṇaścakṣu-śśrotramatho balamindriyāṇi ca sarvāṇi | sarva-mbrahmaupaniṣada-mmā-'ha-mbrahma nirākuryā-mmā mā brahma nirākarodanirākaraṇamastvanirākaraṇa-mme-'stu | tadātmani nirate ya upaniṣatsu dharmāste mayi santu te mayi santu |

oṃ śānti॒-śśānti॒-śśāntiḥ̭ ||

|| iti kenopaniṣat ||