Kaliya Krita Krishna Stotram

ॐ

කාලිය කෘතා කෘෂ්ණ ස්තොත්රම්

Krishna Stotram Vyasa Sinhala

ව්යාස උවාච .

ඉත්යුක්තේ තාභිරාශ්වාස්ය ක්ලාන්තදේහෝ(අ)පි පන්නගඃ .

ප්රසීද දේවදේවේති ප්රාහ වාක්යං ශනෛඃ ශනෛඃ .. 43 ..

කාලීය උවාච .

තවාෂ්ටගුණමෛශ්වර්යං නාථ ස්වාභවිකං පරම් .

නිරස්තාතිශයං යස්ය තස්ය ස්තෝෂ්යාමි කින්වහම් .. 44 ..

ත්වං පරස්ත්වං පරස්යා(අ)ද්යඃ පරං ත්වං තත්පරාත්මකම් .

පරස්මාත්පරමෝ යස්ත්වං තස්ය ස්තෝෂ්යාමි කිං න්වහම් .. 45 ..

යථා(අ)හං භවතා සෘෂ්ටෝ ජාත්යා රූපේණ චේශ්වරඃ .

ස්වභාවේන ච සංයුක්තස්තථේදං චේෂ්ටිතං මයා .. 46 ..

යද්යන්යථා ප්රවර්තේය දේවදේව තතෝ මයි .

න්යාය්යෝ දණ්ඩනිපාතස්තේ තවෛව වචනං යථා .. 47 ..

තථා(අ)පි යං ජගත්ස්වාමී දණ්ඩං පාතිතවාන්මයි .

ස සෝඪෝ(අ)යං වරෝ දණ්ඩස්ත්වත්තෝ නාන්යෝ(අ)ස්තු මේ වරඃ .. 48 ..

හතවීර්යෝ හතවිෂෝ දමිතෝ(අ)හං ත්වයා(අ)ච්යුත .

ජීවිතං දීයතාමේකමාජ්ඤාපය කරෝමි කිම් .. 49 ..

ඉති බ්රහ්මපුරාණේ පඤ්චාශීත්යධිකශතතමාධ්යායාන්තර්ගතං

කාලියකෘතං ශ්රීකෘෂ්ණස්තෝත්රං සමාප්තම් .

බ්රහ්මපුරාණ . අධ්යාය 185/43-49 . .

Roman (IAST) Transliteration

vyāsa uvāca |

ityukte tābhirāśvāsya klāntadeho'pi pannagaḥ |

prasīda devadeveti prāha vākyaṃ śanaiḥ śanaiḥ || 43 ||

kālīya uvāca |

tavāṣṭaguṇamaiśvaryaṃ nātha svābhavikaṃ param |

nirastātiśayaṃ yasya tasya stoṣyāmi kinvaham || 44 ||

tvaṃ parastvaṃ parasyā'dyaḥ paraṃ tvaṃ tatparātmakam |

parasmātparamo yastvaṃ tasya stoṣyāmi kiṃ nvaham || 45 ||

yathā'haṃ bhavatā sṛṣṭo jātyā rūpeṇa ceśvaraḥ |

svabhāvena ca saṃyuktastathedaṃ ceṣṭitaṃ mayā || 46 ||

yadyanyathā pravarteya devadeva tato mayi |

nyāyyo daṇḍanipātaste tavaiva vacanaṃ yathā || 47 ||

tathā'pi yaṃ jagatsvāmī daṇḍaṃ pātitavānmayi |

sa soḍho'yaṃ varo daṇḍastvatto nānyo'stu me varaḥ || 48 ||

hatavīryo hataviṣo damito'haṃ tvayā'cyuta |

jīvitaṃ dīyatāmekamājñāpaya karomi kim || 49 ||

iti brahmapurāṇe pañcāśītyadhikaśatatamādhyāyāntargataṃ

kāliyakṛtaṃ śrīkṛṣṇastotraṃ samāptam |

brahmapurāṇa . adhyāya 185/43-49 . |