Dvadasha Jyotirlinga Stotram

ॐ

ද්වාදශ ජ්යෝතිර්ලිඞ්ග ස්තෝත්රම්

Shiva Dwadasanamam Adi Shankaracharya Sinhala

ලඝු ස්තෝත්රම්

සෞරාෂ්ට්රේ සෝමනාධඤ්ච ශ්රීශෛලේ මල්ලිකාර්ජුනම් .

උජ්ජයින්යාං මහාකාලං ඕඞ්කාරේත්වමාමලේශ්වරම් ..

පර්ල්යාං වෛද්යනාධඤ්ච ඪාකින්යාං භීම ශඞ්කරම් .

සේතුබන්ධේතු රාමේශං නාගේශං දාරුකාවනේ ..

වාරණාශ්යාන්තු විශ්වේශං ත්රයම්බකං ගෞතමීතටේ .

හිමාලයේතු කේදාරං ඝෘෂ්ණේශන්තු විශාලකේ ..

ඒතානි ජ්යෝතිර්ලිඞ්ගානි සායං ප්රාතඃ පඨේන්නරඃ .

සප්ත ජන්ම කෘතං පාපං ස්මරණේන විනශ්යති ..

සම්පූර්ණ ස්තෝත්රම්

සෞරාෂ්ට්රදේශේ විශදේ(අ)තිරම්යේ ජ්යෝතිර්මයං චන්ද්රකලාවතංසම් .

භක්තප්රදානාය කෘපාවතීර්ණං තං සෝමනාථං ශරණං ප්රපද්යේ .. 1 ..

ශ්රීශෛලශෘඞ්ගේ විවිධප්රසඞ්ගේ ශේෂාද්රිශෘඞ්ගේ(අ)පි සදා වසන්තම් .

තමර්ජුනං මල්ලිකපූර්වමේනං නමාමි සංසාරසමුද්රසේතුම් .. 2 ..

අවන්තිකායාං විහිතාවතාරං මුක්තිප්රදානාය ච සජ්ජනානාම් .

අකාලමෘත්යෝඃ පරිරක්ෂණාර්ථං වන්දේ මහාකාලමහාසුරේශම් .. 3 ..

කාවේරිකානර්මදයෝඃ පවිත්රේ සමාගමේ සජ්ජනතාරණාය .

සදෛව මාන්ධාතෘපුරේ වසන්තං ඕඞ්කාරමීශං ශිවමේකමීඩේ .. 4 ..

පූර්වෝත්තරේ ප්රජ්වලිකානිධානේ සදා වසං තං ගිරිජාසමේතම් .

සුරාසුරාරාධිතපාදපද්මං ශ්රීවෛද්යනාථං තමහං නමාමි .. 5 ..

යං ඩාකිනිශාකිනිකාසමාජේ නිෂේව්යමාණං පිශිතාශනෛශ්ච .

සදෛව භීමාදිපදප්රසිද්ධං තං ශඞ්කරං භක්තහිතං නමාමි .. 6 ..

ශ්රීතාම්රපර්ණීජලරාශියෝගේ නිබධ්ය සේතුං විශිඛෛරසඞ්ඛ්යෛඃ .

ශ්රීරාමචන්ද්රේණ සමර්පිතං තං රාමේශ්වරාඛ්යං නියතං නමාමි .. 7 ..

යාම්යේ සදඞ්ගේ නගරේ(අ)තිරම්යේ විභූෂිතාඞ්ගං විවිධෛශ්ච භෝගෛඃ .

සද්භක්තිමුක්තිප්රදමීශමේකං ශ්රීනාගනාථං ශරණං ප්රපද්යේ .. 8 ..

සානන්දමානන්දවනේ වසන්තං ආනන්දකන්දං හතපාපබෘන්දම් .

වාරාණසීනාථමනාථනාථං ශ්රීවිශ්වනාථං ශරණං ප්රපද්යේ .. 9 ..

සහ්යාද්රිශීර්ෂේ විමලේ වසන්තං ගෝදාවරිතීරපවිත්රදේශේ .

යද්දර්ශනාත් පාතකං පාශු නාශං ප්රයාති තං ත්ර්යම්බකමීශමීඩේ .. 10 ..

මහාද්රිපාර්ශ්වේ ච තටේ රමන්තං සම්පූජ්යමානං සතතං මුනීන්ද්රෛඃ .

සුරාසුරෛර්යක්ෂ මහෝරගාඪ්යෛඃ කේදාරමීශං ශිවමේකමීඩේ .. 11 ..

ඉලාපුරේ රම්යවිශාලකේ(අ)ස්මින් සමුල්ලසන්තං ච ජගද්වරේණ්යම් .

වන්දේ මහෝදාරතරස්වභාවං ඝෘෂ්ණේශ්වරාඛ්යං ශරණං ප්රපද්යේ .. 12 ..

ජ්යෝතිර්මයද්වාදශලිඞ්ගකානාං ශිවාත්මනාං ප්රෝක්තමිදං ක්රමේණ .

ස්තෝත්රං පඨිත්වා මනුජෝ(අ)තිභක්ත්යා ඵලං තදාලෝක්ය නිජං භජේච්ච ..

Roman (IAST) Transliteration

laghu stotram

saurāṣṭre somanādhañca śrīśaile mallikārjunam |

ujjayinyāṃ mahākālaṃ oṅkāretvamāmaleśvaram ||

parlyāṃ vaidyanādhañca ḍhākinyāṃ bhīma śaṅkaram |

setubandhetu rāmeśaṃ nāgeśaṃ dārukāvane ||

vāraṇāśyāntu viśveśaṃ trayambakaṃ gautamītaṭe |

himālayetu kedāraṃ ghṛṣṇeśantu viśālake ||

etāni jyotirliṅgāni sāyaṃ prātaḥ paṭhennaraḥ |

sapta janma kṛtaṃ pāpaṃ smaraṇena vinaśyati ||

sampūrṇa stotram

saurāṣṭradeśe viśade'tiramye jyotirmayaṃ candrakalāvataṃsam |

bhaktapradānāya kṛpāvatīrṇaṃ taṃ somanāthaṃ śaraṇaṃ prapadye || 1 ||

śrīśailaśṛṅge vividhaprasaṅge śeṣādriśṛṅge'pi sadā vasantam |

tamarjunaṃ mallikapūrvamenaṃ namāmi saṃsārasamudrasetum || 2 ||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3 ||

kāverikānarmadayoḥ pavitre samāgame sajjanatāraṇāya |

sadaiva māndhātṛpure vasantaṃ oṅkāramīśaṃ śivamekamīḍe || 4 ||

pūrvottare prajvalikānidhāne sadā vasaṃ taṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5 ||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 6 ||

śrītāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 7 ||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 8 ||

sānandamānandavane vasantaṃ ānandakandaṃ hatapāpabṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 9 ||

sahyādriśīrṣe vimale vasantaṃ godāvaritīrapavitradeśe |

yaddarśanāt pātakaṃ pāśu nāśaṃ prayāti taṃ tryambakamīśamīḍe || 10 ||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 11 ||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12 ||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||