Devi Vaibhavashcharya Ashtottara Shata Nama Stotram

ॐ

දේවී වෛභවාශ්චර්ය අෂ්ටෝත්තර ශත නාම ස්තෝත්රම්

Tara Ashtottara Sata Namavali Sinhala

අස්ය ශ්රී දේවීවෛභවාශ්චර්යාෂ්ටෝත්තරශතදිව්යනාම ස්තෝත්රමහාමන්ත්රස්ය ආනන්දභෛරව ඍෂිඃ, අනුෂ්ටුප් ඡන්දඃ, ශ්රී ආනන්දභෛරවී ශ්රීමහාත්රිපුරසුන්දරී දේවතා, ඓං බීජං, හ්රීං ශක්තිඃ, ශ්රීං කීලකං, මම ශ්රීආනන්දභෛරවී ශ්රීමහාත්රිපුරසුන්දරී ප්රසාදසිද්ධ්යර්ථේ ජපේ විනියෝගඃ .

ධ්යානම්

කුඞ්කුමපඞ්කසමාභා-

-මඞ්කුශපාශේක්ෂුකෝදණ්ඩශරාම් .

පඞ්කජමධ්යනිෂණ්ණාං

පඞ්කේරුහලෝචනාං පරාං වන්දේ ..

පඤ්චපූජා

ලං පෘථිව්යාත්මිකායෛ ගන්ධං සමර්පයාමි .

හං ආකාශාත්මිකායෛ පුෂ්පෛඃ පූජයාමි .

යං වාය්වාත්මිකායෛ ධූපමාඝ්රාපයාමි .

රං අග්න්යාත්මිකායෛ දීපං දර්ශයාමි .

වං අමෘතාත්මිකායෛ අමෘතං මහානෛවේද්යං නිවේදයාමි .

සං සර්වාත්මිකායෛ සර්වෝපචාරාන් සමර්පයාමි ..

ඕං ඓං හ්රීං ශ්රීම් .

පරමානන්දලහරී පරචෛතන්යදීපිකා .

ස්වයම්ප්රකාශකිරණා නිත්යවෛභවශාලිනී .. 1 ..

විශුද්ධකේවලාඛණ්ඩසත්යකාලාත්මරූපිණී .

ආදිමධ්යාන්තරහිතා මහාමායාවිලාසිනී .. 2 ..

ගුණත්රයපරිච්ඡේත්රී සර්වතත්ත්වප්රකාශිනී .

ස්ත්රීපුංසභාවරසිකා ජගත්සර්ගාදිලම්පටා .. 3 ..

අශේෂනාමරූපාදිභේදච්ඡේදරවිප්රභා .

අනාදිවාසනාරූපා වාසනෝද්යත්ප්රපඤ්චිකා .. 4 ..

ප්රපඤ්චෝපශමප්රෞඪා චරාචරජගන්මයී .

සමස්තජගදාධාරා සර්වසඤ්ජීවනෝත්සුකා .. 5 ..

භක්තචේතෝමයානන්තස්වාර්ථවෛභවවිභ්රමා .

සර්වාකර්ෂණවශ්යාදිසර්වකර්මධුරන්ධරා .. 6 ..

විජ්ඤානපරමානන්දවිද්යා සන්තානසිද්ධිදා .

ආයුරාරෝග්යසෞභාග්යබලශ්රීකීර්තිභාග්යදා .. 7 ..

ධනධාන්යමණීවස්ත්රභූෂාලේපනමාල්යදා .

ගෘහග්රාමමහාරාජ්යසාම්රාජ්යසුඛදායිනී .. 8 ..

සප්තාඞ්ගශක්තිසම්පූර්ණසාර්වභෞමඵලප්රදා .

බ්රහ්මවිෂ්ණුශිවේන්ද්රාදිපදවිශ්රාණනක්ෂමා .. 9 ..

භුක්තිමුක්තිමහාභක්තිවිරක්ත්යද්වෛතදායිනී .

නිග්රහානුග්රහාධ්යක්ෂා ජ්ඤානනිර්ද්වෛතදායිනී .. 10 ..

පරකායප්රවේශාදියෝගසිද්ධිප්රදායිනී .

ශිෂ්ටසඤ්ජීවනප්රෞඪා දුෂ්ටසංහාරසිද්ධිදා .. 11 ..

ලීලාවිනිර්මිතානේකකෝටිබ්රහ්මාණ්ඩමණ්ඩලා .

ඒකානේකාත්මිකා නානාරූපිණ්යර්ධාඞ්ගනේශ්වරී .. 12 ..

ශිවශක්තිමයී නිත්යශෘඞ්ගාරෛකරසප්රියා .

තුෂ්ටා පුෂ්ටා(අ)පරිච්ඡින්නා නිත්යයෞවනමෝහිනී .. 13 ..

සමස්තදේවතාරූපා සර්වදේවාධිදේවතා .

දේවර්ෂිපිතෘසිද්ධාදියෝගිනීභෛරවාත්මිකා .. 14 ..

නිධිසිද්ධිමණීමුද්රා ශස්ත්රාස්ත්රායුධභාසුරා .

ඡත්රචාමරවාදිත්රපතාකාව්යජනාඤ්චිතා .. 15 ..

හස්ත්යශ්වරථපාදාතාමාත්යසේනාසුසේවිතා .

පුරෝහිතකුලාචාර්යගුරුශිෂ්යාදිසේවිතා .. 16 ..

සුධාසමුද්රමධ්යෝද්යත්සුරද්රුමනිවාසිනී .

මණිද්වීපාන්තරප්රෝද්යත්කදම්බවනවාසිනී .. 17 ..

චින්තාමණිගෘහාන්තඃස්ථා මණිමණ්ටපමධ්යගා .

රත්නසිංහාසනප්රෝද්යච්ඡිවමඤ්චාධිශායිනී .. 18 ..

සදාශිවමහාලිඞ්ගමූලසඞ්ඝට්ටයෝනිකා .

අන්යෝන්යාලිඞ්ගසඞ්ඝර්ෂකණ්ඩූසඞ්ක්ෂුබ්ධමානසා .. 19 ..

කලෝද්යද්බින්දුකාලින්යාතුර්යනාදපරම්පරා .

නාදාන්තානන්දසන්දෝහස්වයංව්යක්තවචෝ(අ)මෘතා .. 20 ..

කාමරාජමහාතන්ත්රරහස්යාචාරදක්ෂිණා .

මකාරපඤ්චකෝද්භූතප්රෞඪාන්තෝල්ලාසසුන්දරී .. 21 ..

ශ්රීචක්රරාජනිලයා ශ්රීවිද්යාමන්ත්රවිග්රහා .

අඛණ්ඩසච්චිදානන්දශිවශක්ත්යෛක්යරූපිණී .. 22 ..

ත්රිපුරා ත්රිපුරේශානී මහාත්රිපුරසුන්දරී .

ත්රිපුරාවාසරසිකා ත්රිපුරාශ්රීස්වරූපිණී .. 23 ..

මහාපද්මවනාන්තස්ථා ශ්රීමත්ත්රිපුරමාලිනී .

මහාත්රිපුරසිද්ධාම්බා ශ්රීමහාත්රිපුරාම්බිකා .. 24 ..

නවචක්රක්රමාදේවී මහාත්රිපුරභෛරවී .

ශ්රීමාතා ලලිතා බාලා රාජරාජේශ්වරී ශිවා .. 25 ..

උත්පත්තිස්ථිතිසංහාරක්රමචක්රනිවාසිනී .

අර්ධමේර්වාත්මචක්රස්ථා සර්වලෝකමහේශ්වරී .. 26 ..

වල්මීකපුරමධ්යස්ථා ජම්බූවනනිවාසිනී .

අරුණාචලශෘඞ්ගස්ථා ව්යාඝ්රාලයනිවාසිනී .. 27 ..

ශ්රීකාලහස්තිනිලයා කාශීපුරනිවාසිනී .

ශ්රීමත්කෛලාසනිලයා ද්වාදශාන්තමහේශ්වරී .. 28 ..

ශ්රීෂෝඩශාන්තමධ්යස්ථා සර්වවේදාන්තලක්ෂිතා .

ශ්රුතිස්මෘතිපුරාණේතිහාසාගමකලේශ්වරී .. 29 ..

භූතභෞතිකතන්මාත්රදේවතාප්රාණහෘන්මයී .

ජීවේශ්වරබ්රහ්මරූපා ශ්රීගුණාඪ්යා ගුණාත්මිකා .. 30 ..

අවස්ථාත්රයනිර්මුක්තා වාග්රමෝමාමහීමයී .

ගායත්රීභුවනේශානීදුර්ගාකාල්යාදිරූපිණී .. 31 ..

මත්ස්යකූර්මවරාහාදිනානාරූපවිලාසිනී .

මහායෝගීශ්වරාරාධ්යා මහාවීරවරප්රදා .. 32 ..

සිද්ධේශ්වරකුලාරාධ්යා ශ්රීමච්චරණවෛභවා .. 33 ..

පුනර්ධ්යානම්

කුඞ්කුමපඞ්කසමාභා-

-මඞ්කුශපාශේක්ෂුකෝදණ්ඩශරාම් .

පඞ්කජමධ්යනිෂණ්ණාං

පඞ්කේරුහලෝචනාං පරාං වන්දේ ..

ඉති ශ්රීගර්භකුලාර්ණවතන්ත්රේ දේවී වෛභවාශ්චර්යාෂ්ටෝත්තරශතනාම ස්තෝත්රම් .

Roman (IAST) Transliteration

asya śrī devīvaibhavāścaryāṣṭottaraśatadivyanāma stotramahāmantrasya ānandabhairava ṛṣiḥ, anuṣṭup chandaḥ, śrī ānandabhairavī śrīmahātripurasundarī devatā, aiṃ bījaṃ, hrīṃ śaktiḥ, śrīṃ kīlakaṃ, mama śrīānandabhairavī śrīmahātripurasundarī prasādasiddhyarthe jape viniyogaḥ |

dhyānam

kuṅkumapaṅkasamābhā-

-maṅkuśapāśekṣukodaṇḍaśarām |

paṅkajamadhyaniṣaṇṇāṃ

paṅkeruhalocanāṃ parāṃ vande ||

pañcapūjā

laṃ pṛthivyātmikāyai gandhaṃ samarpayāmi |

haṃ ākāśātmikāyai puṣpaiḥ pūjayāmi |

yaṃ vāyvātmikāyai dhūpamāghrāpayāmi |

raṃ agnyātmikāyai dīpaṃ darśayāmi |

vaṃ amṛtātmikāyai amṛtaṃ mahānaivedyaṃ nivedayāmi |

saṃ sarvātmikāyai sarvopacārān samarpayāmi ||

oṃ aiṃ hrīṃ śrīm |

paramānandalaharī paracaitanyadīpikā |

svayamprakāśakiraṇā nityavaibhavaśālinī || 1 ||

viśuddhakevalākhaṇḍasatyakālātmarūpiṇī |

ādimadhyāntarahitā mahāmāyāvilāsinī || 2 ||

guṇatrayaparicchetrī sarvatattvaprakāśinī |

strīpuṃsabhāvarasikā jagatsargādilampaṭā || 3 ||

aśeṣanāmarūpādibhedacchedaraviprabhā |

anādivāsanārūpā vāsanodyatprapañcikā || 4 ||

prapañcopaśamaprauḍhā carācarajaganmayī |

samastajagadādhārā sarvasañjīvanotsukā || 5 ||

bhaktacetomayānantasvārthavaibhavavibhramā |

sarvākarṣaṇavaśyādisarvakarmadhurandharā || 6 ||

vijñānaparamānandavidyā santānasiddhidā |

āyurārogyasaubhāgyabalaśrīkīrtibhāgyadā || 7 ||

dhanadhānyamaṇīvastrabhūṣālepanamālyadā |

gṛhagrāmamahārājyasāmrājyasukhadāyinī || 8 ||

saptāṅgaśaktisampūrṇasārvabhaumaphalapradā |

brahmaviṣṇuśivendrādipadaviśrāṇanakṣamā || 9 ||

bhuktimuktimahābhaktiviraktyadvaitadāyinī |

nigrahānugrahādhyakṣā jñānanirdvaitadāyinī || 10 ||

parakāyapraveśādiyogasiddhipradāyinī |

śiṣṭasañjīvanaprauḍhā duṣṭasaṃhārasiddhidā || 11 ||

līlāvinirmitānekakoṭibrahmāṇḍamaṇḍalā |

ekānekātmikā nānārūpiṇyardhāṅganeśvarī || 12 ||

śivaśaktimayī nityaśṛṅgāraikarasapriyā |

tuṣṭā puṣṭā'paricchinnā nityayauvanamohinī || 13 ||

samastadevatārūpā sarvadevādhidevatā |

devarṣipitṛsiddhādiyoginībhairavātmikā || 14 ||

nidhisiddhimaṇīmudrā śastrāstrāyudhabhāsurā |

chatracāmaravāditrapatākāvyajanāñcitā || 15 ||

hastyaśvarathapādātāmātyasenāsusevitā |

purohitakulācāryaguruśiṣyādisevitā || 16 ||

sudhāsamudramadhyodyatsuradrumanivāsinī |

maṇidvīpāntaraprodyatkadambavanavāsinī || 17 ||

cintāmaṇigṛhāntaḥsthā maṇimaṇṭapamadhyagā |

ratnasiṃhāsanaprodyacchivamañcādhiśāyinī || 18 ||

sadāśivamahāliṅgamūlasaṅghaṭṭayonikā |

anyonyāliṅgasaṅgharṣakaṇḍūsaṅkṣubdhamānasā || 19 ||

kalodyadbindukālinyāturyanādaparamparā |

nādāntānandasandohasvayaṃvyaktavaco'mṛtā || 20 ||

kāmarājamahātantrarahasyācāradakṣiṇā |

makārapañcakodbhūtaprauḍhāntollāsasundarī || 21 ||

śrīcakrarājanilayā śrīvidyāmantravigrahā |

akhaṇḍasaccidānandaśivaśaktyaikyarūpiṇī || 22 ||

tripurā tripureśānī mahātripurasundarī |

tripurāvāsarasikā tripurāśrīsvarūpiṇī || 23 ||

mahāpadmavanāntasthā śrīmattripuramālinī |

mahātripurasiddhāmbā śrīmahātripurāmbikā || 24 ||

navacakrakramādevī mahātripurabhairavī |

śrīmātā lalitā bālā rājarājeśvarī śivā || 25 ||

utpattisthitisaṃhārakramacakranivāsinī |

ardhamervātmacakrasthā sarvalokamaheśvarī || 26 ||

valmīkapuramadhyasthā jambūvananivāsinī |

aruṇācalaśṛṅgasthā vyāghrālayanivāsinī || 27 ||

śrīkālahastinilayā kāśīpuranivāsinī |

śrīmatkailāsanilayā dvādaśāntamaheśvarī || 28 ||

śrīṣoḍaśāntamadhyasthā sarvavedāntalakṣitā |

śrutismṛtipurāṇetihāsāgamakaleśvarī || 29 ||

bhūtabhautikatanmātradevatāprāṇahṛnmayī |

jīveśvarabrahmarūpā śrīguṇāḍhyā guṇātmikā || 30 ||

avasthātrayanirmuktā vāgramomāmahīmayī |

gāyatrībhuvaneśānīdurgākālyādirūpiṇī || 31 ||

matsyakūrmavarāhādinānārūpavilāsinī |

mahāyogīśvarārādhyā mahāvīravarapradā || 32 ||

siddheśvarakulārādhyā śrīmaccaraṇavaibhavā || 33 ||

punardhyānam

kuṅkumapaṅkasamābhā-

-maṅkuśapāśekṣukodaṇḍaśarām |

paṅkajamadhyaniṣaṇṇāṃ

paṅkeruhalocanāṃ parāṃ vande ||

iti śrīgarbhakulārṇavatantre devī vaibhavāścaryāṣṭottaraśatanāma stotram |