Dakaradi Shri Durga Sahasra Nama Stotram

ॐ

දකාරාදි ශ්රී දුර්ගා සහස්ර නාම ස්තෝත්රම්

Durga Stotram Sinhala

ශ්රී දේව්යුවාච .

මම නාම සහස්රං ච ශිව පූර්වවිනිර්මිතම් .

තත්පඨ්යතාං විධානේන තථා සර්වං භවිෂ්යති ..

ඉත්යුක්ත්වා පාර්වතී දේවි ශ්රාවයාමාස තච්චතාන් .

තදේව නාමසාහස්රං දකාරාදි වරානනේ ..

රෝගදාරිද්ර්යදෞර්භාග්යශෝකදුඃඛවිනාශකම් .

සර්වාසාං පූජිතං නාම ශ්රීදුර්ගාදේවතා මතා ..

නිජබීජං භවේද්බීජං මන්ත්රං කීලකමුච්යතේ .

සර්වාශාපූරණේ දේවී විනියෝගඃ ප්රකීර්තිතඃ ..

ඕං අස්ය ශ්රීදකාරාදි දුර්ගාසහස්රනාම ස්තෝත්රස්ය ශිව ඍෂිඃ අනුෂ්ටුප්ඡන්දඃ ශ්රීදුර්ගා දේවතා දුං බීජං දුං කීලකං දුඃඛදාරිද්ර්යරෝගශෝක නිවෘත්ත්යර්ථං පාඨේ විනියෝගඃ .

ධ්යානම්

විද්යුද්දාමසමප්රභාං මෘගපති ස්කන්ධස්ථිතාං භීෂණාං

කන්යාභිඃ කරවාලඛේටවිලද්දස්තාභිරාසේවිතාම් .

හසෛශ්චක්රගදාසිඛේට විශිඛාංශ්චාපං ගුණං තර්ජනීං

බිභ්රාණාමනලාත්මිකාං ශශිධරාං දුර්ගාං ත්රිනේත්රාං භජේ ..

ස්තෝත්රම්

දුං දුර්ගා දුර්ගතිහරා දුර්ගාචලනිවාසිනී .

දුර්ගමාර්ගානුසඤ්චාරා දුර්ගමාර්ගනිවාසිනී .. 1 ..

දුර්ගමාර්ගප්රවිෂ්ටා ච දුර්ගමාර්ගප්රවේශිනී .

දුර්ගමාර්ගකෘතාවාසා දුර්ගමාර්ගජයප්රියා .. 2 ..

දුර්ගමාර්ගගෘහීතාර්චා දුර්ගමාර්ගස්ථිතාත්මිකා .

දුර්ගමාර්ගස්තුතිපරා දුර්ගමාර්ගස්මෘතිඃ පරා .. 3 ..

දුර්ගමාර්ගසදාස්ථාත්රී දුර්ගමාර්ගරතිප්රියා .

දුර්ගමාර්ගස්ථලස්ථානා දුර්ගමාර්ගවිලාසිනී .. 4 ..

දුර්ගමාර්ගත්යක්තවස්ත්රා දුර්ගමාර්ගප්රවර්තිනී .

දුර්ගාසුරනිහන්ත්රී ච දුර්ගාසුරනිෂූදිනී .. 5 ..

දුර්ගාසුරහරා දූතී දුර්ගාසුරවිනාශිනී .

දුර්ගාසුරවධෝන්මත්තා දුර්ගාසුරවධෝත්සුකා .. 6 ..

දුර්ගාසුරවධෝත්සාහා දුර්ගාසුරවධෝද්යතා .

දුර්ගාසුරවධප්රේප්සුඃ දුර්ගාසුරමුඛාන්තකෘත් .. 7 ..

දුර්ගාසුරධ්වංසතෝෂා දුර්ගදානවදාරිණී .

දුර්ගවිද්රාවණකරී දුර්ගවිද්රාවණී සදා .. 8 ..

දුර්ගවික්ෂෝභණකරී දුර්ගශීර්ෂනිකෘන්තනී .

දුර්ගවිධ්වංසනකරී දුර්ගදෛත්යනිකෘන්තනී .. 9 ..

දුර්ගදෛත්යප්රාණහරා දුර්ගදෛත්යාන්තකාරිණී .

දුර්ගදෛත්යහරත්රාතා දුර්ගදෛත්යාසෘගුන්මදා .. 10 ..

දුර්ගදෛත්යාශනකරී දුර්ගචර්මාම්බරාවෘතා .

දුර්ගයුද්ධෝත්සවකරී දුර්ගයුද්ධවිශාරදා .. 11 ..

දුර්ගයුද්ධාසවරතා දුර්ගයුද්ධවිමර්දිනී .

දුර්ගයුද්ධහාස්යරතා දුර්ගයුද්ධාට්ටහාසිනී .. 12 ..

දුර්ගයුද්ධමහාමත්තා දුර්ගයුද්ධානුසාරිණී .

දුර්ගයුද්ධෝත්සවෝත්සාහා දුර්ගදේශනිෂේවිණී .. 13 ..

දුර්ගදේශවාසරතා දුර්ගදේශවිලාසිනී .

දුර්ගදේශාර්චනරතා දුර්ගදේශජනප්රියා .. 14 ..

දුර්ගමස්ථානසංස්ථානා දුර්ගමධ්යානුසාධනා .

දුර්ගමා දුර්ගමධ්යානා දුර්ගමාත්මස්වරූපිණී .. 15 ..

දුර්ගමාගමසන්ධානා දුර්ගමාගමසංස්තුතා .

දුර්ගමාගමදුර්ජ්ඤේයා දුර්ගමශ්රුතිසම්මතා .. 16 ..

දුර්ගමශ්රුතිමාන්යා ච දුර්ගමශ්රුතිපූජිතා .

දුර්ගමශ්රුතිසුප්රීතා දුර්ගමශ්රුතිහර්ෂදා .. 17 ..

දුර්ගමශ්රුතිසංස්ථානා දුර්ගමශ්රුතිමානිතා .

දුර්ගමාචාරසන්තුෂ්ටා දුර්ගමාචාරතෝෂිතා .. 18 ..

දුර්ගමාචාරනිර්වෘත්තා දුර්ගමාචාරපූජිතා .

දුර්ගමාචාරකලිතා දුර්ගමස්ථානදායිනී .. 19 ..

දුර්ගමප්රේමනිරතා දුර්ගමද්රවිණප්රදා .

දුර්ගමාම්බුජමධ්යස්ථා දුර්ගමාම්බුජවාසිනී .. 20 ..

දුර්ගනාඩීමාර්ගගතිර්දුර්ගනාඩීප්රචාරිණී .

දුර්ගනාඩීපද්මරතා දුර්ගනාඩ්යම්බුජස්ථිතා .. 21 ..

දුර්ගනාඩීගතායාතා දුර්ගනාඩීකෘතාස්පදා .

දුර්ගනාඩීරතරතා දුර්ගනාඩීශසංස්තුතා .. 22 ..

දුර්ගනාඩීශ්වරරතා දුර්ගනාඩීශචුම්බිතා .

දුර්ගනාඩීශක්රෝඩස්ථා දුර්ගනාඩ්යත්ථිතෝත්සුකා .. 23 ..

දුර්ගනාඩ්යාරෝහණා ච දුර්ගනාඩීනිෂේවිතා .

දරිස්ථානා දරිස්ථානවාසිනී දනුජාන්තකෘත් .. 24 ..

දරීකෘතතපස්යා ච දරීකෘතහරාර්චනා .

දරීජාපිතදිෂ්ටා ච දරීකෘතරතිප්රියා .. 25 ..

දරීකෘතහරාර්හා ච දරීක්රීඩිතපුත්රිකා .

දරීසන්දර්ශනරතා දරීරෝපිතවෘශ්චිකා .. 26 ..

දරීගුප්තිකෞතුකාඪ්යා දරීභ්රමණතත්පරා .

දනුජාන්තකරී දීනා දනුසන්තානදාරිණී .. 27 ..

දනුජධ්වංසිනී දූනා දනුජේන්ද්රවිනාශිනී .

දානවධ්වංසිනී දේවී දානවානාං භයඞ්කරී .. 28 ..

දානවී දානවාරාධ්යා දානවේන්ද්රවරප්රදා .

දානවේන්ද්රනිහන්ත්රී ච දානවද්වේෂිණීසතී .. 29 ..

දානවාරිප්රේමරතා දානවාරිප්රපූජිතා .

දානවාරිකෘතාර්චා ච දානවාරිවිභූතිදා .. 30 ..

දානවාරිමහානන්දා දානවාරිරතිප්රියා .

දානවාරිදානරතා දානවාරිකෘතාස්පදා .. 31 ..

දානවාරිස්තුතිරතා දානවාරිස්මෘතිප්රියා .

දානවාර්යාහාරරතා දානවාරිප්රබෝධිනී .. 32 ..

දානවාරිධෘතප්රේමා දුඃඛශෝකවිමෝචනී .

දුඃඛහන්ත්රී දුඃඛදාත්රී දුඃඛනිර්මූලකාරිණී .. 33 ..

දුඃඛනිර්මූලනකරී දුඃඛදාරිද්ර්යනාශිනී . [දාර්යරිනාශිනී]

දුඃඛහරා දුඃඛනාශා දුඃඛග්රාමා දුරාසදා .. 34 ..

දුඃඛහීනා දුඃඛදූරා ද්රවිණාචාරදායිනී .

ද්රවිණෝත්සර්ගසන්තුෂ්ටා ද්රවිණත්යාගතෝෂිතා .. 35 ..

ද්රවිණස්පර්ශසන්තුෂ්ටා ද්රවිණස්පර්ශමානදා .

ද්රවිණස්පර්ශහර්ෂාඪ්යා ද්රවිණස්පර්ශතුෂ්ටිදා .. 36 ..

ද්රවිණස්පර්ශනකරී ද්රවිණස්පර්ශනාතුරා .

ද්රවිණස්පර්ශනෝත්සාහා ද්රවිණස්පර්ශසාධිතා .. 37 ..

ද්රවිණස්පර්ශනමතා ද්රවිණස්පර්ශපුත්රිකා .

ද්රවිණස්පර්ශරක්ෂිණී ද්රවිණස්තෝමදායිනී .. 38 ..

ද්රවිණාකර්ෂණකරී ද්රවිණෞඝවිසර්ජනී .

ද්රවිණාචලදානාඪ්යා ද්රවිණාචලවාසිනී .. 39 ..

දීනමාතා දීනබන්ධුර්දීනවිඝ්නවිනාශිනී .

දීනසේව්යා දීනසිද්ධා දීනසාධ්යා දිගම්බරී .. 40 ..

දීනගේහකෘතානන්දා දීනගේහවිලාසිනී .

දීනභාවප්රේමරතා දීනභාවවිනෝදිනී .. 41 ..

දීනමානවචේතඃස්ථා දීනමානවහර්ෂදා .

දීනදෛන්යවිඝාතේච්ඡුර්දීනද්රවිණදායිනී .. 42 ..

දීනසාධනසන්තුෂ්ටා දීනදර්ශනදායිනී .

දීනපුත්රාදිදාත්රී ච දීනසම්යග්විධායිනී .. 43 ..

දත්තාත්රේයධ්යානරතා දත්තාත්රේයප්රපූජිතා .

දත්තාත්රේයර්ෂිසංසිද්ධා දත්තාත්රේයවිභාවිතා .. 44 ..

දත්තාත්රේයකෘතාර්හා ච දත්තාත්රේයප්රසාදිතා .

දත්තාත්රේයහර්ෂදාත්රී දත්තාත්රේයසුඛප්රදා .. 45 ..

දත්තාත්රේයස්තුතා චෛව දත්තාත්රේයනුතාසදා .

දත්තාත්රේයප්රේමරතා දත්තාත්රේයානුමානිතා .. 46 ..

දත්තාත්රේයසමුද්ගීතා දත්තාත්රේයකුටුම්බිනී .

දත්තාත්රේයප්රාණතුල්යා දත්තාත්රේයශරීරිණී .. 47 ..

දත්තාත්රේයකෘතානන්දා දත්තාත්රේයාංශසම්භවා .

දත්තාත්රේයවිභූතිස්ථා දත්තාත්රේයානුසාරිණී .. 48 ..

දත්තාත්රේයගීතිරතා දත්තාත්රේයධනප්රදා .

දත්තාත්රේයදුඃඛහරා දත්තාත්රේයවරප්රදා .. 49 ..

දත්තාත්රේයජ්ඤානදාත්රී දත්තාත්රේයභයාපහා .

දේවකන්යා දේවමාන්යා දේවදුඃඛවිනාශිනී .. 50 ..

දේවසිද්ධා දේවපූජ්යා දේවේජ්යා දේවවන්දිතා .

දේවමාන්යා දේවධන්යා දේවවිඝ්නවිනාශිනී .. 51 ..

දේවරම්යා දේවරතා දේවකෞතුකතත්පරා .

දේවක්රීඩා දේවව්රීඩා දේවවෛරිවිනාශිනී .. 52 ..

දේවකාමා දේවරාමා දේවද්විෂවිනාශිනී .

දේවදේවප්රියා දේවී දේවදානවවන්දිතා .. 53 ..

දේවදේවරතානන්දා දේවදේවවරෝත්සුකා .

දේවදේවප්රේමරතා දේවදේවප්රියංවදා .. 54 ..

දේවදේවප්රාණතුල්යා දේවදේවනිතම්බිනී .

දේවදේවහෘතමනා දේවදේවසුඛාවහා .. 55 ..

දේවදේවක්රෝඩරතා දේවදේවසුඛප්රදා .

දේවදේවමහානන්දා දේවදේවප්රචුම්බිතා .. 56 ..

දේවදේවෝපභුක්තා ච දේවදේවානුසේවිතා .

දේවදේවගතප්රාණා දේවදේවගතාත්මිකා .. 57 ..

දේවදේවහර්ෂදාත්රී දේවදේවසුඛප්රදා .

දේවදේවමහානන්දා දේවදේවවිලාසිනී .. 58 ..

දේවදේවධර්මපත්නී දේවදේවමනෝගතා .

දේවදේවවධූර්දේවී දේවදේවාර්චනප්රියා .. 59 ..

දේවදේවාඞ්ගනිලයා දේවදේවාඞ්ගශායිනී .

දේවදේවාඞ්ගසුඛිනී දේවදේවාඞ්ගවාසිනී .. 60 ..

දේවදේවාඞ්ගභූෂා ච දේවදේවාඞ්ගභූෂණා .

දේවදේවප්රියකරී දේවදේවාප්රියාන්තකෘත් .. 61 ..

දේවදේවප්රියප්රාණා දේවදේවප්රියාත්මිකා .

දේවදේවාර්චකප්රාණා දේවදේවාර්චකප්රියා .. 62 ..

දේවදේවාර්චකෝත්සාහා දේවදේවාර්චකාශ්රයා .

දේවදේවාර්චකාවිඝ්නා දේවදේවප්රසූරපි .. 63 ..

දේවදේවස්ය ජනනී දේවදේවවිධායිනී .

දේවදේවස්ය රමණී දේවදේවහෘදාශ්රයා .. 64 ..

දේවදේවේෂ්ටදේවී ච දේවතාපවිපාතිනී . [තාපසපාලිනී]

දේවතාභාවසන්තුෂ්ටා දේවතාභාවතෝෂිතා .. 65 ..

දේවතාභාවවරදා දේවතාභාවසිද්ධිදා .

දේවතාභාවසංසිද්ධා දේවතාභාවසම්භවා .. 66 ..

දේවතාභාවසුඛිනී දේවතාභාවවන්දිතා .

දේවතාභාවසුප්රීතා දේවතාභාවහර්ෂදා .. 67 ..

දේවතාවිඝ්නහන්ත්රී ච දේවතාද්විෂනාශිනී .

දේවතාපූජිතපදා දේවතාප්රේමතෝෂිතා .. 68 ..

දේවතාගාරනිලයා දේවතාසෞඛ්යදායිනී .

දේවතානිජභාවා ච දේවතාහෘතමානසා .. 69 ..

දේවතාකෘතපාදාර්චා දේවතාහෘතභක්තිකා .

දේවතාගර්වමධ්යස්ථා දේවතාදේවතාතනුඃ .. 70 ..

දුං‍දුර්ගායෛ නමෝ නාම්නී දුං‍ෂණ්මන්ත්රස්වරූපිණී .

දූන්නමෝමන්ත්රරූපා ච දූන්නමෝමූර්තිකාත්මිකා .. 71 ..

දූරදර්ශිප්රියා දුෂ්ටා දුෂ්ටභූතනිෂේවිතා .

දූරදර්ශිප්රේමරතා දූරදර්ශිප්රියංවදා .. 72 ..

දූරදර්ශිසිද්ධිදාත්රී දූරදර්ශිප්රතෝෂිතා .

දූරදර්ශිකණ්ඨසංස්ථා දූරදර්ශිප්රහර්ෂිතා .. 73 ..

දූරදර්ශිගෘහීතාර්චා දූරදර්ශිප්රතර්පිතා .

දූරදර්ශිප්රාණතුල්යා දූරදර්ශිසුඛප්රදා .. 74 ..

දූරදර්ශිභ්රාන්තිහරා දූරදර්ශිහෘදාස්පදා .

දූරදර්ශ්යරිවිද්භාවා දීර්ඝදර්ශිප්රමෝදිනී .. 75 ..

දීර්ඝදර්ශිප්රාණතුල්යා දීර්ඝදර්ශිවරප්රදා .

දීර්ඝදර්ශිහර්ෂදාත්රී දීර්ඝදර්ශිප්රහර්ෂිතා .. 76 ..

දීර්ඝදර්ශිමහානන්දා දීර්ඝදර්ශිගෘහාලයා .

දීර්ඝදර්ශිගෘහීතාර්චා දීර්ඝදර්ශිහෘතාර්හණා .. 77 ..

දයා දානවතී දාත්රී දයාලුර්දීනවත්සලා .

දයාර්ද්රා ච දයාශීලා දයාඪ්යා ච දයාත්මිකා .. 78 ..

දයාම්බුධිර්දයාසාරා දයාසාගරපාරගා .

දයාසින්ධුර්දයාභාරා දයාවත්කරුණාකරී .. 80 ..

දයාවද්වත්සලාදේවී දයාදානරතාසදා .

දයාවද්භක්තිසුඛිනී දයාවත්පරිතෝෂිතා .. 81 ..

දයාවත්ස්නේහනිරතා දයාවත්ප්රතිපාදිකා .

දයාවත්ප්රාණකර්ත්රී ච දයාවන්මුක්තිදායිනී .. 82 ..

දයාවද්භාවසන්තුෂ්ටා දයාවත්පරිතෝෂිතා .

දයාවත්තාරණපරා දයාවත්සිද්ධිදායිනී .. 83 ..

දයාවත්පුත්රවද්භාවා දයාවත්පුත්රරූපිණී .

දයාවද්දේහනිලයා දයාබන්ධුර්දයාශ්රයා .. 84 ..

දයාලුවාත්සල්යකරී දයාලුසිද්ධිදායිනී .

දයාලුශරණාසක්තා දයාලුර්දේහමන්දිරා .. 85 ..

දයාලුභක්තිභාවස්ථා දයාලුප්රාණරූපිණී .

දයාලුසුඛදා දම්භා දයාලුප්රේමවර්ෂිණී .. 86 ..

දයාලුවශගා දීර්ඝා දීර්ඝාඞ්ගී දීර්ඝලෝචනා .

දීර්ඝනේත්රා දීර්ඝචක්ෂුර්දීර්ඝබාහුලතාත්මිකා .. 87 ..

දීර්ඝකේශී දීර්ඝමුඛී දීර්ඝඝෝණා ච දාරුණා .

දාරුණාසුරහන්ත්රී ච දාරුණාසුරදාරිණී .. 88 ..

දාරුණාහවකර්ත්රී ච දාරුණාහවහර්ෂිතා .

දාරුණාහවහෝමාඪ්යා දාරුණාචලනාශිනී .. 89 ..

දාරුණාචාරනිරතා දාරුණෝත්සවහර්ෂිතා .

දාරුණෝද්යතරූපා ච දාරුණාරිනිවාරිණී .. 90 ..

දාරුණේක්ෂණසංයුක්තා දෝශ්චතුෂ්කවිරාජිතා .

දශදෝෂ්කා දශභුජා දශබාහුවිරාජිතා .. 91 ..

දශාස්ත්රධාරිණී දේවී දශදික්ඛ්යාතවික්රමා .

දශරථාර්චිතපදා දාශරථිප්රියා සදා .. 92 ..

දාශරථිප්රේමතුෂ්ටා දාශරථිරතිප්රියා .

දාශරථිප්රියකරී දාශරථිප්රියංවදා .. 93 ..

දාශරථීෂ්ටසන්දාත්රී දාශරථීෂ්ටදේවතා .

දාශරථිද්වේෂිනාශා දාශරථ්යානුකූල්යදා .. 94 ..

දාශරථිප්රියතමා දාශරථිප්රපූජිතා .

දශානනාරිසම්පූජ්යා දශානනාරිදේවතා .. 95 ..

දශානනාරිප්රමදා දශානනාරිජන්මභූඃ .

දශානනාරිරතිදා දශානනාරිසේවිතා .. 96 ..

දශානනාරිසුඛදා දශානනාරිවෛරිහෘත් .

දශානනාරීෂ්ටදේවී දශග්රීවාරිවන්දිතා .. 97 ..

දශග්රීවාරිජනනී දශග්රීවාරිභාවිනී .

දශග්රීවාරිසහිතා දශග්රීවසභාජිතා .. 98 ..

දශග්රීවාරිරමණී දශග්රීවවධූරපි .

දශග්රීවනාශකර්ත්රී දශග්රීවවරප්රදා .. 99 ..

දශග්රීවපුරස්ථා ච දශග්රීවවධෝත්සුකා .

දශග්රීවප්රීතිදාත්රී දශග්රීවවිනාශිනී .. 100 ..

දශග්රීවාහවකරී දශග්රීවානපායිනී .

දශග්රීවප්රියාවන්ද්යා දශග්රීවාහෘතා තථා .. 101 ..

දශග්රීවාහිතකරී දශග්රීවේශ්වරප්රියා .

දශග්රීවේශ්වරප්රාණා දශග්රීවවරප්රදා .. 102 ..

දශග්රීවේශ්වරරතා දශවර්ෂීයකන්යකා .

දශවර්ෂීයබාලා ච දශවර්ෂීයවාසිනී .. 103 ..

දශපාපහරා දම්යා දශහස්තවිභූෂිතා .

දශශස්ත්රලසද්දෝෂ්කා දශදික්පාලවන්දිතා .. 104 ..

දශාවතාරරූපා ච දශාවතාරරූපිණී .

දශවිද්යාභින්නදේවී දශප්රාණස්වරූපිණී .. 105 ..

දශවිද්යාස්වරූපා ච දශවිද්යාමයී තථා .

දෘක්ස්වරූපා දෘක්ප්රදාත්රී දෘග්රූපා දෘක්ප්රකාශිනී .. 106 ..

දිගන්තරා දිගන්තස්ථා දිගම්බරවිලාසිනී .

දිගම්බරසමාජස්ථා දිගම්බරප්රපූජිතා .. 107 ..

දිගම්බරසහචරී දිගම්බරකෘතාස්පදා .

දිගම්බරහෘතාචිත්තා දිගම්බරකථාප්රියා .. 108 ..

දිගම්බරගුණරතා දිගම්බරස්වරූපිණී .

දිගම්බරශිරෝධාර්යා දිගම්බරහෘතාශ්රයා .. 109 ..

දිගම්බරප්රේමරතා දිගම්බරරතාතුරා .

දිගම්බරීස්වරූපා ච දිගම්බරීගණාර්චිතා .. 110 ..

දිගම්බරීගණප්රාණා දිගම්බරීගණප්රියා .

දිගම්බරීගණාරාධ්යා දිගම්බරගණේශ්වරා .. 111 ..

දිගම්බරගණස්පර්ශාමදිරාපානවිහ්වලා .

දිගම්බරීකෝටිවෘතා දිගම්බරීගණාවෘතා .. 112 ..

දුරන්තා දුෂ්කෘතිහරා දුර්ධ්යේයා දුරතික්රමා .

දුරන්තදානවද්වේෂ්ටී දුරන්තදනුජාන්තකෘත් .. 113 ..

දුරන්තපාපහන්ත්රී ච දස්රනිස්තාරකාරිණී .

දස්රමානසසංස්ථානා දස්රජ්ඤානවිවර්ධිනී .. 114 ..

දස්රසම්භෝගජනනී දස්රසම්භෝගදායිනී .

දස්රසම්භෝගභවනා දස්රවිද්යාවිධායිනී .. 115 ..

දස්රෝද්වේගහරා දස්රජනනී දස්රසුන්දරී .

දස්රභක්තිවිධාජ්ඤානා දස්රද්විෂවිනාශිනී .. 116 ..

දස්රාපකාරදමනී දස්රසිද්ධිවිධායිනී .

දස්රතාරාරාධිතා ච දස්රමාතෘප්රපූජිතා .. 117 ..

දස්රදෛන්යහරා චෛව දස්රතාතනිෂේවිතා .

දස්රපිතෘශතජ්යෝතිර්දස්රකෞශලදායිනී .. 118 ..

දශශීර්ෂාරිසහිතා දශශීර්ෂාරිකාමිනී .

දශශීර්ෂපුරී දේවී දශශීර්ෂසභාජිතා .. 119 ..

දශශීර්ෂාරිසුප්රීතා දශශීර්ෂවධූප්රියා .

දශශීර්ෂශිරශ්ඡේත්රී දශශීර්ෂනිතම්බිනී .. 120 ..

දශශීර්ෂහරප්රාණා දශශීර්ෂහරාත්මිකා .

දශශීර්ෂහරාරාධ්යා දශශීර්ෂාරිවන්දිතා .. 121 ..

දශශීර්ෂාරිසුඛදා දශශීර්ෂකපාලිනී .

දශශීර්ෂජ්ඤානදාත්රී දශශීර්ෂාරිදේහිනී .. 122 ..

දශශීර්ෂවධෝපාත්තශ්රීරාමචන්ද්රරූපතා .

දශශීර්ෂරාෂ්ට්රදේවී දශශීර්ෂාරිසාරිණී .. 123 ..

දශශීර්ෂභ්රාතෘතුෂ්ටා දශශීර්ෂවධූප්රියා .

දශශීර්ෂවධූප්රාණා දශශීර්ෂවධූරතා .. 124 ..

දෛත්යගුරුරතා සාධ්වී දෛත්යගුරුප්රපූජිතා .

දෛත්යගුරූපදේෂ්ට්රී ච දෛත්යගුරුනිෂේවිතා .. 125 ..

දෛත්යගුරුගතප්රාණා දෛත්යගුරුතාපනාශිනී .

දුරන්තදුඃඛශමනී දුරන්තදමනීතමී .. 126 ..

දුරන්තශෝකශමනී දුරන්තරෝගනාශිනී .

දුරන්තවෛරිදමනී දුරන්තදෛත්යනාශිනී .. 127 ..

දුරන්තකලුෂඝ්නී ච දුෂ්කෘතිස්තෝමනාශිනී .

දුරාශයා දුරාධාරා දුර්ජයා දුෂ්ටකාමිනී .. 128 ..

දර්ශනීයා ච දෘශ්යා ච දෘෂ්ට්වා ච දෘෂ්ටිගෝචරා .

දූතීයාගප්රියා දූතී දූතීයාගකරප්රියා .. 129 ..

දූතීයාගකරානන්දා දූතීයාගසුඛප්රදා .

දූතීයාගකරායාතා දූතීයාගප්රමෝදිනී .. 130 ..

දුර්වාසඃපූජිතා චෛව දුර්වාසෝමුනිභාවිතා .

දුර්වාසෝ(අ)ර්චිතපාදා ච දුර්වාසෝමුනිභාවිතා .. 131 ..

දුර්වාසෝමුනිවන්ද්යා ච දුර්වාසෝමුනිදේවතා .

දුර්වාසෝමුනිමාතා ච දුර්වාසෝමුනිසිද්ධිදා .. 132 ..

දුර්වාසෝමුනිභාවස්ථා දුර්වාසෝමුනිසේවිතා .

දුර්වාසෝමුනිචිත්තස්ථා දුර්වාසෝමුනිමණ්ඩිතා .. 133 ..

දුර්වාසෝමුනිසඤ්චාරා දුර්වාසෝහෘදයඞ්ගමා .

දුර්වාසෝහෘදයාරාධ්යා දුර්වාසෝහෘත්සරෝජගා .. 134 ..

දුර්වාසස්තාපසාරාධ්යා දුර්වාසස්තාපසාශ්රයා .

දුර්වාසස්තාපසරතා දුර්වාසස්තාපසේශ්වරී .. 135 ..

දුර්වාසෝමුනිකන්යා ච දුර්වාසෝ(අ)ද්භුතසිද්ධිදා .

දරරාත්රී දරහරා දරයුක්තා දරාපහා .. 136 ..

දරඝ්නී දරහන්ත්රී ච දරයුක්තා දරාශ්රයා .

දරස්මේරා දරාපාඞ්ගී දයාදාත්රී දයාශ්රයා .

දස්රපූජ්යා දස්රමාතා දස්රදේවී දරෝන්මදා .. 137 ..

දස්රසිද්ධා දස්රසංස්ථා දස්රතාපවිමෝචනී .

දස්රක්ෂෝභහරා නිත්යා දස්රලෝකගතාත්මිකා .. 138 ..

දෛත්යගුර්වඞ්ගනාවන්ද්යා දෛත්යගුර්වඞ්ගනාප්රියා .

දෛත්යගුර්වඞ්ගනාසිද්ධා දෛත්යගුර්වඞ්ගනෝත්සුකා .. 139 ..

දෛත්යගුරුප්රියතමා දේවගුරුනිෂේවිතා .

දේවගුරුප්රසූරූපා දේවගුරුකෘතාර්හණා .. 140 ..

දේවගුරුප්රේමයුතා දේවගුර්වනුමානිතා .

දේවගුරුප්රභාවජ්ඤා දේවගුරුසුඛප්රදා .. 141 ..

දේවගුරුජ්ඤානදාත්රී දේවගුරුප්රමෝදිනී .

දෛත්යස්ත්රීගණසම්පූජ්යා දෛත්යස්ත්රීගණපූජිතා .. 142 ..

දෛත්යස්ත්රීගණරූපා ච දෛත්යස්ත්රීචිත්තහාරිණී .

දේවස්ත්රීගණපූජ්යා ච දේවස්ත්රීගණවන්දිතා .. 143 ..

දේවස්ත්රීගණචිත්තස්ථා දේවස්ත්රීගණභූෂිතා .

දේවස්ත්රීගණසංසිද්ධා දේවස්ත්රීගණතෝෂිතා .. 144 ..

දේවස්ත්රීගණහස්තස්ථචාරුචාමරවීජිතා .

දේවස්ත්රීගණහස්තස්ථචාරුගන්ධවිලේපිතා .. 145 ..

දේවාඞ්ගනාධෘතාදර්ශදෘෂ්ට්යර්ථමුඛචන්ද්රමා .

දේවාඞ්ගනෝත්සෘෂ්ටනාගවල්ලීදලකෘතෝත්සුකා .. 146 ..

දේවස්ත්රීගණහස්තස්ථධූපාඝ්රාණවිනෝදිනී .

දේවස්ත්රීගණහස්තස්ථදීපමාලාවිලෝකනා .. 147 ..

දේවනාරීකරගතවාසකාසවපායිනී .

දේවනාරීකඞ්කතිකාකෘතකේශනිමාර්ජනා .. 148 ..

දේවනාරීසේව්යගාත්රා දේවනාරීකෘතෝත්සුකා .

දේවනාරීවිරචිතපුෂ්පමාලාවිරාජිතා .. 149 ..

දේවනාරීවිචිත්රාඞ්ගී දේවස්ත්රීදත්තභෝජනා .

දේවස්ත්රීගණගීතා ච දේවස්ත්රීගීතසෝත්සුකා .. 150 ..

දේවස්ත්රීනෘත්යසුඛිනී දේවස්ත්රීනෘත්යදර්ශිනී .

දේවස්ත්රීයෝජිතලසද්රත්නපාදපදාම්බුජා .. 151 ..

දේවස්ත්රීගණවිස්තීර්ණචාරුතල්පනිෂේදුෂී .

දේවනාරීචාරුකරාකලිතාඞ්ඝ්ර්යාදිදේහිකා .. 152 ..

දේවනාරීකරව්යග්රතාලවෘන්තමරුත්සකා .

දේවනාරීවේණුවීණානාදසෝත්කණ්ඨමානසා .. 153 ..

දේවකෝටිස්තුතිනුතා දේවකෝටිකෘතාර්හණා .

දේවකෝටිගීතගුණා දේවකෝටිකෘතස්තුතිඃ .. 154 ..

දන්තදාෂ්ට්යෝද්වේගඵලා දේවකෝලාහලාකුලා .

ද්වේෂරාගපරිත්යක්තා ද්වේෂරාගවිවර්ජිතා .. 155 ..

දාමපූජ්යා දාමභූෂා දාමෝදරවිලාසිනී .

දාමෝදරප්රේමරතා දාමෝදරභගින්යපි .. 156 ..

දාමෝදරප්රසූර්දාමෝදරපත්නීපතිව්රතා .

දාමෝදරා(අ)භින්නදේහා දාමෝදරරතිප්රියා .. 157 ..

දාමෝදරාභින්නතනුර්දාමෝදරකෘතාස්පදා .

දාමෝදරකෘතප්රාණා දාමෝදරගතාත්මිකා .. 158 ..

දාමෝදරකෞතුකාඪ්යා දාමෝදරකලාකලා .

දාමෝදරාලිඞ්ගිතාඞ්ගී දාමෝදරකුතූහලා .. 159 ..

දාමෝදරකෘතාහ්ලාදා දාමෝදරසුචුම්බිතා .

දාමෝදරසුතාකෘෂ්ටා දාමෝදරසුඛප්රදා .. 160 ..

දාමෝදරසහාඪ්යා ච දාමෝදරසහායිනී .

දාමෝදරගුණජ්ඤා ච දාමෝදරවරප්රදා .. 161 ..

දාමෝදරානුකූලා ච දාමෝදරනිතම්බිනී .

දාමෝදරජලක්රීඩාකුශලා දර්ශනප්රියා .. 162 ..

දාමෝදරජලක්රීඩාත්යක්තස්වජනසෞහෘදා .

දාමෝදරලසද්රාසකේලිකෞතුකිනී තථා .. 163 ..

දාමෝදරභ්රාතෘකා ච දාමෝදරපරායණා .

දාමෝදරධරා දාමෝදරවෛරිවිනාශිනී .. 164 ..

දාමෝදරෝපජායා ච දාමෝදරනිමන්ත්රිතා .

දාමෝදරපරාභූතා දාමෝදරපරාජිතා .. 165 ..

දාමෝදරසමාක්රාන්තා දාමෝදරහතාශුභා .

දාමෝදරෝත්සවරතා දාමෝදරෝත්සවාවහා .. 166 ..

දාමෝදරස්තන්යදාත්රී දාමෝදරගවේෂිතා .

දමයන්තීසිද්ධිදාත්රී දමයන්තීප්රසාදිතා .. 167 ..

දමයන්තීෂ්ටදේවී ච දමයන්තීස්වරූපිණී .

දමයන්තීකෘතාර්චා ච දමනර්ෂිවිභාවිතා .. 168 ..

දමනර්ෂිප්රාණතුල්යා දමනර්ෂිස්වරූපිණී .

දමනර්ෂිස්වරූපා ච දම්භපූරිතවිග්රහා .. 169 ..

දම්භහන්ත්රී දම්භධාත්රී දම්භලෝකවිමෝහිනී .

දම්භශීලා දම්භහරා දම්භවත්පරිමර්දිනී .. 170 ..

දම්භරූපා දම්භකරී දම්භසන්තානධාරිණී .

දත්තමෝක්ෂා දත්තධනා දත්තාරෝග්යා ච දාම්භිකා .. 171 ..

දත්තපුත්රා දත්තදාරා දත්තහාරා ච දාරිකා .

දත්තභෝගා දත්තශෝකා දත්තහස්ත්යාදිවාහනා .. 172 ..

දත්තමතිර්දත්තභාර්යා දත්තශාස්ත්රාවබෝධිකා .

දත්තපානා දත්තදානා දත්තදාරිද්ර්යනාශිනී .. 173 ..

දත්තසෞධාවනීවාසා දත්තස්වර්ගා ච දාසදා .

දාස්යතුෂ්ටා දාස්යහරා දාසදාසීශතප්රදා .. 174 ..

දාරරූපා දාරවාසා දාරවාසිහෘදාස්පදා .

දාරවාසිජනාරාධ්යා දාරවාසිජනප්රියා .. 175 ..

දාරවාසිවිනිර්ණීතා දාරවාසිසමර්චිතා .

දාරවාස්යාහෘතප්රාණා දාරවාස්යාරිනාශිනී .. 176 ..

දාරවාසිවිඝ්නහරා දාරවාසිවිමුක්තිදා .

දාරාග්නිරූපිණී දාරා දාරකාර්යරිනාශිනී .. 177 ..

දම්පතී දම්පතීෂ්ටා ච දම්පතීප්රාණරූපිකා .

දම්පතීස්නේහනිරතා දාම්පත්යසාධනප්රියා .. 178 ..

දාම්පත්යසුඛසේවා ච දාම්පත්යසුඛදායිනී .

දාම්පත්යාචාරනිරතා දාම්පත්යාමෝදමෝදිතා .. 179 ..

දාම්පත්යාමෝදසුඛිනී දාම්පත්යාහ්ලාදකාරිණී .

දම්පතීෂ්ටපාදපද්මා දාම්පත්යප්රේමරූපිණී .. 180 ..

දාම්පත්යභෝගභවනා දාඩිමීඵලභෝජිනී .

දාඩිමීඵලසන්තුෂ්ටා දාඩිමීඵලමානසා .. 181 ..

දාඩිමීවෘක්ෂසංස්ථානා දාඩිමීවෘක්ෂවාසිනී .

දාඩිමීවෘක්ෂරූපා ච දාඩිමීවනවාසිනී .. 182 ..

දාඩිමීඵලසාම්යෝරුපයෝධරහෘදායුතා . [සමන්විතා]

දක්ෂිණා දක්ෂිණාරූපා දක්ෂිණාරූපධාරිණී .. 183 ..

දක්ෂකන්යා දක්ෂපුත්රී දක්ෂමාතා ච දක්ෂසූඃ .

දක්ෂගෝත්රා දක්ෂසුතා දක්ෂයජ්ඤවිනාශිනී .. 184 ..

දක්ෂයජ්ඤනාශකර්ත්රී දක්ෂයජ්ඤාන්තකාරිණී .

දක්ෂප්රසූතිර්දක්ෂේජ්යා දක්ෂවංශෛකපාවනී .. 185 ..

දක්ෂාත්මජා දක්ෂසූනුර්දක්ෂජා දක්ෂජාතිකා .

දක්ෂජන්මා දක්ෂජනුර්දක්ෂදේහසමුද්භවා .. 186 ..

දක්ෂජනිර්දක්ෂයාගධ්වංසිනී දක්ෂකන්යකා .

දක්ෂිණාචාරනිරතා දක්ෂිණාචාරතුෂ්ටිදා .. 187 ..

දක්ෂිණාචාරසංසිද්ධා දක්ෂිණාචාරභාවිතා .

දක්ෂිණාචාරසුඛිනී දක්ෂිණාචාරසාධිතා .. 188 ..

දක්ෂිණාචාරමෝක්ෂාප්තිර්දක්ෂිණාචාරවන්දිතා .

දක්ෂිණාචාරශරණා දක්ෂිණාචාරහර්ෂිතා .. 189 ..

ද්වාරපාලප්රියා ද්වාරවාසිනී ද්වාරසංස්ථිතා .

ද්වාරරූපා ද්වාරසංස්ථා ද්වාරදේශනිවාසිනී .. 190 ..

ද්වාරකරී ද්වාරධාත්රී දෝෂමාත්රවිවර්ජිතා .

දෝෂකරා දෝෂහරා දෝෂරාශිවිනාශිනී .. 191 ..

දෝෂාකරවිභූෂාඪ්යා දෝෂාකරකපාලිනී .

දෝෂාකරසහස්රාභා දෝෂාකරසමානනා .. 192 ..

දෝෂාකරමුඛී දිව්යා දෝෂාකරකරාග්රජා .

දෝෂාකරසමජ්යෝතිර්දෝෂාකරසුශීතලා .. 193 ..

දෝෂාකරශ්රේණී දෝෂසදෘශාපාඞ්ගවීක්ෂණා .

දෝෂාකරේෂ්ටදේවී ච දෝෂාකරනිෂේවිතා .. 194 ..

දෝෂාකරප්රාණරූපා දෝෂාකරමරීචිකා .

දෝෂාකරෝල්ලසත්ඵාලා දෝෂාකරසුහර්ෂිණී .. 195 ..

දෝෂාකරශිරෝභූෂා දෝෂාකරවධූප්රියා .

දෝෂාකරවධූප්රාණා දෝෂාකරවධූර්මතා .. 196 ..

දෝෂාකරවධූප්රීතා දෝෂාකරවධූරපි .

දෝෂාපූජ්යා තථා දෝෂාපූජිතා දෝෂහාරිණී .. 197 ..

දෝෂාජාපමහානන්දා දෝෂාජපපරායණා .

දෝෂාපුරශ්චාරරතා දෝෂාපූජකපුත්රිකා .. 198 ..

දෝෂාපූජකවාත්සල්යකාරිණීජගදම්බිකා .

දෝෂාපූජකවෛරිඝ්නී දෝෂාපූජකවිඝ්නහෘත් .. 199 ..

දෝෂාපූජකසන්තුෂ්ටා දෝෂාපූජකමුක්තිදා .

දමප්රසූනසම්පූජ්යා දමපුෂ්පප්රියා සදා .. 200 ..

දුර්යෝධනප්රපූජ්යා ච දුශ්ශාසනසමර්චිතා .

දණ්ඩපාණිප්රියා දණ්ඩපාණිමාතා දයානිධිඃ .. 201 ..

දණ්ඩපාණිසමාරාධ්යා දණ්ඩපාණිප්රපූජිතා .

දණ්ඩපාණිගෘහාසක්තා දණ්ඩපාණිප්රියංවදා .. 202 ..

දණ්ඩපාණිප්රියතමා දණ්ඩපාණිමනෝහරා .

දණ්ඩපාණිහෘතප්රාණා දණ්ඩපාණිසුසිද්ධිදා .. 203 ..

දණ්ඩපාණිපරාමෘෂ්ටා දණ්ඩපාණිප්රහර්ෂිතා .

දණ්ඩපාණිවිඝ්නහරා දණ්ඩපාණිශිරෝධෘතා .. 204 ..

දණ්ඩපාණිප්රාප්තචර්චා දණ්ඩපාණ්යුන්මුඛී සදා .

දණ්ඩපාණිප්රාප්තපදා දණ්ඩපාණිපරාඞ්මුඛී .. 205 ..

දණ්ඩහස්තා දණ්ඩපාණිර්දණ්ඩබාහුර්දරාන්තකෘත් .

දණ්ඩදෝෂ්කා දණ්ඩකරා දණ්ඩචිත්තකෘතාස්පදා .. 206 ..

දණ්ඩිවිද්යා දණ්ඩිමාතා දණ්ඩිඛණ්ඩකනාශිනී .

දණ්ඩිප්රියා දණ්ඩිපූජ්යා දණ්ඩිසන්තෝෂදායිනී .. 207 ..

දස්යුපූජා දස්යුරතා දස්යුද්රවිණදායිනී .

දස්යුවර්ගකෘතාර්හා ච දස්යුවර්ගවිනාශිනී .. 208 ..

දස්යුනිර්නාශිනී දස්යුකුලනිර්නාශිනී තථා .

දස්යුප්රියකරී දස්යුනෘත්යදර්ශනතත්පරා .. 209 ..

දුෂ්ටදණ්ඩකරී දුෂ්ටවර්ගවිද්රාවිණී තථා .

දුෂ්ටවර්ගනිග්රහාර්හා දූෂකප්රාණනාශිනී .. 210 ..

දූෂකෝත්තාපජනනී දූෂකාරිෂ්ටකාරිණී .

දූෂකද්වේෂණකරී දාහිකා දහනාත්මිකා .. 211 ..

දාරුකාරිනිහන්ත්රී ච දාරුකේශ්වරපූජිතා .

දාරුකේශ්වරමාතා ච දාරුකේශ්වරවන්දිතා .. 212 ..

දර්භහස්තා දර්භයුතා දර්භකර්මවිවර්ජිතා .

දර්භමයී දර්භතනුර්දර්භසර්වස්වරූපිණී .. 213 ..

දර්භකර්මාචාරරතා දර්භහස්තකෘතාර්හණා .

දර්භානුකූලා දාර්භර්යා දර්වීපාත්රානුදාමිනී .. 214 ..

දමඝෝෂප්රපූජ්යා ච දමඝෝෂවරප්රදා .

දමඝෝෂසමාරාධ්යා දාවාග්නිරූපිණී තථා .. 215 ..

දාවාග්නිරූපා දාවාග්නිනිර්නාශිතමහාබලා .

දන්තදංෂ්ට්රාසුරකලා දන්තචර්චිතහස්තිකා .. 216 ..

දන්තදංෂ්ට්රස්යන්දනා ච දන්තනිර්නාශිතාසුරා .

දධිපූජ්යා දධිප්රීතා දධීචිවරදායිනී .. 217 ..

දධීචීෂ්ටදේවතා ච දධීචිමෝක්ෂදායිනී .

දධීචිදෛන්යහන්ත්රී ච දධීචිදරධාරිණී .. 218 ..

දධීචිභක්තිසුඛිනී දධීචිමුනිසේවිතා .

දධීචිජ්ඤානදාත්රී ච දධීචිගුණදායිනී .. 219 ..

දධීචිකුලසම්භූෂා දධීචිභුක්තිමුක්තිදා .

දධීචිකුලදේවී ච දධීචිකුලදේවතා .. 220 ..

දධීචිකුලගම්යා ච දධීචිකුලපූජිතා .

දධීචිසුඛදාත්රී ච දධීචිදෛන්යහාරිණී .. 221 ..

දධීචිදුඃඛහන්ත්රී ච දධීචිකුලසුන්දරී .

දධීචිකුලසම්භූතා දධීචිකුලපාලිනී .. 222 ..

දධීචිදානගම්යා ච දධීචිදානමානිනී .

දධීචිදානසන්තුෂ්ටා දධීචිදානදේවතා .. 223 ..

දධීචිජයසම්ප්රීතා දධීචිජපමානසා .

දධීචිජපපූජාඪ්යා දධීචිජපමාලිකා .. 224 ..

දධීචිජපසන්තුෂ්ටා දධීචිජපතෝෂිණී .

දධීචිතාපසාරාධ්යා දධීචිශුභදායිනී .. 225 ..

දූර්වා දූර්වාදලශ්යාමා දූර්වාදලසමද්යුතිඃ .

නාම්නාං සහස්රං දුර්ගායා දාදීනාමිති කීර්තිතම් .. 226 ..

ඵලශෘතිඃ

යඃ පඨේත්සාධකාධීශඃ සර්වසිද්ධිර්ලභේත්තු සඃ .

ප්රාතර්මධ්යාහ්නකාලේ ච සන්ධ්යායාං නියතඃ ශුචිඃ .. 227 ..

තථා(අ)ර්ධරාත්රසමයේ ස මහේශ ඉවාපරඃ .

ශක්තියුක්තා මහාරාත්රෞ මහාවීරඃ ප්රපූජයේත් .. 228 ..

මහාදේවීං මකාරාද්යෛඃ පඤ්චභිර්ද්රව්ය සත්තමෛඃ .

තත්පඨේත් ස්තුතිමිමාං යඃ ස ච සිද්ධිස්වරූපධෘක් .. 229 ..

දේවාලයේ ශ්මශානේ ච ගඞ්ගාතීරේ නිජේගෘහේ .

වාරාඞ්ගනාගෘහේ චෛව ශ්රීගුරෝඃ සන්නිධානපි .. 230 ..

පර්වතේ ප්රාන්තරේ ඝෝරේ ස්තෝත්රමේතත්සදා පඨේත් .

දුර්ගානාමසහස්රේණ දුර්ගාං පශ්යති චක්ෂුෂා .. 231 ..

ශතාවර්තනමේතස්ය පුරශ්චරණමුච්යතේ .

ස්තුතිසාරෝ නිගදිතඃ කිං භූයඃ ශ්රෝතුමිච්ඡසි .. 232 ..

ඉති කුලාර්ණවේ දුර්ගා දකාරාදි සහස්රනාමස්තෝත්රම් .

Roman (IAST) Transliteration

śrī devyuvāca |

mama nāma sahasraṃ ca śiva pūrvavinirmitam |

tatpaṭhyatāṃ vidhānena tathā sarvaṃ bhaviṣyati ||

ityuktvā pārvatī devi śrāvayāmāsa taccatān |

tadeva nāmasāhasraṃ dakārādi varānane ||

rogadāridryadaurbhāgyaśokaduḥkhavināśakam |

sarvāsāṃ pūjitaṃ nāma śrīdurgādevatā matā ||

nijabījaṃ bhavedbījaṃ mantraṃ kīlakamucyate |

sarvāśāpūraṇe devī viniyogaḥ prakīrtitaḥ ||

oṃ asya śrīdakārādi durgāsahasranāma stotrasya śiva ṛṣiḥ anuṣṭupchandaḥ śrīdurgā devatā duṃ bījaṃ duṃ kīlakaṃ duḥkhadāridryarogaśoka nivṛttyarthaṃ pāṭhe viniyogaḥ |

dhyānam

vidyuddāmasamaprabhāṃ mṛgapati skandhasthitāṃ bhīṣaṇāṃ

kanyābhiḥ karavālakheṭaviladdastābhirāsevitām |

hasaiścakragadāsikheṭa viśikhāṃścāpaṃ guṇaṃ tarjanīṃ

bibhrāṇāmanalātmikāṃ śaśidharāṃ durgāṃ trinetrāṃ bhaje ||

stotram

duṃ durgā durgatiharā durgācalanivāsinī |

durgamārgānusañcārā durgamārganivāsinī || 1 ||

durgamārgapraviṣṭā ca durgamārgapraveśinī |

durgamārgakṛtāvāsā durgamārgajayapriyā || 2 ||

durgamārgagṛhītārcā durgamārgasthitātmikā |

durgamārgastutiparā durgamārgasmṛtiḥ parā || 3 ||

durgamārgasadāsthātrī durgamārgaratipriyā |

durgamārgasthalasthānā durgamārgavilāsinī || 4 ||

durgamārgatyaktavastrā durgamārgapravartinī |

durgāsuranihantrī ca durgāsuraniṣūdinī || 5 ||

durgāsuraharā dūtī durgāsuravināśinī |

durgāsuravadhonmattā durgāsuravadhotsukā || 6 ||

durgāsuravadhotsāhā durgāsuravadhodyatā |

durgāsuravadhaprepsuḥ durgāsuramukhāntakṛt || 7 ||

durgāsuradhvaṃsatoṣā durgadānavadāriṇī |

durgavidrāvaṇakarī durgavidrāvaṇī sadā || 8 ||

durgavikṣobhaṇakarī durgaśīrṣanikṛntanī |

durgavidhvaṃsanakarī durgadaityanikṛntanī || 9 ||

durgadaityaprāṇaharā durgadaityāntakāriṇī |

durgadaityaharatrātā durgadaityāsṛgunmadā || 10 ||

durgadaityāśanakarī durgacarmāmbarāvṛtā |

durgayuddhotsavakarī durgayuddhaviśāradā || 11 ||

durgayuddhāsavaratā durgayuddhavimardinī |

durgayuddhahāsyaratā durgayuddhāṭṭahāsinī || 12 ||

durgayuddhamahāmattā durgayuddhānusāriṇī |

durgayuddhotsavotsāhā durgadeśaniṣeviṇī || 13 ||

durgadeśavāsaratā durgadeśavilāsinī |

durgadeśārcanaratā durgadeśajanapriyā || 14 ||

durgamasthānasaṃsthānā durgamadhyānusādhanā |

durgamā durgamadhyānā durgamātmasvarūpiṇī || 15 ||

durgamāgamasandhānā durgamāgamasaṃstutā |

durgamāgamadurjñeyā durgamaśrutisammatā || 16 ||

durgamaśrutimānyā ca durgamaśrutipūjitā |

durgamaśrutisuprītā durgamaśrutiharṣadā || 17 ||

durgamaśrutisaṃsthānā durgamaśrutimānitā |

durgamācārasantuṣṭā durgamācāratoṣitā || 18 ||

durgamācāranirvṛttā durgamācārapūjitā |

durgamācārakalitā durgamasthānadāyinī || 19 ||

durgamapremaniratā durgamadraviṇapradā |

durgamāmbujamadhyasthā durgamāmbujavāsinī || 20 ||

durganāḍīmārgagatirdurganāḍīpracāriṇī |

durganāḍīpadmaratā durganāḍyambujasthitā || 21 ||

durganāḍīgatāyātā durganāḍīkṛtāspadā |

durganāḍīrataratā durganāḍīśasaṃstutā || 22 ||

durganāḍīśvararatā durganāḍīśacumbitā |

durganāḍīśakroḍasthā durganāḍyatthitotsukā || 23 ||

durganāḍyārohaṇā ca durganāḍīniṣevitā |

daristhānā daristhānavāsinī danujāntakṛt || 24 ||

darīkṛtatapasyā ca darīkṛtaharārcanā |

darījāpitadiṣṭā ca darīkṛtaratipriyā || 25 ||

darīkṛtaharārhā ca darīkrīḍitaputrikā |

darīsandarśanaratā darīropitavṛścikā || 26 ||

darīguptikautukāḍhyā darībhramaṇatatparā |

danujāntakarī dīnā danusantānadāriṇī || 27 ||

danujadhvaṃsinī dūnā danujendravināśinī |

dānavadhvaṃsinī devī dānavānāṃ bhayaṅkarī || 28 ||

dānavī dānavārādhyā dānavendravarapradā |

dānavendranihantrī ca dānavadveṣiṇīsatī || 29 ||

dānavāripremaratā dānavāriprapūjitā |

dānavārikṛtārcā ca dānavārivibhūtidā || 30 ||

dānavārimahānandā dānavāriratipriyā |

dānavāridānaratā dānavārikṛtāspadā || 31 ||

dānavāristutiratā dānavārismṛtipriyā |

dānavāryāhāraratā dānavāriprabodhinī || 32 ||

dānavāridhṛtapremā duḥkhaśokavimocanī |

duḥkhahantrī duḥkhadātrī duḥkhanirmūlakāriṇī || 33 ||

duḥkhanirmūlanakarī duḥkhadāridryanāśinī | [dāryarināśinī]

duḥkhaharā duḥkhanāśā duḥkhagrāmā durāsadā || 34 ||

duḥkhahīnā duḥkhadūrā draviṇācāradāyinī |

draviṇotsargasantuṣṭā draviṇatyāgatoṣitā || 35 ||

draviṇasparśasantuṣṭā draviṇasparśamānadā |

draviṇasparśaharṣāḍhyā draviṇasparśatuṣṭidā || 36 ||

draviṇasparśanakarī draviṇasparśanāturā |

draviṇasparśanotsāhā draviṇasparśasādhitā || 37 ||

draviṇasparśanamatā draviṇasparśaputrikā |

draviṇasparśarakṣiṇī draviṇastomadāyinī || 38 ||

draviṇākarṣaṇakarī draviṇaughavisarjanī |

draviṇācaladānāḍhyā draviṇācalavāsinī || 39 ||

dīnamātā dīnabandhurdīnavighnavināśinī |

dīnasevyā dīnasiddhā dīnasādhyā digambarī || 40 ||

dīnagehakṛtānandā dīnagehavilāsinī |

dīnabhāvapremaratā dīnabhāvavinodinī || 41 ||

dīnamānavacetaḥsthā dīnamānavaharṣadā |

dīnadainyavighātecchurdīnadraviṇadāyinī || 42 ||

dīnasādhanasantuṣṭā dīnadarśanadāyinī |

dīnaputrādidātrī ca dīnasamyagvidhāyinī || 43 ||

dattātreyadhyānaratā dattātreyaprapūjitā |

dattātreyarṣisaṃsiddhā dattātreyavibhāvitā || 44 ||

dattātreyakṛtārhā ca dattātreyaprasāditā |

dattātreyaharṣadātrī dattātreyasukhapradā || 45 ||

dattātreyastutā caiva dattātreyanutāsadā |

dattātreyapremaratā dattātreyānumānitā || 46 ||

dattātreyasamudgītā dattātreyakuṭumbinī |

dattātreyaprāṇatulyā dattātreyaśarīriṇī || 47 ||

dattātreyakṛtānandā dattātreyāṃśasambhavā |

dattātreyavibhūtisthā dattātreyānusāriṇī || 48 ||

dattātreyagītiratā dattātreyadhanapradā |

dattātreyaduḥkhaharā dattātreyavarapradā || 49 ||

dattātreyajñānadātrī dattātreyabhayāpahā |

devakanyā devamānyā devaduḥkhavināśinī || 50 ||

devasiddhā devapūjyā devejyā devavanditā |

devamānyā devadhanyā devavighnavināśinī || 51 ||

devaramyā devaratā devakautukatatparā |

devakrīḍā devavrīḍā devavairivināśinī || 52 ||

devakāmā devarāmā devadviṣavināśinī |

devadevapriyā devī devadānavavanditā || 53 ||

devadevaratānandā devadevavarotsukā |

devadevapremaratā devadevapriyaṃvadā || 54 ||

devadevaprāṇatulyā devadevanitambinī |

devadevahṛtamanā devadevasukhāvahā || 55 ||

devadevakroḍaratā devadevasukhapradā |

devadevamahānandā devadevapracumbitā || 56 ||

devadevopabhuktā ca devadevānusevitā |

devadevagataprāṇā devadevagatātmikā || 57 ||

devadevaharṣadātrī devadevasukhapradā |

devadevamahānandā devadevavilāsinī || 58 ||

devadevadharmapatnī devadevamanogatā |

devadevavadhūrdevī devadevārcanapriyā || 59 ||

devadevāṅganilayā devadevāṅgaśāyinī |

devadevāṅgasukhinī devadevāṅgavāsinī || 60 ||

devadevāṅgabhūṣā ca devadevāṅgabhūṣaṇā |

devadevapriyakarī devadevāpriyāntakṛt || 61 ||

devadevapriyaprāṇā devadevapriyātmikā |

devadevārcakaprāṇā devadevārcakapriyā || 62 ||

devadevārcakotsāhā devadevārcakāśrayā |

devadevārcakāvighnā devadevaprasūrapi || 63 ||

devadevasya jananī devadevavidhāyinī |

devadevasya ramaṇī devadevahṛdāśrayā || 64 ||

devadeveṣṭadevī ca devatāpavipātinī | [tāpasapālinī]

devatābhāvasantuṣṭā devatābhāvatoṣitā || 65 ||

devatābhāvavaradā devatābhāvasiddhidā |

devatābhāvasaṃsiddhā devatābhāvasambhavā || 66 ||

devatābhāvasukhinī devatābhāvavanditā |

devatābhāvasuprītā devatābhāvaharṣadā || 67 ||

devatāvighnahantrī ca devatādviṣanāśinī |

devatāpūjitapadā devatāprematoṣitā || 68 ||

devatāgāranilayā devatāsaukhyadāyinī |

devatānijabhāvā ca devatāhṛtamānasā || 69 ||

devatākṛtapādārcā devatāhṛtabhaktikā |

devatāgarvamadhyasthā devatādevatātanuḥ || 70 ||

duṃ‍durgāyai namo nāmnī duṃ‍ṣaṇmantrasvarūpiṇī |

dūnnamomantrarūpā ca dūnnamomūrtikātmikā || 71 ||

dūradarśipriyā duṣṭā duṣṭabhūtaniṣevitā |

dūradarśipremaratā dūradarśipriyaṃvadā || 72 ||

dūradarśisiddhidātrī dūradarśipratoṣitā |

dūradarśikaṇṭhasaṃsthā dūradarśipraharṣitā || 73 ||

dūradarśigṛhītārcā dūradarśipratarpitā |

dūradarśiprāṇatulyā dūradarśisukhapradā || 74 ||

dūradarśibhrāntiharā dūradarśihṛdāspadā |

dūradarśyarividbhāvā dīrghadarśipramodinī || 75 ||

dīrghadarśiprāṇatulyā dīrghadarśivarapradā |

dīrghadarśiharṣadātrī dīrghadarśipraharṣitā || 76 ||

dīrghadarśimahānandā dīrghadarśigṛhālayā |

dīrghadarśigṛhītārcā dīrghadarśihṛtārhaṇā || 77 ||

dayā dānavatī dātrī dayālurdīnavatsalā |

dayārdrā ca dayāśīlā dayāḍhyā ca dayātmikā || 78 ||

dayāmbudhirdayāsārā dayāsāgarapāragā |

dayāsindhurdayābhārā dayāvatkaruṇākarī || 80 ||

dayāvadvatsalādevī dayādānaratāsadā |

dayāvadbhaktisukhinī dayāvatparitoṣitā || 81 ||

dayāvatsnehaniratā dayāvatpratipādikā |

dayāvatprāṇakartrī ca dayāvanmuktidāyinī || 82 ||

dayāvadbhāvasantuṣṭā dayāvatparitoṣitā |

dayāvattāraṇaparā dayāvatsiddhidāyinī || 83 ||

dayāvatputravadbhāvā dayāvatputrarūpiṇī |

dayāvaddehanilayā dayābandhurdayāśrayā || 84 ||

dayāluvātsalyakarī dayālusiddhidāyinī |

dayāluśaraṇāsaktā dayālurdehamandirā || 85 ||

dayālubhaktibhāvasthā dayāluprāṇarūpiṇī |

dayālusukhadā dambhā dayālupremavarṣiṇī || 86 ||

dayāluvaśagā dīrghā dīrghāṅgī dīrghalocanā |

dīrghanetrā dīrghacakṣurdīrghabāhulatātmikā || 87 ||

dīrghakeśī dīrghamukhī dīrghaghoṇā ca dāruṇā |

dāruṇāsurahantrī ca dāruṇāsuradāriṇī || 88 ||

dāruṇāhavakartrī ca dāruṇāhavaharṣitā |

dāruṇāhavahomāḍhyā dāruṇācalanāśinī || 89 ||

dāruṇācāraniratā dāruṇotsavaharṣitā |

dāruṇodyatarūpā ca dāruṇārinivāriṇī || 90 ||

dāruṇekṣaṇasaṃyuktā doścatuṣkavirājitā |

daśadoṣkā daśabhujā daśabāhuvirājitā || 91 ||

daśāstradhāriṇī devī daśadikkhyātavikramā |

daśarathārcitapadā dāśarathipriyā sadā || 92 ||

dāśarathiprematuṣṭā dāśarathiratipriyā |

dāśarathipriyakarī dāśarathipriyaṃvadā || 93 ||

dāśarathīṣṭasandātrī dāśarathīṣṭadevatā |

dāśarathidveṣināśā dāśarathyānukūlyadā || 94 ||

dāśarathipriyatamā dāśarathiprapūjitā |

daśānanārisampūjyā daśānanāridevatā || 95 ||

daśānanāripramadā daśānanārijanmabhūḥ |

daśānanāriratidā daśānanārisevitā || 96 ||

daśānanārisukhadā daśānanārivairihṛt |

daśānanārīṣṭadevī daśagrīvārivanditā || 97 ||

daśagrīvārijananī daśagrīvāribhāvinī |

daśagrīvārisahitā daśagrīvasabhājitā || 98 ||

daśagrīvāriramaṇī daśagrīvavadhūrapi |

daśagrīvanāśakartrī daśagrīvavarapradā || 99 ||

daśagrīvapurasthā ca daśagrīvavadhotsukā |

daśagrīvaprītidātrī daśagrīvavināśinī || 100 ||

daśagrīvāhavakarī daśagrīvānapāyinī |

daśagrīvapriyāvandyā daśagrīvāhṛtā tathā || 101 ||

daśagrīvāhitakarī daśagrīveśvarapriyā |

daśagrīveśvaraprāṇā daśagrīvavarapradā || 102 ||

daśagrīveśvararatā daśavarṣīyakanyakā |

daśavarṣīyabālā ca daśavarṣīyavāsinī || 103 ||

daśapāpaharā damyā daśahastavibhūṣitā |

daśaśastralasaddoṣkā daśadikpālavanditā || 104 ||

daśāvatārarūpā ca daśāvatārarūpiṇī |

daśavidyābhinnadevī daśaprāṇasvarūpiṇī || 105 ||

daśavidyāsvarūpā ca daśavidyāmayī tathā |

dṛksvarūpā dṛkpradātrī dṛgrūpā dṛkprakāśinī || 106 ||

digantarā digantasthā digambaravilāsinī |

digambarasamājasthā digambaraprapūjitā || 107 ||

digambarasahacarī digambarakṛtāspadā |

digambarahṛtācittā digambarakathāpriyā || 108 ||

digambaraguṇaratā digambarasvarūpiṇī |

digambaraśirodhāryā digambarahṛtāśrayā || 109 ||

digambarapremaratā digambararatāturā |

digambarīsvarūpā ca digambarīgaṇārcitā || 110 ||

digambarīgaṇaprāṇā digambarīgaṇapriyā |

digambarīgaṇārādhyā digambaragaṇeśvarā || 111 ||

digambaragaṇasparśāmadirāpānavihvalā |

digambarīkoṭivṛtā digambarīgaṇāvṛtā || 112 ||

durantā duṣkṛtiharā durdhyeyā duratikramā |

durantadānavadveṣṭī durantadanujāntakṛt || 113 ||

durantapāpahantrī ca dasranistārakāriṇī |

dasramānasasaṃsthānā dasrajñānavivardhinī || 114 ||

dasrasambhogajananī dasrasambhogadāyinī |

dasrasambhogabhavanā dasravidyāvidhāyinī || 115 ||

dasrodvegaharā dasrajananī dasrasundarī |

dasrabhaktividhājñānā dasradviṣavināśinī || 116 ||

dasrāpakāradamanī dasrasiddhividhāyinī |

dasratārārādhitā ca dasramātṛprapūjitā || 117 ||

dasradainyaharā caiva dasratātaniṣevitā |

dasrapitṛśatajyotirdasrakauśaladāyinī || 118 ||

daśaśīrṣārisahitā daśaśīrṣārikāminī |

daśaśīrṣapurī devī daśaśīrṣasabhājitā || 119 ||

daśaśīrṣārisuprītā daśaśīrṣavadhūpriyā |

daśaśīrṣaśiraśchetrī daśaśīrṣanitambinī || 120 ||

daśaśīrṣaharaprāṇā daśaśīrṣaharātmikā |

daśaśīrṣaharārādhyā daśaśīrṣārivanditā || 121 ||

daśaśīrṣārisukhadā daśaśīrṣakapālinī |

daśaśīrṣajñānadātrī daśaśīrṣāridehinī || 122 ||

daśaśīrṣavadhopāttaśrīrāmacandrarūpatā |

daśaśīrṣarāṣṭradevī daśaśīrṣārisāriṇī || 123 ||

daśaśīrṣabhrātṛtuṣṭā daśaśīrṣavadhūpriyā |

daśaśīrṣavadhūprāṇā daśaśīrṣavadhūratā || 124 ||

daityagururatā sādhvī daityaguruprapūjitā |

daityagurūpadeṣṭrī ca daityaguruniṣevitā || 125 ||

daityagurugataprāṇā daityagurutāpanāśinī |

durantaduḥkhaśamanī durantadamanītamī || 126 ||

durantaśokaśamanī durantaroganāśinī |

durantavairidamanī durantadaityanāśinī || 127 ||

durantakaluṣaghnī ca duṣkṛtistomanāśinī |

durāśayā durādhārā durjayā duṣṭakāminī || 128 ||

darśanīyā ca dṛśyā ca dṛṣṭvā ca dṛṣṭigocarā |

dūtīyāgapriyā dūtī dūtīyāgakarapriyā || 129 ||

dūtīyāgakarānandā dūtīyāgasukhapradā |

dūtīyāgakarāyātā dūtīyāgapramodinī || 130 ||

durvāsaḥpūjitā caiva durvāsomunibhāvitā |

durvāso'rcitapādā ca durvāsomunibhāvitā || 131 ||

durvāsomunivandyā ca durvāsomunidevatā |

durvāsomunimātā ca durvāsomunisiddhidā || 132 ||

durvāsomunibhāvasthā durvāsomunisevitā |

durvāsomunicittasthā durvāsomunimaṇḍitā || 133 ||

durvāsomunisañcārā durvāsohṛdayaṅgamā |

durvāsohṛdayārādhyā durvāsohṛtsarojagā || 134 ||

durvāsastāpasārādhyā durvāsastāpasāśrayā |

durvāsastāpasaratā durvāsastāpaseśvarī || 135 ||

durvāsomunikanyā ca durvāso'dbhutasiddhidā |

dararātrī daraharā darayuktā darāpahā || 136 ||

daraghnī darahantrī ca darayuktā darāśrayā |

darasmerā darāpāṅgī dayādātrī dayāśrayā |

dasrapūjyā dasramātā dasradevī daronmadā || 137 ||

dasrasiddhā dasrasaṃsthā dasratāpavimocanī |

dasrakṣobhaharā nityā dasralokagatātmikā || 138 ||

daityagurvaṅganāvandyā daityagurvaṅganāpriyā |

daityagurvaṅganāsiddhā daityagurvaṅganotsukā || 139 ||

daityagurupriyatamā devaguruniṣevitā |

devaguruprasūrūpā devagurukṛtārhaṇā || 140 ||

devagurupremayutā devagurvanumānitā |

devaguruprabhāvajñā devagurusukhapradā || 141 ||

devagurujñānadātrī devagurupramodinī |

daityastrīgaṇasampūjyā daityastrīgaṇapūjitā || 142 ||

daityastrīgaṇarūpā ca daityastrīcittahāriṇī |

devastrīgaṇapūjyā ca devastrīgaṇavanditā || 143 ||

devastrīgaṇacittasthā devastrīgaṇabhūṣitā |

devastrīgaṇasaṃsiddhā devastrīgaṇatoṣitā || 144 ||

devastrīgaṇahastasthacārucāmaravījitā |

devastrīgaṇahastasthacārugandhavilepitā || 145 ||

devāṅganādhṛtādarśadṛṣṭyarthamukhacandramā |

devāṅganotsṛṣṭanāgavallīdalakṛtotsukā || 146 ||

devastrīgaṇahastasthadhūpāghrāṇavinodinī |

devastrīgaṇahastasthadīpamālāvilokanā || 147 ||

devanārīkaragatavāsakāsavapāyinī |

devanārīkaṅkatikākṛtakeśanimārjanā || 148 ||

devanārīsevyagātrā devanārīkṛtotsukā |

devanārīviracitapuṣpamālāvirājitā || 149 ||

devanārīvicitrāṅgī devastrīdattabhojanā |

devastrīgaṇagītā ca devastrīgītasotsukā || 150 ||

devastrīnṛtyasukhinī devastrīnṛtyadarśinī |

devastrīyojitalasadratnapādapadāmbujā || 151 ||

devastrīgaṇavistīrṇacārutalpaniṣeduṣī |

devanārīcārukarākalitāṅghryādidehikā || 152 ||

devanārīkaravyagratālavṛntamarutsakā |

devanārīveṇuvīṇānādasotkaṇṭhamānasā || 153 ||

devakoṭistutinutā devakoṭikṛtārhaṇā |

devakoṭigītaguṇā devakoṭikṛtastutiḥ || 154 ||

dantadāṣṭyodvegaphalā devakolāhalākulā |

dveṣarāgaparityaktā dveṣarāgavivarjitā || 155 ||

dāmapūjyā dāmabhūṣā dāmodaravilāsinī |

dāmodarapremaratā dāmodarabhaginyapi || 156 ||

dāmodaraprasūrdāmodarapatnīpativratā |

dāmodarā'bhinnadehā dāmodararatipriyā || 157 ||

dāmodarābhinnatanurdāmodarakṛtāspadā |

dāmodarakṛtaprāṇā dāmodaragatātmikā || 158 ||

dāmodarakautukāḍhyā dāmodarakalākalā |

dāmodarāliṅgitāṅgī dāmodarakutūhalā || 159 ||

dāmodarakṛtāhlādā dāmodarasucumbitā |

dāmodarasutākṛṣṭā dāmodarasukhapradā || 160 ||

dāmodarasahāḍhyā ca dāmodarasahāyinī |

dāmodaraguṇajñā ca dāmodaravarapradā || 161 ||

dāmodarānukūlā ca dāmodaranitambinī |

dāmodarajalakrīḍākuśalā darśanapriyā || 162 ||

dāmodarajalakrīḍātyaktasvajanasauhṛdā |

dāmodaralasadrāsakelikautukinī tathā || 163 ||

dāmodarabhrātṛkā ca dāmodaraparāyaṇā |

dāmodaradharā dāmodaravairivināśinī || 164 ||

dāmodaropajāyā ca dāmodaranimantritā |

dāmodaraparābhūtā dāmodaraparājitā || 165 ||

dāmodarasamākrāntā dāmodarahatāśubhā |

dāmodarotsavaratā dāmodarotsavāvahā || 166 ||

dāmodarastanyadātrī dāmodaragaveṣitā |

damayantīsiddhidātrī damayantīprasāditā || 167 ||

damayantīṣṭadevī ca damayantīsvarūpiṇī |

damayantīkṛtārcā ca damanarṣivibhāvitā || 168 ||

damanarṣiprāṇatulyā damanarṣisvarūpiṇī |

damanarṣisvarūpā ca dambhapūritavigrahā || 169 ||

dambhahantrī dambhadhātrī dambhalokavimohinī |

dambhaśīlā dambhaharā dambhavatparimardinī || 170 ||

dambharūpā dambhakarī dambhasantānadhāriṇī |

dattamokṣā dattadhanā dattārogyā ca dāmbhikā || 171 ||

dattaputrā dattadārā dattahārā ca dārikā |

dattabhogā dattaśokā dattahastyādivāhanā || 172 ||

dattamatirdattabhāryā dattaśāstrāvabodhikā |

dattapānā dattadānā dattadāridryanāśinī || 173 ||

dattasaudhāvanīvāsā dattasvargā ca dāsadā |

dāsyatuṣṭā dāsyaharā dāsadāsīśatapradā || 174 ||

dārarūpā dāravāsā dāravāsihṛdāspadā |

dāravāsijanārādhyā dāravāsijanapriyā || 175 ||

dāravāsivinirṇītā dāravāsisamarcitā |

dāravāsyāhṛtaprāṇā dāravāsyārināśinī || 176 ||

dāravāsivighnaharā dāravāsivimuktidā |

dārāgnirūpiṇī dārā dārakāryarināśinī || 177 ||

dampatī dampatīṣṭā ca dampatīprāṇarūpikā |

dampatīsnehaniratā dāmpatyasādhanapriyā || 178 ||

dāmpatyasukhasevā ca dāmpatyasukhadāyinī |

dāmpatyācāraniratā dāmpatyāmodamoditā || 179 ||

dāmpatyāmodasukhinī dāmpatyāhlādakāriṇī |

dampatīṣṭapādapadmā dāmpatyapremarūpiṇī || 180 ||

dāmpatyabhogabhavanā dāḍimīphalabhojinī |

dāḍimīphalasantuṣṭā dāḍimīphalamānasā || 181 ||

dāḍimīvṛkṣasaṃsthānā dāḍimīvṛkṣavāsinī |

dāḍimīvṛkṣarūpā ca dāḍimīvanavāsinī || 182 ||

dāḍimīphalasāmyorupayodharahṛdāyutā | [samanvitā]

dakṣiṇā dakṣiṇārūpā dakṣiṇārūpadhāriṇī || 183 ||

dakṣakanyā dakṣaputrī dakṣamātā ca dakṣasūḥ |

dakṣagotrā dakṣasutā dakṣayajñavināśinī || 184 ||

dakṣayajñanāśakartrī dakṣayajñāntakāriṇī |

dakṣaprasūtirdakṣejyā dakṣavaṃśaikapāvanī || 185 ||

dakṣātmajā dakṣasūnurdakṣajā dakṣajātikā |

dakṣajanmā dakṣajanurdakṣadehasamudbhavā || 186 ||

dakṣajanirdakṣayāgadhvaṃsinī dakṣakanyakā |

dakṣiṇācāraniratā dakṣiṇācāratuṣṭidā || 187 ||

dakṣiṇācārasaṃsiddhā dakṣiṇācārabhāvitā |

dakṣiṇācārasukhinī dakṣiṇācārasādhitā || 188 ||

dakṣiṇācāramokṣāptirdakṣiṇācāravanditā |

dakṣiṇācāraśaraṇā dakṣiṇācāraharṣitā || 189 ||

dvārapālapriyā dvāravāsinī dvārasaṃsthitā |

dvārarūpā dvārasaṃsthā dvāradeśanivāsinī || 190 ||

dvārakarī dvāradhātrī doṣamātravivarjitā |

doṣakarā doṣaharā doṣarāśivināśinī || 191 ||

doṣākaravibhūṣāḍhyā doṣākarakapālinī |

doṣākarasahasrābhā doṣākarasamānanā || 192 ||

doṣākaramukhī divyā doṣākarakarāgrajā |

doṣākarasamajyotirdoṣākarasuśītalā || 193 ||

doṣākaraśreṇī doṣasadṛśāpāṅgavīkṣaṇā |

doṣākareṣṭadevī ca doṣākaraniṣevitā || 194 ||

doṣākaraprāṇarūpā doṣākaramarīcikā |

doṣākarollasatphālā doṣākarasuharṣiṇī || 195 ||

doṣākaraśirobhūṣā doṣākaravadhūpriyā |

doṣākaravadhūprāṇā doṣākaravadhūrmatā || 196 ||

doṣākaravadhūprītā doṣākaravadhūrapi |

doṣāpūjyā tathā doṣāpūjitā doṣahāriṇī || 197 ||

doṣājāpamahānandā doṣājapaparāyaṇā |

doṣāpuraścāraratā doṣāpūjakaputrikā || 198 ||

doṣāpūjakavātsalyakāriṇījagadambikā |

doṣāpūjakavairighnī doṣāpūjakavighnahṛt || 199 ||

doṣāpūjakasantuṣṭā doṣāpūjakamuktidā |

damaprasūnasampūjyā damapuṣpapriyā sadā || 200 ||

duryodhanaprapūjyā ca duśśāsanasamarcitā |

daṇḍapāṇipriyā daṇḍapāṇimātā dayānidhiḥ || 201 ||

daṇḍapāṇisamārādhyā daṇḍapāṇiprapūjitā |

daṇḍapāṇigṛhāsaktā daṇḍapāṇipriyaṃvadā || 202 ||

daṇḍapāṇipriyatamā daṇḍapāṇimanoharā |

daṇḍapāṇihṛtaprāṇā daṇḍapāṇisusiddhidā || 203 ||

daṇḍapāṇiparāmṛṣṭā daṇḍapāṇipraharṣitā |

daṇḍapāṇivighnaharā daṇḍapāṇiśirodhṛtā || 204 ||

daṇḍapāṇiprāptacarcā daṇḍapāṇyunmukhī sadā |

daṇḍapāṇiprāptapadā daṇḍapāṇiparāṅmukhī || 205 ||

daṇḍahastā daṇḍapāṇirdaṇḍabāhurdarāntakṛt |

daṇḍadoṣkā daṇḍakarā daṇḍacittakṛtāspadā || 206 ||

daṇḍividyā daṇḍimātā daṇḍikhaṇḍakanāśinī |

daṇḍipriyā daṇḍipūjyā daṇḍisantoṣadāyinī || 207 ||

dasyupūjā dasyuratā dasyudraviṇadāyinī |

dasyuvargakṛtārhā ca dasyuvargavināśinī || 208 ||

dasyunirnāśinī dasyukulanirnāśinī tathā |

dasyupriyakarī dasyunṛtyadarśanatatparā || 209 ||

duṣṭadaṇḍakarī duṣṭavargavidrāviṇī tathā |

duṣṭavarganigrahārhā dūṣakaprāṇanāśinī || 210 ||

dūṣakottāpajananī dūṣakāriṣṭakāriṇī |

dūṣakadveṣaṇakarī dāhikā dahanātmikā || 211 ||

dārukārinihantrī ca dārukeśvarapūjitā |

dārukeśvaramātā ca dārukeśvaravanditā || 212 ||

darbhahastā darbhayutā darbhakarmavivarjitā |

darbhamayī darbhatanurdarbhasarvasvarūpiṇī || 213 ||

darbhakarmācāraratā darbhahastakṛtārhaṇā |

darbhānukūlā dārbharyā darvīpātrānudāminī || 214 ||

damaghoṣaprapūjyā ca damaghoṣavarapradā |

damaghoṣasamārādhyā dāvāgnirūpiṇī tathā || 215 ||

dāvāgnirūpā dāvāgninirnāśitamahābalā |

dantadaṃṣṭrāsurakalā dantacarcitahastikā || 216 ||

dantadaṃṣṭrasyandanā ca dantanirnāśitāsurā |

dadhipūjyā dadhiprītā dadhīcivaradāyinī || 217 ||

dadhīcīṣṭadevatā ca dadhīcimokṣadāyinī |

dadhīcidainyahantrī ca dadhīcidaradhāriṇī || 218 ||

dadhīcibhaktisukhinī dadhīcimunisevitā |

dadhīcijñānadātrī ca dadhīciguṇadāyinī || 219 ||

dadhīcikulasambhūṣā dadhīcibhuktimuktidā |

dadhīcikuladevī ca dadhīcikuladevatā || 220 ||

dadhīcikulagamyā ca dadhīcikulapūjitā |

dadhīcisukhadātrī ca dadhīcidainyahāriṇī || 221 ||

dadhīciduḥkhahantrī ca dadhīcikulasundarī |

dadhīcikulasambhūtā dadhīcikulapālinī || 222 ||

dadhīcidānagamyā ca dadhīcidānamāninī |

dadhīcidānasantuṣṭā dadhīcidānadevatā || 223 ||

dadhīcijayasamprītā dadhīcijapamānasā |

dadhīcijapapūjāḍhyā dadhīcijapamālikā || 224 ||

dadhīcijapasantuṣṭā dadhīcijapatoṣiṇī |

dadhīcitāpasārādhyā dadhīciśubhadāyinī || 225 ||

dūrvā dūrvādalaśyāmā dūrvādalasamadyutiḥ |

nāmnāṃ sahasraṃ durgāyā dādīnāmiti kīrtitam || 226 ||

phalaśṛtiḥ

yaḥ paṭhetsādhakādhīśaḥ sarvasiddhirlabhettu saḥ |

prātarmadhyāhnakāle ca sandhyāyāṃ niyataḥ śuciḥ || 227 ||

tathā'rdharātrasamaye sa maheśa ivāparaḥ |

śaktiyuktā mahārātrau mahāvīraḥ prapūjayet || 228 ||

mahādevīṃ makārādyaiḥ pañcabhirdravya sattamaiḥ |

tatpaṭhet stutimimāṃ yaḥ sa ca siddhisvarūpadhṛk || 229 ||

devālaye śmaśāne ca gaṅgātīre nijegṛhe |

vārāṅganāgṛhe caiva śrīguroḥ sannidhānapi || 230 ||

parvate prāntare ghore stotrametatsadā paṭhet |

durgānāmasahasreṇa durgāṃ paśyati cakṣuṣā || 231 ||

śatāvartanametasya puraścaraṇamucyate |

stutisāro nigaditaḥ kiṃ bhūyaḥ śrotumicchasi || 232 ||

iti kulārṇave durgā dakārādi sahasranāmastotram |