📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.73 ਬਾਲਕਾਣ੍ਡ - ਤ੍ਰਿਸਪ੍ਤਤਿਤਮ ਸਰ੍ਗਃ
1.73 Balakanda - Trisaptatitama Sargah
Valmiki Gurmukhi
ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ ਤ੍ਰਿਸਪ੍ਤਤਿਤਮਸ੍ਸਰ੍ਗਃ ।
ਯਸ੍ਮਿਂਸ੍ਤੁ ਦਿਵਸੇ ਰਾਜਾ ਚਕ੍ਰੇ ਗੋਦਾਨਮੁਤ੍ਤਮਮ੍ ।
ਤਸ੍ਮਿਂ ਸ੍ਤੁ ਦਿਵਸੇ ਸ਼ੂਰੋ ਯੁਧਾਜਿਤ੍ਸਮੁਪੇਯਿਵਾਨ੍ ॥ 1 ॥
ਪੁਤ੍ਰਃ ਕੇਕਯਰਾਜਸ੍ਯ ਸਾਕ੍षਾਦ੍ਭਰਤਮਾਤੁਲਃ ।
ਦृष੍ਟ੍ਵਾ ਪृष੍ਟ੍ਵਾ ਚ ਕੁਸ਼ਲਂ ਰਾਜਾਨਮਿਦਮਬ੍ਰਵੀਤ੍ ॥ 2 ॥
ਕੇਕਯਾਧਿਪਤੀ ਰਾਜਾ ਸ੍ਨੇਹਾਤ੍ ਕੁਸ਼ਲਮਬ੍ਰਵੀਤ੍ ।
ਯੇषਾਂ ਕੁਸ਼ਲਕਾਮੋऽਸਿ ਤੇषਾਂ ਸਮ੍ਪ੍ਰਤ੍ਯਨਾਮਯਮ੍ ॥ 3 ॥
ਸ੍ਵਸ੍ਰੀਯਂ ਮਮ ਰਾਜੇਨ੍ਦ੍ਰ ਦ੍ਰष੍ਟੁਕਾਮੋ ਮਹੀਪਤਿਃ ।
ਤਦਰ੍ਥਮੁਪਯਾਤੋऽਹਮਯੋਧ੍ਯਾਂ ਰਘੁਨਨ੍ਦਨ ॥ 4 ॥
ਸ਼੍ਰੁਤ੍ਵਾ ਤ੍ਵਹਮਯੋਧ੍ਯਾਯਾਂ ਵਿਵਾਹਾਰ੍ਥਂ ਤਵਾਤ੍ਮਜਾਨ੍ ।
ਮਿਥਿਲਾਮੁਪਯਾਤਾਂਸ੍ਤੁ ਤ੍ਵਯਾ ਸਹ ਮਹੀਪਤੇ ॥ 5 ॥
ਤ੍ਵਰਯਾਭ੍ਯੁਪਯਾਤੋऽਹਂ ਦ੍ਰष੍ਟੁਕਾਮ ਸ੍ਸ੍ਵਸੁਸ੍ਸੁਤਮ੍ ।
ਅਥ ਰਾਜਾ ਦਸ਼ਰਥਃ ਪ੍ਰਿਯਾਤਿਥਿਮੁਪਸ੍ਥਿਤਮ੍ ॥ 6 ॥
ਦृष੍ਟ੍ਵਾ ਪਰਮਸਤ੍ਕਾਰੈਃ ਪੂਜਾਰ੍ਹਂ ਸਮਪੂਜਯਤ੍ ।
ਤਤਸ੍ਤਾਮੁषਿਤੋ ਰਾਤ੍ਰਿਂ ਸਹ ਪੁਤ੍ਰੈਰ੍ਮਹਾਤ੍ਮਭਿਃ ॥ 7 ॥
ਪ੍ਰਭਾਤੇ ਪੁਨਰੁਤ੍ਥਾਯ ਕृਤ੍ਵਾ ਕਰ੍ਮਾਣਿ ਕਰ੍ਮਵਿਤ੍ ।
ऋषੀਂਸ੍ਤਦਾ ਪੁਰਸ੍ਕृਤ੍ਯ ਯਜ੍ਞਵਾਟਮੁਪਾਗਮਤ੍ ॥ 8 ॥
ਯੁਕ੍ਤੇ ਮੁਹੂਰ੍ਤੇ ਵਿਜਯੇ ਸਰ੍ਵਾਭਰਣਭੂषਿਤੈਃ ।
ਭ੍ਰਾਤृਭਿਸ੍ਸਹਿਤੋ ਰਾਮਃ ਕृਤਕੌਤੁਕਮਙ੍ਗਲਃ ॥ 9 ॥
ਵਸਿष੍ਠਂ ਪੁਰਤਃ ਕृਤ੍ਵਾ ਮਹਰ੍षੀਨਪਰਾਨਪਿ ।
ਪਿਤੁ ਸ੍ਸਮੀਪਮਾਸ਼੍ਰਿਤ੍ਯ ਤਸ੍ਥੌ ਭ੍ਰਾਤृਭਿਰਾਵृਤਃ ॥ 10 ॥
ਵਸਿष੍ਠੋ ਭਗਵਾਨੇਤ੍ਯ ਵੈਦੇਹਮਿਦਮਬ੍ਰਵੀਤ੍ ।
ਰਾਜਾ ਦਸ਼ਰਥੋ ਰਾਜਨ੍ ਕृਤਕੌਤੁਕਮਙ੍ਗਲੈਃ ॥ 11 ॥
ਪੁਤ੍ਰੈਰ੍ਨਰਵਰ ਸ਼੍ਰੇष੍ਠ ਦਾਤਾਰਮਭਿਕਾਙ੍ਕ੍षਤੇ ।
ਦਾਤृਪ੍ਰਤਿਗ੍ਰਹੀਤृਭ੍ਯਾਂ ਸਰ੍ਵਾਰ੍ਥਾਃ ਪ੍ਰਭਵਨ੍ਤਿ ਹਿ ॥ 12 ॥
ਸ੍ਵਧਰ੍ਮਂ ਪ੍ਰਤਿਪਦ੍ਯਸ੍ਵ ਕृਤ੍ਵਾ ਵੈਵਾਹ੍ਯਮੁਤ੍ਤਮਮ੍ ।
ਇਤ੍ਯੁਕ੍ਤਃ ਪਰਮੋਦਾਰੋ ਵਸਿष੍ਠੇਨ ਮਹਾਤ੍ਮਨਾ ॥ 13 ॥
ਪ੍ਰਤ੍ਯੁਵਾਚ ਮਹਾਤੇਜਾ ਵਾਕ੍ਯਂ ਪਰਮਧਰ੍ਮਵਿਤ੍ ।
ਕਸ੍ਸ੍ਥਿਤਃ ਪ੍ਰਤਿਹਾਰੋ ਮੇ ਕਸ੍ਯਾਜ੍ਞਾ ਸਮ੍ਪ੍ਰਤੀਕ੍ष੍ਯਤੇ ॥ 14 ॥
ਸ੍ਵਗृਹੇ ਕੋ ਵਿਚਾਰੋऽਸ੍ਤਿ ਯਥਾ ਰਾਜ੍ਯਮਿਦਂ ਤਵ ।
ਕृਤਕੌਤੁਕਸਰ੍ਵਸ੍ਵਾ ਵੇਦਿਮੂਲਮੁਪਾਗਤਾਃ ॥ 15 ॥
ਮਮ ਕਨ੍ਯਾ ਮੁਨਿਸ਼੍ਰੇष੍ਠ ਦੀਪ੍ਤਾ ਵਹ੍ਨੇਰਿਵਾਰ੍ਚਿषਃ ।
ਸਜ੍ਜੋऽਹਂ ਤ੍ਵਤ੍ਪ੍ਰਤੀਕ੍षੋऽਸ੍ਮਿ ਵੇਦ੍ਯਾਮਸ੍ਯਾਂ ਪ੍ਰਤਿष੍ਠਿਤਃ ॥ 16 ॥
ਅਵਿਘ੍ਨਂ ਕੁਰੁਤਾਂ ਰਾਜਾ ਕਿਮਰ੍ਥਮਵਲਮ੍ਬਤੇ ।
ਤਦ੍ਵਾਕ੍ਯਂ ਜਨਕੇਨੋਕ੍ਤਂ ਸ਼੍ਰੁਤ੍ਵਾ ਦਸ਼ਰਥਸ੍ਤਦਾ ।
ਪ੍ਰਵੇਸ਼ਯਾਮਾਸ ਸੁਤਾਨ੍ ਸਰ੍ਵਾਨृषਿਗਣਾਨਪਿ ॥ 17 ॥
ਤਤੋ ਰਾਜਾ ਵਿਦੇਹਾਨਾਂ ਵਸਿष੍ਠਮਿਦਮਬ੍ਰਵੀਤ੍ ॥ 18 ॥
ਕਾਰਯਸ੍ਵ ऋषੇ ਸਰ੍ਵਮृषਿਭਿਃ ਸਹ ਧਾਰ੍ਮਿਕ ।
ਰਾਮਸ੍ਯ ਲੋਕਰਾਮਸ੍ਯ ਕ੍ਰਿਯਾਂ ਵੈਵਾਹਿਕੀਂ ਵਿਭੋ ॥ 19 ॥
ਤਥੇਤ੍ਯੁਕ੍ਤ੍ਵਾ ਤੁ ਜਨਕਂ ਵਸਿष੍ਠੋ ਭਗਵਾਨृषਿਃ ।
ਵਿਸ਼੍ਵਾਮਿਤ੍ਰਂ ਪੁਰਸ੍ਕृਤ੍ਯ ਸ਼ਤਾਨਨ੍ਦਂ ਚ ਧਾਰ੍ਮਿਕਮ੍ ॥ 20 ॥
ਪ੍ਰਪਾਮਧ੍ਯੇ ਤੁ ਵਿਧਿਵਤ੍ਵੇਦਿਂ ਕृਤ੍ਵਾ ਮਹਾਤਪਾਃ ।
ਅਲਞ੍ਚਕਾਰ ਤਾਂ ਵੇਦਿਂ ਗਨ੍ਧਪੁष੍ਪੈ ਸ੍ਸਮਨ੍ਤਤਃ ॥ 21 ॥
ਸੁਵਰ੍ਣਪਾਲਿਕਾਭਿਸ਼੍ਚ ਛਿਦ੍ਰਕੁਮ੍ਭੈਸ਼੍ਚ ਸਾਙ੍ਕੁਰੈਃ ।
ਅਙ੍ਕੁਰਾਢ੍ਯੈਸ਼੍ਸ਼ਰਾਵੈਸ਼੍ਚ ਧੂਪਪਾਤ੍ਰੈ ਸ੍ਸਧੂਪਕੈਃ ॥ 22 ॥
ਸ਼ਙ੍ਖਪਾਤ੍ਰੈ ਸ੍ਸ੍ਰੁਵੈ ਸ੍ਸ੍ਰੁਗ੍ਭਿਃ ਪਾਤ੍ਰੈਰਰ੍ਘ੍ਯਾਭਿਪੂਰਿਤੈਃ ।
ਲਾਜਪੂਰ੍ਣੈਸ਼੍ਚ ਪਾਤ੍ਰੀਭਿਰਕ੍षਤੈਰਭਿਸਂਸ੍ਕृਤੈਃ ॥ 23 ॥
ਦਰ੍ਭੈਸ੍ਸਮੈਸ੍ਸਮਾਸ੍ਤੀਰ੍ਯ ਵਿਧਿਵਨ੍ਮਨ੍ਤ੍ਰਪੂਰ੍ਵਕਮ੍ ।
ਅਗ੍ਨਿਮਾਦਾਯ ਵੇਦ੍ਯਾਂ ਤੁ ਵਿਧਿਮਨ੍ਤ੍ਰਪੁਰਸ੍ਕृਤਮ੍ ॥ 24 ॥
ਜੁਹਾਵਾਗ੍ਨੌ ਮਹਾਤੇਜਾ ਵਸਿष੍ਠੋ ਭਗਵਾਨृषਿਃ ।
ਤਤਸ੍ਸੀਤਾਂ ਸਮਾਨੀਯ ਸਰ੍ਵਾਭਰਣਭੂषਿਤਾਮ੍ ॥ 25 ॥
ਸਮਕ੍षਮਗ੍ਨੇ ਸ੍ਸਂਸ੍ਥਾਪ੍ਯ ਰਾਘਵਾਭਿਮੁਖੇ ਤਦਾ ।
ਅਬ੍ਰਵੀਜ੍ਜਨਕੋ ਰਾਜਾ ਕੌਸਲ੍ਯਾਨਨ੍ਦਵਰ੍ਧਨਮ੍ ॥ 26 ॥
ਇਯਂ ਸੀਤਾ ਮਮ ਸੁਤਾ ਸਹਧਰ੍ਮਚਰੀ ਤਵ ।
ਪ੍ਰਤੀਚ੍ਛ ਚੈਨਾਂ ਭਦ੍ਰਂ ਤੇ ਪਾਣਿਂ ਗृਹ੍ਣੀष੍ਵ ਪਾਣਿਨਾ ॥ 27 ॥
ਪਤਿਵ੍ਰਤਾ ਮਹਾਭਾਗਾ ਛਾਯੇਵਾਨੁਗਤਾ ਸਦਾ ।
ਇਤ੍ਯੁਕ੍ਤ੍ਵਾ ਪ੍ਰਾਕ੍षਿਪਦ੍ਰਾਜਾ ਮਨ੍ਤ੍ਰਪੂਤਂ ਜਲਂ ਤਦਾ ॥ 28 ॥
ਸਾਧੁ ਸਾਧ੍ਵਿਤਿ ਦੇਵਾਨਾ ਮृषੀਣਾਂ ਵਦਤਾਂ ਤਦਾ ।
ਦੇਵਦੁਨ੍ਦੁਭਿਰ੍ਨਿਰ੍ਘੋषਃ ਪੁष੍ਪਵਰ੍षੋ ਮਹਾਨਭੂਤ੍ ॥ 29 ॥
ਏਵਂ ਦਤ੍ਤ੍ਵਾ ਤਦਾ ਸੀਤਾਂ ਮਨ੍ਤ੍ਰੋਦਕਪੁਰਸ੍ਕृਤਾਮ੍ ।
ਅਬ੍ਰਵੀਜ੍ਜਨਕੋ ਰਾਜਾ ਹਰ੍षੇਣਾਭਿਪਰਿਪ੍ਲੁਤਃ ॥ 30 ॥
ਲਕ੍ष੍ਮਣਾਗਚ੍ਛ ਭਦ੍ਰਂ ਤੇ ਊਰ੍ਮਿਲਾਮੁਦ੍ਯਤਾਂ ਮਯਾ ।
ਪ੍ਰਤੀਚ੍ਛ ਪਾਣਿਂ ਗृਹ੍ਣੀष੍ਵ ਮਾਭੂਤ੍ਕਾਲਸ੍ਯ ਪਰ੍ਯਯਃ ॥ 31 ॥
ਤਮੇਵਮੁਕ੍ਤ੍ਵਾ ਜਨਕੋ ਭਰਤਂ ਚਾਭ੍ਯਭਾषਤ ।
ਗृਹਾਣ ਪਾਣਿਂ ਮਾਣ੍ਡਵ੍ਯਾਃ ਪਾਣਿਨਾ ਰਘੁਨਨ੍ਦਨ ॥ 32 ॥
ਸ਼ਤ੍ਰੁਘ੍ਨਂ ਚਾਪਿ ਧਰ੍ਮਾਤ੍ਮਾ ਅਬ੍ਰਵੀਜ੍ਜਨਕੇਸ਼੍ਵਰਃ ।
ਸ਼੍ਰੁਤਕੀਰ੍ਤ੍ਯਾ ਮਹਾਬਾਹੋ ਪਾਣਿਂ ਗृਹ੍ਣੀष੍ਵ ਪਾਣਿਨਾ ॥ 33 ॥
ਸਰ੍ਵੇ ਭਵਨ੍ਤਸ੍ਸੌਮ੍ਯਾਸ਼੍ਚ ਸਰ੍ਵੇ ਸੁਚਰਿਤਵ੍ਰਤਾਃ ।
ਪਤ੍ਨੀਭਿਸ੍ਸਨ੍ਤੁ ਕਾਕੁਤ੍ਸ੍ਥਾ ਮਾਭੂਤ੍ਕਾਲਸ੍ਯ ਪਰ੍ਯਯਃ ॥ 34 ॥
ਜਨਕਸ੍ਯ ਵਚ ਸ਼੍ਸ਼ृਤ੍ਵਾ ਪਾਣੀਨ੍ ਪਾਣਿਭਿਰਾਸ੍ਪृਸ਼ਨ੍ ।
ਚਤ੍ਵਾਰਸ੍ਤੇ ਚਤਸृਣਾਂ ਵਸਿष੍ਠਸ੍ਯ ਮਤੇ ਸ੍ਥਿਤਾਃ ॥ 35 ॥
ਅਗ੍ਨਿਂ ਪ੍ਰਦਕ੍षਿਣੀਕृਤ੍ਯ ਵੇਦਿਂ ਰਾਜਾਨਮੇਵ ਚ ।
ऋषੀਂਸ਼੍ਚੈਵ ਮਹਾਤ੍ਮਾਨਸ੍ਸਭਾਰ੍ਯਾ ਰਘੁਸਤ੍ਤਮਾਃ ॥ 36 ॥
ਯਥੋਕ੍ਤੇਨ ਤਦਾ ਚਕ੍ਰੁਰ੍ਵਿਵਾਹਂ ਵਿਧਿਪੂਰ੍ਵਕਮ੍ ।
ਕਾਕੁਤ੍ਸ੍ਥੈਸ਼੍ਚ ਗृਹੀਤੇषੁ ਲਲਿਤੇषੁ ਚ ਪਾਣਿषੁ ॥ 37 ॥
ਪੁष੍ਪਵृष੍ਟਿਰ੍ਮਹਤ੍ਯਾਸੀਦਨ੍ਤਰਿਕ੍षਾਤ੍ਸੁਭਾਸ੍ਵਰਾ ।
ਦਿਵ੍ਯਦੁਨ੍ਦੁਭਿਨਿਰ੍ਘੋषੈਰ੍ਗੀਤਵਾਦਿਤ੍ਰਨਿਸ੍ਵਨੈਃ ॥ 38 ॥
ਨਨृਤੁਸ਼੍ਚਾਪ੍ਸਰਸ੍ਸਙ੍ਘਾ ਗਨ੍ਧਰ੍ਵਾਸ਼੍ਚ ਜਗੁਃ ਕਲਮ੍ ।
ਵਿਵਾਹੇ ਰਘੁਮੁਖ੍ਯਾਨਾਂ ਤਦਦ੍ਭੁਤਮਦृਸ਼੍ਯਤ ॥ 39 ॥
ਈਦृਸ਼ੇ ਵਰ੍ਤਮਾਨੇ ਤੁ ਤੂਰ੍ਯੋਦ੍ਘੁष੍ਟਨਿਨਾਦਿਤੇ ।
ਤ੍ਰਿਰਗ੍ਨਿਂ ਤੇ ਪਰਿਕ੍ਰਮ੍ਯ ਊਹੁਰ੍ਭਾਰ੍ਯਾਂ ਮਹੌਜਸਃ ॥ 40 ॥
ਅਥੋਪਕਾਰ੍ਯਾਂ ਜਗ੍ਮੁਸ੍ਤੇ ਸਭਾਰ੍ਯਾ ਰਘੁਨਨ੍ਦਨਾਃ ।
ਰਾਜਾऽਪ੍ਯਨੁਯਯੌ ਪਸ਼੍ਯਨ੍ਤ੍ਸਰ੍षਿਸਙ੍ਘ ਸ੍ਸਬਾਨ੍ਧਵਃ ॥ 41 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ ਤ੍ਰਿਸਪ੍ਤਤਿਤਮਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha trisaptatitamassargaḥ |
yasmiṃstu divase rājā cakre godānamuttamam |
tasmiṃ stu divase śūro yudhājitsamupeyivān || 1 ||
putraḥ kekayarājasya sākṣādbharatamātulaḥ |
dṛṣṭvā pṛṣṭvā ca kuśalaṃ rājānamidamabravīt || 2 ||
kekayādhipatī rājā snehāt kuśalamabravīt |
yeṣāṃ kuśalakāmo'si teṣāṃ sampratyanāmayam || 3 ||
svasrīyaṃ mama rājendra draṣṭukāmo mahīpatiḥ |
tadarthamupayāto'hamayodhyāṃ raghunandana || 4 ||
śrutvā tvahamayodhyāyāṃ vivāhārthaṃ tavātmajān |
mithilāmupayātāṃstu tvayā saha mahīpate || 5 ||
tvarayābhyupayāto'haṃ draṣṭukāma ssvasussutam |
atha rājā daśarathaḥ priyātithimupasthitam || 6 ||
dṛṣṭvā paramasatkāraiḥ pūjārhaṃ samapūjayat |
tatastāmuṣito rātriṃ saha putrairmahātmabhiḥ || 7 ||
prabhāte punarutthāya kṛtvā karmāṇi karmavit |
ṛṣīṃstadā puraskṛtya yajñavāṭamupāgamat || 8 ||
yukte muhūrte vijaye sarvābharaṇabhūṣitaiḥ |
bhrātṛbhissahito rāmaḥ kṛtakautukamaṅgalaḥ || 9 ||
vasiṣṭhaṃ purataḥ kṛtvā maharṣīnaparānapi |
pitu ssamīpamāśritya tasthau bhrātṛbhirāvṛtaḥ || 10 ||
vasiṣṭho bhagavānetya vaidehamidamabravīt |
rājā daśaratho rājan kṛtakautukamaṅgalaiḥ || 11 ||
putrairnaravara śreṣṭha dātāramabhikāṅkṣate |
dātṛpratigrahītṛbhyāṃ sarvārthāḥ prabhavanti hi || 12 ||
svadharmaṃ pratipadyasva kṛtvā vaivāhyamuttamam |
ityuktaḥ paramodāro vasiṣṭhena mahātmanā || 13 ||
pratyuvāca mahātejā vākyaṃ paramadharmavit |
kassthitaḥ pratihāro me kasyājñā sampratīkṣyate || 14 ||
svagṛhe ko vicāro'sti yathā rājyamidaṃ tava |
kṛtakautukasarvasvā vedimūlamupāgatāḥ || 15 ||
mama kanyā muniśreṣṭha dīptā vahnerivārciṣaḥ |
sajjo'haṃ tvatpratīkṣo'smi vedyāmasyāṃ pratiṣṭhitaḥ || 16 ||
avighnaṃ kurutāṃ rājā kimarthamavalambate |
tadvākyaṃ janakenoktaṃ śrutvā daśarathastadā |
praveśayāmāsa sutān sarvānṛṣigaṇānapi || 17 ||
tato rājā videhānāṃ vasiṣṭhamidamabravīt || 18 ||
kārayasva ṛṣe sarvamṛṣibhiḥ saha dhārmika |
rāmasya lokarāmasya kriyāṃ vaivāhikīṃ vibho || 19 ||
tathetyuktvā tu janakaṃ vasiṣṭho bhagavānṛṣiḥ |
viśvāmitraṃ puraskṛtya śatānandaṃ ca dhārmikam || 20 ||
prapāmadhye tu vidhivatvediṃ kṛtvā mahātapāḥ |
alañcakāra tāṃ vediṃ gandhapuṣpai ssamantataḥ || 21 ||
suvarṇapālikābhiśca chidrakumbhaiśca sāṅkuraiḥ |
aṅkurāḍhyaiśśarāvaiśca dhūpapātrai ssadhūpakaiḥ || 22 ||
śaṅkhapātrai ssruvai ssrugbhiḥ pātrairarghyābhipūritaiḥ |
lājapūrṇaiśca pātrībhirakṣatairabhisaṃskṛtaiḥ || 23 ||
darbhaissamaissamāstīrya vidhivanmantrapūrvakam |
agnimādāya vedyāṃ tu vidhimantrapuraskṛtam || 24 ||
juhāvāgnau mahātejā vasiṣṭho bhagavānṛṣiḥ |
tatassītāṃ samānīya sarvābharaṇabhūṣitām || 25 ||
samakṣamagne ssaṃsthāpya rāghavābhimukhe tadā |
abravījjanako rājā kausalyānandavardhanam || 26 ||
iyaṃ sītā mama sutā sahadharmacarī tava |
pratīccha caināṃ bhadraṃ te pāṇiṃ gṛhṇīṣva pāṇinā || 27 ||
pativratā mahābhāgā chāyevānugatā sadā |
ityuktvā prākṣipadrājā mantrapūtaṃ jalaṃ tadā || 28 ||
sādhu sādhviti devānā mṛṣīṇāṃ vadatāṃ tadā |
devadundubhirnirghoṣaḥ puṣpavarṣo mahānabhūt || 29 ||
evaṃ dattvā tadā sītāṃ mantrodakapuraskṛtām |
abravījjanako rājā harṣeṇābhipariplutaḥ || 30 ||
lakṣmaṇāgaccha bhadraṃ te ūrmilāmudyatāṃ mayā |
pratīccha pāṇiṃ gṛhṇīṣva mābhūtkālasya paryayaḥ || 31 ||
tamevamuktvā janako bharataṃ cābhyabhāṣata |
gṛhāṇa pāṇiṃ māṇḍavyāḥ pāṇinā raghunandana || 32 ||
śatrughnaṃ cāpi dharmātmā abravījjanakeśvaraḥ |
śrutakīrtyā mahābāho pāṇiṃ gṛhṇīṣva pāṇinā || 33 ||
sarve bhavantassaumyāśca sarve sucaritavratāḥ |
patnībhissantu kākutsthā mābhūtkālasya paryayaḥ || 34 ||
janakasya vaca śśṛtvā pāṇīn pāṇibhirāspṛśan |
catvāraste catasṛṇāṃ vasiṣṭhasya mate sthitāḥ || 35 ||
agniṃ pradakṣiṇīkṛtya vediṃ rājānameva ca |
ṛṣīṃścaiva mahātmānassabhāryā raghusattamāḥ || 36 ||
yathoktena tadā cakrurvivāhaṃ vidhipūrvakam |
kākutsthaiśca gṛhīteṣu laliteṣu ca pāṇiṣu || 37 ||
puṣpavṛṣṭirmahatyāsīdantarikṣātsubhāsvarā |
divyadundubhinirghoṣairgītavāditranisvanaiḥ || 38 ||
nanṛtuścāpsarassaṅghā gandharvāśca jaguḥ kalam |
vivāhe raghumukhyānāṃ tadadbhutamadṛśyata || 39 ||
īdṛśe vartamāne tu tūryodghuṣṭaninādite |
triragniṃ te parikramya ūhurbhāryāṃ mahaujasaḥ || 40 ||
athopakāryāṃ jagmuste sabhāryā raghunandanāḥ |
rājā'pyanuyayau paśyantsarṣisaṅgha ssabāndhavaḥ || 41 ||
ityārṣe śrīmadrāmāyaṇe vālmīkīya ādikāvye bālakāṇḍe trisaptatitamassargaḥ ||
InfoLyter.in — Sacred Vedic Knowledge Portal · Free forever