📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.50 ਬਾਲਕਾਣ੍ਡ - ਪਞ੍ਚਾਸ਼ ਸਰ੍ਗਃ
1.50 Balakanda - Panchasha Sargah
Valmiki Gurmukhi
ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ ਪਞ੍ਚਾਸ਼ਸ੍ਸਰ੍ਗਃ ।
ਤਤਃ ਪ੍ਰਾਗੁਤ੍ਤਰਾਂ ਗਤ੍ਵਾ ਰਾਮਸ੍ਸੌਮਿਤ੍ਰਿਣਾ ਸਹ ।
ਵਿਸ਼੍ਵਾਮਿਤ੍ਰਂ ਪੁਰਸ੍ਕृਤ੍ਯ ਯਜ੍ਞਵਾਟਮੁਪਾਗਮਤ੍ ॥ 1 ॥
ਰਾਮਸ੍ਤੁ ਮੁਨਿਸ਼ਾਰ੍ਦੂਲਮੁਵਾਚ ਸਹਲਕ੍ष੍ਮਣਃ ।
ਸਾਧ੍ਵੀ ਯਜ੍ਞਸਮृਦ੍ਧਿਰ੍ਹਿ ਜਨਕਸ੍ਯ ਮਹਾਤ੍ਮਨਃ ॥ 2 ॥
ਬਹੂਨੀਹ ਸਹਸ੍ਰਾਣਿ ਨਾਨਾਦੇਸ਼ਨਿਵਾਸਿਨਾਮ੍ ।
ਬ੍ਰਾਹ੍ਮਣਾਨਾਂ ਮਹਾਭਾਗ ਵੇਦਾਧ੍ਯਯਨਸ਼ਾਲਿਨਾਮ੍ ॥ 3 ॥
ऋषਿਵਾਟਾਸ਼੍ਚ ਦृਸ਼੍ਯਨ੍ਤੇ ਸ਼ਕਟੀਸ਼ਤਸਙ੍ਕੁਲਾਃ ।
ਦੇਸ਼ੋ ਵਿਧੀਯਤਾਂ ਬ੍ਰਹ੍ਮਨ੍ ਯਤ੍ਰ ਵਤ੍ਸ੍ਯਾਮਹੇ ਵਯਮ੍ ॥ 4 ॥
ਰਾਮਸ੍ਯ ਵਚਨਂ ਸ਼੍ਰੁਤ੍ਵਾ ਵਿਸ਼੍ਵਾਮਿਤ੍ਰੋ ਮਹਾਮੁਨਿਃ ।
ਨਿਵੇਸ਼ਮਕਰੋਦ੍ਦੇਸ਼ੇ ਵਿਵਿਕ੍ਤੇ ਸਲਿਲਾਯੁਤੇ ॥ 5 ॥
ਵਿਸ਼੍ਵਾਮਿਤ੍ਰਮਨੁਪ੍ਰਾਪ੍ਤਂ ਸ਼੍ਰੁਤ੍ਵਾ ਸ ਨृਪਤਿਸ੍ਤਦਾ ।
ਸ਼ਤਾਨਨ੍ਦਂ ਪੁਰਸ੍ਕृਤ੍ਯ ਪੁਰੋਹਿਤਮਨਿਨ੍ਦਿਤਮ੍ ॥ 6 ॥
ਪ੍ਰਤ੍ਯੁਜ੍ਜਗਾਮ ਸਹਸਾ ਵਿਨਯੇਨ ਸਮਨ੍ਵਿਤਃ ।
ऋਤ੍ਵਿਜੋऽਪਿ ਮਹਾਤ੍ਮਾਨਸ੍ਤ੍ਵਰ੍ਘ੍ਯਮਾਦਾਯ ਸਤ੍ਵਰਮ੍ ॥ 7 ॥
ਵਿਸ਼੍ਵਾਮਿਤ੍ਰਾਯ ਧਰ੍ਮੇਣ ਦਦੁਰ੍ਮਨ੍ਨ੍ਤ੍ਰਪੁਰਸ੍ਕृਤਮ੍ ।
ਪ੍ਰਤਿਗृਹ੍ਯ ਚ ਤਾਂ ਪੂਜਾਂ ਜਨਕਸ੍ਯ ਮਹਾਤ੍ਮਨਃ ॥ 8 ॥
ਪਪ੍ਰਚ੍ਛ ਕੁਸ਼ਲਂ ਰਾਜ੍ਞੋ ਯਜ੍ਞਸ੍ਯ ਚ ਨਿਰਾਮਯਮ੍ ।
ਸ ਤਾਂਸ਼੍ਚਾਪਿ ਮੁਨੀਨ੍ ਪृष੍ਟ੍ਵਾ ਸੋਪਾਧ੍ਯਾਯਪੁਰੋਧਸਃ ॥ 9 ॥
ਯਥਾਨ੍ਯਾਯਂ ਤਤਸ੍ਸਰ੍ਵੈਸ੍ਸਮਾਗਚ੍ਛਤ੍ਪ੍ਰਹृष੍ਟਵਤ੍ ।
ਅਥ ਰਾਜਾ ਮੁਨਿਸ਼੍ਰੇष੍ਠਂ ਕृਤਾਞ੍ਜਲਿਰਭਾषਤ ॥ 10 ॥
ਆਸਨੇ ਭਗਵਾਨਾਸ੍ਤਾਂ ਸਹੈਭਿਰ੍ਮੁਨਿਪੁਙ੍ਗਵੈਃ ।
ਜਨਕਸ੍ਯ ਵਚਸ਼੍ਸ਼੍ਰੁਤ੍ਵਾ ਨਿषਸਾਦ ਮਹਾਮੁਨਿਃ ॥ 11 ॥
ਪੁਰੋਧਾ ऋਤ੍ਵਿਜਸ਼੍ਚੈਵ ਰਾਜਾ ਚ ਸਹ ਮਨ੍ਤ੍ਰਿਭਿਃ ।
ਆਸਨੇषੁ ਯਥਾਨ੍ਯਾਯਮੁਪਵਿष੍ਟਾਨ੍ ਸਮਨ੍ਤਤਃ ॥ 12 ॥
ਦृष੍ਟ੍ਵਾ ਸ ਨृਪਤਿਸ੍ਤਤ੍ਰ ਵਿਸ਼੍ਵਾਮਿਤ੍ਰਮਥਾਬ੍ਰਵੀਤ੍ ।
ਅਦ੍ਯ ਯਜ੍ਞਸਮृਧ੍ਦਿਰ੍ਮੇ ਸਫਲਾ ਦੈਵਤੈਃ ਕृਤਾ ॥ 13 ॥
ਅਦ੍ਯ ਯਜ੍ਞਫਲਂ ਪ੍ਰਾਪ੍ਤਂ ਭਗਵਦ੍ਦਰ੍ਸ਼ਨਾਨ੍ਮਯਾ ।
ਧਨ੍ਯੋऽਸ੍ਮ੍ਯਨੁਗृਹੀਤੋऽਸ੍ਮਿ ਯਸ੍ਯ ਮੇ ਮੁਨਿਪੁਙ੍ਗਵ ॥ 14 ॥
ਯਜ੍ਞੋਪਸਦਨਂ ਬ੍ਰਹ੍ਮਨ੍ ਪ੍ਰਾਪ੍ਤੋऽਸਿ ਮੁਨਿਭਿਃ ਸਹ ।
ਦ੍ਵਾਦਸ਼ਾਹਂ ਤੁ ਬ੍ਰਹ੍ਮਰ੍षੇ ਸ਼ੇषਮਾਹੁਰ੍ਮਨੀषਿਣਃ ॥ 15 ॥
ਤਤੋ ਭਾਗਾਰ੍ਥਿਨੋ ਦੇਵਾਨ੍ ਦ੍ਰष੍ਟੁਮਰ੍ਹਸਿ ਕੌਸ਼ਿਕ ।
ਇਤ੍ਯੁਕ੍ਤ੍ਵਾ ਮੁਨਿਸ਼ਾਰ੍ਦੂਲਂ ਪ੍ਰਹृष੍ਟਵਦਨਸ੍ਤਦਾ ॥ 16 ॥
ਪੁਨਸ੍ਤਂ ਪਰਿਪਪ੍ਰਚ੍ਛ ਪ੍ਰਾਞ੍ਜਲਿਃ ਪ੍ਰਣਤੋ ਨृਪਃ ।
ਇਮੌ ਕੁਮਾਰੌ ਭਦ੍ਰਂ ਤੇ ਦੇਵਤੁਲ੍ਯਪਰਾਕ੍ਰਮੌ ॥ 17 ॥
ਗਜਸਿਂਹਗਤੀ ਵੀਰੌ ਸ਼ਾਰ੍ਦੂਲਵृषਭੋਪਮੌ ।
ਪਦ੍ਮਪਤ੍ਰਵਿਸ਼ਾਲਾਕ੍षੌ ਖਡ੍ਗਤੂਣੀਧਨੁਰ੍ਧਰੌ ॥ 18 ॥
ਅਸ਼੍ਵਿਨਾਵਿਵ ਰੂਪੇਣ ਸਮੁਪਸ੍ਥਿਤਯੌਵਨੌ ।
ਯਦृਚ੍ਛਯੈਵ ਗਾਂ ਪ੍ਰਾਪ੍ਤੌ ਦੇਵਲੋਕਾਦਿਵਾਮਰੌ ॥ 19 ॥
ਕਥਂ ਪਦ੍ਭ੍ਯਾਮਿਹ ਪ੍ਰਾਪ੍ਤੌ ਕਿਮਰ੍ਥਂ ਕਸ੍ਯ ਵਾ ਮੁਨੇ ।
ਵਰਾਯੁਧਧਰੌ ਵੀਰੌ ਕਸ੍ਯ ਪੁਤ੍ਰੌ ਮਹਾਮੁਨੇ ॥ 20 ॥
ਭੂषਯਨ੍ਤਾਵਿਮਂ ਦੇਸ਼ਂ ਚਨ੍ਦ੍ਰਸੂਰ੍ਯਾਵਿਵਾਮ੍ਬਰਮ੍ ।
ਪਰਸ੍ਪਰਸ੍ਯ ਸਦृਸ਼ੌ ਪ੍ਰਮਾਣੇਙ੍ਗਿਤਚੇष੍ਟਿਤੈਃ ॥ 21 ॥
ਕਾਕਪਕ੍षਧਰੌ ਵੀਰੌ ਸ਼੍ਰੋਤੁਮਿਚ੍ਛਾਮਿ ਤਤ੍ਤ੍ਵਤਃ ।
ਤਸ੍ਯ ਤਦ੍ਵਚਨਂ ਸ਼੍ਰੁਤ੍ਵਾ ਜਨਕਸ੍ਯ ਮਹਾਤ੍ਮਨਃ ॥ 22 ॥
ਨ੍ਯਵੇਦਯਨ੍ਮਹਾਤ੍ਮਾਨੌ ਪੁਤ੍ਰੌ ਦਸ਼ਰਥਸ੍ਯ ਤੌ ।
ਸਿਦ੍ਧਾਸ਼੍ਰਮਨਿਵਾਸਂ ਚ ਰਾਕ੍षਸਾਨਾਂ ਵਧਂ ਤਥਾ ॥ 23 ॥
ਤਚ੍ਚਾਗਮਨਮਵ੍ਯਗ੍ਰਂ ਵਿਸ਼ਾਲਾਯਾਸ਼੍ਚ ਦਰ੍ਸ਼ਨਮ੍ ।
ਅਹਲ੍ਯਾਦਰ੍ਸ਼ਨਂ ਚੈਵ ਗੌਤਮੇਨ ਸਮਾਗਮਮ੍ ॥ 24 ॥
ਮਹਾਧਨੁषਿ ਜਿਜ੍ਞਾਸਾਂ ਕਰ੍ਤੁਮਾਗਮਨਂ ਤਥਾ ।
ਏਤਤ੍ਸਰ੍ਵਂ ਮਹਾਤੇਜਾ ਜਨਕਾਯ ਮਹਾਤ੍ਮਨੇ ॥ 25 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ ਪਞ੍ਚਾਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha pañcāśassargaḥ |
tataḥ prāguttarāṃ gatvā rāmassaumitriṇā saha |
viśvāmitraṃ puraskṛtya yajñavāṭamupāgamat || 1 ||
rāmastu muniśārdūlamuvāca sahalakṣmaṇaḥ |
sādhvī yajñasamṛddhirhi janakasya mahātmanaḥ || 2 ||
bahūnīha sahasrāṇi nānādeśanivāsinām |
brāhmaṇānāṃ mahābhāga vedādhyayanaśālinām || 3 ||
ṛṣivāṭāśca dṛśyante śakaṭīśatasaṅkulāḥ |
deśo vidhīyatāṃ brahman yatra vatsyāmahe vayam || 4 ||
rāmasya vacanaṃ śrutvā viśvāmitro mahāmuniḥ |
niveśamakaroddeśe vivikte salilāyute || 5 ||
viśvāmitramanuprāptaṃ śrutvā sa nṛpatistadā |
śatānandaṃ puraskṛtya purohitamaninditam || 6 ||
pratyujjagāma sahasā vinayena samanvitaḥ |
ṛtvijo'pi mahātmānastvarghyamādāya satvaram || 7 ||
viśvāmitrāya dharmeṇa dadurmanntrapuraskṛtam |
pratigṛhya ca tāṃ pūjāṃ janakasya mahātmanaḥ || 8 ||
papraccha kuśalaṃ rājño yajñasya ca nirāmayam |
sa tāṃścāpi munīn pṛṣṭvā sopādhyāyapurodhasaḥ || 9 ||
yathānyāyaṃ tatassarvaissamāgacchatprahṛṣṭavat |
atha rājā muniśreṣṭhaṃ kṛtāñjalirabhāṣata || 10 ||
āsane bhagavānāstāṃ sahaibhirmunipuṅgavaiḥ |
janakasya vacaśśrutvā niṣasāda mahāmuniḥ || 11 ||
purodhā ṛtvijaścaiva rājā ca saha mantribhiḥ |
āsaneṣu yathānyāyamupaviṣṭān samantataḥ || 12 ||
dṛṣṭvā sa nṛpatistatra viśvāmitramathābravīt |
adya yajñasamṛdhdirme saphalā daivataiḥ kṛtā || 13 ||
adya yajñaphalaṃ prāptaṃ bhagavaddarśanānmayā |
dhanyo'smyanugṛhīto'smi yasya me munipuṅgava || 14 ||
yajñopasadanaṃ brahman prāpto'si munibhiḥ saha |
dvādaśāhaṃ tu brahmarṣe śeṣamāhurmanīṣiṇaḥ || 15 ||
tato bhāgārthino devān draṣṭumarhasi kauśika |
ityuktvā muniśārdūlaṃ prahṛṣṭavadanastadā || 16 ||
punastaṃ paripapraccha prāñjaliḥ praṇato nṛpaḥ |
imau kumārau bhadraṃ te devatulyaparākramau || 17 ||
gajasiṃhagatī vīrau śārdūlavṛṣabhopamau |
padmapatraviśālākṣau khaḍgatūṇīdhanurdharau || 18 ||
aśvināviva rūpeṇa samupasthitayauvanau |
yadṛcchayaiva gāṃ prāptau devalokādivāmarau || 19 ||
kathaṃ padbhyāmiha prāptau kimarthaṃ kasya vā mune |
varāyudhadharau vīrau kasya putrau mahāmune || 20 ||
bhūṣayantāvimaṃ deśaṃ candrasūryāvivāmbaram |
parasparasya sadṛśau pramāṇeṅgitaceṣṭitaiḥ || 21 ||
kākapakṣadharau vīrau śrotumicchāmi tattvataḥ |
tasya tadvacanaṃ śrutvā janakasya mahātmanaḥ || 22 ||
nyavedayanmahātmānau putrau daśarathasya tau |
siddhāśramanivāsaṃ ca rākṣasānāṃ vadhaṃ tathā || 23 ||
taccāgamanamavyagraṃ viśālāyāśca darśanam |
ahalyādarśanaṃ caiva gautamena samāgamam || 24 ||
mahādhanuṣi jijñāsāṃ kartumāgamanaṃ tathā |
etatsarvaṃ mahātejā janakāya mahātmane || 25 ||
ityārṣe śrīmadrāmāyaṇe vālmīkīya ādikāvye bālakāṇḍe pañcāśassargaḥ ||
InfoLyter.in — Sacred Vedic Knowledge Portal · Free forever