yaṃ yaṃ yaṃ yakṣarūpaṃ daśadiśividitaṃ bhūmikampāyamānaṃ
saṃ saṃ saṃhāramūrtiṃ śiramukuṭajaṭā śekharaṃ candrabimbam |
daṃ daṃ daṃ dīrghakāyaṃ vikṛtanakhamukhaṃ cordhvaromaṃ karālaṃ
paṃ paṃ paṃ pāpanāśaṃ praṇamata satataṃ bhairavaṃ kṣetrapālam || 1 ||
raṃ raṃ raṃ raktavarṇaṃ kaṭikaṭitatanuṃ tīkṣṇadaṃṣṭrākarālaṃ
ghaṃ ghaṃ ghaṃ ghoṣa ghoṣaṃ ghaghaghagha ghaṭitaṃ gharjaraṃ ghoranādam |
kaṃ kaṃ kaṃ kālapāśaṃ dhṛka dhṛka dhṛkitaṃ jvālitaṃ kāmadāhaṃ
taṃ taṃ taṃ divyadehaṃ praṇamata satataṃ bhairavaṃ kṣetrapālam || 2 ||
laṃ laṃ laṃ laṃ vadantaṃ lalalala lalitaṃ dīrghajihvā karālaṃ
dhūṃ dhūṃ dhūṃ dhūmravarṇaṃ sphuṭavikaṭamukhaṃ bhāskaraṃ bhīmarūpam |
ruṃ ruṃ ruṃ ruṇḍamālaṃ ravitamaniyataṃ tāmranetraṃ karālaṃ
naṃ naṃ naṃ nagnabhūṣaṃ praṇamata satataṃ bhairavaṃ kṣetrapālam || 3 ||
vaṃ vaṃ vaṃ vāyuvegaṃ natajanasadayaṃ brahmasāraṃ parantaṃ
khaṃ khaṃ khaṃ khaḍgahastaṃ tribhuvanavilayaṃ bhāskaraṃ bhīmarūpam |
caṃ caṃ caṃ calitvā'cala cala calitāccālitaṃ bhūmicakraṃ
maṃ maṃ maṃ māyirūpaṃ praṇamata satataṃ bhairavaṃ kṣetrapālam || 4 ||
śaṃ śaṃ śaṃ śaṅkhahastaṃ śaśikaradhavalaṃ mokṣa sampūrṇa tejaṃ
maṃ maṃ maṃ maṃ mahāntaṃ kulamakulakulaṃ mantraguptaṃ sunityam |
yaṃ yaṃ yaṃ bhūtanāthaṃ kilikilikilitaṃ bālakelipradhānaṃ
aṃ aṃ aṃ antarikṣaṃ praṇamata satataṃ bhairavaṃ kṣetrapālam || 5 ||
khaṃ khaṃ khaṃ khaḍgabhedaṃ viṣamamṛtamayaṃ kālakālaṃ karālaṃ
kṣaṃ kṣaṃ kṣaṃ kṣipravegaṃ dahadahadahanaṃ taptasandīpyamānam |
hauṃ hauṃ hauṅkāranādaṃ prakaṭitagahanaṃ garjitairbhūmikampaṃ
vaṃ vaṃ vaṃ bālalīlaṃ praṇamata satataṃ bhairavaṃ kṣetrapālam || 6 ||
saṃ saṃ saṃ siddhiyogaṃ sakalaguṇamakhaṃ devadevaṃ prasannaṃ
paṃ paṃ paṃ padmanābhaṃ hariharamayanaṃ candrasūryāgninetram |
aiṃ aiṃ aiṃ aiśvaryanāthaṃ satatabhayaharaṃ pūrvadevasvarūpaṃ
rauṃ rauṃ rauṃ raudrarūpaṃ praṇamata satataṃ bhairavaṃ kṣetrapālam || 7 ||
haṃ haṃ haṃ haṃsayānaṃ hasitakalahakaṃ muktayogāṭṭahāsaṃ
naṃ naṃ naṃ netrarūpaṃ śiramukuṭajaṭābandhabandhāgrahastam | [dhaṃdhaṃdhaṃ]
ṭaṃ ṭaṃ ṭaṃ ṭaṅkāranādaṃ tridaśalaṭalaṭaṃ kāmagarvāpahāraṃ
bhuṃ bhuṃ bhuṃ bhūtanāthaṃ praṇamata satataṃ bhairavaṃ kṣetrapālam || 8 ||
ityevaṃ kāmayuktaṃ prapaṭhati niyataṃ bhairavasyāṣṭakaṃ yo
nirvighnaṃ duḥkhanāśaṃ surabhayaharaṇaṃ ḍākinīśākinīnām |
naśyeddhi vyāghrasarpau hutavaha salile rājyaśaṃsasya śūnyaṃ
sarvā naśyanti dūraṃ vipada iti bhṛśaṃ cintanātsarvasiddhim || 9 ||
bhairavasyāṣṭakamidaṃ ṣāṇmāsaṃ yaḥ paṭhennaraḥ
sa yāti paramaṃ sthānaṃ yatra devo maheśvaraḥ || 10 ||
sindūrāruṇagātraṃ ca sarvajanmavinirmitam |
mukuṭāgryadharaṃ devaṃ bhairavaṃ praṇamāmyaham || 11 ||
namo bhūtanāthaṃ namo pretanāthaṃ
namaḥ kālakālaṃ namaḥ rudramālam |
namaḥ kālikāpremalolaṃ karālaṃ
namo bhairavaṃ kāśikākṣetrapālam ||
iti tīkṣṇadaṃṣṭra kālabhairavāṣṭakam ||