āpo॒ hiṣṭhā ma̭yo॒bhuvaḥ॒ | tā na̭ ū॒rje da̭dhātana | ma॒heraṇā̭ya॒ cakṣa̭se | yo vaḥ̭ śi॒vata̭mo॒ rasa॒stasya̭ bhājayate॒ ha naḥ॒ | u॒ṣa॒tīri̭va mā॒taraḥ̭ | tasmā॒ ara̭ṅgamāmavo॒ yasya॒ kṣayā̭ya॒ ji̭nvatha | āpo̭ ja॒naya̭thā ca naḥ |
pṛ॒thi॒vī śā॒ntā sāgninā̭ śā॒ntā sāmḙ śā॒ntā śucagṃ̭ śamayatu |
a॒ntari̭kṣagṃ śā॒nta-ntadvā॒yunā̭ śā॒nta-ntanmḙ śā॒ntagṃ śucagṃ̭ śamayatu |
dyauśśā॒ntā॒ sādi॒tyena̭ śā॒ntā sā mḙ śā॒ntā śucagṃ̭ śamayatu |
pṛ॒thi॒vī śānti̭ra॒ntari̭kṣa॒gṃ॒ śānti॒-
rdyau-śśānti॒r-diśa॒-śśānti̭-ravāntaradi॒śā-śśānti̭-
ra॒gni-śśānti̭r-vā॒yu-śśānti̭-rādi॒tya-
śśānti̭-ścandra॒mā॒-śśānti॒r-nakṣa̭trāṇi॒-
śśānti rāpa॒śśānti॒-roṣa̭dhaya॒-
śśānti॒r-vana॒spata̭ya॒-śśānti॒r-gaṷ-
śśānti̭-ra॒jā-śānti-raśva॒-śśāntiḥ॒ purṷṣa॒-
śśānti॒-brahma॒-śānti̭r-brāhma॒ṇa-
śśānti-śānti̭-reva śānti-śānti̭-rme astu॒ śāntiḥ̭ |
tayā॒hagṃ śān॒tyā॒ sa̭rvaśā॒ntyā॒
mahya̭-ndvi॒pade॒ catṷṣpade ca॒
śānti̭-ṅkaromi śānti̭rme astu॒ śāntiḥ̭ ||
eha॒ śrīśca॒ hrīśca॒ dhṛti̭śca॒
tapo̭ me॒dhā pra̭ti॒ṣṭhā śra॒ddhā sa॒tyaṃ
dharma̭ścai॒tāni॒ motti̭ṣṭhanta॒-manūtti̭ṣṭhantu॒
mā mā॒g॒ śrīśca॒ hrīśca॒ dhṛti̭śca॒
tapo̭ me॒dhā pra̭ti॒ṣṭhā śra॒ddhā sa॒tyaṃ
dharma̭ścai॒tāni̭ mā॒ mā hā̭siṣuḥ |
udāyṷṣā svā॒yuṣodo̭ṣadīnā॒gṃ॒
rase॒notpa॒rjanya̭sya॒ śuṣme॒ṇodasthāma॒mṛtā॒gṃ॒ anṷ |
taccakṣṷr-de॒vahi̭ta-mpu॒rastā᳚ccu॒kramu॒ccara̭t |
paśyḙma śa॒rada̭śśa॒ta-ñjīvḙma śa॒rada̭śśa॒taṃ
nandā̭ma śa॒rada̭śśa॒ta-mmodā̭ma śa॒rada̭śśa॒taṃ
bhavā̭ma śa॒rada̭śśa॒tagṃ śṛ॒ṇavā̭ma śa॒rada̭śśa॒taṃ
pabra̭vāma śa॒rada̭śśa॒tamajī̭tāsyāma śa॒rada̭śśa॒taṃ
jokca॒ sūrya̭-ndṛ॒śe |
ya uda̭gānmaha॒to-'rṇavā᳚-dvi॒bhrāja̭mānassari॒rasya॒ madhyā॒thsamā̭ vṛṣa॒bho lo̭hitā॒kṣasūryo̭ vipa॒ścinmana̭sā punātu ||
brahma̭ṇa॒ścota॒nyasi॒ brahma̭ṇa ā॒ṇīstho॒ brāhma̭ṇa ā॒vapa̭namasi dhāri॒teya-mpṛ̭thi॒vī brahma̭ṇā ma॒hī dā̭ri॒tamḙnena ma॒hadan॒tari̭kṣa॒-ndiva̭-ndādhāra pṛthi॒vīgṃ sadevāṃ॒-ya~da॒haṃ-ve~da॒ tada॒ha-ndhā̭rayāṇi॒ māmadvedo-'thi॒ visra̭sat |
me॒dhā॒ma॒nī॒ṣe māvi॒śatāgṃ sa॒mīcī̭ bhū॒tasya॒ bhavya॒syāva̭rudhyai॒ sarva॒māyṷrayāṇi॒ sarva॒māyṷrayāṇi |
ā॒bhirgī॒rbhi-ryadato̭na ū॒namāpyā̭yaya harivo॒ vardha̭mānaḥ |
ya॒dā sto॒tṛbhyo॒ mahi̭ go॒trā ru॒jāsi̭ bhūyiṣṭha॒bhājo॒ adha̭ te syāma |
brahma॒ prāvā̭diṣma॒ tanno॒ mā hā̭sīt ||
oṃ śānti॒-śśānti॒-śśāntiḥ̭ ||
oṃ sa-ntvā̭ siñcāmi॒ yajṷṣā pra॒jāmāyu॒rdhana̭-ñca ||
oṃ śānti॒-śśānti॒-śśāntiḥ̭ ||
oṃ śa-nno̭ mi॒tra-śśaṃ-va~rṷṇaḥ |
śa-nno̭ bhavatvarya॒mā |
śa-nna॒ indro॒ bṛha॒spatiḥ̭ |
śa-nno॒ viṣṇṷrurukra॒maḥ |
namo॒ brahma̭ṇe | nama̭ste vāyo |
tvame॒va pra॒tyakṣa॒-mbrahmā̭si |
tvāme॒va pra॒tyakṣa॒-mbrahma̭ vadiṣyāmi |
ṛ॒taṃ-va~̭diṣyāmi | sa॒tyaṃ-va~̭diṣyāmi |
tanmāma̭vatu | tadva॒ktāra̭mavatu |
ava̭tu॒ mām | ava̭tu va॒ktāram᳚ ||
oṃ śānti॒-śśānti॒-śśāntiḥ̭ ||
o-ntacchaṃ॒-yo~rāvṛ̭ṇīmahe |
gā॒tuṃ-ya~॒jñāya̭ | gā॒tuṃ-ya~॒jñapa̭taye |
daivī᳚ sva॒stira̭stu naḥ | sva॒stir-mānṷṣebhyaḥ |
ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatu॒ṣpade |
oṃ śānti॒-śśānti॒-śśāntiḥ̭ ||
oṃ sa॒ha nā̭ vavatu | sa॒ha naṷ bhunaktu |
sa॒ha vī॒rya̭-ṅkaravāvahai |
te॒ja॒svinā॒vadhī̭tamastu॒ mā vi̭dviṣā॒vahai᳚ ||
oṃ śānti॒-śśānti॒-śśāntiḥ̭ || (3)