Dashavatara Stotram (vedantacharya Kritam)

ॐ

ਦਸ਼ਾਵਤਾਰ ਸ੍ਤੋਤ੍ਰਮ੍ (ਵੇਦਾਨ੍ਤਾਚਾਰ੍ਯ ਕृਤਮ੍)

Tara Stotram Gurmukhi

ਦੇਵੋ ਨਸ਼੍ਸ਼ੁਭਮਾਤਨੋਤੁ ਦਸ਼ਧਾ ਨਿਰ੍ਵਰ੍ਤਯਨ੍ਭੂਮਿਕਾਂ

ਰਙ੍ਗੇ ਧਾਮਨਿ ਲਬ੍ਧਨਿਰ੍ਭਰਰਸੈਰਧ੍ਯਕ੍षਿਤੋ ਭਾਵੁਕੈਃ ।

ਯਦ੍ਭਾਵੇषੁ ਪृਥਗ੍ਵਿਧੇष੍ਵਨੁਗੁਣਾਨ੍ਭਾਵਾਨ੍ਸ੍ਵਯਂ ਬਿਭ੍ਰਤੀ

ਯਦ੍ਧਰ੍ਮੈਰਿਹ ਧਰ੍ਮਿਣੀ ਵਿਹਰਤੇ ਨਾਨਾਕृਤਿਰ੍ਨਾਯਿਕਾ ॥ 1 ॥

ਨਿਰ੍ਮਗ੍ਨਸ਼੍ਰੁਤਿਜਾਲਮਾਰ੍ਗਣਦਸ਼ਾਦਤ੍ਤਕ੍षਣੈਰ੍ਵੀਕ੍षਣੈ-

ਰਨ੍ਤਸ੍ਤਨ੍ਵਦਿਵਾਰਵਿਨ੍ਦਗਹਨਾਨ੍ਯੌਦਨ੍ਵਤੀਨਾਮਪਾਮ੍ ।

ਨਿष੍ਪ੍ਰਤ੍ਯੂਹਤਰਙ੍ਗਰਿਙ੍ਖਣਮਿਥਃ ਪ੍ਰਤ੍ਯੂਢਪਾਥਸ਼੍ਛਟਾ-

ਡੋਲਾਰੋਹਸਦੋਹਲਂ ਭਗਵਤੋ ਮਾਤ੍ਸ੍ਯਂ ਵਪੁਃ ਪਾਤੁ ਨਃ ॥ 2 ॥

ਅਵ੍ਯਾਸੁਰ੍ਭੁਵਨਤ੍ਰਯੀਮਨਿਭृਤਂ ਕਣ੍ਡੂਯਨੈਰਦ੍ਰਿਣਾ

ਨਿਦ੍ਰਾਣਸ੍ਯ ਪਰਸ੍ਯ ਕੂਰ੍ਮਵਪੁषੋ ਨਿਸ਼੍ਵਾਸਵਾਤੋਰ੍ਮਯਃ ।

ਯਦ੍ਵਿਕ੍षੇਪਣਸਂਸ੍ਕृਤੋਦਧਿਪਯਃ ਪ੍ਰੇਙ੍ਖੋਲਪਰ੍ਯਙ੍ਕਿਕਾ-

ਨਿਤ੍ਯਾਰੋਹਣਨਿਰ੍ਵृਤੋ ਵਿਹਰਤੇ ਦੇਵਸ੍ਸਹੈਵ ਸ਼੍ਰਿਯਾ ॥ 3 ॥

ਗੋਪਾਯੇਦਨਿਸ਼ਂ ਜਗਨ੍ਤਿ ਕੁਹਨਾਪੋਤ੍ਰੀ ਪਵਿਤ੍ਰੀਕृਤ-

ਬ੍ਰਹ੍ਮਾਣ੍ਡਪ੍ਰਲਯੋਰ੍ਮਿਘੋषਗੁਰੁਭਿਰ੍ਘੋਣਾਰਵੈਰ੍ਘੁਰ੍ਘੁਰੈਃ ।

ਯਦ੍ਦਂष੍ਟ੍ਰਾਙ੍ਕੁਰਕੋਟਿਗਾਢਘਟਨਾਨਿष੍ਕਮ੍ਪਨਿਤ੍ਯਸ੍ਥਿਤਿ-

ਰ੍ਬ੍ਰਹ੍ਮਸ੍ਤਮ੍ਬਮਸੌਦਸੌ ਭਗਵਤੀਮੁਸ੍ਤੇਵਵਿਸ਼੍ਵਮ੍ਭਰਾ ॥ 4 ॥

ਪ੍ਰਤ੍ਯਾਦਿष੍ਟਪੁਰਾਤਨਪ੍ਰਹਰਣਗ੍ਰਾਮਃਕ੍षਣਂ ਪਾਣਿਜੈ-

ਰਵ੍ਯਾਤ੍ਤ੍ਰੀਣਿ ਜਗਨ੍ਤ੍ਯਕੁਣ੍ਠਮਹਿਮਾ ਵੈਕੁਣ੍ਠਕਣ੍ਠੀਰਵਃ ।

ਯਤ੍ਪ੍ਰਾਦੁਰ੍ਭਵਨਾਦਵਨ੍ਧ੍ਯਜਠਰਾਯਾਦृਚ੍ਛਿਕਾਦ੍ਵੇਧਸਾਂ-

ਯਾ ਕਾਚਿਤ੍ਸਹਸਾ ਮਹਾਸੁਰਗृਹਸ੍ਥੂਣਾਪਿਤਾਮਹ੍ਯਭृਤ੍ ॥ 5 ॥

ਵ੍ਰੀਡਾਵਿਦ੍ਧਵਦਾਨ੍ਯਦਾਨਵਯਸ਼ੋਨਾਸੀਰਧਾਟੀਭਟ-

ਸ੍ਤ੍ਰੈਯਕ੍षਂ ਮਕੁਟਂ ਪੁਨਨ੍ਨਵਤੁ ਨਸ੍ਤ੍ਰੈਵਿਕ੍ਰਮੋ ਵਿਕ੍ਰਮਃ ।

ਯਤ੍ਪ੍ਰਸ੍ਤਾਵਸਮੁਚ੍ਛ੍ਰਿਤਧ੍ਵਜਪਟੀਵृਤ੍ਤਾਨ੍ਤਸਿਦ੍ਧਾਨ੍ਤਿਭਿ-

ਸ੍ਸ੍ਰੋਤੋਭਿਸ੍ਸੁਰਸਿਨ੍ਧੁਰष੍ਟਸੁਦਿਸ਼ਾਸੌਧੇषੁ ਦੋਧੂਯਤੇ ॥ 6 ॥

ਕ੍ਰੋਧਾਗ੍ਨਿਂ ਜਮਦਗ੍ਨਿਪੀਡਨਭਵਂ ਸਨ੍ਤਰ੍ਪਯਿष੍ਯਨ੍ ਕ੍ਰਮਾ-

ਦਕ੍षਤ੍ਰਾਮਿਹ ਸਨ੍ਤਤਕ੍ष ਯ ਇਮਾਂ ਤ੍ਰਿਸ੍ਸਪ੍ਤਕृਤ੍ਵਃ ਕ੍षਿਤਿਮ੍ ।

ਦਤ੍ਵਾ ਕਰ੍ਮਣਿ ਦਕ੍षਿਣਾਂ ਕ੍ਵਚਨ ਤਾਮਾਸ੍ਕਨ੍ਦ੍ਯ ਸਿਨ੍ਧੁਂ ਵਸ-

ਨ੍ਨਬ੍ਰਹ੍ਮਣ੍ਯਮਪਾਕਰੋਤੁ ਭਗਵਾਨਾਬ੍ਰਹ੍ਮਕੀਟਂ ਮੁਨਿਃ ॥ 7 ॥

ਪਾਰਾਵਾਰਪਯੋਵਿਸ਼ੋषਣਕਲਾਪਾਰੀਣਕਾਲਾਨਲ-

ਜ੍ਵਾਲਾਜਾਲਵਿਹਾਰਹਾਰਿਵਿਸ਼ਿਖਵ੍ਯਾਪਾਰਘੋਰਕ੍ਰਮਃ ।

ਸਰ੍ਵਾਵਸ੍ਥਸਕृਤ੍ਪ੍ਰਪਨ੍ਨਜਨਤਾਸਂਰਕ੍षਣੈਕਵ੍ਰਤੀ

ਧਰ੍ਮੋ ਵਿਗ੍ਰਹਵਾਨਧਰ੍ਮਵਿਰਤਿਂ ਧਨ੍ਵੀ ਸਤਨ੍ਵੀਤੁ ਨਃ ॥ 8 ॥

ਫਕ੍ਕਤ੍ਕੌਰਵਪਟ੍ਟਣਪ੍ਰਭृਤਯਃ ਪ੍ਰਾਸ੍ਤਪ੍ਰਲਮ੍ਬਾਦਯ-

ਸ੍ਤਾਲਾਙ੍ਕਾਸ੍ਯਤਥਾਵਿਧਾ ਵਿਹृਤਯਸ੍ਤਨ੍ਵਨ੍ਤੁ ਭਦ੍ਰਾਣਿ ਨਃ ।

ਕ੍षੀਰਂ ਸ਼ਰ੍ਕਰਯੇਵ ਯਾਭਿਰਪृਥਗ੍ਭੂਤਾਃ ਪ੍ਰਭੂਤੈਰ੍ਗੁਣੈ-

ਰਾਕੌਮਾਰਕਮਸ੍ਵਦਨ੍ਤਜਗਤੇ ਕृष੍ਣਸ੍ਯ ਤਾਃ ਕੇਲਯਃ ॥ 9 ॥

ਨਾਥਾਯੈਵ ਨਮਃ ਪਦਂ ਭਵਤੁ ਨਸ਼੍ਚਿਤ੍ਰੈਸ਼੍ਚਰਿਤ੍ਰਕ੍ਰਮੈ-

ਰ੍ਭੂਯੋਭਿਰ੍ਭੁਵਨਾਨ੍ਯਮੂਨਿਕੁਹਨਾਗੋਪਾਯ ਗੋਪਾਯਤੇ ।

ਕਾਲਿਨ੍ਦੀਰਸਿਕਾਯਕਾਲਿਯਫਣਿਸ੍ਫਾਰਸ੍ਫਟਾਵਾਟਿਕਾ-

ਰਙ੍ਗੋਤ੍ਸਙ੍ਗਵਿਸ਼ਙ੍ਕਚਙ੍ਕ੍ਰਮਧੁਰਾਪਰ੍ਯਾਯ ਚਰ੍ਯਾਯਤੇ ॥ 10 ॥

ਭਾਵਿਨ੍ਯਾ ਦਸ਼ਯਾਭਵਨ੍ਨਿਹ ਭਵਧ੍ਵਂਸਾਯ ਨਃ ਕਲ੍ਪਤਾਂ

ਕਲ੍ਕੀ ਵਿष੍ਣੁਯਸ਼ਸ੍ਸੁਤਃ ਕਲਿਕਥਾਕਾਲੁष੍ਯਕੂਲਙ੍ਕषਃ ।

ਨਿਸ਼੍ਸ਼ੇषਕ੍षਤਕਣ੍ਟਕੇ ਕ੍षਿਤਿਤਲੇ ਧਾਰਾਜਲੌਘੈਰ੍ਧ੍ਰੁਵਂ

ਧਰ੍ਮਂ ਕਾਰ੍ਤਯੁਗਂ ਪ੍ਰਰੋਹਯਤਿ ਯਨ੍ਨਿਸ੍ਤ੍ਰਿਂਸ਼ਧਾਰਾਧਰਃ ॥ 11 ॥

ਇਚ੍ਛਾਮੀਨ ਵਿਹਾਰਕਚ੍ਛਪ ਮਹਾਪੋਤ੍ਰਿਨ੍ ਯਦृਚ੍ਛਾਹਰੇ

ਰਕ੍षਾਵਾਮਨ ਰੋषਰਾਮ ਕਰੁਣਾਕਾਕੁਤ੍ਸ੍ਥ ਹੇਲਾਹਲਿਨ੍ ।

ਕ੍ਰੀਡਾਵਲ੍ਲਵ ਕਲ੍ਕਿਵਾਹਨ ਦਸ਼ਾਕਲ੍ਕਿਨ੍ਨਿਤਿ ਪ੍ਰਤ੍ਯਹਂ

ਜਲ੍ਪਨ੍ਤਃ ਪੁਰੁषਾਃ ਪੁਨਨ੍ਤੁ ਭੁਵਨਂ ਪੁਣ੍ਯੌਘਪਣ੍ਯਾਪਣਾਃ ॥

ਵਿਦ੍ਯੋਦਨ੍ਵਤਿ ਵੇਙ੍ਕਟੇਸ਼੍ਵਰਕਵੌ ਜਾਤਂ ਜਗਨ੍ਮਙ੍ਗਲਂ

ਦੇਵੇਸ਼ਸ੍ਯਦਸ਼ਾਵਤਾਰਵਿषਯਂ ਸ੍ਤੋਤ੍ਰਂ ਵਿਵਕ੍षੇਤ ਯਃ ।

ਵਕ੍ਤ੍ਰੇ ਤਸ੍ਯ ਸਰਸ੍ਵਤੀ ਬਹੁਮੁਖੀ ਭਕ੍ਤਿਃ ਪਰਾ ਮਾਨਸੇ

ਸ਼ੁਦ੍ਧਿਃ ਕਾਪਿ ਤਨੌ ਦਿਸ਼ਾਸੁ ਦਸ਼ਸੁ ਖ੍ਯਾਤਿਸ਼੍ਸ਼ੁਭਾ ਜृਮ੍ਭਤੇ ॥

ਇਤਿ ਕਵਿਤਾਰ੍ਕਿਕਸਿਂਹਸ੍ਯ ਸਰ੍ਵਤਨ੍ਤ੍ਰਸ੍ਵਤਨ੍ਤ੍ਰਸ੍ਯ ਸ਼੍ਰੀਮਦ੍ਵੇਙ੍ਕਟਨਾਥਸ੍ਯ ਵੇਦਾਨ੍ਤਾਚਾਰ੍ਯਸ੍ਯ ਕृਤਿषੁ ਦਸ਼ਾਵਤਾਰਸ੍ਤੋਤ੍ਰਮ੍ ।

Roman (IAST) Transliteration

devo naśśubhamātanotu daśadhā nirvartayanbhūmikāṃ

raṅge dhāmani labdhanirbhararasairadhyakṣito bhāvukaiḥ |

yadbhāveṣu pṛthagvidheṣvanuguṇānbhāvānsvayaṃ bibhratī

yaddharmairiha dharmiṇī viharate nānākṛtirnāyikā || 1 ||

nirmagnaśrutijālamārgaṇadaśādattakṣaṇairvīkṣaṇai-

rantastanvadivāravindagahanānyaudanvatīnāmapām |

niṣpratyūhataraṅgariṅkhaṇamithaḥ pratyūḍhapāthaśchaṭā-

ḍolārohasadohalaṃ bhagavato mātsyaṃ vapuḥ pātu naḥ || 2 ||

avyāsurbhuvanatrayīmanibhṛtaṃ kaṇḍūyanairadriṇā

nidrāṇasya parasya kūrmavapuṣo niśvāsavātormayaḥ |

yadvikṣepaṇasaṃskṛtodadhipayaḥ preṅkholaparyaṅkikā-

nityārohaṇanirvṛto viharate devassahaiva śriyā || 3 ||

gopāyedaniśaṃ jaganti kuhanāpotrī pavitrīkṛta-

brahmāṇḍapralayormighoṣagurubhirghoṇāravairghurghuraiḥ |

yaddaṃṣṭrāṅkurakoṭigāḍhaghaṭanāniṣkampanityasthiti-

rbrahmastambamasaudasau bhagavatīmustevaviśvambharā || 4 ||

pratyādiṣṭapurātanapraharaṇagrāmaḥkṣaṇaṃ pāṇijai-

ravyāttrīṇi jagantyakuṇṭhamahimā vaikuṇṭhakaṇṭhīravaḥ |

yatprādurbhavanādavandhyajaṭharāyādṛcchikādvedhasāṃ-

yā kācitsahasā mahāsuragṛhasthūṇāpitāmahyabhṛt || 5 ||

vrīḍāviddhavadānyadānavayaśonāsīradhāṭībhaṭa-

straiyakṣaṃ makuṭaṃ punannavatu nastraivikramo vikramaḥ |

yatprastāvasamucchritadhvajapaṭīvṛttāntasiddhāntibhi-

ssrotobhissurasindhuraṣṭasudiśāsaudheṣu dodhūyate || 6 ||

krodhāgniṃ jamadagnipīḍanabhavaṃ santarpayiṣyan kramā-

dakṣatrāmiha santatakṣa ya imāṃ trissaptakṛtvaḥ kṣitim |

datvā karmaṇi dakṣiṇāṃ kvacana tāmāskandya sindhuṃ vasa-

nnabrahmaṇyamapākarotu bhagavānābrahmakīṭaṃ muniḥ || 7 ||

pārāvārapayoviśoṣaṇakalāpārīṇakālānala-

jvālājālavihārahāriviśikhavyāpāraghorakramaḥ |

sarvāvasthasakṛtprapannajanatāsaṃrakṣaṇaikavratī

dharmo vigrahavānadharmaviratiṃ dhanvī satanvītu naḥ || 8 ||

phakkatkauravapaṭṭaṇaprabhṛtayaḥ prāstapralambādaya-

stālāṅkāsyatathāvidhā vihṛtayastanvantu bhadrāṇi naḥ |

kṣīraṃ śarkarayeva yābhirapṛthagbhūtāḥ prabhūtairguṇai-

rākaumārakamasvadantajagate kṛṣṇasya tāḥ kelayaḥ || 9 ||

nāthāyaiva namaḥ padaṃ bhavatu naścitraiścaritrakramai-

rbhūyobhirbhuvanānyamūnikuhanāgopāya gopāyate |

kālindīrasikāyakāliyaphaṇisphārasphaṭāvāṭikā-

raṅgotsaṅgaviśaṅkacaṅkramadhurāparyāya caryāyate || 10 ||

bhāvinyā daśayābhavanniha bhavadhvaṃsāya naḥ kalpatāṃ

kalkī viṣṇuyaśassutaḥ kalikathākāluṣyakūlaṅkaṣaḥ |

niśśeṣakṣatakaṇṭake kṣititale dhārājalaughairdhruvaṃ

dharmaṃ kārtayugaṃ prarohayati yannistriṃśadhārādharaḥ || 11 ||

icchāmīna vihārakacchapa mahāpotrin yadṛcchāhare

rakṣāvāmana roṣarāma karuṇākākutstha helāhalin |

krīḍāvallava kalkivāhana daśākalkinniti pratyahaṃ

jalpantaḥ puruṣāḥ punantu bhuvanaṃ puṇyaughapaṇyāpaṇāḥ ||

vidyodanvati veṅkaṭeśvarakavau jātaṃ jaganmaṅgalaṃ

deveśasyadaśāvatāraviṣayaṃ stotraṃ vivakṣeta yaḥ |

vaktre tasya sarasvatī bahumukhī bhaktiḥ parā mānase

śuddhiḥ kāpi tanau diśāsu daśasu khyātiśśubhā jṛmbhate ||

iti kavitārkikasiṃhasya sarvatantrasvatantrasya śrīmadveṅkaṭanāthasya vedāntācāryasya kṛtiṣu daśāvatārastotram |