viśveśvarāya narakārṇava tāraṇāya
karṇāmṛtāya śaśiśekhara dhāraṇāya |
karpūrakānti dhavalāya jaṭādharāya
dāridryaduḥkha dahanāya namaśśivāya || 1 ||
gaurīpriyāya rajanīśa kalādharāya
kālāntakāya bhujagādhipa kaṅkaṇāya |
gaṅgādharāya gajarāja vimardhanāya
dāridryaduḥkha dahanāya namaśśivāya || 2 ||
bhaktapriyāya [bhaktipriyāya] bhavaroga bhayāpahāya
ugrāya duḥkha [durga] bhavasāgara tāraṇāya |
jyotirmayāya guṇanāma sunṛtyakāya
dāridryaduḥkha dahanāya namaśśivāya || 3 ||
carmāmbarāya śavabhasma vilepanāya
phālekṣaṇāya maṇikuṇḍala maṇḍitāya |
mañjīrapādayugalāya jaṭādharāya
dāridryaduḥkha dahanāya namaśśivāya || 4 ||
pañcānanāya phaṇirāja vibhūṣaṇāya
hemāṅkuśāya bhuvanatraya maṇḍitāya
ānanda bhūmi varadāya tamopayāya [tamomayāya] |
dāridryaduḥkha dahanāya namaśśivāya || 5 ||
bhānupriyāya bhavasāgara tāraṇāya
kālāntakāya kamalāsana pūjitāya |
netratrayāya śubhalakṣaṇa lakṣitāya
dāridryaduḥkha dahanāya namaśśivāya || 6 ||
rāmapriyāya raghunātha varapradāya
nāgapriyāya narakārṇava tāraṇāya |
puṇyāya [puṇyeṣu] puṇyabharitāya surārcitāya
dāridryaduḥkha dahanāya namaśśivāya || 7 ||
mukteśvarāya phaladāya gaṇeśvarāya
gītāpriyāya vṛṣabheśvara vāhanāya |
mātaṅgacarma vasanāya maheśvarāya
dāridryaduḥkha dahanāya namaśśivāya || 8 ||
vasiṣṭhena kṛtaṃ stotraṃ sarvaroga nivāraṇam |
sarvasampatkaraṃ śīghraṃ putrapautrādi vardhanam |
[śubhadaṃ kāmadaṃ hṛdyaṃ dhanadhānya pravardhanam]
trisandhyaṃ yaḥ paṭhennityaṃ sa hi svarga mavāpnuyāt || 9 ||
|| iti śrī vasiṣṭha viracitaṃ dāridryadahana śivastotraṃ sampūrṇam ||
alternate first verse
gaurīvilāsa bhuvanāya maheśvarāya
pañcānanāya śaraṇāgata kalpadāya |
śarvāya sarvajagatāmadhipāya
tasmai dāridrya duḥkhadahanāya namaḥ śivāya ||