Shiva Mangalashtakam — InfoLyter.in

ॐ

ଶିଵ ମଙ୍ଗଲାଷ୍ଟକମ୍

Shiva Mangalashtakam

Shiva Ashtakam Oriya

ଭଵାଯ ଚନ୍ଦ୍ରଚୂଡାଯ ନିର୍ଗୁଣାଯ ଗୁଣାତ୍ମନେ ।

କାଲକାଲାଯ ରୁଦ୍ରାଯ ନୀଲଗ୍ରୀଵାଯ ମଙ୍ଗଲମ୍ ॥ 1 ॥

ଵୃଷାରୂଢାଯ ଭୀମାଯ ଵ୍ଯାଘ୍ରଚର୍ମାମ୍ବରାଯ ଚ ।

ପଶୂନାମ୍ପତଯେ ତୁଭ୍ଯଂ ଗୌରୀକାନ୍ତାଯ ମଙ୍ଗଲମ୍ ॥ 2 ॥

ଭସ୍ମୋଦ୍ଧୂଲିତଦେହାଯ ନାଗଯଜ୍ଞୋପଵୀତିନେ ।

ରୁଦ୍ରାକ୍ଷମାଲାଭୂଷାଯ ଵ୍ଯୋମକେଶାଯ ମଙ୍ଗଲମ୍ ॥ 3 ॥

ସୂର୍ଯଚନ୍ଦ୍ରାଗ୍ନିନେତ୍ରାଯ ନମଃ କୈଲାସଵାସିନେ ।

ସଚ୍ଚିଦାନନ୍ଦରୂପାଯ ପ୍ରମଥେଶାଯ ମଙ୍ଗଲମ୍ ॥ 4 ॥

ମୃତ୍ଯୁଞ୍ଜଯାଯ ସାମ୍ବାଯ ସୃଷ୍ଟିସ୍ଥିତ୍ଯନ୍ତକାରିଣେ ।

ତ୍ରଯମ୍ବକାଯ ଶାନ୍ତାଯ ତ୍ରିଲୋକେଶାଯ ମଙ୍ଗଲମ୍ ॥ 5 ॥

ଗଙ୍ଗାଧରାଯ ସୋମାଯ ନମୋ ହରିହରାତ୍ମନେ ।

ଉଗ୍ରାଯ ତ୍ରିପୁରଘ୍ନାଯ ଵାମଦେଵାଯ ମଙ୍ଗଲମ୍ ॥ 6 ॥

ସଦ୍ଯୋଜାତାଯ ଶର୍ଵାଯ ଭଵ୍ଯ ଜ୍ଞାନପ୍ରଦାଯିନେ ।

ଈଶାନାଯ ନମସ୍ତୁଭ୍ଯଂ ପଞ୍ଚଵକ୍ରାଯ ମଙ୍ଗଲମ୍ ॥ 7 ॥

ସଦାଶିଵ ସ୍ଵରୂପାଯ ନମସ୍ତତ୍ପୁରୁଷାଯ ଚ ।

ଅଘୋରାଯ ଚ ଘୋରାଯ ମହାଦେଵାଯ ମଙ୍ଗଲମ୍ ॥ 8 ॥

ଶ୍ରୀଚାମୁଣ୍ଡାପ୍ରେରିତେନ ରଚିତଂ ମଙ୍ଗଲାସ୍ପଦମ୍ ।

ତସ୍ଯାଭୀଷ୍ଟପ୍ରଦଂ ଶମ୍ଭୋଃ ଯଃ ପଠେନ୍ମଙ୍ଗଲାଷ୍ଟକମ୍ ॥ 9 ॥

ମହାଦେଵସ୍ଯ ଦେଵସ୍ଯ ଯଃ ପଠେନ୍ମଙ୍ଗଲାଷ୍ଟକମ୍ ।

ସର୍ଵାର୍ଥ ସିଦ୍ଧି ମାପ୍ନୋତି ସ ସାଯୁଜ୍ଯଂ ତତଃ ପରମ୍ ॥ 10 ॥

Roman (IAST) Transliteration

bhavāya candracūḍāya nirguṇāya guṇātmane |

kālakālāya rudrāya nīlagrīvāya maṅgalam || 1 ||

vṛṣārūḍhāya bhīmāya vyāghracarmāmbarāya ca |

paśūnāmpataye tubhyaṃ gaurīkāntāya maṅgalam || 2 ||

bhasmoddhūlitadehāya nāgayajñopavītine |

rudrākṣamālābhūṣāya vyomakeśāya maṅgalam || 3 ||

sūryacandrāgninetrāya namaḥ kailāsavāsine |

saccidānandarūpāya pramatheśāya maṅgalam || 4 ||

mṛtyuñjayāya sāmbāya sṛṣṭisthityantakāriṇe |

trayambakāya śāntāya trilokeśāya maṅgalam || 5 ||

gaṅgādharāya somāya namo hariharātmane |

ugrāya tripuraghnāya vāmadevāya maṅgalam || 6 ||

sadyojātāya śarvāya bhavya jñānapradāyine |

īśānāya namastubhyaṃ pañcavakrāya maṅgalam || 7 ||

sadāśiva svarūpāya namastatpuruṣāya ca |

aghorāya ca ghorāya mahādevāya maṅgalam || 8 ||

śrīcāmuṇḍāpreritena racitaṃ maṅgalāspadam |

tasyābhīṣṭapradaṃ śambhoḥ yaḥ paṭhenmaṅgalāṣṭakam || 9 ||

mahādevasya devasya yaḥ paṭhenmaṅgalāṣṭakam |

sarvārtha siddhi māpnoti sa sāyujyaṃ tataḥ param || 10 ||