|| pañcamukha hanumatkavacam ||
asya śrī pañcamukhahanumanmantrasya brahmā ṛṣiḥ gāyatrīchandaḥ pañcamukhavirāṭ hanumān devatā hrīṃ bījaṃ śrīṃ śaktiḥ krauṃ kīlakaṃ krūṃ kavacaṃ kraiṃ astrāya phaṭ iti digbandhaḥ |
śrī garuḍa uvāca |
atha dhyānaṃ pravakṣyāmi śṛṇu sarvāṅgasundari |
yatkṛtaṃ devadevena dhyānaṃ hanumataḥ priyam || 1 ||
pañcavaktraṃ mahābhīmaṃ tripañcanayanairyutam |
bāhubhirdaśabhiryuktaṃ sarvakāmārthasiddhidam || 2 ||
pūrvaṃ tu vānaraṃ vaktraṃ koṭisūryasamaprabham |
daṃṣṭrākarālavadanaṃ bhṛkuṭīkuṭilekṣaṇam || 3 ||
asyaiva dakṣiṇaṃ vaktraṃ nārasiṃhaṃ mahādbhutam |
atyugratejovapuṣaṃ bhīṣaṇaṃ bhayanāśanam || 4 ||
paścimaṃ gāruḍaṃ vaktraṃ vakratuṇḍaṃ mahābalam |
sarvanāgapraśamanaṃ viṣabhūtādikṛntanam || 5 ||
uttaraṃ saukaraṃ vaktraṃ kṛṣṇaṃ dīptaṃ nabhopamam |
pātālasiṃhavetālajvararogādikṛntanam || 6 ||
ūrdhvaṃ hayānanaṃ ghoraṃ dānavāntakaraṃ param |
yena vaktreṇa viprendra tārakākhyaṃ mahāsuram || 7 ||
jaghāna śaraṇaṃ tatsyātsarvaśatruharaṃ param |
dhyātvā pañcamukhaṃ rudraṃ hanūmantaṃ dayānidhim || 8 ||
khaḍgaṃ triśūlaṃ khaṭvāṅgaṃ pāśamaṅkuśaparvatam |
muṣṭiṃ kaumodakīṃ vṛkṣaṃ dhārayantaṃ kamaṇḍalum || 9 ||
bhindipālaṃ jñānamudrāṃ daśabhirmunipuṅgavam |
etānyāyudhajālāni dhārayantaṃ bhajāmyaham || 10 ||
pretāsanopaviṣṭaṃ taṃ sarvābharaṇabhūṣitam |
divyamālyāmbaradharaṃ divyagandhānulepanam |
sarvāścaryamayaṃ devaṃ hanumadviśvatomukham || 11 ||
pañcāsyamacyutamanekavicitravarṇa-
-vaktraṃ śaśāṅkaśikharaṃ kapirājavaryam |
pītāmbarādimukuṭairupaśobhitāṅgaṃ
piṅgākṣamādyamaniśaṃ manasā smarāmi || 12 ||
markaṭeśaṃ mahotsāhaṃ sarvaśatruharaṃ param |
śatruṃ saṃhara māṃ rakṣa śrīmannāpadamuddhara || 13 ||
harimarkaṭa markaṭa mantramidaṃ
parilikhyati likhyati vāmatale |
yadi naśyati naśyati śatrukulaṃ
yadi muñcati muñcati vāmalatā || 14 ||
oṃ harimarkaṭāya svāhā |
oṃ namo bhagavate pañcavadanāya pūrvakapimukhāya sakalaśatrusaṃhārakāya svāhā |
oṃ namo bhagavate pañcavadanāya dakṣiṇamukhāya karālavadanāya narasiṃhāya sakalabhūtapramathanāya svāhā |
oṃ namo bhagavate pañcavadanāya paścimamukhāya garuḍānanāya sakalaviṣaharāya svāhā |
oṃ namo bhagavate pañcavadanāya uttaramukhāya ādivarāhāya sakalasampatkarāya svāhā |
oṃ namo bhagavate pañcavadanāya ūrdhvamukhāya hayagrīvāya sakalajanavaśaṅkarāya svāhā |
oṃ asya śrī pañcamukhahanumanmantrasya śrīrāmacandra ṛṣiḥ anuṣṭupchandaḥ pañcamukhavīrahanumān devatā hanumān iti bījaṃ vāyuputra iti śaktiḥ añjanīsuta iti kīlakaṃ śrīrāmadūtahanumatprasādasiddhyarthe jape viniyogaḥ |
iti ṛṣyādikaṃ vinyaset |
atha karanyāsaḥ |
oṃ añjanīsutāya aṅguṣṭhābhyāṃ namaḥ |
oṃ rudramūrtaye tarjanībhyāṃ namaḥ |
oṃ vāyuputrāya madhyamābhyāṃ namaḥ |
oṃ agnigarbhāya anāmikābhyāṃ namaḥ |
oṃ rāmadūtāya kaniṣṭhikābhyāṃ namaḥ |
oṃ pañcamukhahanumate karatalakarapṛṣṭhābhyāṃ namaḥ |
atha aṅganyāsaḥ |
oṃ añjanīsutāya hṛdayāya namaḥ |
oṃ rudramūrtaye śirase svāhā |
oṃ vāyuputrāya śikhāyai vaṣaṭ |
oṃ agnigarbhāya kavacāya hum |
oṃ rāmadūtāya netratrayāya vauṣaṭ |
oṃ pañcamukhahanumate astrāya phaṭ |
pañcamukhahanumate svāhā iti digbandhaḥ |
atha dhyānam |
vande vānaranārasiṃhakhagarāṭkroḍāśvavaktrānvitaṃ
divyālaṅkaraṇaṃ tripañcanayanaṃ dedīpyamānaṃ rucā |
hastābjairasikheṭapustakasudhākumbhāṅkuśādriṃ halaṃ
khaṭvāṅgaṃ phaṇibhūruhaṃ daśabhujaṃ sarvārivīrāpaham |
atha mantraḥ |
oṃ śrīrāmadūtāya āñjaneyāya vāyuputrāya mahābalaparākramāya sītāduḥkhanivāraṇāya laṅkādahanakāraṇāya mahābalapracaṇḍāya phālgunasakhāya kolāhalasakalabrahmāṇḍaviśvarūpāya
saptasamudranirlaṅghanāya piṅgalanayanāya amitavikramāya sūryabimbaphalasevanāya duṣṭanivāraṇāya dṛṣṭinirālaṅkṛtāya sañjīvinīsañjīvitāṅgada-lakṣmaṇamahākapisainyaprāṇadāya
daśakaṇṭhavidhvaṃsanāya rāmeṣṭāya mahāphālgunasakhāya sītāsahitarāmavarapradāya ṣaṭprayogāgamapañcamukhavīrahanumanmantrajape viniyogaḥ |
oṃ harimarkaṭamarkaṭāya bambambambambaṃ vauṣaṭ svāhā |
oṃ harimarkaṭamarkaṭāya phamphamphamphamphaṃ phaṭ svāhā |
oṃ harimarkaṭamarkaṭāya kheṅkheṅkheṅkheṅkheṃ māraṇāya svāhā |
oṃ harimarkaṭamarkaṭāya luṃluṃluṃluṃluṃ ākarṣitasakalasampatkarāya svāhā |
oṃ harimarkaṭamarkaṭāya dhandhandhandhandhaṃ śatrustambhanāya svāhā |
oṃ ṭaṇṭaṇṭaṇṭaṇṭaṃ kūrmamūrtaye pañcamukhavīrahanumate parayantra paratantroccāṭanāya svāhā |
oṃ kaṅkhaṅgaṅghaṃṅaṃ cañchañjañjhaṃñaṃ ṭaṇṭhaṇḍaṇḍhaṃṇaṃ tanthandandhannaṃ pamphambambhammaṃ yaṃraṃlaṃvaṃ śaṃṣaṃsaṃhaṃ laṅkṣaṃ svāhā |
iti digbandhaḥ |
oṃ pūrvakapimukhāya pañcamukhahanumate ṭaṇṭaṇṭaṇṭaṇṭaṃ sakalaśatrusaṃharaṇāya svāhā |
oṃ dakṣiṇamukhāya pañcamukhahanumate karālavadanāya narasiṃhāya oṃ hrāṃ hrīṃ hrūṃ hraiṃ hrauṃ hraḥ sakalabhūtapretadamanāya svāhā |
oṃ paścimamukhāya garuḍānanāya pañcamukhahanumate mammammammammaṃ sakalaviṣaharāya svāhā |
oṃ uttaramukhāya ādivarāhāya laṃlaṃlaṃlaṃlaṃ nṛsiṃhāya nīlakaṇṭhamūrtaye pañcamukhahanumate svāhā |
oṃ ūrdhvamukhāya hayagrīvāya ruṃruṃruṃruṃruṃ rudramūrtaye sakalaprayojananirvāhakāya svāhā |
oṃ añjanīsutāya vāyuputrāya mahābalāya sītāśokanivāraṇāya śrīrāmacandrakṛpāpādukāya mahāvīryapramathanāya brahmāṇḍanāthāya kāmadāya pañcamukhavīrahanumate svāhā |
bhūtapretapiśācabrahmarākṣasa śākinīḍākinyantarikṣagraha parayantra paratantroccaṭanāya svāhā |
sakalaprayojananirvāhakāya pañcamukhavīrahanumate śrīrāmacandravaraprasādāya jañjañjañjañjaṃ svāhā |
idaṃ kavacaṃ paṭhitvā tu mahākavacaṃ paṭhennaraḥ |
ekavāraṃ japet stotraṃ sarvaśatrunivāraṇam || 15 ||
dvivāraṃ tu paṭhennityaṃ putrapautrapravardhanam |
trivāraṃ ca paṭhennityaṃ sarvasampatkaraṃ śubham || 16 ||
caturvāraṃ paṭhennityaṃ sarvaroganivāraṇam |
pañcavāraṃ paṭhennityaṃ sarvalokavaśaṅkaram || 17 ||
ṣaḍvāraṃ ca paṭhennityaṃ sarvadevavaśaṅkaram |
saptavāraṃ paṭhennityaṃ sarvasaubhāgyadāyakam || 18 ||
aṣṭavāraṃ paṭhennityamiṣṭakāmārthasiddhidam |
navavāraṃ paṭhennityaṃ rājabhogamavāpnuyāt || 19 ||
daśavāraṃ paṭhennityaṃ trailokyajñānadarśanam |
rudrāvṛttiṃ paṭhennityaṃ sarvasiddhirbhaveddhṛvam || 20 ||
nirbalo rogayuktaśca mahāvyādhyādipīḍitaḥ |
kavacasmaraṇenaiva mahābalamavāpnuyāt || 21 ||
iti sudarśanasaṃhitāyāṃ śrīrāmacandrasītāproktaṃ śrī pañcamukhahanumatkavacam |