📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ଚାକ୍ଷୁଷୋପନିଷଦ୍ (ଚକ୍ଷୁଷ୍ମତୀ ଵିଦ୍ଯା)
Chakshushopanishad (chakshushmati Vidya)
Oriya
ଅସ୍ଯାଃ ଚାକ୍ଷୁଷୀଵିଦ୍ଯାଯାଃ ଅହିର୍ବୁଧ୍ନ୍ଯ ଋଷିଃ । ଗାଯତ୍ରୀ ଛନ୍ଦଃ । ସୂର୍ଯୋ ଦେଵତା । ଚକ୍ଷୁରୋଗନିଵୃତ୍ତଯେ ଜପେ ଵିନିଯୋଗଃ ।
ଓଁ ଚକ୍ଷୁଶ୍ଚକ୍ଷୁଶ୍ଚକ୍ଷୁଃ ତେଜଃ ସ୍ଥିରୋ ଭଵ । ମାଂ ପାହି ପାହି । ତ୍ଵରିତଂ ଚକ୍ଷୁରୋଗାନ୍ ଶମଯ ଶମଯ । ମମ ଜାତରୂପଂ ତେଜୋ ଦର୍ଶଯ ଦର୍ଶଯ । ଯଥାହଂ ଅନ୍ଧୋ ନ ସ୍ଯାଂ ତଥା କଲ୍ପଯ କଲ୍ପଯ । କଲ୍ଯାଣଂ କୁରୁ କୁରୁ । ଯାନି ମମ ପୂର୍ଵଜନ୍ମୋପାର୍ଜିତାନି ଚକ୍ଷୁଃ ପ୍ରତିରୋଧକ ଦୁଷ୍କୃତାନି ସର୍ଵାଣି ନିର୍ମୂଲଯ ନିର୍ମୂଲଯ ।
ଓଁ ନମଃ ଚକ୍ଷୁସ୍ତେଜୋଦାତ୍ରେ ଦିଵ୍ଯାଯ ଭାସ୍କରାଯ । ଓଁ ନମଃ କରୁଣାକରାଯାଽମୃତାଯ । ଓଁ ନମଃ ସୂର୍ଯାଯ । ଓଁ ନମୋ ଭଗଵତେ ସୂର୍ଯାଯାକ୍ଷିତେଜସେ ନମଃ । ଖେଚରାଯ ନମଃ । ମହତେ ନମଃ । ରଜସେ ନମଃ । ତମସେ ନମଃ । ଅସତୋ ମା ସଦ୍ଗମଯ । ତମସୋ ମା ଜ୍ଯୋତିର୍ଗମଯ । ମୃତ୍ଯୋର୍ମା ଅମୃତଂ ଗମଯ । ଉଷ୍ଣୋ ଭଗଵାନ୍ ଶୁଚିରୂପଃ । ହଂସୋ ଭଗଵାନ୍ ଶୁଚିରପ୍ରତିରୂପଃ ।
ଯ ଇମାଂ ଚକ୍ଷୁଷ୍ମତୀଂ ଵିଦ୍ଯାଂ ବ୍ରାହ୍ମଣୋ ନିତ୍ଯମଧୀତେ ନ ତସ୍ଯ ଅକ୍ଷିରୋଗୋ ଭଵତି । ନ ତସ୍ଯ କୁଲେ ଅନ୍ଧୋ ଭଵତି । ଅଷ୍ଟୌ ବ୍ରାହ୍ମଣାନ୍ ଗ୍ରାହଯିତ୍ଵା ଵିଦ୍ଯାସିଦ୍ଧିର୍ଭଵତି ।
ଵିଶ୍ଵରୂପଂ ଘୃଣିନଂ ଜାତଵେଦସଂ ହିରଣ୍ମଯଂ ପୁରୁଷଂ ଜ୍ଯୋତୀରୂପଂ ତପନ୍ତଂ ସହସ୍ରରଶ୍ମିଃ ଶତଧାଵର୍ତମାନଃ । ପୁରଃ ପ୍ରଜାନାମୁଦଯତ୍ଯେଷ ସୂର୍ଯଃ ।
ଓଁ ନମୋ ଭଗଵତେ ଆଦିତ୍ଯାଯ ଅକ୍ଷିତେଜସେ ଅହୋ ଵାହିନି ଵାହିନି ସ୍ଵାହା ।
[ଓଁ ନମୋ ଭଗଵତେ ଆଦିତ୍ଯାଯ ସୂର୍ଯାଯାହୋ ଵାହିନ୍ଯହୋଵାହିନୀ ସ୍ଵାହା ।]
Roman (IAST) Transliteration
asyāḥ cākṣuṣīvidyāyāḥ ahirbudhnya ṛṣiḥ | gāyatrī chandaḥ | sūryo devatā | cakṣuroganivṛttaye jape viniyogaḥ |
oṃ cakṣuścakṣuścakṣuḥ tejaḥ sthiro bhava | māṃ pāhi pāhi | tvaritaṃ cakṣurogān śamaya śamaya | mama jātarūpaṃ tejo darśaya darśaya | yathāhaṃ andho na syāṃ tathā kalpaya kalpaya | kalyāṇaṃ kuru kuru | yāni mama pūrvajanmopārjitāni cakṣuḥ pratirodhaka duṣkṛtāni sarvāṇi nirmūlaya nirmūlaya |
oṃ namaḥ cakṣustejodātre divyāya bhāskarāya | oṃ namaḥ karuṇākarāyā'mṛtāya | oṃ namaḥ sūryāya | oṃ namo bhagavate sūryāyākṣitejase namaḥ | khecarāya namaḥ | mahate namaḥ | rajase namaḥ | tamase namaḥ | asato mā sadgamaya | tamaso mā jyotirgamaya | mṛtyormā amṛtaṃ gamaya | uṣṇo bhagavān śucirūpaḥ | haṃso bhagavān śucirapratirūpaḥ |
ya imāṃ cakṣuṣmatīṃ vidyāṃ brāhmaṇo nityamadhīte na tasya akṣirogo bhavati | na tasya kule andho bhavati | aṣṭau brāhmaṇān grāhayitvā vidyāsiddhirbhavati |
viśvarūpaṃ ghṛṇinaṃ jātavedasaṃ hiraṇmayaṃ puruṣaṃ jyotīrūpaṃ tapantaṃ sahasraraśmiḥ śatadhāvartamānaḥ | puraḥ prajānāmudayatyeṣa sūryaḥ |
oṃ namo bhagavate ādityāya akṣitejase aho vāhini vāhini svāhā |
[oṃ namo bhagavate ādityāya sūryāyāho vāhinyahovāhinī svāhā |]
InfoLyter.in — Sacred Vedic Knowledge Portal · Free forever