Ashtavakra Gita Panchamo'dhyayah

ॐ

ଅଷ୍ଟାଵକ୍ର ଗୀତା ପଞ୍ଚମୋଽଧ୍ଯାଯଃ

Gita Ashtavakra Oriya

ଅଷ୍ଟାଵକ୍ର ଉଵାଚ ॥

ନ ତେ ସଙ୍ଗୋଽସ୍ତି କେନାପି କିଂ ଶୁଦ୍ଧସ୍ତ୍ଯକ୍ତୁମିଚ୍ଛସି ।

ସଙ୍ଘାତଵିଲଯଂ କୁର୍ଵନ୍ନେଵମେଵ ଲଯଂ ଵ୍ରଜ ॥ 5-1॥

ଉଦେତି ଭଵତୋ ଵିଶ୍ଵଂ ଵାରିଧେରିଵ ବୁଦ୍ବୁଦଃ ।

ଇତି ଜ୍ଞାତ୍ଵୈକମାତ୍ମାନମେଵମେଵ ଲଯଂ ଵ୍ରଜ ॥ 5-2॥

ପ୍ରତ୍ଯକ୍ଷମପ୍ଯଵସ୍ତୁତ୍ଵାଦ୍ ଵିଶ୍ଵଂ ନାସ୍ତ୍ଯମଲେ ତ୍ଵଯି ।

ରଜ୍ଜୁସର୍ପ ଇଵ ଵ୍ଯକ୍ତମେଵମେଵ ଲଯଂ ଵ୍ରଜ ॥ 5-3॥

ସମଦୁଃଖସୁଖଃ ପୂର୍ଣ ଆଶାନୈରାଶ୍ଯଯୋଃ ସମଃ ।

ସମଜୀଵିତମୃତ୍ଯୁଃ ସନ୍ନେଵମେଵ ଲଯଂ ଵ୍ରଜ ॥ 5-4॥

Roman (IAST) Transliteration

aṣṭāvakra uvāca ||

na te saṅgo'sti kenāpi kiṃ śuddhastyaktumicchasi |

saṅghātavilayaṃ kurvannevameva layaṃ vraja || 5-1||

udeti bhavato viśvaṃ vāridheriva budbudaḥ |

iti jñātvaikamātmānamevameva layaṃ vraja || 5-2||

pratyakṣamapyavastutvād viśvaṃ nāstyamale tvayi |

rajjusarpa iva vyaktamevameva layaṃ vraja || 5-3||

samaduḥkhasukhaḥ pūrṇa āśānairāśyayoḥ samaḥ |

samajīvitamṛtyuḥ sannevameva layaṃ vraja || 5-4||