Ashtavakra Gita Dvadasho'dhyayah

ॐ

ଅଷ୍ଟାଵକ୍ର ଗୀତା ଦ୍ଵାଦଶୋଽଧ୍ଯାଯଃ

Gita Oriya

ଜନକ ଉଵାଚ ॥

କାଯକୃତ୍ଯାସହଃ ପୂର୍ଵଂ ତତୋ ଵାଗ୍ଵିସ୍ତରାସହଃ ।

ଅଥ ଚିନ୍ତାସହସ୍ତସ୍ମାଦ୍ ଏଵମେଵାହମାସ୍ଥିତଃ ॥ 12-1॥

ପ୍ରୀତ୍ଯଭାଵେନ ଶବ୍ଦାଦେରଦୃଶ୍ଯତ୍ଵେନ ଚାତ୍ମନଃ ।

ଵିକ୍ଷେପୈକାଗ୍ରହୃଦଯ ଏଵମେଵାହମାସ୍ଥିତଃ ॥ 12-2॥

ସମାଧ୍ଯାସାଦିଵିକ୍ଷିପ୍ତୌ ଵ୍ଯଵହାରଃ ସମାଧଯେ ।

ଏଵଂ ଵିଲୋକ୍ଯ ନିଯମମେଵମେଵାହମାସ୍ଥିତଃ ॥ 12-3॥

ହେଯୋପାଦେଯଵିରହାଦ୍ ଏଵଂ ହର୍ଷଵିଷାଦଯୋଃ ।

ଅଭାଵାଦଦ୍ଯ ହେ ବ୍ରହ୍ମନ୍ନ୍ ଏଵମେଵାହମାସ୍ଥିତଃ ॥ 12-4॥

ଆଶ୍ରମାନାଶ୍ରମଂ ଧ୍ଯାନଂ ଚିତ୍ତସ୍ଵୀକୃତଵର୍ଜନମ୍ ।

ଵିକଲ୍ପଂ ମମ ଵୀକ୍ଷ୍ଯୈତୈରେଵମେଵାହମାସ୍ଥିତଃ ॥ 12-5॥

କର୍ମାନୁଷ୍ଠାନମଜ୍ଞାନାଦ୍ ଯଥୈଵୋପରମସ୍ତଥା ।

ବୁଧ୍ଵା ସମ୍ଯଗିଦଂ ତତ୍ତ୍ଵମେଵମେଵାହମାସ୍ଥିତଃ ॥ 12-6॥

ଅଚିନ୍ତ୍ଯଂ ଚିନ୍ତ୍ଯମାନୋଽପି ଚିନ୍ତାରୂପଂ ଭଜତ୍ଯସୌ ।

ତ୍ଯକ୍ତ୍ଵା ତଦ୍ଭାଵନଂ ତସ୍ମାଦ୍ ଏଵମେଵାହମାସ୍ଥିତଃ ॥ 12-7॥

ଏଵମେଵ କୃତଂ ଯେନ ସ କୃତାର୍ଥୋ ଭଵେଦସୌ ।

ଏଵମେଵ ସ୍ଵଭାଵୋ ଯଃ ସ କୃତାର୍ଥୋ ଭଵେଦସୌ ॥ 12-8॥

Roman (IAST) Transliteration

janaka uvāca ||

kāyakṛtyāsahaḥ pūrvaṃ tato vāgvistarāsahaḥ |

atha cintāsahastasmād evamevāhamāsthitaḥ || 12-1||

prītyabhāvena śabdāderadṛśyatvena cātmanaḥ |

vikṣepaikāgrahṛdaya evamevāhamāsthitaḥ || 12-2||

samādhyāsādivikṣiptau vyavahāraḥ samādhaye |

evaṃ vilokya niyamamevamevāhamāsthitaḥ || 12-3||

heyopādeyavirahād evaṃ harṣaviṣādayoḥ |

abhāvādadya he brahmann evamevāhamāsthitaḥ || 12-4||

āśramānāśramaṃ dhyānaṃ cittasvīkṛtavarjanam |

vikalpaṃ mama vīkṣyaitairevamevāhamāsthitaḥ || 12-5||

karmānuṣṭhānamajñānād yathaivoparamastathā |

budhvā samyagidaṃ tattvamevamevāhamāsthitaḥ || 12-6||

acintyaṃ cintyamāno'pi cintārūpaṃ bhajatyasau |

tyaktvā tadbhāvanaṃ tasmād evamevāhamāsthitaḥ || 12-7||

evameva kṛtaṃ yena sa kṛtārtho bhavedasau |

evameva svabhāvo yaḥ sa kṛtārtho bhavedasau || 12-8||