6.6 Yuddhakanda - Shashtha Sargah

ॐ

6.6 യുദ്ധകാണ്ഡ - ഷഷ്ഠ സര്ഗഃ

Valmiki Malayalam

ശ്രീമദ്വാല്മീകീയ രാമായണേ യുദ്ധകാണ്ഡമ് ।

അഥ ഷഷ്ഠസ്സര്ഗഃ ।

ലങ്കായാന്തുകൃതങ്കര്മഘോരന്ദൃഷ്ടവാഭയാവഹമ് ।

രാക്ഷസേന്ദ്രോഹനുമതാശക്രേണേവമഹാത്മനാ ॥ 1 ॥

അബ്രവീദ്രാക്ഷസാന് സര്വാന്ഹ്രിയാകിഞ്ചിദവാങ്മുഖഃ ।

ധര്ഷിതാചപ്രവിഷ്ടാചലങ്കാദുഷ്പ്രസഹാപുരീ ॥ 2 ॥

തേനവാനരമാത്രേണദൃഷ്ടാസീതാചജാനകീ ।

പ്രാസാദോധര്ഷിതശ്ചൈത്യഃപ്രവരാരാക്ഷസാഹതാഃ ॥ 3 ॥

ആവിലാചപുരീലങ്കാസര്വാഹനുമതാകൃതാ ।

കിങ്കരിഷ്യാമിഭദ്രംവോകിംവായുക്തമനന്തരമ് ॥ 4 ॥

ഉച്യതാന്നസ്സമര്ഥംയത്കൃതഞ്ചസുകൃതമ്ഭവേത് ।

മന്ത്രമൂലഞ്ചവിജയമ്പ്രവദന്തിമനസ്വിനഃ ॥ 5 ॥

തസ്മദ്വൈരോചയേമന്ത്രംരാമമ്പ്രതിമഹാബലാഃ ।

ത്രിവിധാഃപുരുഷാലോകേഉത്തമാധമമധ്യമാഃ ॥ 6 ॥

തേഷാന്തുസമവേതാനാങ്ഗുണദോഷൌവദാമ്യഹമ് ।

മന്ത്രിഭിര്ഹിതസംയുക്തൈസ്സമര്ഥൈര്മന്ത്രനിര്ണയേ ॥ 7 ॥

മിത്രൈര്വാപിസമാനാര്ഥൈര്ബാന്ധവൈരപിവാധികൈഃ ।

സഹിതോമന്ത്രിയിത്വായഃകര്മാരമ്ഭാന്പ്രവര്തയേത് ॥ 8 ॥

ദൈവേചകുരുതേയത്നന്തമാഹുഃപുരുഷോത്തമമ് ।

കോഽര്ഥംവിമൃശേദേകോധര്മേപ്രകുരുതേമനഃ ॥ 9 ॥

കഃകാര്യാണികുരുതേതമാഹുര്മധ്യമന്നരമ് ।

ഗുണദോഷൌവനിശിചത്യ ത്യക്ത്യാദൈവവ്യപാശ്രയമ് ॥ 10 ॥

കരിഷ്യാമീതിയഃകാര്യമുപേക്ഷേത്സനരാധമഃ ।

യഥേമേപുരുഷാനിത്യമുത്തമാധമമധ്യമാഃ ॥ 11 ॥

വമ്മന്ത്രാഽഹിവിജ്ഞേയാഉത്തമാധമമധ്യമഃ ।

ഐകമത്യമുപാഗമ്യശാസ്ത്രദൃഷ്ടേനചക്ഷുഷാ ॥ 12 ॥

മന്ത്രിണോയത്രനിരതാസ്തമാഹുര്മന്ത്രമുത്തമമ് ।

ബഹ്വ്യോഽപിമതീര്ഗത്വാമന്ത്രിണാമര്ഥനിര്ണയേ ॥ 13 ॥

പുനര്യത്രൈകതാമ്പ്രാപ്തസ്സമന്ത്രോമധ്യമസ്സ്മൃതഃ ।

അന്യോന്യമതിമാസ്ഥായയത്രസമ്പ്രതിഭാഷ്യതേ ॥ 14 ॥

ന ച ഐകമത്യേ ശ്രേയോ അസ്തി മന്ത്രഃ സോ അധമ ഉച്യതേ ।

തസ്മാത് സുമന്ത്രിതം സാധു ഭവന്തോ മന്ത്രി സത്തമാഃ ॥ 15 ॥

കാര്യംസമ്പ്രതിപദ്യന്താമേതത്കൃത്യമ്മതമ്മമ ।

വാനരാണാംഹിധീരാണാംസഹസ്രൈഃപരിവാരിതഃ ॥ 16 ॥

രാമോഽഭ്യേതിപുരീലങ്കാമസ്മാകമുപരോധകഃ ।

തരിഷ്യതിചസുവ്യക്തംരാഘവസ്സാഗരംസുഖമ് ॥ 17 ॥

തരസായുക്തരൂപേണസാനുജസ്സബലാനുഗഃ ।

സമുദ്രമുച്ഛോഷയതിവീര്യേണാന്യത്കരോതിവാ ॥ 18 ॥

അസ്മിന്നേവങ്ഗതേകാര്യേവിരുദ്ധേവാനരൈസ്സഹ ।

ഹിതമ്പുരേചസൈന്യേചസര്വസമ്മന്ത്രയതാമ്മമ ॥ 19 ॥

ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാണ്ഡേ ഷഷ്ഠസ്സര്ഗഃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha ṣaṣṭhassargaḥ |

laṅkāyāntukṛtaṅkarmaghorandṛṣṭavābhayāvaham |

rākṣasendrohanumatāśakreṇevamahātmanā || 1 ||

abravīdrākṣasān sarvānhriyākiñcidavāṅmukhaḥ |

dharṣitācapraviṣṭācalaṅkāduṣprasahāpurī || 2 ||

tenavānaramātreṇadṛṣṭāsītācajānakī |

prāsādodharṣitaścaityaḥpravarārākṣasāhatāḥ || 3 ||

āvilācapurīlaṅkāsarvāhanumatākṛtā |

kiṅkariṣyāmibhadraṃvokiṃvāyuktamanantaram || 4 ||

ucyatānnassamarthaṃyatkṛtañcasukṛtambhavet |

mantramūlañcavijayampravadantimanasvinaḥ || 5 ||

tasmadvairocayemantraṃrāmampratimahābalāḥ |

trividhāḥpuruṣālokeuttamādhamamadhyamāḥ || 6 ||

teṣāntusamavetānāṅguṇadoṣauvadāmyaham |

mantribhirhitasaṃyuktaissamarthairmantranirṇaye || 7 ||

mitrairvāpisamānārthairbāndhavairapivādhikaiḥ |

sahitomantriyitvāyaḥkarmārambhānpravartayet || 8 ||

daivecakuruteyatnantamāhuḥpuruṣottamam |

ko'rthaṃvimṛśedekodharmeprakurutemanaḥ || 9 ||

kaḥkāryāṇikurutetamāhurmadhyamannaram |

guṇadoṣauvaniśicatya tyaktyādaivavyapāśrayam || 10 ||

kariṣyāmītiyaḥkāryamupekṣetsanarādhamaḥ |

yathemepuruṣānityamuttamādhamamadhyamāḥ || 11 ||

vammantrā'hivijñeyāuttamādhamamadhyamaḥ |

aikamatyamupāgamyaśāstradṛṣṭenacakṣuṣā || 12 ||

mantriṇoyatraniratāstamāhurmantramuttamam |

bahvyo'pimatīrgatvāmantriṇāmarthanirṇaye || 13 ||

punaryatraikatāmprāptassamantromadhyamassmṛtaḥ |

anyonyamatimāsthāyayatrasampratibhāṣyate || 14 ||

na ca aikamatye śreyo asti mantraḥ so adhama ucyate |

tasmāt sumantritaṃ sādhu bhavanto mantri sattamāḥ || 15 ||

kāryaṃsampratipadyantāmetatkṛtyammatammama |

vānarāṇāṃhidhīrāṇāṃsahasraiḥparivāritaḥ || 16 ||

rāmo'bhyetipurīlaṅkāmasmākamuparodhakaḥ |

tariṣyaticasuvyaktaṃrāghavassāgaraṃsukham || 17 ||

tarasāyuktarūpeṇasānujassabalānugaḥ |

samudramucchoṣayativīryeṇānyatkarotivā || 18 ||

asminnevaṅgatekāryeviruddhevānaraissaha |

hitampurecasainyecasarvasammantrayatāmmama || 19 ||

ityārṣe śrīmadrāmāyaṇe vālmīkīya ādikāvye yuddhakāṇḍe ṣaṣṭhassargaḥ ||