📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.28 യുദ്ധകാണ്ഡ - അഷ്ടാവിംശ സര്ഗഃ
6.28 Yuddhakanda - Ashtavimsha Sargah
Valmiki Malayalam
ശ്രീമദ്വാല്മീകീയ രാമായണേ യുദ്ധകാണ്ഡമ് ।
അഥ അഷ്ടാവിംശസ്സര്ഗഃ ।
സാരാണസ്യവചശ്ശ്രുത്വാരാവണംരാക്ഷസാധിപമ് ।
ബലമാദിശ്യതത്സര്വംശുകോവാക്യമഥാബ്രവീത് ॥ 1 ॥
സ്ഥിതാന്പശ്യസിയാനേതാന്മത്താനിവമഹാദ്വിപാന് ।
ന്യഗ്രോധാനിവഗാങ്ഗേയാന് സാലാന് ഹൈമവതാനിവ ॥ 2 ॥
ഏതേദുഷ്പ്രസഹാരാജന്ബലിനഃകാമരൂപിണഃ ।
ദൈത്യദാനവസങ്കാശായുദ്ധേദേവപരാക്രമാഃ ॥ 3 ॥
ഏഷാങ്കോടിസഹസ്രാണിനവപഞ്ചചസപ്തച ।
തഥാശങ്ഖുസഹസ്രാണിതഥാബൃന്ദശതാനിച ॥ 4 ॥
ഏതേസുഗ്രീവസചിവാഃകിഷ്കിന്ധാനിലയാസ്സദാ ।
ഹരയോദേവഗന്ധര്വൈരുത്പന്നാഃകാമരൂപിണഃ ॥ 5 ॥
യൌതൌപശ്യസിതിഷ്ഠന്തൌകുമാരൌദേവരൂപിണൌ ।
മൈന്ദശ്ചദ്വിവിദശ്ചോഭൌതാഭ്യാന്നാസ്തിസമോയുധി ॥ 6 ॥
ബ്രാഹ്മണാസമമജ്ഞാതാവമൃതപ്രാശിനാപുഭൌ ।
ആശംസേതേയുഥാലങ്കാമേതൌമര്ദിതുമോജസാ ॥ 7 ॥
യന്തുപശ്യസിതിഷ്ടന്തമ്പ്രഭിന്നമിവകുഞ്ജരമ് ।
യോബലാത് ക്ഷോഭയേത് ക്രുദ്ധസ്സമുദ്രമപിവാനരഃ ॥ 8 ॥
ഏഷോഽഭിഗന്താലങ്കായാവൈദേഹ്യാസ്തവചപ്രഭോഃ ।
ഏനമ്പശ്യപുരാദൃഷ്ടംവാനരമ്പുനരാഗതമ് ॥ 9 ॥
ജ്യേഷ്ഠഃ കേസരിണഃ പുത്രോ വാത ആത്മജ ഇതി ശ്രുതഃ ।
ഹനൂമാന് ഇതി വിഖ്യാതോ ലന്ഘിതോ യേന സാഗരഃ ॥ 10 ॥
കാമരൂപീഹരിശ്രേഷ്ടോബലരൂപസമന്വിതഃ ।
അനിവാര്യഗതിശ്ചൈവയഥാസതതഗഃപ്രഭുഃ ॥ 11 ॥
ഉദ്യന്തഭാസ്കരന്ദൃഷ്ടവാബാലഃകിലപിപാസിതഃ ।
ത്രിയോജനസഹസ്രന്തുഅധ്വാനമവതീര്യഹി ॥ 12 ॥
ആദിത്യമാഹരിഷ്യാമിനമേക്ഷുത്പ്രതിയാസ്യതി ।
ഇതിസഞ്ചിന്ത്യമനസാപുരൈഷബലദര്പിതഃ ॥ 13 ॥
അനാധൃഷ്യതമന്ദേവമപിദേവര്ഷിദാനവൈഃ ।
അനാസാഘൈവപതിതോഭാസ്കരോദയനേഗിരൌ ॥ 14 ॥
പതിതസ്യകപേരസ്യഹനുരേകാശിലാതലേ ।
കിഞ്ചിദ്ഭിന്നാദൃഢഹനോര്ഹനൂമാനേഷതേനവൈ ॥ 15 ॥
സത്യമാഗമയോഗേനമമൈഷവിദിതോഹരിഃ ।
നാസ്യശക്യമ്ബലംരൂപമ്പ്രഭാവോവാഽപിഭാഷിതമ് ॥ 16 ॥
ഏഷആശംസതേലങ്കാമേകോമര്ദിതുമോജസാ ।
യേവജാജ്വല്യതേഽപൌവൈധൂമകേതുസ്തവാദ്യവൈ ॥ 17 ॥
ലങ്കായാന്നിഹിതശ്ചാപികഥംവിസ്മരസേകപിമ് ।
യശ്ചൈഷോഽനന്തരശ്ശൂരശ്ശ്യാമഃപദ്മനിഭേക്ഷണഃ ।
ഇക്ഷ്വാകൂണാമതിരഥോലോകേവിഖ്യാതപൌരുഷ ॥ 18 ॥
യസ്മിന്നചലതേധര്മോയോധര്മന്നാതിവര്തതേ ।
യോബ്രാഹ്മമസ്ത്രംവേദാംശ്ചവേദവേദവിദാംവരഃ ॥ 19 ॥
യോഭിന്ദ്യാദ്ഗഗനമ്ബാണൈഃപര്വതാംശ്ചാപിദാരയേത് ।
യസ്യമൃത്യോരിവക്രോധശ്ശക്രസ്യേവപരാക്രമഃ ॥ 20 ॥
യസ്യഭാര്യാജനസ്ഥാനാത്സീതാചാപിഹൃതാത്വയാ ।
സഏഷരാമസ്ത്വാംയോദ്ധുംരാജന്സമഭിവര്തതേ ॥ 21 ॥
യസ്യൈഷദക്ഷിണേപാര്ശ്വേശുദ്ധജാമ്ബൂനദപ്രഭഃ ।
വിശാലവക്ഷാസ്താമ്രാക്ഷോനീലകുഞ്ജിതമൂര്ധജഃ ॥ 22 ॥
ഏഷോഽസ്യലക്ഷ്മണോനാമഭ്രാതാപ്രാണസമഃപ്രിയഃ ।
നയേയുദ്ധേചകുശലസ്സര്വശസ്ത്രഭൃതംവരഃ ॥ 23 ॥
അമര്ഷീദുര്ജയോജേതാവിക്രാന്തോബുദ്ധിമാന് ബലീ ।
രാമസ്യദക്ഷിണോബാഹുര്നിത്യമ്പ്രാണോബഹിശ്ചരഃ ॥ 24 ॥
നഹ്യേഷരാഘവസ്യാര്ഥേജീവിതമ്പരിരക്ഷതി ।
ഏഷൈവാശംസതേയുദ്ധേനിഹന്തുംസര്വരാക്ഷസാന് ॥ 25 ॥
യസ്തുസവ്യമസൌപക്ഷംരാമസ്യാശ്രിത്യതിഷ്ഠതി ।
രക്ഷോഗണപരിക്ഷിപ്തോരാജാഹ്യേഷവിഭീഷണഃ ॥ 26 ॥
ശ്രീമതാരാജരാജേനലങ്കായാമഭിഷേചിതഃ ।
ത്വാമേവപ്രതിസംരബ്ദോയുദ്ധായൈഷോഽഭിവര്തതേ ॥ 27 ॥
യന്തുപസ്യസിതിഷ്ഠന്തമ്മധ്യേഗിരിമിവാചലമ് ।
സര്വശാഖാമൃഗേന്ദ്രാണാമ്ഭര്താരമമിതൌജസമ് ॥ 28 ॥
തേജയശസാബുദ് ധ്യാജ്ഞാനേനാഭിജനേനച ।
യഃകപീനതിബഭ്രാജഹിമവാനിവപര്വതാന് ॥ 29 ॥
കിഷ്കിന്ധാംയസ്സമധ്യാസ്തേഗുഹാംസഗഹനദ്രുമാമ് ।
ദുര്ഗാമ്പര്വതദുര്ഗസ്താമ്പ്രധാനൈസ്സഹയൂഥപൈഃ ॥ 30 ॥
യസ്യൈഷാകാഞ്ചനീമാലാശോഭിതേശതപുഷ്കരാ ।
കാന്താദേവമനുഷ്യാണാംയസ്യാംലക്ഷ്മീപ്രതിഷ്ഠിതാ ॥ 31 ॥
ഏതാഞ്ചമാലാന്താരാഞ്ചകപിരാജ്യഞ്ചശാശ്വതമ് ।
സുഗ്രീവോവാലിനംഹത്വാരാമേണപ്രതിപാദിതഃ ॥ 32 ॥
ശതംശതസഹസ്രാണാങ്കോടിമാഹുര്മനീഷിണഃ ।
ശതങ്കോടിസഹസ്രാണാംശങ്കുഃ ഇത്യഭിധീയതേ ॥ 33 ॥
ശതംശങ്കുസഹസ്രാണാമ്മഹാശങ്കുഃ ഇതിസ്മൃതഃ ॥ 34 ॥
മഹാശങ്കുസഹസ്രാണാംശതമ്ബൃന്ദമിഹോച്യതേ ।
ശതമ്ബൃന്ദസഹസ്രാണാമ്മഹാവൃന്ദമിതിസ്മൃതമ് ॥ 35 ॥
മഹാബൃന്ദസഹസ്രാണാംശതമ്പദ്മമിഹോച്യതേ ।
ശതമ്പദ്മസഹസ്രാണാമ്മഹാപദ്മമിതിസ്മൃതിമ് ॥ 36 ॥
മഹാപദ്മസഹസ്രാണാംശതങ്ഖര്വമിഹോച്യതേ ।
ശതങ്ഖര്വസഹസ്രാണാമ്മഹാഖര്വമിവോച്യതേ ॥ 37 ॥
മഹാഖര്വസഹസ്രാണാം സമുദ്രമഭിധീയതേ ।
ശതം സമുദ്രസാഹസ്രമോഘ ഇത്യഭിധീയതേ ॥ 38 ॥
ശതമോഘസഹസ്രാണാം മഹൌഘ ഇതി വിശ്രുതഃ ।
ഏവം കോടി സഹസ്രേണ ശന്കൂനാം ച ശതേന ച ॥ 39 ॥
മഹാശങ്കുസഹസ്രേണതഥാബൃന്ദശതേനച ।
മഹാബൃന്ദസഹസ്രേണതഥാപദ്മശതേനച ॥ 40 ॥
ഹാപദ്മസഹസ്രേണതഥാഖര്വശതേനച ।
സമുദ്രേണചതേനൈവമഹൌഘേനതഥൈവച ॥ 41 ॥
ഏഷകോടിമഹൌഘേനസമുദ്രസദൃശേനച ।
വിഭീഷണേനസചിവൈഃരാക്ഷസൈഃപരിവാരിതഃ ॥ 42 ॥
സുഗ്രീവോവാനരേന്ദ്രസ്ത്വാംയുദ്ധാര്ഥമമവര്തതേ ।
മഹാബലവൃതോനിത്യമ്മഹാബലപരാക്രമഃ ॥ 43 ॥
ഇമാമ്മഹാരാജസമീക്ഷ്യവാഹിനീമുപസ്ഥിതാമ്പ്രജ്വലിതഗ്രഹോപമാമ് ।
തതഃപ്രയത്നഃപരമോവിധീയതാംയഥാജയസ്സ്യാന്നപരൈഃപരാജയഃ ॥ 44 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാണ്ഡേ അഷ്ടാവിംശസ്സര്ഗഃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha aṣṭāviṃśassargaḥ |
sārāṇasyavacaśśrutvārāvaṇaṃrākṣasādhipam |
balamādiśyatatsarvaṃśukovākyamathābravīt || 1 ||
sthitānpaśyasiyānetānmattānivamahādvipān |
nyagrodhānivagāṅgeyān sālān haimavatāniva || 2 ||
eteduṣprasahārājanbalinaḥkāmarūpiṇaḥ |
daityadānavasaṅkāśāyuddhedevaparākramāḥ || 3 ||
eṣāṅkoṭisahasrāṇinavapañcacasaptaca |
tathāśaṅkhusahasrāṇitathābṛndaśatānica || 4 ||
etesugrīvasacivāḥkiṣkindhānilayāssadā |
harayodevagandharvairutpannāḥkāmarūpiṇaḥ || 5 ||
yautaupaśyasitiṣṭhantaukumāraudevarūpiṇau |
maindaścadvividaścobhautābhyānnāstisamoyudhi || 6 ||
brāhmaṇāsamamajñātāvamṛtaprāśināpubhau |
āśaṃseteyuthālaṅkāmetaumarditumojasā || 7 ||
yantupaśyasitiṣṭantamprabhinnamivakuñjaram |
yobalāt kṣobhayet kruddhassamudramapivānaraḥ || 8 ||
eṣo'bhigantālaṅkāyāvaidehyāstavacaprabhoḥ |
enampaśyapurādṛṣṭaṃvānarampunarāgatam || 9 ||
jyeṣṭhaḥ kesariṇaḥ putro vāta ātmaja iti śrutaḥ |
hanūmān iti vikhyāto langhito yena sāgaraḥ || 10 ||
kāmarūpīhariśreṣṭobalarūpasamanvitaḥ |
anivāryagatiścaivayathāsatatagaḥprabhuḥ || 11 ||
udyantabhāskarandṛṣṭavābālaḥkilapipāsitaḥ |
triyojanasahasrantuadhvānamavatīryahi || 12 ||
ādityamāhariṣyāminamekṣutpratiyāsyati |
itisañcintyamanasāpuraiṣabaladarpitaḥ || 13 ||
anādhṛṣyatamandevamapidevarṣidānavaiḥ |
anāsāghaivapatitobhāskarodayanegirau || 14 ||
patitasyakaperasyahanurekāśilātale |
kiñcidbhinnādṛḍhahanorhanūmāneṣatenavai || 15 ||
satyamāgamayogenamamaiṣaviditohariḥ |
nāsyaśakyambalaṃrūpamprabhāvovā'pibhāṣitam || 16 ||
eṣaāśaṃsatelaṅkāmekomarditumojasā |
yevajājvalyate'pauvaidhūmaketustavādyavai || 17 ||
laṅkāyānnihitaścāpikathaṃvismarasekapim |
yaścaiṣo'nantaraśśūraśśyāmaḥpadmanibhekṣaṇaḥ |
ikṣvākūṇāmatiratholokevikhyātapauruṣa || 18 ||
yasminnacalatedharmoyodharmannātivartate |
yobrāhmamastraṃvedāṃścavedavedavidāṃvaraḥ || 19 ||
yobhindyādgaganambāṇaiḥparvatāṃścāpidārayet |
yasyamṛtyorivakrodhaśśakrasyevaparākramaḥ || 20 ||
yasyabhāryājanasthānātsītācāpihṛtātvayā |
saeṣarāmastvāṃyoddhuṃrājansamabhivartate || 21 ||
yasyaiṣadakṣiṇepārśveśuddhajāmbūnadaprabhaḥ |
viśālavakṣāstāmrākṣonīlakuñjitamūrdhajaḥ || 22 ||
eṣo'syalakṣmaṇonāmabhrātāprāṇasamaḥpriyaḥ |
nayeyuddhecakuśalassarvaśastrabhṛtaṃvaraḥ || 23 ||
amarṣīdurjayojetāvikrāntobuddhimān balī |
rāmasyadakṣiṇobāhurnityamprāṇobahiścaraḥ || 24 ||
nahyeṣarāghavasyārthejīvitamparirakṣati |
eṣaivāśaṃsateyuddhenihantuṃsarvarākṣasān || 25 ||
yastusavyamasaupakṣaṃrāmasyāśrityatiṣṭhati |
rakṣogaṇaparikṣiptorājāhyeṣavibhīṣaṇaḥ || 26 ||
śrīmatārājarājenalaṅkāyāmabhiṣecitaḥ |
tvāmevapratisaṃrabdoyuddhāyaiṣo'bhivartate || 27 ||
yantupasyasitiṣṭhantammadhyegirimivācalam |
sarvaśākhāmṛgendrāṇāmbhartāramamitaujasam || 28 ||
tejayaśasābud dhyājñānenābhijanenaca |
yaḥkapīnatibabhrājahimavānivaparvatān || 29 ||
kiṣkindhāṃyassamadhyāsteguhāṃsagahanadrumām |
durgāmparvatadurgastāmpradhānaissahayūthapaiḥ || 30 ||
yasyaiṣākāñcanīmālāśobhiteśatapuṣkarā |
kāntādevamanuṣyāṇāṃyasyāṃlakṣmīpratiṣṭhitā || 31 ||
etāñcamālāntārāñcakapirājyañcaśāśvatam |
sugrīvovālinaṃhatvārāmeṇapratipāditaḥ || 32 ||
śataṃśatasahasrāṇāṅkoṭimāhurmanīṣiṇaḥ |
śataṅkoṭisahasrāṇāṃśaṅkuḥ ityabhidhīyate || 33 ||
śataṃśaṅkusahasrāṇāmmahāśaṅkuḥ itismṛtaḥ || 34 ||
mahāśaṅkusahasrāṇāṃśatambṛndamihocyate |
śatambṛndasahasrāṇāmmahāvṛndamitismṛtam || 35 ||
mahābṛndasahasrāṇāṃśatampadmamihocyate |
śatampadmasahasrāṇāmmahāpadmamitismṛtim || 36 ||
mahāpadmasahasrāṇāṃśataṅkharvamihocyate |
śataṅkharvasahasrāṇāmmahākharvamivocyate || 37 ||
mahākharvasahasrāṇāṃ samudramabhidhīyate |
śataṃ samudrasāhasramogha ityabhidhīyate || 38 ||
śatamoghasahasrāṇāṃ mahaugha iti viśrutaḥ |
evaṃ koṭi sahasreṇa śankūnāṃ ca śatena ca || 39 ||
mahāśaṅkusahasreṇatathābṛndaśatenaca |
mahābṛndasahasreṇatathāpadmaśatenaca || 40 ||
hāpadmasahasreṇatathākharvaśatenaca |
samudreṇacatenaivamahaughenatathaivaca || 41 ||
eṣakoṭimahaughenasamudrasadṛśenaca |
vibhīṣaṇenasacivaiḥrākṣasaiḥparivāritaḥ || 42 ||
sugrīvovānarendrastvāṃyuddhārthamamavartate |
mahābalavṛtonityammahābalaparākramaḥ || 43 ||
imāmmahārājasamīkṣyavāhinīmupasthitāmprajvalitagrahopamām |
tataḥprayatnaḥparamovidhīyatāṃyathājayassyānnaparaiḥparājayaḥ || 44 ||
ityārṣe śrīmadrāmāyaṇe vālmīkīya ādikāvye yuddhakāṇḍe aṣṭāviṃśassargaḥ ||
InfoLyter.in — Sacred Vedic Knowledge Portal · Free forever