📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.13 യുദ്ധകാണ്ഡ - ത്രയോദശ സര്ഗഃ
6.13 Yuddhakanda - Trayodasha Sargah
Valmiki Malayalam
ശ്രീമദ്വാല്മീകീയ രാമായണേ യുദ്ധകാണ്ഡമ് ।
അഥ ത്രയോദശസ്സര്ഗഃ ।
രാവണങ്ക്രുദ്ധമാജ്ഞായമഹാപാര്ശ്വോമഹാബലഃ ।
മുഹൂര്തമനുസഞ്ചിന്ത്യപ്രാഞ്ജലിര്വാക്യമബ്രവീത് ॥ 1 ॥
യഃഖല്വപിവനമ്പ്രാപ്യമൃഗവ്യാലനിഷേവിതമ് ।
നപിബേന്മധുസമ്പ്രാപ്യസനരോബാലിശോഭവേത് ॥ 2 ॥
ഈശ്വരസ്യേശ്വരഃകോഽസ്തിതവശത്രുനിബര്ഹണഃ ।
രമസ്വസഹവൈദേഹ്യാശത്രൂനാക്രമ്യമൂര്ധസു ॥ 3 ॥
ബലാത്കുക്കുടവൃത്തേനപ്രവര്തസ്വമഹാബലഃ ।
ആക്രമ്യാക്രമ്യസീതാംവൈതാമ്ഭുങ് ക്ഷ്വചരമസ്വച ॥ 4 ॥
ലബ്ധകാമസ്യതേപശ്ചാദാഗമിഷ്യതിയദ്ഭയമ് ।
പ്രാപ്തമപ്രാപ്തകാലംവാസര്വമ്പ്രതിസഹിഷ്യതി ॥ 5 ॥
കുമ്ഭകര്ണസ്സഹാസ്മാഭിരിന്ദ്രജിച്ചമഹാബലഃ ।
പ്രതിഷേധയിതുംശക്തൌസവജ്രമപിവജ്രിണമ് ॥ 6 ॥
ഉപപ്രദാനംസാന്ത്വംവാഭേദംവാകുശലൈഃകൃതമ് ।
സമതിക്രമ്യദണ്ഡേനസിദ്ധിമര്ഥേഷുരോചയേ ॥ 7 ॥
ഇഹപ്രാപ്താന്വയംസര്വാന് ശത്രൂംസ്തവമഹാബലഃ ।
വശേശസ്ത്രപ്രതാപേനകരിഷ്യാമോനസംശയഃ ॥ 8 ॥
ഏവമുക്തസ്തദാരാജാമഹാപാര്ശ്വേനരാവണഃ ।
തസ്യസമ്പൂജയന്വാക്യമിദംവചനമബ്രവീത് ॥ 9 ॥
മഹാപാര്ശ്വനിബോധത്വംരഹസ്യങ്കിഞ്ചിദാത്മനഃ ।
ചിരവൃത്തന്തദാഖ്യാസ്യേയദവാപ്തമ്പുരാമയാ ॥ 10 ॥
പിതാമഹസ്യഭവനങ്ഗച്ഛന്തീമ്പുഞ്ജികസ്ഥലാമ് ।
ചഞ്ചൂര്യമാണാമദ്രാക്ഷമാകാശേഽഗ്നിശിഖാമിവ ॥ 11 ॥
സാപ്രസഹ്യമയാഭുക്താകൃതാവിവസനാതതഃ ।
സ്വയമ്ഭൂഭവനമ്പ്രാപ്താലോലിതാനലിനീയഥാ ॥ 12 ॥
തച്ചതസ്യതദാമന്യേജ്ഞാതമാസീന്മഹാത്മനഃ ।
അഥസങ്കുപിതോദേവോമാമിദംവാക്യമബ്രവീത് ॥ 13 ॥
അദ്യപ്രഭൃതിയാമന്യാബലാന്നാരീങ്ഗമിഷ്യസി ।
തദാതേശതധാമൂര്ധാഫലിഷ്യതിനസംശയഃ ॥ 14 ॥
ഇത്യഹന്തസ്യശാപസ്യഭീതഃപ്രസഭമേവതാമ് ।
നാരോഹയേബലാത്സീതാംവൈദേഹീംശയനേശുഭേ ॥ 15 ॥
സാഗരസ്യേനമേവേഗോമാരുതസ്യേവമേഗതിഃ ।
നൈതദ്ദാശരഥിര്വേദഹ്യാസാദയതിതേനമാമ് ॥ 16 ॥
കോഹിസിംഹമിവാസീനംസുപ്തങ്ഗിരിഗുഹാശയേ ।
ക്രുദ്ധമ്മൃത്യുമിവാഽസീനംസമ്ഭോധയിതുമിച്ഛതി ॥ 17 ॥
നമത്തോനിശിതാന്ബാണാന്ദ്വിജിഹ്വാന്പന്നഗാനിവ ।
രാമഃപശ്യതിസങ്ഗ്രാമേതേനമാമഭിഗച്ഛതി ॥ 18 ॥
ക്ഷിപ്രംവജ്രസമൈര്ബാണൈശ്ശതഥാകാര്മുകച്യുതൈഃ ।
രാമമാദീപയിഷ്യാമിഉല്കാഭിരിവകുഞ്ജരമ് ॥ 19 ॥
തച്ചാസ്യബലമാദാസ്യേബലേനമഹതാവൃതഃ ।
ഉദിതസ്സവിതാകാലേനക്ഷത്രാണാമിവപ്രഭാമ് ॥ 20 ॥
നവാസനേനാപിസഹസ്രചക്ഷുഷായുധാഽസ്മിശക്യോവരുണേനവാപുനഃ ।
മയാത്വിയമ്ബാഹുബലേനനിര്ജിതാപുരാപുരീവൈശ്രവണേനപാലിതാ ॥ 21 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാണ്ഡേ ത്രയോദശസ്സര്ഗഃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha trayodaśassargaḥ |
rāvaṇaṅkruddhamājñāyamahāpārśvomahābalaḥ |
muhūrtamanusañcintyaprāñjalirvākyamabravīt || 1 ||
yaḥkhalvapivanamprāpyamṛgavyālaniṣevitam |
napibenmadhusamprāpyasanarobāliśobhavet || 2 ||
īśvarasyeśvaraḥko'stitavaśatrunibarhaṇaḥ |
ramasvasahavaidehyāśatrūnākramyamūrdhasu || 3 ||
balātkukkuṭavṛttenapravartasvamahābalaḥ |
ākramyākramyasītāṃvaitāmbhuṅ kṣvacaramasvaca || 4 ||
labdhakāmasyatepaścādāgamiṣyatiyadbhayam |
prāptamaprāptakālaṃvāsarvampratisahiṣyati || 5 ||
kumbhakarṇassahāsmābhirindrajiccamahābalaḥ |
pratiṣedhayituṃśaktausavajramapivajriṇam || 6 ||
upapradānaṃsāntvaṃvābhedaṃvākuśalaiḥkṛtam |
samatikramyadaṇḍenasiddhimartheṣurocaye || 7 ||
ihaprāptānvayaṃsarvān śatrūṃstavamahābalaḥ |
vaśeśastrapratāpenakariṣyāmonasaṃśayaḥ || 8 ||
evamuktastadārājāmahāpārśvenarāvaṇaḥ |
tasyasampūjayanvākyamidaṃvacanamabravīt || 9 ||
mahāpārśvanibodhatvaṃrahasyaṅkiñcidātmanaḥ |
ciravṛttantadākhyāsyeyadavāptampurāmayā || 10 ||
pitāmahasyabhavanaṅgacchantīmpuñjikasthalām |
cañcūryamāṇāmadrākṣamākāśe'gniśikhāmiva || 11 ||
sāprasahyamayābhuktākṛtāvivasanātataḥ |
svayambhūbhavanamprāptālolitānalinīyathā || 12 ||
taccatasyatadāmanyejñātamāsīnmahātmanaḥ |
athasaṅkupitodevomāmidaṃvākyamabravīt || 13 ||
adyaprabhṛtiyāmanyābalānnārīṅgamiṣyasi |
tadāteśatadhāmūrdhāphaliṣyatinasaṃśayaḥ || 14 ||
ityahantasyaśāpasyabhītaḥprasabhamevatām |
nārohayebalātsītāṃvaidehīṃśayaneśubhe || 15 ||
sāgarasyenamevegomārutasyevamegatiḥ |
naitaddāśarathirvedahyāsādayatitenamām || 16 ||
kohisiṃhamivāsīnaṃsuptaṅgiriguhāśaye |
kruddhammṛtyumivā'sīnaṃsambhodhayitumicchati || 17 ||
namattoniśitānbāṇāndvijihvānpannagāniva |
rāmaḥpaśyatisaṅgrāmetenamāmabhigacchati || 18 ||
kṣipraṃvajrasamairbāṇaiśśatathākārmukacyutaiḥ |
rāmamādīpayiṣyāmiulkābhirivakuñjaram || 19 ||
taccāsyabalamādāsyebalenamahatāvṛtaḥ |
uditassavitākālenakṣatrāṇāmivaprabhām || 20 ||
navāsanenāpisahasracakṣuṣāyudhā'smiśakyovaruṇenavāpunaḥ |
mayātviyambāhubalenanirjitāpurāpurīvaiśravaṇenapālitā || 21 ||
ityārṣe śrīmadrāmāyaṇe vālmīkīya ādikāvye yuddhakāṇḍe trayodaśassargaḥ ||
InfoLyter.in — Sacred Vedic Knowledge Portal · Free forever