📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
6.10 യുദ്ധകാണ്ഡ - ദശമ സര്ഗഃ
6.10 Yuddhakanda - Dashama Sargah
Valmiki Malayalam
ശ്രീമദ്വാല്മീകീയ രാമായണേ യുദ്ധകാണ്ഡമ് ।
അഥ ദശമസ്സര്ഗഃ ।
തതഃപ്രത്യുഷസിപ്രാപ്തേപ്രാപ്തധര്മാര്ഥനിശ്ചയഃ ।
രാക്ഷസാധിപതേര്വേശ്മഭീമകര്മാവിഭീഷണഃ ॥ 1 ॥
ശൈലാഗ്രചയസങ്കാശംശൈലശൃങ്ഗമിവോന്നതമ് ।
സുവിഭക്തമഹാകക്ഷമ്മഹാജനപരിഗ്രഹമ് ॥ 2 ॥
മതിമദ്ഭിര്മഹാമാത്രൈരനുരക്തൈരധിഷ്ഠിതമ് ।
രാക്ഷസൈരാപ്തപര്യാപ്തൈസ്സര്വതഃപരിരക്ഷിതമ് ॥ 3 ॥
മത്തമാതങ്ഗനിശ്ശ്വാസൈര്വ്യാകുലീകൃതമാരുതമ് ।
ശങ്ഖഘോഷമഹാഘോഷന്തൂര്യനാദാനുനാദിതമ് ॥ 4 ॥
പ്രമദാജനസമ്ബാധമ്പ്രജല്പിതമഹാപഥമ് ।
തപ്തകാഞ്ചനനിര്യൂഹമ്ഭൂഷണോത്തമഭൂഷിതമ് ॥ 5 ॥
ഗന്ധര്വാണാമിവാഽവാസമാലയമ്മരുതാമിവ ।
രത്നസഞ്ചയസമ്ബാധമ്ഭവനമ്ഭോഗിനാമിവ ॥ 6 ॥
തമ്മഹാഭ്രമിവാഽദിത്യസ്തേജോവിസ്തൃതരശ്മിമാന് ।
അഗ്രജസ്യാലയംവീരഃപ്രവിവേശമഹാദ്യുതിഃ ॥ 7 ॥
പുണ്യാന്പുണ്യാഹഘോഷാംശ്ചവേദവിദ്ഭിരുദാഹൃതാന് ।
ശുശ്രാവസുമഹാതേജാഭ്രാതുര്വിജയസംശ്രിതാന് ॥ 8 ॥
പൂജിതാന് ദധിപാത്രൈശ്ചസര്പിര്ഭിസ്സുമനോക്ഷതൈഃ ।
മന്ത്രവേദവിദോവിപ്രാന്ദദര്ശസമഹാബലഃ ॥ 9 ॥
സപൂജ്യമാനോരക്ഷോഭിദ്ദീപ്യമാനസ്സ്വതേജസാ ।
ആസനസ്ഥമ്മഹാബാഹുര്വവന്ദേധനദാനുജമ് ॥ 10 ॥
സരാജദൃഷ്ടിസമ്പന്നമാസനംഹേമഭൂഷിതമ് ।
ജഗാമസമുദാചാരമ്പ്രയുജ്യാചാരകോവിദഃ ॥ 11 ॥
സരാവണമ്മഹാത്മാനംവിജനേമന്ത്രിസന്നിധൌ ।
ഉവാചഹിതമത്യര്ഥംവചനംഹേതുനിശ്ചിതമ് ॥ 12 ॥
പ്രസാദ്യഭ്രാതരഞ്ജേഷ്ഠംസാന്ത്വേനോപസ്ഥിതക്രമഃ ।
ദേശകാലാര്ഥസംവാദിദൃഷ്ടലോകപരാവരഃ ॥ 13 ॥
യദാപ്രഭൃതിവൈദേഹീസമ്പ്രാസ്തേമാമ്പുരീന്തവ ।
തദാപ്രഭൃതിദൃശ്യന്തേനിമിത്താന്യശുഭാനിനഃ ॥ 14 ॥
സസ്ഫുലിങ്ഗസ്സധൂമാര്ചിസ്സധൂമകലുഷോദയഃ ।
മന്ത്രസങ്ഘഹുതോഽപ്യഗ്നിര്നസമ്യഗഭിവര്ഥതേ ॥ 15 ॥
അഗ്നിഷ്ഠേഷ്വഗ്നിശലാസുതഥാബ്രഹ്മസ്ഥാലീഷുച ।
സരീസൃപാണിദൃശ്യന്തേഹന്യേഷുചപിപീലികാഃ ॥ 16 ॥
ഗവാംസയാംസിസ്കന്നാനിവിമദാവീരകുഞ്ജരാഃ ।
ദീനമശ്വാഃപ്രഹേഷന്തേനചഗ്രാസാഭിനന്ദിനഃ ॥ 17 ॥
ഖരോഷ്ട്രാശ്വതരാരാജഭനഭിന്നരോമാസ്സ്രവന്തിച ।
നസ്വഭാവേഽവതിഷ്ഠന്തിവിധാനൈരപിചിന്തിതാഃ ॥ 18 ॥
വായസാഃസങ്ഘശഃക്രൂരാവ്യാഹരന്തിസമന്തതഃ ।
സമവേതാശ്ചദൃശ്യന്തേവിമാനാഗ്രേഷുസങ്ഘശഃ ॥ 19 ॥
ഗൃധ്രാശ്ചപരിലീയന്തേപുരീമുപരിപിണ്ഡിതാഃ ।
ഉപപന്നാശ്ചസ്നധ്യേദ്വേവ്യാഹറ്നത്യശിവംശിവാഃ ॥ 20 ॥
ക്രവ്യാദാനാമ്മൃഗാണാഞ്ചപുരീദ്വാരേഷുസങ്ഘശഃ ।
ശ്രൂയന്തേവിപുലാഘോഷാസ്സവിസ്ഫൂര്ജിതനിസ്സ്വനാഃ ॥ 21 ॥
തദേവമ്പ്രസ്തുതേകാര്യേപ്രായശ്ചിത്തമിദങ്ക്ഷമമ് ।
രോചതേയദിവൈദേഹീരാഘവായപ്രദീയതാമ് ॥ 22 ॥
ഇദഞ്ചയദിവാമോഹാല്ലോഭാദ്വാവ്യാഹൃതമ്മയാ ।
തത്രാപിചമഹാരാജ നദോഷങ്കര്തുമര്ഹസി ॥ 23 ॥
അയംഹിദോഷസ്സര്വസ്യജനസ്യാസ്യോപലക്ഷ്യതേ ।
രക്ഷസാംരാക്ഷസീനാഞ്ചപുരസ്യാന്തഃപുരസ്യച ॥ 24 ॥
ശ്രാവണേചാസ്യമന്ത്രസ്യനിവൃത്താസ്സര്വമന്ത്രിണഃ ।
അവശ്യഞ്ചമയാവാച്യംയദ്ദൃഷ്ടമപിവാശ്രുതമ് ॥ 25 ॥
ഹിതമ്മഹാര്ഥമ്മൃദുഹേതുസംഹിതംവ്യതീതകാലായതിസമ്പ്രതിക്ഷമമ് ।
നിശമ്യതദ്വാക്യമുപസ്ഥിതജ്വരഃപ്രസങ്ഗവാനുത്തരമേതദബ്രവീത് ॥ 26 ॥
ഭയന്നപശ്യാമികുതശ്ചിദപ്യഹന്നരാഘവഃപ്രാപ്സ്യതിജാതുമൈഥിലീമ് ।
സുരൈസ്സഹേന്ദ്രൈരപിസങ്ഗരേകഥമ്മമാഗ്രതസ്സ്ഥാസ്യതിലക്ഷ്മണാഗ്രജഃ ॥ 27 ॥
ഇത്യേവമുക്ത്വാസുരസൈന്യനാശനോമഹാബലസ്സംയതിചണ്ഡവിക്രമഃ ।
ദശാനനോഭ്രാതരമാപ്തവാദിനംവിസര്ജയാമാസതദാവിഭീഷണമ് ॥ 28 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാണ്ഡേ ദശമസ്സര്ഗഃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha daśamassargaḥ |
tataḥpratyuṣasiprāpteprāptadharmārthaniścayaḥ |
rākṣasādhipaterveśmabhīmakarmāvibhīṣaṇaḥ || 1 ||
śailāgracayasaṅkāśaṃśailaśṛṅgamivonnatam |
suvibhaktamahākakṣammahājanaparigraham || 2 ||
matimadbhirmahāmātrairanuraktairadhiṣṭhitam |
rākṣasairāptaparyāptaissarvataḥparirakṣitam || 3 ||
mattamātaṅganiśśvāsairvyākulīkṛtamārutam |
śaṅkhaghoṣamahāghoṣantūryanādānunāditam || 4 ||
pramadājanasambādhamprajalpitamahāpatham |
taptakāñcananiryūhambhūṣaṇottamabhūṣitam || 5 ||
gandharvāṇāmivā'vāsamālayammarutāmiva |
ratnasañcayasambādhambhavanambhogināmiva || 6 ||
tammahābhramivā'dityastejovistṛtaraśmimān |
agrajasyālayaṃvīraḥpraviveśamahādyutiḥ || 7 ||
puṇyānpuṇyāhaghoṣāṃścavedavidbhirudāhṛtān |
śuśrāvasumahātejābhrāturvijayasaṃśritān || 8 ||
pūjitān dadhipātraiścasarpirbhissumanokṣataiḥ |
mantravedavidoviprāndadarśasamahābalaḥ || 9 ||
sapūjyamānorakṣobhiddīpyamānassvatejasā |
āsanasthammahābāhurvavandedhanadānujam || 10 ||
sarājadṛṣṭisampannamāsanaṃhemabhūṣitam |
jagāmasamudācāramprayujyācārakovidaḥ || 11 ||
sarāvaṇammahātmānaṃvijanemantrisannidhau |
uvācahitamatyarthaṃvacanaṃhetuniścitam || 12 ||
prasādyabhrātarañjeṣṭhaṃsāntvenopasthitakramaḥ |
deśakālārthasaṃvādidṛṣṭalokaparāvaraḥ || 13 ||
yadāprabhṛtivaidehīsamprāstemāmpurīntava |
tadāprabhṛtidṛśyantenimittānyaśubhāninaḥ || 14 ||
sasphuliṅgassadhūmārcissadhūmakaluṣodayaḥ |
mantrasaṅghahuto'pyagnirnasamyagabhivarthate || 15 ||
agniṣṭheṣvagniśalāsutathābrahmasthālīṣuca |
sarīsṛpāṇidṛśyantehanyeṣucapipīlikāḥ || 16 ||
gavāṃsayāṃsiskannānivimadāvīrakuñjarāḥ |
dīnamaśvāḥpraheṣantenacagrāsābhinandinaḥ || 17 ||
kharoṣṭrāśvatarārājabhanabhinnaromāssravantica |
nasvabhāve'vatiṣṭhantividhānairapicintitāḥ || 18 ||
vāyasāḥsaṅghaśaḥkrūrāvyāharantisamantataḥ |
samavetāścadṛśyantevimānāgreṣusaṅghaśaḥ || 19 ||
gṛdhrāścaparilīyantepurīmuparipiṇḍitāḥ |
upapannāścasnadhyedvevyāhaṟnatyaśivaṃśivāḥ || 20 ||
kravyādānāmmṛgāṇāñcapurīdvāreṣusaṅghaśaḥ |
śrūyantevipulāghoṣāssavisphūrjitanissvanāḥ || 21 ||
tadevamprastutekāryeprāyaścittamidaṅkṣamam |
rocateyadivaidehīrāghavāyapradīyatām || 22 ||
idañcayadivāmohāllobhādvāvyāhṛtammayā |
tatrāpicamahārāja nadoṣaṅkartumarhasi || 23 ||
ayaṃhidoṣassarvasyajanasyāsyopalakṣyate |
rakṣasāṃrākṣasīnāñcapurasyāntaḥpurasyaca || 24 ||
śrāvaṇecāsyamantrasyanivṛttāssarvamantriṇaḥ |
avaśyañcamayāvācyaṃyaddṛṣṭamapivāśrutam || 25 ||
hitammahārthammṛduhetusaṃhitaṃvyatītakālāyatisampratikṣamam |
niśamyatadvākyamupasthitajvaraḥprasaṅgavānuttarametadabravīt || 26 ||
bhayannapaśyāmikutaścidapyahannarāghavaḥprāpsyatijātumaithilīm |
suraissahendrairapisaṅgarekathammamāgratassthāsyatilakṣmaṇāgrajaḥ || 27 ||
ityevamuktvāsurasainyanāśanomahābalassaṃyaticaṇḍavikramaḥ |
daśānanobhrātaramāptavādinaṃvisarjayāmāsatadāvibhīṣaṇam || 28 ||
ityārṣe śrīmadrāmāyaṇe vālmīkīya ādikāvye yuddhakāṇḍe daśamassargaḥ ||
InfoLyter.in — Sacred Vedic Knowledge Portal · Free forever