4.62 Kishkindhakanda - Dvishashtitama Sargah

ॐ

4.62 കിഷ്കിന്ധാകാണ്ഡ - ദ്വിഷഷ്ടിതമ സര്ഗഃ

Valmiki Malayalam

ശ്രീമദ്വാല്മീകീയ രാമായണേ കിഷ്കിന്ധാകാണ്ഡമ് ।

അഥ ദ്വിഷഷ്ടിതമസ്സര്ഗഃ ।

ഏവമുക്താ മുനിശ്രേഷ്ഠ മരുദം ദുഃഖിതോ ഭൃശമ് ।

അഥ ധ്യാത്വാ മുഹൂര്തം തു ഭഗവാനിദമബ്രവീത് ॥ 1 ॥

പക്ഷൌ തു തേ പ്രപക്ഷൌ ച പുനരന്യൌഭവിഷ്യതഃ ।

പ്രാണാശ്ച ചക്ഷുഷീ ചൈവ വിക്രമശ്ച ബലം ച തേ ॥ 2 ॥

പുരാണേ സുമഹത്കാര്യം ഭവിഷ്യതി മയാ ശ്രുതമ് ।

ദൃഷ്ടം മേ തപസാ ചൈവ ശ്രുത്വാ ച വിദിതം മമ ॥ 3 ॥

രാജാ ദശരഥോ നാമ കശ്ചിദിക്ഷ്വാകുനന്ദനഃ ।

തസ്യ പുത്രോ മഹാതേജാ രമോനാമ ഭവിഷ്യതി ॥ 4 ॥

അരണ്യം ച സഹ ര്ഭാത്രാ ലക്ഷ്മണേനഗമിഷ്യതി ।

അസ്മിന്നര്ഥേ നിയുക്ത സ്സന്പിത്രാ സത്യപരാക്രമഃ ॥ 5 ॥

നൈഋതോ രാവണോ നാമ തസ്യ ഭാര്യാം ഹരിഷ്യതി ।

രാക്ഷസേന്ദ്രോ ജനസ്ഥനാദവധ്യ സ്സുരദാനവൈഃ ॥ 6 ॥

സാ ച കാമൈഃ പ്രലോഭ്യന്തീ ഭക്ഷ്യൈഃഭോജ്യൈശ്ച മൈഥിലീ ।

നഭോക്ഷ്യതി മഹാഭാഗാ ദുഃഖേ മഗ്നാ യശസ്വിനീ ॥ 7 ॥

പരമാന്നന്തു വൈദേഹ്യാ ജ്ഞാത്വാ ദാസ്യതി വാ സഃ ।

യദന്നമമൃതപ്രഖ്യം സുരാണാമപിദുര്ലഭമ് ॥ 8 ॥

തദന്നം മൈഥിലീപ്രാപ്യ വിജ്ഞായേന്ദ്രാദിദന്ത്വിതി ।

അഗ്രമുദൃത്യ രാമായ ഭൂതലേ നിര്വപിഷ്യതി ॥ 9 ॥

യദി ജീവതി മേ ഭര്താ ലക്ഷ്മണേന സഹ പ്രഭുഃ ।

ദേവത്വം ഗച്ഛ്തോ ര്വാപി തയോ രന്നമിദന്ത്വിതി ॥ 10 ॥

ഏഷ്യന്ത്യന്വേഷകാ സ്തസ്യാ രാമദൂതാഃ പ്ലവാങ്ഗമാഃ ।

ആഖ്യേയാ രാമ മഹീഷീ ത്വയാ തേഭ്യോ വിഹങ്ഗമ ॥ 11 ॥

സര്വഥാ ഹി നഗന്തവ്യമീദൃശഃ ക്വ ഗമിഷ്യസി ।

ദേശകാലൌ പ്രതീക്ഷസ്വ പക്ഷൌ ത്വം പ്രതിപത്സ്യസേ ॥ 12 ॥

നോത്സഹേയമഹങ്കര്തുമധ്യൈവ ത്വാം സപക്ഷകമ് ।

ഇഹസ്ഥ സ്ത്വം തു ലോകാനാം ഹിതം കാര്യം കരിഷ്യസി ॥ 13 ॥

ത്വയാപി ഖലു തത്കാര്യം തയോശ്ചനൃപപുത്രയോഃ ।

ബ്രാഹ്മണാനാം സുരാണാം ച മുനീനാം വാസവസ്യ ച ॥ 14 ॥

ഇച്ഛാമ്യഹമപിദ്രഷ്ടും ഭ്രാതരൌ രാമലക്ഷ്മണൌ ।

നേച്ഛേചിരം ധാരയുതും പ്രാണാം സ്ത്യക്ഷ്യേ കലേബരമ് ।

മഹര്ഷി സ്ത്വബ്രവീദേവം ദൃഷ്ടതത്വാര്ഥദര്ശനഃ ॥ 15 ॥

ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ കിഷ്കിന്ധാകാണ്ഡേ ദ്വിഷഷ്ടിതമസ്സര്ഗഃ ॥

Roman (IAST) Transliteration

śrīmadvālmīkīya rāmāyaṇe kiṣkindhākāṇḍam |

atha dviṣaṣṭitamassargaḥ |

evamuktā muniśreṣṭha marudaṃ duḥkhito bhṛśam |

atha dhyātvā muhūrtaṃ tu bhagavānidamabravīt || 1 ||

pakṣau tu te prapakṣau ca punaranyaubhaviṣyataḥ |

prāṇāśca cakṣuṣī caiva vikramaśca balaṃ ca te || 2 ||

purāṇe sumahatkāryaṃ bhaviṣyati mayā śrutam |

dṛṣṭaṃ me tapasā caiva śrutvā ca viditaṃ mama || 3 ||

rājā daśaratho nāma kaścidikṣvākunandanaḥ |

tasya putro mahātejā ramonāma bhaviṣyati || 4 ||

araṇyaṃ ca saha rbhātrā lakṣmaṇenagamiṣyati |

asminnarthe niyukta ssanpitrā satyaparākramaḥ || 5 ||

naiṛto rāvaṇo nāma tasya bhāryāṃ hariṣyati |

rākṣasendro janasthanādavadhya ssuradānavaiḥ || 6 ||

sā ca kāmaiḥ pralobhyantī bhakṣyaiḥbhojyaiśca maithilī |

nabhokṣyati mahābhāgā duḥkhe magnā yaśasvinī || 7 ||

paramānnantu vaidehyā jñātvā dāsyati vā saḥ |

yadannamamṛtaprakhyaṃ surāṇāmapidurlabham || 8 ||

tadannaṃ maithilīprāpya vijñāyendrādidantviti |

agramudṛtya rāmāya bhūtale nirvapiṣyati || 9 ||

yadi jīvati me bhartā lakṣmaṇena saha prabhuḥ |

devatvaṃ gacchto rvāpi tayo rannamidantviti || 10 ||

eṣyantyanveṣakā stasyā rāmadūtāḥ plavāṅgamāḥ |

ākhyeyā rāma mahīṣī tvayā tebhyo vihaṅgama || 11 ||

sarvathā hi nagantavyamīdṛśaḥ kva gamiṣyasi |

deśakālau pratīkṣasva pakṣau tvaṃ pratipatsyase || 12 ||

notsaheyamahaṅkartumadhyaiva tvāṃ sapakṣakam |

ihastha stvaṃ tu lokānāṃ hitaṃ kāryaṃ kariṣyasi || 13 ||

tvayāpi khalu tatkāryaṃ tayoścanṛpaputrayoḥ |

brāhmaṇānāṃ surāṇāṃ ca munīnāṃ vāsavasya ca || 14 ||

icchāmyahamapidraṣṭuṃ bhrātarau rāmalakṣmaṇau |

neccheciraṃ dhārayutuṃ prāṇāṃ styakṣye kalebaram |

maharṣi stvabravīdevaṃ dṛṣṭatatvārthadarśanaḥ || 15 ||

ityārṣe śrīmadrāmāyaṇe vālmīkīya ādikāvye kiṣkindhākāṇḍe dviṣaṣṭitamassargaḥ ||