📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.70 അരണ്യകാണ്ഡ - സപ്തതിതമ സര്ഗഃ
3.70 Aranyakanda - Saptatitama Sargah
Valmiki Malayalam
ശ്രീമദ്വാല്മീകീയ രാമായണേ അരണ്യകാണ്ഡമ് ।
അഥ സപ്തതിതമസ്സര്ഗഃ ।
തൌ തു തത്ര സ്ഥിതൌ ദൃഷ്ട്വാ ഭ്രാതരൌ രാമലക്ഷ്മണൌ ।
ബാഹുപാശപരിക്ഷിപ്തൌ കബന്ധോ വാക്യമബ്രവീത് ॥ 1 ॥
തിഷ്ഠതഃ കിം നു മാം ദൃഷ്ട്വാ ക്ഷുധാര്തം ക്ഷത്രിയര്ഷഭൌ ।
ആഹാരാര്ഥം തു സന്ദിഷ്ടൌ ദൈവേന ഗതചേതസൌ ॥ 2 ॥
തച്ഛ്രുത്വാ ലക്ഷ്മണോ വാക്യം പ്രാപ്തകാലം ഹിതം തദാ ।
ഉവാചാഽര്തിം സമാപന്നോ വിക്രമേ കൃതലക്ഷണഃ ॥ 3 ॥
ത്വാം ച മാം ച പുരാ തൂര്ണമാദത്തേ രാക്ഷസാധമഃ ।
തസ്മാദസിഭ്യാമസ്യാശു ബാഹൂ ഛിന്ദാവഹൈ ഗുരൂ ॥ 4 ॥
ഭീഷണോഽയം മഹാകായോ രാക്ഷസോ ഭുജവിക്രമഃ ।
ലോകം ഹ്യതിജിതം കൃത്വാ ഹ്യാവാം ഹന്തുമിഹേച്ഛതി ॥ 5 ॥
നിശ്ചേഷ്ടാനാം വധോ രാജന്കുത്സിതോ ജഗതീപതേഃ ।
ക്രതുമധ്യോപനീതാനാം പശൂനാമിവ രാഘവ ॥ 6 ॥
ഏതത്സഞ്ജല്പിതം ശ്രുത്വാ തയോഃ ക്രുദ്ധസ്തു രാക്ഷസഃ ।
വിദാര്യാഽസ്യം തദാ രൌദ്രസ്തൌ ഭക്ഷയിതുമാരഭത് ॥ 7 ॥
തതസ്തൌ ദേശകാലജ്ഞൌ ഖഡ്ഗാഭ്യാമേവ രാഘവൌ ।
അച്ഛിന്ദതാം സുസംവിഗ്നൌ ബാഹൂ തസ്യാംസദേശതഃ ॥ 8 ॥
ദക്ഷിണോ ദക്ഷിണം ബാഹുമസക്തമസിനാ തതഃ ।
ചിച്ഛേദ രാമോ വേഗേന സവ്യം വീരസ്തു ലക്ഷ്മണഃ ॥ 9 ॥
സ പപാത മഹാബാഹുശ്ഛിന്നബാഹുര്മഹാസ്വനഃ ।
ഖം ച ഗാം ച ദിശശ്ചൈവ നാദയഞ്ജലദോ യഥാ ॥ 10 ॥
സ നികൃത്തൌ ഭുജൌ ദൃഷ്ട്വാ ശോണിതൌഘപരിപ്ലുതഃ ।
ദീനഃ പപ്രച്ഛ തൌ വീരൌ കൌ യുവാമിതി ദാനവഃ ॥ 11 ॥
ഇതി തസ്യ ബ്രുവാണസ്യ ലക്ഷ്മണശ്ശുഭലക്ഷണഃ ।
ശശംസ രാഘവം തസ്യ കബന്ധസ്യ മഹാത്മനഃ ॥ 12 ॥
അയമിക്ഷ്വാകുദായാദോ രാമോ നാമ ജനൈശ്ശ്രുതഃ ।
അസ്യൈവാവരജം വിദ്ദി ഭ്രാതരം മാം ച ലക്ഷ്മണമ് ॥ 13 ॥
അസ്യ ദേവപ്രഭാവസ്യ വസതോ വിജനേ വനേ ।
രക്ഷസാഽപഹൃതാ പത്നീ യാമിച്ഛന്താവിഹാഗതൌ ॥ 14 ॥
ത്വം തു കോ വാ കിമര്ഥം വാ കബന്ധസദൃശോ വനേ ।
ആസ്യേനോരസി ദീപ്തേന ഭഗ്നജങ്ഘോ വിചേഷ്ടസേ ॥ 15 ॥
ഏവമുക്തഃ കബന്ധസ്തു ലക്ഷ്മണേനോത്തരം വചഃ ।
ഉവാച പരമപ്രീത സ്തദിന്ദ്രവചനം സ്മരന് ॥ 16 ॥
സ്വാഗതം വാം നരവ്യാഘ്രൌ ദിഷ്ട്യാ പശ്യാമി ചാപ്യഹമ് ।
ദിഷ്ട്യാ ചേമൌ നികൃത്തൌ മേ യുവാഭ്യാം ബാഹുബന്ധനൌ ॥ 17 ॥
വിരൂപം യച്ച മേ രൂപം പ്രാപ്തം ഹ്യവിനയാദ്യഥാ ।
തന്മേ ശൃണു നരവ്യാഘ്ര തത്ത്വതശ്ശംസതസ്തവ ॥ 18 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ അരണ്യകാണ്ഡേ സപ്തതിതമസ്സര്ഗഃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha saptatitamassargaḥ |
tau tu tatra sthitau dṛṣṭvā bhrātarau rāmalakṣmaṇau |
bāhupāśaparikṣiptau kabandho vākyamabravīt || 1 ||
tiṣṭhataḥ kiṃ nu māṃ dṛṣṭvā kṣudhārtaṃ kṣatriyarṣabhau |
āhārārthaṃ tu sandiṣṭau daivena gatacetasau || 2 ||
tacchrutvā lakṣmaṇo vākyaṃ prāptakālaṃ hitaṃ tadā |
uvācā'rtiṃ samāpanno vikrame kṛtalakṣaṇaḥ || 3 ||
tvāṃ ca māṃ ca purā tūrṇamādatte rākṣasādhamaḥ |
tasmādasibhyāmasyāśu bāhū chindāvahai gurū || 4 ||
bhīṣaṇo'yaṃ mahākāyo rākṣaso bhujavikramaḥ |
lokaṃ hyatijitaṃ kṛtvā hyāvāṃ hantumihecchati || 5 ||
niśceṣṭānāṃ vadho rājankutsito jagatīpateḥ |
kratumadhyopanītānāṃ paśūnāmiva rāghava || 6 ||
etatsañjalpitaṃ śrutvā tayoḥ kruddhastu rākṣasaḥ |
vidāryā'syaṃ tadā raudrastau bhakṣayitumārabhat || 7 ||
tatastau deśakālajñau khaḍgābhyāmeva rāghavau |
acchindatāṃ susaṃvignau bāhū tasyāṃsadeśataḥ || 8 ||
dakṣiṇo dakṣiṇaṃ bāhumasaktamasinā tataḥ |
ciccheda rāmo vegena savyaṃ vīrastu lakṣmaṇaḥ || 9 ||
sa papāta mahābāhuśchinnabāhurmahāsvanaḥ |
khaṃ ca gāṃ ca diśaścaiva nādayañjalado yathā || 10 ||
sa nikṛttau bhujau dṛṣṭvā śoṇitaughapariplutaḥ |
dīnaḥ papraccha tau vīrau kau yuvāmiti dānavaḥ || 11 ||
iti tasya bruvāṇasya lakṣmaṇaśśubhalakṣaṇaḥ |
śaśaṃsa rāghavaṃ tasya kabandhasya mahātmanaḥ || 12 ||
ayamikṣvākudāyādo rāmo nāma janaiśśrutaḥ |
asyaivāvarajaṃ viddi bhrātaraṃ māṃ ca lakṣmaṇam || 13 ||
asya devaprabhāvasya vasato vijane vane |
rakṣasā'pahṛtā patnī yāmicchantāvihāgatau || 14 ||
tvaṃ tu ko vā kimarthaṃ vā kabandhasadṛśo vane |
āsyenorasi dīptena bhagnajaṅgho viceṣṭase || 15 ||
evamuktaḥ kabandhastu lakṣmaṇenottaraṃ vacaḥ |
uvāca paramaprīta stadindravacanaṃ smaran || 16 ||
svāgataṃ vāṃ naravyāghrau diṣṭyā paśyāmi cāpyaham |
diṣṭyā cemau nikṛttau me yuvābhyāṃ bāhubandhanau || 17 ||
virūpaṃ yacca me rūpaṃ prāptaṃ hyavinayādyathā |
tanme śṛṇu naravyāghra tattvataśśaṃsatastava || 18 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptatitamassargaḥ ||
InfoLyter.in — Sacred Vedic Knowledge Portal · Free forever