saralabhāṣā saṃskṛtaṃ sarasabhāṣā saṃskṛtam |
sarasasaralamanojñamaṅgaladevabhāṣā saṃskṛtam || 1 ||
madhurabhāṣā saṃskṛtaṃ mṛdulabhāṣā saṃskṛtam |
mṛdulamadhuramanoharāmṛtatulyabhāṣā saṃskṛtam || 2 ||
devabhāṣā saṃskṛtaṃ vedabhāṣā saṃskṛtam |
bhedabhāvavināśakaṃ khalu divyabhāṣā saṃskṛtam || 3 ||
amṛtabhāṣā saṃskṛtaṃ atulabhāṣā saṃskṛtam |
sukṛtijanahṛdi parilasitaśubhavaradabhāṣā saṃskṛtam || 4 ||
bhuvanabhāṣā saṃskṛtaṃ bhavanabhāṣā saṃskṛtam |
bharatabhuvi parilasitakāvyamanojñabhāṣā saṃskṛtam || 5 ||
śastrabhāṣā saṃskṛtaṃ śāstrabhāṣā saṃskṛtam |
śastraśāstrabhṛdārṣabhāratarāṣṭrabhāṣā saṃskṛtam || 6 ||
dharmabhāṣā saṃskṛtaṃ karmabhāṣā saṃskṛtam |
dharmakarmapracodakaṃ khalu viśvabhāṣā saṃskṛtam || 7 ||