Shri Shanmukha Pancharatna Stuti

ॐ

ശ്രീ ഷണ്മുഖ പഞ്ചരത്ന സ്തുതി

Murugan Pancharatnam Malayalam

സ്ഫുരദ്വിദ്യുദ്വല്ലീവലയിതമഗോത്സങ്ഗവസതിം

ഭവാപ്പിത്തപ്ലുഷ്ടാനമിതകരുണാജീവനവശാത് ।

അവന്തം ഭക്താനാമുദയകരമമ്ഭോധര ഇതി

പ്രമോദാദാവാസം വ്യതനുത മയൂരോഽസ്യ സവിധേ ॥ 1 ॥

സുബ്രഹ്മണ്യോ യോ ഭവേജ്ജ്ഞാനശക്ത്യാ

സിദ്ധം തസ്മിന്ദേവസേനാപതിത്വമ് ।

ഇത്ഥം ശക്തിം ദേവസേനാപതിത്വം

സുബ്രഹ്മണ്യോ ബിഭ്രദേഷ വ്യനക്തി ॥ 2 ॥

പക്ഷോഽനിര്വചനീയോ ദക്ഷിണ ഇതി ധിയമശേഷജനതായാഃ ।

ജനയതി ബര്ഹീ ദക്ഷിണനിര്വചനായോഗ്യപക്ഷയുക്തോഽയമ് ॥ 3 ॥

യഃ പക്ഷമനിര്വചനം യാതി സമവലമ്ബ്യ ദൃശ്യതേ തേന ।

ബ്രഹ്മ പരാത്പരമമലം സുബ്രഹ്മണ്യാഭിധം പരം ജ്യോതിഃ ॥ 4 ॥

ഷണ്മുഖം ഹസന്മുഖം സുഖാമ്ബുരാശിഖേലനം

സന്മുനീന്ദ്രസേവ്യമാനപാദപങ്കജം സദാ ।

മന്മഥാദിശത്രുവര്ഗനാശകം കൃപാമ്ബുധിം

മന്മഹേ മുദാ ഹൃദി പ്രപന്നകല്പഭൂരുഹമ് ॥ 5 ॥

ഇതി ജഗദ്ഗുരു ശൃങ്ഗേരീപീഠാധിപ ശ്രീചന്ദ്രശേഖരഭാരതീ ശ്രീപാദൈഃ വിരചിതാ ശ്രീഷണ്മുഖപഞ്ചരത്നസ്തുതിഃ ।

Roman (IAST) Transliteration

sphuradvidyudvallīvalayitamagotsaṅgavasatiṃ

bhavāppittapluṣṭānamitakaruṇājīvanavaśāt |

avantaṃ bhaktānāmudayakaramambhodhara iti

pramodādāvāsaṃ vyatanuta mayūro'sya savidhe || 1 ||

subrahmaṇyo yo bhavejjñānaśaktyā

siddhaṃ tasmindevasenāpatitvam |

itthaṃ śaktiṃ devasenāpatitvaṃ

subrahmaṇyo bibhradeṣa vyanakti || 2 ||

pakṣo'nirvacanīyo dakṣiṇa iti dhiyamaśeṣajanatāyāḥ |

janayati barhī dakṣiṇanirvacanāyogyapakṣayukto'yam || 3 ||

yaḥ pakṣamanirvacanaṃ yāti samavalambya dṛśyate tena |

brahma parātparamamalaṃ subrahmaṇyābhidhaṃ paraṃ jyotiḥ || 4 ||

ṣaṇmukhaṃ hasanmukhaṃ sukhāmburāśikhelanaṃ

sanmunīndrasevyamānapādapaṅkajaṃ sadā |

manmathādiśatruvarganāśakaṃ kṛpāmbudhiṃ

manmahe mudā hṛdi prapannakalpabhūruham || 5 ||

iti jagadguru śṛṅgerīpīṭhādhipa śrīcandraśekharabhāratī śrīpādaiḥ viracitā śrīṣaṇmukhapañcaratnastutiḥ |