📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ രാമ കര്ണാമൃതമ്
Shri Rama Karnamritam
Rama Malayalam
മങ്ഗലശ്ലോകാഃ
മങ്ഗലം ഭഗവാന്വിഷ്ണുര്മങ്ഗലം മധുസൂദനഃ ।
1
മങ്ഗലം പുണ്ഡരീകാക്ഷോ മങ്ഗലം ഗരുഡധ്വജഃ ॥ 1
മങ്ഗലം കോസലേന്ദ്രായ മഹനീയഗുണാബ്ധയേ ।
2
ചക്രവര്തിതനൂജായ സാര്വഭൌമായ മങ്ഗലമ് ॥ 2
വേദവേദാന്തവേദ്യായ മേഘശ്യാമലമൂര്തയേ ।
3
പുംസാം മോഹനരൂപായ പുണ്യശ്ലോകായ മങ്ഗലമ് ॥ 3
വിശ്വാമിത്രാന്തരങ്ഗായ മിഥിലാനഗരീപതേഃ ।
4
ഭാഗ്യാനാം പരിപാകായ ഭവ്യരൂപായ മങ്ഗലമ് ॥ 4
പിതൃഭക്തായ സതതം ഭ്രാതൃഭിഃ സഹ സീതയാ ।
5
നന്ദിതാഖിലലോകായ രാമചന്ദ്രായ മങ്ഗലമ് ॥ 5
ത്യക്തസാകേതവാസായ ചിത്രകൂടവിഹാരിണേ ।
6
സേവ്യായ സര്വയമിനാം ധീരോദാത്തായ മങ്ഗലമ് ॥ 6
സൌമിത്രിണാ ച ജാനക്യാ ചാപബാണാസിധാരിണാ ।
7
സംസേവ്യായ സദാ ഭക്ത്യാ സാനുജായാസ്തു മങ്ഗലമ് ॥ 7
ദണ്ഡകാരണ്യവാസായ ഖണ്ഡിതാമരശത്രവേ ।
8
ഗൃധ്രരാജായ ഭക്തായ മുക്തിദായാസ്തു മങ്ഗലമ് ॥ 8
സാദരം ശബരീദത്തഫലമൂലാഭിലാഷിണേ ।
9
സൌലഭ്യപരിപൂര്ണായ സത്ത്വോദ്യുക്തായ മങ്ഗലമ് ॥ 9
ഹനൂമത്സമവേതായ ഹരീശാഭീഷ്ടദായിനേ ।
10
വാലിപ്രമഥനായാസ്തു മഹാധീരായ മങ്ഗലമ് ॥ 10
ശ്രീമതേ രഘുവീരായ സേതുലങ്ഘിതസിന്ധവേ ।
11
ജിതരാക്ഷസരാജായ രണധീരായ മങ്ഗലമ് ॥ 11
ആസാദ്യ നഗരീം ദിവ്യാമഭിഷിക്തായ സീതയാ ।
12
രാജാധിരാജരാജായ രാമഭദ്രായ മങ്ഗലമ് ॥ 12
വിഭീഷണകൃതേ പ്രീത്യാ വിശ്വാഭീഷ്ടപ്രദായിനേ ।
13
ജാനകീപ്രാണനാഥായ സദാ രാമായ മങ്ഗലമ് ॥ 13
—-
ശ്രീരാമം ത്രിജഗദ്ഗുരും സുരവരം സീതാമനോനായകം
ശ്യാമാങ്ഗം ശശികോടിപൂര്ണവദനം ചഞ്ചത്കലാകൌസ്തുഭമ് ।
സൌമ്യം സത്യഗുണോത്തമം സുസരയൂതീരേ വസന്തം പ്രഭും
14
ത്രാതാരം സകലാര്ഥസിദ്ധിസഹിതം വന്ദേ രഘൂണാം പതിമ് ॥ 14
ശ്രീരാഘവം ദശരഥാത്മജമപ്രമേയം
സീതാപതിം രഘുവരാന്വയരത്നദീപമ് ।
ആജാനുബാഹുമരവിന്ദദലായതാക്ഷം
15
രാമം നിശാചരവിനാശകരം നമാമി ॥ 15
ശ്രീരാമചന്ദ്ര കരുണാകര രാഘവേന്ദ്ര
രാജേന്ദ്രചന്ദ്ര രഘുവംശസമുദ്രചന്ദ്ര ।
സുഗ്രീവനേത്രയുഗലോത്പല-പൂര്ണചന്ദ്ര
16
സീതാമനഃകുമുദചന്ദ്ര നമോ നമസ്തേ ॥ 16
സീതാമനോമാനസരാജഹംസ
സംസാരസന്താപഹര ക്ഷമാവന് ।
ശ്രീരാമ ദൈത്യാന്തക ശാന്തരൂപ
17
ശ്രീതാരകബ്രഹ്മ നമോ നമസ്തേ ॥ 17
വിഷ്ണോ രാഘവ വാസുദേവ നൃഹരേ ദേവൌഘചൂഡാമണേ ।
18
സംസാരാര്ണവകര്ണധാരക ഹരേ കൃഷ്ണായ തുഭ്യം നമഃ ॥ 18
സുഗ്രീവാദിസമസ്തവാനരവരൈസ്സംസേവ്യമാനം സദാ ।
19
വിശ്വാമിത്രപരാശരാദിമുനിഭിസ്സംസ്തൂയമാനം ഭജേ ॥ 19
രാമം ചന്ദനശീതലം ക്ഷിതിസുതാമോഹാകരം ശ്രീകരം
വൈദേഹീനയനാരവിന്ദമിഹിരം സമ്പൂര്ണചന്ദ്രാനനമ് ।
രാജാനം കരുണാസമേതനയനം സീതാമനോനന്ദനം
20
സീതാദര്പണചാരുഗണ്ഡലലിതം വന്ദേ സദാ രാഘവമ് ॥ 20
ജാനാതി രാമ തവ നാമരുചിം മഹേശോ
ജാനാതി ഗൌതമസതീ ചരണപ്രഭാവമ് ।
ജാനാതി ദോര്ബലപരാക്രമമീശചാപോ
21
ജാനാത്യമോഘപടുബാണഗതിം പയോധിഃ ॥ 21
മാതാ രാമോ മത്പിതാ രാമചന്ദ്രോ
ഭ്രാതാ രാമോ മത്സഖാ രാഘവേശഃ ।
സര്വസ്വം മേ രാമചന്ദ്രോ ദായാലു-
22
ര്നാന്യം ദൈവം നൈവ ജാനേ ന ജാനേ ॥ 22
വിമലകമലനേത്രം വിസ്ഫുരന്നീലഗാത്രം
തപനകുലപവിത്രം ദാനവധ്വന്തമിത്രമ് ।
ഭുവനശുഭചരിത്രം ഭൂമിപുത്രീകലത്രം
23
ദശരഥവരപുത്രം നൌമി രാമാഖ്യമിത്രമ് ॥ 23
മാര്ഗേ മാര്ഗേ ശാഖിനാം രത്നവേദീ
വേദ്യാം വേദ്യാം കിന്നരീബൃന്ദഗീതമ് ।
ഗീതേ ഗീതേ മഞ്ജുലാലാപഗോഷ്ഠീ
24
ഗോഷ്ഠ്യാം ഗോഷ്ഠ്യാം ത്വത്കഥാ രാമചന്ദ്ര ॥ 24
വൃക്ഷേ വൃക്ഷേ വീക്ഷിതാഃ പക്ഷിസങ്ഘാഃ
സങ്ഘേ സങ്ഘേ മഞ്ജുലാമോദവാക്യമ് ।
വാക്യേ വാക്യേ മഞ്ജുലാലാപഗോഷ്ഠീ
25
ഗോഷ്ഠ്യാം ഗോഷ്ഠ്യാം ത്വത്കഥാ രാമചന്ദ്ര ॥ 25
ദുരിതതിമിരചന്ദ്രോ ദുഷ്ടകഞ്ജാതചന്ദ്രഃ
സുരകുവലയചന്ദ്രസ്സൂര്യവംശാബ്ധിചന്ദ്രഃ ।
സ്വജനനിവഹചന്ദ്രശ്ശത്രുരാജീവചന്ദ്രഃ
26
പ്രണതകുമുദചന്ദ്രഃ പാതു മാം രാമചന്ദ്രഃ ॥ 26
കല്യാണദം കൌശികയജ്ഞപാലം
കലാനിധിം കാഞ്ചനശൈലധീരമ് ।
കഞ്ജാതനേത്രം കരുണാസമുദ്രം
27
കാകുത്സ്ഥരാമം കലയാമി ചിത്തേ ॥ 27
രാജീവായതലോചനം രഘുവരം നീലോത്പലശ്യാമലം
മന്ദാരാഞ്ചിതമണ്ഡപേ സുലലിതേ സൌവര്ണകേ പുഷ്പകേ ।
ആസ്ഥാനേ നവരത്നരാജിഖചിതേ സിംഹാസനേ സംസ്ഥിതം
28
സീതാലക്ഷ്മണലോകപാലസഹിതം വന്ദേ മുനീന്ദ്രാസ്പദമ് ॥ 28
ധ്യായേ രാമം സുധാംശും നതസകലഭവാരണ്യതാപപ്രഹാരമ് ।
ശ്യാമം ശാന്തം സുരേന്ദ്രം സുരമുനിവിനുതം കോടിസൂര്യപ്രകാശമ് ।
സീതാസൌമിത്രിസേവ്യം സുരനരസുഗമം ദിവ്യസിംഹാസനസ്ഥമ് ।
29
സായാഹ്നേ രാമചന്ദ്രം സ്മിതരുചിരമുഖം സര്വദാ മേ പ്രസന്നമ് ॥ 29
ഇന്ദ്രനീലമണിസന്നിഭദേഹം
വന്ദനീയമസകൃന്മുനിബൃന്ദൈഃ ।
ലമ്ബമാനതുലസീവനമാലം
30
ചിന്തയാമി സതതം രഘുവീരമ് ॥ 30
സമ്പൂര്ണചന്ദ്രവദനം സരസീരുഹാക്ഷം
മാണിക്യകുണ്ഡലധരം മുകുടാഭിരാമമ് ।
ചാമ്പേയഗൌരവസനം ശരചാപഹസ്തം
31
ശ്രീരാമചന്ദ്രമനിശം മനസാ സ്മരാമി ॥ 31
മാതുഃ പാര്ശ്വേ ചരന്തം മണിമയശയനേ മഞ്ജുഭൂഷാഞ്ചിതാങ്ഗമ് ।
മന്ദം മന്ദം പിബന്തം മുകുലിതനയനം സ്തന്യമന്യസ്തനാഗ്രമ് ।
അങ്ഗുല്യാഗ്രൈഃ സ്പൃശന്തം സുഖപരവശയാ സസ്മിതാലിങ്ഗിതാങ്ഗമ് ।
32
ഗാഢം ഗാഢം ജനന്യാ കലയതു ഹൃദയം മാമകം രാമബാലമ് ॥ 32
രാമാഭിരാമം നയനാഭിരാമം
വാചാഭിരാമം വദനാഭിരാമമ് ।
സര്വാഭിരാമം ച സദാഭിരാമം
33
വന്ദേ സദാ ദാശരഥിം ച രാമമ് ॥ 33
രാശബ്ദോച്ചാരമാത്രേണ മുഖാന്നിര്യാതി പാതകാഃ ।
34
പുനഃ പ്രവേശഭീത്യാ ച മകാരസ്തു കവാടവത് ॥ 34
അനര്ഘമാണിക്യവിരാജമാന-
ശ്രീപാദുകാലങ്കൃതശോഭനാഭ്യാമ് ।
അശേഷബൃന്ദാരകവന്ദിതാഭ്യാം
35
നമോ നമോ രാമപദാമ്ബുജാഭ്യാമ് ॥ 35
ചലത്കനകകുണ്ഡലോല്ലസിതദിവ്യഗണ്ഡസ്ഥലം
ചരാചരജഗന്മയം ചരണപദ്മഗങ്ഗാശ്രയമ് ।
ചതുര്വിധഫലപ്രദം ചരമപീഠമധ്യസ്ഥിതം
36
ചിദംശമഖിലാസ്പദം ദശരഥാത്മജം ചിന്തയേ ॥ 36
സനന്ദനമുനിപ്രിയം സകലവര്ണവേദാത്മകം
സമസ്തനിഗമാഗമസ്ഫുരിതതത്ത്വസിംഹാസനമ് ।
സഹസ്രനയനാബ്ജജാദ്യമരബൃന്ദസംസേവിതം
37
സമഷ്ടിപുരവല്ലഭം ദശരഥാത്മജം ചിന്തയേ ॥ 37
ജാഗ്രത്സ്വപ്നസുഷുപ്തി-കാലവിലസത്തത്ത്വാത്മചിന്മാത്രകം
ചൈതന്യാത്മകമാധിപാപരഹിതം ഭൂമ്യാദിതന്മാത്രകമ് ।
ശാമ്ഭവ്യാദിസമസ്തയോഗകുലകം സാങ്ഖ്യാദിതത്ത്വാത്പരം
38
ശബ്ദാവാച്യമഹം നമാമി സതതം വ്യുത്പത്തിനാശാത്പരമ് ॥ 38
ഇക്ഷ്വാകുവംശാര്ണവജാതരത്നം
സീതാങ്ഗനായൌവനഭാഗ്യരത്നമ് ।
വൈകുണ്ഠരത്നം മമ ഭാഗ്യരത്നം
39
ശ്രീരാമരത്നം ശിരസാ നമാമി ॥ 39
ഇക്ഷ്വാകുനന്ദനം സുഗ്രീവപൂജിതം
ത്രൈലോക്യരക്ഷകം സത്യസന്ധം സദാ ।
രാഘവം രഘുപതിം രാജീവലോചനം
40
രാമചന്ദ്രം ഭജേ രാഘവേശം ഭജേ ॥ 40
ഭക്തപ്രിയം ഭക്തസമാധിഗമ്യം
ചിന്താഹരം ചിന്തിതകാമധേനുമ് ।
സൂര്യേന്ദുകോടിദ്യുതിഭാസ്വരം തം
41
രാമം ഭജേ രാഘവരാമചന്ദ്രമ് ॥ 41
ശ്രീരാമം ജനകക്ഷിതീശ്വരസുതാവക്ത്രാമ്ബുജാഹാരിണം
ശ്രീമദ്ഭാനുകുലാബ്ധികൌസ്തുഭമണിം ശ്രീരത്നവക്ഷസ്സ്ഥലമ് ।
ശ്രീകണ്ഠാദ്യമരൌഘരത്നമകുടാലങ്കാരപാദാമ്ബുജം
42
ശ്രീവത്സോജ്ജ്വലമിന്ദ്രനീലസദൃശം ശ്രീരാമചന്ദ്രം ഭജേ ॥ 42
രാമചന്ദ്ര ചരിതാകഥാമൃതം
ലക്ഷ്മണാഗ്രജഗുണാനുകീര്തനമ് ।
രാഘവേശ തവ പാദസേവനം
43
സമ്ഭവന്തു മമ ജന്മജന്മനി ॥ 43
അജ്ഞാനസമ്ഭവ-ഭവാമ്ബുധിബാഡബാഗ്നി-
രവ്യക്തതത്ത്വനികരപ്രണവാധിരൂഢഃ ।
സീതാസമേതമനുജേന ഹൃദന്തരാലേ
44
പ്രാണപ്രയാണസമയേ മമ സന്നിധത്തേ ॥ 44
രാമോ മത്കുലദൈവതം സകരുണം രാമം ഭജേ സാദരം
രാമേണാഖിലഘോരപാപനിഹതീ രാമായ തസ്മൈ നമഃ ।
രാമാന്നാസ്തി ജഗത്രയൈകസുലഭോ രാമസ്യ ദാസോഽസ്മ്യഹം
45
രാമേ പ്രീതിരതീവ മേ കുലഗുരോ ശ്രീരാമ രക്ഷസ്വ മാമ് ॥ 45
വൈദേഹീസഹിതം സുരദ്രുമതലേ ഹൈമേ മഹാമണ്ടപേ ।
മധ്യേപുഷ്പകമാസനേ മണിമയേ വീരാസനേ സംസ്ഥിതമ് ।
അഗ്രേ വാചയതി പ്രഭഞ്ജനസുതേ തത്ത്വം മുനിഭ്യഃ പരമ് ।
46
വ്യാഖ്യാന്തം ഭരതാദിഭിഃ പരിവൃതം രാമം ഭജേ ശ്യാമലമ് ॥ 46
വാമേ ഭൂമിസുതാ പുരസ്തു ഹനുമാന്പശ്ചാത്സുമിത്രാസുത-
ശ്ശത്രുഘ്നോ ഭരതശ്ച പാര്ശ്വദലയോര്വായ്വാദികോണേഷ്വപി ।
സുഗ്രീവശ്ച വിഭീഷണശ്ച യുവരാട് താരാസുതോ ജാമ്ബവാന്
47
മധ്യേ നീലസരോജകോമലരുചിം രാമം ഭജേ ശ്യാമലമ് ॥ 47
കേയൂരാങ്ഗദകങ്കണൈര്മണിഗണൈര്വൈരോചമാനം സദാ
രാകാപര്വണിചന്ദ്രകോടിസദൃശം ഛത്രേണ വൈരാജിതമ് ।
ഹേമസ്തമ്ഭസഹസ്രഷോഡശയുതേ മധ്യേ മഹാമണ്ഡപേ
48
ദേവേശം ഭരതാദിഭിഃ പരിവൃതം രാമം ഭജേ ശ്യാമലമ് ॥ 48
സാകേതേ ശരദിന്ദുകുന്ദധവലേ സൌഘേ മഹാമണ്ടപേ ।
പര്യസ്താഗരുധൂപധൂമപടലേ കര്പൂരദീപോജ്ജ്വലേ ।
സുഗ്രീവാങ്ഗദവായുപുത്രസഹിതം സൌമിത്രിണാ സേവിതം
49
ലീലാമാനുഷവിഗ്രഹം രഘുപതിം രാമം ഭജേ ശ്യാമലമ് ॥ 49
ശാന്തം ശാരദചന്ദ്രകോടിസദൃശം ചന്ദ്രാഭിരാമാനനം
ചന്ദ്രാര്കാഗ്നിവികാസികുണ്ഡലധരം ചന്ദ്രാവതംസസ്തുതമ് ।
വീണാപുസ്തകസാക്ഷസൂത്രവിലസദ്വ്യാഖ്യാനമുദ്രാകരം
50
ദേവേശം ഭരതാദിഭിഃ പരിവൃതം രാമം ഭജേ ശ്യാമലമ് ॥ 50
രാമം രാക്ഷസമര്ദനം രഘുപതിം ശക്രാരിവിധ്വംസിനം
സുഗ്രീവേപ്സിതരാജ്യദം സുരപതേഃ പുത്രാന്തകം ശാര്‍ങ്ഗിണമ് ।
ഭക്താനാമഭയപ്രദം ഭയഹരം പാപൌഘവിധ്വംസിനം
51
സീതാസേവിതപാദപദ്മയുഗലം രാമം ഭജേ ശ്യാമലമ് ॥ 51
കന്ദര്പായുതകോടികോടിതുലിതം കാലാമ്ബുദശ്യാമലം
കമ്ബുഗ്രീവമുദാരകൌസ്തുഭധരം കര്ണാവതംസോത്പലമ് ।
കസ്തൂരീതിലകോജ്ജ്വലം സ്മിതമുഖം ചിന്മുദ്രയാലങ്കൃതം
52
സീതാലക്ഷ്മണവായുപുത്രസഹിതം സിംഹാസനസ്ഥം ഭജേ ॥ 52
സാകേതേ നവരത്നപങ്ക്തിഖചിതേ ചിത്രധ്വജാലങ്കൃതേ
വാസേ സ്വര്ണമയേ ദലാഷ്ടലലിതേ പദ്മേ വിമാനോത്തമേ ।
ആസീനം ഭരതാദിസോദരജനൈഃ ശാഖാമൃഗൈഃ കിന്നരൈഃ
53
ദിക്പാലൈര്മുനിപുങ്ഗവൈര്നൃപഗണൈസ്സംസേവ്യമാനം ഭജേ ॥ 53
കസ്തൂരീഘനസാരകുങ്കുമലസച്ഛ്രീചന്ദനാലങ്കൃതം
കന്ദര്പാധികസുന്ദരം ഘനനിഭം കാകുത്സ്ഥവംശധ്വജമ് ।
കല്യാണാമ്ഭരവേഷ്ടിതം കമലയാ യുക്തം കലാവല്ലഭം
54
കല്യാണാചലകാര്മുകപ്രിയസഖം കല്യാണരാമം ഭജേ ॥ 54
മുക്തേര്മൂലം മുനിവരഹൃദാനന്ദകന്ദം മുകുന്ദം
കൂടസ്ഥാഖ്യം സകലവരദം സര്വചൈതന്യരൂപമ് ।
നാദാതീതം കമലനിലയം നാദനാദാന്തതത്ത്വം
55
നാദാതീതം പ്രകൃതിരഹിതം രാമചന്ദ്രം ഭജേഽഹമ് ॥ 55
താരാകാരം നിഖിലനിലയം തത്ത്വമസ്യാദിലക്ഷ്യം
ശബ്ദാവാച്യം ത്രിഗുണരഹിതം വ്യോമമങ്ഗുഷ്ഠമാത്രമ് ।
നിര്വാണാഖ്യം സഗുണമഗുണവ്യോമരന്ധ്രാന്തരസ്ഥം
56
സൌഷുമ്നാന്തഃ പ്രണവസഹിതം രാമചന്ദ്രം ഭജേഽഹമ് ॥ 56
നിജാനന്ദാകാരം നിഗമതുരഗാരാധിതപദം
പരബ്രഹ്മാനന്ദം പരമപദഗം പാപഹരണമ് ।
കൃപാപാരാവാരം പരമപുരുഷം പദ്മനിലയം
57
ഭജേ രാമം ശ്യാമം പ്രകൃതിരഹിതം നിര്ഗുണമഹമ് ॥ 57
സാകേതേ നഗരേ സമസ്തമഹിമാധാരേ ജഗന്മോഹനേ
രത്നസ്തമ്ഭസഹസ്രമണ്ടപമഹാസിംഹാസനേ സാമ്ബുജേ ।
വിശ്വാമിത്രവസിഷ്ഠഗൌതമശുകവ്യാസാദിഭിര്മൌനിഭിഃ
58
ധ്യേയം ലക്ഷ്മണലോകപാലസഹിതം സീതാസമേതം ഭജേ ॥ 58
രാമം ശ്യാമാഭിരാമം രവിശശിനയനം കോടിസൂര്യപ്രകാശം
ദിവ്യം ദിവ്യാസ്ത്രപാണിം ശരമുഖശരധിം ചാരുകോഡണ്ഡഹസ്തമ് ।
കാലം കാലാഗ്നിരുദ്രം രിപുകുലദഹനം വിഘ്നവിച്ഛേദദക്ഷം
59
ഭീമം ഭീമാട്ടഹാസം സകലഭയഹരം രാമചന്ദ്രം ഭജേഽഹമ് ॥ 59
ശ്രീരാമം ഭുവനൈകസുന്ദരതനും ധാരാധരശ്യാമലം
രാജീവായതലോചനം രഘുവരം രാകേന്ദുബിമ്ബാനനമ് ।
കോദണ്ഡാദിനിജായുധാശ്രിതഭുജൈര്ഭ്രാന്തം വിദേഹാത്മജാ-
60
ധീശം ഭക്തജനാവനം രഘുവരം ശ്രീരാമചന്ദ്രം ഭജേ ॥ 60
ശ്രീവത്സാങ്കമുദാരകൌസ്തുഭലസത്പീതാമ്ബരാലങ്കൃതം
നാനാരത്നവിരാജമാനമകുടം നീലാമ്ബുദശ്യാമലമ് ।
കസ്തൂരീഘനസാരചര്ചിതതനും മന്ദാരമാലാധരം
61
കന്ദര്പായുതസുന്ദരം രഘുപതിം സീതാസമേതം ഭജേ ॥ 61
സദാനന്ദദേവേ സഹസ്രാരപദ്മേ
ഗലച്ചന്ദ്രപീയൂഷധാരാമൃതാന്തേ ।
സ്ഥിതം രാമമൂര്തിം നിഷേവേ നിഷേവേ-
62
ഽന്യദൈവം ന സേവേ ന സേവേ ന സേവേ ॥ 62
സുധാഭാസിതദ്വീപമധ്യേ വിമാനേ
സുപര്വാലിവൃക്ഷോജ്ജ്വലേ ശേഷതല്പേ ।
നിഷണ്ണം രമാങ്കം നിഷേവേ നിഷേവേ-
63
ഽന്യദൈവം ന സേവേ ന സേവേ ന സേവേ ॥ 63
ചിദംശം സമാനന്ദമാനന്ദകന്ദം
സുഷുമ്നാഖ്യരന്ധ്രാന്തരാലേ ച ഹംസമ് ।
സചക്രം സശങ്ഖം സപീതാമ്ബരാങ്കം
64
പരഞ്ചാന്യദൈവം ന ജാനേ ന ജാനേ ॥ 64
ചതുര്വേദകൂടോല്ലസത്കാരണാഖ്യം
സ്ഫുരദ്ദിവ്യവൈമാനികേ ഭോഗിതല്പേ ।
പരന്ധാമമൂര്തിം നിഷണ്ണം നിഷേവേ
65
നിഷേവേഽന്യദൈവം ന സേവേ ന സേവേ ॥ 65
സിംഹാസനസ്ഥം സുരസേവിതവ്യം
രത്നാങ്കിതാലങ്കൃതപാദപദ്മമ് ।
സീതാസമേതം ശശിസൂര്യനേത്രം
66
രാമം ഭജേ രാഘവ രാമചന്ദ്രമ് ॥ 66
രാമം പുരാണപുരുഷം രമണീയവേഷം
രാജാധിരാജമകുടാര്ചിതപാദപീഠമ് ।
സീതാപതിം സുനയനം ജഗദേകവീരം
67
ശ്രീരാമചന്ദ്രമനിശം കലയാമി ചിത്തേ ॥ 67
പരാനന്ദവസ്തുസ്വരൂപാദിസാക്ഷിം
പരബ്രഹ്മഗമ്യം പരഞ്ജ്യോതിമൂര്തിമ് ।
പരാശക്തിമിത്രാഽപ്രിയാരാധിതാങ്ഘ്രിം
68
പരന്ധാമരൂപം ഭജേ രാമചന്ദ്രമ് ॥ 68
മന്ദസ്മിതം കുണ്ഡലഗണ്ഡഭാഗം
പീതാമ്ബരം ഭൂഷണഭൂഷിതാങ്ഗമ് ।
നീലോത്പലാങ്ഗം ഭുവനൈകമിത്രം
69
രാമം ഭജേ രാഘവ രാമചന്ദ്രമ് ॥ 69
അചിന്ത്യമവ്യക്തമനന്തരൂപ-
മദ്വൈതമാനന്ദമനാദിഗമ്യമ് ।
പുണ്യസ്വരൂപം പുരുഷോത്തമാഖ്യം
70
രാമം ഭജേ രാഘവ രാമചന്ദ്രമ് ॥ 70
പദ്മാസനസ്ഥം സുരസേവിതവ്യം
പദ്മാലയാനന്ദകടാക്ഷവീക്ഷ്യമ് ।
ഗന്ധര്വവിദ്യാധരഗീയമാനം
71
രാമം ഭജേ രാഘവ രാമചന്ദ്രമ് ॥ 71
അനന്തകീര്തിം വരദം പ്രസന്നം
പദ്മാസനം സേവകപാരിജാതമ് ।
രാജാധിരാജം രഘുവീരകേതും
72
രാമം ഭജേ രാഘവ രാമചന്ദ്രമ് ॥ 72
സുഗ്രീവമിത്രം സുജനാനുരൂപം
ലങ്കാഹരം രാക്ഷസവംശനാശമ് ।
വേദാശ്രയാങ്ഗം വിപുലായതാക്ഷം
73
രാമം ഭജേ രാഘവ രാമചന്ദ്രമ് ॥ 73
സകൃത്പ്രണതരക്ഷായാം സാക്ഷീ യസ്യ വിഭീഷണഃ ।
74
സാപരാധപ്രതീകാരഃ സ ശ്രീരാമോ ഗതിര്മമ ॥ 74
ഫലമൂലാശിനൌ ദാന്തൌ താപസൌ ധര്മചാരിണൌ ।
75
രക്ഷഃകുലവിഹന്താരൌ ഭ്രാതരൌ രാമലക്ഷ്മണൌ ॥ 75
തരുണൌ രൂപസമ്പന്നൌ സുകുമാരൌ മഹാബലൌ ।
76
പുണ്ഡരീക വിശാലാക്ഷൌ ചീരകൃഷ്ണാജിനാമ്ബരൌ ॥ 76
കൌസല്യാനയനേന്ദും ദശരഥമുഖാരവിന്ദമാര്താണ്ഡമ് ।
77
സീതാമാനസഹംസം രാമം രാജീവലോചനം വന്ദേ ॥ 77
ഭര്ജനം ഭവബീജാനാം മാര്ജനം സുഖസമ്പദാമ് ।
78
തര്ജനം യമദൂതാനാം രാമരാമേതി കീര്തനമ് ॥ 78
ന ജാനേ ജാനകീ ജാനേ രാമ ത്വന്നാമവൈഭവമ് ।
79
സര്വേശോ ഭഗവാന് ശമ്ഭുര്വാല്മീകിര്വേത്തി വാ നവാ ॥ 79
കരതലധൃതചാപം കാലമേഘസ്വരൂപം
സരസിജദലനേത്രം ചാരുഹാസം സുഗാത്രമ് ।
വിചിനുതവനവാസം വിക്രമോദഗ്രവേഷം
80
പ്രണമത രഘുനാഥം ജാനകീപ്രാണനാഥമ് ॥ 80
വിദ്യുത്സ്ഫുരന്മകരകുണ്ഡലദീപ്തചാരു-
ഗണ്ഡസ്ഥലം മണികിരീടവിരാജമാനമ് ।
പീതാമ്ബരം ജലദനീലമുദാരകാന്തിം
81
ശ്രീരാമചന്ദ്രമനിശം കലയാമി ചിത്തേ ॥ 81
രത്നോല്ലസജ്ജ്വലിതകുണ്ഡലഗണ്ഡഭാഗം
കസ്തൂരികാതിലകശോഭിതഫാലഭാഗമ് ।
കര്ണാന്തദീര്ഘനയനം കരുണാകടാക്ഷം
82
ശ്രീരാമചന്ദ്ര മുഖമാത്മനി സന്നിധത്തമ് ॥ 82
വൈദേഹീസഹിതം ച ലക്ഷ്മണയുതം കൈകേയിപുത്രാന്വിതം
സുഗ്രീവം ച വിഭീഷണാനിലസുതൌ നീലം നലം സാങ്ഗദമ് ।
വിശ്വാമിത്രവസിഷ്ഠഗൌതമഭരദ്വാജാദികാന് മാനയന്
83
രാമോ മാരുതിസേവിതഃ സ്മരതു മാം സാമ്രാജ്യസിംഹാസനേ ॥ 83
സകലഗുണനിധാനം യോഗിഭിസ്സ്തൂയമാനം
ഭജിതസുരവിമാനം രക്ഷിതേന്ദ്രാദിമാനമ് ।
മഹിതവൃഷഭയാനം സീതയാ ശോഭമാനം
84
സ്മരതു ഹൃദയഭാനും ബ്രഹ്മരാമാഭിരാമമ് ॥ 84
ത്രിദശകുമുദചന്ദ്രോ ദാനവാമ്ഭോജചന്ദ്രോ
ദുരിതതിമിരചന്ദ്രോ യോഗിനാം ജ്ഞാനചന്ദ്രഃ ।
പ്രണതനയനചന്ദ്രോ മൈഥിലീനേത്രചന്ദ്രോ
85
ദശമുഖരിപുചന്ദ്രഃ പാതു മാം രാമചന്ദ്രഃ ॥ 85
യന്നാമൈവ സഹസ്രനാമസദൃശം യന്നാമ വേദൈസ്സമം
യന്നാമാങ്കിതവാക്യ-മാസുരബലസ്ത്രീഗര്ഭവിച്ഛേദനമ് ।
യന്നാമ ശ്വപചാര്യഭേദരഹിതം മുക്തിപ്രദാനോജ്ജ്വലം
86
തന്നാമാഽലഘുരാമരാമരമണം ശ്രീരാമനാമാമൃതമ് ॥ 86
രാജീവനേത്ര രഘുപുങ്ഗവ രാമഭദ്ര
രാകേന്ദുബിമ്ബസദൃശാനന നീലഗാത്ര ।
രാമാഽഭിരാമ രഘുവംശസമുദ്ഭവ ത്വം
87
ശ്രീരാമചന്ദ്ര മമ ദേഹി കരാവലമ്ബമ് ॥ 87
മാണിക്യമഞ്ജീരപദാരവിന്ദം
രാമാര്കസമ്ഫുല്ലമുഖാരവിന്ദമ് ।
ഭക്താഭയപ്രാപികരാരവിന്ദാം
88
ദേവീം ഭജേ രാഘവവല്ലഭാം താമ് ॥ 88
ജയതു വിജയകാരീ ജാനകീമോദകാരീ
തപനകുലവിഹാരീ ദണ്ഡകാരണ്യചാരീ ।
ദശവദനകുഠാരീ ദൈത്യവിച്ഛേദകാരീ
89
മണിമകുടകധാരീ ചണ്ഡകോദണ്ഡധാരീ ॥ 89
രാമഃ പിതാ രഘവ ഏവ മാതാ
രാമസ്സുബന്ധുശ്ച സഖാ ഹിതശ്ച ।
രാമോ ഗുരുര്മേ പരമം ച ദൈവം
90
രാമം വിനാ നാഽന്യമഹം സ്മരാമി ॥ 90
ശ്രീരാമ മേ ത്വം ഹി പിതാ ച മാതാ
ശ്രീരാമ മേ ത്വം ഹി സുഹൃച്ച ബന്ധുഃ ।
ശ്രീരാമ മേ ത്വം ഹി ഗുരുശ്ച ഗോഷ്ഠീ
91
ശ്രീരാമ മേ ത്വം ഹി സമസ്തമേവ ॥ 91
രാമചന്ദ്രചരിതാമൃതപാനം
സോമപാനശതകോടിസമാനമ് ।
സോമപാനശതകോടിഭിരീയാ-
92
ജ്ജന്മ നൈതി രഘുനായകനാമ്നാ ॥ 92
രാമ രാമ ദയാസിന്ധോ രാവണാരേ ജഗത്പതേ ।
93
ത്വത്പാദകമലാസക്തി-ര്ഭവേജ്ജന്മനി ജന്മനി ॥ 93
ശ്രീരാമചന്ദ്രേതി ദയാപരേതി
ഭക്തപ്രിയേതി ഭവബന്ധനമോചനേതി ।
നാഥേതി നാഗശയനേതി സദാ സ്തുവന്തം
94
മാം പാഹി ഭീതമനിശം കൃപണം കൃപാലോ ॥ 94
അയോധ്യാനാഥ രാജേന്ദ്ര സീതാകാന്ത ജഗത്പതേ ।
95
ശ്രീരാമ പുണ്ഡരീകാക്ഷ രാമചന്ദ്ര നമോഽസ്തു തേ ॥ 95
ഹേ രാമ ഹേ രമണ ഹേ ജഗദേകവീര
ഹേ നാഥ ഹേ രഘുപതേ കരുണാലവാല ।
ഹേ ജാനകീരമണ ഹേ ജഗദേകബന്ധോ
96
മാം പാഹി ദീനമനിശം കൃപണം കൃതഘ്നമ് ॥ 96
ജാനാതി രാമ തവ തത്ത്വഗതിം ഹനൂമാന് ।
ജാനാതി രാമ തവ സഖ്യഗതിം കപീശഃ ।
ജാനാതി രാമ തവ യുദ്ധഗതിം ദശാസ്യോ ।
97
ജാനാതി രാമ ധനദാനുജ ഏവ സത്യമ് ॥ 97
സേവ്യം ശ്രീരാമമന്ത്രം ശ്രവണശുഭകരം ശ്രേഷ്ഠസുജ്ഞാനിമന്ത്രം
സ്തവ്യം ശ്രീരാമമന്ത്രം നരകദുരിതദുര്വാരനിര്ഘാതമന്ത്രമ് ।
ഭവ്യം ശ്രീരാമമന്ത്രം ഭജതു ഭജതു സംസാരനിസ്താരമന്ത്രം
98
ദിവ്യം ശ്രീരാമമന്ത്രം ദിവി ഭുവി വിലസന്മോക്ഷരക്ഷൈകമന്ത്രമ് ॥ 98
നിഖിലനിലയമന്ത്രം നിത്യതത്ത്വാഖ്യമന്ത്രം
ഭവകുലഹരമന്ത്രം ഭൂമിജാപ്രാണമന്ത്രമ് ।
പവനജനുതമന്ത്രം പാര്വതീമോക്ഷമന്ത്രം
99
പശുപതിനിജമന്ത്രം പാതു മാം രാമമന്ത്രമ് ॥ 99
പ്രണവനിലയമന്ത്രം പ്രാണനിര്വാണമന്ത്രം
പ്രകൃതിപുരുഷമന്ത്രം ബ്രഹ്മരുദ്രേന്ദ്രമന്ത്രമ് ।
പ്രകടദുരിതരാഗദ്വേഷനിര്ണാശമന്ത്രം
100
രഘുപതിനിജമന്ത്രം രാമരാമേതിമന്ത്രമ് ॥ 100
ദശരഥസുതമന്ത്രം ദൈത്യസംഹാരമന്ത്രം
വിബുധവിനുതമന്ത്രം വിശ്വവിഖ്യാതമന്ത്രമ് ।
മുനിഗണനുതമന്ത്രം മുക്തിമാര്ഗൈകമന്ത്രം
101
രഘുപതിനിജമന്ത്രം രാമരാമേതിമന്ത്രമ് ॥ 101
സംസാരസാഗരഭയാപഹവിശ്വമന്ത്രം
സാക്ഷാന്മുമുക്ഷുജനസേവിതസിദ്ധമന്ത്രമ് ।
സാരങ്ഗഹസ്തമുഖഹസ്തനിവാസമന്ത്രം
102
കൈവല്യമന്ത്രമനിശം ഭജ രാമമന്ത്രമ് ॥ 102
ജയതു ജയതു മന്ത്രം ജന്മസാഫല്യമന്ത്രം
ജനനമരണഭേദക്ലേശവിച്ഛേദമന്ത്രമ് ।
സകലനിഗമമന്ത്രം സര്വശാസ്ത്രൈകമന്ത്രം
103
രഘുപതിനിജമന്ത്രം രാമരാമേതിമന്ത്രമ് ॥ 103
ജഗതി വിശദമന്ത്രം ജാനകീപ്രാണമന്ത്രം
വിബുധവിനുതമന്ത്രം വിശ്വവിഖ്യാതമന്ത്രമ് ।
ദശരഥസുതമന്ത്രം ദൈത്യസംഹാരമന്ത്രം
104
രഘുപതിനിജമന്ത്രം രാമരാമേതിമന്ത്രമ് ॥ 104
ബ്രഹ്മാദിയോഗിമുനിപൂജിതസിദ്ധമന്ത്രം
ദാരിദ്ര്യദുഃഖഭവരോഗവിനാശമന്ത്രമ് ।
സംസാരസാഗരസമുത്തരണൈകമന്ത്രം
105
വന്ദേ മഹാഭയഹരം രഘുരാമമന്ത്രമ് ॥ 105
ശത്രുച്ഛേദൈകമന്ത്രം സരസമുപനിഷദ്വാക്യസമ്പൂജ്യമന്ത്രം
സംസാരോത്താരമന്ത്രം സമുചിതസമയേ സങ്ഗനിര്യാണമന്ത്രമ് ।
സര്വൈശ്വര്യൈകമന്ത്രം വ്യസനഭുജഗസന്ദഷ്ടസന്ത്രാണമന്ത്രം
106
ജിഹ്വേ ശ്രീരാമമന്ത്രം ജപ ജപ സഫലം ജന്മസാഫല്യമന്ത്രമ് ॥ 106
നിത്യം ശ്രീരാമമന്ത്രം നിരുപമമധികം നീതിസുജ്ഞാനമന്ത്രം
സത്യം ശ്രീരാമമന്ത്രം സദമലഹൃദയേ സര്വദാരോഗ്യമന്ത്രമ് ।
സ്തുത്യം ശ്രീരാമമന്ത്രം സുലലിതസുമനസ്സൌഖ്യസൌഭാഗ്യമന്ത്രം
107
പഠ്യം ശ്രീരാമമന്ത്രം പവനജവരദം പാതു മാം രാമമന്ത്രമ് ॥ 107
വ്യാമോഹപ്രശമൌഷധം മുനിമനോവൃത്തിപ്രവൃത്ത്യൌഷധം
ദൈത്യോന്മൂലകരൌഷധം ഭവഭയപ്രധ്വംസനൈകൌഷധമ് ।
ഭക്താനന്ദകരൌഷധം ത്രിഭുവനേ സഞ്ജീവനൈകൌഷധം
108
ശ്രേയഃ പ്രാപ്തികരൌഷധം പിബ മനഃ ശ്രീരാമനാമൌഷധമ് ॥ 108
സകലഭുവനരത്നം സര്വശാസ്ത്രാര്ഥരത്നം
സമരവിജയരത്നം സച്ചിദാനന്ദരത്നമ് ।
ദശമുഖഹരരത്നം ദാനവാരാതിരത്നം
109
രഘുകുലനൃപരത്നം പാതു മാം രാമരത്നമ് ॥ 109
സകലഭുവനരത്നം സച്ചിദാനന്ദരത്നം
സകലഹൃദയരത്നം സൂര്യബിമ്ബാന്തരത്നമ് ।
വിമലസുകൃതരത്നം വേദവേദാന്തരത്നം
110
പുരഹരജപരത്നം പാതു മാം രാമരത്നമ് ॥ 110
നിഗമശിഖരരത്നം നിര്മലാനന്ദരത്നം
നിരുപമഗുണരത്നം നാദനാദാന്തരത്നമ് ।
ദശരഥകുലരത്നം ദ്വാദശാന്തസ്സ്ഥരത്നം
111
പശുപതിജപരത്നം പാതു മാം രാമരത്നമ് ॥ 111
ശതമഖസുതരത്നം ഷോഡശാന്തസ്സ്ഥരത്നം
മുനിജനജപരത്നം മുഖ്യവൈകുണ്ഠരത്നമ് ।
നിരുപമഗുണരത്നം നീരജാന്തസ്സ്ഥരത്നം
112
പരമപദവിരത്നം പാതു മാം രാമരത്നമ് ॥ 112
സകലസുകൃതരത്നം സത്യവാക്യാര്ഥരത്നം
ശമദമഗുണരത്നം ശാശ്വതാനന്ദരത്നമ് ।
പ്രണയനിലയരത്നം പ്രസ്ഫുടദ്യോതിരത്നം
113
പരമപദവിരത്നം പാതു മാം രാമരത്നമ് ॥ 113
നിഗമശിഖരരത്നം നിത്യമാശാസ്യരത്നം
ജനനുതനൃപരത്നം ജാനകീരൂപരത്നമ് ।
ഭുവനവലയരത്നം ഭൂഭുജാമേകരത്നം
114
രഘുകുലവരരത്നം പാതു മാം രാമരത്നമ് ॥ 114
വിശാലനേത്രം പരിപൂര്ണഗാത്രം
സീതാകലത്രം സുരവൈരിജൈത്രമ് ।
കാരുണ്യപാത്രം ജഗതഃ പവിത്രം
115
ശ്രീരാമരത്നം പ്രണതോഽസ്മി നിത്യമ് ॥ 115
ഹേ ഗോപാലക ഹേ ദയാജലനിധേ ഹേ സദ്ഗുണാമ്ഭോനിധേ
ഹേ ദൈത്യാന്തക ഹേ വിഭീഷണദയാപരീണ ഹേ ഭൂപതേ ।
ഹേ വൈദേഹസുതാമനോജവിഹൃതേ ഹേ കോടിമാരാകൃതേ
116
ഹേ നവ്യാമ്ബുജനേത്ര പാലയ പരം ജാനാമി ന ത്വാം വിനാ ॥ 116
യസ്യ കിഞ്ചിദപി നോ ഹരണീയം
കര്മ കിഞ്ചിദപി നോ ചരണീയമ് ।
രാമനാമ ച സദാ സ്മരണീയം
117
ലീലയാ ഭവജലം തരണീയമ് ॥ 117
ദശരഥസുതമീശം ദണ്ഡകാരണ്യവാസം
ശതമഖമണിനീലം ജാനകീപ്രാണലോലമ് ।
സകലഭുവനമോഹം സന്നുതാമ്ഭോദദേഹം
118
ബഹുലനുതസമുദ്രം ഭാവയേ രാമഭദ്രമ് ॥ 118
വിശാലനേത്രം പരിപൂര്ണഗാത്രം
സീതാകലത്രം സുരവൈരിജൈത്രമ് ।
ജഗത്പവിത്രം പരമാത്മതന്ത്രം
119
ശ്രീരാമചന്ദ്രം പ്രണമാമി ചിത്തേ ॥ 119
ജയ ജയ രഘുരാമ ശ്രീമുഖാമ്ഭോജഭാനോ
ജയ ജയ രഘുവീര ശ്രീമദമ്ഭോജനേത്ര ।
ജയ ജയ രഘുനാഥ ശ്രീകരാഭ്യര്ചിതാങ്ഘ്രി
120
ജയ ജയ രഘുവര്യ ശ്രീശ കാരുണ്യസിന്ധോ ॥ 120
മന്ദാരമൂലേ മണിപീഠസംസ്ഥം
സുധാപ്ലുതം ദിവ്യവിരാട്സ്വരൂപമ് ।
സബിന്ദുനാദാന്തകലാന്തതുര്യ-
121
മൂര്തിം ഭജേഽഹം രഘുവംശരത്നമ് ॥ 121
നാദം നാദവിനീലചിത്തപവനം നാദാന്തത്ത്വപ്രിയം
നാമാകാരവിവര്ജിതം നവഘനശ്യാമാങ്ഗനാദപ്രിയമ് ।
നാദാമ്ഭോജമരന്ദമത്തവിലസദ്ഭൃങ്ഗം മദാന്തസ്സ്ഥിതം
122
നാദാന്തധൃവമണ്ഡലാബ്ജരുചിരം രാമം ഭജേ താരകമ് ॥ 122
നാനാഭൂതഹൃദബ്ജപദ്മനിലയം നാമോജ്ജ്വലാഭൂഷണമ് ।
നാമസ്തോത്രപവിത്രിതത്രിഭുവനം നാരായണാഷ്ടാക്ഷരമ് ।
നാദാന്തേന്ദുഗലത്സുധാപ്ലുതതനും നാനാത്മചിന്മാത്രകമ് ।
123
നാനാകോടിയുഗാന്തഭാനുസദൃശം രാമം ഭജേ താരകമ് ॥ 123
വേദ്യം വേദഗുരും വിരിഞ്ചിജനകം വേദാന്തമൂര്തിം സ്ഫുര-
ദ്വേദം വേദകലാപമൂലമഹിമാധാരാന്തകന്ദാങ്കുരമ് ।
വേദശൃങ്ഗസമാനശേഷശയനം വേദാന്തവേദ്യാത്മകം
124
വേദാരാധിതപാദപങ്കജമഹം രാമം ഭജേ താരകമ് ॥ 124
മജ്ജീവം മദനുഗ്രഹം മദധിപം മദ്ഭാവനം മത്സുഖം
മത്താതം മമ സദ്ഗുരും മമ വരം മോഹാന്ധവിച്ഛേദനമ് ।
മത്പുണ്യം മദനേകബാന്ധവജനം മജ്ജീവനം മന്നിധിം
125
മത്സിദ്ധിം മമ സര്വകര്മസുകൃതം രാമം ഭജേ താരകമ് ॥ 125
നിത്യം നീരജലോചനം നിരുപമം നീവാരശൂകോപമം
നിര്ഭേദാനുഭവം നിരന്തരഗുണം നീലാങ്ഗരാഗോജ്ജ്വലമ് ।
നിഷ്പാപം നിഗമാഗമാര്ചിതപദം നിത്യാത്മകം നിര്മലം
126
നിഷ്പുണ്യം നിഖിലം നിരഞ്ജനപദം രാമം ഭജേ താരകമ് ॥ 126
ധ്യായേ ത്വാം ഹൃദയാമ്ബുജേ രഘുപതിം വിജ്ഞാനദീപാങ്കുരം
ഹംസോഹംസപരമ്പരാദിമഹിമാധാരം ജഗന്മോഹനമ് ।
ഹസ്താമ്ഭോജഗദാബ്ജചക്രമതുലം പീതാമ്ബരം കൌസ്തുഭം
127
ശ്രീവത്സം പുരുഷോത്തമം മണിനിഭം രാമം ഭജേ താരകമ് ॥ 127
സത്യജ്ഞാനമനന്തമച്യുതമജം ചാവ്യാകൃതം തത്പരം
കൂടസ്ഥാദിസമസ്തസാക്ഷിമനഘം സാക്ഷാദ്വിരാട്തത്ത്വദമ് ।
വേദ്യം വിശ്വമയം സ്വലീനഭുവനസ്വാരാജ്യസൌഖ്യപ്രദം
128
പൂര്ണം പൂര്ണതരം പുരാണപുരുഷം രാമം ഭജേ താരകമ് ॥ 128
രാമം രാക്ഷസവംശനാശനകരം രാകേന്ദുബിമ്ബാനനം
രക്ഷോരിം രഘുവംശവര്ധനകരം രക്താധരം രാഘവമ് ।
രാധായാത്മനിവാസിനം രവിനിഭം രമ്യം രമാനായകം
129
രന്ധ്രാന്തര്ഗതശേഷശായിനമഹം രാമം ഭജേ താരകമ് ॥ 129
ഓതപ്രോതസമസ്തവസ്തുനിചയം ഓങ്കാരബീജാക്ഷരം
ഓങ്കാരപ്രകൃതിം ഷഡക്ഷരഹിതം ഓങ്കാരകന്ദാങ്കുരമ് ।
ഓങ്കാരസ്ഫുടഭൂര്ഭുവസ്സുപരിതം ഓഘത്രയാരാധിതമ്
130
ഓങ്കാരോജ്ജ്വലസിംഹപീഠനിലയം രാമം ഭജേ താരകമ് ॥ 130
സാകേതേ നഗരേ സമസ്തസുഖദേ ഹര്മ്യേഽബ്ജകോടിദ്യുതേ
നക്ഷത്രഗ്രഹപങ്ക്തിലഗ്നശിഖരേ ചാന്തര്യപങ്കേരുഹേ ।
വാല്മീകാത്രിപരാശരാദിമുനിഭിസ്സംസേവ്യമാനം സ്ഥിതം
131
സീതാലങ്കൃതവാമഭാഗമനിശം രാമം ഭജേ താരകമ് ॥ 131
വൈകുണ്ഠേ നഗരേ സുരദ്രുമതലേ ചാനന്ദവപ്രാന്തരേ
നാനാരത്നവിനിര്മിതസ്ഫുടപടുപ്രാകാരസംവേഷ്ടിതേ ।
സൌധേന്ദൂപലശേഷതല്പലലിതേ നീലോത്പലച്ഛാദിതേ
132
പര്യങ്കേ ശയനം രമാദിസഹിതം രാമം ഭജേ താരകമ് ॥ 132
വന്ദേ രാമമനാദിപൂരുഷമജം വന്ദേ രമാനായകം
വന്ദേ ഹാരികിരീടകുണ്ഡലധരം വന്ദേ സുനീലദ്യുതിമ് ।
വന്ദേ ചാപകലമ്ബകോജ്ജ്വലകരം വന്ദേ ജഗന്മങ്ഗലം
133
വന്ദേ പങ്ക്തിരഥാത്മജം മമ ഗുരും വന്ദേ സദാ രാഘവമ് ॥ 133
വന്ദേ ശൌനകഗൌതമാദ്യഭിനുതം വന്ദേ ഘനശ്യാമലം
വന്ദേ താരകപീഠമധ്യനിലയം വന്ദേ ജഗന്നായകമ് ।
വന്ദേ ഭക്തജനൌഘദേവിവടപം വന്ദേ ധനുര്വല്ലഭം
134
വന്ദേ തത്ത്വമസീതിവാക്യജനകം വന്ദേ സദാ രാഘവമ് ॥ 134
വന്ദേ സൂര്യശശാങ്കലോചനയുഗം വന്ദേ ജഗത്പാവനം
വന്ദേ പത്രസഹസ്രപദ്മനിലയം വന്ദേ പുരാരിപ്രിയമ് ।
വന്ദേ രാക്ഷസവംശനാശനകരം വന്ദേ സുധാശീതലം
135
വന്ദേ ദേവകപീന്ദ്രകോടിവിനുതം വന്ദേ സദാ രാഘവമ് ॥ 135
വന്ദേ സാഗരഗര്വഭങ്ഗവിശിഖം വന്ദേ ജഗജ്ജീവനം
വന്ദേ കൌശികയാഗരക്ഷണകരം വന്ദേ ഗുരുണാം ഗുരുമ് ।
വന്ദേ ബാണശരാസനോജ്ജ്വലകരം വന്ദേ ജടാവല്കലം
136
വന്ദേ ലക്ഷ്മണഭൂമിജാന്വിതമഹം വന്ദേ സദാ രാഘവമ് ॥ 136
വന്ദേ പാണ്ഡരപുണ്ഡരീകനയനം വന്ദേഽബ്ജബിമ്ബാനനം
വന്ദേ കമ്ബുഗലം കരാബ്ജയുഗലം വന്ദേ ലലാടോജ്ജ്വലമ് ।
വന്ദേ പീതദുകൂലമമ്ബുദനിഭം വന്ദേ ജഗന്മോഹനം
137
വന്ദേ കാരണമാനുഷോജ്ജ്വലതനും വന്ദേ സദാ രാഘവമ് ॥ 137
വന്ദേ നീലസരോജകോമലരുചിം വന്ദേ ജഗദ്വന്ദിതം
വന്ദേ സൂര്യകുലാബ്ധികൌസ്തുഭമണിം വന്ദേ സുരാരാധിതമ് ।
വന്ദേ പാതകപഞ്ചകപ്രഹരണം വന്ദേ ജഗത്കാരണം
138
വന്ദേ വിംശതിപഞ്ചതത്ത്വരഹിതം വന്ദേ സദാ രാഘവമ് ॥ 138
വന്ദേ സാധകവര്ഗകല്പകതരും വന്ദേ ത്രിമൂര്ത്യാത്മകം
വന്ദേ നാദലയാന്തരസ്ഥലഗതം വന്ദേ ത്രിവര്ഗാത്മകമ് ।
വന്ദേ രാഗവിഹീനചിത്തസുലഭം വന്ദേ സഭാനായകം
139
വന്ദേ പൂര്ണദയാമൃതാര്ണവമഹം വന്ദേ സദാ രാഘവമ് ॥ 139
വന്ദേ സാത്ത്വികതത്ത്വമുദ്രിതതനും വന്ദേ സുധാദായകം
വന്ദേ ചാരുചതുര്ഭുജം മണിനിഭം വന്ദേ ഷഡബ്ജസ്ഥിതമ് ।
വന്ദേ ബ്രഹ്മപിപീലികാദിനിലയം വന്ദേ വിരാട്വിഗ്രഹം
140
വന്ദേ പന്നഗതല്പശായിനമഹം വന്ദേ സദാ രാഘവമ് ॥ 140
സിംഹാസനസ്ഥം മുനിസിദ്ധസേവ്യം
രക്തോത്പലാലങ്കൃതപാദപദ്മമ് ।
സീതാസമേതം ശശിസൂര്യനേത്രം
141
രാമം ഭജേ രാഘവരാമചന്ദ്രമ് ॥ 141
ശ്രീരാമഭദ്രാശ്രിതസദ്ഗുരൂണാം
പാദാരവിന്ദം ഭജതാം നരാണാമ് ।
ആരോഗ്യമൈശ്വര്യമനന്തകീര്തി-
142
രന്തേ ച വിഷ്ണോഃ പദമസ്തി സത്യമ് ॥ 142
ദശരഥവരപുത്രം ജാനകീസത്കലത്രം
ദശമുഖഹരദക്ഷം പദ്മപത്രായതാക്ഷമ് ।
കരധൃതശരചാപം ചാരുമുക്താകലാപം
143
രഘുകുലനൃവരേണ്യം രാമമീഡേ ശരണ്യമ് ॥ 143
ദശമുഖഗജസിംഹം ദൈത്യഗര്വാതിരംഹം
കദനഭയദഹസ്തം താരകബ്രഹ്മ ശസ്തമ് ।
മണിഖചിതകിരീടം മഞ്ജുലാലാപവാടം
144
ദശരഥകുലചന്ദ്രം രാമചന്ദ്രം ഭജേഽഹമ് ॥ 144
രാമം രക്തസരോരുഹാക്ഷമമലം ലങ്കാധിനാഥാന്തകം
കൌസല്യാനയനോത്സുകം രഘുവരം നാഗേന്ദ്രതല്പസ്ഥിതമ് ।
വൈദേഹീകുചകുമ്ഭകുങ്കുമരജോലങ്കാരഹാരം ഹരിം
145
മായാമാനുഷവിഗ്രഹം രഘുപതിം സീതാസമേതം ഭജേ ॥ 145
രാമം രാക്ഷസമര്ദനം രഘുവരം ദൈതേയഭിധ്വംസിനം
സുഗ്രീവേപ്സിതരാജ്യദം സുരപതേര്ഭീത്യന്തകം ശാര്‍ങ്ഗിണമ് ।
ഭക്താനാമഭയപ്രദം ഭയഹരം പാപൌഘവിധ്വംസിനം
146
സാമീരിസ്തുതപാദപദ്മയുഗലം സീതാസമേതം ഭജേ ॥ 146
യത്പാദാമ്ബുജരേണുനാ മുനിസതീ മുക്തിങ്ഗതാ യന്മഹഃ
പുണ്യം പാതകനാശനം ത്രിജഗതാം ഭാതി സ്മൃതം പാവനമ് ।
സ്മൃത്വാ രാഘവമപ്രമേയമമലം പൂര്ണേന്ദുമന്ദസ്മിതം
147
തം രാമം സരസീരുഹാക്ഷമമലം സീതാസമേതം ഭജേ ॥ 147
വൈദേഹീകുചമണ്ഡലാഗ്ര-വിലസന്മാണിക്യഹസ്താമ്ബുജം
ചഞ്ചത്കങ്കണഹാരനൂപുര-ലസത്കേയൂരഹാരാന്വിതമ് ।
ദിവ്യശ്രീമണികുണ്ഡലോജ്ജ്വല-മഹാഭൂഷാസഹസ്രാന്വിതം
148
വീരശ്രീരഘുപുങ്ഗവം ഗുണനിധിം സീതാസമേതം ഭജേ ॥ 148
വൈദേഹീകുചമണ്ഡലോപരി-ലസന്മാണിക്യഹാരാവലീ-
മധ്യസ്ഥം നവനീതകോമലരുചിം നീലോത്പലശ്യാമലമ് ।
കന്ദര്പായുതകോടിസുന്ദരതനും പൂര്ണേന്ദുബിമ്ബാനനം
149
കൌസല്യാകുലഭൂഷണം രഘുപതിം സീതാസമേതം ഭജേ ॥ 149
ദിവ്യാരണ്യയതീന്ദ്രനാമനഗരേ മധ്യേ മഹാമണ്ടപേ
സ്വര്ണസ്തമ്ഭസഹസ്രഷോഡശയുതേ മന്ദാരമൂലാശ്രിതേ ।
നാനാരത്നവിചിത്രനിര്മലമഹാസിംഹാസനേ സംസ്ഥിതം
150
സീതാലക്ഷ്മണസേവിതം രഘുപതിം സീതാസമേതം ഭജേ ॥ 150
കസ്തൂരീതിലകം കപീന്ദ്രഹരണം കാരുണ്യവാരാന്നിധിം
ക്ഷീരാമ്ഭോധിസുതാമുഖാബ്ജമധുപം കല്യാണസമ്പന്നിധിമ് ।
കൌസല്യാനയനോത്സുകം കപിവരത്രാണം മഹാപൌരുഷം
151
കൌമാരപ്രിയമര്കകോടിസദൃശം സീതാസമേതം ഭജേ ॥ 151
വിദ്യുത്കോടിദിവാകരദ്യുതിനിഭം ശ്രീകൌസ്തുഭാലങ്കൃതം
യോഗീന്ദ്രൈസ്സനകാദിഭിഃ പരിവൃതം കൈലാസനാഥപ്രിയമ് ।
മുക്താരത്നകിരീടകുണ്ഡലധരം ഗ്രൈവേയഹാരാന്വിതം
152
വൈദേഹീകുചസന്നിവാസമനിശം സീതാസമേതം ഭജേ ॥ 152
മേഘശ്യാമലമമ്ബുജാതനയനം വിസ്തീര്ണവക്ഷസ്സ്ഥലം
ബാഹുദ്വന്ദ്വവിരാജിതം സുവദനം ശോണാങ്ഘ്രിപങ്കേരുഹമ് ।
നാനാരത്നവിചിത്രഭൂഷണയുതം കോദണ്ഡബാണാങ്കിതം
153
ത്രൈലോക്യാഽപ്രതിമാനസുന്ദരതനും സീതാസമേതം ഭജേ ॥ 153
വൈദേഹീയുതവാമഭാഗമതുലം വന്ദാരുമന്ദാരകം
വന്ദേ പ്രസ്തുതകീര്തിവാസിതതരുച്ഛായാനുകാരിപ്രഭമ് ।
വൈദേഹീകുചകുങ്കുമാങ്കിതമഹോരസ്കം മഹാഭൂഷണം
154
വേദാന്തൈരുപഗീയമാനമസകൃത്സീതാസമേതം ഭജേ ॥ 154
ദേവാനാം ഹിതകാരണേന ഭുവനേ ധൃത്വാഽവതാരം ധ്രുവം
രാമം കൌശികയജ്ഞവിഘ്നദലനം തത്താടകാസംഹരമ് ।
നിത്യം ഗൌതമപത്നിശാപദലനശ്രീപാദരേണും ശുഭം
155
ശമ്ഭോരുത്കടചാപഖണ്ഡനമഹാസത്വം ഭജേ രാഘവമ് ॥ 155
ശ്രീരാമം നവരത്നകുണ്ഡലധരം ശ്രീരാമരക്ഷാമണിം
ശ്രീരാമം ച സഹസ്രഭാനുസദൃശം ശ്രീരാമചന്ദ്രോദയമ് ।
ശ്രീരാമം ശ്രുതകീര്തിമാകരമഹം ശ്രീരാമമുക്തിപ്രദം
156
ശ്രീരാമം രഘുനന്ദനം ഭയഹരം ശ്രീരാമചന്ദ്രം ഭജേ ॥ 156
രാമമിന്ദീവരശ്യാമം രാജീവായതലോചനമ് ।
157
ജ്യാഘോഷനിര്ജിതാരാതിം ജാനകീരമണം ഭജേ ॥ 157
ദീര്ഘബാഹുമരവിന്ദലോചനം
ദീനവത്സലമനാഥരക്ഷകമ് ।
ദീക്ഷിതം സകലലോകരക്ഷണേ
158
ദൈവതം ദശരഥാത്മജം ഭജേ ॥ 158
പ്രാതസ്സ്മരാമി രഘുനാഥമുഖാരവിന്ദം
മന്ദസ്മിതം മധുരഭാഷി വിശാലഫാലമ് ।
കര്ണാവലമ്ബിചലകുണ്ഡലഗണ്ഡഭാഗം
159
കര്ണാന്തദീര്ഘനയനം നയനാഭിരാമമ് ॥ 159
പ്രാതര്ഭജാമി രഘുനാഥകരാരവിന്ദം
രക്ഷോഗണായ ഭയദം വരദം നിജേഭ്യഃ ।
യദ്രാജസംസദി വിഭിദ്യ മഹേശചാപം
160
സീതാകരഗ്രഹണമങ്ഗലമാപ സദ്യഃ ॥ 160
പ്രാതര്നമാമി രഘുനാഥപദാരവിന്ദം
പദ്മാങ്കുശാദിശുഭരേഖശുഭാവഹം ച ।
യോഗീന്ദ്രമാനസമധുവ്രതസേവ്യമാനം
161
ശാപാപഹം സപദി ഗൌതമധര്മപത്ന്യാഃ ॥ 161
പ്രാതര്വദാമി വചസാ രഘുനാഥനാമ
വാഗ്ദോഷഹാരി സകലം കലുഷം നിഹന്തൃ ।
യത്പാര്വതീ സ്വപതിനാ സഹ ഭോക്തുകാമാ
162
പ്രീത്യാ സഹസ്രഹരിനാമസമം ജജാപ ॥ 162
പ്രാതഃ ശ്രയേ ശ്രുതിനുതം രഘുനാഥമൂര്തിം
നീലാമ്ബുദോത്പലസിതേതരരത്നനീലാമ് ।
ആമുക്തമൌക്തികവിശേഷവിഭൂഷണാഢ്യാം
163
ധ്യേയാം സമസ്തമുനിഭിര്നിജഭൃത്യമുഖ്യൈഃ ॥ 163
രഘുകുലവരനാഥോ ജാനകീപ്രാണനാഥഃ
പിതൃവചനവിധാതാ കീശരാജ്യപ്രദാതാ ।
പ്രതിനിശിചരനാശഃ പ്രാപ്തരാജ്യപ്രവേശോ
164
വിഹിതഭുവനരക്ഷഃ പാതു പദ്മായതാക്ഷഃ ॥ 164
കുവലയദലനീലഃ പീതവാസാഃ സ്മിതാസ്യോ
വിവിധരുചിരഭൂഷാഭൂഷിതോ ദിവ്യമൂര്തിഃ ।
ദശരഥകുലനാഥോ ജാനകീപ്രാണനാഥോ
165
നിവസതു മമ ചിത്തേ സര്വദാ രാമചന്ദ്രഃ ॥ 165
ജയതു ജയതു രാമോ ജാനകീവല്ലഭോഽയം
ജയതു ജയതു രാമശ്ചന്ദ്രചൂഡാര്ചിതാങ്ഘ്രിഃ ।
ജയതു ജയതു വാണീനാഥനാഥഃ പരാത്മാ
166
ജയതു ജയതു രാമോഽനാഥനാഥഃ കൃപാലുഃ ॥ 166
വദതു വദതു വാണീ രാമരാമേതി നിത്യം
ജയതു ജയതു ചിത്തം രാമപാദാരവിന്ദമ് ।
നമതു നമതു ദേഹം സന്തതം രാമചന്ദ്രം
167
ന ഭവതു മമ പാപം ജന്മജന്മാന്തരേഷു ॥ 167
ആനന്ദരൂപം വരദം പ്രസന്നം
സിംഹേക്ഷണം സേവകപാരിജാതമ് ।
നീലോത്പലാങ്ഗം ഭുവനൈകമിത്രം
168
രാമം ഭജേ രാഘവരാമചന്ദ്രമ് ॥ 168
ലങ്കാവിരാമം രണരങ്ഗഭീമം
രാജീവനേത്രം രഘുവംശമിത്രമ് ।
കാരുണ്യമൂര്തിം കരുണാപ്രപൂര്തിം
169
ശ്രീരാമചന്ദ്രം ശരണം പ്രപദ്യേ ॥ 169
സുഗ്രീവമിത്രം പരമം പവിത്രം
സീതാകലത്രം നവഹേമസൂത്രമ് ।
കാരുണ്യപാത്രം ശതപത്രനേത്രം
170
ശ്രീരാമചന്ദ്രം ശിരസാ നമാമി ॥ 170
ശ്രീരാഘവേതി രമണേതി രഘൂദ്വഹേതി
രാമേതി രാവണഹരേതി രമാധവേതി ।
സാകേതനാഥസുമുഖേതി ച സുവ്രതേതി
171
വാണീ സദാ വദതു രാമ ഹരേ ഹരേതി ॥ 171
ശ്രീരാമനാമാമൃതമന്ത്രബീജം
സഞ്ജീവനം ചേന്മനസി പ്രതിഷ്ഠമ് ।
ഹാലാഹലം വാ പ്രലയാനലം വാ
172
മൃത്യോര്മുഖം വാ വിതഥീകരോതി ॥ 172
കിം യോഗശാസ്ത്രൈഃ കിമശേഷവിദ്യാ
കിം യാഗഗങ്ഗാദിവിശേഷതീര്ഥൈഃ ।
കിം ബ്രഹ്മചര്യാശ്രമസഞ്ചരേണ
173
ഭക്തിര്നചേത്തേ രഘുവംശകീര്ത്യാമ് ॥ 173
ഇദം ശരീരം ശ്ലഥസന്ധിജര്ഝരം
പതത്യവശ്യം പരിണാമപേശലമ് ।
കിമൌഷഥം പൃച്ഛസി മൂഢ ദുര്മതേ
174
നിരാമയം രാമകഥാമൃതം പിബ ॥ 174
ഹേ രാമഭദ്രാശ്രയ ഹേ കൃപാലോ
ഹേ ഭക്തലോകൈകശരണ്യമൂര്തേ ।
പുനീഹി മാം ത്വച്ചരണാരവിന്ദം
175
ജഗത്പവിത്രം ശരണം മമാഽസ്തു ॥ 175
നീലാഭ്രദേഹ നിഖിലേശ ജഗന്നിവാസ
രാജീവനേത്ര രമണീയഗുണാഭിരാമ ।
ശ്രീദാമ ദൈത്യകുലമര്ദന രാമചന്ദ്ര
176
ത്വത്പാദപദ്മമനിശം കലയാമി ചിത്തേ ॥ 176
ശ്രീരാമചന്ദ്ര കരുണാകര ദീനബന്ധോ
സീതാസമേത ഭരതാഗ്രജ രാഘവേശ ।
പാപാര്തിഭഞ്ജന ഭയാതുരദീനബന്ധോ
177
പാപാമ്ബുധൌ പതിതമുദ്ധര മാമനാഥമ് ॥ 177
ഇന്ദീവരദലശ്യാമ-മിന്ദുകോടിനിഭാനനമ് ।
175
കന്ദര്പകോടിലാവണ്യം വന്ദേഽഹം രഘുനന്ദനമ് ॥ 175
ഇതി ശ്രീബോധേന്ദ്രസരസ്വതീ കൃത ശ്രീരാമകര്ണാമൃതമ് ॥
Roman (IAST) Transliteration
maṅgalaślokāḥ
maṅgalaṃ bhagavānviṣṇurmaṅgalaṃ madhusūdanaḥ |
maṅgalaṃ puṇḍarīkākṣo maṅgalaṃ garuḍadhvajaḥ || 1
maṅgalaṃ kosalendrāya mahanīyaguṇābdhaye |
cakravartitanūjāya sārvabhaumāya maṅgalam || 2
vedavedāntavedyāya meghaśyāmalamūrtaye |
puṃsāṃ mohanarūpāya puṇyaślokāya maṅgalam || 3
viśvāmitrāntaraṅgāya mithilānagarīpateḥ |
bhāgyānāṃ paripākāya bhavyarūpāya maṅgalam || 4
pitṛbhaktāya satataṃ bhrātṛbhiḥ saha sītayā |
nanditākhilalokāya rāmacandrāya maṅgalam || 5
tyaktasāketavāsāya citrakūṭavihāriṇe |
sevyāya sarvayamināṃ dhīrodāttāya maṅgalam || 6
saumitriṇā ca jānakyā cāpabāṇāsidhāriṇā |
saṃsevyāya sadā bhaktyā sānujāyāstu maṅgalam || 7
daṇḍakāraṇyavāsāya khaṇḍitāmaraśatrave |
gṛdhrarājāya bhaktāya muktidāyāstu maṅgalam || 8
sādaraṃ śabarīdattaphalamūlābhilāṣiṇe |
saulabhyaparipūrṇāya sattvodyuktāya maṅgalam || 9
hanūmatsamavetāya harīśābhīṣṭadāyine |
vālipramathanāyāstu mahādhīrāya maṅgalam || 10
śrīmate raghuvīrāya setulaṅghitasindhave |
jitarākṣasarājāya raṇadhīrāya maṅgalam || 11
āsādya nagarīṃ divyāmabhiṣiktāya sītayā |
rājādhirājarājāya rāmabhadrāya maṅgalam || 12
vibhīṣaṇakṛte prītyā viśvābhīṣṭapradāyine |
jānakīprāṇanāthāya sadā rāmāya maṅgalam || 13
—-
śrīrāmaṃ trijagadguruṃ suravaraṃ sītāmanonāyakaṃ
śyāmāṅgaṃ śaśikoṭipūrṇavadanaṃ cañcatkalākaustubham |
saumyaṃ satyaguṇottamaṃ susarayūtīre vasantaṃ prabhuṃ
trātāraṃ sakalārthasiddhisahitaṃ vande raghūṇāṃ patim || 14
śrīrāghavaṃ daśarathātmajamaprameyaṃ
sītāpatiṃ raghuvarānvayaratnadīpam |
ājānubāhumaravindadalāyatākṣaṃ
rāmaṃ niśācaravināśakaraṃ namāmi || 15
śrīrāmacandra karuṇākara rāghavendra
rājendracandra raghuvaṃśasamudracandra |
sugrīvanetrayugalotpala-pūrṇacandra
sītāmanaḥkumudacandra namo namaste || 16
sītāmanomānasarājahaṃsa
saṃsārasantāpahara kṣamāvan |
śrīrāma daityāntaka śāntarūpa
śrītārakabrahma namo namaste || 17
viṣṇo rāghava vāsudeva nṛhare devaughacūḍāmaṇe |
saṃsārārṇavakarṇadhāraka hare kṛṣṇāya tubhyaṃ namaḥ || 18
sugrīvādisamastavānaravaraissaṃsevyamānaṃ sadā |
viśvāmitraparāśarādimunibhissaṃstūyamānaṃ bhaje || 19
rāmaṃ candanaśītalaṃ kṣitisutāmohākaraṃ śrīkaraṃ
vaidehīnayanāravindamihiraṃ sampūrṇacandrānanam |
rājānaṃ karuṇāsametanayanaṃ sītāmanonandanaṃ
sītādarpaṇacārugaṇḍalalitaṃ vande sadā rāghavam || 20
jānāti rāma tava nāmaruciṃ maheśo
jānāti gautamasatī caraṇaprabhāvam |
jānāti dorbalaparākramamīśacāpo
jānātyamoghapaṭubāṇagatiṃ payodhiḥ || 21
mātā rāmo matpitā rāmacandro
bhrātā rāmo matsakhā rāghaveśaḥ |
sarvasvaṃ me rāmacandro dāyālu-
rnānyaṃ daivaṃ naiva jāne na jāne || 22
vimalakamalanetraṃ visphurannīlagātraṃ
tapanakulapavitraṃ dānavadhvantamitram |
bhuvanaśubhacaritraṃ bhūmiputrīkalatraṃ
daśarathavaraputraṃ naumi rāmākhyamitram || 23
mārge mārge śākhināṃ ratnavedī
vedyāṃ vedyāṃ kinnarībṛndagītam |
gīte gīte mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 24
vṛkṣe vṛkṣe vīkṣitāḥ pakṣisaṅghāḥ
saṅghe saṅghe mañjulāmodavākyam |
vākye vākye mañjulālāpagoṣṭhī
goṣṭhyāṃ goṣṭhyāṃ tvatkathā rāmacandra || 25
duritatimiracandro duṣṭakañjātacandraḥ
surakuvalayacandrassūryavaṃśābdhicandraḥ |
svajananivahacandraśśatrurājīvacandraḥ
praṇatakumudacandraḥ pātu māṃ rāmacandraḥ || 26
kalyāṇadaṃ kauśikayajñapālaṃ
kalānidhiṃ kāñcanaśailadhīram |
kañjātanetraṃ karuṇāsamudraṃ
kākutstharāmaṃ kalayāmi citte || 27
rājīvāyatalocanaṃ raghuvaraṃ nīlotpalaśyāmalaṃ
mandārāñcitamaṇḍape sulalite sauvarṇake puṣpake |
āsthāne navaratnarājikhacite siṃhāsane saṃsthitaṃ
sītālakṣmaṇalokapālasahitaṃ vande munīndrāspadam || 28
dhyāye rāmaṃ sudhāṃśuṃ natasakalabhavāraṇyatāpaprahāram |
śyāmaṃ śāntaṃ surendraṃ suramunivinutaṃ koṭisūryaprakāśam |
sītāsaumitrisevyaṃ suranarasugamaṃ divyasiṃhāsanastham |
sāyāhne rāmacandraṃ smitaruciramukhaṃ sarvadā me prasannam || 29
indranīlamaṇisannibhadehaṃ
vandanīyamasakṛnmunibṛndaiḥ |
lambamānatulasīvanamālaṃ
cintayāmi satataṃ raghuvīram || 30
sampūrṇacandravadanaṃ sarasīruhākṣaṃ
māṇikyakuṇḍaladharaṃ mukuṭābhirāmam |
cāmpeyagauravasanaṃ śaracāpahastaṃ
śrīrāmacandramaniśaṃ manasā smarāmi || 31
mātuḥ pārśve carantaṃ maṇimayaśayane mañjubhūṣāñcitāṅgam |
mandaṃ mandaṃ pibantaṃ mukulitanayanaṃ stanyamanyastanāgram |
aṅgulyāgraiḥ spṛśantaṃ sukhaparavaśayā sasmitāliṅgitāṅgam |
gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32
rāmābhirāmaṃ nayanābhirāmaṃ
vācābhirāmaṃ vadanābhirāmam |
sarvābhirāmaṃ ca sadābhirāmaṃ
vande sadā dāśarathiṃ ca rāmam || 33
rāśabdoccāramātreṇa mukhānniryāti pātakāḥ |
punaḥ praveśabhītyā ca makārastu kavāṭavat || 34
anarghamāṇikyavirājamāna-
śrīpādukālaṅkṛtaśobhanābhyām |
aśeṣabṛndārakavanditābhyāṃ
namo namo rāmapadāmbujābhyām || 35
calatkanakakuṇḍalollasitadivyagaṇḍasthalaṃ
carācarajaganmayaṃ caraṇapadmagaṅgāśrayam |
caturvidhaphalapradaṃ caramapīṭhamadhyasthitaṃ
cidaṃśamakhilāspadaṃ daśarathātmajaṃ cintaye || 36
sanandanamunipriyaṃ sakalavarṇavedātmakaṃ
samastanigamāgamasphuritatattvasiṃhāsanam |
sahasranayanābjajādyamarabṛndasaṃsevitaṃ
samaṣṭipuravallabhaṃ daśarathātmajaṃ cintaye || 37
jāgratsvapnasuṣupti-kālavilasattattvātmacinmātrakaṃ
caitanyātmakamādhipāparahitaṃ bhūmyāditanmātrakam |
śāmbhavyādisamastayogakulakaṃ sāṅkhyāditattvātparaṃ
śabdāvācyamahaṃ namāmi satataṃ vyutpattināśātparam || 38
ikṣvākuvaṃśārṇavajātaratnaṃ
sītāṅganāyauvanabhāgyaratnam |
vaikuṇṭharatnaṃ mama bhāgyaratnaṃ
śrīrāmaratnaṃ śirasā namāmi || 39
ikṣvākunandanaṃ sugrīvapūjitaṃ
trailokyarakṣakaṃ satyasandhaṃ sadā |
rāghavaṃ raghupatiṃ rājīvalocanaṃ
rāmacandraṃ bhaje rāghaveśaṃ bhaje || 40
bhaktapriyaṃ bhaktasamādhigamyaṃ
cintāharaṃ cintitakāmadhenum |
sūryendukoṭidyutibhāsvaraṃ taṃ
rāmaṃ bhaje rāghavarāmacandram || 41
śrīrāmaṃ janakakṣitīśvarasutāvaktrāmbujāhāriṇaṃ
śrīmadbhānukulābdhikaustubhamaṇiṃ śrīratnavakṣassthalam |
śrīkaṇṭhādyamaraugharatnamakuṭālaṅkārapādāmbujaṃ
śrīvatsojjvalamindranīlasadṛśaṃ śrīrāmacandraṃ bhaje || 42
rāmacandra caritākathāmṛtaṃ
lakṣmaṇāgrajaguṇānukīrtanam |
rāghaveśa tava pādasevanaṃ
sambhavantu mama janmajanmani || 43
ajñānasambhava-bhavāmbudhibāḍabāgni-
ravyaktatattvanikarapraṇavādhirūḍhaḥ |
sītāsametamanujena hṛdantarāle
prāṇaprayāṇasamaye mama sannidhatte || 44
rāmo matkuladaivataṃ sakaruṇaṃ rāmaṃ bhaje sādaraṃ
rāmeṇākhilaghorapāpanihatī rāmāya tasmai namaḥ |
rāmānnāsti jagatrayaikasulabho rāmasya dāso'smyahaṃ
rāme prītiratīva me kulaguro śrīrāma rakṣasva mām || 45
vaidehīsahitaṃ suradrumatale haime mahāmaṇṭape |
madhyepuṣpakamāsane maṇimaye vīrāsane saṃsthitam |
agre vācayati prabhañjanasute tattvaṃ munibhyaḥ param |
vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46
vāme bhūmisutā purastu hanumānpaścātsumitrāsuta-
śśatrughno bharataśca pārśvadalayorvāyvādikoṇeṣvapi |
sugrīvaśca vibhīṣaṇaśca yuvarāṭ tārāsuto jāmbavān
madhye nīlasarojakomalaruciṃ rāmaṃ bhaje śyāmalam || 47
keyūrāṅgadakaṅkaṇairmaṇigaṇairvairocamānaṃ sadā
rākāparvaṇicandrakoṭisadṛśaṃ chatreṇa vairājitam |
hemastambhasahasraṣoḍaśayute madhye mahāmaṇḍape
deveśaṃ bharatādibhiḥ parivṛtaṃ rāmaṃ bhaje śyāmalam || 48
sākete śaradindukundadhavale saughe mahāmaṇṭape |
paryastāgarudhūpadhūmapaṭale karpūradīpojjvale |
sugrīvāṅgadavāyuputrasahitaṃ saumitriṇā sevitaṃ
līlāmānuṣavigrahaṃ raghupatiṃ rāmaṃ bhaje śyāmalam || 49
śāntaṃ śāradacandrakoṭisadṛśaṃ candrābhirāmānanaṃ
candrārkāgnivikāsikuṇḍaladharaṃ candrāvataṃsastutam |
vīṇāpustakasākṣasūtravilasadvyākhyānamudrākaraṃ
deveśaṃ bharatādibhiḥ parivṛtaṃ rāmaṃ bhaje śyāmalam || 50
rāmaṃ rākṣasamardanaṃ raghupatiṃ śakrārividhvaṃsinaṃ
sugrīvepsitarājyadaṃ surapateḥ putrāntakaṃ śār‍ṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sītāsevitapādapadmayugalaṃ rāmaṃ bhaje śyāmalam || 51
kandarpāyutakoṭikoṭitulitaṃ kālāmbudaśyāmalaṃ
kambugrīvamudārakaustubhadharaṃ karṇāvataṃsotpalam |
kastūrītilakojjvalaṃ smitamukhaṃ cinmudrayālaṅkṛtaṃ
sītālakṣmaṇavāyuputrasahitaṃ siṃhāsanasthaṃ bhaje || 52
sākete navaratnapaṅktikhacite citradhvajālaṅkṛte
vāse svarṇamaye dalāṣṭalalite padme vimānottame |
āsīnaṃ bharatādisodarajanaiḥ śākhāmṛgaiḥ kinnaraiḥ
dikpālairmunipuṅgavairnṛpagaṇaissaṃsevyamānaṃ bhaje || 53
kastūrīghanasārakuṅkumalasacchrīcandanālaṅkṛtaṃ
kandarpādhikasundaraṃ ghananibhaṃ kākutsthavaṃśadhvajam |
kalyāṇāmbharaveṣṭitaṃ kamalayā yuktaṃ kalāvallabhaṃ
kalyāṇācalakārmukapriyasakhaṃ kalyāṇarāmaṃ bhaje || 54
muktermūlaṃ munivarahṛdānandakandaṃ mukundaṃ
kūṭasthākhyaṃ sakalavaradaṃ sarvacaitanyarūpam |
nādātītaṃ kamalanilayaṃ nādanādāntatattvaṃ
nādātītaṃ prakṛtirahitaṃ rāmacandraṃ bhaje'ham || 55
tārākāraṃ nikhilanilayaṃ tattvamasyādilakṣyaṃ
śabdāvācyaṃ triguṇarahitaṃ vyomamaṅguṣṭhamātram |
nirvāṇākhyaṃ saguṇamaguṇavyomarandhrāntarasthaṃ
sauṣumnāntaḥ praṇavasahitaṃ rāmacandraṃ bhaje'ham || 56
nijānandākāraṃ nigamaturagārādhitapadaṃ
parabrahmānandaṃ paramapadagaṃ pāpaharaṇam |
kṛpāpārāvāraṃ paramapuruṣaṃ padmanilayaṃ
bhaje rāmaṃ śyāmaṃ prakṛtirahitaṃ nirguṇamaham || 57
sākete nagare samastamahimādhāre jaganmohane
ratnastambhasahasramaṇṭapamahāsiṃhāsane sāmbuje |
viśvāmitravasiṣṭhagautamaśukavyāsādibhirmaunibhiḥ
dhyeyaṃ lakṣmaṇalokapālasahitaṃ sītāsametaṃ bhaje || 58
rāmaṃ śyāmābhirāmaṃ raviśaśinayanaṃ koṭisūryaprakāśaṃ
divyaṃ divyāstrapāṇiṃ śaramukhaśaradhiṃ cārukoḍaṇḍahastam |
kālaṃ kālāgnirudraṃ ripukuladahanaṃ vighnavicchedadakṣaṃ
bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59
śrīrāmaṃ bhuvanaikasundaratanuṃ dhārādharaśyāmalaṃ
rājīvāyatalocanaṃ raghuvaraṃ rākendubimbānanam |
kodaṇḍādinijāyudhāśritabhujairbhrāntaṃ videhātmajā-
dhīśaṃ bhaktajanāvanaṃ raghuvaraṃ śrīrāmacandraṃ bhaje || 60
śrīvatsāṅkamudārakaustubhalasatpītāmbarālaṅkṛtaṃ
nānāratnavirājamānamakuṭaṃ nīlāmbudaśyāmalam |
kastūrīghanasāracarcitatanuṃ mandāramālādharaṃ
kandarpāyutasundaraṃ raghupatiṃ sītāsametaṃ bhaje || 61
sadānandadeve sahasrārapadme
galaccandrapīyūṣadhārāmṛtānte |
sthitaṃ rāmamūrtiṃ niṣeve niṣeve-
'nyadaivaṃ na seve na seve na seve || 62
sudhābhāsitadvīpamadhye vimāne
suparvālivṛkṣojjvale śeṣatalpe |
niṣaṇṇaṃ ramāṅkaṃ niṣeve niṣeve-
'nyadaivaṃ na seve na seve na seve || 63
cidaṃśaṃ samānandamānandakandaṃ
suṣumnākhyarandhrāntarāle ca haṃsam |
sacakraṃ saśaṅkhaṃ sapītāmbarāṅkaṃ
parañcānyadaivaṃ na jāne na jāne || 64
caturvedakūṭollasatkāraṇākhyaṃ
sphuraddivyavaimānike bhogitalpe |
parandhāmamūrtiṃ niṣaṇṇaṃ niṣeve
niṣeve'nyadaivaṃ na seve na seve || 65
siṃhāsanasthaṃ surasevitavyaṃ
ratnāṅkitālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghava rāmacandram || 66
rāmaṃ purāṇapuruṣaṃ ramaṇīyaveṣaṃ
rājādhirājamakuṭārcitapādapīṭham |
sītāpatiṃ sunayanaṃ jagadekavīraṃ
śrīrāmacandramaniśaṃ kalayāmi citte || 67
parānandavastusvarūpādisākṣiṃ
parabrahmagamyaṃ parañjyotimūrtim |
parāśaktimitrā'priyārādhitāṅghriṃ
parandhāmarūpaṃ bhaje rāmacandram || 68
mandasmitaṃ kuṇḍalagaṇḍabhāgaṃ
pītāmbaraṃ bhūṣaṇabhūṣitāṅgam |
nīlotpalāṅgaṃ bhuvanaikamitraṃ
rāmaṃ bhaje rāghava rāmacandram || 69
acintyamavyaktamanantarūpa-
madvaitamānandamanādigamyam |
puṇyasvarūpaṃ puruṣottamākhyaṃ
rāmaṃ bhaje rāghava rāmacandram || 70
padmāsanasthaṃ surasevitavyaṃ
padmālayānandakaṭākṣavīkṣyam |
gandharvavidyādharagīyamānaṃ
rāmaṃ bhaje rāghava rāmacandram || 71
anantakīrtiṃ varadaṃ prasannaṃ
padmāsanaṃ sevakapārijātam |
rājādhirājaṃ raghuvīraketuṃ
rāmaṃ bhaje rāghava rāmacandram || 72
sugrīvamitraṃ sujanānurūpaṃ
laṅkāharaṃ rākṣasavaṃśanāśam |
vedāśrayāṅgaṃ vipulāyatākṣaṃ
rāmaṃ bhaje rāghava rāmacandram || 73
sakṛtpraṇatarakṣāyāṃ sākṣī yasya vibhīṣaṇaḥ |
sāparādhapratīkāraḥ sa śrīrāmo gatirmama || 74
phalamūlāśinau dāntau tāpasau dharmacāriṇau |
rakṣaḥkulavihantārau bhrātarau rāmalakṣmaṇau || 75
taruṇau rūpasampannau sukumārau mahābalau |
puṇḍarīka viśālākṣau cīrakṛṣṇājināmbarau || 76
kausalyānayanenduṃ daśarathamukhāravindamārtāṇḍam |
sītāmānasahaṃsaṃ rāmaṃ rājīvalocanaṃ vande || 77
bharjanaṃ bhavabījānāṃ mārjanaṃ sukhasampadām |
tarjanaṃ yamadūtānāṃ rāmarāmeti kīrtanam || 78
na jāne jānakī jāne rāma tvannāmavaibhavam |
sarveśo bhagavān śambhurvālmīkirvetti vā navā || 79
karataladhṛtacāpaṃ kālameghasvarūpaṃ
sarasijadalanetraṃ cāruhāsaṃ sugātram |
vicinutavanavāsaṃ vikramodagraveṣaṃ
praṇamata raghunāthaṃ jānakīprāṇanātham || 80
vidyutsphuranmakarakuṇḍaladīptacāru-
gaṇḍasthalaṃ maṇikirīṭavirājamānam |
pītāmbaraṃ jaladanīlamudārakāntiṃ
śrīrāmacandramaniśaṃ kalayāmi citte || 81
ratnollasajjvalitakuṇḍalagaṇḍabhāgaṃ
kastūrikātilakaśobhitaphālabhāgam |
karṇāntadīrghanayanaṃ karuṇākaṭākṣaṃ
śrīrāmacandra mukhamātmani sannidhattam || 82
vaidehīsahitaṃ ca lakṣmaṇayutaṃ kaikeyiputrānvitaṃ
sugrīvaṃ ca vibhīṣaṇānilasutau nīlaṃ nalaṃ sāṅgadam |
viśvāmitravasiṣṭhagautamabharadvājādikān mānayan
rāmo mārutisevitaḥ smaratu māṃ sāmrājyasiṃhāsane || 83
sakalaguṇanidhānaṃ yogibhisstūyamānaṃ
bhajitasuravimānaṃ rakṣitendrādimānam |
mahitavṛṣabhayānaṃ sītayā śobhamānaṃ
smaratu hṛdayabhānuṃ brahmarāmābhirāmam || 84
tridaśakumudacandro dānavāmbhojacandro
duritatimiracandro yogināṃ jñānacandraḥ |
praṇatanayanacandro maithilīnetracandro
daśamukharipucandraḥ pātu māṃ rāmacandraḥ || 85
yannāmaiva sahasranāmasadṛśaṃ yannāma vedaissamaṃ
yannāmāṅkitavākya-māsurabalastrīgarbhavicchedanam |
yannāma śvapacāryabhedarahitaṃ muktipradānojjvalaṃ
tannāmā'laghurāmarāmaramaṇaṃ śrīrāmanāmāmṛtam || 86
rājīvanetra raghupuṅgava rāmabhadra
rākendubimbasadṛśānana nīlagātra |
rāmā'bhirāma raghuvaṃśasamudbhava tvaṃ
śrīrāmacandra mama dehi karāvalambam || 87
māṇikyamañjīrapadāravindaṃ
rāmārkasamphullamukhāravindam |
bhaktābhayaprāpikarāravindāṃ
devīṃ bhaje rāghavavallabhāṃ tām || 88
jayatu vijayakārī jānakīmodakārī
tapanakulavihārī daṇḍakāraṇyacārī |
daśavadanakuṭhārī daityavicchedakārī
maṇimakuṭakadhārī caṇḍakodaṇḍadhārī || 89
rāmaḥ pitā raghava eva mātā
rāmassubandhuśca sakhā hitaśca |
rāmo gururme paramaṃ ca daivaṃ
rāmaṃ vinā nā'nyamahaṃ smarāmi || 90
śrīrāma me tvaṃ hi pitā ca mātā
śrīrāma me tvaṃ hi suhṛcca bandhuḥ |
śrīrāma me tvaṃ hi guruśca goṣṭhī
śrīrāma me tvaṃ hi samastameva || 91
rāmacandracaritāmṛtapānaṃ
somapānaśatakoṭisamānam |
somapānaśatakoṭibhirīyā-
jjanma naiti raghunāyakanāmnā || 92
rāma rāma dayāsindho rāvaṇāre jagatpate |
tvatpādakamalāsakti-rbhavejjanmani janmani || 93
śrīrāmacandreti dayāpareti
bhaktapriyeti bhavabandhanamocaneti |
nātheti nāgaśayaneti sadā stuvantaṃ
māṃ pāhi bhītamaniśaṃ kṛpaṇaṃ kṛpālo || 94
ayodhyānātha rājendra sītākānta jagatpate |
śrīrāma puṇḍarīkākṣa rāmacandra namo'stu te || 95
he rāma he ramaṇa he jagadekavīra
he nātha he raghupate karuṇālavāla |
he jānakīramaṇa he jagadekabandho
māṃ pāhi dīnamaniśaṃ kṛpaṇaṃ kṛtaghnam || 96
jānāti rāma tava tattvagatiṃ hanūmān |
jānāti rāma tava sakhyagatiṃ kapīśaḥ |
jānāti rāma tava yuddhagatiṃ daśāsyo |
jānāti rāma dhanadānuja eva satyam || 97
sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ
stavyaṃ śrīrāmamantraṃ narakaduritadurvāranirghātamantram |
bhavyaṃ śrīrāmamantraṃ bhajatu bhajatu saṃsāranistāramantraṃ
divyaṃ śrīrāmamantraṃ divi bhuvi vilasanmokṣarakṣaikamantram || 98
nikhilanilayamantraṃ nityatattvākhyamantraṃ
bhavakulaharamantraṃ bhūmijāprāṇamantram |
pavanajanutamantraṃ pārvatīmokṣamantraṃ
paśupatinijamantraṃ pātu māṃ rāmamantram || 99
praṇavanilayamantraṃ prāṇanirvāṇamantraṃ
prakṛtipuruṣamantraṃ brahmarudrendramantram |
prakaṭaduritarāgadveṣanirṇāśamantraṃ
raghupatinijamantraṃ rāmarāmetimantram || 100
daśarathasutamantraṃ daityasaṃhāramantraṃ
vibudhavinutamantraṃ viśvavikhyātamantram |
munigaṇanutamantraṃ muktimārgaikamantraṃ
raghupatinijamantraṃ rāmarāmetimantram || 101
saṃsārasāgarabhayāpahaviśvamantraṃ
sākṣānmumukṣujanasevitasiddhamantram |
sāraṅgahastamukhahastanivāsamantraṃ
kaivalyamantramaniśaṃ bhaja rāmamantram || 102
jayatu jayatu mantraṃ janmasāphalyamantraṃ
jananamaraṇabhedakleśavicchedamantram |
sakalanigamamantraṃ sarvaśāstraikamantraṃ
raghupatinijamantraṃ rāmarāmetimantram || 103
jagati viśadamantraṃ jānakīprāṇamantraṃ
vibudhavinutamantraṃ viśvavikhyātamantram |
daśarathasutamantraṃ daityasaṃhāramantraṃ
raghupatinijamantraṃ rāmarāmetimantram || 104
brahmādiyogimunipūjitasiddhamantraṃ
dāridryaduḥkhabhavarogavināśamantram |
saṃsārasāgarasamuttaraṇaikamantraṃ
vande mahābhayaharaṃ raghurāmamantram || 105
śatrucchedaikamantraṃ sarasamupaniṣadvākyasampūjyamantraṃ
saṃsārottāramantraṃ samucitasamaye saṅganiryāṇamantram |
sarvaiśvaryaikamantraṃ vyasanabhujagasandaṣṭasantrāṇamantraṃ
jihve śrīrāmamantraṃ japa japa saphalaṃ janmasāphalyamantram || 106
nityaṃ śrīrāmamantraṃ nirupamamadhikaṃ nītisujñānamantraṃ
satyaṃ śrīrāmamantraṃ sadamalahṛdaye sarvadārogyamantram |
stutyaṃ śrīrāmamantraṃ sulalitasumanassaukhyasaubhāgyamantraṃ
paṭhyaṃ śrīrāmamantraṃ pavanajavaradaṃ pātu māṃ rāmamantram || 107
vyāmohapraśamauṣadhaṃ munimanovṛttipravṛttyauṣadhaṃ
daityonmūlakarauṣadhaṃ bhavabhayapradhvaṃsanaikauṣadham |
bhaktānandakarauṣadhaṃ tribhuvane sañjīvanaikauṣadhaṃ
śreyaḥ prāptikarauṣadhaṃ piba manaḥ śrīrāmanāmauṣadham || 108
sakalabhuvanaratnaṃ sarvaśāstrārtharatnaṃ
samaravijayaratnaṃ saccidānandaratnam |
daśamukhahararatnaṃ dānavārātiratnaṃ
raghukulanṛparatnaṃ pātu māṃ rāmaratnam || 109
sakalabhuvanaratnaṃ saccidānandaratnaṃ
sakalahṛdayaratnaṃ sūryabimbāntaratnam |
vimalasukṛtaratnaṃ vedavedāntaratnaṃ
puraharajaparatnaṃ pātu māṃ rāmaratnam || 110
nigamaśikhararatnaṃ nirmalānandaratnaṃ
nirupamaguṇaratnaṃ nādanādāntaratnam |
daśarathakularatnaṃ dvādaśāntasstharatnaṃ
paśupatijaparatnaṃ pātu māṃ rāmaratnam || 111
śatamakhasutaratnaṃ ṣoḍaśāntasstharatnaṃ
munijanajaparatnaṃ mukhyavaikuṇṭharatnam |
nirupamaguṇaratnaṃ nīrajāntasstharatnaṃ
paramapadaviratnaṃ pātu māṃ rāmaratnam || 112
sakalasukṛtaratnaṃ satyavākyārtharatnaṃ
śamadamaguṇaratnaṃ śāśvatānandaratnam |
praṇayanilayaratnaṃ prasphuṭadyotiratnaṃ
paramapadaviratnaṃ pātu māṃ rāmaratnam || 113
nigamaśikhararatnaṃ nityamāśāsyaratnaṃ
jananutanṛparatnaṃ jānakīrūparatnam |
bhuvanavalayaratnaṃ bhūbhujāmekaratnaṃ
raghukulavararatnaṃ pātu māṃ rāmaratnam || 114
viśālanetraṃ paripūrṇagātraṃ
sītākalatraṃ suravairijaitram |
kāruṇyapātraṃ jagataḥ pavitraṃ
śrīrāmaratnaṃ praṇato'smi nityam || 115
he gopālaka he dayājalanidhe he sadguṇāmbhonidhe
he daityāntaka he vibhīṣaṇadayāparīṇa he bhūpate |
he vaidehasutāmanojavihṛte he koṭimārākṛte
he navyāmbujanetra pālaya paraṃ jānāmi na tvāṃ vinā || 116
yasya kiñcidapi no haraṇīyaṃ
karma kiñcidapi no caraṇīyam |
rāmanāma ca sadā smaraṇīyaṃ
līlayā bhavajalaṃ taraṇīyam || 117
daśarathasutamīśaṃ daṇḍakāraṇyavāsaṃ
śatamakhamaṇinīlaṃ jānakīprāṇalolam |
sakalabhuvanamohaṃ sannutāmbhodadehaṃ
bahulanutasamudraṃ bhāvaye rāmabhadram || 118
viśālanetraṃ paripūrṇagātraṃ
sītākalatraṃ suravairijaitram |
jagatpavitraṃ paramātmatantraṃ
śrīrāmacandraṃ praṇamāmi citte || 119
jaya jaya raghurāma śrīmukhāmbhojabhāno
jaya jaya raghuvīra śrīmadambhojanetra |
jaya jaya raghunātha śrīkarābhyarcitāṅghri
jaya jaya raghuvarya śrīśa kāruṇyasindho || 120
mandāramūle maṇipīṭhasaṃsthaṃ
sudhāplutaṃ divyavirāṭsvarūpam |
sabindunādāntakalāntaturya-
mūrtiṃ bhaje'haṃ raghuvaṃśaratnam || 121
nādaṃ nādavinīlacittapavanaṃ nādāntattvapriyaṃ
nāmākāravivarjitaṃ navaghanaśyāmāṅganādapriyam |
nādāmbhojamarandamattavilasadbhṛṅgaṃ madāntassthitaṃ
nādāntadhṛvamaṇḍalābjaruciraṃ rāmaṃ bhaje tārakam || 122
nānābhūtahṛdabjapadmanilayaṃ nāmojjvalābhūṣaṇam |
nāmastotrapavitritatribhuvanaṃ nārāyaṇāṣṭākṣaram |
nādāntendugalatsudhāplutatanuṃ nānātmacinmātrakam |
nānākoṭiyugāntabhānusadṛśaṃ rāmaṃ bhaje tārakam || 123
vedyaṃ vedaguruṃ viriñcijanakaṃ vedāntamūrtiṃ sphura-
dvedaṃ vedakalāpamūlamahimādhārāntakandāṅkuram |
vedaśṛṅgasamānaśeṣaśayanaṃ vedāntavedyātmakaṃ
vedārādhitapādapaṅkajamahaṃ rāmaṃ bhaje tārakam || 124
majjīvaṃ madanugrahaṃ madadhipaṃ madbhāvanaṃ matsukhaṃ
mattātaṃ mama sadguruṃ mama varaṃ mohāndhavicchedanam |
matpuṇyaṃ madanekabāndhavajanaṃ majjīvanaṃ mannidhiṃ
matsiddhiṃ mama sarvakarmasukṛtaṃ rāmaṃ bhaje tārakam || 125
nityaṃ nīrajalocanaṃ nirupamaṃ nīvāraśūkopamaṃ
nirbhedānubhavaṃ nirantaraguṇaṃ nīlāṅgarāgojjvalam |
niṣpāpaṃ nigamāgamārcitapadaṃ nityātmakaṃ nirmalaṃ
niṣpuṇyaṃ nikhilaṃ nirañjanapadaṃ rāmaṃ bhaje tārakam || 126
dhyāye tvāṃ hṛdayāmbuje raghupatiṃ vijñānadīpāṅkuraṃ
haṃsohaṃsaparamparādimahimādhāraṃ jaganmohanam |
hastāmbhojagadābjacakramatulaṃ pītāmbaraṃ kaustubhaṃ
śrīvatsaṃ puruṣottamaṃ maṇinibhaṃ rāmaṃ bhaje tārakam || 127
satyajñānamanantamacyutamajaṃ cāvyākṛtaṃ tatparaṃ
kūṭasthādisamastasākṣimanaghaṃ sākṣādvirāṭtattvadam |
vedyaṃ viśvamayaṃ svalīnabhuvanasvārājyasaukhyapradaṃ
pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128
rāmaṃ rākṣasavaṃśanāśanakaraṃ rākendubimbānanaṃ
rakṣoriṃ raghuvaṃśavardhanakaraṃ raktādharaṃ rāghavam |
rādhāyātmanivāsinaṃ ravinibhaṃ ramyaṃ ramānāyakaṃ
randhrāntargataśeṣaśāyinamahaṃ rāmaṃ bhaje tārakam || 129
otaprotasamastavastunicayaṃ oṅkārabījākṣaraṃ
oṅkāraprakṛtiṃ ṣaḍakṣarahitaṃ oṅkārakandāṅkuram |
oṅkārasphuṭabhūrbhuvassuparitaṃ oghatrayārādhitam
oṅkārojjvalasiṃhapīṭhanilayaṃ rāmaṃ bhaje tārakam || 130
sākete nagare samastasukhade harmye'bjakoṭidyute
nakṣatragrahapaṅktilagnaśikhare cāntaryapaṅkeruhe |
vālmīkātriparāśarādimunibhissaṃsevyamānaṃ sthitaṃ
sītālaṅkṛtavāmabhāgamaniśaṃ rāmaṃ bhaje tārakam || 131
vaikuṇṭhe nagare suradrumatale cānandavaprāntare
nānāratnavinirmitasphuṭapaṭuprākārasaṃveṣṭite |
saudhendūpalaśeṣatalpalalite nīlotpalacchādite
paryaṅke śayanaṃ ramādisahitaṃ rāmaṃ bhaje tārakam || 132
vande rāmamanādipūruṣamajaṃ vande ramānāyakaṃ
vande hārikirīṭakuṇḍaladharaṃ vande sunīladyutim |
vande cāpakalambakojjvalakaraṃ vande jaganmaṅgalaṃ
vande paṅktirathātmajaṃ mama guruṃ vande sadā rāghavam || 133
vande śaunakagautamādyabhinutaṃ vande ghanaśyāmalaṃ
vande tārakapīṭhamadhyanilayaṃ vande jagannāyakam |
vande bhaktajanaughadevivaṭapaṃ vande dhanurvallabhaṃ
vande tattvamasītivākyajanakaṃ vande sadā rāghavam || 134
vande sūryaśaśāṅkalocanayugaṃ vande jagatpāvanaṃ
vande patrasahasrapadmanilayaṃ vande purāripriyam |
vande rākṣasavaṃśanāśanakaraṃ vande sudhāśītalaṃ
vande devakapīndrakoṭivinutaṃ vande sadā rāghavam || 135
vande sāgaragarvabhaṅgaviśikhaṃ vande jagajjīvanaṃ
vande kauśikayāgarakṣaṇakaraṃ vande guruṇāṃ gurum |
vande bāṇaśarāsanojjvalakaraṃ vande jaṭāvalkalaṃ
vande lakṣmaṇabhūmijānvitamahaṃ vande sadā rāghavam || 136
vande pāṇḍarapuṇḍarīkanayanaṃ vande'bjabimbānanaṃ
vande kambugalaṃ karābjayugalaṃ vande lalāṭojjvalam |
vande pītadukūlamambudanibhaṃ vande jaganmohanaṃ
vande kāraṇamānuṣojjvalatanuṃ vande sadā rāghavam || 137
vande nīlasarojakomalaruciṃ vande jagadvanditaṃ
vande sūryakulābdhikaustubhamaṇiṃ vande surārādhitam |
vande pātakapañcakapraharaṇaṃ vande jagatkāraṇaṃ
vande viṃśatipañcatattvarahitaṃ vande sadā rāghavam || 138
vande sādhakavargakalpakataruṃ vande trimūrtyātmakaṃ
vande nādalayāntarasthalagataṃ vande trivargātmakam |
vande rāgavihīnacittasulabhaṃ vande sabhānāyakaṃ
vande pūrṇadayāmṛtārṇavamahaṃ vande sadā rāghavam || 139
vande sāttvikatattvamudritatanuṃ vande sudhādāyakaṃ
vande cārucaturbhujaṃ maṇinibhaṃ vande ṣaḍabjasthitam |
vande brahmapipīlikādinilayaṃ vande virāṭvigrahaṃ
vande pannagatalpaśāyinamahaṃ vande sadā rāghavam || 140
siṃhāsanasthaṃ munisiddhasevyaṃ
raktotpalālaṅkṛtapādapadmam |
sītāsametaṃ śaśisūryanetraṃ
rāmaṃ bhaje rāghavarāmacandram || 141
śrīrāmabhadrāśritasadgurūṇāṃ
pādāravindaṃ bhajatāṃ narāṇām |
ārogyamaiśvaryamanantakīrti-
rante ca viṣṇoḥ padamasti satyam || 142
daśarathavaraputraṃ jānakīsatkalatraṃ
daśamukhaharadakṣaṃ padmapatrāyatākṣam |
karadhṛtaśaracāpaṃ cārumuktākalāpaṃ
raghukulanṛvareṇyaṃ rāmamīḍe śaraṇyam || 143
daśamukhagajasiṃhaṃ daityagarvātiraṃhaṃ
kadanabhayadahastaṃ tārakabrahma śastam |
maṇikhacitakirīṭaṃ mañjulālāpavāṭaṃ
daśarathakulacandraṃ rāmacandraṃ bhaje'ham || 144
rāmaṃ raktasaroruhākṣamamalaṃ laṅkādhināthāntakaṃ
kausalyānayanotsukaṃ raghuvaraṃ nāgendratalpasthitam |
vaidehīkucakumbhakuṅkumarajolaṅkārahāraṃ hariṃ
māyāmānuṣavigrahaṃ raghupatiṃ sītāsametaṃ bhaje || 145
rāmaṃ rākṣasamardanaṃ raghuvaraṃ daiteyabhidhvaṃsinaṃ
sugrīvepsitarājyadaṃ surapaterbhītyantakaṃ śār‍ṅgiṇam |
bhaktānāmabhayapradaṃ bhayaharaṃ pāpaughavidhvaṃsinaṃ
sāmīristutapādapadmayugalaṃ sītāsametaṃ bhaje || 146
yatpādāmbujareṇunā munisatī muktiṅgatā yanmahaḥ
puṇyaṃ pātakanāśanaṃ trijagatāṃ bhāti smṛtaṃ pāvanam |
smṛtvā rāghavamaprameyamamalaṃ pūrṇendumandasmitaṃ
taṃ rāmaṃ sarasīruhākṣamamalaṃ sītāsametaṃ bhaje || 147
vaidehīkucamaṇḍalāgra-vilasanmāṇikyahastāmbujaṃ
cañcatkaṅkaṇahāranūpura-lasatkeyūrahārānvitam |
divyaśrīmaṇikuṇḍalojjvala-mahābhūṣāsahasrānvitaṃ
vīraśrīraghupuṅgavaṃ guṇanidhiṃ sītāsametaṃ bhaje || 148
vaidehīkucamaṇḍalopari-lasanmāṇikyahārāvalī-
madhyasthaṃ navanītakomalaruciṃ nīlotpalaśyāmalam |
kandarpāyutakoṭisundaratanuṃ pūrṇendubimbānanaṃ
kausalyākulabhūṣaṇaṃ raghupatiṃ sītāsametaṃ bhaje || 149
divyāraṇyayatīndranāmanagare madhye mahāmaṇṭape
svarṇastambhasahasraṣoḍaśayute mandāramūlāśrite |
nānāratnavicitranirmalamahāsiṃhāsane saṃsthitaṃ
sītālakṣmaṇasevitaṃ raghupatiṃ sītāsametaṃ bhaje || 150
kastūrītilakaṃ kapīndraharaṇaṃ kāruṇyavārānnidhiṃ
kṣīrāmbhodhisutāmukhābjamadhupaṃ kalyāṇasampannidhim |
kausalyānayanotsukaṃ kapivaratrāṇaṃ mahāpauruṣaṃ
kaumārapriyamarkakoṭisadṛśaṃ sītāsametaṃ bhaje || 151
vidyutkoṭidivākaradyutinibhaṃ śrīkaustubhālaṅkṛtaṃ
yogīndraissanakādibhiḥ parivṛtaṃ kailāsanāthapriyam |
muktāratnakirīṭakuṇḍaladharaṃ graiveyahārānvitaṃ
vaidehīkucasannivāsamaniśaṃ sītāsametaṃ bhaje || 152
meghaśyāmalamambujātanayanaṃ vistīrṇavakṣassthalaṃ
bāhudvandvavirājitaṃ suvadanaṃ śoṇāṅghripaṅkeruham |
nānāratnavicitrabhūṣaṇayutaṃ kodaṇḍabāṇāṅkitaṃ
trailokyā'pratimānasundaratanuṃ sītāsametaṃ bhaje || 153
vaidehīyutavāmabhāgamatulaṃ vandārumandārakaṃ
vande prastutakīrtivāsitatarucchāyānukāriprabham |
vaidehīkucakuṅkumāṅkitamahoraskaṃ mahābhūṣaṇaṃ
vedāntairupagīyamānamasakṛtsītāsametaṃ bhaje || 154
devānāṃ hitakāraṇena bhuvane dhṛtvā'vatāraṃ dhruvaṃ
rāmaṃ kauśikayajñavighnadalanaṃ tattāṭakāsaṃharam |
nityaṃ gautamapatniśāpadalanaśrīpādareṇuṃ śubhaṃ
śambhorutkaṭacāpakhaṇḍanamahāsatvaṃ bhaje rāghavam || 155
śrīrāmaṃ navaratnakuṇḍaladharaṃ śrīrāmarakṣāmaṇiṃ
śrīrāmaṃ ca sahasrabhānusadṛśaṃ śrīrāmacandrodayam |
śrīrāmaṃ śrutakīrtimākaramahaṃ śrīrāmamuktipradaṃ
śrīrāmaṃ raghunandanaṃ bhayaharaṃ śrīrāmacandraṃ bhaje || 156
rāmamindīvaraśyāmaṃ rājīvāyatalocanam |
jyāghoṣanirjitārātiṃ jānakīramaṇaṃ bhaje || 157
dīrghabāhumaravindalocanaṃ
dīnavatsalamanātharakṣakam |
dīkṣitaṃ sakalalokarakṣaṇe
daivataṃ daśarathātmajaṃ bhaje || 158
prātassmarāmi raghunāthamukhāravindaṃ
mandasmitaṃ madhurabhāṣi viśālaphālam |
karṇāvalambicalakuṇḍalagaṇḍabhāgaṃ
karṇāntadīrghanayanaṃ nayanābhirāmam || 159
prātarbhajāmi raghunāthakarāravindaṃ
rakṣogaṇāya bhayadaṃ varadaṃ nijebhyaḥ |
yadrājasaṃsadi vibhidya maheśacāpaṃ
sītākaragrahaṇamaṅgalamāpa sadyaḥ || 160
prātarnamāmi raghunāthapadāravindaṃ
padmāṅkuśādiśubharekhaśubhāvahaṃ ca |
yogīndramānasamadhuvratasevyamānaṃ
śāpāpahaṃ sapadi gautamadharmapatnyāḥ || 161
prātarvadāmi vacasā raghunāthanāma
vāgdoṣahāri sakalaṃ kaluṣaṃ nihantṛ |
yatpārvatī svapatinā saha bhoktukāmā
prītyā sahasraharināmasamaṃ jajāpa || 162
prātaḥ śraye śrutinutaṃ raghunāthamūrtiṃ
nīlāmbudotpalasitetararatnanīlām |
āmuktamauktikaviśeṣavibhūṣaṇāḍhyāṃ
dhyeyāṃ samastamunibhirnijabhṛtyamukhyaiḥ || 163
raghukulavaranātho jānakīprāṇanāthaḥ
pitṛvacanavidhātā kīśarājyapradātā |
pratiniśicaranāśaḥ prāptarājyapraveśo
vihitabhuvanarakṣaḥ pātu padmāyatākṣaḥ || 164
kuvalayadalanīlaḥ pītavāsāḥ smitāsyo
vividharucirabhūṣābhūṣito divyamūrtiḥ |
daśarathakulanātho jānakīprāṇanātho
nivasatu mama citte sarvadā rāmacandraḥ || 165
jayatu jayatu rāmo jānakīvallabho'yaṃ
jayatu jayatu rāmaścandracūḍārcitāṅghriḥ |
jayatu jayatu vāṇīnāthanāthaḥ parātmā
jayatu jayatu rāmo'nāthanāthaḥ kṛpāluḥ || 166
vadatu vadatu vāṇī rāmarāmeti nityaṃ
jayatu jayatu cittaṃ rāmapādāravindam |
namatu namatu dehaṃ santataṃ rāmacandraṃ
na bhavatu mama pāpaṃ janmajanmāntareṣu || 167
ānandarūpaṃ varadaṃ prasannaṃ
siṃhekṣaṇaṃ sevakapārijātam |
nīlotpalāṅgaṃ bhuvanaikamitraṃ
rāmaṃ bhaje rāghavarāmacandram || 168
laṅkāvirāmaṃ raṇaraṅgabhīmaṃ
rājīvanetraṃ raghuvaṃśamitram |
kāruṇyamūrtiṃ karuṇāprapūrtiṃ
śrīrāmacandraṃ śaraṇaṃ prapadye || 169
sugrīvamitraṃ paramaṃ pavitraṃ
sītākalatraṃ navahemasūtram |
kāruṇyapātraṃ śatapatranetraṃ
śrīrāmacandraṃ śirasā namāmi || 170
śrīrāghaveti ramaṇeti raghūdvaheti
rāmeti rāvaṇahareti ramādhaveti |
sāketanāthasumukheti ca suvrateti
vāṇī sadā vadatu rāma hare hareti || 171
śrīrāmanāmāmṛtamantrabījaṃ
sañjīvanaṃ cenmanasi pratiṣṭham |
hālāhalaṃ vā pralayānalaṃ vā
mṛtyormukhaṃ vā vitathīkaroti || 172
kiṃ yogaśāstraiḥ kimaśeṣavidyā
kiṃ yāgagaṅgādiviśeṣatīrthaiḥ |
kiṃ brahmacaryāśramasañcareṇa
bhaktirnacette raghuvaṃśakīrtyām || 173
idaṃ śarīraṃ ślathasandhijarjharaṃ
patatyavaśyaṃ pariṇāmapeśalam |
kimauṣathaṃ pṛcchasi mūḍha durmate
nirāmayaṃ rāmakathāmṛtaṃ piba || 174
he rāmabhadrāśraya he kṛpālo
he bhaktalokaikaśaraṇyamūrte |
punīhi māṃ tvaccaraṇāravindaṃ
jagatpavitraṃ śaraṇaṃ mamā'stu || 175
nīlābhradeha nikhileśa jagannivāsa
rājīvanetra ramaṇīyaguṇābhirāma |
śrīdāma daityakulamardana rāmacandra
tvatpādapadmamaniśaṃ kalayāmi citte || 176
śrīrāmacandra karuṇākara dīnabandho
sītāsameta bharatāgraja rāghaveśa |
pāpārtibhañjana bhayāturadīnabandho
pāpāmbudhau patitamuddhara māmanātham || 177
indīvaradalaśyāma-mindukoṭinibhānanam |
kandarpakoṭilāvaṇyaṃ vande'haṃ raghunandanam || 175
iti śrībodhendrasarasvatī kṛta śrīrāmakarṇāmṛtam ||
InfoLyter.in — Sacred Vedic Knowledge Portal · Free forever