📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ഗണപതി മങ്ഗലാഷ്ടകമ്
Shri Ganapati Mangalashtakam
Ganesha Ashtakam Malayalam
ഗജാനനായ ഗാങ്ഗേയസഹജായ സദാത്മനേ ।
ഗൌരീപ്രിയതനൂജായ ഗണേശായാസ്തു മങ്ഗലമ് ॥ 1 ॥
നാഗയജ്ഞോപവീതായ നതവിഘ്നവിനാശിനേ ।
നന്ദ്യാദിഗണനാഥായ നായകായാസ്തു മങ്ഗലമ് ॥ 2 ॥
ഇഭവക്ത്രായ ചേന്ദ്രാദിവന്ദിതായ ചിദാത്മനേ ।
ഈശാനപ്രേമപാത്രായ ചേഷ്ടദായാസ്തു മങ്ഗലമ് ॥ 3 ॥
സുമുഖായ സുശുണ്ഡാഗ്രോക്ഷിപ്താമൃതഘടായ ച ।
സുരബൃന്ദനിഷേവ്യായ സുഖദായാസ്തു മങ്ഗലമ് ॥ 4 ॥
ചതുര്ഭുജായ ചന്ദ്രാര്ധവിലസന്മസ്തകായ ച ।
ചരണാവനതാനര്ഥ താരണായാസ്തു മങ്ഗലമ് ॥ 5 ॥
വക്രതുണ്ഡായ വടവേ വന്ദ്യായ വരദായ ച ।
വിരൂപാക്ഷസുതായാസ്തു വിഘ്നനാശായ മങ്ഗലമ് ॥ 6 ॥
പ്രമോദാമോദരൂപായ സിദ്ധിവിജ്ഞാനരൂപിണേ ।
പ്രകൃഷ്ടപാപനാശായ ഫലദായാസ്തു മങ്ഗലമ് ॥ 7 ॥
മങ്ഗലം ഗണനാഥായ മങ്ഗലം ഹരസൂനവേ ।
മങ്ഗലം വിഘ്നരാജായ വിഘ്നഹര്ത്രേസ്തു മങ്ഗലമ് ॥ 8 ॥
ശ്ലോകാഷ്ടകമിദം പുണ്യം മങ്ഗലപ്രദമാദരാത് ।
പഠിതവ്യം പ്രയത്നേന സര്വവിഘ്നനിവൃത്തയേ ॥ 9 ॥
ഇതി ശ്രീ ഗണപതി മങ്ഗലാഷ്ടകമ് ।
Roman (IAST) Transliteration
gajānanāya gāṅgeyasahajāya sadātmane |
gaurīpriyatanūjāya gaṇeśāyāstu maṅgalam || 1 ||
nāgayajñopavītāya natavighnavināśine |
nandyādigaṇanāthāya nāyakāyāstu maṅgalam || 2 ||
ibhavaktrāya cendrādivanditāya cidātmane |
īśānapremapātrāya ceṣṭadāyāstu maṅgalam || 3 ||
sumukhāya suśuṇḍāgrokṣiptāmṛtaghaṭāya ca |
surabṛndaniṣevyāya sukhadāyāstu maṅgalam || 4 ||
caturbhujāya candrārdhavilasanmastakāya ca |
caraṇāvanatānartha tāraṇāyāstu maṅgalam || 5 ||
vakratuṇḍāya vaṭave vandyāya varadāya ca |
virūpākṣasutāyāstu vighnanāśāya maṅgalam || 6 ||
pramodāmodarūpāya siddhivijñānarūpiṇe |
prakṛṣṭapāpanāśāya phaladāyāstu maṅgalam || 7 ||
maṅgalaṃ gaṇanāthāya maṅgalaṃ harasūnave |
maṅgalaṃ vighnarājāya vighnahartrestu maṅgalam || 8 ||
ślokāṣṭakamidaṃ puṇyaṃ maṅgalapradamādarāt |
paṭhitavyaṃ prayatnena sarvavighnanivṛttaye || 9 ||
iti śrī gaṇapati maṅgalāṣṭakam |
InfoLyter.in — Sacred Vedic Knowledge Portal · Free forever