📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ദുര്ഗാ അഥര്വശീര്ഷമ്
Shri Durga Atharvashirsham
Durga Malayalam
ഓം സര്വേ വൈ ദേവാ ദേവീമുപതസ്ഥുഃ കാസി ത്വ-മ്മഹാദേവീതി ॥ 1 ॥
സാ-ഽബ്രവീദഹ-മ്ബ്രഹ്മസ്വരൂപിണീ ।
മത്തഃ പ്രകൃതിപുരുഷാത്മക-ഞ്ജഗത് ।
ശൂന്യ-ഞ്ചാശൂന്യ-ഞ്ച ॥ 2 ॥
അഹമാനന്ദാനാനന്ദൌ ।
അഹം-വിഁജ്ഞാനാവിജ്ഞാനേ ।
അഹ-മ്ബ്രഹ്മാബ്രഹ്മണി വേദിതവ്യേ ।
അഹ-മ്പഞ്ചഭൂതാന്യപഞ്ചഭൂതാനി ।
അഹമഖില-ഞ്ജഗത് ॥ 3 ॥
വേദോ-ഽഹമവേദോ-ഽഹമ് ।
വിദ്യാ-ഽഹമവിദ്യാ-ഽഹമ് ।
അജാ-ഽഹമനജാ-ഽഹമ് ।
അധശ്ചോര്ധ്വ-ഞ്ച തിര്യക്ചാഹമ് ॥ 4 ॥
അഹം രുദ്രേഭിര്വസുഭിശ്ചരാമി ।
അഹമാദിത്യൈരുത വിശ്വദേവൈഃ ।
അഹ-മ്മിത്രാവരുണാവുഭൌ ബിഭര്മി ।
അഹമിന്ദ്രാഗ്നീ അഹമശ്വിനാവുഭൌ ॥ 5 ॥
അഹം സോമ-ന്ത്വഷ്ടാര-മ്പൂഷണ-മ്ഭഗ-ന്ദധാമി ।
അഹം-വിഁഷ്ണുമുരുക്രമ-മ്ബ്രഹ്മാണമുത പ്രജാപതി-ന്ദധാമി ॥ 6 ॥
അ॒ഹ-ന്ദ॑ധാമി॒ ദ്രവി॑ണം ഹ॒വിഷ്മ॑തേ സുപ്രാ॒വ്യേ॒3 യജ॑മാനായ സുന്വ॒തേ ।
അ॒ഹം രാഷ്ട്രീ॑ സ॒ങ്ഗമ॑നീ॒ വസൂ॑നാ-ഞ്ചികി॒തുഷീ॑ പ്രഥ॒മാ യ॒ജ്ഞിയാ॑നാമ് ।
അ॒ഹം സു॑വേ പി॒തര॑മസ്യ മൂ॒ര്ധന്മമ॒ യോനി॑ര॒പ്സ്വന്ത-സ്സ॑മു॒ദ്രേ ।
യ ഏവം-വേഁദ । സ ദേവീം സമ്പദമാപ്നോതി ॥ 7 ॥
തേ ദേവാ അബ്രുവന് –
നമോ ദേവ്യൈ മഹാദേവ്യൈ ശിവായൈ സതത-ന്നമഃ ।
നമഃ പ്രകൃത്യൈ ഭദ്രായൈ നിയതാഃ പ്രണതാ-സ്സ്മ താമ് ॥ 8 ॥
താമ॒ഗ്നിവ॑ര്ണാ॒-ന്തപ॑സാ ജ്വല॒ന്തീം-വൈഁ॑രോച॒നീ-ങ്ക॑ര്മഫ॒ലേഷു॒ ജുഷ്ടാ᳚മ് ।
ദു॒ര്ഗാ-ന്ദേ॒വീം ശര॑ണ-മ്പ്രപ॑ദ്യാമഹേ-ഽസുരാന്നാശയിത്ര്യൈ തേ നമഃ ॥ 9 ॥
(ഋ.വേ.8.100.11)
ദേ॒വീം-വാഁച॑മജനയന്ത ദേ॒വാസ്താം-വിഁ॒ശ്വരൂ॑പാഃ പ॒ശവോ॑ വദന്തി ।
സാ നോ॑ മ॒ന്ദ്രേഷ॒മൂര്ജ॒-ന്ദുഹാ॑നാ ധേ॒നുര്വാഗ॒സ്മാനുപ॒ സുഷ്ടു॒തൈതു॑ ॥ 10 ॥
കാലരാത്രീ-മ്ബ്രഹ്മസ്തുതാം-വൈഁഷ്ണവീം സ്കന്ദമാതരമ് ।
സരസ്വതീമദിതി-ന്ദക്ഷദുഹിതര-ന്നമാമഃ പാവനാം ശിവാമ് ॥ 11 ॥
മഹാലക്ഷ്മ്യൈ ച വിദ്മഹേ സര്വശക്ത്യൈ ച ധീമഹി ।
തന്നോ ദേവീ പ്രചോദയാത് ॥ 12 ॥
അദിതിര്​ഹ്യജനിഷ്ട ദക്ഷ യാ ദുഹിതാ തവ ।
താ-ന്ദേവാ അന്വജായന്ത ഭദ്രാ അമൃതബന്ധവഃ ॥ 13 ॥
കാമോ യോനിഃ കമലാ വജ്രപാണി-
ര്ഗുഹാ ഹസാ മാതരിശ്വാഭ്രമിന്ദ്രഃ ।
പുനര്ഗുഹാ സകലാ മായയാ ച
പുരൂച്യൈഷാ വിശ്വമാതാദിവിദ്യോമ് ॥ 14 ॥
ഏഷാ-ഽഽത്മശക്തിഃ ।
ഏഷാ വിശ്വമോഹിനീ ।
പാശാങ്കുശധനുര്ബാണധരാ ।
ഏഷാ ശ്രീമഹാവിദ്യാ ।
യ ഏവം-വേഁദ സ ശോക-ന്തരതി ॥ 15 ॥
നമസ്തേ അസ്തു ഭഗവതി മാതരസ്മാന്പാഹി സര്വതഃ ॥ 16 ॥
സൈഷാഷ്ടൌ വസവഃ ।
സൈഷൈകാദശ രുദ്രാഃ ।
സൈഷാ ദ്വാദശാദിത്യാഃ ।
സൈഷാ വിശ്വേദേവാ-സ്സോമപാ അസോമപാശ്ച ।
സൈഷാ യാതുധാനാ അസുരാ രക്ഷാംസി പിശാചാ യക്ഷാ സിദ്ധാഃ ।
സൈഷാ സത്ത്വരജസ്തമാംസി ।
സൈഷാ ബ്രഹ്മവിഷ്ണുരുദ്രരൂപിണീ ।
സൈഷാ പ്രജാപതീന്ദ്രമനവഃ ।
സൈഷാ ഗ്രഹനക്ഷത്രജ്യോതീംഷി । കലാകാഷ്ഠാദികാലരൂപിണീ ।
താമഹ-മ്പ്രണൌമി നിത്യമ് ।
പാപാപഹാരിണീ-ന്ദേവീ-മ്ഭുക്തിമുക്തിപ്രദായിനീമ് ।
അനന്താം-വിഁജയാം ശുദ്ധാം ശരണ്യാം ശിവദാം ശിവാമ് ॥ 17 ॥
വിയദീകാരസം​യുഁക്തം-വീഁതിഹോത്രസമന്വിതമ് ।
അര്ധേന്ദുലസിത-ന്ദേവ്യാ ബീജം സര്വാര്ഥസാധകമ് ॥ 18 ॥
ഏവമേകാക്ഷര-മ്ബ്രഹ്മ യതയ-ശ്ശുദ്ധചേതസഃ ।
ധ്യായന്തി പരമാനന്ദമയാ ജ്ഞാനാമ്ബുരാശയഃ ॥ 19 ॥
വാങ്മായാ ബ്രഹ്മസൂസ്തസ്മാ-ഥ്ഷഷ്ഠം-വഁക്ത്രസമന്വിതമ് ।
സൂര്യോ-ഽവാമശ്രോത്രബിന്ദുസം​യുഁക്തഷ്ടാത്തൃതീയകഃ ।
നാരായണേന സമ്മിശ്രോ വായുശ്ചാധരയുക്തതഃ ।
വിച്ചേ നവാര്ണകോ-ഽര്ണ-സ്സ്യാന്മഹദാനന്ദദായകഃ ॥ 20 ॥
ഹൃത്പുണ്ഡരീകമധ്യസ്ഥാ-മ്പ്രാതസ്സൂര്യസമപ്രഭാമ് ।
പാശാങ്കുശധരാം സൌമ്യാം-വഁരദാഭയഹസ്തകാമ് ।
ത്രിനേത്രാം രക്തവസനാ-മ്ഭക്തകാമദുഘാ-മ്ഭജേ ॥ 21 ॥
നമാമി ത്വാ-മ്മഹാദേവീ-മ്മഹാഭയവിനാശിനീമ് ।
മഹാദുര്ഗപ്രശമനീ-മ്മഹാകാരുണ്യരൂപിണീമ് ॥ 22 ॥
യസ്യാ-സ്സ്വരൂപ-മ്ബ്രഹ്മാദയോ ന ജാനന്തി തസ്മാദുച്യതേ അജ്ഞേയാ ।
യസ്യാ അന്തോ ന ലഭ്യതേ തസ്മാദുച്യതേ അനന്താ ।
യസ്യാ ലക്ഷ്യ-ന്നോപലക്ഷ്യതേ തസ്മാദുച്യതേ അലക്ഷ്യാ ।
യസ്യാ ജനന-ന്നോപലഭ്യതേ തസ്മാദുച്യതേ അജാ ।
ഏകൈവ സര്വത്ര വര്തതേ തസ്മാദുച്യതേ ഏകാ ।
ഏകൈവ വിശ്വരൂപിണീ തസ്മാദുച്യതേ നൈകാ ।
അത ഏവോച്യതേ അജ്ഞേയാനന്താലക്ഷ്യാജൈകാ നൈകേതി ॥ 23 ॥
മന്ത്രാണാ-മ്മാതൃകാ ദേവീ ശബ്ദാനാ-ഞ്ജ്ഞാനരൂപിണീ ।
ജ്ഞാനാനാ-ഞ്ചിന്മയാതീതാ ശൂന്യാനാം ശൂന്യസാക്ഷിണീ ।
യസ്യാഃ പരതര-ന്നാസ്തി സൈഷാ ദുര്ഗാ പ്രകീര്തിതാ ॥ 24 ॥
താ-ന്ദുര്ഗാ-ന്ദുര്ഗമാ-ന്ദേവീ-ന്ദുരാചാരവിഘാതിനീമ് ।
നമാമി ഭവഭീതോ-ഽഹം സംസാരാര്ണവതാരിണീമ് ॥ 25 ॥
ഇദമഥര്വശീര്​ഷം-യോഁ-ഽധീതേ സ പഞ്ചാഥര്വശീര്​ഷജപഫലമാപ്നോതി ।
ഇദമഥര്വശീര്​ഷമജ്ഞാത്വാ യോ-ഽര്ചാം സ്ഥാപയതി ।
ശതലക്ഷ-മ്പ്രജപ്ത്വാ-ഽപി സോ-ഽര്ചാസിദ്ധി-ന്ന വിന്ദതി ।
ശതമഷ്ടോത്തര-ഞ്ചാസ്യ പുരശ്ചര്യാവിധി-സ്സ്മൃതഃ ।
ദശവാര-മ്പഠേദ്യസ്തു സദ്യഃ പാപൈഃ പ്രമുച്യതേ ।
മഹാദുര്ഗാണി തരതി മഹാദേവ്യാഃ പ്രസാദതഃ । 26 ॥
സായമധീയാനോ ദിവസകൃത-മ്പാപ-ന്നാശയതി ।
പ്രാതരധീയാനോ രാത്രികൃത-മ്പാപ-ന്നാശയതി ।
സായ-മ്പ്രാതഃ പ്രയുഞ്ജാനോ അപാപോ ഭവതി ।
നിശീഥേ തുരീയസന്ധ്യായാ-ഞ്ജപ്ത്വാ വാക്സിദ്ധിര്ഭവതി ।
നൂതനായാ-മ്പ്രതിമായാ-ഞ്ജപ്ത്വാ ദേവതാസാന്നിധ്യ-മ്ഭവതി ।
പ്രാണപ്രതിഷ്ഠായാ-ഞ്ജപ്ത്വാ പ്രാണാനാ-മ്പ്രതിഷ്ഠാ ഭവതി ।
ഭൌമാശ്വിന്യാ-മ്മഹാദേവീസന്നിധൌ ജപ്ത്വാ മഹാമൃത്യു-ന്തരതി ।
സ മഹാമൃത്യു-ന്തരതി ।
യ ഏവം-വേഁദ ।
ഇത്യുപനിഷത് ॥ 27 ॥
ഇതി ദേവ്യഥര്വശീര്​ഷമ് ।
Roman (IAST) Transliteration
oṃ sarve vai devā devīmupatasthuḥ kāsi tva-mmahādevīti || 1 ||
sā-'bravīdaha-mbrahmasvarūpiṇī |
mattaḥ prakṛtipuruṣātmaka-ñjagat |
śūnya-ñcāśūnya-ñca || 2 ||
ahamānandānānandau |
ahaṃ-vi~jñānāvijñāne |
aha-mbrahmābrahmaṇi veditavye |
aha-mpañcabhūtānyapañcabhūtāni |
ahamakhila-ñjagat || 3 ||
vedo-'hamavedo-'ham |
vidyā-'hamavidyā-'ham |
ajā-'hamanajā-'ham |
adhaścordhva-ñca tiryakcāham || 4 ||
ahaṃ rudrebhirvasubhiścarāmi |
ahamādityairuta viśvadevaiḥ |
aha-mmitrāvaruṇāvubhau bibharmi |
ahamindrāgnī ahamaśvināvubhau || 5 ||
ahaṃ soma-ntvaṣṭāra-mpūṣaṇa-mbhaga-ndadhāmi |
ahaṃ-vi~ṣṇumurukrama-mbrahmāṇamuta prajāpati-ndadhāmi || 6 ||
a॒ha-nda̭dhāmi॒ dravi̭ṇaṃ ha॒viṣma̭te suprā॒vye॒3 yaja̭mānāya sunva॒te |
a॒haṃ rāṣṭrī̭ sa॒ṅgama̭nī॒ vasṷ̄nā-ñciki॒tuṣī̭ pratha॒mā ya॒jñiyā̭nām |
a॒haṃ sṷve pi॒tara̭masya mū॒rdhanmama॒ yoni̭ra॒psvanta-ssa̭mu॒dre |
ya evaṃ-ve~da | sa devīṃ sampadamāpnoti || 7 ||
te devā abruvan –
namo devyai mahādevyai śivāyai satata-nnamaḥ |
namaḥ prakṛtyai bhadrāyai niyatāḥ praṇatā-ssma tām || 8 ||
tāma॒gniva̭rṇā॒-ntapa̭sā jvala॒ntīṃ-vai~̭roca॒nī-ṅka̭rmapha॒leṣu॒ juṣṭā᳚m |
du॒rgā-nde॒vīṃ śara̭ṇa-mprapa̭dyāmahe-'surānnāśayitryai te namaḥ || 9 ||
(ṛ.ve.8.100.11)
de॒vīṃ-vā~ca̭majanayanta de॒vāstāṃ-vi~॒śvarṷ̄pāḥ pa॒śavo̭ vadanti |
sā no̭ ma॒ndreṣa॒mūrja॒-nduhā̭nā dhe॒nurvāga॒smānupa॒ suṣṭu॒taitṷ || 10 ||
kālarātrī-mbrahmastutāṃ-vai~ṣṇavīṃ skandamātaram |
sarasvatīmaditi-ndakṣaduhitara-nnamāmaḥ pāvanāṃ śivām || 11 ||
mahālakṣmyai ca vidmahe sarvaśaktyai ca dhīmahi |
tanno devī pracodayāt || 12 ||
aditir​hyajaniṣṭa dakṣa yā duhitā tava |
tā-ndevā anvajāyanta bhadrā amṛtabandhavaḥ || 13 ||
kāmo yoniḥ kamalā vajrapāṇi-
rguhā hasā mātariśvābhramindraḥ |
punarguhā sakalā māyayā ca
purūcyaiṣā viśvamātādividyom || 14 ||
eṣā-''tmaśaktiḥ |
eṣā viśvamohinī |
pāśāṅkuśadhanurbāṇadharā |
eṣā śrīmahāvidyā |
ya evaṃ-ve~da sa śoka-ntarati || 15 ||
namaste astu bhagavati mātarasmānpāhi sarvataḥ || 16 ||
saiṣāṣṭau vasavaḥ |
saiṣaikādaśa rudrāḥ |
saiṣā dvādaśādityāḥ |
saiṣā viśvedevā-ssomapā asomapāśca |
saiṣā yātudhānā asurā rakṣāṃsi piśācā yakṣā siddhāḥ |
saiṣā sattvarajastamāṃsi |
saiṣā brahmaviṣṇurudrarūpiṇī |
saiṣā prajāpatīndramanavaḥ |
saiṣā grahanakṣatrajyotīṃṣi | kalākāṣṭhādikālarūpiṇī |
tāmaha-mpraṇaumi nityam |
pāpāpahāriṇī-ndevī-mbhuktimuktipradāyinīm |
anantāṃ-vi~jayāṃ śuddhāṃ śaraṇyāṃ śivadāṃ śivām || 17 ||
viyadīkārasaṃ​yu~ktaṃ-vī~tihotrasamanvitam |
ardhendulasita-ndevyā bījaṃ sarvārthasādhakam || 18 ||
evamekākṣara-mbrahma yataya-śśuddhacetasaḥ |
dhyāyanti paramānandamayā jñānāmburāśayaḥ || 19 ||
vāṅmāyā brahmasūstasmā-thṣaṣṭhaṃ-va~ktrasamanvitam |
sūryo-'vāmaśrotrabindusaṃ​yu~ktaṣṭāttṛtīyakaḥ |
nārāyaṇena sammiśro vāyuścādharayuktataḥ |
vicce navārṇako-'rṇa-ssyānmahadānandadāyakaḥ || 20 ||
hṛtpuṇḍarīkamadhyasthā-mprātassūryasamaprabhām |
pāśāṅkuśadharāṃ saumyāṃ-va~radābhayahastakām |
trinetrāṃ raktavasanā-mbhaktakāmadughā-mbhaje || 21 ||
namāmi tvā-mmahādevī-mmahābhayavināśinīm |
mahādurgapraśamanī-mmahākāruṇyarūpiṇīm || 22 ||
yasyā-ssvarūpa-mbrahmādayo na jānanti tasmāducyate ajñeyā |
yasyā anto na labhyate tasmāducyate anantā |
yasyā lakṣya-nnopalakṣyate tasmāducyate alakṣyā |
yasyā janana-nnopalabhyate tasmāducyate ajā |
ekaiva sarvatra vartate tasmāducyate ekā |
ekaiva viśvarūpiṇī tasmāducyate naikā |
ata evocyate ajñeyānantālakṣyājaikā naiketi || 23 ||
mantrāṇā-mmātṛkā devī śabdānā-ñjñānarūpiṇī |
jñānānā-ñcinmayātītā śūnyānāṃ śūnyasākṣiṇī |
yasyāḥ paratara-nnāsti saiṣā durgā prakīrtitā || 24 ||
tā-ndurgā-ndurgamā-ndevī-ndurācāravighātinīm |
namāmi bhavabhīto-'haṃ saṃsārārṇavatāriṇīm || 25 ||
idamatharvaśīr​ṣaṃ-yo~-'dhīte sa pañcātharvaśīr​ṣajapaphalamāpnoti |
idamatharvaśīr​ṣamajñātvā yo-'rcāṃ sthāpayati |
śatalakṣa-mprajaptvā-'pi so-'rcāsiddhi-nna vindati |
śatamaṣṭottara-ñcāsya puraścaryāvidhi-ssmṛtaḥ |
daśavāra-mpaṭhedyastu sadyaḥ pāpaiḥ pramucyate |
mahādurgāṇi tarati mahādevyāḥ prasādataḥ | 26 ||
sāyamadhīyāno divasakṛta-mpāpa-nnāśayati |
prātaradhīyāno rātrikṛta-mpāpa-nnāśayati |
sāya-mprātaḥ prayuñjāno apāpo bhavati |
niśīthe turīyasandhyāyā-ñjaptvā vāksiddhirbhavati |
nūtanāyā-mpratimāyā-ñjaptvā devatāsānnidhya-mbhavati |
prāṇapratiṣṭhāyā-ñjaptvā prāṇānā-mpratiṣṭhā bhavati |
bhaumāśvinyā-mmahādevīsannidhau japtvā mahāmṛtyu-ntarati |
sa mahāmṛtyu-ntarati |
ya evaṃ-ve~da |
ityupaniṣat || 27 ||
iti devyatharvaśīr​ṣam |
InfoLyter.in — Sacred Vedic Knowledge Portal · Free forever