Shri Dattatreya Stotram

ॐ

ശ്രി ദത്താത്രേയ സ്തോത്രമ്

Dattatreya Stotram Malayalam

ജടാധരം പാണ്ഡുരാങ്ഗം ശൂലഹസ്തം കൃപാനിധിമ് ।

സര്വരോഗഹരം ദേവം ദത്താത്രേയമഹം ഭജേ ॥ 1 ॥

അസ്യ ശ്രീദത്താത്രേയസ്തോത്രമന്ത്രസ്യ ഭഗവാന്നാരദൃഷിഃ । അനുഷ്ടുപ് ഛന്ദഃ । ശ്രീദത്തഃ പരമാത്മാ ദേവതാ । ശ്രീദത്താത്രേയ പ്രീത്യര്ഥേ ജപേ വിനിയോഗഃ ॥

നാരദ ഉവാച ।

ജഗദുത്പത്തികര്ത്രേ ച സ്ഥിതിസംഹാരഹേതവേ ।

ഭവപാശവിമുക്തായ ദത്താത്രേയ നമോഽസ്തു തേ ॥ 1 ॥

ജരാജന്മവിനാശായ ദേഹശുദ്ധികരായ ച ।

ദിഗമ്ബര ദയാമൂര്തേ ദത്താത്രേയ നമോഽസ്തു തേ ॥ 2 ॥

കര്പൂരകാന്തിദേഹായ ബ്രഹ്മമൂര്തിധരായ ച ।

വേദശാസ്ത്രപരിജ്ഞായ ദത്താത്രേയ നമോഽസ്തു തേ ॥ 3 ॥

ഹ്രസ്വദീര്ഘകൃശസ്ഥൂലനാമഗോത്രവിവര്ജിത ।

പഞ്ചഭൂതൈകദീപ്തായ ദത്താത്രേയ നമോഽസ്തു തേ ॥ 4 ॥

യജ്ഞഭോക്തേ ച യജ്ഞായ യജ്ഞരൂപധരായ ച ।

യജ്ഞപ്രിയായ സിദ്ധായ ദത്താത്രേയ നമോഽസ്തു തേ ॥ 5 ॥

ആദൌ ബ്രഹ്മാ ഹരിര്മധ്യേ ഹ്യന്തേ ദേവസ്സദാശിവഃ ।

മൂര്തിത്രയസ്വരൂപായ ദത്താത്രേയ നമോഽസ്തു തേ ॥ 6 ॥

ഭോഗാലയായ ഭോഗായ യോഗയോഗ്യായ ധാരിണേ ।

ജിതേന്ദ്രിയ ജിതജ്ഞായ ദത്താത്രേയ നമോഽസ്തു തേ ॥ 7 ॥

ദിഗമ്ബരായ ദിവ്യായ ദിവ്യരൂപധരായ ച ।

സദോദിതപരബ്രഹ്മ ദത്താത്രേയ നമോഽസ്തു തേ ॥ 8 ॥

ജമ്ബൂദ്വീപേ മഹാക്ഷേത്രേ മാതാപുരനിവാസിനേ ।

ജയമാന സതാം ദേവ ദത്താത്രേയ നമോഽസ്തു തേ ॥ 9 ॥

ഭിക്ഷാടനം ഗൃഹേ ഗ്രാമേ പാത്രം ഹേമമയം കരേ ।

നാനാസ്വാദമയീ ഭിക്ഷാ ദത്താത്രേയ നമോഽസ്തു തേ ॥ 10 ॥

ബ്രഹ്മജ്ഞാനമയീ മുദ്രാ വസ്ത്രേ ചാകാശഭൂതലേ ।

പ്രജ്ഞാനഘനബോധായ ദത്താത്രേയ നമോഽസ്തു തേ ॥ 11 ॥

അവധൂത സദാനന്ദ പരബ്രഹ്മസ്വരൂപിണേ ।

വിദേഹദേഹരൂപായ ദത്താത്രേയ നമോഽസ്തു തേ ॥ 12 ॥

സത്യരൂപ സദാചാര സത്യധര്മപരായണ ।

സത്യാശ്രയപരോക്ഷായ ദത്താത്രേയ നമോഽസ്തു തേ ॥ 13 ॥

ശൂലഹസ്തഗദാപാണേ വനമാലാസുകന്ധര ।

യജ്ഞസൂത്രധര ബ്രഹ്മന് ദത്താത്രേയ നമോഽസ്തു തേ ॥ 14 ॥

ക്ഷരാക്ഷരസ്വരൂപായ പരാത്പരതരായ ച ।

ദത്തമുക്തിപരസ്തോത്ര ദത്താത്രേയ നമോഽസ്തു തേ ॥ 15 ॥

ദത്ത വിദ്യാഢ്യ ലക്ഷ്മീശ ദത്ത സ്വാത്മസ്വരൂപിണേ ।

ഗുണനിര്ഗുണരൂപായ ദത്താത്രേയ നമോഽസ്തു തേ ॥ 16 ॥

ശത്രുനാശകരം സ്തോത്രം ജ്ഞാനവിജ്ഞാനദായകമ് ।

സര്വപാപം ശമം യാതി ദത്താത്രേയ നമോഽസ്തു തേ ॥ 17 ॥

ഇദം സ്തോത്രം മഹദ്ദിവ്യം ദത്തപ്രത്യക്ഷകാരകമ് ।

ദത്താത്രേയപ്രസാദാച്ച നാരദേന പ്രകീര്തിതമ് ॥ 18 ॥

ഇതി ശ്രീനാരദപുരാണേ നാരദവിരചിതം ശ്രീ ദത്താത്രേയ സ്തോത്രമ് ।

Roman (IAST) Transliteration

jaṭādharaṃ pāṇḍurāṅgaṃ śūlahastaṃ kṛpānidhim |

sarvarogaharaṃ devaṃ dattātreyamahaṃ bhaje || 1 ||

asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||

nārada uvāca |

jagadutpattikartre ca sthitisaṃhārahetave |

bhavapāśavimuktāya dattātreya namo'stu te || 1 ||

jarājanmavināśāya dehaśuddhikarāya ca |

digambara dayāmūrte dattātreya namo'stu te || 2 ||

karpūrakāntidehāya brahmamūrtidharāya ca |

vedaśāstraparijñāya dattātreya namo'stu te || 3 ||

hrasvadīrghakṛśasthūlanāmagotravivarjita |

pañcabhūtaikadīptāya dattātreya namo'stu te || 4 ||

yajñabhokte ca yajñāya yajñarūpadharāya ca |

yajñapriyāya siddhāya dattātreya namo'stu te || 5 ||

ādau brahmā harirmadhye hyante devassadāśivaḥ |

mūrtitrayasvarūpāya dattātreya namo'stu te || 6 ||

bhogālayāya bhogāya yogayogyāya dhāriṇe |

jitendriya jitajñāya dattātreya namo'stu te || 7 ||

digambarāya divyāya divyarūpadharāya ca |

sadoditaparabrahma dattātreya namo'stu te || 8 ||

jambūdvīpe mahākṣetre mātāpuranivāsine |

jayamāna satāṃ deva dattātreya namo'stu te || 9 ||

bhikṣāṭanaṃ gṛhe grāme pātraṃ hemamayaṃ kare |

nānāsvādamayī bhikṣā dattātreya namo'stu te || 10 ||

brahmajñānamayī mudrā vastre cākāśabhūtale |

prajñānaghanabodhāya dattātreya namo'stu te || 11 ||

avadhūta sadānanda parabrahmasvarūpiṇe |

videhadeharūpāya dattātreya namo'stu te || 12 ||

satyarūpa sadācāra satyadharmaparāyaṇa |

satyāśrayaparokṣāya dattātreya namo'stu te || 13 ||

śūlahastagadāpāṇe vanamālāsukandhara |

yajñasūtradhara brahman dattātreya namo'stu te || 14 ||

kṣarākṣarasvarūpāya parātparatarāya ca |

dattamuktiparastotra dattātreya namo'stu te || 15 ||

datta vidyāḍhya lakṣmīśa datta svātmasvarūpiṇe |

guṇanirguṇarūpāya dattātreya namo'stu te || 16 ||

śatrunāśakaraṃ stotraṃ jñānavijñānadāyakam |

sarvapāpaṃ śamaṃ yāti dattātreya namo'stu te || 17 ||

idaṃ stotraṃ mahaddivyaṃ dattapratyakṣakārakam |

dattātreyaprasādācca nāradena prakīrtitam || 18 ||

iti śrīnāradapurāṇe nāradaviracitaṃ śrī dattātreya stotram |