📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ആദ്യ കാലീ സ്തോത്രം
Shri Adya Kali Stotram
Kali Stotram Malayalam
ബ്രഹ്മോവാച
ശൃണു വത്സ പ്രവക്ഷ്യാമി ആദ്യാസ്തോത്രം മഹാഫലമ് ।
യഃ പഠേത് സതതം ഭക്ത്യാ സ ഏവ വിഷ്ണുവല്ലഭഃ ॥ 1 ॥
മൃത്യുര്വ്യാധിഭയം തസ്യ നാസ്തി കിഞ്ചിത് കലൌ യുഗേ ।
അപുത്രാ ലഭതേ പുത്രം ത്രിപക്ഷം ശ്രവണം യദി ॥ 2 ॥
ദ്വൌ മാസൌ ബന്ധനാന്മുക്തി വിപ്രവക്ത്രാത് ശ്രുതം യദി ।
മൃതവത്സാ ജീവവത്സാ ഷണ്മാസം ശ്രവണം യദി ॥ 3 ॥
നൌകായാം സങ്കടേ യുദ്ധേ പഠനാജ്ജയമാപ്നുയാത് ।
ലിഖിത്വാ സ്ഥാപയേദ്ഗേഹേ നാഗ്നിചൌരഭയം ക്വചിത് ॥ 4 ॥
രാജസ്ഥാനേ ജയീ നിത്യം പ്രസന്നാഃ സര്വദേവതാ ।
ഓം ഹ്രീമ് ।
ബ്രഹ്മാണീ ബ്രഹ്മലോകേ ച വൈകുണ്ഠേ സര്വമങ്ഗലാ ॥ 5 ॥
ഇന്ദ്രാണീ അമരാവത്യാമമ്ബികാ വരുണാലയേ ।
യമാലയേ കാലരൂപാ കുബേരഭവനേ ശുഭാ ॥ 6 ॥
മഹാനന്ദാഗ്നികോണേ ച വായവ്യാം മൃഗവാഹിനീ ।
നൈരൃത്യാം രക്തദന്താ ച ഐശാന്യാം ശൂലധാരിണീ ॥ 7 ॥
പാതാലേ വൈഷ്ണവീരൂപാ സിംഹലേ ദേവമോഹിനീ ।
സുരസാ ച മണിദ്വിപേ ലങ്കായാം ഭദ്രകാലികാ ॥ 8 ॥
രാമേശ്വരീ സേതുബന്ധേ വിമലാ പുരുഷോത്തമേ ।
വിരജാ ഔഡ്രദേശേ ച കാമാക്ഷ്യാ നീലപര്വതേ ॥ 9 ॥
കാലികാ വങ്ഗദേശേ ച അയോധ്യായാം മഹേശ്വരീ ।
വാരാണസ്യാമന്നപൂര്ണാ ഗയാക്ഷേത്രേ ഗയേശ്വരീ ॥ 10 ॥
കുരുക്ഷേത്രേ ഭദ്രകാലീ വ്രജേ കാത്യായനീ പരാ ।
ദ്വാരകായാം മഹാമായാ മഥുരായാം മഹേശ്വരീ ॥ 11 ॥
ക്ഷുധാ ത്വം സര്വഭൂതാനാം വേലാ ത്വം സാഗരസ്യ ച ।
നവമീ ശുക്ലപക്ഷസ്യ കൃഷ്ണസ്യൈകാദശീ പരാ ॥ 12 ॥
ദക്ഷസാ ദുഹിതാ ദേവീ ദക്ഷയജ്ഞവിനാശിനീ ।
രാമസ്യ ജാനകീ ത്വം ഹി രാവണധ്വംസകാരിണീ ॥ 13 ॥
ചണ്ഡമുണ്ഡവധേ ദേവീ രക്തബീജവിനാശിനീ ।
നിശുമ്ഭശുമ്ഭമഥിനീ മധുകൈടഭഘാതിനീ ॥ 14 ॥
വിഷ്ണുഭക്തിപ്രദാ ദുര്ഗാ സുഖദാ മോക്ഷദാ സദാ ।
ആദ്യാസ്തവമിമം പുണ്യം യഃ പഠേത് സതതം നരഃ ॥ 15 ॥
സര്വജ്വരഭയം ന സ്യാത് സര്വവ്യാധിവിനാശനമ് ।
കോടിതീര്ഥഫലം തസ്യ ലഭതേ നാത്ര സംശയഃ ॥ 16 ॥
ജയാ മേ ചാഗ്രതഃ പാതു വിജയാ പാതു പൃഷ്ഠതഃ ।
നാരായണീ ശീര്ഷദേശേ സര്വാങ്ഗേ സിംഹവാഹിനീ ॥ 17 ॥
ശിവദൂതീ ഉഗ്രചണ്ഡാ പ്രത്യങ്ഗേ പരമേശ്വരീ ।
വിശാലാക്ഷീ മഹാമായാ കൌമാരീ ശങ്ഖിനീ ശിവാ ॥ 18 ॥
ചക്രിണീ ജയദാത്രീ ച രണമത്താ രണപ്രിയാ ।
ദുര്ഗാ ജയന്തീ കാലീ ച ഭദ്രകാലീ മഹോദരീ ॥ 19 ॥
നാരസിംഹീ ച വാരാഹീ സിദ്ധിദാത്രീ സുഖപ്രദാ ।
ഭയങ്കരീ മഹാരൌദ്രീ മഹാഭയവിനാശിനീ ॥ 20 ॥
ഇതി ശ്രീബ്രഹ്മയാമലേ ബ്രഹ്മനാരദസംവാദേ ശ്രീ ആദ്യാ സ്തോത്രമ് ॥
Roman (IAST) Transliteration
brahmovāca
śṛṇu vatsa pravakṣyāmi ādyāstotraṃ mahāphalam |
yaḥ paṭhet satataṃ bhaktyā sa eva viṣṇuvallabhaḥ || 1 ||
mṛtyurvyādhibhayaṃ tasya nāsti kiñcit kalau yuge |
aputrā labhate putraṃ tripakṣaṃ śravaṇaṃ yadi || 2 ||
dvau māsau bandhanānmukti vipravaktrāt śrutaṃ yadi |
mṛtavatsā jīvavatsā ṣaṇmāsaṃ śravaṇaṃ yadi || 3 ||
naukāyāṃ saṅkaṭe yuddhe paṭhanājjayamāpnuyāt |
likhitvā sthāpayedgehe nāgnicaurabhayaṃ kvacit || 4 ||
rājasthāne jayī nityaṃ prasannāḥ sarvadevatā |
oṃ hrīm |
brahmāṇī brahmaloke ca vaikuṇṭhe sarvamaṅgalā || 5 ||
indrāṇī amarāvatyāmambikā varuṇālaye |
yamālaye kālarūpā kuberabhavane śubhā || 6 ||
mahānandāgnikoṇe ca vāyavyāṃ mṛgavāhinī |
nairṛtyāṃ raktadantā ca aiśānyāṃ śūladhāriṇī || 7 ||
pātāle vaiṣṇavīrūpā siṃhale devamohinī |
surasā ca maṇidvipe laṅkāyāṃ bhadrakālikā || 8 ||
rāmeśvarī setubandhe vimalā puruṣottame |
virajā auḍradeśe ca kāmākṣyā nīlaparvate || 9 ||
kālikā vaṅgadeśe ca ayodhyāyāṃ maheśvarī |
vārāṇasyāmannapūrṇā gayākṣetre gayeśvarī || 10 ||
kurukṣetre bhadrakālī vraje kātyāyanī parā |
dvārakāyāṃ mahāmāyā mathurāyāṃ maheśvarī || 11 ||
kṣudhā tvaṃ sarvabhūtānāṃ velā tvaṃ sāgarasya ca |
navamī śuklapakṣasya kṛṣṇasyaikādaśī parā || 12 ||
dakṣasā duhitā devī dakṣayajñavināśinī |
rāmasya jānakī tvaṃ hi rāvaṇadhvaṃsakāriṇī || 13 ||
caṇḍamuṇḍavadhe devī raktabījavināśinī |
niśumbhaśumbhamathinī madhukaiṭabhaghātinī || 14 ||
viṣṇubhaktipradā durgā sukhadā mokṣadā sadā |
ādyāstavamimaṃ puṇyaṃ yaḥ paṭhet satataṃ naraḥ || 15 ||
sarvajvarabhayaṃ na syāt sarvavyādhivināśanam |
koṭitīrthaphalaṃ tasya labhate nātra saṃśayaḥ || 16 ||
jayā me cāgrataḥ pātu vijayā pātu pṛṣṭhataḥ |
nārāyaṇī śīrṣadeśe sarvāṅge siṃhavāhinī || 17 ||
śivadūtī ugracaṇḍā pratyaṅge parameśvarī |
viśālākṣī mahāmāyā kaumārī śaṅkhinī śivā || 18 ||
cakriṇī jayadātrī ca raṇamattā raṇapriyā |
durgā jayantī kālī ca bhadrakālī mahodarī || 19 ||
nārasiṃhī ca vārāhī siddhidātrī sukhapradā |
bhayaṅkarī mahāraudrī mahābhayavināśinī || 20 ||
iti śrībrahmayāmale brahmanāradasaṃvāde śrī ādyā stotram ||
InfoLyter.in — Sacred Vedic Knowledge Portal · Free forever