📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശ്രീ ദുര്ഗാ നക്ഷത്ര മാലികാ സ്തുതി
Shri Durga Nakshatra Malika Stuti
Durga Malayalam
വിരാടനഗരം രമ്യം ഗച്ഛമാനോ യുധിഷ്ഠിരഃ ।
അസ്തുവന്മനസാ ദേവീം ദുര്ഗാം ത്രിഭുവനേശ്വരീമ് ॥ 1 ॥
യശോദാഗര്ഭസമ്ഭൂതാം നാരായണവരപ്രിയാമ് ।
നന്ദഗോപകുലേജാതാം മങ്ഗല്യാം കുലവര്ധനീമ് ॥ 2 ॥
കംസവിദ്രാവണകരീം അസുരാണാം ക്ഷയങ്കരീമ് ।
ശിലാതടവിനിക്ഷിപ്താം ആകാശം പ്രതിഗാമിനീമ് ॥ 3 ॥
വാസുദേവസ്യ ഭഗിനീം ദിവ്യമാല്യ വിഭൂഷിതാമ് ।
ദിവ്യാമ്ബരധരാം ദേവീം ഖഡ്ഗഖേടകധാരിണീമ് ॥ 4 ॥
ഭാരാവതരണേ പുണ്യേ യേ സ്മരന്തി സദാശിവാമ് ।
താന്വൈ താരയതേ പാപാത് പങ്കേഗാമിവ ദുര്ബലാമ് ॥ 5 ॥
സ്തോതും പ്രചക്രമേ ഭൂയോ വിവിധൈഃ സ്തോത്രസമ്ഭവൈഃ ।
ആമന്ത്ര്യ ദര്ശനാകാങ്ക്ഷീ രാജാ ദേവീം സഹാനുജഃ ॥ 6 ॥
നമോഽസ്തു വരദേ കൃഷ്ണേ കുമാരി ബ്രഹ്മചാരിണി ।
ബാലാര്ക സദൃശാകാരേ പൂര്ണചന്ദ്രനിഭാനനേ ॥ 7 ॥
ചതുര്ഭുജേ ചതുര്വക്ത്രേ പീനശ്രോണിപയോധരേ ।
മയൂരപിഞ്ഛവലയേ കേയൂരാങ്ഗദധാരിണി ॥ 8 ॥
ഭാസി ദേവി യദാ പദ്മാ നാരായണപരിഗ്രഹഃ ।
സ്വരൂപം ബ്രഹ്മചര്യം ച വിശദം തവ ഖേചരി ॥ 9 ॥
കൃഷ്ണച്ഛവിസമാ കൃഷ്ണാ സങ്കര്ഷണസമാനനാ ।
ബിഭ്രതീ വിപുലൌ ബാഹൂ ശക്രധ്വജസമുച്ഛ്രയൌ ॥ 10 ॥
പാത്രീ ച പങ്കജീ കണ്ഠീ സ്ത്രീ വിശുദ്ധാ ച യാ ഭുവി ।
പാശം ധനുര്മഹാചക്രം വിവിധാന്യായുധാനി ച ॥ 11 ॥
കുണ്ഡലാഭ്യാം സുപൂര്ണാഭ്യാം കര്ണാഭ്യാം ച വിഭൂഷിതാ ।
ചന്ദ്രവിസ്പാര്ധിനാ ദേവി മുഖേന ത്വം വിരാജസേ ॥ 12 ॥
മുകുടേന വിചിത്രേണ കേശബന്ധേന ശോഭിനാ ।
ഭുജങ്ഗാഽഭോഗവാസേന ശ്രോണിസൂത്രേണ രാജതാ ॥ 13 ॥
ഭ്രാജസേ ചാവബദ്ധേന ഭോഗേനേവേഹ മന്ദരഃ ।
ധ്വജേന ശിഖിപിഞ്ഛാനാം ഉച്ഛ്രിതേന വിരാജസേ ॥ 14 ॥
കൌമാരം വ്രതമാസ്ഥായ ത്രിദിവം പാവിതം ത്വയാ ।
തേന ത്വം സ്തൂയസേ ദേവി ത്രിദശൈഃ പൂജ്യസേഽപി ച ॥ 15 ॥
ത്രൈലോക്യ രക്ഷണാര്ഥായ മഹിഷാസുരനാശിനി ।
പ്രസന്നാ മേ സുരശ്രേഷ്ഠേ ദയാം കുരു ശിവാ ഭവ ॥ 16 ॥
ജയാ ത്വം വിജയാ ചൈവ സങ്ഗ്രാമേ ച ജയപ്രദാ ।
മമാഽപി വിജയം ദേഹി വരദാ ത്വം ച സാമ്പ്രതമ് ॥ 17 ॥
വിന്ധ്യേ ചൈവ നഗശ്രേഷ്ടേ തവ സ്ഥാനം ഹി ശാശ്വതമ് ।
കാലി കാലി മഹാകാലി സീധുമാംസ പശുപ്രിയേ ॥ 18 ॥
കൃതാനുയാത്രാ ഭൂതൈസ്ത്വം വരദാ കാമചാരിണി ।
ഭാരാവതാരേ യേ ച ത്വാം സംസ്മരിഷ്യന്തി മാനവാഃ ॥ 19 ॥
പ്രണമന്തി ച യേ ത്വാം ഹി പ്രഭാതേ തു നരാ ഭുവി ।
ന തേഷാം ദുര്ലഭം കിഞ്ചിത് പുത്രതോ ധനതോഽപി വാ ॥ 20 ॥
ദുര്ഗാത്താരയസേ ദുര്ഗേ തത്വം ദുര്ഗാ സ്മൃതാ ജനൈഃ ।
കാന്താരേഷ്വവപന്നാനാം മഗ്നാനാം ച മഹാര്ണവേ ॥ 21 ॥
(ദസ്യുഭിര്വാ നിരുദ്ധാനാം ത്വം ഗതിഃ പരമാ നൃണാമ)
ജലപ്രതരണേ ചൈവ കാന്താരേഷ്വടവീഷു ച ।
യേ സ്മരന്തി മഹാദേവീം ന ച സീദന്തി തേ നരാഃ ॥ 22 ॥
ത്വം കീര്തിഃ ശ്രീര്ധൃതിഃ സിദ്ധിഃ ഹ്രീര്വിദ്യാ സന്തതിര്മതിഃ ।
സന്ധ്യാ രാത്രിഃ പ്രഭാ നിദ്രാ ജ്യോത്സ്നാ കാന്തിഃ ക്ഷമാ ദയാ ॥ 23 ॥
നൃണാം ച ബന്ധനം മോഹം പുത്രനാശം ധനക്ഷയമ് ।
വ്യാധിം മൃത്യും ഭയം ചൈവ പൂജിതാ നാശയിഷ്യസി ॥ 24 ॥
സോഽഹം രാജ്യാത്പരിഭ്രഷ്ടഃ ശരണം ത്വാം പ്രപന്നവാന് ।
പ്രണതശ്ച യഥാ മൂര്ധ്നാ തവ ദേവി സുരേശ്വരി ॥ 25 ॥
ത്രാഹി മാം പദ്മപത്രാക്ഷി സത്യേ സത്യാ ഭവസ്വ നഃ ।
ശരണം ഭവ മേ ദുര്ഗേ ശരണ്യേ ഭക്തവത്സലേ ॥ 26 ॥
ഏവം സ്തുതാ ഹി സാ ദേവീ ദര്ശയാമാസ പാണ്ഡവമ് ।
ഉപഗമ്യ തു രാജാനമിദം വചനമബ്രവീത് ॥ 27 ॥
ശൃണു രാജന് മഹാബാഹോ മദീയം വചനം പ്രഭോ ।
ഭവിഷ്യത്യചിരാദേവ സങ്ഗ്രാമേ വിജയസ്തവ ॥ 28 ॥
മമ പ്രസാദാന്നിര്ജിത്യ ഹത്വാ കൌരവ വാഹിനീമ് ।
രാജ്യം നിഷ്കണ്ടകം കൃത്വാ ഭോക്ഷ്യസേ മേദിനീം പുനഃ ॥ 29 ॥
ഭ്രാതൃഭിഃ സഹിതോ രാജന് പ്രീതിം പ്രാപ്സ്യസി പുഷ്കലാമ് ।
മത്പ്രസാദാച്ച തേ സൌഖ്യം ആരോഗ്യം ച ഭവിഷ്യതി ॥ 30 ॥
യേ ച സങ്കീര്തയിഷ്യന്തി ലോകേ വിഗതകല്മഷാഃ ।
തേഷാം തുഷ്ടാ പ്രദാസ്യാമി രാജ്യമായുര്വപുസ്സുതമ് ॥ 31 ॥
പ്രവാസേ നഗരേ ചാപി സങ്ഗ്രാമേ ശത്രുസങ്കടേ ।
അടവ്യാം ദുര്ഗകാന്താരേ സാഗരേ ഗഹനേ ഗിരൌ ॥ 32 ॥
യേ സ്മരിഷ്യന്തി മാം രാജന് യഥാഹം ഭവതാ സ്മൃതാ ।
ന തേഷാം ദുര്ലഭം കിഞ്ചിദസ്മിന് ലോകേ ഭവിഷ്യതി ॥ 33 ॥
യ ഇദം പരമസ്തോത്രം ഭക്ത്യാ ശൃണുയാദ്വാ പഠേത വാ ।
തസ്യ സര്വാണി കാര്യാണി സിധ്ധിം യാസ്യന്തി പാണ്ഡവാഃ ॥ 34 ॥
മത്പ്രസാദാച്ച വസ്സര്വാന് വിരാടനഗരേ സ്ഥിതാന് ।
ന പ്രജ്ഞാസ്യന്തി കുരവഃ നരാ വാ തന്നിവാസിനഃ ॥ 35 ॥
ഇത്യുക്ത്വാ വരദാ ദേവീ യുധിഷ്ഠിരമരിന്ദമമ് ।
രക്ഷാം കൃത്വാ ച പാണ്ഡൂനാം തത്രൈവാന്തരധീയത ॥ 38 ॥
Roman (IAST) Transliteration
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakulejātāṃ maṅgalyāṃ kulavardhanīm || 2 ||
kaṃsavidrāvaṇakarīṃ asurāṇāṃ kṣayaṅkarīm |
śilātaṭavinikṣiptāṃ ākāśaṃ pratigāminīm || 3 ||
vāsudevasya bhaginīṃ divyamālya vibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tānvai tārayate pāpāt paṅkegāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārka sadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapiñchavalaye keyūrāṅgadadhāriṇi || 8 ||
bhāsi devi yadā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī kaṇṭhī strī viśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispārdhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgā'bhogavāsena śroṇisūtreṇa rājatā || 13 ||
bhrājase cāvabaddhena bhogeneveha mandaraḥ |
dhvajena śikhipiñchānāṃ ucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokya rakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamā'pi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭe tava sthānaṃ hi śāśvatam |
kāli kāli mahākāli sīdhumāṃsa paśupriye || 18 ||
kṛtānuyātrā bhūtaistvaṃ varadā kāmacāriṇi |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāttārayase durge tatvaṃ durgā smṛtā janaiḥ |
kāntāreṣvavapannānāṃ magnānāṃ ca mahārṇave || 21 ||
(dasyubhirvā niruddhānāṃ tvaṃ gatiḥ paramā nṛṇāma)
jalaprataraṇe caiva kāntāreṣvaṭavīṣu ca |
ye smaranti mahādevīṃ na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhiḥ hrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānamidaṃ vacanamabravīt || 27 ||
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kaurava vāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhrātṛbhiḥ sahito rājan prītiṃ prāpsyasi puṣkalām |
matprasādācca te saukhyaṃ ārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapussutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathāhaṃ bhavatā smṛtā |
na teṣāṃ durlabhaṃ kiñcidasmin loke bhaviṣyati || 33 ||
ya idaṃ paramastotraṃ bhaktyā śṛṇuyādvā paṭheta vā |
tasya sarvāṇi kāryāṇi sidhdhiṃ yāsyanti pāṇḍavāḥ || 34 ||
matprasādācca vassarvān virāṭanagare sthitān |
na prajñāsyanti kuravaḥ narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 38 ||
InfoLyter.in — Sacred Vedic Knowledge Portal · Free forever