📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ശിവ സുവര്ണമാലാ സ്തുതി
Shiva Suvarnamala Stuti
Shiva Adi Shankaracharya Malayalam
അഥ കഥമപി മദ്രാസനാം ത്വദ്ഗുണലേശൈര്വിശോധയാമി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 1 ॥
ആഖണ്ഡലമദഖണ്ഡനപണ്ഡിത തണ്ഡുപ്രിയ ചണ്ഡീശ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 2 ॥
ഇഭചര്മാമ്ബര ശമ്ബരരിപുവപുരപഹരണോജ്ജ്വലനയന വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 3 ॥
ഈശ ഗിരീശ നരേശ പരേശ മഹേശ ബിലേശയഭൂഷണ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 4 ॥
ഉമയാ ദിവ്യസുമങ്ഗലവിഗ്രഹയാലിങ്ഗിതവാമാങ്ഗ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 5 ॥
ഊരീകുരു മാമജ്ഞമനാഥം ദൂരീകുരു മേ ദുരിതം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 6 ॥
ഋഷിവരമാനസഹംസ ചരാചരജനനസ്ഥിതിലയകാരണ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 7 ॥
ൠക്ഷാധീശകിരീട മഹോക്ഷാരൂഢ വിധൃതരുദ്രാക്ഷ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 8 ॥
ലുവര്ണദ്വന്ദ്വമവൃന്തസുകുസുമമിവാങ്ഘ്രൌ തവാര്പയാമി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 9 ॥
ഏകം സദിതി ശ്രുത്യാ ത്വമേവ സദസീത്യുപാസ്മഹേ മൃഡ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 10 ॥
ഐക്യം നിജഭക്തേഭ്യോ വിതരസി വിശ്വമ്ഭരോഽത്ര സാക്ഷീ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 11 ॥
ഓമിതി തവ നിര്ദേഷ്ട്രീ മായാസ്മാകം മൃഡോപകര്ത്രീ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 12 ॥
ഔദാസ്യം സ്ഫുടയതി വിഷയേഷു ദിഗമ്ബരതാ ച തവൈവ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 13 ॥
അന്തഃകരണവിശുദ്ധിം ഭക്തിം ച ത്വയി സതീം പ്രദേഹി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 14 ॥
അസ്തോപാധിസമസ്തവ്യസ്തൈ രൂപൈര്ജഗന്മയോഽസി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 15 ॥
കരുണാവരുണാലയ മയി ദാസ ഉദാസസ്തവോചിതോ ന ഹി ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 16 ॥
ഖലസഹവാസം വിഘടയ ഘടയ സതാമേവ സങ്ഗമനിശം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 17 ॥
ഗരലം ജഗദുപകൃതയേ ഗിലിതം ഭവതാ സമോഽസ്തി കോഽത്ര വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 18 ॥
ഘനസാരഗൌരഗാത്ര പ്രചുരജടാജൂടബദ്ധഗങ്ഗ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 19 ॥
ജ്ഞപ്തിഃ സര്വശരീരേഷ്വഖണ്ഡിതാ യാ വിഭാതി സാ ത്വം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 20 ॥
ചപലം മമ ഹൃദയകപിം വിഷയദ്രുചരം ദൃഢം ബധാന വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 21 ॥
ഛായാ സ്ഥാണോരപി തവ താപം നമതാം ഹരത്യഹോ ശിവ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 22 ॥
ജയ കൈലാസനിവാസ പ്രമഥഗണാധീശ ഭൂസുരാര്ചിത ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 23 ॥
ഝണുതകഝങ്കിണുഝണുതത്കിടതക-ശബ്ദൈര്നടസി മഹാനട ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 24 ॥
ജ്ഞാനം വിക്ഷേപാവൃതിരഹിതം കുരു മേ ഗുരുസ്ത്വമേവ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 25 ॥
ടങ്കാരസ്തവ ധനുഷോ ദലയതി ഹൃദയം ദ്വിഷാമശനിരിവ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 26 ॥
ഠാകൃതിരിവ തവ മായാ ബഹിരന്തഃ ശൂന്യരൂപിണീ ഖലു ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 27 ॥
ഡമ്ബരമമ്ബുരുഹാമപി ദലയത്യനഘം ത്വദങ്ഘ്രിയുഗലം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 28 ॥
ഢക്കാക്ഷസൂത്രശൂലദ്രുഹിണകരോടീസമുല്ലസത്കര ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 29 ॥
ണാകാരഗര്ഭിണീ ചേച്ഛുഭദാ തേ ശരഗതിര്നൃണാമിഹ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 30 ॥
തവ മന്വതിസഞ്ജപതഃ സദ്യസ്തരതി നരോ ഹി ഭവാബ്ധിം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 31 ॥
ഥൂത്കാരസ്തസ്യ മുഖേ ഭൂയാത്തേ നാമ നാസ്തി യസ്യ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 32 ॥
ദയനീയശ്ച ദയാലുഃ കോഽസ്തി മദന്യസ്ത്വദന്യ ഇഹ വദ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 33 ॥
ധര്മസ്ഥാപനദക്ഷ ത്ര്യക്ഷ ഗുരോ ദക്ഷയജ്ഞശിക്ഷക ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 34 ॥
നനു താഡിതോഽസി ധനുഷാ ലുബ്ധധിയാ ത്വം പുരാ നരേണ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 35 ॥
പരിമാതും തവ മൂര്തിം നാലമജസ്തത്പരാത്പരോഽസി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 36 ॥
ഫലമിഹ നൃതയാ ജനുഷസ്ത്വത്പദസേവാ സനാതനേശ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 37 ॥
ബലമാരോഗ്യം ചായുസ്ത്വദ്ഗുണരുചിതാം ചിരം പ്രദേഹി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 38 ॥
ഭഗവന്ഭര്ഗ ഭയാപഹ ഭൂതപതേ ഭൂതിഭൂഷിതാങ്ഗ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 39 ॥
മഹിമാ തവ ന ഹി മാതി ശ്രുതിഷു ഹിമാനീധരാത്മജാധവ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 40 ॥
യമനിയമാദിഭിരങ്ഗൈര്യമിനോ ഹൃദയേ ഭജന്തി സ ത്വം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 41 ॥
രജ്ജാവഹിരിവ ശുക്തൌ രജതമിവ ത്വയി ജഗന്തി ഭാന്തി വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 42 ॥
ലബ്ധ്വാ ഭവത്പ്രസാദാച്ചക്രം വിധുരവതി ലോകമഖിലം ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 43 ॥
വസുധാതദ്ധരതച്ഛയരഥമൌര്വീശര പരാകൃതാസുര ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 44 ॥
ശര്വ ദേവ സര്വോത്തമ സര്വദ ദുര്വൃത്തഗര്വഹരണ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 45 ॥
ഷഡ്രിപുഷഡൂര്മിഷഡ്വികാരഹര സന്മുഖ ഷണ്മുഖജനക വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 46 ॥
സത്യം ജ്ഞാനമനന്തം ബ്രഹ്മേത്യേതല്ലക്ഷണലക്ഷിത ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 47 ॥
ഹാഹാഹൂഹൂമുഖസുരഗായകഗീതാപദാനപദ്യ വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 48 ॥
ലാദിര്ന ഹി പ്രയോഗസ്തദന്തമിഹ മങ്ഗലം സദാസ്തു വിഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 49 ॥
ക്ഷണമിവ ദിവസാന്നേഷ്യതി ത്വത്പദസേവാക്ഷണോത്സുകഃ ശിവ ഭോ ।
സാമ്ബ സദാശിവ ശമ്ഭോ ശങ്കര ശരണം മേ തവ ചരണയുഗമ് ॥ 50 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ സുവര്ണമാലാ സ്തുതിഃ സമ്പൂര്ണാ ॥
Roman (IAST) Transliteration
atha kathamapi madrāsanāṃ tvadguṇaleśairviśodhayāmi vibho |
sāmba sadāśiva śambho śaṅkara śaraṇaṃ me tava caraṇayugam || 1 ||
ākhaṇḍalamadakhaṇḍanapaṇḍita taṇḍupriya caṇḍīśa vibho |
sāmba sadāśiva śambho śaṅkara śaraṇaṃ me tava caraṇayugam || 2 ||
ibhacarmāmbara śambararipuvapurapaharaṇojjvalanayana vibho |
sāmba sadāśiva śambho śaṅkara śaraṇaṃ me tava caraṇayugam || 3 ||
īśa girīśa nareśa pareśa maheśa bileśayabhūṣaṇa bho |
sāmba sadāśiva śambho śaṅkara śaraṇaṃ me tava caraṇayugam || 4 ||
umayā divyasumaṅgalavigrahayāliṅgitavāmāṅga vibho |
sāmba sadāśiva śambho śaṅkara śaraṇaṃ me tava caraṇayugam || 5 ||
ūrīkuru māmajñamanāthaṃ dūrīkuru me duritaṃ bho |
sāmba sadāśiva śambho śaṅkara śaraṇaṃ me tava caraṇayugam || 6 ||
ṛṣivaramānasahaṃsa carācarajananasthitilayakāraṇa bho |
sāmba sadāśiva śambho śaṅkara śaraṇaṃ me tava caraṇayugam || 7 ||
ṝkṣādhīśakirīṭa mahokṣārūḍha vidhṛtarudrākṣa vibho |
sāmba sadāśiva śambho śaṅkara śaraṇaṃ me tava caraṇayugam || 8 ||
luvarṇadvandvamavṛntasukusumamivāṅghrau tavārpayāmi vibho |
sāmba sadāśiva śambho śaṅkara śaraṇaṃ me tava caraṇayugam || 9 ||
ekaṃ saditi śrutyā tvameva sadasītyupāsmahe mṛḍa bho |
sāmba sadāśiva śambho śaṅkara śaraṇaṃ me tava caraṇayugam || 10 ||
aikyaṃ nijabhaktebhyo vitarasi viśvambharo'tra sākṣī bho |
sāmba sadāśiva śambho śaṅkara śaraṇaṃ me tava caraṇayugam || 11 ||
omiti tava nirdeṣṭrī māyāsmākaṃ mṛḍopakartrī bho |
sāmba sadāśiva śambho śaṅkara śaraṇaṃ me tava caraṇayugam || 12 ||
audāsyaṃ sphuṭayati viṣayeṣu digambaratā ca tavaiva vibho |
sāmba sadāśiva śambho śaṅkara śaraṇaṃ me tava caraṇayugam || 13 ||
antaḥkaraṇaviśuddhiṃ bhaktiṃ ca tvayi satīṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 14 ||
astopādhisamastavyastai rūpairjaganmayo'si vibho |
sāmba sadāśiva śambho śaṅkara śaraṇaṃ me tava caraṇayugam || 15 ||
karuṇāvaruṇālaya mayi dāsa udāsastavocito na hi bho |
sāmba sadāśiva śambho śaṅkara śaraṇaṃ me tava caraṇayugam || 16 ||
khalasahavāsaṃ vighaṭaya ghaṭaya satāmeva saṅgamaniśaṃ bho |
sāmba sadāśiva śambho śaṅkara śaraṇaṃ me tava caraṇayugam || 17 ||
garalaṃ jagadupakṛtaye gilitaṃ bhavatā samo'sti ko'tra vibho |
sāmba sadāśiva śambho śaṅkara śaraṇaṃ me tava caraṇayugam || 18 ||
ghanasāragauragātra pracurajaṭājūṭabaddhagaṅga vibho |
sāmba sadāśiva śambho śaṅkara śaraṇaṃ me tava caraṇayugam || 19 ||
jñaptiḥ sarvaśarīreṣvakhaṇḍitā yā vibhāti sā tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 20 ||
capalaṃ mama hṛdayakapiṃ viṣayadrucaraṃ dṛḍhaṃ badhāna vibho |
sāmba sadāśiva śambho śaṅkara śaraṇaṃ me tava caraṇayugam || 21 ||
chāyā sthāṇorapi tava tāpaṃ namatāṃ haratyaho śiva bho |
sāmba sadāśiva śambho śaṅkara śaraṇaṃ me tava caraṇayugam || 22 ||
jaya kailāsanivāsa pramathagaṇādhīśa bhūsurārcita bho |
sāmba sadāśiva śambho śaṅkara śaraṇaṃ me tava caraṇayugam || 23 ||
jhaṇutakajhaṅkiṇujhaṇutatkiṭataka-śabdairnaṭasi mahānaṭa bho |
sāmba sadāśiva śambho śaṅkara śaraṇaṃ me tava caraṇayugam || 24 ||
jñānaṃ vikṣepāvṛtirahitaṃ kuru me gurustvameva vibho |
sāmba sadāśiva śambho śaṅkara śaraṇaṃ me tava caraṇayugam || 25 ||
ṭaṅkārastava dhanuṣo dalayati hṛdayaṃ dviṣāmaśaniriva bho |
sāmba sadāśiva śambho śaṅkara śaraṇaṃ me tava caraṇayugam || 26 ||
ṭhākṛtiriva tava māyā bahirantaḥ śūnyarūpiṇī khalu bho |
sāmba sadāśiva śambho śaṅkara śaraṇaṃ me tava caraṇayugam || 27 ||
ḍambaramamburuhāmapi dalayatyanaghaṃ tvadaṅghriyugalaṃ bho |
sāmba sadāśiva śambho śaṅkara śaraṇaṃ me tava caraṇayugam || 28 ||
ḍhakkākṣasūtraśūladruhiṇakaroṭīsamullasatkara bho |
sāmba sadāśiva śambho śaṅkara śaraṇaṃ me tava caraṇayugam || 29 ||
ṇākāragarbhiṇī cecchubhadā te śaragatirnṛṇāmiha bho |
sāmba sadāśiva śambho śaṅkara śaraṇaṃ me tava caraṇayugam || 30 ||
tava manvatisañjapataḥ sadyastarati naro hi bhavābdhiṃ bho |
sāmba sadāśiva śambho śaṅkara śaraṇaṃ me tava caraṇayugam || 31 ||
thūtkārastasya mukhe bhūyātte nāma nāsti yasya vibho |
sāmba sadāśiva śambho śaṅkara śaraṇaṃ me tava caraṇayugam || 32 ||
dayanīyaśca dayāluḥ ko'sti madanyastvadanya iha vada bho |
sāmba sadāśiva śambho śaṅkara śaraṇaṃ me tava caraṇayugam || 33 ||
dharmasthāpanadakṣa tryakṣa guro dakṣayajñaśikṣaka bho |
sāmba sadāśiva śambho śaṅkara śaraṇaṃ me tava caraṇayugam || 34 ||
nanu tāḍito'si dhanuṣā lubdhadhiyā tvaṃ purā nareṇa vibho |
sāmba sadāśiva śambho śaṅkara śaraṇaṃ me tava caraṇayugam || 35 ||
parimātuṃ tava mūrtiṃ nālamajastatparātparo'si vibho |
sāmba sadāśiva śambho śaṅkara śaraṇaṃ me tava caraṇayugam || 36 ||
phalamiha nṛtayā januṣastvatpadasevā sanātaneśa vibho |
sāmba sadāśiva śambho śaṅkara śaraṇaṃ me tava caraṇayugam || 37 ||
balamārogyaṃ cāyustvadguṇarucitāṃ ciraṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 38 ||
bhagavanbharga bhayāpaha bhūtapate bhūtibhūṣitāṅga vibho |
sāmba sadāśiva śambho śaṅkara śaraṇaṃ me tava caraṇayugam || 39 ||
mahimā tava na hi māti śrutiṣu himānīdharātmajādhava bho |
sāmba sadāśiva śambho śaṅkara śaraṇaṃ me tava caraṇayugam || 40 ||
yamaniyamādibhiraṅgairyamino hṛdaye bhajanti sa tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 41 ||
rajjāvahiriva śuktau rajatamiva tvayi jaganti bhānti vibho |
sāmba sadāśiva śambho śaṅkara śaraṇaṃ me tava caraṇayugam || 42 ||
labdhvā bhavatprasādāccakraṃ vidhuravati lokamakhilaṃ bho |
sāmba sadāśiva śambho śaṅkara śaraṇaṃ me tava caraṇayugam || 43 ||
vasudhātaddharatacchayarathamaurvīśara parākṛtāsura bho |
sāmba sadāśiva śambho śaṅkara śaraṇaṃ me tava caraṇayugam || 44 ||
śarva deva sarvottama sarvada durvṛttagarvaharaṇa vibho |
sāmba sadāśiva śambho śaṅkara śaraṇaṃ me tava caraṇayugam || 45 ||
ṣaḍripuṣaḍūrmiṣaḍvikārahara sanmukha ṣaṇmukhajanaka vibho |
sāmba sadāśiva śambho śaṅkara śaraṇaṃ me tava caraṇayugam || 46 ||
satyaṃ jñānamanantaṃ brahmetyetallakṣaṇalakṣita bho |
sāmba sadāśiva śambho śaṅkara śaraṇaṃ me tava caraṇayugam || 47 ||
hāhāhūhūmukhasuragāyakagītāpadānapadya vibho |
sāmba sadāśiva śambho śaṅkara śaraṇaṃ me tava caraṇayugam || 48 ||
lādirna hi prayogastadantamiha maṅgalaṃ sadāstu vibho |
sāmba sadāśiva śambho śaṅkara śaraṇaṃ me tava caraṇayugam || 49 ||
kṣaṇamiva divasānneṣyati tvatpadasevākṣaṇotsukaḥ śiva bho |
sāmba sadāśiva śambho śaṅkara śaraṇaṃ me tava caraṇayugam || 50 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau suvarṇamālā stutiḥ sampūrṇā ||
InfoLyter.in — Sacred Vedic Knowledge Portal · Free forever