📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
സരസ്വതീ കവചമ്
Sarasvati Kavacham
Saraswati Kavacham Malayalam
(ബ്രഹ്മവൈവര്ത മഹാപുരാണാന്തര്ഗതം)
ഭൃഗുരുവാച ।
ബ്രഹ്മന്ബ്രഹ്മവിദാംശ്രേഷ്ഠ ബ്രഹ്മജ്ഞാനവിശാരദ ।
60
സര്വജ്ഞ സര്വജനക സര്വപൂജകപൂജിത ॥ 60
സരസ്വത്യാശ്ച കവചം ബ്രൂഹി വിശ്വജയം പ്രഭോ ।
അയാതയാമമന്ത്രാണാം സമൂഹോ യത്ര സംയുതഃ ॥ 61 ॥
ബ്രഹ്മോവാച ।
ശൃണു വത്സ പ്രവക്ഷ്യാമി കവചം സര്വകാമദമ് ।
ശ്രുതിസാരം ശ്രുതിസുഖം ശ്രുത്യുക്തം ശ്രുതിപൂജിതമ് ॥ 62 ॥
ഉക്തം കൃഷ്ണേന ഗോലോകേ മഹ്യം വൃന്ദാവനേ വനേ ।
രാസേശ്വരേണ വിഭുനാ രാസേ വൈ രാസമണ്ഡലേ ॥ 63 ॥
അതീവ ഗോപനീയഞ്ച കല്പവൃക്ഷസമം പരമ് ।
അശ്രുതാദ്ഭുതമന്ത്രാണാം സമൂഹൈശ്ച സമന്വിതമ് ॥ 64 ॥
യദ്ധൃത്വാ പഠനാദ്ബ്രഹ്മന്ബുദ്ധിമാംശ്ച ബൃഹസ്പതിഃ ।
യദ്ധൃത്വാ ഭഗവാഞ്ഛുക്രഃ സര്വദൈത്യേഷു പൂജിതഃ ॥ 65 ॥
പഠനാദ്ധാരണാദ്വാഗ്മീ കവീന്ദ്രോ വാല്മികീ മുനിഃ ।
സ്വായമ്ഭുവോ മനുശ്ചൈവ യദ്ധൃത്വാ സര്വപൂജിതാഃ ॥ 66 ॥
കണാദോ ഗൌതമഃ കണ്വഃ പാണിനിഃ ശാകടായനഃ ।
ഗ്രന്ഥം ചകാര യദ്ധൃത്വാ ദക്ഷഃ കാത്യായനഃ സ്വയമ് ॥ 67 ॥
ധൃത്വാ വേദവിഭാഗഞ്ച പുരാണാന്യഖിലാനി ച ।
ചകാര ലീലാമാത്രേണ കൃഷ്ണദ്വൈപായനഃ സ്വയമ് ॥ 68 ॥
ശാതാതപശ്ച സംവര്തോ വസിഷ്ഠശ്ച പരാശരഃ ।
യദ്ധൃത്വാ പഠനാദ്ഗ്രന്ഥം യാജ്ഞവല്ക്യശ്ചകാര സഃ ॥ 69 ॥
ഋഷ്യശൃങ്ഗോ ഭരദ്വാജശ്ചാസ്തീകോ ദേവലസ്തഥാ ।
ജൈഗീഷവ്യോഽഥ ജാബാലിര്യദ്ധൃത്വാ സര്വപൂജിതഃ ॥ 70 ॥
കവചസ്യാസ്യ വിപ്രേന്ദ്ര ഋഷിരേഷ പ്രജാപതിഃ ।
സ്വയം ബൃഹസ്പതിശ്ഛന്ദോ ദേവോ രാസേശ്വരഃ പ്രഭുഃ ॥ 71 ॥
സര്വതത്ത്വപരിജ്ഞാനേ സര്വാര്ഥേഽപി ച സാധനേ ।
കവിതാസു ച സര്വാസു വിനിയോഗഃ പ്രകീര്തിതഃ ॥ 72 ॥
( കവചം )
ഓം ഹ്രീം സരസ്വത്യൈ സ്വാഹാ ശിരോ മേ പാതു സര്വതഃ ।
ശ്രീം വാഗ്ദേവതായൈ സ്വാഹാ ഭാലം മേ സര്വദാഽവതു ॥ 73 ॥
ഓം ഹ്രീം സരസ്വത്യൈ സ്വാഹേതി ശ്രോത്രേ പാതു നിരന്തരമ് ।
ഓം ശ്രീം ഹ്രീം ഭഗവത്യൈ സരസ്വത്യൈ സ്വാഹാ നേത്രയുഗ്മം സദാഽവതു ॥ 74 ॥
ഐം ഹ്രീം വാഗ്വാദിന്യൈ സ്വാഹാ നാസാം മേ സര്വദാഽവതു ।
ഹ്രീം വിദ്യാധിഷ്ഠാതൃദേവ്യൈ സ്വാഹാ ചോംഷ്ഠ സദാഽവതു ॥ 75 ॥
ഓം ശ്രീം ഹ്രീം ബ്രാഹ്മ്യൈ സ്വാഹേതി ദന്തപങ്ക്തിം സദാഽവതു ।
ഐമിത്യേകാക്ഷരോ മന്ത്രോ മമ കണ്ഠം സദാഽവതു ॥ 76 ॥
ഓം ശ്രീം ഹ്രീം പാതു മേ ഗ്രീവാം സ്കന്ധം മേ ശ്രീം സദാഽവതു ।
ഓം ഹ്രീം വിദ്യാധിഷ്ഠാതൃദേവ്യൈ സ്വാഹാ വക്ഷഃ സദാഽവതു ॥ 77 ॥
ഓം ഹ്രീം വിദ്യാസ്വരൂപായൈ സ്വാഹാ മേ പാതു നാഭികാമ് ।
ഓം ഹ്രീം ക്ലീം വാണ്യൈ സ്വാഹേതി മമ പൃഷ്ഠം സദാഽവതു ॥ 78 ॥
ഓം സര്വവര്ണാത്മികായൈ പാദയുഗ്മം സദാഽവതു ।
ഓം രാഗാധിഷ്ഠാതൃദേവ്യൈ സര്വാങ്ഗം മേ സദാഽവതു ॥ 79 ॥
ഓം സര്വകണ്ഠവാസിന്യൈ സ്വാഹാ പ്രച്യാം സദാഽവതു ।
ഓം ഹ്രീം ജിഹ്വാഗ്രവാസിന്യൈ സ്വാഹാഽഗ്നിദിശി രക്ഷതു ॥ 80 ॥
ഓം ഐം ഹ്രീം ശ്രീം സരസ്വത്യൈ ബുധജനന്യൈ സ്വാഹാ ।
സതതം മന്ത്രരാജോഽയം ദക്ഷിണേ മാം സദാഽവതു ॥ 81 ॥
ഓം ഹ്രീം ശ്രീം ത്ര്യക്ഷരോ മന്ത്രോ നൈരൃത്യാം മേ സദാഽവതു ।
കവിജിഹ്വാഗ്രവാസിന്യൈ സ്വാഹാ മാം വാരുണേഽവതു ॥ 82 ॥
ഓം സദമ്ബികായൈ സ്വാഹാ വായവ്യേ മാം സദാഽവതു ।
ഓം ഗദ്യപദ്യവാസിന്യൈ സ്വാഹാ മാമുത്തരേഽവതു ॥ 83 ॥
ഓം സര്വശാസ്ത്രവാസിന്യൈ സ്വാഹൈശാന്യാം സദാഽവതു ।
ഓം ഹ്രീം സര്വപൂജിതായൈ സ്വാഹാ ചോര്ധ്വം സദാഽവതു ॥ 84 ॥
ഐം ഹ്രീം പുസ്തകവാസിന്യൈ സ്വാഹാഽധോ മാം സദാവതു ।
ഓം ഗ്രന്ഥബീജരൂപായൈ സ്വാഹാ മാം സര്വതോഽവതു ॥ 85 ॥
ഇതി തേ കഥിതം വിപ്ര സര്വമന്ത്രൌഘവിഗ്രഹമ് ।
ഇദം വിശ്വജയം നാമ കവചം ബ്രഹ്മാരൂപകമ് ॥ 86 ॥
പുരാ ശ്രുതം ധര്മവക്ത്രാത്പര്വതേ ഗന്ധമാദനേ ।
തവ സ്നേഹാന്മയാഽഽഖ്യാതം പ്രവക്തവ്യം ന കസ്യചിത് ॥ 87 ॥
ഗുരുമഭ്യര്ച്യ വിധിവദ്വസ്ത്രാലങ്കാരചന്ദനൈഃ ।
പ്രണമ്യ ദണ്ഡവദ്ഭൂമൌ കവചം ധാരയേത്സുധീഃ ॥ 88 ॥
പഞ്ചലക്ഷജപേനൈവ സിദ്ധം തു കവചം ഭവേത് ।
യദി സ്യാത്സിദ്ധകവചോ ബൃഹസ്പതി സമോ ഭവേത് ॥ 89 ॥
മഹാവാഗ്മീ കവീന്ദ്രശ്ച ത്രൈലോക്യവിജയീ ഭവേത് ।
ശക്നോതി സര്വം ജേതും സ കവചസ്യ പ്രഭാവതഃ ॥ 90 ॥
ഇദം തേ കാണ്വശാഖോക്തം കഥിതം കവചം മുനേ ।
സ്തോത്രം പൂജാവിധാനം ച ധ്യാനം വൈ വന്ദനം തഥാ ॥ 91 ॥
ഇതി ശ്രീ ബ്രഹ്മവൈവര്തേ മഹാപുരാണേ പ്രകൃതിഖണ്ഡേ നാരദനാരായണസംവാദേ സരസ്വതീകവചം നാമ ചതുര്ഥോഽധ്യായഃ ।
Roman (IAST) Transliteration
(brahmavaivarta mahāpurāṇāntargataṃ)
bhṛguruvāca |
brahmanbrahmavidāṃśreṣṭha brahmajñānaviśārada |
sarvajña sarvajanaka sarvapūjakapūjita || 60
sarasvatyāśca kavacaṃ brūhi viśvajayaṃ prabho |
ayātayāmamantrāṇāṃ samūho yatra saṃyutaḥ || 61 ||
brahmovāca |
śṛṇu vatsa pravakṣyāmi kavacaṃ sarvakāmadam |
śrutisāraṃ śrutisukhaṃ śrutyuktaṃ śrutipūjitam || 62 ||
uktaṃ kṛṣṇena goloke mahyaṃ vṛndāvane vane |
rāseśvareṇa vibhunā rāse vai rāsamaṇḍale || 63 ||
atīva gopanīyañca kalpavṛkṣasamaṃ param |
aśrutādbhutamantrāṇāṃ samūhaiśca samanvitam || 64 ||
yaddhṛtvā paṭhanādbrahmanbuddhimāṃśca bṛhaspatiḥ |
yaddhṛtvā bhagavāñchukraḥ sarvadaityeṣu pūjitaḥ || 65 ||
paṭhanāddhāraṇādvāgmī kavīndro vālmikī muniḥ |
svāyambhuvo manuścaiva yaddhṛtvā sarvapūjitāḥ || 66 ||
kaṇādo gautamaḥ kaṇvaḥ pāṇiniḥ śākaṭāyanaḥ |
granthaṃ cakāra yaddhṛtvā dakṣaḥ kātyāyanaḥ svayam || 67 ||
dhṛtvā vedavibhāgañca purāṇānyakhilāni ca |
cakāra līlāmātreṇa kṛṣṇadvaipāyanaḥ svayam || 68 ||
śātātapaśca saṃvarto vasiṣṭhaśca parāśaraḥ |
yaddhṛtvā paṭhanādgranthaṃ yājñavalkyaścakāra saḥ || 69 ||
ṛṣyaśṛṅgo bharadvājaścāstīko devalastathā |
jaigīṣavyo'tha jābāliryaddhṛtvā sarvapūjitaḥ || 70 ||
kavacasyāsya viprendra ṛṣireṣa prajāpatiḥ |
svayaṃ bṛhaspatiśchando devo rāseśvaraḥ prabhuḥ || 71 ||
sarvatattvaparijñāne sarvārthe'pi ca sādhane |
kavitāsu ca sarvāsu viniyogaḥ prakīrtitaḥ || 72 ||
( kavacaṃ )
oṃ hrīṃ sarasvatyai svāhā śiro me pātu sarvataḥ |
śrīṃ vāgdevatāyai svāhā bhālaṃ me sarvadā'vatu || 73 ||
oṃ hrīṃ sarasvatyai svāheti śrotre pātu nirantaram |
oṃ śrīṃ hrīṃ bhagavatyai sarasvatyai svāhā netrayugmaṃ sadā'vatu || 74 ||
aiṃ hrīṃ vāgvādinyai svāhā nāsāṃ me sarvadā'vatu |
hrīṃ vidyādhiṣṭhātṛdevyai svāhā coṃṣṭha sadā'vatu || 75 ||
oṃ śrīṃ hrīṃ brāhmyai svāheti dantapaṅktiṃ sadā'vatu |
aimityekākṣaro mantro mama kaṇṭhaṃ sadā'vatu || 76 ||
oṃ śrīṃ hrīṃ pātu me grīvāṃ skandhaṃ me śrīṃ sadā'vatu |
oṃ hrīṃ vidyādhiṣṭhātṛdevyai svāhā vakṣaḥ sadā'vatu || 77 ||
oṃ hrīṃ vidyāsvarūpāyai svāhā me pātu nābhikām |
oṃ hrīṃ klīṃ vāṇyai svāheti mama pṛṣṭhaṃ sadā'vatu || 78 ||
oṃ sarvavarṇātmikāyai pādayugmaṃ sadā'vatu |
oṃ rāgādhiṣṭhātṛdevyai sarvāṅgaṃ me sadā'vatu || 79 ||
oṃ sarvakaṇṭhavāsinyai svāhā pracyāṃ sadā'vatu |
oṃ hrīṃ jihvāgravāsinyai svāhā'gnidiśi rakṣatu || 80 ||
oṃ aiṃ hrīṃ śrīṃ sarasvatyai budhajananyai svāhā |
satataṃ mantrarājo'yaṃ dakṣiṇe māṃ sadā'vatu || 81 ||
oṃ hrīṃ śrīṃ tryakṣaro mantro nairṛtyāṃ me sadā'vatu |
kavijihvāgravāsinyai svāhā māṃ vāruṇe'vatu || 82 ||
oṃ sadambikāyai svāhā vāyavye māṃ sadā'vatu |
oṃ gadyapadyavāsinyai svāhā māmuttare'vatu || 83 ||
oṃ sarvaśāstravāsinyai svāhaiśānyāṃ sadā'vatu |
oṃ hrīṃ sarvapūjitāyai svāhā cordhvaṃ sadā'vatu || 84 ||
aiṃ hrīṃ pustakavāsinyai svāhā'dho māṃ sadāvatu |
oṃ granthabījarūpāyai svāhā māṃ sarvato'vatu || 85 ||
iti te kathitaṃ vipra sarvamantraughavigraham |
idaṃ viśvajayaṃ nāma kavacaṃ brahmārūpakam || 86 ||
purā śrutaṃ dharmavaktrātparvate gandhamādane |
tava snehānmayā''khyātaṃ pravaktavyaṃ na kasyacit || 87 ||
gurumabhyarcya vidhivadvastrālaṅkāracandanaiḥ |
praṇamya daṇḍavadbhūmau kavacaṃ dhārayetsudhīḥ || 88 ||
pañcalakṣajapenaiva siddhaṃ tu kavacaṃ bhavet |
yadi syātsiddhakavaco bṛhaspati samo bhavet || 89 ||
mahāvāgmī kavīndraśca trailokyavijayī bhavet |
śaknoti sarvaṃ jetuṃ sa kavacasya prabhāvataḥ || 90 ||
idaṃ te kāṇvaśākhoktaṃ kathitaṃ kavacaṃ mune |
stotraṃ pūjāvidhānaṃ ca dhyānaṃ vai vandanaṃ tathā || 91 ||
iti śrī brahmavaivarte mahāpurāṇe prakṛtikhaṇḍe nāradanārāyaṇasaṃvāde sarasvatīkavacaṃ nāma caturtho'dhyāyaḥ |
InfoLyter.in — Sacred Vedic Knowledge Portal · Free forever