1. (devatā - ādityaḥ, adhidevatā- agniḥ, pratyadhidevatā - paśupatiḥ)
oṃ āsa॒tyena॒ raja̭sā॒ varta̭māno nive॒śaya̭nna॒mṛta॒-mmartya̭ñca |
hi॒ra॒ṇyayḙna savi॒tā rathe॒nā 'de॒vo yā̭ti॒ bhuva̭nā vi॒paśyanṋ ||
(tai. saṃ. 3.4.11.2)
a॒gni-ndū॒taṃ-vṛ~̭ṇīmahe॒ hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || (tai. brā. 3.5.2.3)
yeṣā॒mīśḙ paśu॒patiḥ̭ paśū॒nāṃ-catṷṣpadāmu॒ta ca̭ dvi॒padā᳚m |
niṣkrī̭to॒-'yaṃ-ya~॒jñiya̭-mbhā॒gamḙtu rā॒yaspoṣā॒ yaja̭mānasya santu || (tai. saṃ. 3.1.4.1)
(oṃ adhidevatā pratyadhidevatā sahitāya bhagavate ādi̭tyāya॒ namaḥ̭) 1
2. (devatā - aṅgārakaḥ, adhidevatā - pṛthivī, pratyadhidevatā - kṣetrapatiḥ)
oṃ a॒gnirmū॒rddhā di॒vaḥ ka॒kutpatiḥ̭ pṛthi॒vyā a॒yam |
a॒pāgṃ retāgṃ̭si jinvati || (tai. saṃ. 1.5.5.1)
syo॒nā pṛ̭thivi॒ bhavā̭-'nṛkṣa॒rā ni॒veśa̭nī |
yacchā̭na॒-śśarma̭ sa॒prathāḥ᳚|| (tai. ara. 6.1.10)
kṣetra̭sya॒ pati̭nā va॒yagṃ hi॒tenḙva jayāmasi |
gāmaśva̭-mpoṣayi॒tnvā sa no̭ mṛḍātī॒-dṛśe᳚ || (tai. saṃ. 1.1.14.2)
(oṃ adhidevatā pratyadhidevatā sahitāya bhagavate aṅkrakā̭ya॒ namaḥ̭) 2
3. (devatā - śukraḥ, adhidevatā - indrāṇī, pratyadhidevatā - indraḥ)
o-mprava̭śśu॒krāya̭ bhā॒navḙ bharadhvagṃ ha॒vya-mma॒ti-ñcā॒gnaye॒ supṷ̄tam |
yo daivyā̭ni॒ mānṷṣā ja॒nūg-ṣya॒ntar viśvā̭ni vi॒dmanā॒ jigā̭ti || (tai. brā. 2.8.2.3)
i॒ndrā॒ṇī mā॒su nāri̭ṣu su॒patnī̭-ma॒hama̭śravam |
na hya̭syā apa॒rañca॒na ja॒rasā॒ mara̭te॒ patiḥ̭ || (tai. saṃ. 1.7.13.1)
indraṃ̭-vo~ vi॒śvata॒spari॒ havā̭mahe॒ jane᳚bhyaḥ |
a॒smāka̭mastu॒ keva̭laḥ || (tai. saṃ. 1.6.12.1)
(oṃ adhidevatā pratyadhidevatā sahitāya bhagavate śukrā̭ya॒ namaḥ̭) 3
4. (devatā - somaḥ/candramā, adhidevatā- apaḥ, pratyadhidevatā - gaurī)
oṃ āpyā̭yasva॒ samḙtu te vi॒śvata̭-ssoma॒ vṛṣṇi̭yam |
bhavā॒ vāja̭sya saṅga॒the || (tai. saṃ. 4.2.7.4)
a॒phsume॒ somo̭ abravīda॒ntar viśvā̭ni bheṣa॒jā |
a॒gniñca̭ vi॒śvaśa̭bhuṃva~॒-māpa̭śca vi॒śvabhḙṣajīḥ || (tai. brā. 2.5.8.6)
gau॒rī mi̭māya sali॒lāni॒ takṣa॒tyeka̭padī dvi॒padī॒ sā catṷṣpadī |
a॒ṣṭāpa̭dī॒ nava̭padī babhū॒vuṣī̭ sa॒hasrā᳚kṣarā para॒me vyo̭mann || (tai. brā. .2.4.6.11)
(oṃ adhidevatā pratyadhidevatā sahitāya bhagavate somā̭ya॒ namaḥ̭) 4
5. (devatā - budhaḥ, adhidevatā - viṣṇuḥ, pratyadhidevatā - puruṣa nārāyaṇaḥ)
oṃ udbṷddhyasvāgne॒ prati̭jāgṛhyena miṣṭāpū॒rte sagṃ sṛ̭jethā ma॒yañca̭ |
punaḥ̭ kṛ॒ṇvaggstvā̭ pi॒taraṃ॒-yu~vā̭na-ma॒nvātāgṃ̭sī॒ tvayi॒ tantṷme॒tam || (tai. saṃ. 4.7.13.5)
i॒daṃ-vi~ṣṇu॒r vica̭krame tre॒dhā nida̭dhe pa॒dam |
samṷ̄ḍhamasya pāgṃ su॒re || (tai. saṃ. 1.2.13.1)
viṣṇo̭ ra॒rāṭa̭masi॒ viṣṇoḥ᳚ pṛ॒ṣṭhama̭si॒ viṣṇo॒-śnaptre᳚stho॒ viṣṇo॒ ssyūra̭si॒ viṣṇo᳚r dhru॒vama̭si vaiṣṇa॒vama̭si॒ viṣṇa̭ve tvā || (tai. saṃ. 1.2.13.3)
(oṃ adhidevatā pratyadhidevatā sahitāya bhagavate budhā̭ya॒ namaḥ̭) 5
6. (devatā - buhaspatiḥ, adhidevatā - indra-maruta, pratyadhidevatā - brahma)
o-mbṛha̭spate॒ ati॒ yada॒ryo arha᳚d dyu॒ma-dvi॒bhāti॒ kratṷ ma॒jjanḙṣu |
yaddī॒da ya॒ccha va̭sarta prajāta॒ tada॒smāsu॒ dravi̭ṇa-ndhehi ci॒tram || (tai. saṃ. 1.8.22.2)
indra̭marutva i॒ha pā̭hi॒ somaṃ॒-ya~thā̭ śāryā॒te api̭bassu॒tasya̭ |
tava॒ praṇī̭tī॒ tava̭ śūra॒ śarma॒nnā-vi̭vāsanti ka॒vayaḥ̭ suya॒jñāḥ || (tai. saṃ. 1.4.18.1)
brahma̭jajñā॒na-mpra̭tha॒ma-mpu॒rastā॒d visī̭ma॒ta-ssu॒ruco̭ ve॒na ā̭vaḥ |
sabu॒ddhniyā̭ upa॒mā a̭sya vi॒ṣṭhāssa॒taśca॒ yoni॒ma-sa̭taśca॒ vivaḥ̭ || (tai. saṃ. 4.2.8.2)
(oṃ adhidevatā pratyadhidevatā sahitāya bhagavate bṛha॒spata̭ye॒ namaḥ̭) 6
7. (devatā - śanaiścaraḥ, adhidevatā - prajāpatiḥ, pratyadhidevatā - yamaḥ)
oṃ śanno̭ de॒vī-ra॒bhiṣṭa̭ya॒ āpo̭ bhavantu pī॒taye᳚ |
śaṃ-yo~ra॒bhi-sra̭vantu naḥ || (tai. ara. 7.42.4)
prajā̭pate॒ na tvade॒tā-nya॒nyo viśvā̭ jā॒tāni॒ pari॒tā ba̭bhūva |
yatkā̭māste juhu॒mastanno̭ astu va॒yagg syā̭ma॒ pata̭yo rayī॒ṇām || (tai. saṃ. 1.8.14.2)
i॒maṃ-ya~̭ma prasta॒ramāhi sīdāṅki̭robhiḥ pi॒tṛbhiḥ̭ saṃvi~dā॒naḥ |
ātvā॒ mantrāḥ᳚ kaviśa॒stā va̭hantve॒nā rā̭jan ha॒viṣā̭ mādayasva || (tai. saṃ. 2.6.12.6)
(oṃ adhidevatā pratyadhidevatā sahitāya bhagavate śanaiśca̭rāya॒ namaḥ̭) 7
8. (devatā - rāhu, adhidevatā- sarpaḥ, pratyadhidevatā - nir-ṛta)
o-ṅkayā̭ naści॒tra ābhṷvadū॒tī sa॒dāvṛ̭dha॒ ssakhā᳚ |
kayā॒ śaci̭ṣṭhayā vṛ॒tā || (tai. saṃ. 4.2.11.2)
ā-'yaṅkauḥ pṛśni̭rakramī॒-dasa̭na-nmā॒tara॒-mpunaḥ̭ |
pi॒tara̭ñca pra॒yanthsuvaḥ̭ || (tai. saṃ. 1.5.3.1)
yattḙ de॒vī nir-ṛti̭ rāba॒bandha॒ dāma̭ grī॒vāsva̭-vica॒rtyam |
i॒dante॒ tadviṣyā॒-myāyṷṣo॒ na maddhyā॒-dathā̭ jī॒vaḥ
pi॒tuma̭ddhi॒ pramṷktaḥ || (tai. saṃ. 4.2.5.3)
(oṃ adhidevatā pratyadhidevatā sahitāya bhagavate rāha̭ve॒ namaḥ̭) 8
9. (devatā - ketuḥ , adhidevatā - brahma, pratyadhidevatā - citraguptaḥ)
o-ṅke॒tu-ṅkṛ॒ṇvanna̭ke॒tave॒ peśo̭ maryā ape॒śase᳚ |
samu॒ṣadbhi̭rajāyathāḥ || (tai. saṃ. 7.4.20.1)
bra॒hmā de॒vānā᳚-mpada॒vīḥ ka̭vī॒nā-mṛṣi॒rviprā̭ṇā-mmahi॒ṣo mṛ॒gāṇā᳚m |
śye॒no gṛddhrā̭ṇā॒g॒ svadhi̭ti॒r vanā̭nā॒gṃ॒ somaḥ̭ pa॒vitra॒ matyḙti॒ rebhanṋ || (tai. saṃ. 3.4.11.1)
saci̭tra ci॒tra-ñci॒taya̭nta-ma॒sme citra̭kṣatra ci॒trata̭maṃ-va~yo॒dhām |
ca॒ndraṃ ra॒yi-mpṷru॒vīra̭-mbṛ॒hanta॒-ñcandra̭-ca॒ndrābhi̭r-gṛṇa॒te yṷvasva || (ṛg. ve. 6.6.7).
(oṃ adhidevatā pratyadhidevatā sahitebhyo bhagavadbhyaḥ ketṷbhyo॒ namaḥ̭) 9
|| oṃ ādityādi navagraha deva̭tābhyo॒ namo॒ namaḥ̭||
oṃ śānti॒-śśānti॒-śśāntiḥ̭ ||