Mundaka Upanishad - Prathama Mundaka, Prathama Kandah

ॐ

മുണ്ഡക ഉപനിഷദ് - പ്രഥമ മുണ്ഡക, പ്രഥമ കാണ്ഡഃ

Upanishad Malayalam

ഓ-മ്ഭ॒ദ്ര-ങ്കര്ണേ॑ഭി-ശ്ശൃണു॒യാമ॑ ദേവാഃ । ഭ॒ദ്ര-മ്പ॑ശ്യേമാ॒ക്ഷഭി॒-ര്യജ॑ത്രാഃ । സ്ഥി॒രൈരങ്ഗൈ᳚സ്തുഷ്ടു॒വാഗ്ം സ॑സ്ത॒നൂഭിഃ॑ । വ്യശേ॑മ ദേ॒വഹി॑തം॒-യഁദായുഃ॑ । സ്വ॒സ്തി ന॒ ഇന്ദ്രോ॑ വൃ॒ദ്ധശ്ര॑വാഃ । സ്വ॒സ്തി നഃ॑ പൂ॒ഷാ വി॒ശ്വവേ॑ദാഃ । സ്വ॒സ്തി ന॒സ്താര്ക്ഷ്യോ॒ അരി॑ഷ്ടനേമിഃ । സ്വ॒സ്തി നോ॒ ബൃഹ॒സ്പതി॑-ര്ദധാതു ॥

ഓം ശാന്തി॒-ശ്ശാന്തി॒-ശ്ശാന്തിഃ॑ ॥

॥ ഓ-മ്ബ്രഹ്മണേ നമഃ ॥

॥ പ്രഥമമുണ്ഡകേ പ്രഥമഃ ഖണ്ഡഃ ॥

ഓ-മ്ബ്രഹ്മാ ദേവാനാ-മ്പ്രഥമ-സ്സമ്ബഭൂവ വിശ്വസ്യ കര്താ

ഭുവനസ്യ ഗോപ്താ । സ ബ്രഹ്മവിദ്യാം സര്വവിദ്യാപ്രതിഷ്ഠാമഥര്വായ

ജ്യേഷ്ഠപുത്രായ പ്രാഹ ॥ 1॥

അഥര്വണേ യാ-മ്പ്രവദേത ബ്രഹ്മാ-ഽഥര്വാ തം

പുരോവാചാങ്ഗിരേ ബ്രഹ്മവിദ്യാമ് ।

സ ഭാരദ്വാജായ സത്യവാഹായ പ്രാഹ

ഭാരദ്വാജോ-ഽങ്ഗിരസേ പരാവരാമ് ॥ 2॥

ശൌനകോ ഹ വൈ മഹാശാലോ-ഽങ്ഗിരസം-വിഁധിവദുപസന്നഃ പപ്രച്ഛ ।

കസ്മിന്നു ഭഗവോ വിജ്ഞാതേ സര്വമിദം-വിഁജ്ഞാത-മ്ഭവതീതി ॥ 3॥

തസ്മൈ സ ഹോവാച ।

ദ്വേ വിദ്യേ വേദിതവ്യേ ഇതി ഹ സ്മ

യദ്ബ്രഹ്മവിദോ വദന്തി പരാ ചൈവാപരാ ച ॥ 4॥

തത്രാപരാ ഋഗ്വേദോ യജുര്വേദ-സ്സാമവേദോ-ഽഥര്വവേദഃ

ശിക്ഷാ കല്പോ വ്യാകരണ-ന്നിരുക്ത-ഞ്ഛന്ദോ ജ്യോതിഷമിതി ।

അഥ പരാ യയാ തദക്ഷരമധിഗമ്യതേ ॥ 5॥

യത്തദദ്രേശ്യമഗ്രാഹ്യമഗോത്രമവര്ണ-

മചക്ഷുസ്ശ്രോത്ര-ന്തദപാണിപാദമ് ।

നിത്യം-വിഁഭും സര്വഗതം സുസൂക്ഷ്മം

തദവ്യയം-യഁദ്ഭൂതയോനി-മ്പരിപശ്യന്തി ധീരാഃ ॥ 6॥

യഥോര്ണനാഭി-സ്സൃജതേ ഗൃഹ്ണതേ ച

യഥാ പൃഥിവ്യാമോഷധയ-സ്സമ്ഭവന്തി ।

യഥാ സതഃ പുരുഷാ-ത്കേശലോമാനി

തഥാ-ഽക്ഷരാ-ഥ്സമ്ഭവതീഹ വിശ്വമ് ॥ 7॥

തപസാ ചീയതേ ബ്രഹ്മ തതോ-ഽന്നമഭിജായതേ ।

അന്നാ-ത്പ്രാണോ മന-സ്സത്യം-ലോഁകാഃ കര്മസു ചാമൃതമ് ॥ 8॥

യ-സ്സര്വജ്ഞ-സ്സര്വവിദ്യസ്യ ജ്ഞാനമയ-ന്തപഃ ।

തസ്മാദേതദ്ബ്രഹ്മ നാമ രൂപമന്ന-ഞ്ച ജായതേ ॥ 9॥

॥ ഇതി മുണ്ഡകോപനിഷദി പ്രഥമമുണ്ഡകേ പ്രഥമഃ ഖണ്ഡഃ ॥

Roman (IAST) Transliteration

o-mbha॒dra-ṅkarṇḙbhi-śśṛṇu॒yāma̭ devāḥ | bha॒dra-mpa̭śyemā॒kṣabhi॒-ryaja̭trāḥ | sthi॒rairaṅgai᳚stuṣṭu॒vāgṃ sa̭sta॒nūbhiḥ̭ | vyaśḙma de॒vahi̭taṃ॒-ya~dāyuḥ̭ | sva॒sti na॒ indro̭ vṛ॒ddhaśra̭vāḥ | sva॒sti naḥ̭ pū॒ṣā vi॒śvavḙdāḥ | sva॒sti na॒stārkṣyo॒ ari̭ṣṭanemiḥ | sva॒sti no॒ bṛha॒spati̭-rdadhātu ||

oṃ śānti॒-śśānti॒-śśāntiḥ̭ ||

|| o-mbrahmaṇe namaḥ ||

|| prathamamuṇḍake prathamaḥ khaṇḍaḥ ||

o-mbrahmā devānā-mprathama-ssambabhūva viśvasya kartā

bhuvanasya goptā | sa brahmavidyāṃ sarvavidyāpratiṣṭhāmatharvāya

jyeṣṭhaputrāya prāha || 1||

atharvaṇe yā-mpravadeta brahmā-'tharvā taṃ

purovācāṅgire brahmavidyām |

sa bhāradvājāya satyavāhāya prāha

bhāradvājo-'ṅgirase parāvarām || 2||

śaunako ha vai mahāśālo-'ṅgirasaṃ-vi~dhivadupasannaḥ papraccha |

kasminnu bhagavo vijñāte sarvamidaṃ-vi~jñāta-mbhavatīti || 3||

tasmai sa hovāca |

dve vidye veditavye iti ha sma

yadbrahmavido vadanti parā caivāparā ca || 4||

tatrāparā ṛgvedo yajurveda-ssāmavedo-'tharvavedaḥ

śikṣā kalpo vyākaraṇa-nnirukta-ñchando jyotiṣamiti |

atha parā yayā tadakṣaramadhigamyate || 5||

yattadadreśyamagrāhyamagotramavarṇa-

macakṣusśrotra-ntadapāṇipādam |

nityaṃ-vi~bhuṃ sarvagataṃ susūkṣmaṃ

tadavyayaṃ-ya~dbhūtayoni-mparipaśyanti dhīrāḥ || 6||

yathorṇanābhi-ssṛjate gṛhṇate ca

yathā pṛthivyāmoṣadhaya-ssambhavanti |

yathā sataḥ puruṣā-tkeśalomāni

tathā-'kṣarā-thsambhavatīha viśvam || 7||

tapasā cīyate brahma tato-'nnamabhijāyate |

annā-tprāṇo mana-ssatyaṃ-lo~kāḥ karmasu cāmṛtam || 8||

ya-ssarvajña-ssarvavidyasya jñānamaya-ntapaḥ |

tasmādetadbrahma nāma rūpamanna-ñca jāyate || 9||

|| iti muṇḍakopaniṣadi prathamamuṇḍake prathamaḥ khaṇḍaḥ ||