📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ഈശാവാസ്യോപനിഷദ് (ഈശോപനിഷദ്)
Ishavasyopanishad (ishopanishad)
Vedic Malayalam
ഓ-മ്പൂര്ണ॒മദഃ॒ പൂര്ണ॒മിദ॒-മ്പൂര്ണാ॒ത്പൂര്ണ॒മുദ॒ച്യതേ ।
പൂര്ണ॒സ്യ പൂര്ണ॒മാദാ॒യ പൂര്ണ॒മേവാവശി॒ഷ്യതേ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
ഓം ഈ॒ശാ വാ॒സ്യ॑മി॒ദഗ്ം സര്വം॒-യഁത്കിഞ്ച॒ ജഗ॑ത്വാ॒-ഞ്ജഗ॑ത് ।
തേന॑ ത്യ॒ക്തേന॑ ഭുഞ്ജീഥാ॒ മാ ഗൃ॑ധഃ॒ കസ്യ॑സ്വി॒ദ്ധനമ്᳚ ॥ 1 ॥
കു॒ര്വന്നേ॒വേഹ കര്മാ᳚ണി ജിജീവി॒ഷേച്ച॒തഗ്ം സമാഃ᳚ ।
ഏ॒വ-ന്ത്വയി॒ നാന്യഥേ॒തോ᳚-ഽസ്തി॒ ന കര്മ॑ ലിപ്യതേ॑ നരേ᳚ ॥ 2 ॥
അ॒സു॒ര്യാ॒ നാമ॒ തേ ലോ॒കാ അ॒ന്ധേന॒ തമ॒സാ-ഽഽവൃ॑താഃ ।
താഗ്ംസ്തേ പ്രേത്യാ॒ഭിഗ॑ച്ഛന്തി॒ യേ കേ ചാ᳚ത്മ॒ഹനോ॒ ജനാഃ᳚ ॥ 3 ॥
അനേ᳚ജ॒ദേക॒-മ്മന॑സോ॒ ജവീ᳚യോ॒ നൈന॑ദ്ദേ॒വാ ആ᳚പ്നുവ॒ന്പൂര്വ॒മര്​ഷ॑ത് ।
തദ്ധാവ॑തോ॒-ഽന്യാനത്യേ᳚തി॒ തിഷ്ഠ॒ത്തസ്മിന്᳚ന॒പോ മാ᳚ത॒രിശ്വാ᳚ ദധാതി ॥ 4 ॥
തദേ᳚ജതി॒ തന്നേജ॑തി॒ തദ്ദൂ॒രേ തദ്വ॑ന്തി॒കേ ।
തദ॒ന്തര॑സ്യ॒ സര്വ॑സ്യ॒ തദു॒ സര്വ॑സ്യാസ്യ ബാഹ്യ॒തഃ ॥ 5 ॥
യസ്തു സര്വാ᳚ണി ഭൂ॒താന്യാ॒ത്മന്യേ॒വാനു॒പശ്യ॑തി ।
സ॒ര്വ॒ഭൂ॒തേഷു॑ ചാ॒ത്മാന॒-ന്തതോ॒ ന വിഹു॑ഗുപ്സതേ ॥ 6 ॥
യസ്മി॒ന്സര്വാ᳚ണി ഭൂ॒താന്യാ॒ത്മൈവാഭൂ᳚ദ്വിജാന॒തഃ ।
തത്ര॒ കോ മോഹഃ॒ ക-ശ്ശോകഃ॑ ഏക॒ത്വമ॑നു॒പശ്യ॑തഃ ॥ 7 ॥
സ പര്യ॑ഗാച്ചു॒ക്രമ॑കാ॒യമ॑വ്രണ॒മ॑സ്നാവി॒രഗ്ം ശു॒ദ്ധമപാ᳚പവിദ്ധമ് ।
ക॒വിര്മ॑നീ॒ഷീ പ॑രി॒ഭൂ-സ്സ്വ॑യ॒മ്ഭൂ-ര്യാ᳚ഥാതഥ്യ॒തോ-ഽര്ഥാ॒ന്
വ്യ॑ദധാച്ഛാശ്വ॒തീഭ്യ॒-സ്സമാ᳚ഭ്യഃ ॥ 8 ॥
അ॒ന്ധ-ന്തമഃ॒ പ്രവി॑ശന്തി॒ യേ-ഽവി॑ദ്യാമു॒പാസ॑തേ ।
തതോ॒ ഭൂയ॑ ഇവ॒ തേ തമോ॒ യ ഉ॑ വി॒ദ്യായാ᳚ഗ്ം ര॒താഃ ॥ 9 ॥
അ॒ന്യദേ॒വായുരി॒ദ്യയാ॒-ഽന്യദാ᳚ഹു॒രവി॑ദ്യയാ ।
ഇതി॑ ശുശുമ॒ ധീരാ᳚ണാം॒-യേഁ ന॒സ്തദ്വി॑ചചക്ഷി॒രേ ॥ 10 ॥
വി॒ദ്യാ-ഞ്ചാവി॑ദ്യാ-ഞ്ച॒ യസ്തദ്വേദോ॒ഭയ॑ഗ്ം സ॒ഹ ।
അവി॑ദ്യയാ മൃ॒ത്യു-ന്തീ॒ര്ത്വാ വി॒ദ്യയാ-ഽമൃത॑മശ്നുതേ ॥ 11 ॥
അ॒ന്ധ-ന്തമഃ॒ പ്രവി॑ശന്തി॒ യേ-ഽസമ്᳚ഭൂതിമു॒പാസ॑തേ ।
തതോ॒ ഭൂയ॑ ഇവ॒ തേ തമോ॒ യ ഉ॒ സമ്ഭൂ᳚ത്യാഗ്ം ര॒താഃ ॥ 12 ॥
അ॒ന്യദേ॒വാഹു-സ്സമ്᳚ഭ॒വാദ॒ന്യദാ᳚ഹു॒രസമ്᳚ഭവാത് ।
ഇതി॑ ശുശ്രുമ॒ ധീരാ᳚ണാം॒-യേഁ ന॒സ്തദ്വി॑ചചക്ഷി॒രേ ॥ 13 ॥
സമ്ഭൂ᳚തി-ഞ്ച വിണാ॒ശ-ഞ്ച॒ യസ്തദ്വേദോ॒ഭയ॑ഗ്ം സ॒ഹ ।
വി॒നാ॒ശേന॑ മൃ॒ത്യു-ന്തീ॒ര്ത്വാ സമ്ഭൂ᳚ത്യാ॒-ഽമൃത॑മശ്നുതേ ॥ 14 ॥
ഹി॒ര॒ണ്മയേ᳚ന॒ പാത്രേ᳚ണ സ॒ത്യസ്യാപി॑ഹിത॒-മ്മുഖമ്᳚ ।
തത്വ-മ്പൂ᳚ഷ॒ന്നപാവൃ॑ണു സ॒ത്യധ᳚ര്മായ ദൃ॒ഷ്ടയേ᳚ ॥ 15 ॥
പൂഷ॑ന്നേകര്​ഷേ യമ സൂര്യ॒ പ്രാജാ᳚പത്യ॒ വ്യൂ᳚ഹ ര॒ശ്മീന്
സമൂ᳚ഹ॒ തേജോ॒ യത്തേ᳚ രൂ॒പ-ങ്കല്യാ᳚ണതമ॒-ന്തത്തേ᳚ പശ്യാമി ।
യോ॒-ഽസാവ॒സൌ പുരു॑ഷ॒-സ്സോ॒-ഽഹമ॑സ്മി ॥ 16 ॥
വാ॒യുരനി॑ലമ॒മൃത॒മഥേദ-മ്ഭസ്മാ᳚ന്ത॒ഗ്ം॒ ശരീ॑രമ് ।
ഓം 3 ക്രതോ॒ സ്മര॑ കൃ॒തഗ്ം സ്മ॑ര॒ ക്രതോ॒ സ്മര॑ കൃ॒തഗ്ം സ്മ॑ര ॥ 17 ॥
അഗ്നേ॒ നയ॑ സു॒പഥാ᳚ രാ॒യേ അ॒സ്മാന് വിശ്വാ॑നി ദേവ വ॒യനാ॑നി വി॒ദ്വാന് ।
യു॒യോ॒ധ്യ॒സ്മജ്ജു॑ഹുരാ॒ണമേനോ॒ ഭൂയി॑ഷ്ടാ-ന്തേ॒ നമ॑ഉക്തിം-വിഁധേമ ॥ 18 ॥
ഓ-മ്പൂര്ണ॒മദഃ॒ പൂര്ണ॒മിദ॒-മ്പൂര്ണാ॒ത്പൂര്ണ॒മുദ॒ച്യതേ ।
പൂര്ണ॒സ്യ പൂര്ണ॒മാദാ॒യ പൂര്ണ॒മേവാവശി॒ഷ്യതേ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
Roman (IAST) Transliteration
o-mpūrṇa॒madaḥ॒ pūrṇa॒mida॒-mpūrṇā॒tpūrṇa॒muda॒cyate |
pūrṇa॒sya pūrṇa॒mādā॒ya pūrṇa॒mevāvaśi॒ṣyate ||
oṃ śānti॒-śśānti॒-śśāntiḥ̭ ||
oṃ ī॒śā vā॒sya̭mi॒dagṃ sarvaṃ॒-ya~tkiñca॒ jaga̭tvā॒-ñjaga̭t |
tena̭ tya॒ktena̭ bhuñjīthā॒ mā gṛ̭dhaḥ॒ kasya̭svi॒ddhanam᳚ || 1 ||
ku॒rvanne॒veha karmā᳚ṇi jijīvi॒ṣecca॒tagṃ samāḥ᳚ |
e॒va-ntvayi॒ nānyathe॒to᳚-'sti॒ na karma̭ lipyatḙ nare᳚ || 2 ||
a॒su॒ryā॒ nāma॒ te lo॒kā a॒ndhena॒ tama॒sā-''vṛ̭tāḥ |
tāgṃste pretyā॒bhiga̭cchanti॒ ye ke cā᳚tma॒hano॒ janāḥ᳚ || 3 ||
ane᳚ja॒deka॒-mmana̭so॒ javī᳚yo॒ naina̭dde॒vā ā᳚pnuva॒npūrva॒mar​ṣa̭t |
taddhāva̭to॒-'nyānatye᳚ti॒ tiṣṭha॒ttasmin᳚na॒po mā᳚ta॒riśvā᳚ dadhāti || 4 ||
tade᳚jati॒ tanneja̭ti॒ taddū॒re tadva̭nti॒ke |
tada॒ntara̭sya॒ sarva̭sya॒ tadu॒ sarva̭syāsya bāhya॒taḥ || 5 ||
yastu sarvā᳚ṇi bhū॒tānyā॒tmanye॒vānu॒paśya̭ti |
sa॒rva॒bhū॒teṣṷ cā॒tmāna॒-ntato॒ na vihṷgupsate || 6 ||
yasmi॒nsarvā᳚ṇi bhū॒tānyā॒tmaivābhū᳚dvijāna॒taḥ |
tatra॒ ko mohaḥ॒ ka-śśokaḥ̭ eka॒tvama̭nu॒paśya̭taḥ || 7 ||
sa parya̭gāccu॒krama̭kā॒yama̭vraṇa॒ma̭snāvi॒ragṃ śu॒ddhamapā᳚paviddham |
ka॒virma̭nī॒ṣī pa̭ri॒bhū-ssva̭ya॒mbhū-ryā᳚thātathya॒to-'rthā॒n
vya̭dadhācchāśva॒tībhya॒-ssamā᳚bhyaḥ || 8 ||
a॒ndha-ntamaḥ॒ pravi̭śanti॒ ye-'vi̭dyāmu॒pāsa̭te |
tato॒ bhūya̭ iva॒ te tamo॒ ya ṷ vi॒dyāyā᳚gṃ ra॒tāḥ || 9 ||
a॒nyade॒vāyuri॒dyayā॒-'nyadā᳚hu॒ravi̭dyayā |
iti̭ śuśuma॒ dhīrā᳚ṇāṃ॒-ye~ na॒stadvi̭cacakṣi॒re || 10 ||
vi॒dyā-ñcāvi̭dyā-ñca॒ yastadvedo॒bhaya̭gṃ sa॒ha |
avi̭dyayā mṛ॒tyu-ntī॒rtvā vi॒dyayā-'mṛta̭maśnute || 11 ||
a॒ndha-ntamaḥ॒ pravi̭śanti॒ ye-'sam᳚bhūtimu॒pāsa̭te |
tato॒ bhūya̭ iva॒ te tamo॒ ya u॒ sambhū᳚tyāgṃ ra॒tāḥ || 12 ||
a॒nyade॒vāhu-ssam᳚bha॒vāda॒nyadā᳚hu॒rasam᳚bhavāt |
iti̭ śuśruma॒ dhīrā᳚ṇāṃ॒-ye~ na॒stadvi̭cacakṣi॒re || 13 ||
sambhū᳚ti-ñca viṇā॒śa-ñca॒ yastadvedo॒bhaya̭gṃ sa॒ha |
vi॒nā॒śena̭ mṛ॒tyu-ntī॒rtvā sambhū᳚tyā॒-'mṛta̭maśnute || 14 ||
hi॒ra॒ṇmaye᳚na॒ pātre᳚ṇa sa॒tyasyāpi̭hita॒-mmukham᳚ |
tatva-mpū᳚ṣa॒nnapāvṛ̭ṇu sa॒tyadha᳚rmāya dṛ॒ṣṭaye᳚ || 15 ||
pūṣa̭nnekar​ṣe yama sūrya॒ prājā᳚patya॒ vyū᳚ha ra॒śmīn
samū᳚ha॒ tejo॒ yatte᳚ rū॒pa-ṅkalyā᳚ṇatama॒-ntatte᳚ paśyāmi |
yo॒-'sāva॒sau purṷṣa॒-sso॒-'hama̭smi || 16 ||
vā॒yurani̭lama॒mṛta॒matheda-mbhasmā᳚nta॒gṃ॒ śarī̭ram |
oṃ 3 krato॒ smara̭ kṛ॒tagṃ sma̭ra॒ krato॒ smara̭ kṛ॒tagṃ sma̭ra || 17 ||
agne॒ naya̭ su॒pathā᳚ rā॒ye a॒smān viśvā̭ni deva va॒yanā̭ni vi॒dvān |
yu॒yo॒dhya॒smajjṷhurā॒ṇameno॒ bhūyi̭ṣṭā-nte॒ nama̭uktiṃ-vi~dhema || 18 ||
o-mpūrṇa॒madaḥ॒ pūrṇa॒mida॒-mpūrṇā॒tpūrṇa॒muda॒cyate |
pūrṇa॒sya pūrṇa॒mādā॒ya pūrṇa॒mevāvaśi॒ṣyate ||
oṃ śānti॒-śśānti॒-śśāntiḥ̭ ||
InfoLyter.in — Sacred Vedic Knowledge Portal · Free forever